CNN-ის ბოლო განახლება - რა მდგომარეობაა ამ დროისთვის ირანსა და ისრაელში

რა მდგომარეობაა ამ დროისთვის ირანსა და ისრაელში  - CNN -მა ამ დროისთვის ყველაზე მნიშვნელოვან ცნობებს მოუყარა თავი.

„აშშ და ისრაელი იერიშებს ახორციელებდნენ ირანზე შაბათს დილიდან, რაც, როგორც ისრაელის სამხედროები აცხადებენ, „მჭიდრო და ერთობლივი დაგეგმვის" შედეგია. ისრაელი აცხადებს, რომ მისი იერიშები მიმართულია ირანის უზენაესი ლიდერის, პრეზიდენტისა და შეიარაღებული ძალების მეთაურის წინააღმდეგ. აშშ ასევე გეგმავს რამდენიმე დღის განმავლობაში თავდასხმებს.

ტრამპი მოითხოვს რეჟიმის შეცვლას: პრეზიდენტმა დონალდ ტრამპმა აღწერა აშშ-ის სამხედრო კამპანია, როგორც "მასიური და უწყვეტი", მან ასევე დაადანაშაულა თეირანი, რომ ის ცდილობს განაახლოს თავისი ბირთვული პროგრამა. ირანი აცხადებს, რომ მისი ბირთვული პროგრამა მშვიდობიან მიზნებს ემსახურება.

ირანის საპასუხო იერიშები: ირანმა უპრეცედენტო საპასუხო იერიშების ტალღა წამოიწყო ისრაელსა და აშშ-ის სამიზნეების მიმართ მთელს ახლო აღმოსავლეთში. აფეთქებების შესახებ ინფორმაცია გავრცელდა სხვადასხვა ქვეყნებიდან, მათ შორის არაბული ემირატებიდან, ბაჰრეინიდან და კატარიდან.“ - წერს CNN.