ირანელებო, დახმარება გზაშია - სენატორი ლინდსი გრემი

ირანელებო, დახმარება გზაშია, - წერს ამერიკელი სენატორი, ლინდსი გრემი სოციალურ ქსელში წერს. მისი თქმით, პრეზიდენტ ტრამპს კარგად აქვს გაცნობიერებული, რომ ირანში აიათოლას რეჟიმი უნდა დამარცხდეს.

როდესაც პრეზიდენტი ტრამპი ამბობს - „ისევ გავხადოთ ირანი დიდებული“, ეს ნიშნავს, რომ ირანში მომიტინგეებმა აიათოლა უნდა დაამარცხონ. პრეზიდენტმა ტრამპმა იცის, რომ ირანი ვერასოდეს გახდება დიდებული აიათოლასა და მის თანამოაზრეთა ხელმძღვანელებით. დახმარება გზაშია“, - წერს გრემი.

ირანზე შეერთებული შტატების შესაძლო თავდასხმის შესახებ დღეს რამდენიმე ამერიკულმა გამოცემამ დაწერა.

საპროტესტო აქციები თეირანში ორი კვირის წინ, ეკონომიკური სიდუხჭირის გამო დაიწყო. მას შემდეგ გამოსვლები ირანის ყველა პროვინციის 100-ზე მეტ ქალაქსა და დაბაში გავრცელდა. Time-ის ცნობით, ქციებზე 200-ზე მეტი ადამიანი დაიღუპა.