კონგოს დემოკრატიულ რესპუბლიკაში, აშშ-ის მოქალაქეს ებოლას ვირუსი დაუდასტურდა

აშშ-ის დაავადებათა კონტროლისა და პრევენციის ცენტრის ინფორმაციით, კონგოს დემოკრატიულ რესპუბლიკაში, ჰუმანიტარულ ორგანიზაციაში მომუშავე აშშ-ის მოქალაქეს, ებოლას ვირუსის "ბუნდიბუგიოს" შტამი დაუდასტურდა.

როგორც განცხადებაშია აღნიშნული, დაავადებათა კონტროლისა და პრევენციის ცენტრები თანამშრომლობს პაციენტის დამსაქმებელთან, სხვა ფედერალურ სააგენტოებთან და კონგოს დემოკრატიული რესპუბლიკის პარტნიორებთან, რათა ხელი შეუწყონ ინფექციის შემდგომი გავრცელების პრევენციას და მაღალი რისკის მქონე კონტაქტების იდენტიფიცირებას.