დააკავეს მშობლები, რომლებმაც 4 წლის ბავშვი მოკლეს და კვალის დაფარვის მიზნით ცხედარი მჟავაში მოათავსეს

აშშ-ის სამხრეთ კაროლინის შტატში მშობლებმა ოთხი წლის ქალიშვილი მოკლეს, შემდეგ კი მისი სხეული მჟავაში გახსნეს და წყალსაცავში გადაყარეს. ამ შემზარავი დანაშაულის შესახებ უცხოური მედია წერს. 

გამოძიების მასალების მიხედვით, გოგონა, სახელად ჯავეა ჰარისი, თითქმის ერთი თვით ადრე გარდაიცვალა, სანამ დედამისი პოლიციას ბავშვის დაკარგვის შესახებ განცხადებით მიმართავდა. გამომძიებლები ვარაუდობენ, რომ ბავშვმა სასტიკი ცემის დროს თავის ქალისა და ტვინის სასიკვდილო ტრავმა მიიღო, თუმცა მშობლებმა ექიმები არ გამოიძახეს. დანაშაულის დაფარვის მიზნით, მათ აგრესიული ქიმიკატები გამოიყენეს სხეულის გახრწნის დასაჩქარებლად, რის შემდეგაც ნაშთები სიდიარ-კრიკის წყალსაცავში გადაღვარეს. სამძებრო ოპერაციის დროს მხოლოდ სხეულის ფრაგმენტების პოვნა მოხერხდა. ჩატარებულმა დნმ-ის ექსპერტიზამ დაადასტურა, რომ ისინი გარდაცვლილ ჯავეას ეკუთვნოდა.

ეიკენის ოლქის შერიფმა, მარტი სოიერმა აღიარა, რომ სამსახურის 37 წლის განმავლობაში მსგავს სისასტიკეს არ შეხვედრია. გოგონას გაუჩინარების შესახებ სიგნალის მიღების შემდეგ, ძებნაში 200-მდე მაშველი, პოლიციელი და ფსბ-ის (FBI) აგენტი ჩაერთო.

ორივე მშობელს ბრალი წარედგინა ბავშვის მკვლელობისთვის დამამძიმებელ გარემოებებში, ასევე ადამიანის ნაშთების განადგურებისა და შეურაცხყოფისთვის.