1753962313

უკრაინის პარლამენტმა ახალ კანონს ანტიკორუფციული უწყებების შესახებ მხარი დაუჭირა

უკრაინის უმაღლესმა რადამ ხმათა უმრავლესობით პრეზიდენტ ვოლოდიმირ ზელენსკის ანტიკორუფციული უწყებების შესახებ ახალი კანონს მხარი დაუჭირა. ინფორმაციას უკრაინული მედია ავრცელებს.პირველი მოსმენის დროს კანონს მხარი 330 დეპუტატმა დაუჭირა. მეორე მოსმენის დროს - 331. მოგვიანებით მმართველი „ხალხის მსახურის“ პარტიის წარმომადგენლის, ალექსანდრე კაჩურას ინიციატივით კანონს კენჭი ეყარა, რათა მას დაუყოვნებლივ ხელი მოეწეროს და ის ხელმოსაწერად პრეზიდენტს გადაეგზავნოს. დეპუტატებმა ამ ინიციატივასაც დაუჭირეს მხარი.

1753941604

უკრაინული მხარის ცნობით, რუსეთმა კიევზე მასირებული იერიში მიიტანა, დაღუპულია ორი და დაშავებულია 52 ადამიანი

რუსეთმა კიევზე მასირებული იერიში მიიტანა. უკრაინული მედიის ცნობით, სარაკეტო თავდასხმის შედეგად ორი ადამიანი დაიღუპა, ხოლო 52 დაშავდა.კიევის მერის, ვიტალი კლიჩკოს განცხადებით, სვიატოშინსკის რაიონში საცხოვრებელი კორპუსის შესასვლელია დანგრეული. ადგილზე მობილიზებულია სპეციალური სამსახური. სხვა რაიონებში დამწვარია შენობები, მანქანები, საბავშვო ბაღი და სკოლის შენობა. კლიჩკოს თქმით, ზარალი დიდია.მომხდარს ასევე გამოეხმაურა ქვეყნის პრეზიდენტი ვოლოდიმირ ზელენსკი.„კიევი, სარაკეტო თავდასხმა პირდაპირ საცხოვრებელ სახლზე, ხალხი ნანგრევების ქვეშაა. ადგილზე მობილიზებულია ყველა სამსახური. რუსები ტერორისტები არიან“, – წერს ზელენსკი სოციალურ ქსელში და შემთხვევის ადგილიდან ვიდეოს აზიარებს.

1753856998

რუსეთმა სარაკეტო დარტყმა მიიტანა უკრაინის სახმელეთო ჯარების სასწავლო ქვედანაყოფზე, დაიღუპა სამი სამხედრო, 18 კი დაიჭრა

რუსეთმა სარაკეტო დარტყმა მიიტანა უკრაინის სახმელეთო ჯარების სასწავლო ქვედანაყოფზე. უკრაინული მედიის ცნობით, შედეგად დაიღუპა სამი სამხედრო მოსამსახურე, 18 კი დაიჭრა.როგორც უკრაინის სახმელეთო სამხედრო ძალების განცხადებაშია აღნიშნული, „მიღებული უსაფრთხოების ზომების მიუხედავად, პირად შემადგენლობაში დანაკარგის თავიდან აცილება ვერ მოხერხდა.“ამავე განცხადებაში აღნიშნულია, რომ მომხდარის ყველა დეტალის დასადგენად შექმნილია კომისია და დაწყებულია გამოძიება.„თუ დადგინდება, რომ სამხედროების დაღუპვა ან მათი დაშავება გამოწვეული იყო თანამდებობის პირთა ქმედებებით ან მათი უმოქმედობით, პასუხისმგებელი პირები პასუხისგებაში მიეცემიან“, – ნათქვამია უკრაინის სახმელეთო სამხედრო ძალების მიერ გავრცელებულ განცხადებაში.მომხდარის შესახებ განსხვავებულ ინფორმაციას ავრცელებს რუსეთის თავდაცვის სამინისტრო. მოსკოვში ამტკიცებენ, რომ ჩერნიჰივის რეგიონში მდებარე სამხედრო სასწავლო ცენტრზე დარტყმის შედეგად უკრაინამ 200 ჯარისკაცი დაკარგა. მათ ნაწილი დაიღუპა და ნაწილი დაიჭრა. მათივე ცნობით, დარტყმა განხორციელდა „ისკანდერის“ ტიპის რაკეტით.

1753783629

ზელენსკიმ 60 წელს გადაცილებულ მოქალაქეებს კონტრაქტით სამხედრო სამსახურის უფლება მისცა

უკრაინის პრეზიდენტმა, ვოლოდიმირ ზელენსკიმ 60 წელს გადაცილებულ მოქალაქეებს კონტრაქტით სამხედრო სამსახურის უფლება მისცა. ინფორმაციას ამის შესახებ უკრაინული მედია ავრცელებს.მედიის ცნობით, უკრაინის პრეზიდენტმა, ვოლოდიმირ ზელენსკიმ ხელი მოაწერა რიგ კანონებს, რომლებიც ივლისში დეპუტატებმა რადაში მიიღეს.უკრაინული მედიის თანახმად, ეს გამოცდილ პროფესიონალებს შესაძლებლობას აძლევს, დაეხმარონ არმიას არასაბრძოლო და სპეციალიზებულ პოზიციებზე.ეს კანონი უკრაინის პარლამენტმა 2025 წლის 16 ივლისს მიიღო.ამავდროულად, ზელენსკიმ ხელი მოაწერა კანონს, რომელიც ითვალისწინებს დამატებითი ანაზღაურების გადახდას უმაღლესი სამხედრო საგანმანათლებლო დაწესებულებების ინსტრუქტორებისა და პედაგოგებისთვის და მათი სტრუქტურული დანაყოფებისთვის.ვოლოდიმირ ზელენსკიმ ასევე ხელი მოაწერა კანონს, რომელიც უნივერსიტეტებში მედიცინისა და ფარმაციის სტუდენტებისთვის სავალდებულო საოფიცრო მომზადების აღდგენას ითვალისწინებს.

1753774320

უკრაინამ როსტოვის ოლქზე ღამით დრონებით იერიში მიიტანა

უკრაინის შეიარაღებულმა ძალებმა რუსეთის როსტოვის ოლქზე ღამით დრონებით იერიში მიიტანა. ინფორმაციას როსტოვის ოლქის გუბერნატორი, იური სლიუსარი „ტელეგრამის“ საკუთარ არხზე ავრცელებს.დაბომბვის შემდეგ გაჩნდა ხანძრის რამდენიმე კერა. გავრცელებული ცნობით, სამიზნეში მოექცა სარკინიგზო ინფრასტრუქტურა და ნავთობბაზის მიმდებარე ტერიტორია.სლიუსარის განცხადებით, უკრაინული დრონების სამიზნე კამენსკ-შახტინსკის, სალსკის, ვოლგოდონსკის, ბოკოვსკისა და ტარასოვსკის რაიონებში მდებარე ობიექტები გახდა. მისი თქმით, სალსკის რეგიონში ერთ-ერთ დრონი ავტომობილს დაეცა, რომლის მძღოლი ადგილზე გარდაიცვალა.

1753769675

რუსეთმა ზაპოროჟიეში მდებარე სასჯელაღსრულების დაწესებულებას დაარტყა, დაღუპულია 16 ადამიანი

გასულ ღამეს, რუსეთმა ზაპოროჟიეში მდებარე სასჯელაღსრულების დაწესებულებას დაარტყა.შემთხვევის შედეგად 16 ადამიანი დაიღუპა, ხოლო 35 დაშავდა.„ღამით მტერმა რვაჯერ დაარტყა ზაპოროჟიეს რაიონს. ერთ-ერთი დარტყმა სასჯელაღსრულების დაწესებულებაზე განხორციელდა. 16 ადამიანი დაიღუპა და 35 დაშავდა“, – აღნიშნავს რეგიონალური სამხედრო ადმინისტრაციის ხელმძღვანელი ივან ფედეროვი.

1753766902

უკრაინამ რუსეთის როსტოვის ოლქში სარკინიგზო ინფრასტრუქტურაზე იერიში მიიტანა

რუსეთის როსტოვის ოლქში სარკინიგზო ინფრასტრუქტურაზე იერიში განხორციელდა. ამის შესახებ უკრაინული მედია რუსულ ტელეგრამ არხებზე დაყრდნობით წერს.როგორც ცნობილია, თავდასხმა უკრაინული უპილოტო საფრენი აპარატებით მოხდა. ადგილობრივი მოსახლეობის ინფორმაციით, ქალაქში აფეთქებების ხმა ისმოდა, ხოლო სარკინიგზო ინფრასტრუქტურის ტერიტორიაზე ხანძარი გაჩნდა.თავდასხმის შესახებ ინფორმაციას ადასტურებს როსტოვის ოლქის გუბერნატორის მოვალეობის შემსრულებელი, იური სლიუსარი.„ხანძარი რკინიგზის სადგურზე გაჩნდა, სამგზავრო მატარებელი უსაფრთხო ადგილას გადაიყვანეს. ხანძრის ჩაქრობაში 45 ადამიანი და 12 ერთეული ტექნიკაა ჩართული“, – განაცხადა სლიუსარმა.

1753688700

ზელენსკიმ ფონ დერ ლაიენთან ანტიკორუფციული ორგანოების დამოუკიდებლობის შესახებ კანონპროექტი განიხილა

უკრაინის ევროპული ინტეგრაცია, რუსეთის წინააღმდეგ სანქციების გაძლიერება და უკრაინის ანტიკორუფციული ორგანოების მუშაობა ვოლოდიმირ ზელენსკისა და ურსულა ფონ დერ ლაიენის სატელეფონო საუბრის მთავარი თემები იყო.უკრაინის პრეზიდენტის ცნობით განსაკუთრებული ყურადღება ანტიკორუფციული ორგანოების დამოუკიდებლობის შესახებ კანონპროექტს დაეთმო, რომლის დამტკიცება მომავალ კვირას იგეგმება.„ვისაუბრეთ კანონპროექტზე, რომელიც გარანტირებულს ხდის უკრაინის ანტიკორუფციული ორგანოების დამოუკიდებლობასა და ეფექტიანობას. ჩვენ ერთნაირი ხედვა გვაქვს: მნიშვნელოვანია, რომ კანონპროექტი დაუყოვნებლივ იყოს მიღებული, უკვე შემდეგ კვირას“, - წერს ზელენსკი.

1753682397

ზელენსკი: ემანუელ მაკრონთან ვისაუბრე იმის შესახებ, რომ მნიშვნელოვანია, უკრაინა და მოლდოვა ევროკავშირისკენ მომავალშიც სინქრონულად მოძრაობდნენ

უკრაინის პრეზიდენტი ვოლოდიმირ ზელენსკი საფრანგეთის პრეზიდენტ ემანუელ მაკრონს უკრაინისა და მოლდოვის ევროკავშირისკენ სინქრონული მოძრაობის გაგრძელების მნიშვნელობაზე ესაუბრა.ზელენსკის განცხადებით, მან ემანუელ მაკრონთან უკრაინის ევროინტეგრაციის გზა დეტალურად განიხილა.„შევთანხმდით, რომ ვიმუშვებთ იმ გადაწყვეტილებების მოძიებაზე, რომლებიც საშუალებას მოგვცემს, ახლო მომავალში გავხსნათ მოლაპარაკების პირველი ეტაპი. მნიშვნელოვანია, რომ უკრაინა და მოლდოვა მომავალშიც სინქრონულად მოძრაობდნენ“, – წერს ზელენსკი სოციალურ ქსელში.როგორც უკრაინის პრეზიდენტი განმარტავს, საუბარი ასევე ეხებოდა უკრაინის ანტიკორუფციული ორგანოების მუშაობას.ამასთან, ვოლოდიმირ ზელენსკიმ ემანუელ მაკრონს ინფორმაცია მიაწოდა სტამბოლში რუსეთის დელეგაციასთან შეხვედრის შედეგების შესახებ.„ჩვენ მივაღწიეთ ტყვეთა გაცვლის შესახებ ახალ შეთანხმებას. ველოდებით პასუხს ჩვენს წინადადებაზე აგვისტოს ბოლომდე უმაღლეს დონეზე შეხვედრის ჩატარების შესახებ. მასში აუცილებლად უნდა მონაწილეობდნენ ევროპის წარმომადგენლები“, – აღნიშნა ვოლოდიმირ ზელენსკიმ.ზელენსკის თქმით, მხარეებმა ასევე განიხილეს უკრაინის ძირითად თავდაცვით საჭიროებები.

1753517706

დამტკიცებულია გეგმა, რომ დღეში 500-დან 1000-მდე გამანადგურებელი მივიღოთ - ვოლოდიმირ ზელენსკი

რუსეთის არმიის მიერ უკრაინის ქალაქ ხარკოვის დაბომბვას მსხვერპლი მოჰყვა. რუსებმა ხარკოვის რაიონში მდებარე სამედიცინო დაწესებულებას მართვადი ბომბი ესროლეს, რის შედეგადაც, სულ მცირე, ერთი ადამიანი დაიღუპა. ვრცელდება ინფორმაცია 14 დაშავებულის შესახებ.ადგილზე მორიგეობენ სამართალდამცავი ორგანოები, საგანგებო სიტუაციების სამსახური და სამედიცინო ჯგუფები.ომის მიმდინარეობასთან დაკავშირებით კომენტარი გააკეთა უკრაინის პრეზიდენტმა ვოლოდიმირ ზელენსკიმ."მინდა, მადლობა გადავუხადო რუსეთის ტერიტორიაზე მოქმედ ჩვენს ყველა დანაყოფს. უზრუნველყოფთ უკრაინელი მეომრებისთვის იარაღის საიმედო გადაცემას. დამტკიცებულია გეგმა, რომ დღეში 500-დან 1000-მდე გამანადგურებელი მივიღოთ, რაც ადვილი არ არის. ასევე გავმართე შეხვედრები საკანონმდებლო გადაწყვეტილებების მოსამზადებლად, რომელთა განხორციელებასაც უახლოეს მომავალში ვგეგმავთ. რა თქმა უნდა, ჩვენი კომუნიკაცია ყველა პარტნიორთან გრძელდება იმის უზრუნველსაყოფად, რომ ამ ზაფხულს არცერთი დღე არ დაიკარგოს, რამაც შეიძლება რუსეთზე ზეწოლა გაზარდოს", - განაცხადა ვოლოდიმირ ზელენსკიმ.

1753450800

Bloomberg: ზელენსკი სამხედროებისთვის ხელფასის გაზრდის დასაფინანსებლად დახმარებას ევროკავშირს სთხოვს

უკრაინის პრეზიდენტი, ვოლოდიმირ ზელენსკი სამხედროებისთვის ხელფასის გაზრდის დასაფინანსებლად დახმარებას ევროკავშირს სთხოვს. ინფორმაციას Bloomberg-ი ავრცელებს.ზელენსკი ამბობს, რომ თხოვნით მალე მიმართავს ევროპელ ლიდერებს. მისი მიზანია, ჯარში ახალწვეულების ნაკლებობის პრობლემა მოაგვაროს და ქვეყნის თავდაცვისუნარიანობა შეინარჩუნოს.ზელენსკის თქმით, ადრე ევროპელები უარს ამბობდნენ უკრაინელი სამხედროების დაფინანსებაზე და კიევს მხოლოდ იარაღით ეხმარებოდნენ, თუმცა ახლა უკრაინელებს ჯარში წასასვლელად წახალისება სჭირდებათ.Bloomberg-ი აღნიშნავს, რომ უკრაინაში მობილიზაციის თემა არაპოპულარულია. ზელენსკიმ ფინანსური საკითხი უკვე განიხილა ევროკომისიის პრეზიდენტთან და ნატოს გენერალურ მდივანთან.

1753443242

უკრაინაში 23 წლის ქართველი მებრძოლი დაიღუპა

უკრაინაში ქართველი მებრძოლი, 23 წლის ვალერი ბაძაღუა დაიღუპა. ინფორმაციას წალენჯიხის მერის მოადგილე ადასტურებს.თამარ ბელქანიას თქმით, ახალგაზრდა დაღუპული მებრძოლის გადმოსვენება უახლოეს დღეებში მოხდება.ვალერ ბაძაღუა წარმოშობით წალენჯიხიდან იყო და უკრაინაში რუსეთის წინააღმდეგ იბრძოდა.