„ესოშიეთედ პრესი“: ზელენსკიმ დაადასტურა, რომ უკრაინელი სამხედროები სპარსეთის ყურეში სამხედრო ოპერაციებში მონაწილეობდნენ

უკრაინის პრეზიდენტმა, ვოლოდიმირ ზელენსკიმ პირველად დაადასტურა, რომ უკრაინელი სამხედროები სპარსეთის ყურეში სამხედრო ოპერაციებში მონაწილეობდნენ. ინფორმაციას „ესოშიეთედ პრესი“ ავრცელებს.

ზელენსკის განცხადებით, უკრაინელმა სამხედროებმა სპარსეთის ყურის რამდენიმე ქვეყანაში ირანული დრონები ჩამოაგდეს.

უკრაინის პრეზიდენტის თქმით, ეს ოპერაციები წარმოადგენს უფრო ფართო ძალისხმევის ნაწილს პარტნიორების დასახმარებლად იმავე იარაღის წინააღმდეგ, რომელსაც რუსეთი უკრაინაში იყენებს.

მისივე თქმით, უკრაინულმა ძალებმა საზღვარგარეთ აქტიურ ოპერაციებში მიიღეს მონაწილეობა და გამოიყენეს უკრაინაში წარმოებული და უკრაინაში საბრძოლო პირობებში გამოცდილი დრონების საწინააღმდეგო ტექნიკა.