მამა და შვილი ნანგრევებიდან, 4 დღის შემდეგ, ცოცხლები ამოიყვანეს - ვენესუელაში დაკარგულებს ისევ ეძებენ

ვენესუელის დამანგრეველი მიწისძვრიდან ოთხი დღის შემდეგ, შენობის ნანგრევებიდან მამა და შვილი ცოცხლები ამოიყვანეს.

ფრანგი და ამერიკელი მაშველები მამა-შვილის გადარჩენაზე  12 საათის განმავლობაში მუშაობდნენ. ისინი ნანგრევებს სპეციალიზებული საძიებო კამერებით იკვლევდნენ.

როგორც მაშველებმა აღნიშნეს,  მამა და შვილი უკიდურესად დასუსტებულები არიან.

7.2 და 7.5 მაგნიტუდის სიმძლავრის მიწისქვეშა ბიძგები, რომლებიც ლათინური ამერიკის თანამედროვე ისტორიაში ერთ-ერთ ყველაზე ძლიერად მიიჩნევა, 24 ივნისს, საღამოს, კარაკასიდან დაახლოებით 160 კილომეტრის დაშორებით, დასავლეთით მოხდა.

ბოლო მონაცემებით, მიწისძვრას სულ მცირე 1450 ადამიანი ემსხვერპლა.