1754026163

საბაჟო გამშვები პუნქტი „ყაზბეგი“ ჩვეულ რეჟიმში აგრძელებს მუშაობას

ფინანსთა სამინისტროს შემოსავლების სამსახური გაცნობებთ, რომ ,,ყაზბეგის“ საბაჟო გამშვები პუნქტის გავლით, საერთაშორისო გადაზიდვების განმახორციელებელი კომპანიების მიერ საქონლის შემოტანა-გატანა, აგრეთვე, აღნიშნული საბაჟო გამშვები პუნქტების გავლით სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები შეუფერხებლად, სრული დატვირთვით მიმდინარეობს. შეგახსენებთ, რომ მიმდინარე წლის, 31 ივლისს, მოხდა დევდორაკის ხეობაში განთავსებული განგაშის სისტემის აქტივაცია. უსაფრთხოების უზრუნველყოფის მიზნით, შესაბამის სახელმწიფო უწყებებთან კოორდინირებული მუშაობის შედეგად, ,,ყაზბეგის“ საბაჟო გამშვებ პუნქტის თანამშრომლები და მგზავრები გადაყვანილი იქნენ დაცულ/უსაფრთხო ტერიტორიაზე.

1754025296

ჟინვალი-ბარისახო-შატილის გზაზე სოფელ თვალივთან ავტოტრანსპორტის მოძრაობა აღდგა

შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 22-ე კმ-ზე (სოფ. თვალივი) ავტოტრანსპორტის მოძრაობა აღდგენილია.ინფორმაციას საქართველოს ინფრასტრუქტურის სამინისტროს საავტომობილო გზების დეპარტამენტი ავრცელებს.

1754023687

როგორი ვითარებაა და რა კადრები ვრცელდება ყაზბეგიდან

31 ივლისს, ყაზბეგის მუნიციპალიტეტში მეწყერი ჩამოწვა. შსს-ის განცხადებით, დაშავებული არავინ არის.მეწყრულ-ღვარცოფული კადრები სოცქსელში ვრცელდება. მოქალაქეები წერენ, რომ დაშავებული არავინაა. ნახეთ, კადრები:

1754022794

სტეფანწმინდა-ლარსის მონაკვეთზე ავტოტრანსპორტის მოძრაობა აღდგა

საერთაშორისო მნიშვნელობის მცხეთა–სტეფანწმინდა–ლარსის კმ124-კმ139 (დაბა სტეფანწმინდა-ლარსი) მონაკვეთზე ავტოტრანსპორტის მოძრაობა აღდგენილია. აღნიშნული საავტომობილო გზის 135-ე კმ-ზე (დევდორაკი-ამალის ხეობა) ავტოტრანსპორტის მოძრაობა განხორციელდება გაუჩერებლად გავლის რეჟიმში.ინფორმაციას საავტომობილო გზების დეპარტამენტი ავრცელებს.

1754020784

მოძრაობა იზღუდება – მნიშვნელოვანი ინფორმაცია მძღოლებისთვის

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ხევის ადიდების გამო, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 22-ე კმ-ზე (სოფ. თვალივი), დროებით იზღუდება ყველა სახის ავტოტრანსპორტის მოძრაობა.

1753995029

ქართველმა საბერძნეთში ეჭვიანობის ნიადაგზე, ცოლი მუცლის და კისრის არეში სასიკვდილოდ დაჭრა - მამაკაცი დაკავებულია

საბერძნეთის ქალაქ თესალონიკში, ანალიფსის რაიონში ქართველმა კაცმა ცოლი ეჭვიანობის ნიადაგზე მუცლის და კისრის არეში სასიკვდილოდ დაჭრა. მომხდარის შესახებ ბერძნული მედია წერს. სამართალდამცველებმა ქართველი შემთხვევის ადგილას დააკავეს. ქალი კლინიკაშია გადაყვანილი მას შესაბამისი სამედიცინო დახმარება უტარდება.გამოძიების ფარგლებში დადგინდა, რომ ბრალდებული წარსულშიც ფიგურირებდა სხვადასხვა დანაშაულებრივ საქმეში, მათ შორის ყაჩაღობასა და ქურდობაში. 

1753994135

სტეფანწმინდა-ლარსის მონაკვეთზე ავტოტრანსპორტის მოძრაობა დროებით იზღუდება - გზების დეპარტამენტი

საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის კმ124-კმ139 მონაკვეთზე (დაბა სტეფანწმინდა-ლარსი) დროებით იზღუდება ყველა სახის ავტოტრანსპორტის მოძრაობა,- ამის შესახებ საქართველოს ინფრასტრუქტურის სამინისტროს საავტომობილო გზების დეპარტამენტის მიერ გავრცელებულ ინფორმაციაშია ნათქვამი.„უხვი ნალექის შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 135-ე კმ-ზე, დევდორაკის გვირაბის მიმდებარედ, სასიგნალო მოწყობილობის გააქტიურებიის გამო, აღნიშნული საავტომობილო გზის კმ124-კმ139 მონაკვეთზე (დაბა სტეფანწმინდა-ლარსი), დროებით იზღუდება ყველა სახის ავტოტრანსპორტის მოძრაობა“, - ნათქვამია ინფორმაციაში.

1753994020

„საუკეთესო ადამიანო, დიდი ტკივილი და სიცარიელე დატოვე...“ - ტრაგიკულად დაღუპულ ახალგაზრდას ემშვიდობებიან

ახლობლები სოციალურ ქსელში ახალგაზრდა კაცს ემშვიდობებიან. როგორც პოსტის კომენტარებში წერენ, მამუკა ხანთაძე ავტოსაგზაო შემთხვევას ემსხვერპლა.„ახალგაზრდის სიკვდილი იგივეა, წელიწადის დროებიდან გაზაფხული ამოიღო! დიდი ტრაგედია დაატყდა სოფელს, ოჯახს... მოულოდნელად გარდაიცვალა კარგი ახალგაზრდა, საუკეთესო მეგობარი და ადამიანი, მამუკა ხანთაძე.დიდი ტკივილი და სიცარიელე სუფევს სოფელში, უსაშველო და ამოუვსებელი სიცარიელე!..  ბზვანის წმინდა გიორგის ტაძრის მრევლი უერთდება ამ დიდ ტკივილს და სამძიმარს უცხადებს, ოჯახს და ახლობლებს.უფალმა სასუფეველი დაგიმკვიდროს, მამუკა, და დაგამკვიდროს იქ, სადაც მართალნი განისვენებენ“, - ნათქვამია სამძიმრის ტექსტში.

1753992527

ახალი არქეოლოგიური აღმოჩენა! - დმანისში, ოროზმანის საერთაშორისო არქეოლოგიური გათხრების ფარგლებში 1.8 მილიონი წლის წინანდელი ადამიანის ქვედა ყბა აღმოაჩინეს

დმანისში, ოროზმანის საერთაშორისო არქეოლოგიური გათხრების ფარგლებში 1.8 მილიონი წლის წინანდელი ადამიანის ქვედა ყბა აღმოაჩინეს. ინფორმაციას ამის შესახებ საქართველოს კულტურული მემკვიდრეობის დაცვის ეროვნული სააგენტო ავრცელებს.„ახალი არქეოლოგიური აღმოჩენა ოროზმანის საერთაშორისო გათხრების ფარგლებში, აღმოჩენილია 1.8 მილიონი წლის წინანდელი ადამიანის ქვედა ყბა.აღმოჩენის ადგილზე იმყოფებოდნენ საქართველოს ეროვნული მუზეუმის გენერალური დირექტორი დავით ლორთქიფანიძე და საქართველოს კულტურული მემკვიდრეობის დაცვის ეროვნული სააგენტოს არქეოლოგიისა და კულტურული მემკვიდრეობის კვლევის სამსახურის ხელმძღვანელი კონსტანტინე ფიცხელაური.საექსპედიციო ჯგუფმა, არქეოლოგ გიორგი ბიძინაშვილის ხელმძღვანელობით, სააგენტოს მიერ 2024 წლის 29 ნოემბერს გაცემული სანებართვო მოწმობის საფუძველზე, დმანისის მუნიციპალიტეტში, სოფელ ქვემო ოროზმანის ტერიტორიაზე არსებულ არქეოლოგიურ ობიექტზე, 1.8 მილიონი წლით დათარიღებულ ფენაში ადამიანის ქვედა ყბა აღმოაჩინა. აღნიშნული აღმოჩენა, სავარაუდოდ, ადრეულ Homo erectus-ს ეკუთვნის.გათხრები მიმდინარეობს 1.84-1.77 მილიონი წლების არქეოლოგიურ ფენებში — ზუსტად იმ ტერიტორიაზე, სადაც ამავე ექსპედიციამ 2022 წელს ადამიანის კბილი აღმოაჩინა. გათხრები 2025 წლის ივლისში განახლდა და სექტემბრის ბოლომდე გაგრძელდება.ექსპედიციაში პროფესიონალ არქეოლოგებთან ერთად მონაწილეობენ სტუდენტები საქართველოდან, აშშ-დან, საფრანგეთიდან, დანიიდან, კოლუმბიიდან და ყაზახეთიდან“, - წერს საქართველოს კულტურული მემკვიდრეობის დაცვის ეროვნული სააგენტო. 

1753991958

„როგორ უნდა მოგინელოთ ჩვენო მზეჭაბუკო... ყველგან სითბოსა და სიყვარულს აფრქვევდი, ყველას შეაყვარე თავი...“ - ქართველი მეზღვაური გარდაიცვალა

სოციალურ ქსელში სამწუხარო ინფორმაცია ვრცელდება. მეგობრები და ნათესავები მოულოდნელად გარდაცვლილ ქართველ მეზღვაურს, აჩი უსტიაშვილს ემშვიდობებიან. როგორც პოსტის კომენტარებიდან ირკვევა, ახალგაზრდა კაცის გარდაცვალების მიზეზი, გულის შეტევა გახდა.„ცრემლებით ვაკოწიწე შენი ფოტოები აჩი... იცით როგორი ბიჭი იყო აჩი? ყველგან სითბოსა და სიყვარულს რომ აფრქვევდა... მოღიმარი, მოციმციმე თვალებით ყველას შეაყვარა თავი. რამდენის გულები გაანადგურე და თან წაიღე... როგორ უნდა მოგინელონ შენმა მშობლებმა, მამიდებმა, მთელმა სანათესავომ, მეგობრებმა, ჩვენო მზეჭაბუკო. როგორ უნდა ჩავხედოთ შენს დედიკოს თვალებში, შენს გაყინულ მამიკოსა და ძმას რა ვუთხრათ, რით ვანუგეშოთ? გულიდან არ ამომდიხარ ჩვენო ბიჭო... გელოდებით შორეული ნაოსნობიდან, გულგახეთქილები“.„ჩვენო აჩი, დაგვღუპე და გაგვანადგურე შვილო, გაუსაძლისი ტკივილი ხარ. აწი უშენოდ რა უნდა ვქნათ“, - წერენ სოციალურ ქსელში.  

1753990936

სამმაგი მკვლელობა მემკვიდრეობის გამო - წითელი ცირკულარით ძებნილი კაცი საქართველოში დააკავეს

თურქეთში სამი ადამიანის მკვლელობაში ბრალდებული პირი საქართველოში დააკავეს.თურქეთში, ქაისერის მელიქგაზის რაიონში მემკვიდრეობის გამო დაწყებული კონფლიქტი ტრაგედიით დასრულდა – 2022 წლის 3 იანვარს, 44 წლის მეჰმეთ ილმაზმა ცეცხლსასროლი იარაღით მოკლა თავისი ორი ბიძაშვილი, 30 წლის სეით ილმაზი და 20 წლის გაფარ მეჰმეთ ილმაზი, ასევე მათი დეიდა, 44 წლის სერდარ ილმაზი.კონფლიქტის დროს, იარაღიდან ნასროლი ტყვია შემთხვევით კიდევ ერთ პირს – M.A.-საც მოხვდა, თუმცა ის გადარჩა. ორი ბიძაშვილი შემთხვევის ადგილზე გარდაიცვალა, მათი დეიდა კი საავადმყოფოში მიყვანის შემდეგ.მეჰმეთ ილმაზი მომხდარი ტრაგედიის შემდეგ მიიმალა, მის წინააღმდეგ კი წითელი ცირკულარით საერთაშორისო ძებნა გამოცხადდა.სამძებრო მოქმედებების შემდეგ, თურქეთის სამართალდამცავებმა დაადგინეს, რომ მეჰმეთ ილმაზი საქართველოში იმყოფებოდა. თურქული მედია წერს, რომ ამჟამად დაწყებულია მისი ექსტრადიციის პროცედურები თურქეთის მხარისთვის გადაცემის მიზნით.

1753990624

ხევის ადიდების გამო, ჟინვალი-ბარისახო-შატილის გზაზე, მოძრაობა დროებით იზღუდება

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ხევის ადიდების გამო, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 22-ე კმ-ზე (სოფ. თვალივი), დროებით იზღუდება ყველა სახის ავტოტრანსპორტის მოძრაობა.