მსოფლიო • 1715144616

შოტლანდიის მთავრობას ახალი ხელმძღვანელი ჰყავს

შოტლანდიის მთავრობას ახალი ხელმძღვანელი ჰყავს. ქვეყნის პირველი მინისტრის პოსტზე პარლამენტმა ჯონ სუინი აირჩია. პოლიტიკოსი, რომელიც შოტლანდიის სრულ დამოუკიდებლობას ემხრობა და მიიჩნევს, რომ დიდი ბრიტანეთის შემადგენლობიდან გასვლა ეტაპობრივად, ყოველგვარი ხისტი მოქმედებების გარეშე უნდა მოხდეს.ახლად არჩეული მინისტრი, მოვალეობის შესრულებას დღეიდან, ფიცის დადების ცერემონიის შემდეგ შეუდგება.

მსოფლიო • 1715144547

ჩრდილოეთ კორეის მთავრობის ცნობილი პროპაგანდისტი 94 წლის ასაკში გარდაიცვალა

ჩრდილოეთ კორეის მთავრობის ცნობილი პროპაგანდისტი კიმ კი ნამი 94 წლის ასაკში გარდაიცვალა.კიმ კი ნამი ფხენიანის პროპაგანდისა და აგიტაციის დეპარტამენტის დირექტორის მოადგილედ 1966 წელს დაინიშნა. ის მჭიდროდ თანამშრომლობდა კიმ ჩენ ილთან, ამჟამინდელი ლიდერის კიმ ჩენ ინის წინამორბედთან და მამასთან. მოგვიანებით, ამ დეპარტამენტის ხელმძღვანელად დაინიშნა.ათწლეულების განმავლობაში ის ასევე იყო სახელმწიფო პოლიტიკური ლოზუნგების მთავარი ავტორი და დიდი გავლენა მოახდინა ჩრდილოეთ კორეის მედიასა და საგამომცემლო სახლებზე.ის პენსიაზე 2010 წელს გავიდა და თანამდებობა კიმ ჩენ ინის დას, კიმ იო ჯონგს გადააბარა, თუმცა საჯარო ღონისძიებებზე მაინც ჩნდებოდა.

საზოგადოება • 1715143577

ძველ თბილისში უხვმა ნალექმა სახლი დააზიანა

უხვმა ნალექმა ძველ თბილისში სახლი დააზიანა. დიმიტრი ყიფიანის ქუჩაზე მდებარე კორპუსის პირველ სართულზე მიწის მასამ კედელი შეანგრია. შემთხვევის შედეგად არავინ დაშავებულა. დაზიანდა საყოფაცხოვრებო ნივთები.ადგილობრივები ამბობენ, რომ სახლს მესამე კატეგორიის სტატუსი აქვს მინიჭებული. ადგილზე იმყოფებოდნენ მერიის თანამშრომლები. მათი ინფორმაციით, გაწმენდითი და აღდგენითი სამუშაოები შენობაში მალე დაიწყება.

საზოგადოება • 1715141904

როდის გამოიდარებს საქართველოში - სინოპტიკოსის უახლესი პროგნოზი

სინოპტიკოსი თამარ პაპაშვილი „რუსთავი 2-თან“ საუბრისას აცხადებს, რომ 13-14 მაისამდე უმეტესად წვიმა და ძლიერი ქარია მოსალოდნელი.„ხვალ და ზეგ თბილისში კარგი ამინდია, შემდეგ ისევ იცვლება, მერე ერთი დღით გამოიდარებს, 8-9 მაისს უნალექო ამინდი მოსალოდნელი, 10-ში წვიმაა, 11-ში გამოიდარებს და 12-13-ში ისევ იწვიმებს. დასავლეთშიც ქარია მოსალოდნელი“, - აცხადებს სინოპტიკოსი.მისივე თქმით, უქმე დღეებში მოსალოდნელია ამინდის გაუარესება როგორც დასავლეთით, ასევე აღმოსავლეთით. ქარი გაძლიერდება, ზღვაზე მოსალოდნელია შტორმი.„12-13 მაისს მთელი საქართველოს ტერიტორიისთვის უამინდობაა. მაგალითად, გუშინდელ დღემდე, დასავლეთში ტემპერატურა +15-20 გრადუსის ფარგლებში იყო, ახლა, მოიმატებს +28-30-მდე, მაგალითად აჭარაში. თბილისსა და აღმოსავლეთ საქართველოში +20-25-ის ფარგლებში დაფიქსირდება.არამდგრადი ამინდები შენარჩუნდება 15 მაისამდე“ - ამბობს სინოპტიკოსი.

საზოგადოება • 1715141120

როგორ მივცეთ ხმა ნუცა ბუზალაძეს სხვადასხვა ქვეყნიდან

„პირველი არხი“ მაყურებელს უზიარებს, თუ როგორ შეიძლება „ევროვიზიაზე“ ხმის მიცემა სხვადასხვა ქვეყნიდან საქართველოსთვის.შესაბამისი ნომრები ერთიან ბანერზეა მითითებული.შეგახსენებთ, რომ ნუცა ბუზალაძე მსოფლიოს წინაშე სიმღერით Firefighter 9 მაისს, მე-11 ნომრად წარდგება.