სტიქია კახეთში - დატბორილია ეზოები და გზები

ძლიერი წვიმის  შედეგად, გურჯაანის მუნიციპალიტეტის  სოფელ კარდენახში ეზოები და გზები  დაიტბორა.

ადგილობრივები ამბობენ, რომ  სანიაღვრე არხებმა ნალექი ვერ გაატარეს,  მოვარდნილი წყალი ეზოებში და  გზებზე გადავიდა.

გურჯაანის მუნიციპალიტეტის მერიაში  აცხადებენ, რომ სატრანსპორტო სამსახურმა სპეციალური ტექნიკის მობილიზება და გაწმენდის სამუშაოები უკვე  რამდენიმე საათია დაიწყო.