ნეთანიაჰუ: ისრაელი ლიბანთან გამართავს პირდაპირ სამშვიდობო მოლაპარაკებებს, რომელთა მიზანი „ჰეზბოლას“ განიარაღებაა

ისრაელი ლიბანთან მოლაპარაკებებს რაც შეიძლება მალე დაიწყებს, - ნათქვამია პრემიერ-მინისტრ ბენიამინ ნეთანიაჰუს განცხადებაში.

„იმის გათვალისწინებით, რომ ლიბანმა არაერთხელ მოგვმართა ისრაელთან პირდაპირი მოლაპარაკებების დაწყების თხოვნით“, - აცხადებს ნეთანიაჰუ, - „მე გუშინ კაბინეტს მივეცი მითითება, რომ ლიბანთან პირდაპირი მოლაპარაკებები რაც შეიძლება მალე დაიწყონ.“

მოლაპარაკებების „მთავარი ფოკუსი „ჰეზბოლას“ განიარაღება და ისრაელსა და ლიბანს შორის მშვიდობიანი ურთიერთობების დამყარება იქნება.