ბევრი სიურპრიზი გვაქვს მომზადებული - აბას არაღჩი

ნავთობის ფასები გაორმაგდა, ხოლო ყველა სხვა საქონლის ფასი მკვეთრად იზრდება, – ამის შესახებ ირანის საგარეო საქმეთა მინისტრმა განაცხადა.

აბას არაღჩიმ ოპერაცია „ეპიკურ მრისხანებას“ „ეპიკური შეცდომა“ უწოდა და აღნიშნა, რომ ამერიკას ნავთობის ფასების ზრდასთან ერთად „ბევრი სიურპრიზი“ ელოდება.

„ოპერაცია „ეპიკური შეცდომის“ დაწყებიდან ცხრა დღეში ნავთობის ფასები გაორმაგდა, ხოლო ყველა სხვა საქონლის ფასი მკვეთრად იზრდება. ჩვენ ვიცით, რომ აშშ გეგმავს შეთქმულებას ჩვენი ნავთობისა და ბირთვული ობიექტების წინააღმდეგ იმ იმედით, რომ შეაკავებს უზარმაზარ ინფლაციურ შოკს. ირანი სრულად მზად არის და ჩვენც ბევრი სიურპრიზი გვაქვს მომზადებული“, – წერს არაღჩი სოციალურ ქსელში.

9 days into Operation Epic Mistake, oil prices have doubled while all commodities are skyrocketing. We know the U.S. is plotting against our oil and nuclear sites in hopes of containing huge inflationary shock. Iran is fully prepared.

And we, too, have many surprises in store. pic.twitter.com/UNQu0fVZE2

— Seyed Abbas Araghchi (@araghchi) March 9, 2026