რჩევები • 1715172060

ეს 5 მცირე ცვლილება, ერთი კვირაში, თქვენს ცხოვრებას რადიკალურად შეცვლის

ჩვევების შეცვლა ადვილი პროცესი არ არის. მაგრამ თუ დაიწყებთ მცირე ნაბიჯებით, მაგალითად, მიზნად მხოლოდ 1 კვირას დაისახავთ და არა მთელს ცხოვრებას, პროცესი გაადვილდება. ეს საშუალებას მოგცემთ გაარკვოთ, რომელია თქვენთვის ყველაზე სასარგებლო ჩვევა და ამასთან გადაწყვიტოთ, რომელი გსურთ, რომ თქვენი ცხოვრების წესი გახდეს. #1 - არ იწუწუნოთ!ნორმის ფარგლებში წუწუნი პრობლემა არ არის, მაგრამ თუ ზედმეტად ბევრს ვწუწუნებთ, ეს ხდება ნეგატივის წყარო არა მხოლოდ ჩვენთვის, არამედ გარშემომყოფებისთვისაც. თუ წუწუნი თქვენი ჩვევაა, მაშინ სავარაუდოა, რომ ნებისმიერ სიტუაციაში ადვილად ხედავთ ნეგატივს და ძალიან გიჭირთ პოზიტივის დანახვა.შეეცადეთ თავი აარიდოთ წუწუნს ერთი კვირის განმავლობაში. ამის ნაცვლად, ფოკუსირება მოახდინეთ დადებით მხარეებზე და შეეცადეთ შეაქოთ სხვა ადამიანები - ყველგან, სადაც შესაძლებელია! მოერიდეთ ნეგატიური იდეებისა და აზრების სხვებთან გაზიარებას. ასევე, ნეგატიურ სიტუაციებზე ზედმეტ ორიენტირებას. 1 კვირის შემდეგ ნახავთ, თუ როგორ შეიცვლება თქვენი განწყობა!#2 - სახლში კარგად ჩაიცვით.თუ სახლიდან მუშაობთ ან მთელ დღეს სახლში ატარებთ, დიდი შანსია, რომ პიჟამას გამოცვლას არც ფიქრობთ. მაგრამ, ჩვენი რჩევაა, რომ კარგად ჩაიცვათ და მოწესრიგდეთ - ეს დაგეხმარებათ იყოთ უფრო პროდუქტიული და მეტად ენერგიული.#3 - არ დაიწყოთ დილა ტელეფონით.  ადამიანების უმეტესობა, პირველი, რასაც გაღვიძების შემდეგ აკეთებს, ტელეფონის შემოწმებაა. შეეცადეთ, ეს ჩვევა, ერთი კვირის განმავლობაში დაივიწყოთ. ამის ნაცვლად, შეგიძლიათ მოამზადოთ საუზმე, იფიქროთ, ცოტა წაიკითხოთ ან გააკეთოთ ნებისმიერი სხვა აქტივობა, სანამ ყოველდღიურ საქმიანობას შეუდგებით.#4 - იყავით მადლიერი!ყოველდღიურად, იპოვეთ მინიმუმ ერთი რამ, რისთვისაც მადლობელი ხართ და გამოხატეთ. აუცილებელი არ არის, ეს სხვებს გაუზიაროთ, მთავარია საკუთარ თავთან აღნიშნოთ, რომ დღეს, აი ამის, უზომოდ მადლიერი ვარ!ეს პრაქტიკა, ცხოვრებაში ბედნიერების მოზიდვის გარანტიაა.#5 - დალიეთ წყალი.თუ 1 კვირის განმავლობაში შეეცდებით მიიღოთ საკმარისი რაოდენობის წყალი, ჩვენ გპირდებით, რომ ამ ჩვევას არასოდეს დაივიწყებთ. მიზეზი მარტივია - გაუმჯობესდება თქვენი კანი, განწყობა, გააქტიურდება საჭმლის მომნელებელი სისტემა და თავს ბევრად უკეთ იგრძნობთ, ვიდრე ოდესმე!

სამართალი • 1715171441

პროკურატურამ ლანჩხუთში მომხდარი ძალადობის ფაქტზე ერთ პირს ბრალდება წარუდგინა

საქართველოს პროკურატურამ ორი პირის მიმართ ჩადენილი ფიზიკური ძალადობის ფაქტზე კ.ფ.-ს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ 2024 წლის 5 მაისს, ქალაქ ლანჩხუთში, ალკოჰოლური თრობის ქვეშ მყოფმა კ.ფ.-მ მეზობლად მცხოვრები ორი პირის მიმართ ფიზიკურად იძალადა, კერძოდ, ორივე მათგანს სახის არეში ხელი დაარტყა.კ.ფ.-ს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „გ“ ქვეპუნქტით (ძალადობა, ჩადენილი ორი პირის მიმართ) წარედგინა, რაც ორ წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების შეფარდების თაობაზე სასამართლოს კანონით დადგენილ ვადაში მიმართავს.

საზოგადოება • 1715170472

ამინდის გრძელვადიანი პროგნოზი - ნახეთ, როდის გამოიდარებს

სინოპტიკოსი თამარ პაპაშვილი „რუსთავი 2-თან“ საუბრისას აცხადებს, რომ 13-14 მაისამდე უმეტესად წვიმა და ძლიერი ქარია მოსალოდნელი.„ხვალ და ზეგ თბილისში კარგი ამინდია, შემდეგ ისევ იცვლება, მერე ერთი დღით გამოიდარებს, 8-9 მაისს უნალექო ამინდი მოსალოდნელი, 10-ში წვიმაა, 11-ში გამოიდარებს და 12-13-ში ისევ იწვიმებს. დასავლეთშიც ქარია მოსალოდნელი“, - აცხადებს სინოპტიკოსი.მისივე თქმით, უქმე დღეებში მოსალოდნელია ამინდის გაუარესება როგორც დასავლეთით, ასევე აღმოსავლეთით. ქარი გაძლიერდება, ზღვაზე მოსალოდნელია შტორმი.„12-13 მაისს მთელი საქართველოს ტერიტორიისთვის უამინდობაა. მაგალითად, გუშინდელ დღემდე, დასავლეთში ტემპერატურა +15-20 გრადუსის ფარგლებში იყო, ახლა, მოიმატებს +28-30-მდე, მაგალითად აჭარაში. თბილისსა და აღმოსავლეთ საქართველოში +20-25-ის ფარგლებში დაფიქსირდება.არამდგრადი ამინდები შენარჩუნდება 15 მაისამდე“ - ამბობს სინოპტიკოსი.

მსოფლიო • 1715169043

რუსმა ოკუპანტებმა უკრაინას 55 რაკეტითა და 21 დრონით შეუტიეს, ჰაერსაწინააღმდეგო სისტემებმა მათი უმეტესობა გაანადგურა

რუსეთის არმიამ უკრაინას 55 რაკეტითა და 21 დრონით შეუტია, ჰაერსაწინააღმდეგო სისტემებმა მათი უმეტესობა გაანადგურა. კიევში უკრაინის საჰაერო ძალებმა ოკუპანტის სარაკეტო იერიში მოიგერია.კიევის ოლქში 14 საცხოვრებელი სახლი დაზიანდა, ორი ადამიანი დაშავდა. დაზიანებულია ლვოვის ოლქის მსხვილი თბოელექტროსადგური. უკრაინის პრეზიდენტი, რუსეთის მხრიდან გააქტიურებული იერიშების ფონზე, დასავლელ პარტნიორებს დროული დახმარებისკენ მოუწოდებს.

პოლიტიკა • 1715168618

წარმოუდგენელი მასშტაბის ზეწოლა ხორციელდება ჩვენს ფეხბურთელებზე, რომლებმაც ისტორიაში პირველად საქართველოს დროშა უნდა ჩაიტანონ ევროპის შუაგულში - ლევან კობიაშვილი

წარმოუდგენელი მასშტაბის ზეწოლა ხორციელდება ჩვენს ფეხბურთელებზე, რომლებმაც ისტორიაში პირველად საქართველოს დროშა უნდა ჩაიტანონ ევროპის შუაგულში, – ამის შესახებ ფეხბურთის ფედერაციის პრეზიდენტმა, ლევან კობიაშვილმა სოციალურ ქსელში წერს.მისივე თქმით, ნაკრების ფეხბურთელები საქართველოს წარმოადგენენ, მათთვის შეურაცხყოფის მიყენება კი ჩვენი ქვეყნისა და მოსახლეობის შეურაცხყოფაა.„წარმოუდგენელი მასშტაბის ზეწოლა, თავდასხმა და შეურაცხყოფა ხორციელდება ჩვენს ბიჭებზე, ფეხბურთელებზე, იმ ადამიანებზე, რომლებმაც სულ რაღაც რამდენიმე კვირაში, პირველად ისტორიაში, სრულიად დამსახურებულად და ღირსეულად საქართველოს დროშა უნდა ჩაიტანონ ევროპის შუაგულში, გერმანიაში და წარადგინონ ჩვენი ქვეყანა.უპირველესად, ხაზგასმით მინდა აღვნიშნო, რომ საქართველოს საფეხბურთო ნაკრები და ნაკრების ფეხბურთელები წარმოადგენენ საქართველოს, ქართველ ხალხს და მათთვის შეურაცხყოფის მიყენება ჩვენი ქვეყნისა და მოსახლეობის შეურაცხყოფაა.დაიწყო თუ არა აქტუალური პროცესები, მივმართე საზოგადოებას, რომ ფეხბურთელები დაგვეცვა ამ პროცესებში ჩართვისგან, რადგან სპორტსმენებს ჩვენი ქვეყნისთვის ბევრად დიდი მისია აკისრიათ, ვიდრე ვინმეს სასარგებლოდ პოზიციის დაფიქსირება შეიძლება იყოს. მიუხედავად ამისა, არ წყდება მათზე თავდასხმები. დღესაც, სხვადასხვა სოციალურ ქსელებსა და მედიასაშუალებებში ვხედავთ და კიდევ ერთხელ დასტურდება, კონკრეტული მავნებელი ოპოზიციური ლიდერების მიერ განხორციელებული გაუგონარი თავდასხმები და შეუაცხყოფის დონე საქართველოს საფეხბურთო ნაკრების და ფეხბურთელების მიმართ. განსაკუთრებით აქტიურობენ და ამ პროცესებს სრულად მართავენ ისინი, ვისაც რეალურად არც ფეხბურთი აინტერესებს და არც საქართველოს გამარჯვება.ეს ის ადამიანები არიან, რომლებიც წლების წინ, როდესაც ჩვენი საამაყო ბიჭები ჯერ კიდევ ბავშვები იყვნენ, მათთვის განკუთვნილ მოედნებს და სტადიონების ანგრევდნენ, ყიდდნენ და ფეხბურთელებს პროფესიულ მომავალს, ჩვენს ქვეყანას კი ქართულ სპორტს უნადგურებდნენ. ეს ის ადამიანები არიან 26 მარტის წარმატების შემდეგ, სხვადასხვა ეთერებში ნაკრების მაისურით, რომ გამოგვეცხადნენ და საუბრობდნენ ამ დიდ წარმატებაზე, თითქოს უხაროდათ. არადა გულწრფელად მჯერა, რომ შინაგანად მოწინააღმდეგე გუნდების მაისურები ეცვათ.ეს ის ადამიანები არიან, ვინც დღეს ფეხბურთელებს ლანძღავს და ცდილობს გამოიყენოს საკუთარი მიზნებისთვის. ეს ის ადამიანები არიან, რომლებიც როგორც ადრე, ახლაც ცდილობენ ერთიანობის და გუნდურობის დანგრევას. ფეხბურთელების დაშორიშორებას და დაყოფას, ისევ ისე, როგორ ამას წარმატებით აკეთებდნენ წლების წინაც, იმიტომ, რომ მათ ფეხბურთი და ქვეყანა არ ადარდებთ. მხოლოდ პირადი პარტიული ინტერესებია მათი მამოძრავებელი ძალა. მზად არიან სწორედ ამ პირად ინტერესებს შესწირონ ფეხბურთიც და ქვეყანაც.ყველაფერს უნდა დაერქვას თავისი სახელი. ფარისევლობაა თქვენი საქციელი, რადგან მთელი თქვენი არსებობის მანძილზე გამიზნულად ანგრევდით, ანადგურებდით და ქართული ფეხბურთის ღიად დასამარებას მოითხოვდით. მინდა, იცოდეს მოსახლეობამ, ყველა მოედნის აღდგენაზე ცალკე ომი გადამქონდა. მაშინ, როცა ხელისუფლება მაქსიმალურად ეხმარებოდა სპორტის და ჯანსაღი ცხოვრების წესის განვითარებას, ამ დროს ყველაზე დიდ წინააღმდეგობას სწორედ ეს ადამიანები, მათ მიერ მოგზავნილი აქტივისტები გვიწევდნენ.ყველა გზით ებრძოდნენ ფეხბურთის განვითარებას. იმავეს აკეთებენ დღესაც. წლები დაგვჭირდა და უამრავი ძალისხმევა იმისათვის, რომ მოვსულიყავით აქ სადაც ვართ დღეს. საძირკვლიდან მოგვიწია მშენებლობის დაწყება, რომ აქამდე მიგვეღწია. სულ რამდენიმე კვირაში ამ ახალგაზრდა ბიჭებს წინ ევროპის ჩემპიონატი ელით, სადაც, როგორც აქამდეც არაერთხელ დაამტკიცეს, თავს არ დაზოგავენ, რომ ჩვენი ქვეყანა ასახელონ.მინდა, ხაზგასმით აღვნიშნო, რომ არათუ ოდესმე მიკადრებია ფეხბურთელებისთვის და პირველ რიგში ჩემი თავისთვის ფეხბურთელების ჩართვა პოლიტიკურ პროცესებში, არამედ ყოველთვის ვცდილობ მათ დაცვას ყველა გარე ზეგავლენისგან. ესე იყო და ესე იქნება მუდამ. დღეს, როცა ან “ჩემიანი ხარ, თუ არადა მოსისხლე მტერი ხარ” მიდგომა ბობოქრობს, მათი განრიდება ამ პროცესებიდან იქნებოდა შანსი იმისა, რომ დავიტოვოთ ერთიანობისთვის პატარა სივრცე, თუნდაც საფეხბურთო მოედანი, შუაგულ ევროპაში, სადაც შევძლებთ ყველამ ერთად, მიუხედავად ყველაფრისა მთელი გულით ვუგულშემატკივროთ ჩვენს ქვეყანას, რომელიც ამ ბიჭებმა უნდა წარმოადგინონ. იქნებ შევძლოთ, ერთხელ მაინც, მიუხედავად ჩვენი ფეთქებადი ქართული ხასიათისა, არ დავკარგოთ საღი აზრი და მივცეთ საშუალება ამ ადამიანებს კონცენტრირდნენ საკუთარ საქმეზე.მინდა, მოვუწოდო ყველას, პატივი ეცით ყველა ფეხბურთელს. მორჩით მათ შეურაცხყოფას. დამიჯერეთ, როგორც პროფესიონალმა ფეხბურთელმა ვიცი, რომ ფიზიკურ მზაობაზე არანაკლებ მნიშვნელოვანია მენტალური მზაობა ასეთი მნიშვნელოვანი თამაშებისთვის. აცადეთ ბიჭებს კონცენტრირდნენ საქვეყნო საქმეზე. ამ ყველაფრის გათვალისწინებით, პოლიტიკაში ჩართულ იმ ადამიანებს, რომლებიც საზოგადოების გახლეჩას, პოლარიზაციის გაღრმავებას და პროცესების რადიკალიზაციას ცდილობს, მოვუწოდებ, გონს მოეგონ და არ გაბედონ შეეხონ ჩვენს საამაყო ფეხბურთელებს. კიდევ ერთხელ, კატეგორიულად მოვუწოდებ პოლიტიკურ ჯგუფებს, ნუ მისცემენ თავს უფლებას, რომ საქართველოს საფეხბურთო ნაკრების საკუთარი, ვიწროპარტიული ინტერესების სასარგებლოდ გამოყენება სცადონ.სულ რამდენიმე კვირაში ჩვენ, ჩვენი გუნდი, ჩვენი ბიჭები ღირსეულად და დამსახურებულად აღვმართავთ საქართველოს დროშას ევროპაში, ევროპის ჩემპიონატზე. ზუსტად ასე ღირსეულად და დამსახურებულად გაივლის ჩვენი ქვეყანა ევროპისკენ სავალ გზას“, – წერს ლევან კობიაშვილი.