ისრაელი ირანელებს აფრთხილებს რკინიგზით გადაადგილებისგან თავი შეიკავონ

ისრაელის თავდაცვის არმიამ („ცაჰალმა“) ირანში მცხოვრებლები გააფრთხილა დღეს საღამომდე რკინიგზით მოგზაურობისგან თავი შეიკავონ. ინფორმაციას ისრაელური მედია ავრცელებს.

„ძვირფასო მოქალაქენო, თქვენივე უსაფრთხოებისთვის ამ მომენტიდან ირანის დროით 21:00 საათამდე თავი შეიკავეთ ირანში რკინიგზით გადაადგილებისგან“, - ციტირებს მედია „ცაჰალის“ პრესსპიკერს.

მისი თქმით, ადამიანების ყოფნა რკინიგზის ხაზებზე ან მათთან ახლოს უსაფრთხო არ იქნება.

აღსანიშნავია, რომ გუშინ ისრაელის თავდაცვის მინისტრმა, ისრაელ კაცმა განაცხადა, რომ „ცაჰალს“ მითითებები მისცა ირანული რეჟიმის ინფრასტრუქტურის განადგურება მთელი ძალით გააგრძელონ.