„ჩვენ ამერიკის იმედი გვაქვს“ - ზელენსკი

„ჩვენ ამერიკის იმედი გვაქვს“, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა, იუწყება BBC.

X-ზე გაკეთებულ განცხადებაში ზელენსკიმ გაიმეორა ტრამპის კომენტარი და აღნიშნა, რომ დღევანდელ შეხვედრას მართლაც „დიდი ფსონები“ აქვს და დასძინა, რომ სამიტმა „სამართლიანი მშვიდობისკენ რეალური გზა უნდა გახსნას“ და ხელი შეუწყოს უკრაინას, აშშ-სა და რუსეთს შორის სამმხრივ შეხვედრას.

ზელენსკის თქმით, უკრაინა დამატებით ძალებს აგზავნის, რათა შეაჩეროს რუსეთის წინსვლა აღმოსავლეთ უკრაინაში, მათ შორის, დონეცკისა და ზაპოროჟიეს რეგიონებში, იმ ორ რეგიონში, რომლებიც, სავარაუდოდ, დღევანდელი მოლაპარაკებების მთავარი თემა იქნება.

როგორც BBC წერს, ზელენსკიმ განცხადების ბოლოს რუსეთს ომის დასრულებისკენ და ამისთვის „აუცილებელი ნაბიჯების“ გადადგმისკენ მოუწოდა.