1746109733

საგადასახადო მონიტორინგის დეპარტამენტის თანამშრომლებმა უაქციზო ნაწარმის შენახვა-გადაზიდვის ფაქტები გამოავლინეს

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის თანამშრომლებმა ქვეყნის მასშტაბით განხორციელებული კონტროლის ღონისძიებების შედეგად, 6 717 კოლოფი უაქციზო სიგარეტისა და 60 ბოთლი უაქციზო ალკოჰოლური სასმლის მართლსაწინააღმდეგო შენახვა-რეალიზაციის ფაქტები გამოავლინეს.აღნიშნული ფაქტების შესახებ საქმის მასალები, სისხლის სამართლის კოდექსით გათვალისწინებული შესაძლო დანაშაულის  ნიშნების არსებობის გამო, საქართველოს ფინანსთა სამინისტროს საგამოძიებო სამსახურს გადაეგზავნა.

1746103421

ჭიათურის სოფელ შუქრუთის მაღაროს დირექტორზე თავდასხმის ბრალდებით დაკავებულ ოთხ პირს ქუთაისის საქალაქო სასამართლომ აღკვეთის ღონისძიების სახით ორთვიანი პატიმრობა შეუფარდა

ჭიათურის სოფელ შუქრუთის მაღაროს დირექტორზე თავდასხმის ბრალდებით დაკავებულ ოთხ პირს ქუთაისის საქალაქო სასამართლომ აღკვეთის ღონისძიების სახით ორთვიანი პატიმრობა შეუფარდა.სასამართლო პროცესზე დაცვის მხარე აცხადებდა, პროვოცირებული იყო დანაშაული, რასაც ბრალდებულებს ედავებიან. ადვოკატები აღკვეთის ღონისძიების სახით პატიმრობის გამოყენების წინააღმდეგი იყვნენ და თითოეული მათგანისთვის 5 000-5 000-ლარიანი გირაოს შეფარდებას ითხოვდნენ. ბრალდების მხარე კი მოწმეებზე ზემოქმედებისა და მიმალვის საფრთხეზე საუბრობდა და ამიტომ პატიმრობას ითხოვდა. საბოლოოდ მოსამართლემ დაცვის მხარის მოთხოვნა არ დააკმაყოფილა და ოთხივე მათგანს აღკვეთის ღონისძიების სახით ორთვიანი წინასწარი პატიმრობა შეუფარდა.მერაბ სარალიძეს და გიორგი ნეფარიძეს გამოძიება ჯგუფური ძალადობის ორგანიზებას, ხელმძღვანელობას და მასში მონაწილეობას ედავება, რაც ბრალის დამტკიცების შემთხვევაში, სასჯელის სახით ექვსი წლიდან ცხრა წლამდე პატიმრობას ითვალისწინებს. ხოლო თენგო გველესიანს და აჩიკო ჭუმბურიძეს ჯგუფურ ძალადობაში მონაწილეობა ედებათ ბრალად, რაც სასჯელის სახით ოთხიდან ექვს წლამდე თავისუფლების აღკვეთას ითვალისწინებს.საქმეზე წინასასამართლო სხდომა 19 ივნისს გაიმართება.ცნობისთვის, ჭიათურაში მომხდარ ინციდენტთან დაკავშირებით პოლიციამ ოთხი პირი დააკავა.შინაგან საქმეთა სამინისტროს ინფორმაციით, „გამოძიებით დადგინდა, რომ ბრალდებულები ჭიათურის მუნიციპალიტეტში შუქრუთის მაღაროს დირექტორს, 1982 წელს დაბადებულ თ.კ.-ს ფიზიკურად დაუპირისპირდნენ და სხეულის სხვადასხვა არეში დაზიანებები მიაყენეს“.

1746099540

პროკურატურამ ნარკოტიკული საშუალების უკანონო შეძენის, შენახვის და გასაღების ფაქტზე დაკავებულს ბრალდება წარუდგინა

საქართველოს პროკურატურამ ნარკოტიკული საშუალების უკანონო შეძენის, შენახვის და გასაღების ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და ინახავდა ნარკოტიკულ საშუალება "ალფა პვპ“, რომლის რეალიზაციასაც ახორციელებდა.დაკავებულს ბრალდება საქართველოს სისხლის სამართლის კოდექსის 260-ე მუხლის პირველი და მე-4 ნაწილებით (2025 წლის 1 მაისამდე მოქმედი რედაქცია) წარედგინა, რაც სასჯელის სახედ და ზომად 15 წლამდე თავისუფლების აღკვეთას ითვალისწინებს.პროკურატურა ბრალდებულის აღკვეთის ღონისძიების სახით პატიმრობის შეფარდების შუამდგომლობით თელავის რაიონულ სასამართლოს კანონით დადგენილ ვადაში მიმართავს.ინფორმაციას საქართველოს პროკურატურა ავრცელებს.

1746099248

„საკუთარ შვილებს დედა მოუკლა, კიდევ ორ ბავშვს - მამა“ - სასტიკ მკვლელობებში ბრალდებულ კაცს უვადო პატიმრობა მიუსაჯეს

თელავის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და სამი პირის განზრახ მკვლელობის ფაქტზე ბრალდებული დამნაშავედ ცნო.საქმე ეხება 2024 წლის 28 აგვისტოს მომხდარ მკვლელობას - გურჯაანის მუნიციპალიტეტში 39 წლის კაცმა მეუღლე და ორი მეგობარი მოკლა."სასამართლო პროცესზე გამოკვლეული მტკიცებულებებით დადგინდა, რომ 2024 წლის 28 აგვისტოს, გურჯაანის მუნიციპალიტეტის სოფელ ახაშენში ბრალდებულმა გენდერის ნიშნით, შეუწყნარებლობის და შურისძიების მოტივით, ცეცხლსასროლი იარაღიდან ესროლა მეუღლეს და შემთხვევის ადგილზე მყოფ პირს, რომლებიც მიღებული დაზიანებების შედეგად ადგილზე გარდაიცვალნენ.აღნიშნულის შემდეგ ბრალდებული მივიდა სოფელ ზეგაანში და ცეცხლსასროლი იარაღიდან გასროლით კიდევ ერთ დაზარალებულს ჭრილობები მიაყენა. მიღებული დაზიანებების შედეგად დაზარალებული გარდაიცვალა.თელავის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში (სისხლის სამართლის კოდექსის 11',109 -მუხლის „თ“, „კ“, „ლ“ პუნქტებით) და სასჯელის სახედ და ზომად უვადო თავისუფლების აღკვეთა განუსაზღვრა" - ნათქვამია პროკურატურის მიერ გავრცელებულ ინფორმაციაში.ცნობისთვის, სამმაგ მკვლელობაში ბრალდებული ზვიად ზურაბაშვილი, სამართალდამცველებმა მომხდარიდან მეორე დღეს, 2024 წლის 29 აგვისტოს, დააკავეს.ადგილობრივების ინფორმაციით, ის ტყეში იმალებოდა. ამბობენ, რომ ზურაბაშვილმა დანაშაულის ადგილი ჯერ ავტომობილით დატოვა, შემდეგ კი გზა წინასწარ გამზადებული მოტოციკლით განაგრძო.ახლობლების მიერ გამოძიებისთვის მიცემული ჩვენებით ირკვევა, რომ ახმეტაში, მშობლებთან მყოფ ფიქრია ტუგულაშვილს ქმარმა დაურეკა და ახაშენში, მათ საცხოვრებელ სახლში ჩასვლა სთხოვა. ადგილზე მისვლიდან ზუსტად ერთ საათში კაცმა ახალგაზრდა ქალს ცეცხლსასროლი იარაღიდან ესროლა. ეს გარემოება, ადგილობრივებს არწმუნებს, რომ ზურაბაშვილს დანაშაული წინასწარ ჰქონდა დაგეგმილი და ცოლი სახლში, რეალურად მკვლელობის მიზნით დაიბარა.ცნობილია, რომ ზვიად ზურაბაშვილი ცოლზე ძალადობისთვის სასჯელს ერთხელ უკვე იხდიდა. ორი წლის წინ მან ფიქრია ტუგულაშვილს დანით კისრის არეში მძიმე ჭრილობები მიაყენა.

1746098722

ჩხუბი და ხმაური სასამართლოში - პროცესზე "ახალისა" და "გირჩი-მეტი თავისუფლების" პრესსამსახურის წარმომადგენლების საქმეს გაიხილავენ

ხმაური და დაპირისპირება იყო თბილისის საქალაქო სასამართლოში, სადაც პარტიების "ახალის" და "გირჩი-მეტი თავისუფლების" პრესსამსახურის წარმომადგენლების - მირანდა ბაღათურიას და ანა ყურაშვილის ადმინისტრაციული საქმის განხილვა მიმდინარეობდა.ადვოკატების ინფორმაციით, შინაგან საქმეთა სამინისტრომ მათთვის პატიმრობის შეფარდება მოითხოვა, მოსამართლემ კი ცოტა ხნის წინ 4 000 ლარიანი ჯარიმის შეფარდების გადაწყვეტილება მიიღო. მანამდე, სხდომიდან მანდატურებმა რამდენიმე პირი გააძევეს, რასაც ხმაური მოჰყვა.მირანდა ბაღათურიას და ანა ყურაშვილს ადმინისტრაციულ სამართალდარღვევათა კოდექსის 173-ე მუხლის მეორე ნაწილის საფუძველზე პოლიციელ მირიან ქავთარაძის შეურაცხყოფას ედავებიან.

1746097452

ჭიათურაში ძალადობის ბრალდებით დაკავებულ ოთხივე პირს აღკვეთის ღონისძიების სახით პატიმრობა შეეფარდა

ჭიათურაში ძალადობის ბრალდებით დაკავებულ ოთხივე პირს აღკვეთის ღონისძიების სახით პატიმრობა შეეფარდა. პროცესი ქუთაისის საქალაქო სასამართლოში გაიმართა.მოსამართლემ გაითვალისწინა ბრალდების მხარის შუამდგომლობა და დაკავებული მერაბ სარალიძე, გიორგი ნეფარიძე, თენგო გველესიანი და აჩიკო ჭუმბურიძე პატიმრობაში დატოვა. მომდევნო პროცესი 19 ივნისს გაიმართება.შემთხვევა ჭიათურაში მაღაროსთან 28 აპრილს მოხდა. შსს-ს ინფორმაციით, 4 პირი შუქრუთის მაღაროს დირექტორს ფიზიკურად დაუპირისპირდა და სხეულის სხვადასხვა არეში დაზიანება მიაყენეს

1746093102

ცნობილია იმ კაცის განაჩენი, რომელმაც ცოლი და ორი მეგობარი მოკლა

თელავის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და სამი პირის განზრახ მკვლელობის ფაქტზე ბრალდებული დამნაშავედ ცნო.საქმე ეხება 2024 წლის 28 აგვისტოს მომხდარ მკვლელობას - გურჯაანის მუნიციპალიტეტში 39 წლის კაცმა მეუღლე და ორი მეგობარი მოკლა."სასამართლო პროცესზე გამოკვლეული მტკიცებულებებით დადგინდა, რომ 2024 წლის 28 აგვისტოს, გურჯაანის მუნიციპალიტეტის სოფელ ახაშენში ბრალდებულმა გენდერის ნიშნით, შეუწყნარებლობის და შურისძიების მოტივით, ცეცხლსასროლი იარაღიდან ესროლა მეუღლეს და შემთხვევის ადგილზე მყოფ პირს, რომლებიც მიღებული დაზიანებების შედეგად ადგილზე გარდაიცვალნენ.აღნიშნულის შემდეგ ბრალდებული მივიდა სოფელ ზეგაანში და ცეცხლსასროლი იარაღიდან გასროლით კიდევ ერთ დაზარალებულს ჭრილობები მიაყენა. მიღებული დაზიანებების შედეგად დაზარალებული გარდაიცვალა.თელავის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში (სისხლის სამართლის კოდექსის 11',109 -მუხლის „თ“, „კ“, „ლ“ პუნქტებით) და სასჯელის სახედ და ზომად უვადო თავისუფლების აღკვეთა განუსაზღვრა" - ნათქვამია პროკურატურის მიერ გავრცელებულ ინფორმაციაში.

1746091785

თბილისის საქალაქო სასამართლომ ბიძინა ივანიშვილის სარჩელი სრულად დააკმაყოფილა, გიორგი ბაჩიაშვილს 9000-მდე ბიტკოინის დაბრუნება დაევალა

თბილისის საქალაქო სასამართლომ სრულად დააკმაყოფილა „ქართული ოცნების“ დამფუძნებლის, ბიძინა ივანიშვილის სამოქალაქო სარჩელი და „თანავინსტერების ფონდის“ ყოფილ ხელმძღვანელს, გიორგი ბაჩიაშვილს დაევალა 9000-მდე ბიტკოინის დაბრუნება.გადაწყვეტილება მოსამართლე ზაალ მარუაშვილმა გამოაცხადა.როგორც ბიძინა ივანიშვილის ადვოკატმა, თეიმურაზ წიქვაძემ განაცხადა, სასამართლომ „ქართული ოცნების“ დამფუძნებლის სარჩელი სრულად დააკმაყოფილა.„საქმე იხილებოდა გამარტივებული წესით. დღეს მიღებული გადაწყვეტილებით დაკმაყოფილდა ჩვენი მოთხოვნა და განისაზღვრა 7-დღიანი გასაჩივრების ვადა. დაკმაყოფილდა ასევე, ჩვენი მოთხოვნა დაუყოვნებლივ აღსრულებასთან დაკავშირებით, რაც იმას ნიშნავს, რომ სასამართლო გადაწყვეტილება მიემართება დაუყოვნებლივ აღსასრულებლად. ჩვენ მივმართავთ კანონით განსაზღვრულ ვადებში აღსრულების ეროვნულ ბიუროს. ჩვენი მხრიდან ძირითადი მოთხოვნა იყო ბიტკოინების დაბრუნება, ვინაიდან კანონიერ ძალაში შესული სისხლის სამართლის საქმეზე მიღებული გადაწყვეტილებით დადგენილია, რომ ბატონმა გიორგი ბაჩიაშვილმა ბიძინა ივანიშვილის 9000-მდე ბიტკოინი მიითვისა. ეს იყო ძირითადი მოთხოვნა, რაც დაკმაყოფილდა. იმ შემთხვევაში, თუ მას არ ექნება, არ აღმოაჩნდება ეს ბიტკოინები, ჩვენ ვიცით, რომ ის ახდენდა უკანონო შემოსავლის ლეგალიზაციას და სხვადასხვა ფორმას აძლევდა ამ მითვისებულ ბიტკოინებს, მაშინ იგი ვალდებული იქნება დაზარალებულ მხარეს დაუბრუნოს ამ ბიტკოინების ღირებულება გადაწყვეტილების აღსრულების მომენტისათვის არსებული რაოდენობით“, – განაცხადა ბიძინა ივანიშვილის ადვოკატმა თეიმურაზ წიქვაძემ.გიორგი ბაჩიაშვილის ადვოკატის, სოფო ქურდაულის თქმით, დაცვის მხარე სასამართლოს გადაწყვეტილებას არ ეთანხმება და მას გაასაჩივრებს.„ამ საქმეზე ჩვენი მთავარი არგუმენტი იყო, რომ პირველი ინსტანციის სასამართლოს განაჩენი არ არის საბოლოო, არ არის შესული კანონიერ ძალაში, სასამართლოს არ ჰქონდა უფლება ამ განაჩენის საფუძველზე განეხილა საქმე დაჩქარებული წესით, ვინაიდან აღნიშნული განაჩენის გასაჩივრების ვადა გიორგი ბაჩიაშვილს გასული არ აქვს. გიორგი ბაჩიაშვილის ქონებას ყადაღა შვიდი მარტიდან ადევს. დაყადაღებულია არა მხოლოდ გიორგი ბაჩიაშვილის კუთვნილი ქონება, არამედ სხვა პირების უძრავ-მოძრავი ქონება, რომელიც საქმეში არც მხარეს და არცერთი სტატუსით ჩართულები არ ყოფილან, დღეს სასამართლომ ამ გადაწყვეტილებით დაადგინა არა მხოლოდ ბაჩიაშვილის, არამედ სხვა პირების ქონების რეალიზაცია. ჩვენ ამ გადაწყვეტილებას არ ვეთანხმებით და გავასაჩივრებთ“, – განაცხადა სოფო ქურდაულმა.

1746090409

საქალაქო სასამართლოში მსახიობ ანდრო ჭიჭინაძის და მასთან ერთად დაკავებული 10 პირის პროცესი მიმდინარეობს

საქალაქო სასამართლოში მსახიობ ანდრო ჭიჭინაძის და მასთან ერთად დაკავებული 10 პირის პროცესი მიმდინარეობს.დღეს, დაცვის მხარე შესავალ სიტყვას იტყვის. ასევე გადაიხედება აღკვეთის ღონისძიება, რაც ადვოკატების შუამდგომლობაა.მათ გამოძიება ჯგუფურ ძალადობაში მონაწილეობას ედავება. დაკავებულები ბრალს არ აღიარებენ.დაცვის მხარის ადვოკატის, ლაშა ცუცქირიძის განცხადებით, აღმკვეთი ღონისძიების გადახედვის ნაწილში განსაკუთრებული მოლოდინი არ აქვს, რადგან, მისი განცხადებით, უკვე რამდენიმე თევა დაკავებულები დაუსაბუთებლად, უკანონო პატიმრობაში იმყოფებიან."ონისე ცხადაძის ნაწილში წარვადგენ შესავალ სიტყვას. ველით, რომ შესავალი სიტყვის შემდგომ მოსამართლე განიხილავს გამოყენებული აღმკვეთი ღონისძიების ძალაში დატოვების საკითხს. განსაკუთრებული მოლოდინები არ მაქვს ამ საკითხთან დაკავშირებით, ვინაიდან რამდენიმე თვეა ბიჭები დაუსაბუთებლად, უკანონოდ იმყოფებიან პატიმრობაში. არ ვფიქრობ, რომ მოსამართლე დღესაც მიიღებს განსხვავებულ გადაწყვეტილებას", - განაცხადა ლაშა ცუცქირიძემ.დაცვის მხარის ადვოკატის, თორნიკე მიგინეიშვილის განცხადებით, დღეს სიტყვით ისარგებლებს დაკავებული მსახიობი, ანდრო ჭიჭინაძე, რომლის საპროტესტო აქციაზე დგომის მთავარი მიზანი საქართველოს მომავლის დაცვა იყო."შესავალ სიტყვაში, პირველ რიგში, გავამახვილებთ ყურადღებას იმ აქციებზე, რომლებიც უწყვეტად მიმდინარეობს 150 დღეზე მეტია და ვისაუბრებთ იმ განზრახვაზე, რომელიც ჰქონდა ანდრო ჭიჭინაძეს, როდესაც, თუნდაც 29 ნოემბერს, იდგა ევროპული მომავლის დასაცავად. ანდროც ისაუბრებს, ისიც თავის შესავალ სიტყვაში ახსნის რეალურ რისთვის იდგა იქ და რომ მას არავითარი განზრახვა არ ჰქონია სხვა, გარდა საქართველოს მომავლის დაცვისა", - განაცხადა თორნიკე მიგინეიშვილმა.

1746089562

2025 წლის მარტში სისხლის სამართლებრივი დევნა 2 218 პირის მიმართ დაიწყო - საქსტატი

სტატისტიკის ეროვნული სამსახურის მონაცემებით, 2025 წლის მარტში სისხლის სამართლებრივი დევნა 2 218 პირის მიმართ დაიწყო . აქედან გამოსაცდელი ვადის გასვლამდე დანაშაული ჩადენილია 150 პირის მიერ, რაც დევნადაწყებული პირების 6.8 პროცენტს შეადგენს.საქსტატის ცნობით, მიმდინარე წლის მარტში დევნის დაწყების ყველაზე მაღალი მაჩვენებელი – 827 შემთხვევა თბილისში ფიქსირდება, აჭარაში – 317, ხოლო ოკუპირებული აფხაზეთის რეგიონში – 11 შემთხვევა.2025 წლის მარტში დევნის დაწყების მაჩვენებელი, სსკ-ის კონკრეტული მუხლების მიხედვით, ასე გადანაწილდა: ქურდობა – 412 შემთხვევა; მუქარა – 236 შემთხვევა; ოჯახური ძალადობა – 204 შემთხვევა; ძალადობა – 178 შემთხვევა; გაუპატიურება – სამი შემთხვევა; გარყვნილი ქმედება – შვიდი შემთხვევა; თაღლითობა – 59 შემთხვევა; ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება – 488 შემთხვევა; ნარკოტიკული საშუალების შემცველი მცენარის უკანონო დათესვა, მოყვანა ან კულტივირება – ექვსი შემთხვევა; ყალბი დოკუმენტების დამზადება – 96 შემთხვევა.ამასთან, საქსტატის ცნობით, მიმდინარე წლის მარტში დამამძიმებელ გარემოებაში განზრახ მკვლელობის მუხლით – ექვსი შემთხვევა, მკვლელობის მცდელობის მუხლითაც ექვსი შემთხვევა გამოვლინდა.

1746087681

იმერეთის პოლიციამ განსაკუთრებით დიდი ოდენობით ნარკოტიკი ამოიღო - დაკავებულია 3 პირი

შინაგან საქმეთა სამინისტროს იმერეთის პოლიციის დეპარტამენტის და თერჯოლის რაიონული სამმართველოს თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 3 პირი დააკავეს. ინფორმაციას შს სამინისტრო ავრცელებს.უწყების ცნობით, 1976 წელს დაბადებული ქ.შ.-ს, 1977 წელს დაბადებული ვ.კ.-ს და წარსულში ნასამართლევ და ამჟამად პირობითი მსჯავრის ქვეშ მყოფ 1976 წელს დაბადებულ ი.ჟ.-ს ბრალი ედებათ წინასწარი შეთანხმებით ჯგუფის მიერ, დიდი და განსაკუთრებით დიდი ოდენობით ნარკოტიკული საშუალებების არაერთგზის უკანონო შეძენა-შენახვასა და გასაღების მცდელობაში.დანაშაული 20 წლამდე ან უვადო თავისუფლების აღკვეთას ითვალისწინებს.შსს-ს ინფორმაციით, სამართალდამცველებმა ნარკოდანაშაულის ბრალდებით დაკავებულების პირადი, ავტომობილის და საცხოვრებელი სახლების ჩხრეკისას, განსაკუთრებით დიდი ოდენობით ნარკოტიკული საშუალება „მეთადონი“ და „ალფა-პვპ“ ამოიღეს. საგამოძიებო მოქმედებების შედეგად, პოლიციის მიერ ნივთმტკიცებად ამოღებულია ნარკოტიკული საშუალების დაფასოებისთვის საჭირო მასალები.გამოძიება სისხლის სამართლის კოდექსის 260-ე მუხლის მე-3 და მე-6 ნაწილებით, ასევე, 19-260-ე მუხლის მე-5 და მე-7 ნაწილებით მიმდინარეობს.

1746085415

იმერეთის პოლიციამ განსაკუთრებით დიდი ოდენობით ნარკოტიკი ამოიღო - დაკავებულია 3 პირი

შინაგან საქმეთა სამინისტროს იმერეთის პოლიციის დეპარტამენტის და თერჯოლის რაიონული სამმართველოს თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად,ნარკოდანაშაულის ბრალდებით 3 პირი დააკავეს. ინფორმაციას შინაგან საქმეთა სამინისტრო ავრცელებს.1976 წელს დაბადებული ქ.შ.-ს, 1977 წელს დაბადებული ვ.კ.-ს და წარსულში ნასამართლევ და ამჟამად პირობითი მსჯავრის ქვეშ მყოფ 1976 წელს დაბადებულ ი.ჟ.-ს ბრალი ედებათ წინასწარი შეთანხმებით ჯგუფის მიერ, დიდი და განსაკუთრებით დიდი ოდენობით ნარკოტიკული საშუალებების არაერთგზის უკანონო შეძენა-შენახვასა და გასაღების მცდელობაში.დანაშაული 20-წლამდე ან უვადო თავისუფლების აღკვეთას ითვალისწინებს.სამართალდამცველებმა ნარკოდანაშაულის ბრალდებით დაკავებულების პირადი, ავტომობილის და საცხოვრებელი სახლების ჩხრეკისას, განსაკუთრებით დიდი ოდენობით ნარკოტიკული საშუალება „მეთადონი“ და „ალფა-პვპ“ ამოიღეს.საგამოძიებო მოქმედებების შედეგად, პოლიციის მიერ ნივთმტკიცებად ამოღებულია ნარკოტიკული საშუალების დაფასოებისთვის საჭირო მასალები.გამოძიება სისხლის სამართლის კოდექსის 260-ე მუხლის მე-3 და მე-6 ნაწილებით, ასევე, 19-260-ე მუხლის მე-5 და მე-7 ნაწილებით მიმდინარეობს.