დააკავეს პენსიონერი, რომელსაც მოქმედი, მაღალი ძაბვის ხაზიდან ერთი კილომეტრის სიგრძის მავთულების მოპარვა ბრალდება (რუსეთი)

უდმურტიაში სამართალდამცველებმა დააკავეს ადგილობრივი მცხოვრები, რომელიც მაღალი ძაბვის ხაზიდან ერთ კილომეტრზე მეტი სიგრძის მავთულების მოპარვას ცდილობდა. ამის შესახებ რეგიონული შინაგან საქმეთა სამინისტროს პრესსამსახური იუწყება.

გამოძიების ინფორმაციით, 65 წლის პენსიონერმა იანვრის შუა რიცხვებში ბენზოხერხის დახმარებით დამოუკიდებლად გადაჭრა თორმეტი საყრდენი, წინასწარ გამორთო ელექტროენერგია და მათგან მოხსნა მავთულები და საიზოლაციო კაუჭები. მოპარული ნივთების ნაწილი მან მოტობუქსირის საშუალებით საკუთარ სახლში გადაიტანა. ენერგოკომპანიისთვის მიყენებული ზარალი 250 ათას რუბლად არის შეფასებული.

„ენერგოკომპანიისთვის მიყენებული ზიანი 250 000 რუბლს შეადგენს. ეჭვმიტანილის მიმართ აღკვეთის ღონისძიების სახით არჩეულია ქვეყნიდან გაუსვლელობის ხელწერილი. აღნიშნული დანაშაულისთვის გათვალისწინებულია სასჯელი თავისუფლების აღკვეთის სახით ექვს წლამდე ვადით“, - ნათქვამია განცხადებაში.