ხანძრის მსხვერპლთა უმეტესობა ახალგაზრდები იყვნენ, სავსე გეგმებით, იმედითა და ოცნებებით - შვეიცარიაში, ახალი წლის ტრაგედიის დროს რამდენიმე დაღუპული 18 წლამდე ახალგაზრდაა

შვეიცარიის კონფედერაციის პრეზიდენტის, გაი პარმელენის თქმით, კრანს-მონტანაში ახალი წლის ღამეს, ბარში გაჩენილი ხანძრის მსხვერპლთა უმეტესობა ახალგაზრდები იყვნენ, "სავსე გეგმებით, იმედითა და ოცნებებით".

დაკარგულთაგან ზოგიერთი ან დადასტურებულად გარდაცვლილი, 18 წლამდე ასაკისაა. ახლა უკვე ადგილობრივებში აქტიური განხილვის თემაა, იყო თუ არა კანონიერი შესაბამისი ასაკის ახალგაზრდებისთვის ალკოჰოლის მიყიდვა? - შვეიცარიის ფედერალური კანონის თანახმად, ლუდისა და ღვინის გაყიდვა 16 წლიდანაა შესაძლებელი, ხოლო სპირტიანი სასმელების გაყიდვა მხოლოდ 18 წლის და უფროსი ასაკის პირებზე.

ქვეყნის საზოგადოებრივი ჯანმრთელობის ფედერალური ოფისის (FOPH) ცნობით, ვალეს კანტონში, სადაც ხანძარი გაჩნდა, სპეციალური კანონი ითვალისწინებს, რომ საღამოს 10 საათიდან 16 წლამდე ასაკის პირებს შეუძლიათ შევიდნენ ალკოჰოლური სასმელების მიმწოდებელ შენობაში, თუ მათ თან ახლავს კანონიერი მეურვე ან კანონიერი მეურვის მიერ უფლებამოსილი სხვა ზრდასრული.