კატარი აშშ-გან 42 მილიარდი დოლარის შეიარაღებას შეიძენს - ტრამპი

აშშ-ის პრეზიდენტმა, დონალდ ტრამპმა განაცხადა, რომ კატარი ამერიკისგან 42 მილიარდი დოლარის ღირებულების სამხედრო ტექნიკას შეიძენს.

„გუშინ ჩვენ კატართან ხელი მოვაწერეთ შეთანხმებას 42 მილიარდი დოლარის ოდენობის ამერიკული სამხედრო ტექნიკის შეძენის შესახებ, რომელიც მოიცავს THAAD-ის ტიპის რაკეტსაწინააღმდეგო ბატარეებს, Pegasus-ის ტიპის თვითმფრინავებს, მსუბუქ შეჯავშნილ მანქანებს Desert Vipers, საბრძოლო მანქანა-ამფიბიებს, უპილოტო საფრენ აპარატებს MQ-9B და Sky Guardian“, - თქვა ტრამპმა კატარში, ავიაბაზა ალ-უდეიდზე სიტყვით გამოსვლისას.