ირანის კრიმინალურ რეჟიმთან მოლაპარაკება მშვიდობას არ მოიტანს, დაუყოვნებელი მოქმედება ათასობით სიცოცხლეს გადაარჩენს და ეს იქნება პრეზიდენტ ტრამპის მემკვიდრეობა - რეზა ფეჰლევი

ირანის ყოფილი შაჰის, მოჰამედ რეზა ფეჰლევის ვაჟი, რეზა ფეჰლევი დონალდ ტრამპს მოუწოდებს, ირანის დასახმარებლად ახლავე იმოქმედოს.

მისი თქმით, რეჟიმი სუსტია და ხალხი მისი დამხობისთვის მზადაა.

„პრეზიდენტი ტრამპი ობამა არ არის. მისი სიტყვები ირანში მომიტინგეების მხარდასაჭერად ამას აჩვენებს. ახლა მოქმედების დროა. პრეზიდენტი მოქმედებისა და მშვიდობის კაცია. ახლა მას შეუძლია, იმოქმედოს ყველაზე დიდი მშვიდობის დასამყარებლად, რაც კი მსოფლიოს ოდესმე უნახავს: ირანელებისთვის ამ კრიმინალური რეჟიმის საბოლოოდ დასრულებაში დახმარების გაწევით. რეჟიმი სუსტია, ხალხი მზადაა მისი დამხობისთვის. მათ არ სჭირდებათ ჯარები ადგილზე. მათ მხოლოდ თავისუფალი სამყაროს ლიდერის მოქმედება სჭირდებათ. ამ კრიმინალურ რეჟიმთან მოლაპარაკება, რომელიც კვლავ ემუქრება ამერიკას და პრეზიდენტს, მშვიდობას არ მოიტანს. მაგრამ ამ მამაცი მომიტინგეების მხარდასაჭერად დაუყოვნებელი მოქმედება ათასობით სიცოცხლეს გადაარჩენს და რეგიონში ხანგრძლივ მშვიდობას მოიტანს. ეს იქნება პრეზიდენტ ტრამპის მემკვიდრეობა“, – წერს რეზა ფეჰლევი.