1762115533

ცნობილი ქართველი მსახიობი გარდაიცვალა

მსახიობი აკაკი მესაბლიშვილი გარდაიცვალა. ამის შესახებ მარჯანიშვილის თეატრი წერს.„გარდაიცვალა მარჯანიშვილის თეატრის მსახიობი აკაკი მესაბლიშვილი.მარჯანიშვილის თეატრი მწუხარებას გამოთქვამს ბატონი აკაკის გარდაცვალების გამო და თანაგრძნობას უცხადებს მის ოჯახს, ახლობლებსა და კოლეგებს“, - ნათქვამია სამძიმრის პოსტში. 

1762113787

ცნობილი ტიკტოკერი სკანდალში გაეხვია - მშობლების საჩივრების საფუძველზე საკითხით სამართალდამცველები დაინტერესდნენ

"კარგია, კარგია, კარგია" - რა იმალება ერთი შეხედვით უწყინარი ფრაზის მიღმა და ვინ არის ადამიანი, რომელმაც ამ ერთი სიტყვის გამეორებით ათიათასობით ბავშვის ყურადღება მიიქცია? ზურაბ კენჭიაშვილს, რომელიც სოციალურ ქსელში ცნობილია, როგორც "ზურა ბიძია", მშობლების საჩივრების საფუძველზე ახლა პოლიციელების კითხვებზე პასუხის გაცემა უწევს.ტიკტოკერი მამაკაცის კონტენტი ძირითადად ბავშვებთან კომუნიკაციაზეა აგებული. მოქმედება ხშირად სკოლის ტერიტორიაზე ან მის სიახლოვეს ხდება. პოზიციონირებს როგორც "კეთილი ბიძა", პატარებს ასაჩუქრებს, ყიდულობს ტკბილეულს, უღებს ერთი შეხედვით სახალისო ვიდეოებს, თუმცა მშობლების ნებართვის გარეშე."რუსთავი 2"-ს სწორედ მშობლებმა მოგვმართეს, რომლებმაც საკუთარი შვილები ტიკტოკერის გვერდზე შემთხვევით აღმოაჩინეს. რეპორტაჟის მომზადებისას შევეცადეთ ჩაგვეწერა ინტერვიუ ზურა კენჭიაშვილთან, თუმცა მან ეს არ ისურვა."ზურა ბიძიას" სახელით ზურაბ კენჭიაშვილმა პოპულარობა, განსაკუთრებით ბავშვებში მოიპოვა.ის უღებს ვიდეოებს არასრულწლოვნებს და ხშირ შემთხვევაში ინტერნეტში მშობლის თანხმობის გარეშე ავრცელებს. ასევე მშობლისგან მალულად ყიდულობს პატარებს ტკბილეულს. გარკვეული დავალების შესრულების სანაცვლოდ ჩუქნის სპორტულ ინვენტარსაც. ბავშვებთან კომუნიკაციისთვის მიდის სკოლებშიც, სადაც ხშირად ექმნება პრობლემა ადინისტრაციასთან.ბავშვების ვიდეოების გარდა სოციალურ ქსელში, მის პირად გვერდზე დებს ჩასასვენებელი სასახლეების რეკლამებსაც.რამდენიმე დღის წინ გაავრცელა ვიდეო, სადაც მაცივარ-ჩასასვენებელში არასრულწლოვანი იწვა. რადგან ნეგატიური კომენტარები დაიმსახურა, ვიდეო მალევე წაშალა და მოგვიანებით განმარტება გააკეთა."ზურა ბიძია" იგივე პლატფორმაზე, სადაც მისი გამომწერების უმრავლესობა არასრულწლოვანია, იწყევლება და იგინება კიდეც.კუბოს თემატიკას იყენებს სკოლების დაცვის თანამშრომლებთან ჩხუბის დროსაც, როდესაც ადმინისტრაცია ბავშვების გადაღებისას და საგაკვეთილო პროცესში ხელის შეშლისას წინააღმდეგობას უწევს.ვიდეოების კომენტარებში ჩნდება კითხვები - ვინ არის "ზურა ბიძია"? რა მიზანი აქვს და არღვევს თუ არა ის ბავშვების უფლებებს? ამ კითხვებით სამართალდამცველებიც დაინტერესდნენ.ბავშვთა უფლებადამცველები არ გამორიცხავენ, რომ საქმეში დანაშაულის ნიშნები გამოიკვეთოს.კანონმდებლობით დაცული ბავშვთა საუკეთესო ინტერესის გარდა არსებობს მორალური მხარეც, რომლის გათვალისწინებითაც ზურაბ კენჭიაშვილის ქმედებები გაუმართლებელია ბავშვთა ფსიქოლოგებისთვის.სპეციალისტები ბავშვების ფსიქოლოგიური ტრავმირების საფრთხეზეც საუბრობენ.რა მიზანი ამოძრავებს "ზურა ბიძიას?" თავად მთავარ კითხვაზე "კურიერი P.S"-ს პასუხი არ გასცა.პოლიციმ ზურა ბიძია უკვე გამოკითხა და გააფრთხილა, მოკვლევა დაწყებულია. ახლა სამართალდამცველებმა უნდა დაადგინონ, არღვევს თუ არა "ზურა ბიძია" ბავშვების უფლებებს, მშობლებმა კი მოუწოდონ ბავშვებს, შეზღუდონ კომუნიკაცია უცნობებთან.

1762113438

საქართველოში მიწისძვრა მოხდა

საქართველოში მიწისძვრა მოხდა. ეპიცენტრი სოფელი სამებაა.ბიძგების სიმძლავრემ 2.0 მაგნიტუდა შეადგინა.ცნობისთვის, მანამდე 4,4 მაგნიტუდის მიწისძვრა საქართველოდან 4 კილომეტრში, სომხეთის საზღვარზე დაფიქსირდა. 

1762113042

VIDEO: „უარი როგორ გითხრაო და უმღერა სალოს...“ - გიორგი გაბუნია ლაშა ბასლანძის კადრებს აქვეყნებს

შოუმენი გიორგი გაბუნია გადაცემიდან აქვეყნებს კადრებს, სადაც სალომე ბაკურაძე და ლაშა ბასლანძე იყვნენ სტუმრად. ლაშამ სალომეს უმღერა.„არსად არ მიმღერია, თავი დამანებეო... მაგრამ კარგი, უარი როგორ გითხრაო და უმღერა სალოს...“ - წერს გაბუნია.ლაშა ბასლანძე 27 ოქტომბერს, იტალიაში გარდაიცვალა. სოციალურ ქსელში უამრავი ადამიანი ლაშას ემოციური პოსტით ემშვიდობება.სამშაბათს, 4 ნოემბერს საბურთალოს ამაღლების ეკლესიიდან, 14:00 საათზე უკანასკნელ გზაზე გააცილებენ...

1762112113

„გუშინდელი ღამე გადავიტანეთ, თუ გადატანა ჰქვია...“ - ნანუკა გოგიჩაიშვილი

პროდიუსერი და მუსიკალური ბიზნესმენი ლაშა ბასლანძე სამშობლოში ჩამოასვენეს. ამასთან დაკავშირებით, მოდელი ნანუკა გოგიჩაიშვილი სოციალურ ქსელში პოსტს აქვეყნებს. „გუშინდელი ღამე გადავიტანეთ, თუ გადატანა ჰქვია... ეს ჭრილობა კიდევ უფრო მძაფრად მახსენებს ჩემს შეუხორცებელ ნაიარევს“, - წერს გოგიჩაიშვილი.ლაშა ბასლანძე 27 ოქტომბერს, იტალიაში გარდაიცვალა. სოციალურ ქსელში უამრავი ადამიანი ლაშას ემოციური პოსტით ემშვიდობება.სამშაბათს, 4 ნოემბერს საბურთალოს ამაღლების ეკლესიიდან, 14:00 საათზე უკანასკნელ გზაზე გააცილებენ...

1762110162

„უმძიმესი ამბავი - იტალიიდან დაგვიკავშირდა ქალბატონი...“ - თამუნა მუსერიძე მიმართვას ავრცელებს

ჟურნალისტი თამუნა მუსერიძე წერს, რომ იტალიიდან დაუკავშირდა ქალი, რომელიც 2005 წელს გარდაცვლილ შვილიშვილების შესახებ უყვება. როგორც აღმოჩნდა, ოჯახს ეჭვი აქვს, რომ ბავშვები ცოცხლები არიან და სხვადასხვა ოჯახში გააშვილეს.„უმძიმესი ამბავი.იტალიიდან დაგვიკავშირდა ქალბატონი, რომელიც 2005 წელს დაბადებულ შვილიშვილებს ეძებს. როგორც ის გვიყვება, როდესაც მან გარდაცვლილ ტყუპ შვილიშვილებს, მამაოსთან ერთად ღუდუშაურის სამშობიაროში მიაკითხა, ექიმებმა ჩვილების ამოსაცნობად მაცივარში მყოფი, 6 წყვილი იდენტური გაყინული ტყუპისცალი აჩვენეს. ბებიას შვილიშვილები ნანახი არ ჰყავდა და ვერ ამოიცნო. ამიტომ ექიმებს დაუჯერა და რომელი ჩვილებიც გამოატანეს, ისინი დაკრძალა. ვეძებთ 2005 წელს დაბადებულ ტყუპ გოგოებს. შეიძლება ისინი სხვადასხვა ოჯახებშიც კი გაშვილდნენ“, - წერს მუსერიძე.

1762109031

+22 გრადუსამდე დათბება - 3 ნოემბრის ამინდის პროგნოზი ქალაქების მიხედვით

3 ნოემბერს, საქართველოს უმეტეს რეგიონში მზიანი, უნალექო ამინდია მოსალოდნელი. დასავლეთ საქართველოს ქალაქებში, ტემპერატურა შედარებით მოიმატებს.ამინდის პროგნოზი ქალაქების მიხედვით:გაგრა +21 - უმეტესად მზიანისოხუმი +21 - უმეტესად მზიანიზუგდიდი +21 - უმეტესად მზიანიმესტია +13 - მზიანიფოთი +21 - უმეტესად მზიანიბათუმი +22 - უმეტესად მზიანიოზურგეთი +22 - უმეტესად მზიანიქუთაისი +21 - მზიანიამბროლაური +18 - მზიანიახალციხე +17 - მზიანიბორჯომი +14 - მზიანიბაკურიანი +13 - მზიანიგორი +16 - მზიანიცხინვალი +15 - მზიანისტეფანწმინდა +11 - მზიანიგუდაური +6 - მზიანითელავი +14 - უმეტესად მზიანირუსთავი +17 - უმეტესად მზიანითბილისი +16 - უმეტესად მზიანი

1762101934

„...სანამ ყავას მივირთმევთ უმჯობესია მივიღოთ წყალი, საჭმლის თუნდაც მცირე ულუფასთან ერთად" -  ენდოკრინოლოგი ქეთი ასათიანი

 ენდოკრინოლოგი ქეთი ასათიანი გადაცემა „პოსტ ალიონის“ სტუმარია, რომლ ყავის შესახებ საინტერესო რჩევებს გვიზიარებს:„ზოგიერთ ადამიანს აქვს ყავის დალევის მოთხოვნილება. ეს საკითხი ინდივიდუალურია და აზრი ორ ნაწილად იყოფა. რატომ გვაქვს ყავის მირთმევის სურვილი ძალიან ბე დამოკიდებული. ასევე ძალიან ბევრ რამეზეა დამოკიდებული, ყავა სასარგებლოა თუ არა ადამიანისთვის, ეს არის სქესი, ჯანმრთელობის მდგომარეობა, ასაკი და ა.შ. ვფიქრობ სანამ ყავას მივირთმევთ უმჯობესია მივიღოთ წყალი, საჭმლის თუნდაც მცირე ულუფასთან ერთად. მე პირადად დღეში სამ ფინჯან ყავას მივირთმევ და ეს არის ჩემი მაქსიმუმი. ყავაში შემავალ ნივთიერებებს შეუძლია სტრესთან ბრძოლა, გარდა კოფეინისა, შიგნით არის ბევრი ანტი ოქსიდანტი. შესაბამისად, ის ზომიერების ფარგლებში ალცჰაიმერის და შაქრის განვითარების რისკს ამცირებს. ის ასევე ამცირებს ინფარქტის განვითარების შესაძლებლობას. ამასთან, არ არის სასურველი ყავის ნალექის მირთმევა.  დღეში დაახლოებით 400 გრამი კოფეინის მირთმევაა მიზანშეწონილი", - ამბობს ქეთი ასათიანი.  

1762098978

საქართველოს საზღვართან მიწისძვრა მოხდა

სეისმური მონიტორინგის ეროვნული ცენტრის ინფორმაციით, თბილისის დროით 19:49 საათზე სომხეთში, საქართველოს საზღვრიდან 4კმ-ში მიწისძვრა მოხდა.ბიძგების სიმძლავრემ 4.4 მაგნიტუდა შეადგინა. დამატებითი ინფორმაცია არ გავრცელებულა.     

1762098141

წელს ის უფრო თბილი იქნება... - მეტეოროლოგი ნოემბრის ამინდზე

როგორი ამინდები გველოდება ნოემბერში? - ამის შესახებ მეტეოროლოგი კობა ფარტენაძე სოციალურ ქსელში წერს.„მიუხედავად იმისა, რომ კალენდარულად ნოემბერი დაგვიდგა, წელს ის უფრო თბილი იქნება, ვიდრე გვახსოვს. ნალექების რაოდენობა მრავალწლიურ მნიშვნელობაზე ნაკლები.რა თქმა უნდა, ცალკეული დღეები შეიძლება იყოს ცივი,წვიმაც შეგვახსენებს თავს და სიცივეც, მაგრამ უმეტესად მზე და სითბო გვექნება - დღის ტემპერატურებით +22, +24 გრადუსთან ახლოს დასავლეთში და +17, +19 გრადუსით აღმოსავლეთში.ეს იქნება ის ნოემბერი, რომელიც არ ჩქარობს აცივებას,უბრალოდ გვაჩუქებს უამრავ მშვიდ და თბილ დღეს, სანამ ზამთარი შემოაბიჯებს.“  - წერს მეტეოროლოგი.

1762095879

დღევანდელ მსოფლიოში, როცა ასეთი სულიერი ძნელბედობაა, განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო - მეუფე შიო

მხოლოდ გულმოწყალე ადამიანმა შეიძლება დაიმკვიდროს სასუფეველი. ცათა სასუფევლის დამკვიდრებისთვის საჭიროა, ისე მოვალბოთ ჩვენი გული, რომ მასში შემოვიდეს სულიწმინდის მადლი, რომელიც ფერს უცვლის ადამიანს, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) სულთმოფენობიდან ოცდამეერთე კვირას, ღირსი გაბრიელ აღმსარებლისა და სალოსის ხსენების დღეს, ქადაგებისას განაცხადა.მეუფე შიოს თქმით, დღევანდელ მსოფლიოში, როდესაც ასეთი სულიერი ძნელბედობაა, განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო და არც არასდროს მოაკლდება.„სახელითა მამისათა და ძისათა და სულისა წმინდისათა.ძვირფასო მამებო, დედებო, ძმებო და დებო, გილოცავთ დღევანდელ კვირა დღეს, რომელიც დაემთხვა ღირსი გაბრიელ სალოსისა და აღმსარებლის ხსენებას. შეგვეწიოს მისი მადლი და ლოცვა ჩვენ და სრულიად საქართველოს.გადმოგცემთ მისი უწმინდესობის და უნეტარესობის, კათოლიკოს-პატრიარქ ილია II-ის მოლოცვას და კურთხევას.დღეს წაკითხული იყო იგავი სახარებიდან მდიდარსა და ლაზარეზე. ეს ორი ადამიანია, ორი სახეა წარმოდგენილი ჩვენ წინაშე. მდიდარს საერთოდ არ ენაღვლებოდა, რომ მის კართან იწვა მძიმე ავადმყოფი და გლახაკი, სრულიად გულგრილი იყო მისი ბედისადმი. ლაზარე კი ძალიან მოკრძალებული იყო. მას ის კი არ უნდოდა, რომ მდიდრის სუფრიდან ლანგრით მიეტანათ მისთვის საჭმელი, არამედ იმას ნატრობდა, რომ ძირს დაცვენილი ნამცეცი მაინც შეხვედროდა. იმდენად ავად იყო, რომ სიარულიც კი არ შეეძლო. ამ მდიდარს ეს ამბავი სრულიად არ აღელვებდა, ის იმდენად გართული იყო თავისი ნადიმებით და ფუფუნებით. გარდაცვალების შემდეგ ყველაფერი შეიცვალა, ღარიბი აღმოჩნდა აბრაამის წიაღში, მდიდარი კი – ცეცხლოვან გეენიაში, ჯოჯოხეთში.რატომ მოხდა ასე? რაზეა ეს იგავი, საერთოდ?ეს იგავი არის მოწყალებაზე. ასე იმიტომ მოხდა, ძვირფასო ძმებო და დებო, რომ ღმერთი არის მოწყალე. მხოლოდ გულმოწყალე, მოწყალე გულის მქონე ადამიანმა შეიძლება დაიმკვიდროს სასუფეველი. ვერცერთი ულმობელი, ვერცერთი უსიყვარულო, სასტიკი, ბოროტი ადამიანი სასუფეველს ვერ დაიმკვიდრებს, რაგინდ ბევრი დამსახურება ჰქონდეს ამ დედამიწაზე, იმიტომ რომ ცათა სასუფეველი არ არის ის, რაც გაიცემა რაღაც დამსახურებების სანაცვლოდ, არამედ ცათა სასუფევლის დამკვიდრებისთვის საჭიროა, ისე მოვალბოთ ჩვენი გული, რომ მასში შემოვიდეს სულიწმინდის მადლი, რომელიც ფერს უცვლის ადამიანს და ხარბიდან გადააქცევს ხელგაშლილად, ამპარტავნიდან – თავმდაბლად, შურიანიდან – მოსიყვარულედ, ნაყროვანიდან – მმარხველად და ა. შ. არცერთი ულმობელი ადამიანისთვის, ვინც არ არის მოწყალე გულის მქონე, ეს ფერისცვალება შესაძლებელი არ არის. ვერ მოხდება ეს სასწაული მის სულში. ვიმეორებ: რატომ? – იმიტომ, რომ ასეთი ადამიანის სულში სულიწმინდის მადლი ვერ შემოდის.ამიტომ მთელი ცხოვრება უნდა იღვაწოს ადამიანმა ქმედით სიყვარულში, რომ ეს ლმობიერება და მოწყალება ისწავლოს. სწორედ ამაზეა დღევანდელი იგავი, რომ ვისწავლოთ ეს თვისებები, ეს სათნოებები და ჩვენი ცხოვრების შედეგად ამ მდიდრის მსგავსად არ აღმოვჩნდეთ ცეცხლოვან გეენიაში, არამედ მოვემზადოთ მარადისობასთან შესახვედრად. ეს ცხოვრება იმისთვის გვაქვს მოცემული, რომ ღირსეულად მოვემზადოთ მარადისობაში გადასვლისთვის, როცა იქნება სამსჯავრო ჩვენი, როცა წარვდგებით სამსჯავროზე. თუმცა სამსჯავრო არის მთელი ცხოვრება, ადამიანი ამ ცხოვრებაშივე გამოუტანს განაჩენს თავის თავს და აკეთებს არჩევანს, თუ სად იქნება მარადისობაში.თუ ამ ცხოვრებაში შეიძინე შური, უმოწყალობა, სიძვა, ვერცხლისმოყვარეობა, ამპარტავნება და სხვა ასეთი ვნებები, მარადისობაშიც თან წაგყვება ეს თვისებები, იქაც ასეთი იქნები. მაგრამ უფალს უნდა, რომ შეიძინო სიმდაბლე, სიყვარული, ლოცვა, მოთმინება, სულგრძელება, მოწყალება. რატომ? – იმიტომ, რომ თვითონ არის ასეთი უფალი ჩვენი იესო ქრისტე; და თუ ეს თვისებები გექნება, მაშინ ის თავისთან წაგიყვანს და გაცხონებს.ძვირფასო ძმებო და დებო, მაგრამ ეს ადამიანის დახმარების გარეშე შეუძლებელია. თუ ადამიანს ეს არ უნდა, ყველაფერი ამაო იქნება, ხოლო თუ უნდა და იღვწის ამისთვის, მაშინ უფალი აუცილებლად შეეწევა მას, განკურნავს ამ ვნებებისგან და აცხონებს.ასე რომ, დავფიქრდეთ ამ იგავზე: ვინ ვართ ჩვენ – მდიდარი თუ ლაზარე? და თუ ჩვენს თავში ჯერ კიდევ ვხედავთ ამ უმოწყალო მდიდრის თვისებებს, გონს მოვიდეთ, სანამ კიდევ გვაქვს ფიზიკური და სულიერი ძალები, რომ ფერი ვიცვალოთ და გამოვსწორდეთ.დღეს არის ღირსი გაბრიელ სალოსისა და აღმსარებლის ხსენება. საოცარი სიხარული სუფევს დღეს ჩვენს მსახურებაზე, ძალიან ბევრი ხალხია შეკრებილი. გილოცავთ ამ დღესასწაულს. შეგვეწიოს მამა გაბრიელის ლოცვა და მადლი.იგი იყო სრულიად გამორჩეული ადამიანი და მოღვაწე ჩვენი ეკლესიის უახლეს ისტორიაში. მოგეხსენებათ, ის მოღვაწეობდა ათეისტურ პერიოდში და მრავალ ადამიანს გაუნათა გზა უფლისკენ, რისთვისაც იგი მრავალჯერ ტანჯეს, დევნეს, გვემეს და დააპატიმრეს. ის ამ თავის დიდ სულიერებას ფარავდა სალოსობის ღვაწლით. ამის გამო, მრავალჯერ შეშლილი ეგონათ, მაგრამ, როგორც ამბობს პავლე მოციქული: „სულელი იგი ღვთისა უბრძენეს არს კაცთა“ (1 კორ. 25). თავისივე სიცოცხლეში ის მრავალ სასწაულს აღასრულებდა და მისი გარდაცვალების შემდეგ კიდევ უფრო მეტი სასწაული სრულდება, ადამიანები მოდიან არამხოლოდ საქართველოს სხვადასხვა კუთხიდან, არამედ მსოფლიოს სხვადასხვა მხარიდან და წმინდა გაბრიელის ლოცვით უფალი მათ უსრულებს თხოვნას და ანიჭებს სულიერ და ხორციელ კურნებებს.დღეს, დღევანდელ მსოფლიოში, როდესაც ასეთი სულიერი ძნელბედობაა, ჩვენ განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო, საქართველოს არასდროს მოჰკლებია სულიწმინდის მადლი და არც არასდროს მოაკლდება.მაშ, დღეს, მისი ხსენების დღეს, განსაკუთრებით ვევედროთ ღირს გაბრიელს, აღმსარებელსა და სალოსს, რომ მისი ლოცვით უფალმა დაიფაროს და გააძლიეროს ჩვენი ქვეყანა, ჩვენი ეკლესია, გააძლიეროს და ადღეგრძელოს სრულიად საქართველოს კათოლიკოს-პატრიარქი ილია II და შეგვეწიოს ღირსი მამა გაბრიელი, რომ ამ ლაზარეს მსგავსად, უფალმა დაგვამკვიდროს აბრაამის წიაღში, რათა დავტკბეთ იმ გამოუთქმელი სიკეთეებით, რომლებიც „თვალს არ უნახავს და ყურს არ სმენია“ (1 კორ. 2,9), რისი ღირსიც დაე, გავმხდარიყავით მადლითა და კაცთმოყვარებითა უფლისა ჩვენისა იესო ქრისტესითა, რომელსაც შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ. ჩვენთან არს ღმერთი“, – განაცხადა მეუფე შიომ.

1762092431

„ბებოები და ბაბუები რომ ამბობენ, მოაპრიალეთ თეფში კარგად... თუმცა, თეფშის მოპრიალების ტრადიცია ყოველთვის კარგი არ არის“ – მარი მალაზონია

„არაერთი კვლევა ადასტურებს, რომ ბავშვობაში წარმოქმნილი ცხიმოვანი უჯრედები არსად აღარ მიდის და შეიძლება რაოდენობრივად ვეღარასდროს შევამციროთ“, – ამის შესახებ ექიმმა და ტელეწამყვანმა, მარი მალაზონიამ„პირველი არხის“ ეთერში ისაუბრა.ცნობილი ტელესახე და სამედიცინო გადაცემის წამყვანი ამბობს, რომ „თეფშის მოპრიალების ტრადიცია ყოველთვის კარგი არ არის“:„თუ ვსაუბრობთ ძირითად პრინციპზე, რა თქმა უნდა ჩვენი ამოცანაა, რომ ასეთი რიტმულობა, რომელიც თუნდაც გულისცემიდან გამომდინარე ჩვენ გვაქვს, რომელიც ჯერ კიდევ მუცლად ყოფნის პერიოდში დედის გულისცემაზე ნაყოფის ბიოლოგიური საათის გასწორებას გულისხმობს ბავშვის სიცოცხლის შემდეგ ეტაპზე ისე, რომ ბავშვისთვის ეს არ იყოს მტკივნეული. რა თქმა უნდა მნიშვნელოვანია ულუფასთან დაკავშირებული ჩვენი ცდუნებების დაძლევა.განსაკუთრებით, ბებოები და ბაბუები რომ ამბობენ, მოაპრიალეთ თეფში კარგად... კარგად ჩაპუნტულებული და ჩამრგვალებული ბავშვები – ეს ხო ჩვენთან ჯანმრთელობის სიმბოლო და სინონიმია, თუმცა არაერთი კვლევა ადასტურებს, რომ ბავშვობაში წარმოქმნილი ცხიმოვანი უჯრედები არსად აღარ მიდის და შეიძლება რაოდენობრივად ვეღარასდროს შევამციროთ, შესაბამისად თეფშის მოპრიალების ტრადიცია ყოველთვის კარგი არ არის. ეს უნდა იყოს შესაბამისობაში ბავშვის მოთხოვნილებასთან.რა მივირთვათ? – ეს არის ჩვენი გადაცემის ფორმულაც. ეს არის სუ ცოტა 5 ჯგუფის, სულ ცოტა 5 ფერის პროდუქტი ყოველდღიურად. კიდევ უფრო უკეთესია ცისარტყელა თეფშზე, რაც იმას ნიშნავს, რომ ვცდილობთ მრავალი ფერიპოპულარულიშემოვიტანოთ კვებაში, რადგან მრავალფეროვნება კვებაში გულისხმობს მრავალი სასარგებლო ნივთიერების ჩართვას. ყოველი ფერის მიღმა არის ნივთიერება, რომელიც ჩვენი და ბავშვის ჯანმრთელობაზე გადამწყვეტ გავლენას ახდენს.ჯგუფები, ეს არის ცილოვანი საკვები პროდუქტები, რომელშიც როგორც ცხოველური, ასევე მცენარეული ივარაუდება და ეს არის ბოსტნეულის მაღალი წილი. ბავშვებს არ უყვართ ხოლმე, მაგრამ ძალიან მნიშვნელოვანია, რომ ვითამაშოთ თავიდანვე. მნიშვნელოვანია ხილის როლი, მარცვლეულ-ბურღულეული და არ დაგვავიწყდეს ბავშვების შემთხვევაში რძის ნაწარმი“, – ამბობს მარი მალაზონია.            View this post on Instagram                       A post shared by პირველი არხი (@1tv.ge)