1775027066

ფეხბურთში მსოფლიო ჩემპიონატის ყველა მონაწილის ვინაობა ცნობილია

ცნობილი გახდა ფეხბურთში 2026 წლის მსოფლიო ჩემპიონატის ფინალური ეტაპის ყველა, 48-ვე მონაწილე გუნდი. ერაყის ნაკრებმა კონტინენტთაშორისი პლეი-ოფის ერთ-ერთ ფინალურ მატჩში ბოლივია 2:1 დაამარცხა და იმ 47 ნაკრებს შეუერთდა, რომლებმაც მსოფლიო ჩემპიონატის ფინალურ ეტაპზე გასვლა მანამდე უკვე მოახერხეს. ისინი 12 ჯგუფში არიან გადანაწილებულები.ჯგუფი A: მექსიკა, სამხრეთ აფრიკა, სამხრეთ კორეა, ჩეხეთი.ჯგუფი B: კანადა, შვეიცარია, კატარი, ბოსნია და ჰერცეგოვინა.ჯგუფი C: ბრაზილია, მაროკო, ჰაიტი, შოტლანდია.ჯგუფი D: აშშ, პარაგვაი, ავსტრალია, თურქეთი.ჯგუფი E: გერმანია, კიურასაო, კოტ-დ’ივუარი, ეკვადორი.ჯგუფი F: ნიდერლანდები, იაპონია, ტუნისი, შვედეთი.ჯგუფი G: ბელგია, ეგვიპტე, ირანი, ახალი ზელანდია.ჯგუფი H: ესპანეთი, კაბო-ვერდე, საუდის არაბეთი, ურუგვაი.ჯგუფი I: საფრანგეთი, სენეგალი, ნორვეგია, ერაყი.ჯგუფი J: არგენტინა, ალჟირი, ავსტრია, იორდანია.ჯგუფი K: პორტუგალია, კოლუმბია, უზბეკეთი, კონგოს დრ.ჯგუფი L: ინგლისი, ხორვატია, განა, პანამა.

1774976766

საქართველოს 21-წლამდელთა ნაკრებმა მალტა დაამარცხა

საქართველოს 21-წლამდელთა ნაკრებმა ქუთაისის რამაზ შენგელიას სახელობის სტადიონზე ევრო 2027-ის შესარჩევ ჯგუფში მალტას უმასპინძლა და 4:1 დაამარცხა.ანგარიში მე-2 წუთზე სტუმართა მცველმა მატიას ელულიმ გახსნა, მაგრამ ამის შემდეგ თამაში მოსალოდნელი სცენარით განვითარდა და რამაზ სვანაძის გუნდმა დამაჯერებლად გაიმარჯვა.მე-9 წუთზე ლუკა წულუკიძემ წონასწორობა აღადგინა, 21-ე წუთზე გაბრიელ სიგუამ ახალგაზრდა „ჯვაროსნები“ დააწინაურა, ხოლო 42-ე წუთზე ცენტრალურმა მცველმა, სანდრო ნარიმანიძემ შორიდან ეფექტური დარტყმით სხვაობა კიდევ უფრო გაზარდა.მეორე ტაიმიც ქართველი ფეხბურთლების უპირატესობით წარიმართა, 78-ე წუთზე გაბრიელ სიგუამ დუბლი შეასრულა და საბოლოო ანარიში დააფიქსირა – 4:1.ევრო 2027-ის შესარჩევ ციკლში გამართული 7 ტურის შემდეგ საქართველოს ნაკრებმა 9 ქულა დააგროვა და მესამეადგილოსან ჩრდილოეთ ირლანდიას მხოლოდ ერთი ქულით ჩამორჩება, ჯგუფის ლიდერები კი საბერძნეთი (18) და გერმანია (15) არიან.

1774946298

TeamTalk: „პარი სენ-ჟერმენი“ ზაფხულში ხვიჩა კვარაცხელიას არ გაყიდის

„პარი სენ-ჟერმენმა“ ხვიჩა კვარაცხელიას ტრანსფრით დაინტერესებული ინგლისური კლუბები უარით გაისტუმრა, რადგან ქართველი ვარსკვლავის გაყიდვას არ აპირებს – ამის შესახებ გამოცემა TeamTalk-ი წერს.„„ლივერპული“ გაძლიერების მცდელობისას მნიშვნელოვან დაბრკოლებას წააწყდა: ახალი ინფორმაციით, „პარი სენ-ჟერმენმა“ მტკიცედ უარყო ხვიჩა კვარაცხელიას ტრანსფერის შესაძლებლობა, რომელსაც მერსისაიდელები ​​მოჰამედ სალაჰის შემცვლელად მოიაზრებდნენ.„ლივერპულის“ ინტერესი სერიოზული იყო, მაგრამ საბოლოოდ, უშედეგო გამოდგა. ბოლო ინფორმაციით, პსჟ კვარაცხელიას გუნდიდან გაშვებას არ დათანხმდება, არადა, შესაძლოა, რეკორდული ტრანსფერი განხორციელებულიყო.კვარაცხელიას ტრანსფერზე პარიზელებს „ლივერპულის“ გარდა, „არსენალი“ და „ჩელსიც“ დაუკავშირდნენ, მაგრამ იგივე პასუხი მიიღეს – ქართველი თავდამსხმელი ზაფხულში „პარი სენ-ჟერმენს“ არ დატოვებს.თუმცა გასათვალისწინებელია ფინანსური ასპექტი. ინგლისურმა კლუბებმა პსჟ-ის ხელმძღვანელობა რომ დააინტერესონ, რეკორდული შეთავაზება იქნება საჭირო, რაც დაახლოებით 160 მილიონი გირვანქა სტერლინგია (დაახლოებით 185 მლნ. ევრო). ეს შეფასება ასახავს როგორც კვარაცხელიას ნიჭს, ასევე სატრანსფერო ბაზარზე მის გაზრდილ ფასსაც“, – წერს გამოცემა.

1774934757

დღეს საქართველოს ახალგაზრდული ნაკრები ევროპის ჩემპიონატის შესარჩევ მატჩში მალტას უმასპინძლებს

საქართველოს 21 წლამდე ფეხბურთელთა ნაკრები ევროპის 2027 წლის ჩემპიონატის შესარჩევი ციკლის მატჩს 31 მარტს ქუთაისში, მალტის ახალგაზრდული გუნდის წინააღმდეგ გამართავს – შეხვედრა 19:00 საათზე დაიწყება.საქართველოს ნაკრებს ლატვიასთან მატჩამდე, რომელიც 27 მარტს გაიმართა (1:1), ტრავმის გამო ალეკო ბასილაძე და დავით ბუკია გამოაკლდნენ, მათ გარდა მალტასთან თამაშს დისკვალიფიცირებული გიორგი გვასალია და გიორგი ტაბატაძე გამოტოვებენ.ექვსი ტურის შემდეგ საქართველოს ახალგაზრდული ნაკრები სატურნირო ცხრილში ექვსი ქულით მეოთხე ადგილზეა და ჯგუფიდან გასვლის მხოლოდ თეორიულ შანსს ინარჩუნებს. ამიტომ ნაკრების მთავარმა მწვრთნელმა, რამაზ სვანაძემ განაცხადა, რომ აქედანვე დაიწყებს იმ მოთამაშეთა გამოცდას, რომლებიც მომდევნო შესარჩევ ციკლშიც ითამაშებენ.

1774807754

კაია მოგება, გოლები... - გიორგი მიქაუტაძის პირველი კომენტარი მოგების შემდეგ

გიორგი მიქაუტაძის პირველი კომენტარი გამარჯვების შემდეგ. საქართველოს ეროვნულმა საფეხბურთო ნაკრებმა ამხანაგურ დაპირისპირებაში გასვლაზე ლიეტუვა 2:0 დაამარცხა. ორივე გოლი გიორგი მიქაუტაძემ გაიტანა.გიორგი მიქაუტაძის პირველი კომენტარი გამარჯვების შემდეგ.„კაია მოგება, გოლები, გვინდოდა ეს მოგება, იმიტომ რომ კაი ხანია არ გვქონია მოგება. პენალი რომ ინიშნება ან მე ვარტყამ, ან კვარა. ეგრეა ხანდახან მე, ხანდახან კვარა, ან სხვა დაარტყამს...ივნისის თამაშებისთვის უნდა მოვემზადოთ...“ - განაცხადა მოგების შემდეგ გიორგი მიქაუტაძემ.მომდევნო ამხანაგურ შეხვედრას საქართველოს ნაკრები 2 ივნისს სახლში რუმინეთთან ჩაატარებს.

1774797445

ლიეტუვისა და საქართველოს ნაკრებების ამხანაგური მატჩი ანგარიშით 0 : 2 დასრულდა

ლიეტუვისა და საქართველოს ამხანაგური მატჩი ანგარიშით 0 : 2 დასრულდათამაშში ორივე გოლი თავდამსხმელმა გიორგი მიქაუტაძემ გაიტანა.პირველი მიქაუტაძემ 70-ე წუთზე პენალტი ზუსტად შეასრულა. ხოლო მეორე გოლი 84-ე წუთზე გაიტანა.

1774787220

ცნობილია ლიეტუვას წინააღმდეგ ეროვნული ნაკრების შემადგენლობა

საქართველოს ნაკრები დღეს წლის პირველი შეკრების მეორე ამხანაგურ მატჩს ლიეტუვის წინააღმდეგ გამართავს. მატჩამდე ერთი დღით ადრე ჩვენმა გუნდმა შეხვედრის მასპინძელ დარიაუს ირ გირენო სტადიონზე ივარჯიშა.ცნობილია ნაკრების დღევანდელი შემადგენლობა: 

1774787162

„მჯერა, რომ რთულმა პერიოდმა უფრო გამაძლიერა...“ - ოთარ კიტეიშვილის ინტერვიუ

„ჩვენი ქართველი ილუზიონისტი 30 წლის იუბილეს აღნიშნავს. მერვე წელი შეუსრულდა, რაც ოთარ კიტეიშვილი გრაცის „შტურმის“ მაისურით თამაშობს. ის „შავ-თეთრ“ გუნდში გატარებულ დროზე, მიმდინარე ცვლილებებსა და მიზნებზე საუბრობს.ოთარ კიტეიშვილს ამჟამად 12 გოლი და 4 საგოლე გადაცემა აქვს, რაც იმას ნიშნავს, რომ სეზონის დასრულებამდე რვა თამაშით ადრე მხოლოდ ერთი 1 გადაცემა აკლია გასული წლის პირად რეკორდამდე. შემთხვევითი არ არის, რომ „შტურმის“ ათი ნომერი ავსტრიის ბუნდესლიგის საუკეთესო მოთამაშეა“, – ასეთი შესავლით წარადგინა გრაცის „შტურმმა“ გუნდის და საქართველოს ნაკრების ნახევარმცველის, ოთარ კიტეიშვილის ინტერვიუ.– ოთარ, დღეს შენი მერვე დაბადების დღეა გრაცის „შტურმის“ მაისურით. ერთი წინადადებით რომ აღწერო გუნდში გატარებული დრო.– ემოციებით, გამოწვევებითა და დაუვიწყარი მომენტებით სავსე მოგზაურობაა, რომელმაც ჩამომაყალიბა მოთამაშედ და პიროვნებად.– კარიერაში გქონდა როგორც ტრავმები, ასევე დიდი წარმატებები. ყველაზე მეტად ფსიქოლოგიურად რა დაგეხმარა?– მჯერა, რომ რთულმა პერიოდმა უფრო გამაძლიერა. ტრავმებმა და წარუმატებლობებმა მაიძულა, ვყოფილიყავი მომთმენი და საკუთარი თავის მერწმუნა. ეს დრო მენტალურ სიძლიერეშიც დამეხმარა და ვითარების სხვადასხვა პერსპექტივიდან შეფასება შევძელი.– როგორ უყურებ გუნდში მიმდინარე ცვლილებებს?– ბევრი ახალგაზრდა, ამბიციური მოთამაშე წინ მიიწევს და საკუთარი შესაძლებლობების დამტკიცებას ცდილობს. ამ ეტაპს დრო სჭირდება, მაგრამ მაქვს განცდა, რომ რაღაც ძალიან პოზიტიური ხდება.– გამოცდილება ამ ცვლილებების უკეთ გააზრებაში დაგეხმარათ?– ბოლო წლებში ბევრი ცვლილება გადამიტანია. მნიშვნელოვანია სიმშვიდე და საკუთარ თავზე მუშაობის გაგრძელება.– რა გაძლევთ ძალას და გეხმარებათ გონების გაწმენდაში?– ოჯახთან და მეგობრებთან ერთად დროის გატარება დიდ ენერგიას მაძლევს. ეს ყოველდღიური საზრუნავისგან გათავისუფლებასა და ენერგიის აღდგენაში მეხმარება.– დაბოლოს, რას ისურვებთ ახალ სეზონში როგორც სპორტული, ასევე პირადი თვალსაზრისით?– ყველაზე დიდი სურვილია, რომ მე და ჩემი ოჯახის წევრები ჯანმრთელად ვიყოთ. სპორტულ მიზნებს რაც შეეხება, იმედი მაქვს, რომ გუნდურად წარმატებას მივაღწევთ და ჩვენს მიზნებს ავიხდენთ.წყარო: 

1774765454

საქართველოს ნაკრები დღეს ამხანაგურ მატჩში ლიეტუვას დაუპირისპირდება

საქართველოს ნაკრები დღეს წლის პირველი შეკრების მეორე ამხანაგურ მატჩს ლიეტუვის წინააღმდეგ გამართავს. მატჩამდე ერთი დღით ადრე ჩვენმა გუნდმა შეხვედრის მასპინძელ დარიაუს ირ გირენო სტადიონზე ივარჯიშა.საწვრთნელი პროცესის დაწყებამდე კი ტრადიციულ პრესკონფერენციაზე ნაკრების მთავარმა მწვრთნელმა, ვილი სანიოლმა მედიის კითხვებს უპასუხა.„ლიეტუვის ნაკრებს ხანგრძლივი მოუგებელი სერია ჰქონდა, ორი დღის წინ კი მოლდოვა დაამარცხა, რაც გუნდის თავდაჯერებაზე დადებითად აისახება. სწორედ ამიტომ, რთულ თამაშს ველით. სტუმრად ვთამაშობთ და დარწმუნებული ვარ, მეტოქე საკუთარი გულშემატკივრების წინაშე ყველაფერს გააკეთებს კარგი თამაშის ჩასატარებლად. თუმცა, ეს ჩვენთვისაც კარგია, რადგან მეტოქის მონდომება მოულოდნელობა არ იქნება. ჩემმა ფეხბურთელებმა იციან, რომ მოსაგებად 100% უნდა გაიღონ“, - განაცხადა მან.ნაკრების მეკარემ, გიორგი მამარდაშვილმა კი აღნიშნა, რომ ნაკრებს რთული მატჩი ელის, თუმცა ამხანაგური მატჩები გუნდის ტაქტიკის დასახვეწად კარგი შესაძლებლობაა.„რთული მატჩი გველის. გასვლაზე თამაში მარტივი არასდროს არის. ვეცდებით, ჩვენი მაქსიმუმი გავაკეთოთ და გამარჯვება მოვიპოვოთ. ფეხბურთელები და სტაფი ვცდილობთ, რომ ერთად გამოვასწოროთ ჩვენი თამაში. ეს ამხანაგური მატჩები კარგი შესაძლებლობაა კიდევ უფრო დავხვეწოთ ჩვენი თამაში როგორც ტაქტიკურად, ისე მენტალურად და ფიზიკურად. შედარებით ახალგაზრდა გუნდი ვართ, ვიდრე ვიყავით და უფრო მეტად უნდა გავუგოთ ერთმანეთს, უკეთ შევთამაშდეთ. ამ მატჩებს გამოვიყენებთ იმისთვის, რომ სექტემბერს ოპტიმალურ ფორმაში შევხვდეთ და კარგი თამაში ვაჩვენოთ“, - განაცხადა მამარდაშვილმა.ლიეტუვისა და საქართველოს ეროვნული გუნდების შეხვედრა 29 მარტს, თბილისის დროით 17:00 საათზე დაიწყება.

1774762979

დიანა დევისი და გლებ სმოლკინი მსოფლიო ჩემპიონატზე საუკეთესო ათეულში მოხვდნენ

ჩეხეთის დედაქალაქ პრაღაში, ფიგურულ ციგურაობაში 2026 წლის მსოფლიოს ჩემპიონატზე დიანა დევისისა და გლებ სმოლკინის წყვილმა სპორტულ ცეკვებში იასპარეზა. საქართველოს სახელით მოასპარეზე წყვილმა მსაჯებისგან 119,31 ქულა დაიმსახურა, ორი პროგრამის ჯამში კი 198,65 ქულით გამოსვლა მეათე ადგილზე დაასრულეს.ტურნირის გამარჯვებულები კი ფრანგული წყვილი, ოლიმპიური ჩემპიონები ლორანს ფურნიე-ბოდრი და გიომ სიზერონი გახდნენ. ორი პროგრამის ჯამში მათ 230.81 ქულა დააგროვეს.ტურნირზე საქართველოს ანგარიშზე ერთი მედალია. ლუკა ბერულავასა და ანასტასია მეტელკინას სპორტული წყვილი ფიგურულ ციგურაობაში მსოფლიოს ვიცე-ჩემპიონი გახდა, რაც ისტორიული შედეგია, რადგან აქამდე საქართველოს ამ ტურნირზე მედალი არ ჰქონია.

1774714536

ნიკა ეგაძემ მსოფლიოს ჩემპიონატზე თავისუფალი პროგრამით იასპარეზა

ჩეხეთის დედაქალაქ პრაღაში ფიგურულ ციგურაობაში 2026 წლის მსოფლიოს ჩემპიონატი მიმდინარეობს.ქართველმა ფიგურულმა მოციგურავემ, ნიკა ეგაძემ, თავისუფალ პროგრამაში მსაჯებისგან ქულა დაიმსახურა 169,78, ორი პროგრამის ჯამში კი 248,62 ქულა დააგროვა და ასპარეზობა მე-11 ადგილზე დაასრულა.რაც შეეხება მოკლე პროგრამას, აქ სპორტსმენმა ასპარეზობა 78,84 ქულით მე-15 ადგილზე დაასრულა.დღეს მაყურებლის წინაშე სპორტულ ცეკვებში წარდგება დიანა დევისისა და გლებ სმოლკინის წყვილიც. მათ რიტმულ ცეკვებში ასპარეზობა 79,34 ქულით მეათე პოზიციაზე დაასრულეს.მიმდინარე ტურნირზე საქართველოს ანგარიშზე ერთი მედალია. ლუკა ბერულავასა და ანასტასია მეტელკინას სპორტული წყვილი ფიგურულ ციგურაობაში მსოფლიოს ვიცე-ჩემპიონი გახდა, რაც ისტორიული შედეგია. საქართველოს აქამდე უფროსებს შორის მსოფლიოს ჩემპიონატზე მედალი არ ჰქონია.ინფორმაციას სპორტის სამინისტრო ავრცელებს.

1774643979

ირანმა სპორტულ გუნდებს „მტრულ“ ქვეყნებში გამგზავრება აუკრძალა

ირანმა სპორტულ გუნდებს „მტრულ“ ქვეყნებში გამგზავრება აუკრძალა. ინფორმაციას ამის შესახებ „სიენენი“ ავრცელებს.სპორტის სამინისტროს მიერ გავრცელებულ განცხადებაში ძირითადი ყურადღება გამახვილებული იყო საფეხბურთო გუნდ „ტრაქტორზე“, რომელსაც აზიის ჩემპიონთა ლიგის პლეიოფში არაბთა გაერთიანებული საამიროების კლუბის, „შაბაბ ალ-აჰლის“ წინააღმდეგ უნდა ეთამაშა.„ეროვნული და საკლუბო გუნდების ყოფნა ისეთ ქვეყნებში, რომლებიც მტრულად მიიჩნევიან და ვერ უზრუნველყოფენ ირანელი სპორტსმენებისა და გუნდის წევრების უსაფრთხოებას, აკრძალულია მომდევნო შეტყობინების მიღებამდე“, – ნათქვამია განცხადებაში.