1766064060

ეკა სეფაშვილი: ანა წითლიძემ აღიარა, თუ რაოდენ სამარცხვინო იყო რეჟიმი, რომელმაც ფაქტობრივად გამოიწვია საქართველოს ტერიტორიის 20 %-ის ოკუპაცია

„ნაციონალური მოძრაობის“ აღიარებად აფასებს „ხალხის ძალის“ საერთაშორისო ურთიერთობების მდივანი ეკა სეფაშვილი ანა წითლიძის განცხადებას, რომელშიც ის 2008 წლის ომის შემდეგ ევროსაბჭოს რეზოლუციას, რომელსაც ნაციონალური მოძრაობა შეუერთდა, მნიშვნელოვანს უწოდებს.როგორც ეკა სეფაშვილმა ჟურნალისტებთან საუბრისას განაცხადა, წითლიძემ ფაქტობრივად აღიარა, რომ ევროსაბჭოს რეზოლუცია 16/33-ის ხელმომწერმა ადამიანებმა სამარცხვინო ქმედება ჩაიდინეს.„ეს იყო მნიშვნელოვანი ერთიანი „ნაციონალური მოძრაობისთვის“ და ანა წითლიძემ აღიარა, თუ რაოდენ სამარცხვინო იყვნენ ის ადამიანები, ვინც ამას ხელი მოაწერეს და რაოდენ სამარცხვინო იყო რეჟიმი, რომელმაც ფაქტობრივად გამოიწვია საქართველოს ტერიტორიის 20 %-ის ოკუპაცია,“ - განაცხადა ეკა სეფაშვილმა.

1766063800

ალექსანდრუ ბოტი, სამართლის ექსპერტი: მოლდოვაში კორუფცია ღრმად არის გამეფებული... ხშირად, მასთან ბრძოლაზე პასუხისმგებელი პირები თავად არიან ჩართულნი კორუფციაში

„კორუფცია მოლდოვის რესპუბლიკაში საზოგადოების ყველა სფეროშია გავრცელებული“ - ამის შესახებ სტატიას Moldova1 აქვეყნებს.იუსტიციისა და სამართლის ექსპერტის, ალექსანდრ ბოტის თქმით, პროცესების დიგიტალიზაცია მნიშვნელოვნად შეამცირებდა ქრთამის რისკს, რადგან ბევრი მოქალაქე თანხას იხდის არა კანონის დასარღვევად, არამედ იმისთვის, რომ კანონი შესრულდეს.ამასთან, დროებითი გენერალური პროკურორი ალექსანდრუ მაჩიდონი ხაზგასმით აღნიშნავს, რომ ანტიკორუფციული ბრძოლა ვერ შემოიფარგლება მხოლოდ ერთი ინსტიტუციით და მოითხოვს მთელი საზოგადოების ჩართულობას.მოლდოვა 1-ის დილის გადაცემაში, ალექსანდრ ბოტიმ აღნიშნა, რომ კეთილსინდისიერება უნდა ჩამოყალიბდეს ბავშვობიდან, რათა პატიოსანი ქცევა გახდეს ნორმა, არა გამონაკლისი.ექსპერტის თქმით, მიუხედავად იმისა, რომ ყველასთვის ცნობილია კორუფციის პრობლემა მოლდოვაში, საზოგადოება მას სიჩუმით იღებს, რადგან ეს ფენომენი ღრმადაა ფესვგადგმული კოლექტიურ ცნობიერებაში. თუნდაც ადამიანები ხვდებოდნენ, რომ ქრთამი და გავლენები მავნებელია, კონკრეტულ სიტუაციებში ბევრი მაინც „მეგობრის ნომრის მოძებნას“ ამჯობინებს.ბოტი აღნიშნავს, რომ კორუფცია მუშაობს ჯაჭვურად და ხშირად, სწორედ ისინი, ვინც მის წინააღმდეგ ბრძოლაში არიან პასუხისმგებლები, თავად არიან ჩართულნი. ის თვლის, რომ სხვა სახელმწიფოებმა დაამტკიცეს, რომ კორუფციის წინააღმდეგ ბრძოლა შეიძლება წარმატებული იყოს, მაგრამ ახალი კანონების მხოლოდ „ქაღალდზე“ მიღება არასაკმარისია განათლებაში მყარი საფუძვლის გარეშე.ის ხაზგასმით აღნიშნავს, რომ კორუფციის პირველი ნიშნები ხშირად ერთი შეხედვით ჩვეულებრივ სიტუაციებში ვლინდება, მაგალითად, ბავშვების საბავშვო ბაღში ჩარიცხვა, რაც ხშირად დაკავშირებულია პერსონალისთვის „პატარა საჩუქრებთან“.

1766063760

გია ვოლსკი: საქართველომ რომც მოინდომოს, რუსეთს ეკონომიკურ სანქციებს ვერ დაუწესებს, რუსეთთან თავად ევროპას აქვს ისეთი ურთიერთობა, რომელიც საქართველო-რუსეთის საქონელბრუნვას აჭარბებს

ბრიუსელის მოთხოვნები არსებობდა, მაგრამ ისინი ჩვენთან ერთად არ შედგენილა, – ამის შესახებ პარლამენტის პირველი ვიცე-სპიკერმა, გია ვოლსკიმ განაცხადა.მისივე თქმით, საქართველო რუსეთთან სამხედრო დაპირისპირებაში ვერ შევა.„საქართველომ რომც მოინდომოს, რუსეთის წინააღმდეგ ეკონომიკურ სანქციებს ვერ განახორციელებს, მით უმეტეს, სამხედრო დაპირისპირებაში ვერ შევა. რაც ხდება, თვალთმაქცობაა, რადგან რუსეთთან თავად აქვთ ისეთი ურთიერთობა, რომელიც საქართველო-რუსეთს შორის საქონელბრუნვას აჭარბებს, მათ შორის უკრაინის გავლით. საქართველო ქართული გამჭვირვალობის დამოკიდებულებას ვერ შეცვლის, რადგან იმის ცოდნა, რა თანხა შემოედინება ქვეყანაში და რა პროექტებში იხარჯება, უნდა ვიცოდეთ. იმ თანხის რეალიზაცია დავინახეთ, რომელიც მოლოტოვის კოქტეილის გამოყენებაში გადაითარგმნა. რასაკვირველია ლგბტ პროპაგანდის შეზღუდვა არანაირად არ ნიშნავს ადამიანის უფლებების შეზღუდვას და ამაზე ჩვენ ცალკე კანონი გვაქვს, – განაცხადა ვოლსკიმ.

1766063460

მიხეილ ყაველაშვილი სერბეთის რესპუბლიკის ეროვნული კრების თავმჯდომარეს, ანა ბრნაბიჩს შეხვდა

საქართველოს პრეზიდენტმა მიხეილ ყაველაშვილმა, სერბეთის რესპუბლიკის ეროვნული კრების თავმჯდომარესთან, ანა ბრნაბიჩთან გაფართოებული ფორმატის შეხვედრა გამართა. ინფორმაციას ამის შესახებ პრეზიდენტის ადმინისტრაცია ავრცელებს.მათივე ცნობით, შეხვედრაზე მხარეებმა არსებული ორმხრივი ურთიერთობები განიხილეს და თანამშრომლობის სხვადასხვა მიმართულებით გაღრმავებაზე იმსჯელეს. ასევე მიმოიხილეს მსოფლიოში მიმდინარე მოვლენები და ქვეყნების წინაშე არსებულ საერთო გეოპოლიტიკურ გამოწვევებზე გაამახვილეს ყურადღება.„შეხვედრაზე ისაუბრეს პარლამენტთაშორისი დიალოგის ხელშეწყობაზე. ხაზი გაესვა სერბეთის პარლამენტში საქართველოსთან მეგობრობის ჯგუფის ჩამოყალიბების მნიშვნელობას, პარლამენტთაშორისი დიალოგისა და ჩართულობის გააქტიურებისათვის.შეხვედრას საქართველოს დელეგაციის წევრები: საგარეო საქმეთა მინისტრი მაკა ბოჭორიშვილი, საქართველოს პარლამენტის დეპუტატები – ირაკლი მეზურნიშვილი, ირმა ზავრადაშვილი, გურამ მაჭარაშვილი, საქართველოს ელჩი სერბეთის რესპუბლიკაში ლევან ბერიძე და საქართველოს პრეზიდენტის ადმინისტრაციის წარმომადგენლები ესწრებოდნენ“, – ნათქვამია პრეზიდენტის ადმინისტრაციის გავრცელებულ ინფორმაციაში.

1766063348

მაკა ბოჭორიშვილი სერბ კოლეგას შეხვდა

სერბეთის რესპუბლიკაში ოფიციალური ვიზიტის ფარგლებში, საქართველოს საგარეო საქმეთა მინისტრი მაკა ბოჭორიშვილი სერბ კოლეგას მარკო ჯურიჩს შეხვდა.საქართველოს საგარეო საქმეთა სამინისტროს ინფორმაციით, შეხვედრაზე მინისტრებმა განიხილეს საქართველოსა და სერბეთის რესპუბლიკას შორის ურთიერთობების დღის წესრიგში არსებული საკითხები, ასევე ორმხრივი დიალოგის გაღრმავების შესაძლებლობები.მათივე ცნობით, საუბარი შეეხო თავისუფალი ვაჭრობის შეთანხმების გაფორმების პერსპექტივებს. ასევე, საინვესტიციო პროექტების განხორციელებას ორ ქვეყანაში და ამ მიმართულებით გამოცდილების გაზიარებას.„მინისტრებმა კიდევ ერთხელ დაადასტურეს მტკიცე ურთიერთმხარდაჭერა ორი ქვეყნის სუვერენიტეტისა და ტერიტორიული მთლიანობისადმი, საქართველოსა და სერბეთის რესპუბლიკის საერთაშორისოდ აღიარებული საზღვრების ფარგლებში. აღინიშნა, ევროინტეგრაციის გზაზე არსებული გამოწვევები და ამ მიმართულებით შემდგომი მუშაობის აუცილებლობა“, – ნათქვამია საქართველოს საგარეო საქმეთა სამინისტროს ინფორმაციაში.საქართველოს საგარეო საქმეთა მინისტრი სერბეთის რესპუბლიკაში საქართველოს პრეზიდენტის მიხეილ ყაველაშვილის ოფიციალური ვიზიტის ფარგლებში იმყოფება.

1766063008

ვეტერანების საქმეთა სახელმწიფო სამსახურში ამპუტანტ ფეხბურთელთა რეგულარული ჩემპიონატის გამარჯვებულთა დაჯილდოების ცერემონია გაიმართა

ვეტერანების საქმეთა სახელმწიფო სამსახურში, ამპუტანტთა ფეხბურთის ასოციაციისა და მისი პრეზიდენტის, გიორგი გვალიას ორგანიზებით, ამპუტანტთა ფეხბურთში საქართველოს 2025 წლის რეგულარული ჩემპიონატის გამარჯვებულთა დაჯილდოების ცერემონია გაიმართა. ინფორმაციას ვეტერანების საქმეთა სახელმწიფო სამსახური ავრცელებს.ჩემპიონატის გამარჯვებული გახდა თბილისის კლუბი „თბილისი“. მეორე ადგილი დაიკავა გორის „დილამ“, ხოლო მესამე ადგილზე ზესტაფონის „მარგვეთი“ გავიდა. ნომინაციაში „საუკეთესო მეკარე“ თბილისის „თბილისის“ წევრმა, პავლე ბახტურიძემ გაიმარჯვა, ხოლო 2025 წლის რეგულარული ჩემპიონატის „ბომბარდირის“ ტიტული ამავე გუნდის წარმომადგენელს, ნიკა ქრისტესიაშვილს ხვდა წილად.ამპუტანტ სპორტსმენებს გამარჯვება მიულოცა და წარმატებები უსურვა სამსახურის დირექტორმა, გენერალ-მაიორმა კობა კობალაძემ: „ამპუტანტ ფეხბურთელთა ასოციაცია და გუნდები, რომლებიც წარმოდგენილია სხვადასხვა მუნიციპალიტეტებიდან, თითოეულ ჩვენგანს აძლევს იმის უნარს, რომ იმედი არ დავკარგოთ არასდროს. ამ კაცების თამაშს, ბრძოლას, სულიერ სიძლიერეს რომ ვუყურებ, რითაც ისინი ავსებენ თავიანთ სხეულის გარკვეულ ხარვეზებს, ეს არის სამაგალითო. მით უმეტეს ახლა, მათთან ერთად, ახალგაზრდები არიან გუნდში ანალოგიური გამოწვევებით. ვეტერანების საქმეთა სახელმწიფო სამსახურს აქვს სხვა, უფრო არანაკლები პასუხისმგებლობები, სადაც ფსიქოლოგიური მზაობა, ბრძოლისუნარიანობა საწინდარია წარმატების. ჩვენ გვქონდა კონსულტაციები, რა თქმა უნდა, მთავრობასთან და ვფიქრობთ, რომ უფრო მეტად უნდა ვიყოთ ჩართულნი ასოციაციის განვითარების პროცესში,“ - განაცხადა კობა კობალაძემ.ღონისძიების ფარგლებში, ამპუტანტთა ფეხბურთის ასოციაციის მიმართ გამოჩენილი მხარდაჭერისა და თანადგომისთვის მადლობის სიგელი გადაეცა საქართველოს დამსახურებულ ჟურნალისტს, აფხაზეთის ომის ვეტერანს, თენგიზ პაჭკორიას.ღონისძიებას, ასევე, ესწრებოდნენ ვეტერანების საქმეთა სახელმწიფო სამსახურის დირექტორის მოადგილე, მირონ ჩიგოგიძე და სამსახურის კოორდინატორი, ვლადიმერ იმნაძე.აღსანიშნავია, რომ საქართველოში ამპუტანტთა ფეხბურთის დაფუძნება-განვითარებაში შეტანილი მნიშვნელოვანი წვლილისა და ვეტერანების საქმეთა სახელმწიფო სამსახურის ხელმძღვანელობის მუდმივი მხარდაჭერის გათვალისწინებით, ასოციაციის წევრთა 2024 წლის 13 მაისის საერთო კრების გადაწყვეტილებით, ვეტერანების საქმეთა სახელმწიფო სამსახური ასოციაციის წევრი გახდა განსაკუთრებული სტატუსით.

1766062885

ეკა სეფაშვილი BBC-ის რეპორტაჟის გამოძიებაზე: საქართველოს უსაფრთხოების სამსახურმა ყველა კითხვას გასცა პასუხი და ამომწურავი გამოძიებაც ჩაატარა ამ მიმართულებით

„რეალურად, ეს არის გლობალურად მიმდინარე დიდი დეზინფორმაციული კამპანია, რომელიც მართული და კოორდინირებულია ერთი ხელის მიერ,“ - განაცხადა „ხალხის ძალის“ საერთაშორისო ურთიერთობების მდივანმა ეკა სეფაშვილმა ჟურნალისტებთან საუბრისას, როცა კომენტარი გააკეთა ევროსაბჭოში გამართულ დებატებზე, სადაც BBC-ის რეპორტაჟის ირგვლივ გამოძიების ჩატარების აუცილებლობაზე ისაუბრეს.ეკა სეფაშვილის თქმით, BBC-ის რეპორტაჟის ირგვლივ საქართველოს ხელისუფლებამ ჩაატარა გამოძიება და მზადაა მისი შედეგები საერთაშორისო ორგანიზაციებს დეტალურად გააცნოს.„საქართველოს უსაფრთხოების სამსახურმა ყველა კითხვას გასცა პასუხი და ამომწურავი გამოძიებაც ჩაატარა ამ მიმართულებით. პრემიერ-მინისტრმა ისიც კი განაცხადა, რომ ყველა დაინტერესებულ პირს და ორგანიზაციას (ის გულისხმობდა საერთაშორისო ორგანიზაციებს) შეუძლიათ ამ ინფორმაციის მიღება, იმის მიუხედავად, რომ ის გარკვეული თვალსაზრისით კონფიდენციალურია. თუმცა, პრემიერი მზადაა ეს ნაბიჯი გადადგას იმისთვის, რომ დაიცვას საქართველოს იმიჯი, რეპუტაცია და ამიტომ, ეს განცხადებები მხოლოდ და მხოლოდ ემსახურება საზოგადოებაში, მათ შორის საერთაშორისო არენაზე, საქართველოს იმიჯის შელახვას, სხვას არაფერს და საქართველოს მიმართ წაყენებული ბრალდებების თითქოსდა საფუძვლიანობის დამტკიცებას.რეალურად, ეს არის გლობალურად მიმდინარე დიდი დეზინფორმაციული კამპანია, რომელიც მართული და კოორდინირებულია ერთი ხელის მიერ, რაც ძალიან იოლადაა შესამჩნევი,“ - განაცხადა ეკა სეფაშვილმა.

1766062756

ეკა სეფაშვილი: ბორის ჯონსონმა ურცხვად მოატყუა ამხელა ქვეყანა - უკრაინა და უკრაინელი ხალხი გაწირა ხოცვა-ჟლეტისთვის

პარტია „ხალხის ძალის“ საერთაშორისო ურთიერთობათა მდივანმა ეკა სეფაშვილმა მედიასთან საუბარში კომენტარი გააკეთა ბრიტანეთის ყოფილი პრემიერ-მინისტრის, ბორის ჯონსონის განცხადებაზე, „2016 წლიდან 2022 წლამდე ნატოს ყველა მნიშვნელოვან შეხვედრას ვესწრებოდი და არ არსებობდა უმცირესი შანსიც კი, რომ უკრაინა ნატოს წევრი გამხდარიყო."მისი თქმით, ბორის ჯონსონის განცხადება ამტკიცებს საქართველოს ხელისუფლების სიმართლეს, რომ დღემდე უძლებს საერთაშორისო ზეწოლას და შანტაჟს სხვადასხვა - ევროინტეგრაციის, ვიზალიბერალიზაციის თუ სხვა ინსტრუმენტების გამოყენებით.„ეს ყველაფერი ამტკიცებს იმას, რომ ბორის ჯონსონმა ურცხვად მოატყუა ამხელა ქვეყანა - უკრაინა და უკრაინელი ხალხი გაწირა ხოცვა-ჟლეტისთვის. მისი განცხადება ამტკიცებს ჩვენი ხელისუფლების სიმართლეს, რომ დღემდე ვუძლებთ გაუგონარ საერთაშორისო ზეწოლას და დღემდე მიმდინარეობს საქართველოზე უსირცხვილო შანტაჟი სხვადასხვა - ევროინტეგრაციის, ვიზალიბერალიზაციის თუ სხვა ინსტრუმენტების გამოყენებით. აქვე აღვნიშნავ - გაცვდა ეს ინსტრუმენტები და სიმწვავე დაკარგა“, - განაცხადა ეკა სეფაშვილმა.

1766060462

სოციალური სახლების მშენებლობა მთავრობის თანმიმდევრული სოციალური პოლიტიკის შედეგია და მოქალაქეების ცხოვრების ხარისხის გაუმჯობესებას ემსახურება - სულხან თამაზაშვილი

ხელვაჩაურის მუნიციპალიტეტში, სოფელ კაპრეშუმში დასრულდა სოციალური სახლის მშენებლობა. პროექტის ფარგლებში 90 ეკომიგრანტ ოჯახს კეთილმოწყობილი საცხოვრებელი ბინები გადაეცათ.აჭარის მთავრობის თავმჯდომარემ, სულხან თამაზაშვილმა ღონისძიებაზე სიტყვით გამოსვლისას აღნიშნა, რომ პროექტის განხორციელება მოქალაქეების ცხოვრების ხარისხის გაუმჯობესებას ემსახურება.,,პროექტის განხორციელება  მთავრობის თანმიმდევრული სოციალური პოლიტიკის კიდევ ერთი რეალური შედეგია. ჩვენთვის პრიორიტეტია მოქალაქეებისთვის ღირსეული საცხოვრებელი პირობების უზრუნველყოფა, განსაკუთრებით კი იმ ოჯახებისთვის, ვისაც სახელმწიფოს მხარდაჭერა ყველაზე მეტად სჭირდება,“ - განაცხადა სულხან თამაზაშვილმა.პროექტის ფარგლებში აშენდა რვა სართულიანი, თანამედროვე სტანდარტების კორპუსი. პროექტის ღირებულებამ 11 130 046 ლარი შეადგინა.

1766060057

ჩავიდა უკრაინაში ჯონსონი და პირდაპირ უთხრა, არანაირი შეთანხმება, მოდი ვიბრძოლოთ, ფაქტობრივად 4 წელი გავიდა, რაც მისი იქ ჩასვლით ჩაიშალა სამშვიდობო შეთანხმება და დღეს საუბარია უარეს შეთანხმებაზე - შალვა პაპუაშვილი

უკრაინის ნატოში გაწევრიანების შანსი ნულის ტოლფასი იყო - აცხადებს ბორის ჯონსონი.გაერთიანებული სამეფოს ყოფილი პრემიერი ამბობს, რომ 2016-იდან 2022 წლამდე ნატოს ყველა მნიშვნელოვან შეხვედრას ესწრებოდა, რომლებზეც საფრანგეთი, გერმანია და ამერიკა ყველა მსგავს შეთავაზებას ვეტოს ადებდა. მისივე თქმით, ნატოს წევრ მსხვილ ქვეყნებს უკრაინის გაწევრიანების სურვილი არ ჰქონდათ.უკრაინის მიმართ უპასუხისმგებლობაზე საუბრობენ მმართველ გუნდში. პარლამენტის თავმჯდომარე 2022 წლის მოვლენებს იხსენებს, როდესაც წინასწარ დამოწმებული სტამბოლის შეთანხმება, რომელზეც უკრაინას ხელი უნდა მოეწერა, სწორედ ჯონსონის ჩასვლის შემდეგ ჩაიშალა. ახლა კი უკრაინა ბევრად უარესი მოცემულობის წინაშე დგას.მმართველ გუნდში აცხადებენ, რომ ჯონსონმა, რომელმაც წინასწარვე იცოდა პოზიციები, უკრაინელი ხალხი გაწირა, პარალელები კეთდება საქართველოს მიმართ მიმდინარე შანტაჟზეც.საქართველოს პარლამენტის თავმჯდომარის, შალვა პაპუაშვილის განცხადებით, ბორის ჯონსონმა 2022 წელს, რუსეთსა და უკრაინას შორის მოლაპარაკებები ჩაშალა და ბრძოლისკენ მოუწოდა, დღეს კი იმაზე ცუდი შეთანხმებაა განხილვის მაგიდაზე, რაც მაშინ იყო."ის უპასუხისმგებლობა, რომელსაც ჩვენ ბრიუსელის მხრიდან ვხედავთ უკრაინის მიმართ, თქვენ გახსოვთ 2022 წლის აპრილში, პარაფირებული იყო შეთანხმება უკრაინასა და რუსეთს შორის, "სტამბოლის შეთანხმებად" ცნობილი და გახსოვთ, რომ დავით არახამია, რომელიც მაშინ უკრაინის მომლაპარაკებელთა ჯგუფს ხელმძღვანელობდა, განაცხადა, რომ ის პირობები იყო უკრაინისთვის მისაღები. იმ შეთანხმების პარაფირება მოხდა, თუმცა შემდეგ ჩავიდა ბორის ჯონსონი და პირდაპირ უთხრა, არანაირი შეთანხმება, მოდი ვიბრძოლოთ. ფაქტობრივად, 4 წელი გავიდა ამის შემდეგ, რაც ბორის ჯონსონის იქ ჩასვლით ჩაიშალა სამშვიდობო შეთანხმება და დღეს საუბარია უარეს შეთანხმებაზე. ყოველ შემთხვევაში, იმ შეთანხმებაზე უკეთესი ვარიანტი, რაც ახლა განიხილება, ფაქტია, რომ არც ერთი არ არის.უფრო მეტიც, იმ შეთანხმებაში საუბარი იყო, რომ ყირიმის საკითხი გადაიწევდა 10-15 წლით და იქნებოდა საერთაშორისო დისკუსიის ნაწილი. იმ შეთანხმებაში, რომელიც რატიფიცირებული იყო ჯერ კიდევ 2022 წლის აპრილში, ეწერა, რომ დონბასის და ამ რეგიონის საკითხები გაიყინებოდა და გადაწყდებოდა. დღეს აღარ არის ამაზე საუბარი, ვხედავთ, რომ პირდაპირი მოთხოვნაა დათმოს და დე ფაქტო რუსეთის კონტროლის ქვეშ აღიაროს უკრაინამ", - განაცხადა შალვა პაპუაშვილმა.

1766060012

გია ვოლსკი: უვიზო მიმოსვლის შეჩერების წინაპირობა არ არსებობს, ევროპაში ადამიანები არ ფიქრობენ, რომ მათი გადასახადები ომისთვის და საქართველოში რევოლუციის მოწყობისთვის უნდა დაიხარჯოს

ვრცელი ჩამონათვალია იმ კრიტერიუმებისა, რომლითაც შეიძლება, ბრიუსელმა უვიზო მიმოსვლა შეუჩეროს 61 ქვეყანას და არა მხოლოდ საქართველოს. ამ ყველაფერს კონტროლის მექანიზმები აქვს და ეს საქართველოს კარგად აქვს აწყობილი. დარჩა ერთი საკითხი, რომელიც პოლიტიკური ოპონენტების მიმართ დამოკიდებულებას ეხება. აქ თვალთმაქცობა ისაა, რომ თავადვე აკეთებენ იმ პროცესების ორგანიზებას, რასაც კანონმა უნდა უპასუხოს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, საქართველოსთვის უვიზო მიმოსვლის შეჩერების წინაპირობა არ არსებობს. ვოლსკის განმარტებით, ევროპაში ადამიანები არ ფიქრობენ, რომ მათი გადასახადები ომისთვის და საქართველოში რევოლუციის მოწყობისთვის უნდა დაიხარჯოს.„საკმაოდ ვრცელი ჩამონათვალია იმ კრიტერიუმებისა, რომლითაც შეიძლება, ბრიუსელმა უვიზო მიმოსვლა შეუჩეროს 61 ქვეყანას და არა მხოლოდ საქართველოს, თუმცა, როგორც იცით, გაადვილებულიც არის. გადაწყვიტეს, კრიტერიუმად დაასახელონ, თუ იქნება თავშესაფრისთვის მიმართვა, საზღვრის კვეთა, ან მესამე ქვეყნებიდან ევროპაში შედინება. რასაკვირველია, ამ ყველაფერს კონტროლის მექანიზმები აქვს და ეს კონტროლი საქართველოს კარგად აქვს აწყობილი, აქ სადავო ნაკლებია. დარჩა ერთი საკითხი, რომელიც პოლიტიკური ოპონენტების მიმართ დამოკიდებულებას ეხება, მაგრამ თვალთმაქცობა და სიყალბე იმაში მდგომარეობს, რომ თავადვე აკეთებენ იმ პროცესების ორგანიზებას, რასაც კანონმა უნდა უპასუხოს, წინააღმდეგ შემთხვევაში, ქვეყანა დაინგრევა. ამბობენ, რომ კანონი ნუ უპასუხებს იმას, რასაც ჰქვია ქუჩაში ცეცხლის დანთება, პოლიციელებზე თავდასხმა, პარლამენტის, თუ პრეზიდენტის შენობის რევოლუციური გზით დაკავება. გვეუბნებიან, არ უპასუხოთო და რასაკვირველია, ეს ვერ შესრულდება.ევროსაბჭოს რეზოლუციაც ვერ იქნა მიღებული, რადგან სახელმწიფოებს ერთნაირი პოზიცია არ აქვთ. აქედან გამომდინარე, მიიღეს ე.წ. თავმჯდომარის დოკუმენტი, მთელი რიგი ქვეყნები ოპოზიციაში არიან, მათ შორის საქართველოს მიმართ დამოკიდებულების გამო. უნგრეთმა გამოხატა თავისი დამოკიდებულება, რომ რეზოლუციის ბლოკირება მოეხდინა. ეს არ ნიშნავს, რომ კენჭისყრაზე რომ გამოსულიყო, მას სხვები მხარს დაუჭერდნენ. ასეთივე მდგომარეობაა უვიზო რეჟიმის შეწყვეტის თაობაზე. სამართლიანობის ხარისხი, რომელიც ბრიუსელმა შემოგვთავაზა, არ ჯდება იმ სტანდარტში, რაც ევროკავშირს აქვს. ამაზე მხოლოდ ჩვენ არ ვსაუბრობთ, ამერიკის ეროვნული უსაფრთხოების სტრატეგია ევროკავშირის რეგრესზე საუბრობს.საქართველოსთვის უვიზო მიმოსვლის შეჩერების წინაპირობა არ არსებობს, თუმცა ყველაფერი შესაძლებელია. ეცდებიან, მაგრამ ეს ცალსახა დამოკიდებულება არ არის, ევროპაში ასე არ ფიქრობენ. ევროპაში ადამიანები არ ფიქრობენ, რომ მათი გადასახადები ომისთვის და საქართველოში რევოლუციის მოწყობისთვის უნდა დაიხარჯოს“, – განაცხადა გია ვოლსკიმ.

1766059960

ხელვაჩაურის მუნიციპალიტეტში 90 ეკომიგრანტ ოჯახს კეთილმოწყობილი საცხოვრებელი ბინები გადაეცა

ხელვაჩურის მუნიციპალიტეტში, სოფელ კაპრეშუმში 90 ეკომიგრანტ ოჯახს თანამედროვე სტანდარტების, კეთილმოწყობილი საცხოვრებელი ბინები გადაეცათ. ინფორმაციას აჭარის მთავრობა ავრცელებს.ეკომიგრანტ ოჯახებს ახალი, ღირსეული საცხოვრებლით უზრუნველყოფა მთავრობის თავმჯდომარემ მიულოცა. სიტყვით გამოსვლისას მთავრობის თავმჯდომარემ ისაუბრა რეგიონში მიმდინარე და დაგეგმილ სოციალურ პროექტებზე და აღნიშნა, რომ 2028 წლისთვის, პროექტების დასრულების შემდგომ, 2000-ზე მეტ ოჯახს ექნება კეთილმოწყობილი ბინა.„სოციალური სახლების მშენებლობა არ არის ერთჯერადი ინიციატივა. ამ ეტაპზე, რამდენიმე მიმდინარე და დაგეგმილი პროექტი გვაქვს. კერძოდ, ბათუმში, ხელვაჩაურსა და ქობულეთის მუნიციპალიტეტებში აქტიურად მიმდინარეობს სოციალური სახლების ინფრასტრუქტურის მოწყობა. 2026 წელს კი, ქედაშიც დაგეგმილი გვაქვს სოციალური სახლის მშენებლობა. ჩვენ ვაგრძელებთ რეგიონის განვითარებას პასუხისმგებლობიანი, პრინციპული და მოქალაქეების საჭიროებებზე ორიენტირებული პოლიტიკით,“ - განაცხადა სულხან თამაზაშვილმა.მთავრობის თავმჯდომარემ ხელვაჩაურის მერთან, ზაზა დიასამიძესთან ერთად, ბოლქვაძეების ოჯახს სიმბოლურად ახალი სახლის გასაღები გადასცა.ღონისძიებას აჭარის მთავრობის და ადგილობრივი თვითმმართველობის წარმომადგენლები ესწრებოდნენ.