ნატოს გაერთიანებული ძალების მეთაურის განცხადებით, უკრაინისთვის Patriot-ის ტიპის სისტემების გადაცემის სამზადისი დაწყებულია

კიევისთვის Patriot-ის ტიპის ჰაერსაწინააღმდეგო სისტემების გადაცემის სამზადისი დაწყებულია. ინფორმაციას Reuters-ი ევროპაში ნატოს გაერთიანებული ძალების მეთაურზე, ალექსუს გრინკევიჩზე დაყრდნობით ავრცელებს.

სააგენტოსთან ინტერვიუში ალიანსის მაღალჩინოსანი აცხადებს, რომ ცდილობენ უკრაინას საჰაერო თავდაცვითი სისტემები, რაც შეიძლება, სწრაფად მიაწოდონ და ამ მიზნით, გერმანიასთან აქტიური მუშაობა მიმდინარეობს.

„მომზადება სრული დატვირთვით მიმდინარეობს. ჩვენ Patriot-ის გადაცემის საკითხში ძალიან მჭიდროდ ვთანამშრომლობთ გერმანელებთან“, - ციტირებს სააგენტო გრინკევიჩს.