1762106097

ლუვრის გაქურდვის საქმეზე პარიზის პროკურატურა ინფორმაციას ავრცელებს

პარიზის პროკურატურაში აცხადებენ, რომ ლუვრის მუზეუმის ძარცვაში პროფესიონალი მძარცველები არ მონაწილეობდნენ.„ეს არ არის ყოველდღიური დანაშაული, მაგრამ ეს არის დანაშაული, რომელსაც ჩვენ არ ვუკავშირებთ ორგანიზებული ჯგუფის პროფესიონალების მიერ ჩადენილ დანაშაულს”,- განაცხადა პარიზის პროკურორმა, ლორ ბეკუომ.ფრანგული მედია ვარაუდობს, რომ მძარცველები არაპროფესიონალები იყვნენ, რადგან გაქცევის დროს ყველაზე ძვირფასი სამკაული დაუვარდათ, ადგილზე დატოვეს ხელსაწყოები და სხვა ნივთები და გაქცევამდე ვერ შეძლეს სატვირთო მანქანის დაწვა.პროკურორის თქმით, ერთ-ერთი ეჭვმიტანილი, 37 წლის მამაკაცი, 11-ჯერ იყო ნასამართლევი სხვადასხვა დანაშაულისთვის, მათ შორის საგზაო მოძრაობის წესების დარღვევისთვის და დამამძიმებელ გარემოებებში ძარცვისთვის, ასევე კიდევ ორი ​​დაკავებული მამაკაციდან ერთ-ერთი 2015 წელს იმავე ძარცვისთვის იყო დაკავებული.ამასთან, გუშინ, 38 წლის ქალს ბრალი წაუყენეს ორგანიზებულ ძარცვაში თანამონაწილეობისთვის, 37 წლის მამაკაცს კი ბრალი წაუყენეს ძარცვასა და დანაშაულებრივი შეთქმულებისთვის.მედიის ცნობით, მუზეუმიდან მოპარული სამკაულები ჯერ აღმოჩენილი არ არის.ცნობისთვის, ლუვრის მუზეუმში ძარცვა 19 ოქტომბერს მოხდა. რამდენიმე ნიღბიანმა პირმა ნაპოლეონის კოლექციიდან სამკაულები მოიპარა. მუზეუმიდან წაღებული სამკაულების ღირებულება დაახლოებით 88 მილიონი ევროა.

1762102019

ქალმა ზურგის ტკივილის სამკურნალოდ რვა ცოცხალი ბაყაყი გადაყლაპა და საავადმყოფოში მოხვდა

ჩინელი მოხუცი ქალი საავადმყოფოში მოათავსეს მას შემდეგ, რაც ხერხემლის დისკის თიაქრით გამოწვეული ზურგის ტკივილის სამკურნალოდ რვა ცოცხალი ბაყაყი გადაყლაპა.მას შემდეგ, რაც გავრცელდა ჭორი, რომ ცოცხალი ბაყაყების გადაყლაპვა ზურგის ტკივილის შემსუბუქებაში დაეხმარებოდა, ქალმა, გვარად ჟანგმა, ნათესავებს სთხოვა, მისთვის რამდენიმე საშუალო ზომის ამფიბია დაეჭირათ, მაგრამ არ უთხრა, რას აპირებდა. ერთ დღეს მან ხუთი ცოცხალი ბაყაყი გადაყლაპა, მეორე დღეს კი კიდევ სამი. მალე მას მუცლის აუტანელი ტკივილი დაეწყო.თავდაპირველად, ჟანგმა მუცელში მხოლოდ მცირე დისკომფორტი იგრძნო, თუმცა მომდევნო დღეებში ტკივილის ინტენსივობა გაიზარდა. მხოლოდ მაშინ, როდესაც მას აღარ შეეძლო ატანა, მან ოჯახს უთხრა, რომ რვა ცოცხალი ბაყაყი გადაყლაპა. როდესაც ის საავადმყოფოში გადაიყვანეს, ექიმებმა ჩაატარეს ანალიზები და გამორიცხეს სიმსივნის შესაძლებლობა, თუმცა მის ორგანიზმში ოქსიფილური უჯრედების ანომალიურად მაღალი რაოდენობა აღმოაჩინეს - ეს გარკვეული დაავადებების ნიშანია, როგორიცაა პარაზიტული ინფექციები ან სისხლის დარღვევები.„ცოცხალი ბაყაყების გადაყლაპვამ პაციენტის საჭმლის მომნელებელი სისტემა დააზიანა და პარაზიტებს მის ორგანიზმში შეღწევის საშუალება მისცა“, - განუცხადა ექიმმა ჟურნალისტებს.ქალი დაინფიცირდა Sparganum-ის ლენტისებრი ჭიით, პარაზიტით, რომელიც ხშირად გვხვდება იმ ადამიანებში, რომლებიც ცოცხალ ბაყაყებსა და გველებს ჭამენ ან კონტაქტში შედიან მათთან.საავადმყოფოში ორკვირიანი ყოფნის შემდეგ, ქალბატონი ჟანგი სრულად გამოჯანმრთელდა და გაწერეს, თუმცა ექიმებს სურდათ, მისი შემთხვევა ხალხური საშუალებების რისკების შესახებ გამაფრთხილებელ მაგალითად გამოეყენებინათ.

1762096132

მალდივებზე 2007 წლის შემდეგ დაბადებულ ყველა პირს თამბაქოს მოწევა აეკრძალა

მალდივის რესპუბლიკის ჯანდაცვის სამინისტროს განცხადებით, 2007 წლის იანვრის შემდეგ დაბადებული ყველა ადამიანისთვის, მოწევის აკრძალვა ამოქმედდა. ინფორმაციას უცხოური მედია ავრცელებს.მალდივები ერთადერთი ქვეყანაა, სადაც თაობათაშორისი თამბაქოს აკრძალვა მოქმედებს. ეს ღონისძიება, რომელიც პრეზიდენტ მოჰამედ მუიზუმ წელს დააინიცირა და 1 ნოემბრიდან ამოქმედდა, მიზნად ისახავს "საზოგადოებრივი ჯანმრთელობის დაცვას და თამბაქოსგან თავისუფალი თაობის შექმნას", - განმარტავს სამინისტრო."ახალი რეგულაციის თანახმად, 2007 წლის 1 იანვარს ან მის შემდეგ დაბადებულ პირებს, მალდივებში თამბაქოს ნაწარმის შეძენა, გამოყენება ან გაყიდვა ეკრძალებათ", - დასძინა სამინისტრომ, მათივე განცხადებით, "აკრძალვა ვრცელდება თამბაქოს ყველა სახეობაზე და საცალო ვაჭრობის ობიექტებს გაყიდვამდე ასაკის გადამოწმება მოეთხოვებათ".

1762091551

იტალიაში ზვავს გერმანელი მთამსვლელები ემსხვერპლნენ

იტალიის ალპებში ზვავის ჩამოწოლის შედეგად ხუთი გერმანელი მთამსვლელი დაიღუპა. ისინი შაბათს, ციმა ვერტანას მთაზე ასასვლელად გაემგზავრნენ.მედიის ცნობით, ზვავი მაშინ ჩამოწვა, როდესაც მთამსვლელები მწვერვალისკენ მიემართებოდნენ. მაშველებმა ორი კაცისა და ერთი ქალის ცხედარი შაბათს იპოვეს, ხოლო კიდევ ორი დაღუპული, მამა და მისი 17 წლის ქალიშვილი, კვირას.უვნებლად გადარჩა კიდევ ორი მთამსვლელი.

1762091503

ნიდერლანდებში მატარებელი სატვირთო მანქანას შეეჯახა

ნიდერლანდებში მატარებელი ხილით დატვირთულ სატვირთოს შეეჯახა. ავარიის მიზეზი ტრაილერი გახდა, რომელიც სიგრძის გამო სარკინიგზო შლაგბაუმთან მოხვევის მცდელობისას გაიჭედა, სრული სვლით მოძრავმა მატარებელმა კი დამუხრუჭება ვერ მოასწრო.სატვირთოში მსხდომებმა ტრავმები მიიღეს. მატარებლის მგზავრები კი არ დაშავებულან.

1762090001

თურქეთში სასტუმროს ხანძრის საქმეზე, რომელსაც ქართველი ემიგრანტი ქალიც ემსხვერპლა, ახალი ინფორმაცია ვრცელდება

თურქეთის სასამართლომ 11 პირს სამუდამო პატიმრობა მიუსაჯა იანვარში ქვეყნის ჩრდილო-დასავლეთში, ბოლუს პროვინციაში, კარტალკაიას სათხილამურო კურორტზე მდებარე Grand Kartal Hotel-ში მომხდარი ხანძრის საქმეზე, რომელსაც 78 ადამიანის სიცოცხლე ემსხვერპლა.ხანძრისას დაიღუპა 58 წლის ქართველი ემიგრანტი ქალი, ლაურა სალუაშვილიც. იგი კურორტზე იმ ოჯახთან ერთად იმყოფებოდა, სადაც მუშაობდა. სამწუხაროდ, ამ ოჯახის წევრებიც დაიღუპნენ: ორი მცირეწლოვანი გოგონა (6 და 9 წლისები) და მათი დედა. ლაურა სალუაშვილი, 6 წლის გოგონა და ბავშვების დედა ბოლით გაიგუდნენ, ხოლო უფროსი გოგონა დაიწვა და მისი ცხედრის ამოცნობა მხოლოდ მამის დნმ-ით გახდა შესაძლებელი.გამოძიების ფარგლებში სამართალდამცველებმა დააკავეს 20-მდე პირი, მათ შორის, სასტუმროს მფლობელი – ჰალიტ ერგული. გამოძიების ცნობით, ხანძრის მიზეზი გახდა საუზმის მომზადებისას სამზარეულოში გრილზე დაღვრილი ცხიმი, რომელსაც ცეცხლი გაუჩნდა. ხანძრის ჩასაქრობად სამზარეულოს თანამშრომლებმა ცეცხლმაქრის ნაცვლად წყალი გამოიყენეს, რის გამოც ცეცხლი უფრო სწრაფად გავრცელდა და ზედა სართულებსაც მოედო. სასტუმროში არ ამუშავდა სახანძრო სიგნალიზაცია, ამიტომ დამსვენებლებმა, რომლებსაც ეძინათ, საფრთხის შესახებ დროულად ვერ შეიტყვეს.თურქეთის პრეზიდენტმა რეჯეფ თაიფ ერდოღანმა დაღუპულთა ოჯახებს მიუსამძიმრა და განაცხადა, რომ მკაცრად დაისჯებოდა ყველა, ვისაც ამ ტრაგედიაში ბრალი მიუძღოდა.ექსპერტების თქმით, სათხილამურო კურორტზე მდებარე სასტუმროს არ ჰქონდა ხანძარსაწინააღმდეგო უსაფრთხოების ელემენტარული ზომები.სასამართლომ სამუდამო პატიმრობა მიუსაჯა 11 პირს, მათ შორის, სასტუმროს მფლობელს – ჰალიტ ერგულს, ადმინისტრაციის წევრებს, მენეჯერებს, პერსონალს, მერის ერთ-ერთ მოადგილეს და სახანძრო სამსახურის თანამშრომლებს.წყარო:

1762086733

ბრიტანეთში, მატარებელში 10 ადამიანის დაჭრის ფაქტზე, პოლიციამ 2 ეჭვმიტანილი დააკავა - სამართალდამცველები ფაქტს ტერორისტულ აქტად არ განიხილავენ

ბრიტანეთის პოლიციამ, მატარებელში 9 ადამიანის დაჭრის ფაქტზე ორი პირი დააკავა. სამართალდამცველები დანით თავდასხმას ტერორისტულ ინციდენტად არ განიხილავენ და აცხადებენ, რომ ორი ბრიტანელი კაცი მკვლელობის მცდელობის ბრალდებით არის დაკავებული.9 დაჭრილიდან ოთხი საავადმყოფოდან უკვე გაწერეს, ხოლო კიდევ 2 ადამიანი სიცოცხლისთვის საშიში დაზიანებით  მკურნალობასგანაგრძობს.

1762083927

იტალიის ალპებში ზვავის შედეგად ხუთი გერმანელი მთამსვლელი დაიღუპა

იტალიის ალპებში ზვავის შედეგად ხუთი გერმანელი მთამსვლელი დაიღუპა. „როიტერის“ ინფორმაციით, მთამსვლელები შაბათს, სოფელ სოლდასთან ახლოს, ციმა ვერტანას მთაზე ასასვლელად გაემგზავრნენ. მედიის ცნობით, ზვავი მაშინ ჩამოწვა, როდესაც ისინი მწვერვალისკენ მიემართებოდნენ.მაშველებმა ორი მამაკაცისა და ერთი ქალის ცხედრები შაბათს იპოვეს, ხოლო კიდევ ორი დაღუპული, მამა და მისი 17 წლის ქალიშვილი, კვირას.მედიის ცნობით, კიდევ ორი მთამსვლელი, რომლებიც მათთან ერთად იმყოფებოდნენ, უვნებლად გადარჩა.ორტლერის მთები, რომელიც შვეიცარიის საზღვართან ახლოს მდებარე იტალიის ალპების ნაწილია, გამოცდილი მოლაშქრეებისა და მთამსვლელების პოპულარული ადგილია.

1762083538

ირანის პრეზიდენტი აცხადებს, რომ თეირანი ბირთვულ ობიექტებს უფრო დიდი ძალით აღადგენს

ირანის პრეზიდენტი აცხადებს, რომ თეირანი თავის ბირთვულ ობიექტებს უფრო დიდი ძალით აღადგენს."შენობებისა და ქარხნების განადგურება ჩვენთვის პრობლემა არ იქნება. ჩვენ ისევ ავაშენებთ და უფრო დიდი ძალით", – განუცხადა მასუდ პეზეშკიანმა სახელმწიფო  მედიას და დაამატა, რომ ქვეყანა ბირთვული იარაღის შექმნა არ ცდილობს.თეირანი ამტკიცებს, რომ მისი ბირთვული პროგრამა მხოლოდ სამოქალაქო მიზნებს ემსახურება.აშშ-ის პრეზიდენტი დონალდ ტრამპი კი, საპასუხოდ აცხადებს, რომ გასცემს ახალი შეტევების ბრძანებას ირანის ბირთვულ ობიექტებზე, თუ თეირანი შეეცდება იმ ობიექტების ხელახალ ამოქმედებას, რომლებიც აშშ-მა ივნისში დაბომბა.

1762083095

VIDEO: ქალმა ორსულობის დროს თვალის ფერი შეიცვალა, რათა მის შვილს ცისფერი თვალები ჰქონოდა

 სოციალურ ქსელში ვირუსულად გავრცელდა ახალგაზრდა ქალის ვიდეო, რომელმაც განაცხადა, რომ ორსულობის დროს თვალის ფერის შეცვლის პროცედურა ჩაიტარა, რათა მისი ბავშვი ახალი ფერის თვალის ჩრდილით დაბადებულიყო.იცოდით, რომ არსებობს მრავალი პროცედურა, რომელიც ადამიანებს თვალის ფერის შეცვლის საშუალებას აძლევს? ხელოვნური ფერადი გარსის იმპლანტების გარდა, არსებობს ლაზერული პროცედურები, რომელთა მეშვეობითაც ფერადი გარსის ზედაპირიდან მელანინს აშორებენ, რის შედეგადაც ყავისფერ თვალებს სულ რაღაც 20 წამში ლურჯად აქცევენ.ასევე არსებობს უფრო ახალი კერატოპიგმენტაცია, იგივე „რქოვანას ტატუირება“, რომელიც რქოვანას სამუდამოდ ტატუირებისთვის თანამედროვე აპარატურასა და ბიოლოგიურად თავსებად პიგმენტებს იყენებს. მაგრამ შეიძლება თუ არა ეს ცვლილებები თქვენს ჯერ არ დაბადებულ ბავშვზე გადავიდეს? რუსი კოსმეტოლოგის თქმით, რომელმაც ცოტა ხნის წინ თვალის ფერი შეიცვალა, ეს ნამდვილად შესაძლებელია, რადგან დნმ ავტომატურად გადალაგდება.ახალგაზრდა კოსმეტოლოგმა თავის პოპულარულ პოდკასტში ექიმთან საუბრისას განაცხადა, რომ მშობიარობამდე თვალის ფერი შეიცვალა, რათა ცისფერთვალება ქალიშვილი ჰყოლოდა და დასძინა, რომ დარწმუნებული იყო, რომ მისი დნმ ცვლილებების ასახვისთვის გადალაგდებოდა. ქალის გადაწყვეტილებას სოციალურ ქსელში არაერთგვაროვანი რეაქციები მოჰყვა. ამ საქციელი გამო დედა ბევრმა გააკრიტიკა.  Девушка изменила цвет глаз до рождения ребёнка, чтобы родить...голубоглазую дочь — сверхразумка уверена, что её ДНК автоматически перестроится.В комментах тут же открылся портал в Ад. pic.twitter.com/MtN7KVMeXD — Don Pu (@brazzers_don) October 11, 2025

1762083043

BTS-მა ახალი ალბომის ჩაწერა დაასრულა

 BTS-ის ახალი ალბომი უკვე ჩაწერილია, - ინფორმაცია თაყვანისმცემლებს ჯგუფის წევრმა, ჯიმინმა Weverse-ზე პირდაპირი ტრანსლაციის დროს გაუზიარა.„ჩაწერა ახლახან დავასრულეთ. ალბომი შესაძლოა, მომავალ გაზაფხულზე გამოვიდეს“, - თქვა ჯიმინმა.მანამდე BTS-ის წევრებმა თქვეს, რომ ახალი ჩანაწერის გამოშვება 2026 წლის მარტის ბოლოსთვის არის დაგეგმილი. ალბომის გამოსვლის შემდეგ, ჯგუფი მსოფლიო ტურნეში გაემგზავრება.ოქტომბრის ბოლოს ლეიბლში Big Hit Music, რომელიც BTS-თან თანამშრომლობს, განაცხადეს, რომ მსოფლიო ტურის ზუსტი თარიღები და დეტალები საბოლოოდ შეთანხმებული არ არის, თუმცა დაუზუსტებელი ინფორმაციით, ჯგუფი ტურის ფარგლებში 65 კონცერტს გამართავს.

1762081058

პუტინსა და ტრამპს შორის შეხვედრის გამართვის საჭიროება ამჟამად არ არსებობს - პესკოვი

კრემლი ვლადიმერ პუტინის დონალდ ტრამპთან შეხვედრას ამ ეტაპზე საჭიროდ არ მიიჩნევს. რუსეთის პრეზიდენტის პრეს-მდივნის, დიმიტრი პესკოვის განცხადებით, უკრაინაში კონფლიქტის მოგვარებისთვის პრეზიდენტების შეხვედრა გადამწყვეტი არ არის.„პუტინსა და ტრამპს შორის შეხვედრის გამართვის საჭიროება ამჟამად არ არსებობს. რუსეთისა და ამერიკის შეერთებული შტატების პრეზიდენტებს შორის შეხვედრა შესაძლებელია, მაგრამ არა საჭირო, რადგან ამ ეტაპზე გადამწყვეტი მნიშვნელობა კონფლიქტის მოგვარების დეტალების დამუშავებას ენიჭება“, - განაცხადა პესკოვმა.