კირილ დმიტრიევი: როგორც ჩანს, გრენლანდიის ბედი გადაწყვეტილია, ევროკავშირი გააგრძელებს სიტუაციის მონიტორინგს და ორმაგი სტანდარტების დემონსტრირებას, შემდეგი კანადა იქნება?

რუსეთის პრეზიდენტის სპეციალური წარმომადგენელი კირილ დმიტრიევი აცხადებს, რომ გრენლანდიის ბედი გადაწყვეტილია. როგორც ის სოციალურ ქსელში წერს, ევროკავშირი აშშ-ის ვასალია.

დმიტრიევი ასევე აცხადებს, რომ აშშ-ის შემდეგი „სამიზნე“, შესაძლოა, კანადა გახდეს.

„როგორც ჩანს, გრენლანდიის ბედი გადაწყვეტილია – ევროკავშირი გააგრძელებს იმის კეთებას, რაც ვასალებს ყველაზე კარგად გამოსდით: „სიტუაციის მონიტორინგს“ და ორმაგი სტანდარტების დემონსტრირებას. შემდეგი კანადა იქნება? – წერს დმიტრიევი X-ში.

​ცნობისთვის, აშშ-ის პრეზიდენტმა, დონალდ ტრამპმა კიდევ ერთხელ განაცხადა, რომ შეერთებულ შტატებს გრენლანდია საკუთარი ეროვნული უსაფრთხოებისთვის სჭირდება. ევროპის ქვეყნების უმეტესობა დანიას სოლიდარობას უცხადებს.