„ჰეზბოლას“ ლიდერი აცხადებს, რომ ისრაელის წინააღმდეგ ბრძოლას „ბოლო ამოსუნთქვამდე“ გააგრძელებს

„ჰეზბოლას“ ლიდერმა, ნაიმ ყასემმა პირობა დადო, რომ ისრაელის წინააღმდეგ ბრძოლას „ბოლო ამოსუნთქვამდე“ გააგრძელებს.

„ჩვენ არ დავეთანხმებით წინა ვითარებაში დაბრუნებას და მოვუწოდებთ ხელისუფლებაში მყოფებს, შეწყვიტონ თავისუფალი კომპრომისები“, – განაცხადა ნაიმ ყასემმა და ისრაელი, 2024 წლის ნოემბერში ცეცხლის შეწყვეტის შეთანხმების მიუხედავად, ახალი თავდასხმების განხორციელებაში დაადანაშაულა.

„ჩვენ არ გვეშინია მტრის მუქარის ან იარაღის, რადგან ჩვენ ვართ მიწის მფლობელები“, – აღნიშნა ნაიმ ყასემმა.

მანამდე, ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ მთავრობას ლიბანთან მოლაპარაკებების გამართვა დაავალა. თეირანი აცხადებს, რომ ლიბანში თავდასხმების გაგრძელებას არ შეეგუება.