მინესოტას შტატმა დონალდ ტრამპის ადმინისტრაციის წინააღმდეგ სარჩელი შეიტანა, რათა საიმიგრაციო და საბაჟო თანამშრომლების შესვლა შეაჩერონ

მინესოტას შტატმა დონალდ ტრამპის ადმინისტრაციის წინააღმდეგ სარჩელი შეიტანა, რათა შტატში საიმიგრაციო და საბაჟო თანამშრომლების შესვლა შეაჩერონ.

სარჩელში ნათქვამია, რომ აგენტები მიგრანტებს თავს ესხმიან და ოპერაციების დროს მათი უსაფრთხოების უზრუნველსაყოფად დამატებითი აგენტებია საჭირო.

მინესოტას გენერალური პროკურორის, კიტ ელისონის განცხადებით, იმიგრაციის ოპერაციებმა მილიონობით ადამიანის სიცოცხლე შეცვალა და „ქაოსი, ძალადობა“ გამოიწვია.

„ათასობით შეიარაღებული, ნიღბიანი აგენტის მინესოტაში განლაგებამ ჩვენს შტატს სერიოზული ზიანი მიაყენა. ეს არსებითად ფედერალური შეჭრაა მინესოტას ტერიტორიაზე და უნდა შეწყდეს“, – განაცხადა ელისონმა პრესკონფერენციაზე.

სარჩელი ფედერალური სასამართლოს მიერ საიმიგრაციო და საბაჟო სამსახურის განლაგების უკანონოდ გამოცხადებას ითვალისწინებს. ტრამპის ადმინისტრაციამ აღნიშნულ სამართლებრივ ქმედებას „უსაფუძვლო“ უწოდა.

ცნობისთვის, მინეაპოლისში ოპერაციის დროს საიმიგრაციო და საბაჟო სამსახურის (ICE) აგენტმა ავტომობილში მყოფ ქალს ესროლა, რის შედეგადაც ქალი დაიღუპა.