მარკო რუბიო ლავროვთან შეხვედრაზე: ჩვენი სტრატეგიაა, გავაგრძელოთ ყველა მხარესთან მუშაობა ამ კონფლიქტის მოსაგვარებლად

აშშ-ის სახელმწიფო მდივანმა, მარკო რუბიომ განაცხადა, რომ რუსეთის საგარეო საქმეთა მინისტრ სერგეი ლავროვთან გამართულ შეხვედრაზე გაიმეორა პრეზიდენტ დონალდ ტრამპის იმედგაცრუება რუსეთ-უკრაინის ომის დასრულების მოლაპარაკებებში პროგრესის არარსებობის გამო.

„ჩვენი სტრატეგიაა, გავაგრძელოთ ყველა მხარესთან მუშაობა ამ კონფლიქტის მოსაგვარებლად. ჩვენ ჩავერთვებით ნებისმიერ დროს, როცა ამის შესაძლებლობა გვექნება, ისევე როგორც დღეს მოვიქეცით. მე გავიმეორე პრეზიდენტის ნათქვამი - იმედგაცრუება პროგრესის ნაკლებობის გამო“, - აღნიშნა აშშ-ის სახელმწიფო მდივანმა.