ამერიკელებს, რომლებსაც ებოლას ვირუსთან შემხებლობა ჰქონდათ, კენიის სამედიცინო დაწესებულებაში გაგზავნიან

თეთრმა სახლმა დაადასტურა, რომ აშშ კენიაში სპეციალურ სამედიცინო დაწესებულებას გახსნის, სადაც ებოლას ვირუსით ინფიცირებულ ამერიკის მოქალაქეებს უმკურნალებენ. ინფორმაციას ABC News ავრცელებს.

მედიის ცნობით, ობიექტი სახელმწიფო დეპარტამენტის, ჯანდაცვისა და თავდაცვის უწყებების კოორდინაციით იმუშავებს.

ამასთან, აშშ-ის სახელმწიფო მდივანმა Marco Rubio განაცხადა, რომ ადმინისტრაცია ყველაფერს გააკეთებს, რათა ებოლას ვირუსი შეერთებულ შტატებში არ გავრცელდეს.

„ჩვენ არ დავუშვებთ ებოლას ვირუსის შეღწევას შეერთებულ შტატებში,“ — განაცხადა რუბიომ.