1746132738
რა ფასად შეიძენთ უცხოურ ვალუტას 2 მაისს
ეროვნული ბანკის ოფიციალური მონაცემებით, 2 მაისს:1 აშშ დოლარი - 2.7487 ლარი ეღირება;1 ევრო - 3.1143 ლარი;1 ფუნტი - 3.6648 ლარი;1 ლირა კი - 0.0715 ლარი.
ფინანსები
1746104781
ლარი ისევ გამყარდა - ნახეთ ვალუტის განახლებული კურსი
აშშ დოლარის ოფიციალური ღირებულება 2.7487 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7487 ლარი გახდა. კურსი, რომელიც დღეს მოქმედებდა, 2.7492 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.რაც შეეხება ევროს, მისი კურსი 3.1143 ლარია. მაშინ, როცა დღეს მოქმედი 3.1239 კურსი ლარს შეადგენდა. შესაბამისად, ევროს ცვლილებამ 0.0096 ლარი შეადგინა.
1746089936
აპრილში მარტის მონაცემთან შედარებით მეტი რეზერვი გვაქვს შეძენილი - ნათია თურნავა
აპრილში მარტის მონაცემთან შედარებით მეტი რეზერვი გვაქვს შეძენილი, - განცხადება სებ-ის პრეზიდენტმა ნათია თურნავამ რუსთავი2-ის გადაცემა „ღამის კურიერში“ გააკეთა.მისი თქმით, სებ-ს ხელოვნურად არ უჭირავს კურსი და როცა საშუალება აქვს ახდენს რეზერვების შევსებას.„პირველ რიგში მინდა განვმარტო, რომ ჩვენ რა თქმა უნდა ხელოვნურად არანაირად არ გვიჭირავს კურსი. ეს შეუძლებელიც არის. მიუხედავად იმისა, რომ ჩვენ მუდმივად ვცდილობთ რეზერვების აკუმულირებას და გაზრდას, არ არის ჩვენი ამოცანა, რომ ხელოვნურად რამე დავიჭიროთ. იმიტომ, რომ ჩვენს ქვეყანას დეკლარირებული აქვს მცურავი სავალუტო კურსი, რასაც თავისი დატვირთვა და დანიშნულება აქვს. თუკი რაიმე ასტაბილურებს ბოლო პერიოდებში და ბოლო წლებში და ბოლო თვეებში ჩვენს სავალუტო ბაზარს, ეს არის ჩვენი ეკონომიკა და ჯანსაღი მაკროეკონომიკური ფუნდამენტური ფაქტორები და ძალიან კარგი სტაბილური შემოდინება უცხოური ვალუტის ჩვენს ბაზარზე. ანუ თვითონ ბაზარი და ეკონომიკური ჯანსაღი მდგომარეობა ასტაბილურებს ლარს.რა თქმა უნდა ეროვნული ბანკი ყოველთვის მზად არის წერტილოვანი მცირე ინტერვენციები განახორციელოს მანდატის ფარგლებში. როდესაც ვხედავთ, რომ ეკონომიკა სტაბილურია და არაფერი არ უნდა ემუქრებოდეს ზოგადად ვალუტას, მაგრამ დავუშვათ რაღაცა სპეკულაციებია, არის აჟიოტაჟი და მცდელობა, რომ იმოქმედო ბაზრის მონაწილეების სენტიმენტებზე, განწყობებზე, სუფთა განწყობებიდან გამომდინარე ხდება მოკლევადიანი რყევები. ასეთი მოკლევადიანი რყევების დროს ჩვენ სრული უფლება გვაქვს, რომ ეს დავასტაბილუროთ და კითხვის ნიშნის ქვეშ არ დავაყენოთ ზოგადად ლარის მიმართ ნდობა. მინდა გითხრათ, რომ ნოემბრიდან მოყოლებული პრაქტიკულად ჩვენ ძირითადად ვალუტის შესყიდვის და რეზერვების აკუმულირების რეჟიმზე ვართ გადასულები. ჩვენ გვაქვს ჩვენი წესი, რომ მომდევნო თვის 25 რიცხვში წინა თვის შედეგებს ვაქვეყნებთ ე.წ BMatch პლატფორმით რამდენი შევიძინეთ. ახლა გამოვაქვეყნეთ მარტის შედეგები. აპრილში, ეს ციფრი გახდება ცნობილი ერთი თვის შემდეგ, რამდენიმეჯერ უფრო მეტი გვაქვს შეძენილი და ბაზარი გვაძლევს ამის საშუალებას“, - აცხადებს ნათია თურნავა.აღსანიშნავია, რომ წელს ქართული ეროვნული ვალუტა იუბილარია.„წლევანდელი წელი გვაქვს საიუბილეო. ჩვენი ლარი ხდება 30 წლის. ლარი არის ჩვენი დამოუკიდებლობის სიმბოლო და ჩვენი ფინანსური სიძლიერის სიმბოლოდაც იქცა განსაკუთრებით, ბოლო წლებში რადგან ლარის მიმართ ნდობა მზარდია. ეს დეპოზიტების ლარში განთავსების მზარდ ტენდენციაში აისახება. იმიტომ, რომ ადამიანებს მოუნდათ დანაზოგის შექმნა ლარში, ესეც ძალიან მნიშვნელოვანია და ისევ ვამბობ, რომ ჩვენ ძირითადად წლის განმავლობაში გვაქვს საშუალება, რომ პირიქით რეზერვი გავზარდოთ დოლარი ვიყიდოთ. ასეთი მდგომარეობაა, დადებითი მდგომარეობა ჩვენს ეკონომიკაში. შემოდინება ძლიერია, ექსპორტიდან შემოდინება, ტურიზმიდან შემოდინება ამის სრული საშუალება გვაქვს. თუკი დადება მსგავსი მომენტი, როდესაც მანდატის ფარგლებში საჭიროდ ჩავთვლით, რომ ჩავერიოთ და ბაზარს მივაწოდოთ ვალუტა იმისთვის, რომ მოკლევადიანი რყევები დავასტაბილუროთ და ამ კუთხით არ შევქმნათ რაღაცა, არ გავაღვივოთ ნეგატიური მოლოდინები და ლარის მიმართ და ნდობის მიმართ რაიმე კითხვის ნიშნები არ გაჩნდეს ჩვენ ამას ყოველთვის დროულად გავაკეთებთ, მაგრამ მთლიანობაში ყოველთვის გვირჩევნია, რომ ვაკეთოთ აკუმულირება. მომართულები ვართ ჩვენი რეზერვების ზრდისთვის. თუ საჭიროება გახდება რა თქმა უნდა ჩვენ ჩვენივე ფუნქციას შევასრულებთ“, - აღნიშნა ნათია თურნავამ.
1746087230
ინფლაცია კვლავ დაბალია და სხვა პარამეტრებიც არის პოზიტიური - ნათია თურნავა
ინფლაცია კვლავ დაბალია და სხვა პარამეტრებიც არის პოზიტიური - ამის შესახებ განცხადება სებ-ის პრეზიდენტმა ნათია თურნავამ რუსთავი2-ის გადაცემა „ღამის კურიერში“ გააკეთა.ნათია თურნავა, რომელიც აშშ-ში ეკონომიკურ გუნდთან ერთად იმყოფებოდა, საქართველოში საკმაოდ პოზიტიური მოლოდინებით დაბრუნდა. მით უმეტეს, რომ მის პოზიტივს არსებული მაკროეკონომიკური პარამეტრებიც ამყარებს.„ბოლო 4 წლის განმავლობაში, ჩვენი საშუალო ეკონომიკური ზრდის ტემპი 9,4%-ია. ახლა, რომ ვიყავით ვაშინგტონში ჩასულები სწორედ მაგ დროს გამოქვეყნდა სსფ-ს ბოლო ანგარიში, რომელშიც საქართველო რომ შეხედოთ შედარების ცხრილებს, მეორეა ზოგადად მსოფლიოში ერთ სულ მოსახლეზეა რეალური შიდა პროდუქტის ზრდის ტემპით - 10,7%. ერთ-ერთი ყველაზე მაღალი მაჩვენებელია. ეს რას ნიშნავს ინვესტორისთვის? ეს იმას ნიშნავს, რომ მაღალი მოგება ექნება. ჩვენთან ჩადებულ თითოეულ დოლარზე, ან ევროზე მიიღებს შედარებით უფრო მაღალ უკუგებას ვიდრე სხვაგან, რომელიც იმ რისკებსაც დაფარავს, რომ საქართველო რთულ გარემოცვაში იმყოფება და ბევრ სხვა ფაქტორს გააუმჯობესებს მისთვის“, - აცხადებს ნათია თურნავა.მისივე თქმით, საინვესტიციო ფონდები აქტიურად მიიღებენ მონაწილეობას, ყოველთვის როცა ახალი ფასიანი ქაღალდების გამოშვება იქნება.„ძირითადად ეს არის პორტფელური ინვესტიციები, ფასიანი ქაღალდების ბაზარზე აქტიურობენ. რაც ჩვენთვის ძალიან მნიშვნელოვანია იმიტომ, რომ ეს მარტივად რომ ვთარგმნოთ ნიშნავს იმას, რომ მეტი სავალუტო შემოდინება იქნება ქვეყანაში. ჩვენ ვაკვირდებით რამდენად არის ამ კუთხით გაუმჯობესებული ვითარება, სტაბილურია ჩვენი სავალუტო ბაზარი, ლარი ტრადიციულად როგორც ზაფხულში ახასიათებს მყარდება და ერთ ერთი ფაქტორია რა თქმა უნდა ინვესტიციები. ისევ და ისევ ვამბობ, რომ უყურებენ ისინი, რომ მთელი ამ რამდენიმე წლის განმავლობაში მიუხედავად კოვიდ-პანდემიისა, მიუხედავად რუსეთ-უკრაინის ომისა, მიუხედავად სხვა გეოპოლიტიკური გამოწვევებისა, მიუხედავად ბევრი ფაქტორისა საქართველოში ნარჩუნდება მაღალი ეკონომიკური ზრდა, მიზნობრივზე დაბალი ინფლაცია. დღეს გამოქვეყნდა მარტის ბოლო მონაცემი, მშპ მარტში გაზრდილია 9%-ით. რაც ნიშნავს, რომ ჩვენი წლევანდელი პროგნოზი იქნება გაცილებით უფრო მაღალი, ალბათ, ვიდრე ჩვენ მანამდე ვარაუდობდით. ესეც ძალიან მნიშვნელოვანი ინდიკატორია. ხოლო ინფლაცია კვლავაც არის მიზნობრივის ირგვლივ. ანუ არ არის მაღალი. წინა წელს საშუალო ინფლაცია იყო 1,1%-ი, წელს არის მიახლოებული მიზნობრივთან, კვლავ დაბალია ინფლაცია და სხვა პარამეტრებიც არის პოზიტიური“, - აღნიშნა ნათია თურნავამ.
1746087150
მიუხედავად იმისა, რომ პროგრამა სამწუხაროდ იყო დაპაუზებული, მაგრამ მიმდინარეობდა და დღესაც მიმდინარეობს სხვა ფორმის თანამშრომლობა, - განაცხადა სებ-ის პრეზიდენტმა სსფ-სთან ურთიერთობებზე რუსთავი 2-ის გადაცემა „ღამის კურიერში“ კომენტირებისას. როგორც ცნობილია ნათია თურნავა აშშ-ში იმყოფებოდა და სსფ-ს მაღალჩინოსნებთან მართავდა შეხვედრებს. სწორედ იქ გადაწყდა, რომ სსფ-ს მორიგი მისია საქართველოს მაისის ბოლოს ესტუმრება.ნათია თურნავას თქმით, საერთაშორისო სავალუტო ფონდსა და საქართველოს შორის თანამშრომლობა არცერთი წუთით არ შეწყვეტილა.„სავალუტო ფონდი ჩვენი ტრადიციული პარტნიორია. ერთ-ერთი პირველი საერთაშორისო საფინანსო ინსტიტუტი, რომელიც დამოუკიდებლობის აღდგენის შემდეგ გაჩნდა საქართველოში. რა თქმა უნდა მათთან თანამშრომლობა ჩვენთვის არის საკმაოდ მნიშვნელოვანი. მიუხედავად იმისა, გვინდა თუ არა ჩვენ ბიუჯეტისთვის მათგან ვისესხოთ და ბოლო პერიოდში ჩვენ ეს აუცილებლობა არ დაგვდგომია, მაგრამ მთლიანობაში ზოგადად სანდოობისთვის, ბიზნესის თვალში, ინვესტორების თვალში ყოველთვის კარგია, როდესაც სავალუტო ფონდი არის ძლიერად წარმოდგენილი ქვეყანაში. მე გავაკეთე ეს კომენტარი და აქაც განვმეორდები, რომ საერთაშორისო სავალუტო ფონდსა და საქართველოს შორის თანამშრომლობა არცერთი წუთით არ შეწყვეტილა, მიუხედავად იმისა, რომ პროგრამა სამწუხაროდ იყო დაპაუზებული, მაგრამ მიმდინარეობდა და დღესაც მიმდინარეობს სხვა ფორმის თანამშრომლობა.წელს არის იგივე ე.წ მეოთხე მუხლის მისია ეს პროგრამა. ეს მისია ჩვენ გვესტუმრება უახლოეს დღეებში და იქაც ვიმსჯელებთ ყველაფერზე. მაისის ბოლოს ველით სავალუტო ფონდის მისიას საქართველოში, სადაც ყველაფერზე შეგვეძლება საუბარი. ტექნიკური დახმარების პროგრამები მათთან არ შეჩერებულა. მათ შორის, ეროვნული ბანკიც სარგებლობს უამრავი ტექნიკური დახმარების პროგრამით. მათ შორის, კიბერუსაფრთხოებით დაწყებული და საბანკო ზედამხედველობის საკითხებით დამთავრებული. ანუ ეს მჭიდრო თანამშრომლობა სულ გრძელდება. პროგრამაზე ვისაუბრებთ, როდესაც მისია ჩამოვა. ასეთი რაღაცაც ითქვა ჩვენი მხრიდან და ვფიქრობ, რომ გაგებით იყო ეს მოსმენილი, რომ ჩვენ ვიდრე ახალ პროგრამაზე ვისაუბრებთ აუცილებლად უნდა შევაფასოთ ეს დაპაუზებული ფორმალურად მიმდინარე პროგრამის მდგომარეობა. რა ღია საკითხები იყო, რა შესრულდა შემდეგ. იმიტომ, რომ მიუხედავად იმისა, რომ პროგრამა იყო დაპაუზებული ჩვენ მაინც ვაგრძელებდით როგორც აღმასრულებელი ხელისუფლება ფინანსთა სამინისტრო, ეკონომიკის სამინისტრო, ასევე ეროვნული ბანკი ამ პროგრამის მიხედვით მუშაობას.რა შესრულდა, რა დარჩა ღია იმისთვის რომ ეს საკითხები აღარ დაუდგეს წინ ჩვენს შემდგომ თანამშრომლობას. კი თავის დროზე იყო მიღებული გადაწყვეტილება ამ პროგრამის შეჩერების შესახებ, თუმცა ისიც უნდა აღინიშნოს, რომ ყველა პრაქტიკულად საშუალო ვადიანი მიზნობრივი მაჩვენებელი, რაც ამ დაპაუზებულ პროგრამაში იყო მოყვანილი ჩვენი მხრიდან იყო შესრულებული. ანუ ამ კუთხით არანაირი სასაყვედურო ქართულ მხარეს არ ჰქონდა. მათ შორის, ჩვენ მხარეს ეს იყო წმინდა რეზერვები, ფინანსთა სამინისტროს მხარეს ეს იყო საბიუჯეტო დეფიციტი. ყველაფერი იყო ზედმიწევნით იყო შესრულებული. ნუ სხვა საკითხია, რომ მიუხედავად ამისა მაინც იყო მიღებული გადაწყვეტილება ამ პროგრამის დაპაუზების შესახებ. რამდენად გამართლებული იყო მაშინ იმ დროს ეს გადაწყვეტილება ეს კიდე ცალკე საკითხია“, - აღნიშნა ნათია თურნავამ.სებ-ის პრეზიდენტი ამბობს, რომ სსფ და სებ არიან პარტნიორები და პარტნიორებს შორის არ შეიძლება, რომ თემა იყოს დახურული.„ყველაფერზე ხდება საუბარი. მე პირადად ვფიქრობ რომ ერთ-ერთი მიზეზი მაშინ რაც იყო დასახელებული რომ ეროვნული ბანკის კანონში შევიდა ცვლილება პირიქით, სასიკეთო ცვლილება იყო იმიტომ რომ გამჭვირვალედ და საუკეთესო სტანდარტით კანონით დარეგულირდა თუ რა ხდება ისეთ დროს როდესაც ეროვნულ ბანკს არ ჰყავს მოქმედი პრეზიდენტი ხანგრძლივი დროის განმავლობაში, რომელსაც პირველი მოადგილე ცვლის და სწორედ ეგ სიტუაცია გვქონდა ჩვენ პოლიტიკური კონიუნქტურიდან გამომდინარე დიდხანს არ ჰყავდა პრეზიდენტი. აქედან გამომდინარე, საუკეთესო გამოსავალია ამის განმარტება მოხდა პარტნიორებთან.თუმცა მას შემდეგ ბევრი რამე გაკეთდა აქ გაუმჯობესების მიმართულებით. იგივე რა წუხილიც ჰქონდა სავალუტო ფონდს, რომ აღმასრულებელი წევრების რაოდენობა ჩვენს სამეთვალყურეო საბჭოში ჭარბობს არა აღმასრულებელს, ესეც გამოსწორდა. 9 წევრი, ყველა არის პარლამენტის მიერ დამტკიცებული და დანიშნული. არა აღმასრულებელი წევრების რაოდენობა 5 არის და 4 ვართ აღმასრულებლები, ანუ თვითონ ის პრინციპი რომლითაც უნდა იყოს ეს წარმოდგენილი და თანაფარდობა დაცული არის. ეს წუხილიც არის რაღაცნაირად გადაწყვეტილი და აღარ უნდა იყოს ჩვენს შორის საკითხი პრობლემური და ბევრი სხვა საკითხი იგივე ფინანსთა სამინისტროს მხარესაც, რაც იყო ღია საკითხები 2 წლის განმავლობაში იმუშავა უწყებამ ესეც ამოწურულია. ამიტომ მე პოზიტიურად ვარ განწყობილი“, - აღნიშნა თურნავამ.
1746078427
ველოდებით, რომ ჩინურ ბანკებთან ჩვენი თანამშრომლობა უფრო გაძლიერდება - თურნავა
"აშშ-ში ჩავედით და დავბრუნდით პოზიტიური გზავნილებით" - ამბობს ეროვნული ბანკის პრეზიდენტი, ნათია თურნავა სამთავრობო-პროპაგანდისტული რუსთავი 2-ის ეთერში, აშშ-ში ვიზიტთან დაკავშირებით.როგორც თურნავა ამბობს, "ქართველო გლობალურ გამოწვევებს ეგებება საკმაოდ გაძლიერებული მაკროეკონომიკური ფუნდამენტალური ფაქტორებით, დაბალი ინფლაციით, ძლიერი ეკონომიკური ზრდით, გაუმჯობესებული საგარეო ბალანსით".თურნავას თქმით, აშშ-ში ორი გზავნილი ჩაიტანეს, ერთი, რომ "მართლაც შესაშური მაკროეკონომიკური პარამეტრები გვაქვს ჩვენ ძალიან ბევრ ქვეყანასთან შედარებით" და მეორე - შუა დერეფანში და რეგიონში საქართველოს როლის ზრდა."რა მესიჯიც ჩვენ მივიტანეთ და ვხედავთ ამის გააზრებას, არის, რომ საქართველოს აქტუალობა, საქართველოს როლი იზრდება. მე ვახსენე ფრაგმენტაცია - ფრაგმენტაცია კიდევ სხვაგვარად შეიძლება აღვიქვათ, როგორც რეგიონალიზაცია. იმის ნაცვლად, რომ მთლიანად გლობალური მსოფლიო იყოს უფრო შეკრული, ახლა ხდება უფრო რეგიონალური თანამშრომლობის წარმოჩენა, ასევე როგორც საპირწონე პროცესი და ამ კონტექსტში, ჩვენი შუა დერეფანი, სადაც საქართველო სტრატეგიულ ადგილს იკავებს, მით უფრო მეტად აქტუალური გახდა, განსაკუთრებით თუნდაც მსოფლიო ბანკისთვის, რომელიც ზოგადად, ცნობილია რეგიონალური პროექტებით, იქნება ეს ინფრასტრუქტურა, ენერგეტიკა, კომუნიკაციები და ა.შ. ნებისმიერი ამ განვითარების პროცესში ჩვენს რეგიონში, ჩვენს შუა დერეფანში, საქართველოს ადგილი და როლი ძალიან მნიშვნელოვანია. ერთი ათად გაიზარდა ჩვენი აქტუალობა და ამის გააზრებას ვხედავთ და ამას ეყრდნობა ის ზომიერი ოპტიმიზმი, რასაც ჩვენ გამოვხატავთ და ის პოზიტიური გზავნილები". - თქვა თურნავამ.შუა დერეფნის კონტექსტში, თურნავამ ასევე ისაუბრა საქართველოს ჩინურ ბანკებთან თანამშრომლობის გაძლიერების მნიშვნელობაზე და აღნიშნა, რომ ამ ეტაპზე საქართველოს ბაზარზე მხოლოდ ერთი ჩინური ბანკია და გაუხარდება თუ ჩინეთი უფრო მეტად იქნება წარმოდგენილი."მე წეღანაც ვახსენე ჩვენი დერეფნის აქტუალობა და საქართველოს აქტუალობა, როგორც დამაკავშირებელი ხიდისა, ამ ჩვენ შუა დერეფანში, რომელიც ბევრ ქვეყანას აერთიანებს ერთი ნიშნით, ეს არის რეგიონული ვაჭრობა, რეგიონული ეკონომიკური ურთიერთობა და რეგიონული ინფრასტრუქტურული პროექტები. ამ რეგიონულ პროექტებს, ვაჭრობას, თანამშრომლობას ცხადია მოჰყვება ფინანსების სფეროში თანამშრომლობა - ბანკები ერთმანეთთან გადარიცხვებს აკეთებენ, კომპანიები - ანგარიშსწორებას.ყოველთვის, ასეთი შეხვედრების დროს ჩვენ გვაქვს საუბარი იმაზე, როგორ დავაახლოოთ ჩვენი საფინანსო სისტემები უფრო მეტად, იმიტომ, რომ ჩვენ გავხდით უკვე გლობალური ბიზნესისთვის, მათ შორის, გლობალური საფინანსო ბიზნესისთვის პლატფორმა.ჩვენ უკვე ახალი ციფრული ბანკები გვყავს, რომელიც ზოგი სინგაპურულია, ზოგი სხვა იურისდიქციიდანაა და ამ კუთხით საინტერესონი ვართ, მათ შორის აზიური ბანკებისთვის.ველოდებით, რომ ჩინურ ბანკებთანაც უფრო გაძლიერდება ჩვენი თანამშრომლობა. დაწყებული საკორესპონდენტო ურთიერთობებით ჩვენ ბანკებს შორის, დამთავრებული კონკრეტულად ინვესტიციებით. ჩვენ მხოლოდ ერთი ჩინური ბანკი გვყავს ბაზარზე, ეს არის ბაზის ბანკი და გაგვიხარდება თუ მეტად იქნება წარმოდგენილი". - თქვა თურნავამ.მისი თქმით, საუბარი აქვს არამხოლოდ ჩინურ ბანკებზე, არამედ სინგაპურულზე, ასევე თურქულ და ევროპულ ბანკებზეც. თურნავა აღნიშნავს, რომ ცოტა ხნის წინ, ერთ-ერთ ბანკში იაპონური ბანკი შემოვიდა და ეს აზიური ინვესტიციაც შუა დერეფანს ეხება
1746045862
რა ეღირება დოლარი და ევრო დღეს - ვალუტის კურსი
ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.7492 ლარი გახდა. კურსი, რომელიც მანამდე მოქმედებდა, 2.7516 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0024 ლარი შეადგინა.რაც შეეხება ევროს, მისი კურსი 3.1239 ლარია. მაშინ, როცა მანამდე მოქმედი 3.1305 კურსი ლარს შეადგენდა. შესაბამისად, ევროს ცვლილებამ 0.0066 ლარი შეადგინა.
1746021571
Axios: აშშ-ის ეკონომიკა 2025 წლის პირველ კვარტალში 0,3% შემცირდა
აშშ-ის ეკონომიკა მიმდინარე წლის პირველ კვარტალში 0,3% შემცირდა. ინფორმაციას Axios-ი ავრცელებს.ამერიკის ვაჭრობის დეპარტამენტის ინფორმაციით, ეკონომიკის შემცირება აშშ-ის პრეზიდენტის, დონალდ ტრამპის მიერ სხვადასხვა ქვეყნების მიმართ ტარიფების დაწესების გამო მოხდა.როგორც გამოცემა აღნიშნავს, ეს ბოლო სამ წელიწადში ეკონომიკის ვარდნის პირველი შემთხვევაა. Axios-ი აღნიშნავს, რომ უკანასკნელ წლებში ამერიკის ეკონომიკის ზრდის ტემპი სულ უფრო მცირდებოდა, ხოლო ტარიფების დაწესების შემდეგ მას რეცესია დაემართა.ვაჭრობის დეპარტამენტში განმარტავენ, რომ მთლიანი შიდა პროდუქტის ვარდნა, უპირველეს ყოვლისა, იმპორტის ზრდის და სახელმწიფო ხარჯების შემცირებით იყო განპირობებული.
1746020816
ლარი ისევ გამყარდა - ნახეთ განახლებული კურსი
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7492 ლარი გახდა. კურსი, რომელიც დღეს მოქმედებდა, 2.7516 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0024 ლარი შეადგინა.რაც შეეხება ევროს, მისი კურსი 3.1239 ლარია. მაშინ, როცა დღეს მოქმედი 3.1305 კურსი ლარს შეადგენდა. შესაბამისად, ევროს ცვლილებამ 0.0066 ლარი შეადგინა.
1746008408
ვახტანგ ცინცაძე: 2025 წელს საშუალო ეკონომიკური ზრდა 9,3%-ს გაუტოლდა
2025 წელი ეკონომიკური აქტივობის მაღალი ზრდით დაიწყო, კერძოდ, მარტის თვეში ეკონომიკურმა ზრდამ - 9% შეადგინა, ხოლო პირველი კვარტლის წინასწარ მონაცემებს თუ შევხედავთ, საშუალო ეკონომიკური ზრდა 9,3%-ს გაუტოლდა, - განაცხადა ეკონომიკისა და მდგრადი განვითარების მინისტრის მოადგილემ, ვახტანგ ცინცაძემ.როგორც მინისტრის მოადგილემ აღნიშნა, გეოპოლიტიკური და რეგიონული შოკების მიუხედავად, საქართველოს ეკონომიკა ინარჩუნებს მდგრადობას და მაღალი ეკონომიკური ზრდის ტემპებს. ვახტანგ ცინცაძემ ყურადღება გაამახვილა დარგებზე, რომლებმაც ეკონომიკურ ზრდაში მნიშვნელოვანი წვლილი შეიტანეს, ესენია: ინფორმაციისა და კომუნიკაციის, პროფესიული, სამეცნიერო და ტექნიკური საქმიანობების, საფინანსო და სადაზღვევო საქმიანობების, ტრანსპორტის, დასაწყობებისა და მშენებლობის სექტორები.„მაკროჭრილში თუ შევხედავთ, ეკონომიკური ზრდის ხელშემწყობი იყო ექსპორტის მიმართულებით დაფიქსირებული პოზიტიური ტენდენციები. კერძოდ, მარტში ექსპორტი 8,2 %-ით გაიზარდა და ექსპორტის მოცულობამ 565.8 მილიონი აშშ დოლარი შეადგინა,”- აღნიშნა მინისტრის მოადგილემ.ვახტანგ ცინცაძის თქმით, აღსანიშნავია, რომ 2025 წლის პირველი კვარტლის მონაცემებით, ტურიზმიდან შემოსავლებმა რეკორდულ მაჩვენებელს - 826 მილიონ აშშ დოლარს მიაღწია.„ყოველივე ზემოაღნიშნული გვაძლევს მყარ საფუძველს, რომ 2025 წელს საქართველოს ეკონომიკური ზრდა იმაზე მაღალი იქნება, ვიდრე ამას საერთაშორისო საფინანსო ინსტიტუტები ვარაუდობენ,“ - აღნიშნა ვახტანგ ცინცაძემ.საერთაშორისო სავალუტო ფონდის პროგნოზით, რეგიონისა და ევროპის ქვეყნებს შორის, საქართველოს, საშუალოვადიან პერიოდში, 2025-2030 წლებში ექნება ყველაზე მაღალი ეკონომიკური ზრდა - საშუალოდ 5.2%.
1746005939
მარტში ეკონომიკურმა ზრდამ 9.0 პროცენტი შეადგინა, ხოლო 2025 წლის იანვარ-მარტის ანუ პირველი კვარტლის, საშუალო ეკონომიკური ზრდა 9.3%-ით განისაზღვრა, - წერს ეკონომიკის ექსპერტი, გიორგი ცუცქირიძე.მისივე თქმით, საერთაშორისო საფინანსო ინსტიტუტებისა და სარეიტინგო კომპანიების შეფასებით, საქართველოს ეკონომიკა ინარჩუნებს მდგრადობას გონივრული მაკროეკონომიკური პოლიტიკის შედეგად.„მარტის თვეს უნდა გაეცა პასუხი, ბიუჯეტის ცალკეული პარამეტრების საპროგნოზოსთან აცდენა რამდენად კანონზომიერი იყო ეკონომიკის მაკრო ფაქტორებთან მიმართებაში. აქ პირველ რიგში მარტის ეკონომიკური ზრდის მაჩვენებელი იყო საინტერესო, მიუხედავად იანვარ-თებერვალში მაღალი ეკონომიკური აქტივობისა(2025 წლის იანვარში ეკონომიკურმა ზრდამ 11.1 პროცენტი და თებერვალში 7.7 პროცენტი შეადგინა).მთლიანად დადასტურდა ჩვენი თვალსაზრისი, რომ მიუხედავად საპროგნოზოსთან შედარებით, დღგ-ის, აქციზის და იმპორტის გადასახადიდან მიღებული შემოსავლების აცდენისა საპროგნოზოზე მაღალი და გაზრდილი საბიუჯეტო შემოსავლები, მაღალი ეკონომიკური ზრდის წინაპირობა უნდა ყოფილიყო და არაფერი საერთო არც ეკონომიკის შენელებასთან, მით უფრო საბიუჯეტო კრიზისთან არ ჰქონდა, როგორც ეს ცალკეულ ოპოზიციურად განწყობილ ექსპერტებს სურდათ წარმოეჩინათ.მარტში ეკონომიკურმა ზრდამ 9.0 პროცენტი შეადგინა, ხოლო 2025 წლის იანვარ-მარტის ანუ პირველი კვარტლის, საშუალო ეკონომიკური ზრდა 9.3%-ით განისაზღვრა.აღსანიშნავია, რომ მარტის თვეში მაღალ ეკონომიკურ ზრდას ხელი შეუწყო საგარეო ვაჭრობისა და ტურიზმის მიმართულებით დაფიქსირებულმა ტენდენციებმა. 2025 წლის მარტში ექსპორტი 8.2%-ით გაიზარდა და 565.8 მილიონი აშშ დოლარი შეადგინა, ხოლო 2025 წლის პირველ კვარტალში მოგზაურობიდან (ტურიზმიდან) მიღებული შემოსავლები წლიურად 2.3%-ით გაიზარდა და პირველი კვარტლის ჭრილში ბოლო წლების რეკორდული მოცულობა - 826 მილიონი აშშ. დოლარი შეადგინა.2025 წლის მარტში დღგ-ის გადამხდელ საწარმოთა ბრუნვა წინა წლის შესაბამისი თვის მაჩვენებელთან შედარებით 10.8%-ით გაიზარდა, რაც მაღალ ზრდას განაპირობებდა.რაც შეეხება სამომავლო პროგნოზს, საერთაშორისო საფინანსო ინსტიტუტებისა და სარეიტინგო კომპანიების შეფასებით, საქართველოს ეკონომიკა ინარჩუნებს მდგრადობას გონივრული მაკროეკონომიკური პოლიტიკის შედეგად.იგივე სავალუტო ფონდის პროგნოზით, რეგიონისა და ევროპის ქვეყნებს შორის, საქართველოს ექნება ყველაზე მაღალი ეკონომიკური ზრდა საშუალოვადიან პერიოდში - 2025-2030 წლებში და საშუალოდ 5.2%-ს შეადგენს, ისიც კონსერვატორული შეფასებით და თუ გავითვალისწინებთ ბოლო წლების სტატისტიკას, რეალური მაჩვენებლები უფრო მაღალია და ბუნებრივია, ეს არ არის ზედა ზღვარი“, - წერს გიორგი ცუცქირიძე.
1745999465
კომპლექსურ დროში კომპლექსური პასუხებია საჭირო, – განაცხადა საქართველოს პარლამენტის თავმჯდომარე შალვა პაპუაშვილმა ვაზიანში, თავდაცვის ძალების დღისადმი მიძღვნილ ღონისძიებაზე.მისი თქმით, საქართველოს თავდაცვის ძალებს აკისრიათ განსაკუთრებული მისია, ფხიზლად იდგნენ წინა ხაზზე და დაიცვან ქვეყანა ნებისმიერი მტრისაგან, რომელიც ქართულ სახელმწიფოებრიობას შეიძლება, ემუქრებოდეს.როგორც შალვა პაპუაშვილმა აღნიშნა, ეს მისია კიდევ უფრო აქტუალურია იმ პირობებში, როდესაც რუსეთის მიერ ოკუპირებულია საქართველოს ორი რეგიონი, ევროპაში უკვე სამი წელია, მეორე მსოფლიო ომის შემდეგ ყველაზე მასშტაბური და სისხლისმღვრელი ომი მიმდინარეობს, ჩვენს გარშემო კი კონფლიქტები არათუ იკლებს, მრავლდება.„კომპლექსურ დროში კომპლექსური პასუხებია საჭირო. შეშლილი სამყაროს შემხედვარე, მხოლოდ სიბრძნე, წინდახედულობა და საზოგადოების ერთიანობა გადაგვარჩენს. ასე იყო ისტორიულად და ასეა დღესაც“, – განაცხადა შალვა პაპუაშვილმა.მისივე შეფასებით, თითოეულმა მოქალაქემ უნდა გააცნობიეროს, რომ ჯართან ერთად, სახელმწიფოს დაცვა ევალება საზოგადოებასაც, განსაკუთრებით კი დღევანდელი ჰიბრიდული ომების ეპოქაში.„ჯარისა და ხალხის, ერისა და ბერის, მთელი საზოგადოების ერთსულოვნება არის უმთავრესი საწინდარი ქვეყნის სიმტკიცის, მთლიანობის, ბრძოლისუნარიანობისა და წინააღმდეგობის გზაზე. თითოეული მოქალაქე უნდა აცნობიერებდეს, რომ ჩვენ მხოლოდ ჩვენი ქვეყნის ჯარისკაცები ვართ; რომ ჩვენ მხოლოდ ერთი დროშა გვაერთიანებს. ის დროშა, რომელიც თქვენს ხელში ამაყად ფრიალებს“, – აღნიშნა პარლამენტის თავმჯდომარემ.
