„სამი სიცოცხლე ერთდროულად ჩაქრა...“ - ცეკვის აკადემია „დიდგორი“
1784198497
მერილენდის შტატის პოლიციამ უჩვეულო დანაშაული გამოიძია - კაცმა კატის მეშვეობით ბანკის გაძარცვა სცადა. ეჭვმიტანილმა ქალაქ ბელტსვილის ზოომაღაზიიდან 3.5 თვის შავ-თეთრი კნუტი, სახელად მაგნოლია მოიპარა, მეზობლად მდებარე ბანკში შევიდა და ცხოველი ძარცვის თანამონაწილედ აქცია. მან ბანკის მენეჯერს სთხოვა, კნუტი დაეჭირა, სანამ თავად მოლარისთვის მუქარის წერილს წერდა, რომელშიც მთელ ნაღდ ფულს ითხოვდა.
ძარცვის მცდელობა ჩაიშალა და პოლიციამ თავდამსხმელი ადგილზევე დააკავა. ცხოველთა დამცველ ორგანიზაციაში თავდაპირველად ეგონათ, რომ პოლიციის ასეთი მობილიზება მხოლოდ კატის მოპარვას უკავშირდებოდა, თუმცა მალევე გაირკვა, რომ საქმე ბანკის ძარცვას ეხებოდა. თავად მაგნოლია სრულიად უვნებელი იპოვეს ბანკის მენეჯერის კაბინეტში, სადაც მან და მენეჯერმა ერთობლივად გადატანილი სტრესის ფონზე დამეგობრებაც კი მოასწრეს.
როგორც გაირკვა, ეჭვმიტანილი ზოომაღაზიაში მანამდე ორი კვირის განმავლობაში ყოველდღე მიდიოდა და კნუტს აკვირდებოდა. ახლა მაგნოლია უსაფრთხოდ არის და კვლავ ახალ მფლობელს ელოდება. ცხოველთა დამცველები ხუმრობენ, რომ კნუტის „კრიმინალური ცხოვრება“ უკვე წარსულს ჩაბარდა და ამიერიდან ის მხოლოდ ადამიანების გულების, ტკბილეულისა და სათამაშოების მოპარვას აპირებს.
