გაეროში ირანის ელჩი აცხადებს, რომ ირანი არაბთა გაერთიანებული საამიროებისგან კომპენსაციას ითხოვს

ირანი არაბთა გაერთიანებული საამიროებისგან კომპენსაციას ითხოვს. ამის შესახებ გაერო-ში ირანის ელჩმა გენერალური მდივნის, ანტონიო გუტერეშისადმი გაგზავნილ წერილში განაცხადა.

თეირანმა არაბთა გაერთიანებული საამიროები ირანის ტერიტორიაზე აშშ-ის თავდასხმების ხელშეწყობაში დაადანაშაულა.

ელჩმა ამირ საეიდ ირავანიმ გუტერეშს მისწერა, რომ დარტყმები წარმოადგენდა „საერთაშორისო დონეზე უკანონო ქმედებას“ და განაცხადა, რომ არაბთა გაერთიანებული საამიროები პასუხისმგებელია რეპარაციებზე, მათ შორის მატერიალური და მორალური ზიანის კომპენსაციაზე.