კიევში აშშ-ის საელჩო საკუთარ მოქალაქეებს მოსალოდნელი მნიშვნელოვანი საჰაერო თავდასხმის შესახებ აფრთხილებს

კიევში აშშ-ის საელჩო აცხადებს, რომ მოსალოდნელი მასშტაბური საჰაერო თავდასხმის შესახებ მიიღეს ინფორმაცია, რომელიც შესაძლოა, მომდევნო რამდენიმე დღის განმავლობაში ნებისმიერ მომენტში მოხდეს. შესაბამის ინფორმაციას უკრაინაში აშშ-ის საელჩო ავრცელებს.

„კიევში აშშ-ის საელჩომ მიიღო ინფორმაცია პოტენციურად მნიშვნელოვანი საჰაერო თავდასხმის შესახებ, რომელიც შეიძლება მოხდეს მომდევნო რამდენიმე დღის განმავლობაში ნებისმიერ დროს. საელჩო, როგორც ყოველთვის, ურჩევს აშშ-ის მოქალაქეებს, მზად იყვნენ და საჰაერო განგაშის გამოცხადების შემთხვევაში დაუყოვნებლივ თავშესაფარს შეაფარონ თავი“, – ნათქვამია განცხადებაში.