1775075807

კანონდამრღვევი დაჯარიმდება 1000 ლარით - მნიშვნელოვანი ინფორმაცია

საქართველოს მთავრობის გადაწყვეტილებით, 2026 წლის 1-ლი აპრილიდან პლასტმასისგან დამზადებული ჩანგლების, დანების, კოვზების, ჩხირების, თეფშების, საწრუპების, სასმლის მოსარევების, ასევე გაფართოებული პოლისტიროლისგან (EPS) დამზადებული სასურსათო კონტეინერების და მათი თავსახურების, ჭიქების და მათი თავსახურების რეალიზაცია აიკრძალა. აღნიშნული პროდუქციის იმპორტი და წარმოება 2026 წლის 1 იანვრიდან უკვე აკრძალულია.პირველი აპრილიდან ასევე ძალაში შედის პლასტმასის მოხმარების შეზღუდვასთან დაკავშირებული კიდევ ერთი რეგულაცია. კერძოდ, სახელმწიფო შესყიდვებს დაქვემდებარებულ უწყებებს ეკრძალებათ პლასტმასის ჭიქების, კონტეინერებისა და 3 ლიტრამდე მოცულობის პლასტმასის ბოთლებში ჩამოსხმული სასმელების სახელმწიფო შესყიდვის განხორციელება. შეზღუდვა არ ვრცელდება პლასტმასის 3 ლიტრამდე ბოთლებით სასმლის იმ სახელმწიფო შესყიდვებზე, რომელიც ხორციელდება თავდაცვის ძალების და სამხედრო მოსამსახურეთა საჭიროებისთვის.აღნიშნული რეგულაციების შესრულებაზე კონტროლს, კომპეტენციის ფარგლებში, სურსათის ეროვნული სააგენტო, გარემოსდაცვითი ზედამხედველობის დეპარტამენტი და ფინანსთა სამინისტროს შემოსავლების სამსახური განახორციელებენ."საქართველოს ადმინისტრაციულ სამართალდარღვევათა კოდექსის შესაბამისად, დადგენილებით გათვალისწინებული მოთხოვნების დარღვევა გამოიწვევს დაჯარიმებას 1 000 ლარის ოდენობით და შესაბამისი პროდუქციის კონფისკაციას, ხოლო განმეორებითი დარღვევა - 2 000 ლარის ოდენობის ჯარიმასა და პროდუქციის კონფისკაციას.მნიშვნელოვანია, რომ რეგულაცია არ ვრცელდება პლასტმასის პროდუქციის ექსპორტზე. მწარმოებლები, რომლებიც პროდუქციას ექსპორტის მიზნით ამზადებენ, ვალდებულნი არიან, წარმოების დაწყებამდე მინიმუმ ერთი თვით ადრე წერილობით აცნობონ გარემოსდაცვითი ზედამხედველობის დეპარტამენტს წარმოების დაწყებისა და დასრულების ვადების, დასამზადებელი პროდუქციის რაოდენობის, საექსპორტო ქვეყნების და ექსპორტის განხორციელების გრაფიკის შესახებ", - აღნიშნულია უწყების განცხადებაში. 

1775074272

„თუ შვილოსნობის პრობლემა აქვს, შესაძლოა ორსულობა დადგეს...“ - რას მოუტანს „ვარდისფერი მთვარე“ ზოდიაქოს ნიშნებს

ასტროლოგი და ეზოთერიკოსი ქეთი ოდიშელი „პრაიმტაიმთან“ საუბრისას განმარტავს რას მოუტანს ვარდისფერი მთვარე ზოდიაქოს ნიშნებს. ვერძი – ვერძებისთვის აქტუალურია როგორც პირადი, ასევე საქმესთან დაკავშირებული პარტნიორული საკითხები. ყველა ცეცხლის ნიშნისთვის ახლა მნიშვნელოვანია, რომ რაღაცებში არ გადაამეტონ.კურო – კარგი იქნება, ყურადღება მიაქციონ ჯანმრთელობის საკითხებს. ამ პერიოდში შესაძლოა დასრულდეს მათთვის მნიშვნელოვანი პრობლემები, რომლებიც ჯანმრთელობასთან არის დაკავშირებული. შესაძლოა შინაური ცხოველის სახით სახლში სიახლეც ჰქონდეთ.ტყუპები – მათთვის ეს ერთ-ერთი ყველაზე მნიშვნელოვანი და სასარგებლო პერიოდია. ბავშვებთან დაკავშირებული თემები შესაძლოა კარგად წარიმართოს. თუ ვინმეს შვილოსნობის პრობლემა აქვს, შესაძლოა ორსულობა დადგეს. ამიტომ მნიშვნელოვანია, სამედიცინო კუთხით მიმართონ ექიმს.კირჩხიბი – მათთვის აქტუალურია საოჯახო საქმეები, რემონტი და უძრავი ქონების თემები. ამ მიმართულებებით შესაძლოა სიახლეები ჰქონდეთ. შესაძლებელია, ვინმემ პარტნიორთან ერთად საცხოვრებლად გადავიდეს.ლომი – მშვენიერი პერიოდია ლომებისთვის: მოგზაურობები და კომუნიკაციები აქტიურდება. თუ ტექნიკის ყიდვა უნდოდათ, ახლა ზუსტად შესაფერისი დროა. კომუნიკაციები ამ პერიოდში შესაძლოა ძალიან კარგად განვითარდეს. კარგი დროა ასევე მცირე ტრენინგებისა და კურსებისთვის.ქალწული – ქალწულებისთვის აქტუალური ხდება ფინანსური და მატერიალური საკითხები. ამიტომ ამ მიმართულებით ყურადღებით უნდა იყვნენ და სჯობს, მობილიზებულებიც იყვნენ. შესაძლოა დაფიქსირდეს შემოსავლების ზრდაც.სასწორი – ეს პერიოდი მათთვის შესაძლოა ან ძალიან კარგი იყოს, ან საკმაოდ რთული. შუალედური მდგომარეობა ნაკლებად იქნება.მორიელი – მორიელებისთვის ეს ერთ-ერთი ყველაზე ნაკლებად სასურველი და ეფექტური პერიოდია. ახლა მათთვის უფრო შინაგანი, მედიტაციური დროა. კარგი იქნება ფსიქოლოგთან მუშაობა, ჰობების განვითარება და მავნე ჩვევებზე ფოკუსირება. აქტიური მოქმედებისთვის 20 აპრილის შემდეგ უკეთესი პერიოდია.მშვილდოსანი – ბრწყინვალე პერიოდია მათთვის. კარგი იქნება, მონაწილეობა მიიღონ სოციალურ პროგრამებში. ეს ზოდიაქოს ნიშანი თავგადასავლების მოყვარულია და ახლა სწორედ ასეთი დრო უდგას.თხის რქა – კარიერული კუთხით შესაძლოა სირთულეები ჰქონდეთ. ზედმეტმა სიმკაცრემ და დისციპლინამ შესაძლოა უფრო ავნოთ მათ.მერწყული – მშვენიერი პერიოდია მათთვის, რომელიც უკავშირდება უცხოეთს, უცხოელებსა და მოგზაურობას. შესაძლოა, ზოგიერთი საზღვარგარეთ წავიდეს და საინტერესო ადამიანები გაიცნოს.თევზები – თევზებისთვის საბანკო და ფინანსური მიმართულებით შესაძლოა საკმაოდ კარგი პერიოდიც იყოს. შესაძლებელია, ეს პერიოდი გარკვეული ტრანსფორმაციის დასასრული აღმოჩნდეს. გამოსავალს მალე იპოვიან. ამ პერიოდში თევზებს ვურჩევდი, მავნე ჩვევებზე იმუშაონ. 

1775073830

ჯარიმა 2000 ლარამდე გაიზარდა - ნახეთ, დეტალები

გარემოს დაცვისა და სოფლის მეურნეობის სამინისტრო, ბზობის დღესასწაულის მოახლოებასთან დაკავშირებით, ბზის მოჭრაზე კონტროლს ამკაცრებს.სამინისტროს პრესსამსახურის ცნობით, ბზის მოჭრა, ამოძირკვა ან ტოტების დაზიანება დასჯადი ქმედებაა. სანქციის ოდენობა გაზრდილია და 500-დან 2000 ლარამდე ჯარიმას ითვალისწინებს. იმ შემთხვევაში, თუ გარემოსთვის მიყენებული ზიანი 1000 ლარს აჭარბებს, საქმეს სისხლის სამართლის კვალიფიკაცია ენიჭება.„ბზობის დღესასწაულთან დაკავშირებით, ეროვნული სატყეო სააგენტო მოსახლეობას შეახსენებს, რომ ბზის მოპოვება შესაძლებელია მხოლოდ კერძო საკუთრებაში არსებული სანერგეებიდან და ხელოვნურად გაშენებული პლანტაციებიდან, ადგილობრივი თვითმმართველობის ორგანოს მიერ გაცემული შესაბამისი ადგილწარმოშობის ცნობის საფუძველზე. „კოლხური ბზა წითელი ნუსხით დაცული სახეობაა და მისი მოპოვება სახელმწიფო ტყის ტერიტორიაზე აკრძალულია.ეროვნული სატყეო სააგენტო კიდევ ერთხელ მოუწოდებს მოსახლეობას, ნუ დაარღვევენ კანონს, რადგან გასული წლების მსგავსად, თითოეულ გამოვლენილ დარღვევაზე გატარდება კანონმდებლობით განსაზღვრული მკაცრი სანქციები”, – აღნიშნა ეროვნული სატყეო სააგენტოს უფროსმა, ბესიკ ამირანაშვილმა.აღსანიშნავია, რომ ქვეყნის ტერიტორიაზე ბზის ხმობა ბოლო რამდენიმე წელიწადია განსაკუთრებულ პრობლემას წარმოადგენს. გარდა პათოგენური სოკოსა, კოლხური ბზის ბუნებრივი წარმოშობის კორომებს დიდ საფრთხეს უქმნიდა ინვაზიური მავნებელი – ბზის ალურა.ეროვნული სატყეო სააგენტო მართვას დაქვემდებარებულ ტყის ტერიტორიაზე არსებული დაზიანებული კოლხური ბზის კორომებში კომპლექსურ ღონისძიებებს 2016 წლიდან ახორციელებს, რაც, მავნებელ-დაავადებებთან ბრძოლის გარდა, სახეობის საკონსერვაციო ქმედებებსაც მოიცავს. მნიშვნელოვანია, რომ წლების განმავლობაში განხორციელებული ღონისძიებების შედეგად, მავნებლის რაოდენობა მკვეთრად შემცირებულია.

1775072683

დღეიდან ქვეყანაში ახალი რეგულაცია ამოქმედდა! - დეტალები

საქართველოს მთავრობის გადაწყვეტილებით, დღეიდან, პლასტმასისგან დამზადებული ჩანგლების, დანების, კოვზების, ჩხირების, თეფშების, საწრუპების, სასმლის მოსარევების, ასევე გაფართოებული პოლისტიროლისგან (EPS) დამზადებული სასურსათო კონტეინერების და მათი თავსახურების, ჭიქების და მათი თავსახურების რეალიზაცია აიკრძალა.საქართველოს გარემოს დაცვისა და სოფლის მეურნეობის სამინისტროს ინფორმაციით, აღნიშნული პროდუქციის იმპორტი და წარმოება 2026 წლის 1 იანვრიდან უკვე აკრძალულია.მათივე ცნობით, პირველი აპრილიდან, ასევე, ძალაში შედის პლასტმასის მოხმარების შეზღუდვასთან დაკავშირებული კიდევ ერთი რეგულაცია.კერძოდ, სახელმწიფო შესყიდვებს დაქვემდებარებულ უწყებებს ეკრძალებათ პლასტმასის ჭიქების, კონტეინერებისა და 3 ლიტრამდე მოცულობის პლასტმასის ბოთლებში ჩამოსხმული სასმელების სახელმწიფო შესყიდვის განხორციელება. შეზღუდვა არ ვრცელდება პლასტმასის 3 ლიტრამდე ბოთლებით სასმლის იმ სახელმწიფო შესყიდვებზე, რომელიც ხორციელდება თავდაცვის ძალების და სამხედრო მოსამსახურეთა საჭიროებისთვის.„აღნიშნული რეგულაციების შესრულებაზე კონტროლს, კომპეტენციის ფარგლებში, სურსათის ეროვნული სააგენტო, გარემოსდაცვითი ზედამხედველობის დეპარტამენტი და ფინანსთა სამინისტროს შემოსავლების სამსახური განახორციელებენ.საქართველოს ადმინისტრაციულ სამართალდარღვევათა კოდექსის შესაბამისად, დადგენილებით გათვალისწინებული მოთხოვნების დარღვევა გამოიწვევს დაჯარიმებას 1 000 ლარის ოდენობით და შესაბამისი პროდუქციის კონფისკაციას, ხოლო განმეორებითი დარღვევა - 2 000 ლარის ოდენობის ჯარიმასა და პროდუქციის კონფისკაციას.მნიშვნელოვანია, რომ რეგულაცია არ ვრცელდება პლასტმასის პროდუქციის ექსპორტზე. მწარმოებლები, რომლებიც პროდუქციას ექსპორტის მიზნით ამზადებენ, ვალდებულნი არიან, წარმოების დაწყებამდე მინიმუმ ერთი თვით ადრე წერილობით აცნობონ გარემოსდაცვითი ზედამხედველობის დეპარტამენტს წარმოების დაწყებისა და დასრულების ვადების, დასამზადებელი პროდუქციის რაოდენობის, საექსპორტო ქვეყნების და ექსპორტის განხორციელების გრაფიკის შესახებ“,- ნათქვამია ინფორმაციაში.

1775072520

„ძმა, ჩემი ქორწილიდან, მეხუთე დღეს დამეღუპა... ტატა ცხრა წლის იყო, ბავშვებს ეთამაშებოდა, როდესაც ეს უბედურება მოხდა “ - თიკო ჩხეიძე

მოდელმა თიკო ჩხეიძემ ჟურნალ "სარკესთან" ინტერვიუში იმ განსაცდელებზე ისაუბრა, რომელიც მან, მისმა მშობლებმა და მეუღლემ ფეხბურთელმა ნუკრი რევიშვილმა გაიარეს. თიკოს 18 წლის წინ, ქორწილიდან მეხუთე დღეს უბედურება დაატყდა თავს და ძმა დაეღუპა, რამდენიმე წლის წინ კი უბედური შემთხვევის შედეგად 9 წლის ქალიშვილი ტატიანა გარდაეცვალა. თიკომ ჟურნალ "სარკესთან" პატრიარქის შესახებაც ისაუბრა. - ბოლოს პატრიარქს ჩემი შვილის გარდაცვალების შემდეგ შევხვდი. ჩემი მეუღლე ნუკრი იმ დღეებში საერთოდ არ ჭამდა. პატრიარქს რომ შევხვდი ქვასავით ვიდექი. თან ამხელა ტკივილი მქონდა გულში, თან პატრიარქის მიმართ ამხელა რიდი. ნუკრის თვალებიდან ცრემლები წამოუვიდა. პატრიარქი მივიდა და ჩემი მეუღლე გულში ჩაიკრა. მერე დაგვარიგა, გვანუგეშა გვითხრა, რომ გარდაცვალებით არაფერი მთავრდება. მერე ნუკრისთვის თეფშით ხილი გამოაგზავნა და დააბარა აუცილებლად მიირთვასო. სამი დღის უჭმელობის შემდეგ ნუკრიმ პატრიარქის გამოგზავნილი ხილი შეჭამა.- თქვენს ოჯახში მანამდე კიდევ ერთი ტრაგედია მოხდა, როცა ძმა დაგეღუპათ...- ჩემი ძმა 22 წლის ასაკში ჩემი ქორწილიდან მეხუთე დღეს დაიღუპა. ადამიანები, რომლებიც ქორწილში იყვნენ და ერთად ვხალისობდით ჩვენს ბედნიერებას, ხუთი დღის შემდეგ კი ასეთ უბედურებაში შევიკრიბეთ. ჩემს ძმას კოსტა ერქვა, მერე ვაჟი რომ შემეძინა კონსტანტინე დავარქვით.- ეს ტრაგედია რომ მოხდა, უმცროსი შვილი, იულია გყავდათ თუ მერე შეგეძინათ? - მყავდა. მაშინ 6 თვის იყო. როდესაც ეს უბედურება მოხდა, ტატა ორ ბავშვს ეთამაშებოდა. ბედისწერის ამბავია. ტატამ მოჰკიდა ხელი, მათ არ მოჰკიდეს, მაგრამ ყველაფერი დაინახეს (თიკოს გოგონა ეზოში თამაშისას დენის დარტყმის შედეგად გარდაიცვალა). მათი ტირილი დღემდე ჩამრჩა რაღაცნაირად. ახლა ჩემი შვილების ტირილზე სულ ის ემოცია მახსენდება. ყოველთვის ისე გავრბივარ, როგორც მაშინ გავრბოდი. 

1775071933

2 აპრილს დენი გაითიშება - გადაამოწმეთ თქვენი მისამართი

სხვადასხვა სამუშაოების ჩატარების გამო 2 აპრილს ელექტროენერგია დროებით იზღუდება. „გლდანის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ბიჭვინთის, გრიგოლ ხანძთელის, ჩიქვანაიას, ალექსანდრე მანაგაძის და ზაჰესის ქუჩების მოსახლეობას.ისნის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: დიდგორის, ნინიძის, სერგო წულაძის, ციხისძირის, ჩოლოყაშვილის, ვირსალაძის, სახალხოს, როსტომაშვილის, ამილახვარის, აბრამიშვილის, ლერწმის, ბაქარაშვილის, თეთრიწყაროს, აბუსერიძე-ტბელის, ბოგდან ხმელნიცკის, გუდარეხის და მეველეს ქუჩების მოსახლეობას.საბურთალოს რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: ვაჟა-ფშაველას გამზირის (ნაწილობრივ), ნუცუბიძის პლატოს I, II, III, IV მიკრორაიონების, ვაშლიჯვრის დასახლების, მარშალ გელოვანის გამზირის, ვასო გოძიაშვილის, თოფურიძის, მაჭავარიანის, პეტრე სარაჯიშვილის, ფარჯიანის, არზაყან ემუხვარის, გელოვანის, ბესარიონ ჟღენტის, ავთო ვარაზის, ლეო და ნოდარ გაბუნიების, მელიტონ ქანთარიას, მარგიანის, შალვა ნუცუბიძის და პაბლო პიკასოს ქუჩების მოსახლეობას.დიდუბის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: დიღმის მასივის I, II კვარტლების, რობაქიძის გამზირის და ბაქრაძის ქუჩის მოსახლეობას",- ნათქვამია „თელასის" განცხადებაში. 

1775071107

წყალი 14 საათით შეწყდება - გადაამოწმეთ თქვენი მისამართები

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით სპეციალურ განცხადებას ავრცელებს და მოსახლეობას აფრთხილებს.„დიდუბის რაიონში, დიღმის მას. II კვ, N12-თან წყალმომარაგების ქსელზე აუცილებელი გადაერთებითი სამუშაოები ჩატარდება.სამუშაოების მიმდინარეობისას 22:00 საათიდან 2 აპრილი 12:00 საათამდე წყალმომარაგება შეუწყდება: დიღმის მასივი II და III კვარტლებს, ბელიაშვილის N 1-55 (კენტებს), N2-60 (ლუწებს) ქუჩას და ბელიაშვილის 1 ჩიხს.

1775069523

5-დან 18 ლარამდე - ვის რამდენით გაეზრდება ელექტროენერგიის ყოველთვიური გადასახადი

 დღეიდან საქართველოში ელექტროენერგიის ტარიფი გაიზარდა.ტარიფმა 5 თეთრით მოიმატა როგორც „ეპ ჯორჯიას“ აბონენტებისთვის რეგიონებში, ისე „თელმიკოს“ მომხმარებლებისთვის დედაქალაქში.„ბიზნესპრესნიუსი“ დაინტერესდა, საშუალოდ რამდენი ლარით გაეზრდებათ მოქალაქეებს ელექტროენერგიის თვიური გადასახადი.რამდენი ლარით უძვირდებათ ელექტროენერგია თბილისელებსცნობისთვის, ელექტროენერგიის სამომხმარებლო (საყოფაცხოვრებო) ტარიფები მოხმარებული ენერგიის მოცულობის მიხედვით დიფერენცირებულია.მოხმარებული კილოვატობიდან გამომდინარე, თბილისში მოქალაქეებს თვის საშუალო გადასახადი საშუალოდ, 5-დან 18 ლარამდე ეზრდებათ.ასე მაგალითად, თუ „თელმიკოს“ აბონენტი ყოველთვიურად 0-დან 101 კილოვატამდე ელექტროენერგიას მოიხმარდა და ერთ კილოვატში 15.041 თეთრს იხდიდა, დღეიდან მისთვის ტარიფი 20.041 თეთრამდე გაიზარდა. თუ მაქსიმალურ მაჩვენებს ავიღებთ, [100 კვტ.სთ] გამოდის, რომ ასეთი აბონენტი ძველი ტარიფით 15,041 ლარის ოდენობით თვიურ გადასახადს გადაიხდიდა, ახლა კი თანხის მოცულობა 20.041 ლარამდე გაიზარდა.101-დან 301 კილოვატ საათამდე აბონენტებისთვის ტარიფი 19.053 თეთრიდან 25.053 თეთრამდეა მომატებული, რაც ნიშნავს იმას, რომ თვიური გადასახადი ამ კატეგორიაში მაქსიმუმ, [300 კვტ.სთ] 57.159 ლარს შეადგენდა, ახლა კი 75.159 ლარი გახდა.რაც შეეხება 301 კილოვატზე მეტ მოხმარებულ ელექტროენერგიას, ამ შემთხვევაში, აბონენტებს ტარიფი 23.537 თეთრიდან 28.537 თეთრამდე გაეზარდათ. გამოდის, რომ თუ მოქალაქე მინიმუმ [301 კვტ.სთ], 70.846 ლარს იხდიდა, ახლა გადასახადის მოცულობამ 85.896 ლარამდე მოიმატა.რამდენით უძვირდება მომხმარებელს დენის გადასახადი რეგიონებში5-დან 15 ლარის ფარგლებში მერყეობს თვიური გადასახადის ზრდა რეგიონების შემთხვევაში.უფრო კონკრეტულად, აბონენტებისთვის, რომლებიც 0-დან 101 კილოვატამდე ელ.ენერგიას მოიხმარდნენ, ტარიფი 14.731 თეთრიდან 19.731 თეთრამდე გაიზარდა. გამოდის, რომ მათთვის დენის ყოველთვიური გადასახადი [100 კვტ.სთ] 14.7 ლარი იყო 19.7 ლარი გახდა.101-დან 301 კილოვატ საათამდე მომხმარებლებისთვის ტარიფი 18.708 თეთრიდან 23.707 თეთრამდე გაიზარდა, რაც იმას ნიშნავს, რომ მათთვის ყოველთვიურმა გადასახადმა მაქსიმალური მოხმარების - 300 კვტ.სთ-ს შემთხვევაში, 56.124 ლარიდან 71.121 ლარამდე მოიმატა.ხოლო 301 კილოვატზე მეტი ელექტროენერგიის მომხმარებლებისთვის ტარიფი 23.227 თეთრი იყო, ახლა კი 28.227 თეთრით განისაზღვრა. გამომდინარე აქედან, თუ ამ კატეგორიის აბონენტი დენის მოხმარებისთვის თვეში მინიმუმ [301 კვტ.სთ], 70 ლარს იხდიდა, ახლა მისი გადასახადი 85 ლარია. წყარო

1775068805

„+23°-მდე დათბება...“ - განახლებული ამინდის პროგნოზი

 2აპრილს - ხუთშაბათსდასავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღისით  ზოგან ხანმოკლე წვიმა. აღმოსავლეთის ქარი 10-15 მ/წმ, დღისით ზოგან ძლიერი 17-22 მ/წმ. ჰაერის ტემპერატურა: დაბლობში ღამით +8, +13°, დღისით +21, +26°; მთაში ღამით +2, +7°, დღისით +18, +23°; მაღალმთაში ღამით -4, +1°, დღისით  +12, +17°.აღმოსავლეთ საქართველოში - დროგამოშვებით ღრუბლიანობის მომატება. ზოგან  ხანმოკლე წვიმა, მაღალმთაში თოვლი, აღმოსავლეთის ქარი 10-15 მ/წმ, დღისით ზოგან ძლიერი 17-22 მ/წმ. ჰაერის ტემპერატურა: ბარში ღამით +3, +8°, დღისით +16,  +21°;  მთაში ღამით -1, +4°, დღისით +13, +18°, ზოგან +22°-მდე.; მაღალმთაში ღამით -6, -1°, დღისით +5, +10°  ზოგან +15° -მდე. 3 აპრილს - პარასკევსდასავლეთ საქართველოში - დროგამოშვებით ღრუბლიანობის მომატება. უმეტეს რაიონში ხანმოკლე წვიმა, დღისით ზოგან შესაძლებელია ძლიერი და  ელჭექი. ღამით აღმოსავლეთის, დღისით დასავლეთის ქარი 10-15 მ/წმ, დღისით ზოგან ძლიერი 17-22 მ/წმ. ჰაერის ტემპერატურა: დაბლობში ღამით +11, +16°, დღისით +19, +ც; მთაში ღამით +7, +12°, დღისით +18, +23°; მაღალმთაში ღამით +1, +6°, დღისით  +11, +16°.აღმოსავლეთ საქართველოში - დროგამოშვებით ღრუბლიანობის მომატება. ღამით უმეტეს, დღისით ზოგიერთ რაიონში ხანმოკლე წვიმა, შესაძლებელია ელჭექი. ღამით აღმოსავლეთის, დღისით დასავლეთის ქარი 10-15 მ/წმ. ჰაერის ტემპერატურა: ბარში ღამით +7, +12°, დღისით +19,  +24°;  მთაში ღამით +3, +8°, დღისით +17, +22°; მაღალმთაში ღამით -4, +1°, დღისით +5, +10°  ზოგან +17° -მდე.

1775068449

რა ასაკიდან ითვლება ორსულობა მედიცინაში „გვიან ორსულობად“ - რეპროდუქტოლოგი განმარტავს

რა ასაკიდან ითვლება ორსულობა მედიცინაში „გვიან ორსულობად“ - ამ თემაზე გადაცემაში „დილა მშვიდობისა საქართველო" მეან-გინეკოლოგი, რეპროდუქტოლოგი,  ლელა ირემაძე საუბრობს. ნახეთ გადაცემა სრულად: 

1775068035

„თვითმკურნალობა დაუშვებელია...“ - ზაზა თელიას გაფრთხილება პაციენტებს

დერმატო-ვენეროლოგის, მედიცინის დოქტორის, ზაზა თელია განცხადებით, მეჭეჭები ადამიანის პაპილომა ვირუსით არის გამოწვეული და კანის თითქმის ნებისმიერ უბანზე შეიძლება განვითარდეს — მათ შორის სახეზე, ხელებზე, ფეხებსა და ტერფებზე.სპეციალისტის თქმით, მეჭეჭები გადამდებია და მათი გადაცემა შესაძლებელია როგორც კანთან პირდაპირი კონტაქტით, ისე საერთო მოხმარების ნივთების, მაგალითად პირსახოცის გამოყენებით. განსაკუთრებით ხშირია ბავშვებში.„მეჭეჭებს გამრავლება ახასიათებს. თუ ადამიანს მტევანზე აქვს, თითების შეხებით შესაძლოა სხვა უბნებზეც გავრცელდეს. ზოგ შემთხვევაში ისინი ტკივილს იწვევს და გადაადგილებასაც კი ართულებს“, — განმარტავს ექიმი.ზაზა თელია ხაზს უსვამს, რომ მეჭეჭების თვითმკურნალობა, მათ შორის所谓 „ხალხური მეთოდების“ გამოყენება, კატეგორიულად დაუშვებელია. მისი თქმით, მსგავსი ჩარევა შეიძლება გამოიწვიოს გართულებები, მათ შორის — კელოიდური ნაწიბურების განვითარება, რომლის სრულად მოშორება პრაქტიკულად შეუძლებელია.ექიმი განმარტავს, რომ მეჭეჭები ხშირად თვითგანკურნებადია — გარკვეული პერიოდის შემდეგ იმუნური სისტემა მათ თავად უმკლავდება. თუმცა, თუ წარმონაქმნები პაციენტისთვის დისკომფორტის წყაროა ან დიდი ხნის განმავლობაში არ ქრება, შესაძლებელია მკურნალობის დაგეგმვა.მისივე თქმით, მეჭეჭების მკურნალობის „ოქროს სტანდარტად“ ითვლება კრიოთერაპია — თხევადი აზოტით მოყინვის მეთოდი, რომელიც ელექტროკოაგულაციას ჩაანაცვლებს. პროცედურა უნდა ჩატარდეს მხოლოდ დერმატოლოგის მიერ, შესაბამის სამედიცინო გარემოში.სპეციალისტი ასევე განმარტავს, რომ ხშირად მეჭეჭებში ერევათ სხვა ტიპის კანის წარმონაქმნი — აკროქორდონი, რომელიც პაპილომა ვირუსთან კავშირში არ არის. იგი, როგორც წესი, კისრისა და თვალის მიდამოში ჩნდება და მისი წარმოშობა დაკავშირებულია გენეტიკასთან, ჭარბ წონასთან, ინსულინრეზისტენტობასთან და კანის ხახუნთან.აკროქორდონის შემთხვევაში, მცირე ზომის წარმონაქმნის მოცილება შესაძლებელია მარტივი მეთოდებითაც, თუმცა აუცილებელია წინასწარ დადასტურდეს, რომ ეს ნამდვილად აკროქორდონია.ზაზა თელია აღნიშნავს, რომ ამ ეტაპზე არ არსებობს მედიკამენტი, რომელიც ადამიანის პაპილომა ვირუსს სრულად აღმოფხვრის, ამიტომ მნიშვნელოვანია სწორი რეკომენდაციების დაცვა და საჭიროების შემთხვევაში სპეციალისტთან დროული მიმართვა.

1775067878

შუქი გაითიშება - „ენერგო-პრო ჯორჯია“ აბონენტებს აფრთხილებს

„ენერგო-პრო ჯორჯიას“ განცხადებით, აბონენტების ნაწილს ელექტროენერგიის მიწოდება შეეზღუდება.მათი ცნობით, ქსელის გეგმური სარეაბილიტაციო სამუშაოების გამო, 2 აპრილს, 11:00 საათიდან 18:30 საათამდე, ელექტროენერგიის მიწოდება შეეზღუდება აბონენტებს მცხეთის მუნიციპალიტეტის სოფლებში: არმაზი, ძეგვი, შიომღვიმის ტერიტორია, ნიჩბისი და მიმდებარე სოფლებში; 11:00-დან 15:00 საათამდე, აბონენტებს თიანეთის მუნიციპალიტეტის სოფლებში: ღულელები, საყდრიონი, ხევსურთსოფელი, თოლენჯი და მიმდებარე სოფლებში; 12:00-დან 15:00 საათამდე, აბონენტებს თბილისის მუნიციპალიტეტში სოფელ დიღომში, ზემოუბანში, დიდგორში, თელოვანსა და მიმდებარე ტერიტორიაზე.სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.