1746119196

გია ხუბუა ქუთაისის საერთაშორისო უნივერსიტეტის რექტორის თანამდებობას ტოვებს

გია ხუბუა ქუთაისის საერთაშორისო უნივერსიტეტის რექტორის თანამდებობას ტოვებს.აღნიშნულის შესახებ გია ხუბუა სოციალურ ქსელში წერს.„ქუთაისის საერთაშორისო უნივერსიტეტის რექტორის თანამდებობას ვტოვებ პირადი განცხადების საფუძველზე. უფრო მეტი დრო მინდა, დავუთმო ჩემს აკადემიურ და სამეცნიერო საქმიანობას. მაქვს რამდენიმე სამეცნიერო პროექტი, რომელზე მუშაობაც დაწყებული მქონდა და უფრო ინტენსიურად გავაგრძელებ მათზე მუშაობას. ჩემთვის უდიდესი პატივი და, ამავდროულად, დიდი პასუხისმგებლობა იყო რექტორის თანამდებობიდან მემსახურა საქვეყნო მნიშვნელობის საქმისთვის, რასაც ახალგაზრდების განვითარებაზე და მათი ცოდნის გაღრმავებაზე ზრუნვა ჰქვია. წარმატებებს ვუსურვებ ქუთაისის საერთაშორისო უნივერსიტეტს და მის თითოეულ თანამშრომელს მომავალ საქმიანობაში," - წერს გია ხუბუა.გია ხუბუა ქუთაისის საერთაშორისო უნივერსიტეტის რექტორად 2024 წლის ივლისში დაინიშნა.

1745993280

ალექსანდრე წულაძემ ბორჯომის მუნიციპალიტეტში ორი ახლად რეაბილიტირებული სკოლა გახსნა

განათლების, მეცნიერებისა და ახალგაზრდობის მინისტრმა ალექსანდრე წულაძემ ბორჯომის მუნიციპალიტეტში ორი ახლად რეაბილიტირებული - ბორჯომის მე-6 და სოფელ დვირის საჯარო სკოლები გახსნა.მინისტრმა თანამედროვე სტანდარტების შესაბამისი ინფრასტრუქტურა დაათვალიერა და მოსწავლეებს, მასწავლებლებსა და ადმინისტრაციას განახლებულ გარემოში სწავლის გაგრძელება მიულოცა.მინისტრი ბორჯომის მე-6 საჯარო სკოლაში მოწყობილ STEAM ლაბორატორიასაც ეწვია და ადგილზე გაეცნო მიმდინარე შემეცნებით პროცესს. ბორჯომის მე-6 საჯარო სკოლა 300 მოსწავლეზეა გათვლილი, სოფელ დვირის საჯარო სკოლა კი 320 მოსწავლეზე. „ვაგრძელებთ სასკოლო ინფრასტრუქტურის განვითარებას. ამ მიმართულებით მართლაც მნიშვნელოვანი შედეგები გვაქვს. გავეცანით STEAM კლუბს და STEAM ლაბორატორიას. მოგეხსენებათ, განათლების, მეცნიერების და ახალგაზრდობის სამინისტროს კიდევ ერთი ინიციატივა და სიახლეა საჯარო სკოლებში STEAM კლუბების დანერგვა“, - აღნიშნა მინისტრმა.ორივე სკოლაში, საგანმანათლებლო სივრცეების პარალელურად, ფუნქციონირებს ყველა შესაბამისი სასწავლო რესურსით, ინვენტარითა და ტექნიკით აღჭურვილი საბუნებისმეტყველო და კომპიუტერული ლაბორატორიები, ბიბლიოთეკა, ექიმის კაბინეტი და რესურს ოთახი. სკოლები სრულად ადაპტირებულია შეზღუდული შესაძლებლობების მქონე პირებისთვის და უზრუნველყოფილია უსაფრთხოების, სახანძრო სიგნალიზაციისა და გათბობის ახალი სისტემებით.ამასთან, მოწყობილია ღია და დახურული სპორტული ინფრასტრუქტურა და რეკრეაციული სივრცეები. ქალაქ ბორჯომის მე-6 და სოფელ დვირის საჯარო სკოლების სრული რეაბილიტაცია საგანმანათლებლო და სამეცნიერო ინფრასტრუქტურის სააგენტომ განახორციელა.პროექტების ჯამური ღირებულება 9 მილიონ ლარამდეა.

1745960694

სექტემბრიდან ყველა მოსწავლისთვის სავალდებულო იქნება - რა იგეგმება სკოლებში

კომპიუტერული ტექნოლოგიების სწავლა, როგორც დაწყებითი ასევე საბაზისო საფეხურზე მყოფი მოსწავლეებისთვის სავალდებულო იქნება, - ამის შესახებ საქართველოს განათლების, მეცნიერებისა და ახალგაზრდობის მინისტრმა, ალექსანდრე წულაძემ „ღამის კურიერში“ საუბრის დროს განაცხადა.მინისტრმა განათლების სისტემის რეფორმის 4 წლიან გეგმაზე ისაუბრა.მისივე თქმით, ცვლილება ძალაში 2025 წლის სექტემბრიდან შევა.„აქამდე მხოლოდ დაწყებით საფეხურზე იყო კომპიუტერული ტექნოლოგიების სწავლება ე.წ. ისტის გაკვეთილები. 2025 წლის სექტემბრიდან, ახალი სტანდარტი დავამტკიცეთ, კომპიუტერული ტექნოლოგიების სწავლების და როგორც დაწყებითი, ასევე საბაზისო საფეხურზე სრულად, ყველა მოსწავლისთვის სავალდებულო იქნება კომპიუტერული ტექნოლოგიების სწავლა“, - განაცხადა ალექსანდრე წულაძემ.

1745737343

ალექსანდრე წულაძემ და პაატა სალიამ ყვარლის იუსტიციის სასწავლო ცენტრში ახალგაზრდებისთვის თემატური ბანაკი გახსნეს

საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ და იუსტიციის მინისტრმა პაატა სალიამ ყვარლის იუსტიციის სასწავლო ცენტრის ბაზაზე თემატური ბანაკი გახსნეს, რომელიც წელს რვა ნაკადად ჩატარდება და 1000-მდე ახალგაზრდას უმასპინძლებს.მინისტრებმა ბანაკის მონაწილეებს სიტყვით მიმართეს და ახალგაზრდებში სოციალური, პიროვნული, კომუნიკაციური და სხვა მნიშვნელოვანი უნარ-ჩვევების განვითარების კუთხით თემატური ბანაკების მნიშვნელობაზე გაამახვილეს ყურადღება. გახსნის ღონისძიებაში ასევე მონაწილეობა მიიღეს იუსტიციის მინისტრის მოადგილემ, გიორგი დგებუაძემ, იუსტიციის სასწავლო ცენტრის დირექტორმა, გვანცა ვარამაშვილმა და ახალგაზრდობის სააგენტოს ხელმძღვანელის მოვალეობის შემსრულებელმა, ვახტანგ ბააკაშვილმა.ღონისძიების დასასრულს დისკუსია გაიმართა და ახალგაზრდებმა მინისტრებს მათთვის საინტერესო საკითხებთან დაკავშირებით კითხვები დაუსვეს.თემატური ბანაკის პროგრამა ოთხი დღისგან შედგება და მონაწილეებს შესაძლებლობა აქვთ ჩაერთონ მათთვის საინტერესო მრავალფეროვან საგანმანათლებლო, სპორტულ და გასართობ აქტივობებში.ამასთან, ბანაკის ფარგლებში ახალგაზრდებისთვის ტარდება ტრენინგები სხვადასხვა თემაზე – გლობალიზაცია და საერთაშორისო დღის წესრიგი, მედიაცია და კონფლიქტების მართვა, ახალგაზრდული შესაძლებლობები და პროექტების დაგეგმვა, თანამედროვე ტექნოლოგიები და სხვა. თემები ირჩევა ახალგაზრდების ინტერესების გათვალისწინებით.2025 წელს თემატური ბანაკი ორ ლოკაციაზე - ქუთაისის საუნივერსიტეტო ქალაქსა და ყვარლის იუსტიციის სასწავლო ცენტრის ბაზაზეფუნქციონირებს. თემატური ბანაკის მიზანია არაფორმალური განათლების მეთოდების გამოყენებით ახალგაზრდების პიროვნული და სოციალური კომპეტენციების განვითარების ხელშეწყობა. ასევე, ახალგაზრდებში ჯანსაღი ცხოვრების წესის, სოციალური პასუხისმგებლობების წახალისება და ცნობიერების ამაღლება მოქალაქეობრივი პასუხისმგებლობისა და პატრიოტული ღირებულებების გაღვივების მიმართულებით.აღსანიშნავია, რომ თემატური ბანაკი საქართველოს განათლების, მეცნიერებისა და ახალგაზრდობის სამინისტროს ინიციატივითა და ახალგაზრდობის სააგენტოს ორგანიზებით 2024 წლიდან ტარდება.

1745499055

KIU "ფინანსებისა და ინფორმაციის მენეჯმენტის (FIM)" სამაგისტრო პროგრამით დაინტერესებულ პირებს საინფორმაციო შეხვედრაზე იწვევს

ქუთაისის საერთაშორისო უნივერსიტეტი (KIU) “ფინანსებისა და ინფორმაციის მენეჯმენტის (FIM)”ინტერდისციპლინურ სამაგისტრო პროგრამაზე სტუდენტების მიღებას აგრძელებს. KIU 30 მაისს, 15:00 საათზე დაინტერესებულ პირებს იწვევსვებინარზე, რომელსაც გაუძღვებიან FIM სამაგისტრო პროგრამის ავტორი და ხელმძღვანელი, პროფესორი რუდი ზაგსტი, ასევე ტორონტოს, მიუნხენის ტექნიკური და ქუთაისის საერთაშორისო უნივერსიტეტების პროფესორი ლუის სეკო.შეხვედრის თემატიკა:1. ინვესტირება ხელოვნური ინტელექტის ეპოქაში - სესიას გაუძღვება პროფესორი ლუის სეკო;2. სწავლა ხელოვნური ინტელექტის ეპოქაში - სესიას გაუძღვება FIM სამაგისტრო პროგრამის ხელმძღვანელი რუდი ზაგსტი.საინფორმაციო შეხვედრა ჩატარდება ინგლისურ ენაზე.მსურველებს რეგისტრაციის გავლა შეუძლიათ 29 მაისს 17:00 საათამდე, შემდეგ ბმულზე: https://forms.office.com/e/byk53C4813 შეხვედრის მონაწილეებს საშუალება ექნებათ, მიიღონ დეტალური ინფორმაცია სამაგისტრო პროგრამის შესახებ, დასვან კითხვები და გაიცნონ პროგრამის ხელმძღვანელები და პროფესორები.აღსანიშნავია, რომ სამაგისტრო პროგრამას უკვე ჰყავს პირველი მაგისტრანტები, რომლებიც პირველ კურსზე არიან. ჩარიცხული სტუდენტების 100%-ს ქუთაისის საერთაშორისო უნივერსიტეტი სრულად უფინანსებს სწავლის და საერთო საცხოვრებლის გადასახადებს. ინტერდისციპლინური სამაგისტრო პროგრამა - „ფინანსები და ინფორმაციის მენეჯმენტი“ (FIM) KIU-ში, ევროპის ლიდერ, მიუნხენის ტექნიკურ უნივერსიტეტთან (TUM) თანამშრომლობით, ხორციელდება და მასში TUM-ის, ტორონტოსა და სხვა უნივერსიტეტების წამყვანი პროფესორები არიან ჩართულნი.ქუთაისის საერთაშორისო უნივერსიტეტში FIM-ის ხელმძღვანელია პროფესორი რუდი ზაგსტი, რომელიც ამავდროულად მათემატიკური ფინანსების კათედრას ხელმძღვანელობს მიუნხენის ტექნიკურ უნივერსიტეტში (TUM) და FIM პროგრამის თანადამფუძნებელია.FIM სამაგისტრო პროგრამა მსოფლიოს ერთ-ერთ წამყვან, მიუნხენის ტექნიკურ უნივერსიტეტში (TUM) 2004 წელს შეიქმნა. 2008, 2011, 2014, 2017 და 2020 წლებში იგი გერმანიის სამაგისტრო პროგრამების სარეიტინგო სისტემისა და CHE Master-Ranking-ის ეროვნული რეიტინგის სათავეში მოექცა. აღნიშნული პროგრამის კარიერული შესაძლებლობები ვრცელდება ყველა სექტორზე, სადაც საჭიროა ფინანსური მართვის მოდელებისა და ტექნოლოგიების ცოდნა. პროგრამა მომავალ პროფესიონალებს უვითარებს ისეთ უნარებს, რომლებიც აუცილებელია გლობალური გამოწვევების გადასაჭრელად და საერთაშორისო სარბიელზე აღიარების მოსაპოვებლად.სურვილის შემთხვევაში, დამატებით, მაგისტრანტებს შესაძლებლობა ექნებათ, პროგრამის ფარგლებში სასწავლო კურსი ტორონტოსა და მიუნხენში გაიარონ.პროგრამის შესახებ დეტალური ინფორმაცია, გთხოვთ, იხილოთ ბმულზე: https://www.kiu.edu.ge/?m=370 

1745438486

ERASMUS-ის და Horizon Europe-ის პროგრამას არანაირი პრობლემა არ ექნება, ეს პროექტები გაგრძელდება - ალექსანდრე წულაძე

განათლების, მეცნიერებისა და ახალგაზრდობის მინისტრმა ალექსანდრე წულაძემ ERASMUS-ის და Horizon Europe-ის პროგრამას არანაირი პრობლემა არ ექნება. ამის შესახებ მინისტრმა ღამის კურიერის" ეთერში სტუმრობისას ისაუბრა.„ERASMUS-ის და Horizon Europe-ის პროგრამას არანაირი პრობლემა არ ექნება. ეს პროექტები გაგრძელდება ისევე, როგორც აქამდე. როცა უმაღლესი განათლების მიღწევებზე ვსაუბრობთ, აქაც ძალიან კარგად ჩანს, როგორც ERASMUS-ის, ისე Horizon Europe-ის პროექტებში პროცენტული თვალსაზრისით, საქართველო რა წამყვან პოზიციებს იკავებს მთელი მსოფლიოს მასშტაბით. შემიძლია ვთქვა, რომ რამდენიმე მილიონი არის ამ პროექტის ფარგლებში ქართველი მკვლევრების მიერ მოპოვებული დაფინანსება“, - აღნიშნა ალექსანდრე წულაძემ.

1745437821

„ყველა მოსწავლისთვის სავალდებულო იქნება“ - რა სიახლე ამოქმედდება სკოლებში სექტემბრიდან

კომპიუტერული ტექნოლოგიების სწავლა, როგორც დაწყებითი ასევე საბაზისო საფეხურზე მყოფი მოსწავლეებისთვის სავალდებულო იქნება, - ამის შესახებ საქართველოს განათლების, მეცნიერებისა და ახალგაზრდობის მინისტრმა, ალექსანდრე წულაძემ „ღამის კურიერში“ საუბრის დროს განაცხადა.მინისტრმა განათლების სისტემის რეფორმის 4 წლიან გეგმაზე ისაუბრა.მისივე თქმით, ცვლილება ძალაში 2025 წლის სექტემბრიდან შევა.„აქამდე მხოლოდ დაწყებით საფეხურზე იყო კომპიუტერული ტექნოლოგიების სწავლება ე.წ. ისტის გაკვეთილები. 2025 წლის სექტემბრიდან, ახალი სტანდარტი დავამტკიცეთ, კომპიუტერული ტექნოლოგიების სწავლების და როგორც დაწყებითი, ასევე საბაზისო საფეხურზე სრულად, ყველა მოსწავლისთვის სავალდებულო იქნება კომპიუტერული ტექნოლოგიების სწავლა“, - განაცხადა ალექსანდრე წულაძემ.

1745435468

„2026 წლისთვის ახალი სასკოლო სახელმძღვანელოები შეიქმნება“ - განათლების მინისტრი

„წიგნები და სახელმძღვანელოები შეუცვლელ ინსტრუმენტად რჩება, ამიტომ განათლების სამინისტრო მნიშვნელოვან აქცენტს აკეთებს არსებული სახელმძღვანელოების განახლებაზე“, - ამის შესახებ განათლების, მეცნიერებისა და ახალგაზრდობის მინისტრმა ალექსანდრე წულაძემ „ღამის კურიერის" ეთერში ისაუბრა.როგორც მინისტრმა აღნიშნა, მომავალი წლისთვის სკოლის მოსწავლეებისთვის ახალი სახელმძღვანელოები დაიბეჭდება.„წელს ჩვენ შევიმუშავეთ ყველა საგნის ახალი სტანდარტი და უკვე მომავალი წლიდან ვაპირებთ, რომ ამ განახლებული სტანდარტის შესაბამისად დაიბეჭდოს ახალი წიგნები.ამასთან დაკავშირებითაც არაერთი კვლევა არის, არაერთი ინფორმაცია გვაქვს, როგორც შიგნიდან, ისე, გარედან მიღებული თუ სად რა გამოწვევებია სახელმძღვანელოების ნაწილში და ზუსტად ამის საპასუხოდ, ჩვენ გვექნება, როგორც ბეჭდვის ნაწილში გარკვეული სიახლეები, ასევე, შინაარსის თვალსაზრისითაც განახლებული იქნება.სტანდარტი, რომელიც შემუშავდა, მოიცავს საერთაშორისო გამოცდილებასაც. წელს სტანდარტებზე დაფუძნებით კონცეფციას გავაკეთებთ და შემდეგ, 2026 წლისთვის შეიქმნება ახალი სახელმძღვანელოები,“ - აღნიშნა ალექსანდრე წულაძემ.

1745435378

„გვსურს გაძლიერებული სასწავლო პროგრამა შევქმნათ ყველა საჯარო სკოლაში მათემატიკის და ფიზიკის, ეს არ იქნება ყველასთვის სავალდებულო, ამას შევიტანთ თავდაპირველად საშუალო საფეხურზე“ - ალექსანდრე წულაძე

განათლების, მეცნიერებისა და ახალგაზრდობის მინისტრმა, ალექსანდრე წულაძემ "ღამის კურიერის" ეთერში სტუმრობისას განაცხადა, რომ აქტიური მუშაობა მიმდინარეობს საქართველოში არსებული ფიზიკა-მათემატიკური სკოლების გაძლიერების მიმართულებით.ამასთან, მინისტრის თქმით, ყველა საჯარო სკოლაში შეიქმნება ფიზიკა-მათემატიკის გაძლიერებული სასწავლო პროგრამა."ჩვენ აქცენტს გავაკეთებთ იმ უნარებზე, კომპეტენციებსა და ცოდნაზე, რომელიც მიგვაჩნია, რომ ყველაზე უფრო საჭირო იქნება ჩვენი მომავალი თაობისთვის. პირველი შემიძლია დავასახელო ფიზიკა-მათემატიკის სკოლები და მათემატიკის, როგორც საგნის გაძლიერებული სწავლება. გვსურს, რომ გაძლიერებული სასწავლო პროგრამა შევქმნათ ყველა საჯარო სკოლაში მათემატიკის და ფიზიკის, შეიძლება პირობითად ამ საგანს მექანიკა დაერქვას. ეს არ იქნება ყველასთვის სავალდებულო, იმიტომ, რომ ჩვენ ვფიქრობთ, ამას შევიტანთ თავდაპირველად საშუალო საფეხურზე, ანუ მე-11, მე-12 კლასში და მე-11, მე-12 კლასის ზოგადი ხედვა გვაქვს, რომ ამ პროცესში გარდა რამდენიმე სავალდებულო საგნისა, დანარჩენი საგნები იყოს უკვე სკოლის მოსწავლის ინტერესებზე მორგებული. ამის გარდა, მათემატიკის მიმართულებით, ჩვენი სურვილია, რომ არსებული რესურს სკოლები, მათ შორის, განვაახლოთ მათი ინფრასტრუქტურა და გავაფართოოთ მათემატიკისა და ფიზიკის სკოლების ქსელი," - აღნიშნა ალექსანდრე წულაძემ.

1745405306

განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილედ გიორგი სოსიაშვილი აირჩიეს

განათლების, მეცნიერებისა და ახალგაზრდულ საქმეთა კომიტეტის სხდომაზე, რომელიც ბოლნისის მუზეუმში გაიმართა, კომიტეტის თავმჯდომარის მოადგილედ გიორგი სოსიაშვილი აირჩიეს.კომიტეტის წევრებმა გიორგი სოსიაშვილის კანდიდატურას ერთხმად დაუჭირეს მხარი.განათლების, მეცნიერებისა და ახალგაზრდულ საქმეთა კომიტეტის თავმჯდომარემ გივი მიქანაძემ გიორგი სოსიაშვილს საკომიტეტო საქმიანობაში წარმატებები უსურვა.გიორგი სოსიაშვილი კომიტეტის თავმჯდომარის მოადგილედ პაატა სალიას ნაცვლად აირჩიეს, რომელიც იუსტიციის მინისტრად დაინიშნა.

1745401189

განათლების, მეცნიერებისა და ახალგაზრდულ საქმეთა კომიტეტის წევრები ბოლნისის №1 საჯარო სკოლას ესტუმრნენ

პარლამენტის განათლების, მეცნიერებისა და ახალგაზრდულ საქმეთა კომიტეტის წევრები ბოლნისის სულხან-საბა ორბელიანის სახელობის №1 საჯარო სკოლას ესტუმრნენ.ბოლნისის №1 საჯარო სკოლა ერთ-ერთია 20 საპილოტე სკოლიდან, სადაც საშუალო საფეხურის მოსწავლეებს შესაძლებლობა აქვთ სკოლაშივე, სრული ზოგადი განათლების პარალელურად, პროფესიული განათლება მიიღონ.კომიტეტის წევრებმა ახლად რეაბილიტირებული სკოლის ინფრასტრუქტურა დაათვალიერეს.„სკოლაში დანერგილია ინტეგრირებული საპილოტე პროექტი, რომელიც მე-11 და მე-12 კლასის მოსწავლეებს აძლევს შესაძლებლობას შეისწავლონ კონკრეტული პროფესია, ამ შემთხვევაში IT ტექნოლოგიებზეა საუბარი. სწავლის დასრულების შემდეგ, მოსწავლეებს ექნებათ საშუალება ატესტატთან ერთად მიიღონ დიპლომი, რომელიც მათ კვალიფიკაციას ადასტურებს“, - განაცხადა გივი მიქანაძემ.სკოლა 1200 მოსწავლეზეა გათვლილი. კომიტეტის წევრებთან ერთად ბოლნისის სკოლაში იმყოფებოდნენ: პარლამენტის წევრი, ბოლნისის, დმანისის, თეთრიწყაროსა და წალკის მუნიციპალიტეტების დელეგატი დავით შერაზადიშვილი, სახელმწიფო რწმუნებული ქვემო ქართლის მხარეში გიორგი დოხტურიშვილი, ბოლნისის მუნიციპალიტეტის მერის მოვალეობის შემსრულებელი ჯუმბერ გობეჯიშვილი და საკრებულოს თავმჯდომარე თამაზ ჟორჟოლიანი.ინფორმაციას განათლების სამინისტრო ავრცელებს.

1745397431

განათლების, მეცნიერებისა და ახალგაზრდულ საქმეთა კომიტეტის წევრები მარნეულში საგანმანათლებლო დაწესებულებებს ესტუმრნენ

პარლამენტის განათლების, მეცნიერებისა და ახალგაზრდულ საქმეთა კომიტეტის წევრები მარნეულის №2, ასევე სოფელ წერეთელსა და სოფელ შულავერში მშენებარე საბავშვო ბაღებს ესტუმრნენ და სამშენებლო პროცესს გაეცნენ. ინფორმაციას პარლამენტის პრესსამსახური ავრცელებს.„თითოეული საბავშვო ბაღი 180 ბავშვზეა გათვლილი.საბავშვო ბაღების ეზოებში მოეწყობა რეკრეაციული სივრცეები და სათამაშო მოედნები. საბავშვო ბაღები სრულად იქნება ადაპტირებული შეზღუდული შესაძლებლობის მქონე პირებისთვის.მშენებლობის პროექტები „ბაღების მშენებლობა-რეაბილიტაციის“ სახელმწიფო პროგრამის ფარგლებში ხორციელდება.საბავშვო ბაღების საჭირო ინვენტარით აღჭურვას მარნეულის მუნიციპალიტეტის მერია უზრუნველყოფს.კომიტეტის წევრები ასევე ეწვივნენ სოფელ შუალვერის №2 საჯარო სკოლას.დეპუტატები მოსწავლეებსა და მასწავლებლებს გაესაუბრნენ და სკოლის ინფრასტრუქტურა დაათვალიერეს.მარნეულში კომიტეტის წევრებთან ერთად იმყოფებოდნენ: პარლამენტის წევრი, მარნეულისა და გარდაბნის მუნიციპალიტეტების დელეგატი ზაურ დარგალი, სახელმწიფო რწმუნებული ქვემო ქართლის მხარეში გიორგი დოხტურიშვილი, მარნეულის მუნიციპალიტეტის მერი კენან ომაროვი და საკრებულოს თავმჯდომარე ამირან გიორგაძე", - აღნიშნულია ინფორმაციაში.