დააკავეს მამაკაცი, რომელმაც რკინიგზიდან 100 მეტრი კაბელი მოიპარა და ასობით ადამიანის სიცოცხლე საფრთხეში ჩააგდო

საბერძნეთი: მამაკაცმა რკინიგზიდან 100 მეტრი კაბელი მოიპარა და ასობით ადამიანის სიცოცხლე საფრთხეში ჩააგდო. მედიის მიერ გავრცელებულ ვიდეოში აღწერილია 38 წლის მამაკაცის მოქმედება იმ დროს, როდესაც ის გლეჯს კაბელებს, რომლებიც ამარაგებენ სამგზავრო მატარებლის (პროასტიაკოს) უსაფრთხო გადაადგილების უზრუნველყოფის სისტემებს.

ელექტროშოკის მიღების ან მოძრავი მატარებლის ქვეშ მოყოლის რისკის მიუხედავად, ჩანს, როგორ ხტება 38 წლის მამაკაცი ბაქნიდან ზეფირის სადგურის ლიანდაგებზე. დაუფარავად და თანამზრახველის დახმარებით, ის იწყებს იმ კაბელების გლეჯას, რომლებიც უსაფრთხოების კრიტიკულ სისტემებს კვებავენ მატარებლების გადაადგილებისას.
როგორც ვიდეოში ჩანს, უსაფრთხოების კამერები აფიქსირებენ, როგორ ჭრის 38 წლის მამაკაცი კაბელებს და აზიანებს სასიგნალო ინფრასტრუქტურას. ის უგულებელყოფს მგზავრებისა და თანამშრომლების უსაფრთხოებას და ცდილობს, რაც შეიძლება მეტი მეტრი სპილენძი მოიპაროს.

ქურდობიდან ორი კვირის შემდეგ, პოლიციელები სადგურზე აკავებენ ქურდობაში ეჭვმიტანილთა ჯგუფს. ვიდეოში ჩანს, რომ მათ შორის დამნაშავეც არის, ხოლო მისი კიდევ ერთი თანამზრახველი ბაქნიდან ფანრით ჩნდება. პოლიციელებმა ისიც იცნეს და დააკავეს.

პოლიციის ინფორმაციით, 31 იანვარს 38 წლის მამაკაცი სადგურზე შეიპარა და დაიწყო 100 მეტრი სიგრძის კაბელების გლეჯა, რამაც გამოიწვია პრობლემა მატარებლის ფოტოსიგნალიზაციაში და საფრთხე შეუქმნა მგზავრებსა და პერსონალს.

რეპორტაჟის თანახმად, ანო ლიოსიას სადგური ზეფირის სადგურიდან სულ რაღაც 600 მეტრითაა დაშორებული, ხოლო მარშრუტის ნაწილი მიწისქვეშაა. პოლიციელების თქმით, დამნაშავემ გაიარა ქსელის გასწვრივ და ლიანდაგებიდან ავტომატიზაციის დეტალები მოხსნა. როგორც რკინიგზის თანამშრომლები ამბობენ, მათმა კოლეგებმა მაშინვე დროული რეაგირება მოახდინეს.რკინიგზელთა ფედერაციის (OSE) გენერალურმა მდივანმა, ნიკოს ციკალაკისმა თავის მხრივ აღნიშნა, რომ პერსონალმა დროულად იმოქმედა და გაატარა გათვალისწინებული ზომები, რათა მატარებლების მოძრაობა უსაფრთხოდ გაგრძელებულიყო.დამნაშავის წინააღმდეგ აღიძრა სისხლის სამართლის საქმე განსაკუთრებით დიდი ოდენობით ქურდობის მუხლით.