რატომ აქვს გადამფრენი ფრინველების გუნდს V წყობა და სად იკავებენ ადგილს ყველაზე სუსტები

შემოდგომა ფრინველების თბილ ქვეყნებში გადაფრენის დროა. სწორედ ამ დროს დიდი ფრინველები - წეროები, ბატები, ვარხვები სოლისებურად ანუ V-ს მსგავსი ფორმით ჯარისკაცებივით ეწყობიან და სამხრეთისკენ მიფრინავენ.

რატომ აქვს გადამფრენი ფრინველების გუნდს V წყობა?

მეცნიერებმა ჩაატარეს კვლევა, რომლის დროსაც გაირკვა, რომ „სოლისებური განლაგება“ ფრინველებს ეხმარება დაიჭირონ ჰაერის მოძრაობა, რომელიც წინა ფრინველების ფრთების ქნევისას წარმოიქმნება.

ეს ფრინველებს ენერგიის დაზოგვის საშუალებას აძლევს - მეორე რიგი უადვილებს მესამეს, მესამე მეოთხეს და ასე შემდეგ. „სოლისებური განლაგება“ ფრინველებზე დატვირთვას ამცირებს და ფრენის სიჩქარეს მინიმუმ 71%-ით ზრდის.

ეს აეროდინამიკის წესია. ფრინველებმა, რა თქმა უნდა, ჰაერის მოძრაობის კანონების შესახებ არაფერი იციან, თუმცა მათ ბუნებრივი ინსტინქტი უკარნახებს, როგორ იფრინონ უფრო მარტივად.

ყველაზე სუსტი ფრინველები ყოველთვის რიგის ბოლოს ფრენენ, სადაც ჰაერის წინააღმდეგობა V წყობის დამსახურებით მინიმალურია. ისინი, ფაქტობრივად, წინ მყოფთა ფრთების მოძრაობისას წარმოქმნილი ჰაერის ტალღებზე ფარფატებენ.