1754020626

ტრამპმა განაცხადა, რომ მისი სპეციალური წარმომადგენელი, სტივ უიტკოფი უახლოეს დღეებში რუსეთში გაემგზავრება

 აშშ-ის პრეზიდენტმა, დონალდ ტრამპმა განაცხადა, რომ მისი სპეციალური წარმომადგენელი, სტივ უიტკოფი უახლოეს დღეებში რუსეთში გაემგზავრება. ინფორმაციას ამის შესახებ ტელეკომპანია CNN-ი ავრცელებს.„ის რუსეთში გაემგზავრება, გინდ დაიჯერეთ, გინდ არა“, - უპასუხა ტრამპმა, როდესაც უიტკოფის ახლო აღმოსავლეთში ვიზიტის შესახებ ჰკითხეს, სადაც ის ღაზაში ომის განსახილველად ოფიციალურ პირებს ხვდება.უიტკოფის ვიზიტის შესახებ დამატებითი დეტალები ჯერჯერობით უცნობია.უიტკოფი ბოლოს რუსეთში აპრილში იმყოფებოდა და კრემლში პრეზიდენტ ვლადიმირ პუტინს შეხვდა.

1754020560

ტრამპი: სტივ უიტკოფი მიდის ისრაელში, ხოლო შემდეგ, გინდ დაიჯერეთ, გინდ არა, რუსეთში

აშშ-ის პრეზიდენტი დონალდ ტრამპი აცხადებს, რომ მისი სპეციალური წარმომადგენელი სტივ უიტკოფი ისრაელსა და ღაზის სექტორში ვიზიტის შემდეგ რუსეთში ჩავა.„ის მიდის ისრაელში, ხოლო შემდეგ, გინდ დაიჯერეთ, გინდ არა, რუსეთში“ – განაცხადა აშშ-ის პრეზიდენტმა ვაშინგტონში ჟურნალისტებთან საუბრისას.დონალდ ტრამპს არ დაუკონკრეტებია, რა თარიღებში ეწვევა სტივ უიტკოფი რუსეთს ან ვისთან გამართავს შეხვედრებს.ცნობისთვის, მანამდე თეთრ სახლში დაადასტურეს, რომ პირველ აგვისტოს სტივ უიტკოფი ღაზის სექტორში ჩავა.

1753992190

ყოფილი სპეციალური პროკურორის მოხსენების განსაიდუმლოებულ დანართში გამოაშკარავდა ჯორჯ სოროსის სავარაუდო კავშირები Russiagate-ის საქმესთან - Fox News

სანდო უცხოური წყაროების თანახმად, რომლებიც მიუთითებდნენ, რომ FBI და ობამას ადმინისტრაცია მონაწილეობას იღებდნენ ტრამპი-რუსეთის კავშირების ნარატივის გავრცელებაში - მანამდე, ვიდრე ბიურო გამოძიებას დაიწყებდა - სავარაუდოდ, კავშირში იყვნენ ჯორჯ სოროსის „ღია საზოგადოების ფონდთან“, - წერს Fox News-ი განსაიდუმლოებულ დოკუმენტზე დაყრდნობით.სენატის იურიდიული კომიტეტის მიერ გამოქვეყნებული, ყოფილი სპეციალური პროკურორის, ჯონ დარემის მოხსენების დანართი შოკისმომგვრელ ნათელს ჰფენს იმას, რასაც კომიტეტის თავმჯდომარე, ჩაკ გრასლი „ამერიკის ისტორიაში ერთ-ერთ უდიდეს პოლიტიკურ სკანდალად“ მოიხსენიებს.დოკუმენტის ოფიციალურ გამოქვეყნებამდე, წყაროებმა Fox News-ს ექსკლუზიურად მიაწოდეს ინფორმაცია მოხსენების დანართის შინაარსის ნაწილზე. მათ შორის ის, რომ აშშ-ის სადაზვერვო საზოგადოებას ჰქონდა ინფორმაცია სანდო უცხოური წყაროებიდან, რომლებიც მიუთითებდნენ, რომ FBI როლს თამაშობდა ტრამპი-რუსეთის შეთქმულების ნარატივის გავრცელებაში, ვიდრე ბიურო დაიწყებდა თავის სკანდალურ გამოძიებას.დანართი ცხადყოფს, რომ უცხოური წყაროები სავარაუდოდ ჯორჯ სოროსის „ღია საზოგადოების ფონდებთან“ (Open Society Foundations) იყვნენ დაკავშირებული.

1753989281

მარკო რუბიომ გაერთიანებული სამეფოს, საფრანგეთისა და კანადის გეგმებს პალესტინის სახელმწიფოს აღიარების შესახებ უმნიშვნელო უწოდა - ამ ქვეყნებს არ აქვთ უნარი შექმნან პალესტინის სახელმწიფო

აშშ-ის სახელმწიფო მდივანმა, მარკო რუბიომ გაერთიანებული სამეფოს, საფრანგეთისა და კანადის გეგმებს პალესტინის სახელმწიფოს აღიარების შესახებ უმნიშვნელო უწოდა.„ზოგიერთისთვის ეს გამაღიზიანებელია, მაგრამ უმნიშვნელოა. ეს არაფერს არ ნიშნავს“, – განაცხადა რუბიომ Fox News Radio-სთან საუბრისას.ინტერვიუში მარკო რუბიომ სამი მთავარი არგუმენტი დაასახელა.„უპირველესად, ამ ქვეყნებს არ აქვთ უნარი შექმნან პალესტინის სახელმწიფო. პალესტინის სახელმწიფო ვერ იარსებებს, თუ ისრაელი არ დაეთანხმება ამას. მეორეც, ისინი ვერც კი გეტყვიან, სად იქნება ეს პალესტინის სახელმწიფო. ვერ გეტყვიან, ვინ მართავს მას. მესამე, ეს კონტრპროდუქტიულია“, – აღნიშნა რუბიომ.ამერიკის სახელმწიფო მდივნის თქმით, პალესტინის სახელმწიფოს აღიარება „ჰამასს“ ღაზაში ცეცხლის შეწყვეტის შესახებ შეთანხმებაზე უარის თქმისკენ წაახალისებს.

1753987932

თეთრ სახლში აცხადებენ, რომ პირველი აგვისტოდან აშშ-ში იმპორტირებულ საქონელზე ახალი ტარიფები ამოქმედდება

პირველი აგვისტოდან აშშ-ში იმპორტირებულ საქონელზე ახალი ტარიფები ამოქმედდება, რაც კიდევ უფრო გაზრდის ქვეყნის შემოსავლებს. ამის შესახებ თეთრი სახლის პრესმდივანმა, ქეროლაინ ლევიტმა ჟურნალისტებთან საუბრისას განაცხადა.ქეროლაინ ლევიტმა ბრიფინგზე აღნიშნა, რომ თეთრი სახლის ვაჭრობისა და ტარიფების გუნდს 200-ზე მეტი ქვეყანა დაუკავშირდა და უცხოელი ლიდერები ამერიკის პრეზიდენტს ვადის ამოწურვამდე ახალ შეთანხმებებს სთავაზობენ. ლევიტის განმარტებით, ვადის ამოწურვამდე, ანუ რამდენიმე საათში, შესაძლებელია დამატებითი შეთანხმებების გაფორმება.ამასთან, ლევიტმა განაცხადა, რომ დონალდ ტრამპმა ევროკავშირთან სავაჭრო შეთანხმება გააფორმა, რაც მილიარდობით დოლარის ინვესტიციებს მოუტანს ამერიკას 2028 წლის ბოლომდე. იმ ქვეყნების შესახებ კითხვაზე, რომლებთანაც ჯერ კიდევ არ მიღწეულა შეთანხმება ტარიფების შესახებ , ლევიტმა აღნიშნა, რომ ამ საკითხს დონალდ ტრამპის გუნდი დღეს განიხილავს და დამატებით მითითებებს მოგვიანებით გამოაქვეყნებენ.

1753987821

ტრამპის სურვილი, დაასრულოს ომი უკრაინაში, შესაძლოა რუსეთსა და აშშ-ს შორის გარიგებაში გადაიზარდოს - ამ გარიგებამ, შესაძლოა, ზიანი მიაყენოს მთელ ევროპას, მათ შორის თავად უკრაინელებს - POLITICO

გამოცემა POLITICO წერს, რომ დონალდ ტრამპის სურვილი, დაასრულოს ომი უკრაინაში, რაც ბოლო დროს მოულოდნელად გააქტიურდა, შესაძლოა რუსეთსა და აშშ-ს შორის გარიგებაში გადაიზარდოს - ამ გარიგებამ, შესაძლოა, ზიანი მიაყენოს მთელ ევროპას, მათ შორის თავად უკრაინელებს.პუბლიკაციის ავტორები აღნიშნავენ, რომ აშშ ევროპაში თხევადი გაზის (LNG) მთავარი მიმწოდებელი გახდა. ეს ტენდენცია განაპირობა, როგორც რუსეთის უკრაინაში შეჭრამ, ასევე წინა წლებში ევროპის არაერთი მთავრობის გაწეულმა ძალისხმევამ.თუმცა, ამჟამად ევროკავშირის აღმოსავლეთ ფლანგზე მდებარე ქვეყნებში იზრდება შეშფოთება, რომ ტრამპი, უკრაინაში ომის სწრაფად დასრულების მიზნით, რუსეთს შესთავაზებს პოლიტიკურ და სავაჭრო დათმობებს, რაც, კერძოდ, რუსეთის ენერგეტიკულ ბაზარზე დაბრუნებასაც შეეხება.ამგვარ შეშფოთებას გამოთქვამენ აღმოსავლეთ და ცენტრალური ევროპის ყოფილი და მოქმედი დიპლომატები, ასევე ამერიკელი ექსპერტები და დარგის მოღვაწეები.POLITICO-ს ინფორმირებული წყაროების ცნობით, ამჟამად თეთრ სახლში ორი ფრაქცია უპირისპირდება ერთმანეთს - პირველი ფრაქცია უკრაინაში სამშვიდობო შეთანხმების მიღწევას ნებისმიერ ფასად ესწრაფვის. მეორე ფრაქცია, რომელსაც ენერგეტიკის სექტორის წარმომადგენლები წარმოადგენენ, აფრთხილებს მძიმე შედეგების შესახებ ამერიკული გაზის მომპოვებელი სექტორისთვის, თუ აშშ რუსეთს ევროპის ბაზარს დაუთმობს.მაგალითად, ტრამპის შუამავლობით დადებულმა სამშვიდობო შეთანხმებამ შესაძლოა გაითვალისწინოს ამერიკული სანქციების მოხსნა რუსულ თხევად გაზზე.მიუხედავად იმისა, რომ აღმოსავლეთ ევროპის ქვეყნებმა მტკიცედ გადაწყვიტეს, აღარასოდეს დაუბრუნდნენ „გაზპრომს“, დასავლეთ ევროპამ შესაძლოა სიტუაცია სხვანაირად დაინახოს. ეს კი კონტინენტზე გარკვეულ განხეთქილებას გამოიწვევს.„ზოგიერთი შიშობს, რომ ტრამპის მიდრეკილება სანახაობებისა და ჰიპერბოლიზმისადმი უბიძგებს მას რუსეთთან ისეთი სამშვიდობო შეთანხმებისკენ, რომელიც დაასუსტებს უკრაინას და ძირს გამოუთხრის აშშ-ის ექსპორტს“, - ასკვნიან პუბლიკაციის ავტორები.

1753978460

ჯეფრი საქსი სავაჭრო შეთანხმებაზე: ევროპამ დაკარგა დამოუკიდებლობა - ეს არის შეთანხმება ამერიკის შეერთებულ შტატებსა და ვასალს შორის

ამერიკელმა პროფესორმა, ჯეფრი საქსმა აშშ-სა და ევროკავშირს შორის სავაჭრო შეთანხმებას „ვასალური“ უწოდა.„ევროპამ დაკარგა დამოუკიდებლობა და სავაჭრო შეთანხმება ამის ყველაზე ნათელი დასტურია. ეს არ არის შეთანხმება ორ დიდ ძალას შორის. ეს არის შეთანხმება ამერიკის შეერთებულ შტატებსა და ვასალს შორის“, - აღნიშნა ჯეფრი საქსმა.

1753977613

აშშ-ს სახელმწიფო დეპარტამენტმა ევროპასა და შეერთებულ შტატებში ირანის სპეცსამსახურების საქმიანობასთან დაკავშირებით კანადასთან და ევროპულ ქვეყნებთან ერთად ერთობლივი განცხადება გაავრცელა

ევროპასა და შეერთებულ შტატებში ირანის სპეცსამსახურების საქმიანობასთან დაკავშირებით, აშშ, გაერთიანებული სამეფო, ალბანეთი, ავსტრია, ბელგია, ჩეხეთი, დანია, ფინეთი, საფრანგეთი, გერმანია, ესპანეთი, ნიდერლანდები და შვედეთი ერთობლივ განცხადებას ავრცელებენ.აღნიშნული ქვეყნები გმობენ მათ ტერიტორიებზე ირანის სადაზვერვო სამსახურების მხრიდან გახშირებულ საფრთხეებს.„ვგმობთ ირანის სადაზვერვო სამსახურების მცდელობებს მოკლან, გაიტაცონ და შეავიწროონ ხალხი ევროპასა და ჩრდილოეთ ამერიკაში, ჩვენი სუვერენიტეტის აშკარა დარღვევით. ეს სამსახურები სულ უფრო მეტად თანამშრომლობენ საერთაშორისო კრიმინალურ ორგანიზაციებთან, რათა მიზანში ამოიღონ ჟურნალისტები, დისიდენტები, ებრაელი მოქალაქეები და ამჟამინდელ და ყოფილი ოფიციალურ პირები ევროპასა და ჩრდილოეთ ამერიკაში. ეს მიუღებელია. ამ ტიპის თავდასხმებს, განურჩევლად მათი მიზნებისა, განვიხილავთ ჩვენი სუვერენიტეტის დარღვევად. ჩვენ ვალდებულებას ვიღებთ, ერთად ვიმუშაოთ ამ ქმედებების თავიდან ასაცილებლად და მოვუწოდებთ ირანის ხელისუფლებას, დაუყოვნებლივ დაასრულოს მსგავსი უკანონო საქმიანობა ჩვენს ტერიტორიებზე“, – ნათქვამია ერთობლივ განცხადებაში.

1753977005

დონალდ ტრამპმა მექსიკისთვის გაზრდილი ტარიფების დაწესების ვადა 90-დღით შეაჩერა

აშშ-ის პრეზიდენტმა, დონალდ ტრამპმა მექსიკისთვის გაზრდილი ტარიფების დაწესების ვადა 90-დღით შეაჩერა.ტრამპის თქმით, სწორედ ამ ვადით შენარჩუნდება არსებული 25%-იანი ტარიფები. ეს გადაწყვეტილება დონალდ ტრამპმა მექსიკის პრეზიდენტ კლაუდია შეინბაუმთან გამართული სატელეფონო საუბრის შედეგად მიიღო.მისი განმარტებით, მექსიკასთან დაკავშირებული სირთულეები განსხვავდება სხვა ქვეყნებისგან როგორც პრობლემების, ასევე აქტივების თვალსაზრისით.

1753976816

AI მოწყობილობა თქვენს სიზმრებს ფილმებად გარდაქმნის

თქვენსავე სიზმარს თუ დაუინტრიგებიხართ? მაგრამ გარკვეული დროის გასვლის შემდეგ, გონებიდან ამოვარდნილა ისე, თითქოს, ეს არასდროს გინახავთ… სწორედ ამიტომ მიმართავს ზოგი სიზმრების დღიურს და გაღვიძებისთანავე ინიშნავს, რაც ძილში იხილა, თუმცა დიზაინის სტუდია Modem-მა მეტად თანამედროვე ჩასაწერი მოწყობილობა შემოგვთავაზა -  Dream Recorder თავთან რომ საათი გიდევთ იმას ჰგავს, ხელოვნურ ინტელექტს იყენებს და თქვენს სიზმრებს ვიზუალებად აქცევს. ამგვარად, როცა გაიღვიძებთ, ეს მოწყობილობა უნდა აიღოთ და მოუყვეთ ყველაფერი, რაც თქვენი სიზმრიდან გახსოვთ. შემდგომში ეს ჩანაწერი ღრუბელში არსებულ ხელოვნური ინტელექტის ვიდეო გენერატორთან გაიგზავნება და მოკლე ვიდეოს შექმნის თქვენთვის. ჩათვალეთ, რომ თქვენი სიზმრების ციფრული დღიურია.„ეს ვიდეო გენერატორი მაგიურად ვერ შექმნის ზუსტად იმას, რაც თქვენს თავში ხდებოდა, მაგრამ შეუძლია, ფრაგმენტული იდეების არსი განაახლოს“, - განმარტავს მარკ ჰინჩი, პროექტის თანამონაწილე.მოწყობილობაზე სიზმრები ეთერიული ესთეტიკით არის ნაჩვენები, დაბალი 240/240 პიქსელის გარჩევადობით, რათა სიზმარი ნანახს დაამსგავსოს. თუმცა ხშირად სახეებს ბუნდოვანს გაჩვენებთ, რათა შემთხვევით არ გაჩვენოთ ისეთი ადამიანი, რომელიც სიზმარში ნანახისგან განსხვავებული იქნება. თუმცა ამ სიზმრებს მოწყობილობა სამუდამოდ კი არ შეინახავს, მხოლოდ ერთი კვირის მანძილზე გაჩვენებთ მანამ, სანამ ახლის ჩაწერას არ გადაწყვეტთ…მოწყობილობის გაყიდვის ნაცვლად, Modem კოდს Github-ზე აზიარებს, ყველა იმ ნივთთან ერთად, რაც მისი ასაწყობად გჭირდებათ, დაწყებული Raspberry Pi პროცესორით და დამთავრებული USB მიკროფონებით. კორპუსის დაბეჭდვა Shapeways-ითაა შესაძლებელი. თავად სიზმრების ფასი კი 14 ცენტამდეა იმის მიხედვით, თუ რომელ AI-სთან გადაწყვეტს მომხმარებელი დაკავშირებას. 

1753975930

რადამ უკან წაიღო ზელენსკის გუნდის ინიცირებული კანონი, რომლითაც უკრაინაში ორი დამოუკიდებელი ანტიკორუფციული უწყება პროკურატურას დაუქვემდებარეს

ხელმოწერიდან ზუსტად 9 დღეში, რადამ უკან წაიღო ზელენსკის გუნდის ინიცირებული კანონი, რომლითაც უკრაინაში ორი დამოუკიდებელი ანტიკორუფციული უწყება პროკურატურას დაუქვემდებარეს.რადამ ეს კანონი 22 ივლისს დაამტკიცა, რასაც ქვეყნის მასშტაბით საპროტესტო გამოსვლები და პარტნიორების კრიტიკა მოჰყვა.შტატებისა და ევროკავშირის მხრიდან საუბარი იყო უკრაინის დახმარების შეჩერებაზეც. ინიციატივა დეპუტატებმა დღეს ერთხმად მიიღეს, გარეთ ისევ აქცია იყო. ცვლილებებს ხელი უკვე მოაწერა უკრაინის პრეზიდენტმა.

1753975297

მეცნიერებმა აუტიზმის 4 ქვეტიპი გამოავლინეს - უახლესი კვლევა

აუტისტური სპექტრის მახასიათებლების განმარტება არც ისე მარტივია, რადგან, შესაძლოა, ორი ადამიანიც კი ვერ იპოვოთ ისეთი, რომელთათვისაც გამოცდილება მსგავსია. მათი განვითარების დონეც განსხვავდება, სიმპტომებიც და საჭიროებებიც, უახლესი კვლევაც ამას გვეუბნება და აუტიზმის კლინიკურად და ბიოლოგიურად განსხვავებულ 4 ქვეტიპს ავლენს. თუმცა, სანამ ამას შემოგვთავაზებდნენ 5000 აუტისტური სპექტრის მქონე ბავშვზე ჩაატარეს კვლევა, რომელთა ასაკი 4-დან 18 წლამდე მერყეობდა. მათზე მონაცემები კი SPARK-ისგან მიიღეს, ეროვნული კვლევისგან, რომელიც მსგავს მასალებს მშობლებისგან აგროვებს… ამაზე დაფუძნებით 230 ცდა ჩაატარეს, რაც მოიცავდა სოციალურ ინტერაქციებს, განმეორებით ქმედებებსა და განვითარების ეტაპებს. შემდგომ კი გამოთვლით მოდელს მიმართეს, რათა ინდივიდები, თვისებების მიხედვით, ჯგუფებად დაენაწილებინათ.სწორედ ასე გამოავლინეს 4 ქვეტიპი, რაც აუტიზმის გენეტიკური მხარეების შესწავლისა და პერსონალიზებული მკურნალობის მეთოდებისკენ გადადგმული ნაბიჯია — „მნიშვნელოვანი კვლევაა, რადგან კიდევ ერთ აგურს წარმოადგენს კედლისთვის, რომელიც საფუძველს ქმნის მნიშვნელოვან კითხვებზე პასუხების გასაცემად“.ახლა კი უშუალოდ ახალი კვლევის მიერ გამოვლენილი ქვეტიპები განვიხილოთ:1. სოციალური და ქცევითი გამოწვევებიეს ჯგუფი კვლევის მონაწილეთა 37%-ს შეადგენდა, რომელთაც სოციალური გამოწვევები და განმეორებითი ქმედებები ახასიათებდათ. თუმცა, მიუხედავად ამისა, ჩვეულებრივ ვითარდებოდნენ იმ ბავშვების მსგავსად, რომელთაც აუტიზმი არ ჰქონდათ. მათ პარალელურად ისეთ მდგომარეობებთანაც უწევდათ გამკლავება როგორებიცაა ADHD, შფოთვა, დეპრესია და ობსესიურ-კომპულსიური აშლილობა.2. აუტისტური სპექტრი განვითარების ჩამორჩენითმონაწილეთა 19%-ში გამოვლინდა. ამ ჯგუფში არსებული ბავშვები უფრო გვიან იწყებდნენ სიარულსა და ლაპარაკს იმ ბავშვებთან შედარებით, რომელთაც აუტიზმი არ ჰქონდათ. თუმცა მათ შფოთვის, დეპრესიისა თუ სხვა დესტრუქციული ქმედებები არ აღენიშნებოდათ. ზოგიერთის შემთხვევაში კი განმეორებითი ქმედებები და სოციალური გამოწვევები გვხვდებოდა.3. მსუბუქი გამოწვევებიკვლევის მონაწილეთა საკმაოდ მნიშვნელოვან წილს, 34%-ს წარმოადგენდა. ეს ჯგუფი აუტიზმისთვის დამახასიათებელ ძირითად ქმედებებს აჩვენებდა, თუმცა არა ისე ძლიერად, როგორც სხვა ჯგუფები… განვითარების ტემპიც ჩვეულებრივი ჰქონდათ და არც რაიმე ფსიქიატრიული მდგომარეობა აღენიშნებოდათ.4. დიდი გავლენის ქვეშ მყოფიეს ჯგუფი კი უკვე კვლევის მონაწილეთა 10%-ს შეადგენდა. ისინი უფრო მძიმე გამოწვევების წინაშე იდგნენ, იქნება ეს განვითარების შეფერხებები, სოციალური თუ კომუნიკაციის სირთულეები, განმეორებითი ქმედებები და ისეთი ფსიქიატრიული მდგომარეობები, როგორებიცაა შფოთვა, დეპრესია და ე. წ. განწყობის დისრეგულაცია.ოთხივე ქვეტიპს განსხვავებული გენეტიკური მახასიათებლები აქვსაუტიზმის ერთი გამომწვევი მიზეზი არ არსებობს, ბევრ საკითხს უკავშირდება, რომელთაგანაც, მეცნიერთა ინფორმაციით, ერთ-ერთ ყველაზე მნიშვნელოვან როლს გენეტიკა ასრულებს. თუმცა ამჯერად ეს მიზეზი აუტიზმის სპექტრის მქონე პირების 20%-შია გამოხატული.„თუ გვეცოდინება, რომელ გენებზე ზემოქმედებს, როდის და სად გამოიხატება, შემდგომ აუტიზმის განსხვავებული ტიპების მიღმა არსებულ ბიოლოგიასაც მოვფენთ ნათელს. ეს არის გასაღები ზუსტი მედიცინის მიზნისკენ, რა დროსაც მკურნალობები მორგებული შეიძლება იყოს თითოეულ ინდივიდზე, რომელიც მათი გენეტიკის, განვითარებისა და კლინიკური პროფილის შესახებ არსებულ ინფორმაციებს დაეფუძნება“, — განმარტავენ მეცნიერები.კვლევის შეზღუდვაგამომდინარე იქიდან, რომ კვლევის მონაწილეთა საშუალო ასაკი 8.5 გამოდის, მეცნიერებს აინტერესებთ, რა შედეგები გამოვლინდება უფრო ასაკიან ადამიანებში… სამომავლოდ კი მიღებული შედეგების უფრო ფართო და მრავალფეროვან ჯგუფებზე გამეორება სურთ…მართალია, უახლესმა კვლევამ აუტიზმის 4 ქვეტიპი წარადგინა, მაგრამ ეს სულაც არ ნიშნავს იმას, რომ მეტი არ არსებობს — „რაც უფრო მეტი მონაცემი გახდება ხელმისაწვდომი, მით უფრო დაიხვეწება არსებული ქვეტიპები და მათ შორის ახლებიც იჩენს თავს“.ამგვარად, კვლევას დრო სჭირდება, უფრო ზუსტი დიაგნოზი კი, უფრო ეფექტურ მკურნალობის მეთოდებამდე მიგვიყვანს.