1750108356

„ზრდის აუტიზმის რისკს...“ - ახალი კვლევა

ორსულობის დროს დიეტური გაზიანი სასმელების მიღებამ შეიძლება გაზარდოს თქვენი შვილის აუტიზმის განვითარების ალბათობა, ნათქვამია ახალ კვლევაში.ორსული ან მეძუძური ქალები, რომლებიც მოიხმარენ ასპარტამის შემცველ საკვებს და სასმელს, ხელოვნურ დამატკბობელს, შეიძლება უკავშირდებოდეს მამრობითი სქესის ბავშვების დაბადებას აუტიზმით. ტეხასის უნივერსიტეტის ჯანმრთელობის სამეცნიერო ცენტრის მეცნიერებმა დაადგინეს, რომ აუტიზმის მქონე ბიჭებს შორის მათი დედები სამჯერ უფრო ხშირად სვამდნენ დღეში მინიმუმ ერთ დიეტურ გაზიან სასმელს - ან მოიხმარდნენ ეკვივალენტური რაოდენობით ხუთს.კვლევაში აუტიზმის სპექტრის აშლილობის მქონე 235 ბავშვის დედები გამოიკვლიეს. აუტიზმის მქონე მამრობითი სქესის ბავშვების დედები სამჯერ უფრო ხშირად სვამდნენ მსგავს სასმელებს ბავშვის მუცლადყოფნის დროს.„ჩვენ ვნახეთ ეს ასოციაციები აუტიზმთან დაკავშირებით ბიჭებში, მაგრამ არა აუტიზმთან დაკავშირებით გოგონებში”, - თქვა დოქტორმა ფაულერმა.ავტორებმა აღნიშნეს, რომ კვლევა ჩატარდა ქალების ორსულობის შემდეგ რამდენიმე წლის შემდეგ.კვლევაში მონაწილე დოქტორი მოუწოდებს ორსულებს ან მეძუძურ ქალებს - ან მათ, ვინც დაორსულებას ცდილობს - მოერიდონ ასპარტამის შემცველ სასმელებს. ”მიუხედავად იმისა, რომ ჩვენ ჯერ არ გვაქვს საბოლოო პასუხები, ქალებს შეუძლიათ ახლავე იმოქმედონ ხელმისაწვდომი მონაცემებით, რათა დაიცვან თავიანთი ბავშვები”, - თქვა მან.ტვინისა და აუტიზმის მკვლევარი დოქტორი რობერტ მელილო, რომელიც არ იყო ჩართული კვლევაში, ამბობს, რომ დასკვნები ემთხვევა მის კვლევასაც.„აუტიზმის მაჩვენებლები გაიზარდა ბოლო 30 წლის განმავლობაში, 10000-დან 1-დან ახლა 36-დან 1-მდე, ხოლო ბიჭების დიაგნოზი ოთხჯერ აღემატება გოგონებს”, - თქვა მან. 

1750102820

„მოსალოდნელია ძლიერი წვიმა, ელჭექი და სეტყვა“ – გაფრთხილება ამინდზე

გარემოს ეროვნული სააგენტო, 17 ივნისს, საქართველოში მოსალოდნელი ამინდის პროგნოზს აქვეყნებს. „17 ივნისს დასავლეთ საქართველოს ზოგიერთ რაიონში ნარჩუნდება ძლიერი წვიმის და ელჭექის, ხოლო აღმოსავლეთ საქართველოს ცალკეულ რაიონში სეტყვის შესაძლებლობა. იქროლებს დასავლეთის მიმართულების ძლიერი ქარი.მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო).“, - აღნიშნულია ინფორმაციაში.

1750099867

ავიაკომპანია Wizz Air-ი განცხადებას ავრცელებს

ავიაკომპანია Wizz Air-ი თელ-ავივისა და ამანის მიმართულებით 2025 წლის 15 სექტემბრამდე ყველა ავიარეისს წყვეტს - ამის შესახებ, კომპანია ოფიციალურ განცხადებას ავრცელებს.კომპანიის თქმით, აღნიშნული გადაწყვეტილების მიზეზი "ახლო აღმოსავლეთში უსაფრთხოების მდგომარეობის გამწვავებაა"."Wizz Air-მა მიიღო გადაწყვეტილება, დაუყოვნებლივ შეაჩეროს ყველა რეისი თელ-ავივისა და ამანის მიმართულებით 2025 წლის 15 სექტემბრამდე. ასევე, ავიაკომპანია დროებით შეწყვეტს ისრაელის, ერაყის, ირანისა და სირიის საჰაერო სივრცეებით სარგებლობას.გადაწყვეტილება მიღებულ იქნა ახლო აღმოსავლეთში უსაფრთხოების მდგომარეობის გამწვავების ფონზე. Wizz Air-ისთვის უმთავრეს პრიორიტეტს წარმოადგენს მგზავრების, ეკიპაჟისა და თვითმფრინავების უსაფრთხოება. კომპანია აქტიურად აკვირდება მიმდინარე მოვლენებს და მჭიდროდ თანამშრომლობს შესაბამის სამთავრობო და საავიაციო უწყებებთან.ავიაკომპანია მაქსიმალურად შეეცდება, შეამციროს შეფერხებები მგზავრებისთვის და ბილეთების მფლობელებს პირდაპირ ავიაკომპანიის ვებსაიტზე დაუკავშირდება ელფოსტით – დეტალური ინფორმაციის მიწოდების მიზნით, მათ შორის ჯავშნის შეცვლისა და თანხის დაბრუნების შესაძლებლობებზე. მესამე პირის მიერ დაჯავშნილი ბილეთების შემთხვევაში, მომხმარებლებმა შესაბამის სააგენტოებს უნდა მიმართონ.Wizz Air მადლობას უხდის მგზავრებს თანადგომისთვის, ავიაკომპანია გააგრძელებს ინფორმაციის განახლებას მოვლენების განვითარებასთან ერთად". - წერია განცხადებაში.

1750098441

„გიურზას გავრცელების არეალი თბილისის შემოგარენს მოიცავს - აეროპორტის დასახლება, აფრიკა, ლილოს დასახლება, ფონიჭალა, კრწანისი…“ - ჰერპეტოლოგი

ჰერპეტოლოგ შოთა ზანდუკელის განმარტებით, დედაქალაქში ქვეწარმავლები მომრავლებულები არ არიან, თუმცა, გიურზა თბილისის შემოგარენშიც შეინიშნება.„გიურზას გავრცელების არეალი თბილისის შემოგარენს მოიცავს - აეროპორტის დასახლება, აფრიკა, ლილოს დასახლება, ფონიჭალა, კრწანისი, შინდისი…“ - ამბობს ჰერპეტოლოგი.ვრცლად ↓

1750094114

„ბაკურიანის განვითარების სააგენტო“ სამწუხარო ინფორმაციას ავრცელებს

საქართველოს ბიატლონის ფედერაციის პრეზიდენტი ნიკოლოზ ბუძიშვილი გარდაიცვალა. სამწუხარო ინფორმაციას სოციალურ ქსელში „ბაკურიანის განვითარების სააგენტო“ ავრცელებს.„ნიკოლოზ ბუძიშვილი 2002 წლიდან იყო საქართველოს ბიატლონის ფედერაციის დამფუძნებელი და პრეზიდენტი. მან მნიშვნელოვანი წვლილი შეიტანა ბიატლონის, როგორც ზამთრის სპორტის განვითარებასა და პოპულარიზაციაში.სსიპ „ბაკურიანის განვითარების სააგენტო“ ღრმა მწუხარებას გამოთქვამს ნიკოლოზ ბუძიშვილის გარდაცვალების გამო და უსამძიმრებს გარდაცვლილის ოჯახის წევრებსა და ახლობლებს“ – ნათქვამია სამძიმრის ტექსტში.

1750092733

„აფეთქების და ნგრევის ხმა გაიგეს… რაკეტა მეზობელ კორპუსს დაეცა...“ - „მეჩანთე“ მიმართვას ავრცელებს

„პრაიმ ჰაუსის“ ყოფილი მონაწილე დავით შეროზია, იგივე „მეჩანთე“ სოციალურ ქსელში პოსტს აქვეყნებს: ინფლუენსერის და, თეა შეროზია, რომელიც უკვე წლებია ისრაელში ცხოვრობს, სასწაულებრივად გადაურჩა ქალაქ ბათ-იამში ირანის მიერ განხორციელებულ სარაკეტო დარტყმებს.როგორც დავით შეროზია წერს, ირანის მიერ ნასროლი რაკეტა, მისი ემიგრანტი დის საცხოვრებელი ბინის მეზობელ კორპუსს დაეცა და დაანგრია.„რადგან ამდენი კითხვაა ცალ-ცალკე რომ არა ერთად მოგიყვებით... თეა და ანკა კარგად არიან... ცუგა "რიკიც გადარჩა და ჩიტიც(სახელი არ ვიცი).დილას, მძინარეს, მეგობრის ხმა ჩამესმა, რომელიც ტელეფონში საუბრობდა (ეკას უყვებოდა) გუშინ "ბათიამი" დაიბომბა, თქვენები როგორ არიანო...როგორ ჩავრთე ტელეფონი არ ვიცი, დედაჩემის 100-ზე მეტი გამოტოვებული ზარის ნოთიფიკაციები აჭრელდა ტელეფონი... სანამ კავშირზე გავედი, არ ვიცი, რა განვიცადე...წუხელ უკვე დაძინებას აპირებდნენ, sms მიუვიდათ, თქვენს კორპუს რაკეტა უახლოვდებაო...წამოხტნენ "პიჟამოებით" და ის იყო სამალავში ჩავიდნენ, რომ აფეთქების და ნგრევის ხმა გაიგეს... რასაც ბიძგები მოჰყვა... სამალავში მტვერი შემოიყარა... რაკეტა მეზობელ კორპუს დაეცა, რომელიც შუაზე გაიხლიჩა და ინერციით ჩემების კორპუსიც ჩამოშალა... ის ნაწილი, სადაც გოგოების საძინებლები იყო...მიუხედავად იმისა, რომ ბეწვზე გადარჩნენ, მთელი ღამე ქუჩაში გაატარეს და ამდენი წლის ნაშრომ ნაწვალები ნივთები, ავეჯი, ტექნიკა, ნანგრევებმა ჩაიტანა.ჩემი "რკინის ემიგრანტი" დაიკო მაინც ამბობს, არაფრის მეშინიაო... დაინგრაო, კიდევ ვიშრომებ, კიდევ ვიწვალებ და თავიდან შევქმნინო...  მთავარია, ცოცხლები გადავრჩითო.. ისეთ "დუხზეა" არ ვიცი...რა მაქვს სატირელი, ღმერთის მადლით ცოცხლები ვართო...თქვენ არაფერზე არ იდარდოთო, აქეთ გვაწყნარებს მე და ჩემ მშობლებს... ვაჟკაცსა გული რკინისაო, ამ გოგოზეა ნათქვამი, იმიტომ კი არა, რომ, ჩემი დაა, უბრალოდ, ეგეთია...მე აქ ხელფეხშეკრული, ვერაფერს ვერ ვშველი, ბოღმისგან და სიბრაზისგან ლამის არის გავსკდე... უსუსურობისგან სიმწრის ცრემლებს ვყლაპავ... რას ვეტაკო არ ვიცი და ის კიდე მე მაწყნარებს... იცინის და ცდილობს რამე ისეთი მითხრას, რომ გამაღიმოს. ძალიან მიყვარხარ“,- წერს დავით შეროზია.  

1750091506

მოსკოვი-ბათუმის რეისზე, რუსულ თვითმფრინავს ძრავის ხუფი მოძვრა და აეროპორტში დაბრუნება მოუწია - მედია

რუსული ავიაკომპანია Azimut-ის ლაინერი Superjet-100-ი, რომელიც მოსკოვი-ბათუმის რეისს ასრულებდა, მოსკოვში, ვნუკოვოს საერთაშორისო აეროპორტში დაბრუნდა, რადგან აფრენისას თვითმფრინავს მარჯვენა ძრავის ხუფი მოძვრა.ავიაკომპანიის პრესსამსახურის განცხადებით, თვითმფრინავი ვნუკოვოს აეროპორტში "ტექნიკური ხარვეზის" გამო დაბრუნდა.ავიაკომპანიაში ამბობენ, რომ ბათუმში მგზავრებს სარეზერვო თვითმფრინავით გადაიყვანენ.

1750087276

საქართველოს ბანკი კანის ლომების საერთაშორისო ფესტივალის შორთლისტშია

საქართველოს ბანკის კამპანია „საქართველოს ხმა“ კანის ლომების საერთაშორისო ფესტივალის Audio & Radio-ს კატეგორიაში რჩეულთა შორის მოხვდა.აღნიშნულ კატეგორიაში 704 პროექტი იყო წარდგენილი, რომელთაგან 68 შორთლისტში დასახელდა. მათ შორისაა „საქართველოს ხმა“. კანის ლომების გამარჯვებულები საფრანგეთში, კანში მიმდინარე ფესტივალზე 20 ივნისსგამოვლინდებიან.“კანის ლომების საერთაშორისო ფესტივალისშორთლისტში მოხვედრა ჩვენთვის  ძალიან სასიხარულოა, რისთვისაც დიდი მადლობა მინდა გადავუხადო ჩვენი გუნდის თითოეულ წევრს, მათ მიერ გაწეული ძალისხმევისათვის. „საქართველოს ხმა“ კამპანიაა, რომელიც 26 მარტს, საქართველოს ეროვნული საფეხბურთო ნაკრების ევრო 2024-ზე გასვლის შედეგად წარმოქმნილი ემოციების გამოძახილია. აღნიშნული ინიციატივა და მისი წარმატება კი გვაჩვენებს, რომ სწორი მიმართულებით მივდივართ - ჩვენი მიზანი ხომ ქვეყნის და საზოგადოების გულისცემაზე ხელის ჭერაა, რათა შევქმნათ ადამიანებისთვის გამორჩეული და ყველაზე დასამახსოვრებელი გამოცდილება. ჩვენ არ ვჩერდებით და განვაგრძობთ ახალი ინიციატივების განხორციელებას“, -  აღნიშნავს მარიამ ცანავა, საქართველოს ბანკის ბრენდის მიმართულებისხელმძღვანელი.ინფორმაციისთვის, საქართველოს ხმასაქართველოს ბანკის მარკეტინგის გუნდისმიერ შექმნილი და აღსრულებული კამპანიაა, რომელიც საქართველოს ეროვნულისაფეხბურთო ნაკრების მიერ 26 მარტსმოპოვებული ისტორიული გამარჯვებისაღსანიშნად შეიქმნა. გამარჯვების მეორე დღეს, 27 მარტს საქართველოს ბანკის ცხელ ხაზზედარეკვისას ისმოდა დაუვიწყარი ფრაზა – „გილოცავთ, საქართველო ევროპაზეა, საქართველო ფორმაშია“.

1750086353

გზების დეპარტამენტი მძღოლებს აფრთხილებს

 საავტომობილო გზების დეპარტამენტის ინფორმაციით, ვაზიანის შემოსავლელ გზაზე არსებული დეფექტების აღმოფხვრის სამუშაოების წარმოებისთვის, 17-18 ივნისს სავალი ნაწილი დროებით შევიწროვდება."საერთაშორისო მნიშვნელობის თბილისი-ბაკურციხე-ლაგოდეხის საავტომობილო გზის კმ0-კმ4 მონაკვეთზე (ვაზიანის შემოსავლელი გზა) არსებული დეფექტების აღმოფხვრის სამუშაოების წარმოებისათვის 2025 წლის 17-18 ივნისს სავალი ნაწილი დროებით შევიწროვდება. საავტომობილო გზაზე შეზღუდვის პერიოდში, ავტოტრანსპორტი იმოძრავებს ჯერ ერთ, ხოლო შემდეგ მეორე სამოძრაო ზოლზე", - აღნიშნულია გავრცელებულ განცხადებაშ

1750078797

სანიკიძის სახელობის ვეტერანთა კლინიკურ ჰოსპიტალს მობილური კლინიკა გადაეცა

ვეტერანების საქმეთა სახელმწიფო სამსახურში დღეს გაიმართა თურქეთის თანამშრომლობისა და კოორდინაციის სააგენტოს (TIKA)-ს მიერ ვ. სანიკიძის სახელობის ვეტერანთა კლინიკური ჰოსპიტლისთვის მობილური კლინიკის გადაცემის ცერემონიალი.აღნიშნული სამსახურის ინფორმაციით, მობილური კლინიკა აღჭურვილია თანამედროვე სტანდარტების შესაბამისი ექოსკოპიისა და კარდიოგრაფიის აპარატით, დეფიბლირატორით, ოფთალმოლოგიური ნაკრებითა და კლინიკური ლაბორატორიით, რაც სრულად უზრუნველყოფს სამსახურის ბენეფიციართათვის პირველადი ჯანდაცვის სერვისების მიწოდებას. მობილურ კლინიკას მოემსახურება ვ. სანიკიძის სახელობის კლინიკური ჰოსპიტლის 8 სპეციალისტი. მობილური კლინიკა, მნიშვნელოვნად გააადვილებს რეგიონებში, მით უფრო,მაღალმთიან რაიონებში მცხოვრები ვეტერანებისთვის პირველადი სამედიცინო დახმარების აღმოჩენას და პრევენციული ღონისძიებების გატარებას.მისასალმებელ სიტყვაში, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ ხაზი გაუსვეს თურქეთსა და საქართველოს შორის სტრატეგიული ურთიერთობების მნიშვნელობას და შედეგზე ორიერნტირებულ თანამშრომლობას.; მადლობა გადაუხადეს თურქეთის თანამშრომლობისა და კოორდინაციის სააგენტოს საქართველოს ვეტერანების თანადგომისა და მხარდაჭერისთვის; საქართველოში თურქეთის რესპუბლიკის საგანგებო და სრულუფლებიანმა ელჩმა, ალი ქაან ორბაიმ და თურქეთის თანამშრომლობისა და კოორდინაციის სააგენტოს- TIKA-ს ხელმძღვანელის მოადგილემ, დოქტორმა უმით ნაჯი იორულმაზმა აღნიშნეს, რომ თურქული მხარისთვის ძალიან მნიშვნელოვანია ყველა ის პროექტი, რომელთაც TIKA საქართველოში, მით უფრო, საქართველოს ვეტერანების მხარდასაჭერად ახორციელებს, რადგან მათთვის განსაკუთრებული პატივია, თანადგომა გამოხატონ იმ დამსახურებული ადამიანების მიმართ, ვინც თავიანთი ქვეყნის ტერიტორიული მთლიანობის, თავისუფლებისა და დამოუკიდებლობისათვის ბრძოლაში ძალისხმევა არ დაიშურეს და დღესაც მზად არიან, სამშობლოს ემსახურონ. თურქმა სტუმრებმა აღნიშნეს, რომ თურქეთის თანამშრომლობისა და კოორდინაციის სააგენტო კვლავ განაგრძობს საქართველოს ვეტერანების თანადგომას და ვეტერანების საქმეთა სახელმწიფო სამსახურსა და TIKA-ს შორის თანამშრომლობა კიდევ უფრო გაღრმავდება.ღონისძიებას ასევე ესწრებოდნენ თურქეთის თანამშრომლობისა და კოორდინაციის სააგენტოს (TIKA)-ს თბილისის კოორდინატორი ზეინეფ ბაირაქი, აფხაზეთის ა/რ მთავრობის თავმჯდომარის მოადგილე, ანზორ მარგიანი, ვ. სანიკიძის ვეტერანთა კლინიკური ჰოსპიტლის დირექტორი, ამურ რევიშვილი და ჰოსპიტლის მედპერსონალი.ვეტერანების საქმეთა სახელმწიფო სამსახურის ურთიერთობა თურქეთის თანამშრომლობისა და კოორდინაციის სააგენტოსთან 2016 წლიდან იღებს სათავეს. სწორედ ამ თანამშრომლობის პირველი შედეგია სამსახურის საკონფერენციო დარბაზი, რომლის თანამედროვე სტანდარტების შესაბამისად აღჭურვა, TIKA-ს თანადგომით 2018 წელს განხორციელდა. თანამშრომლობამ შემდეგ მოიცვა სოფლის მეურნეობის სფეროც - TIKA-მ გურიის ვეტერან ფერმერთა ასოციაციას, 2022 წელს გადასცა 100 სკა და მეფუტკრეობისთვის საჭირო ინვენტარი, დღეს კი, თანამშრომლობა უკვე ახალ ეტაპზე გადავიდა და სამედიცინო სფეროც მოიცვა.„TIKA“ თურქეთის მთავრობის დაქვემდებარებაში მყოფი ორგანიზაციაა, რომელიც ჩვენი ქვეყნის, თითქმის ყველა რეგიონში, 1994 წლიდან, სხვადასხვა მიმართულებით ახორციელებს ერთობლივ პროექტებს ჯანდაცვის, ინფრასტრუქტურის, ტურიზმისა და სოფლის მეურნეობის მიმართულებით.

1750076547

„ცხოველი გადამიხტა წინ...“ - გოგა მანია ავარიაში მოჰყვა

ეზოთერიკოსი გოგა მანია, ავარიაში მოჰყვა. როგორც გოგა „პრაიმტაიმთან“ ამბობს, მას სამტრედიის გზაზე, ცხოველმა გადაუჭრა გზა.„სამტრედიაში, რკინის და ბეტონის კონსტუქციას შეევეჯახე. ცხოველი გადმომიხტა წინ. მადლობა სამყაროს არაფერი დამიზიანდა, მხოლოდ წნევა მაქვს“,- ამბობს გოგა მანია. მან „პრაიმტაიმთან“ 2 კვირის წინ ინტერვიუში თქვა, რომ მას განსაცდელი ელოდა. „უახლოეს მომავალში მელოდება…“ - რა იწინასწარმეტყველა საკუთარ თავზე გოგა მანიამ 

1750069762

+35, +38 გრადუსი - ივნისის განახლებული ამინდის პროგნოზი

17 ივნისამდე საქართველოში უამინდობა გასტანს, ხოლო 18 ივნისიდან ქვეყნის მთელ ტერიტორიაზე გამოიდარებს. „დღეს, დღის მეორე ნახევრიდან და ხვალ (16-17 ივნისი) დასავლეთში ყველგან და აღმოსავლეთში ზოგან მოსალოდნელია კვლავ ხანმოკლე წვიმა და ელჭექი, ზოგან შესაძლებელია ძლიერი წვიმა, ელჭექის დროს კი ქარის ხანმოკლე გაძლიერება.საქართველოში ოთხშაბათს - დღისით გამოიდარებს და მზიანი ამინდია მოსალოდნელი კვირის ბოლომდე.გისურვებთ მხნეობას და სილაღეს“,- ამბობს მეტეოროლოგი. ასევე „პრაიმტაიმს“ სინოპტიკოსი ხათუნა ქოქოსაძე 1 თვის ამინდის პროგნოზს უზიარებს:„იქითა კვირიდან საკმაოდ მაღალი ტემპერატურა დაფიქსირდება +32, +33 გრადუსამდე.თვის პროგნოზით, ივნისის თვის საშუალო ტემპერატურად, დასავლეთ საქართველოს დაბლობისთვის და აღმოსავლეთ საქართველოში, ტემპერატურა მოსალოდნელია +27 გრადუსი. მთიან რაიონებში, 19, 21, გრადუსი.ცალკეულ დღეებს რაც შეეხება, მოსალოდნელია ტემპერატურის მომატება, დასავლეთ საქართველოში, +33, +36 გრადუსამდე. აღმოსავლეთ საქართველოში, +35, +38 გრადუსამდე.წვიმიანი ამინდები ნაკლებად იქნება, ზოგადად მთლიანი ივნისის თვის მიმოხილვით, გეტყვით, რომ ნალექი ნაკლებია და უმეტესად უნალექო ამინდები გველის“, - ამბობს „პრაიმტაიმთან“ ხათუნა ქოქოსაძე.