14 წლის ბიჭს თევზაობის დროს ზვიგენმა უკბინა - მოზარდის მდგომარეობა კრიტიკულია (უცხოეთი)

ავსტრალიაში 14 წლის ბიჭი ზვიგენის თავდასხმის შემდეგ საავადმყოფოში მოათავსეს. ამის შესახებ უცხოური მედია წერს.

გამოცემის ცნობით, მოზარდს ზვიგენმა უკბინა, როდესაც ის მეგობრებთან ერთად თევზაობდა. შემთხვევა 11 ოქტომბერს მოხდა.

„მისმა მეგობრებმა წარმოუდგენელი მამაცობა გამოიჩინეს, რათა მას უსაფრთხო ადგილას დაბრუნებაში დახმარებოდნენ“, - განაცხადა ექიმმა.

წყალში შესვლის შემდეგ ბიჭს ზვიგენმა მკერდზე უკბინა. კუნძულზე სასწრაფო დახმარების სამსახურები დაახლოებით საღამოს 6:30 საათზე გამოიძახეს.

ინციდენტის შემდეგ მოზარდი ახლომდებარე საავადმყოფოში გადაიყვანეს. მოგვიანებით ის ვერტმფრენით სხვა საავადმყოფოში გადაიყვანეს. საბჭოს ცნობით, იქ მას „სასწრაფო ოპერაცია“ ჩაუტარდა.

ბიჭი კრიტიკულ მდგომარეობაშია. ახალგაზრდა ბიჭმა მნიშვნელოვანი რაოდენობით სისხლი დაკარგა და სიცოცხლისთვის საშიში დაზიანებები მიიღო მუცლისა და შინაგანი ორგანოების არეში.