ბრიუსელი არ ეთანხმება ვატიკანის კრიტიკას ომთან დაკავშირებით ევროკავშირის ორმაგი სტანდარტების შესახებ

ბრიუსელი არ ეთანხმება ვატიკანის კრიტიკას ომთან დაკავშირებით ევროკავშირის ორმაგი სტანდარტების შესახებ. ევროკავშირმა დაიცვა საერთაშორისო სამართლისადმი თავისი ერთგულება მას შემდეგ, რაც ვატიკანმა გასულ კვირას ბრიუსელი ომის დროს ორმაგი სტანდარტების გამოყენებაში დაადანაშაულა.

26 ივნისს, ომის თემაზე პაპ ლეო XIV-ის მიერ გამართულ დახურულ კონფერენციაზე გამოსვლისას ვატიკანის დოქტრინალური ხელმძღვანელი, კარდინალი ვიქტორ მანუელ ფერნანდესი ამტკიცებდა, რომ მთავრობები სულ უფრო ხშირად მიმართავენ საერთაშორისო სამართალს პოლიტიკური მიზანშეწონილობის და არა უნივერსალური პრინციპების საფუძველზე.

ზოგიერთი ქვეყნისთვის სანქციების დაწესების, სხვებისთვის კი სამხედრო და ფინანსურ მხარდაჭერის გაწევის გამო, მაშინაც კი, როდესაც სხვაგან „უფრო სერიოზულ პრობლემებს აწყდება კიდევ უფრო სასტიკი შედეგებით“, კარდინალმა ბლოკი საგარეო პოლიტიკაში არათანმიმდევრულობაში დაადანაშაულა. ფერნანდესის მტკიცებით, ეს წინააღმდეგობა ასახავს პოლიტიკურ და ეკონომიკურ ინტერესებს და არა საერთაშორისო სამართლისადმი სტაბილურ ერთგულებას.

„ჩვენ, როგორც წესი, კომენტარებზე კომენტარს არ ვაკეთებთ“, – განუცხადა „პოლიტიკოს“ ევროკომისიის პრესსპიკერმა, პაულა პინიომ.

„პოლიტიკოს“ თანახმად, ბრიუსელში ყველა არ იყო ასეთი ფრთხილი და კრიტიკამ სწრაფად მოიპოვა მხარდაჭერა ევროპარლამენტის ზოგიერთ წევრში.