იტალიაში მიაგნეს სოფელს, სადაც ქალები რეკორდულად დიდხანს ცოცხლობენ

მეცნიერებმა იტალიაში მიაგნეს სოფელს, სადაც ქალები რეკორდულად დიდხანს ცოცხლობენ! 

სარდინიის მთიანეთში მდებარე პატარა დასახლება ბოლოტანაში მეცნიერებმა უკიდურესი დღეგრძელობის ახალ კერას მიაგნეს! ჟურნალ Frontiers in Aging-ში გამოქვეყნებული ახალი კვლევის თანახმად, შესაძლოა, სწორედ აქ ცხოვრობდეს მსოფლიოში ყველაზე დღეგრძელი ქალების პოპულაცია.

2021–2025 წლების დემოგრაფიულ მონაცემებზე დაყრდნობით, მეცნიერებმა ბოლოტანაში საოცარი სტატისტიკა გამოავლინეს.

100 წლამდე მიღწევის შანსი: ბოლოტანაში მცხოვრები 70 წლის ქალის შანსი, რომ 100 წლის ასაკს მიაღწიოს, 13,83%-ია! შედარებისთვის: იტალიის საშუალო მაჩვენებელი 3,54%-ია, ნუოროს პროვინციისა (სადაც მდებარეობს ბოლოტანა) — 4,33%, ხოლო აშშ-ის მონაცემებთან შედარებით ეს შანსი სამჯერ მაღალია.

სიცოცხლის მოსალოდნელი ხანგრძლივობა: 70 წლის ასაკიდან ბოლოტანელი ქალები საშუალოდ კიდევ 20,85 წელს ცოცხლობენ (იტალიის საშუალო — 18,06 წელი). მსოფლიოში ამ მაჩვენებლით ისინი მხოლოდ ჰონგ-კონგს ჩამორჩებიან.

ზუსტი საარქივო ჩანაწერები: ქალაქს აქვს დაბადებისა და გარდაცვალების საუკუნოვანი, უტყუარი საეკლესიო და მუნიციპალური ჩანაწერები, რაც ასაკის გადამოწმებას სრულყოფილს ხდის.

რა არის მათ დღეგრძელობის საიდუმლო?

მკვლევართა თქმით, ამაში წვლილი რამდენიმე ფაქტორს შეაქვს:მჭიდრო საზოგადოება: ერთმანეთზე ზრუნვა, ოჯახური მხარდაჭერა და სოციალური იზოლაციის არარსებობა.ნატურალური კვება: ადგილობრივად მოყვანილი პროდუქტები.ბუნებრივი აქტივობა: ციცაბო, ბორცვიან რელიეფზე ყოველდღიური ფეხით სიარული.