1745912894

სავარაუდოდ, მიმდინარე გამოძიების ფარგლებში არის ჩხრეკები - დეკემბერში იყო პარლამენტის შტურმის მცდელობა და ვნახეთ, რომ როდესაც ოფისებიდან ამოიღეს ასაფეთქებელი ნივთიერებები, იმ მომენტიდან შეწყდა ძალადობა - შალვა პაპუაშვილი

ჩვენ ვიცით, რომ პროკურატურა იძიებს სხვადასხვა საქმეს. ამაზე მე დეტალურად ვერაფერს გეტყვით, იცით, რომ მიმდინარეობს გამოძიება და სავარაუდოდ, ამ გამოძიების ფარგლებში არის ჩხრეკები, - განაცხადა პარლამენტის თავმჯდომარე შალვა პაპუაშვილმა ჟურნალისტის კითხვის პასუხად.„ჩვენ არ დავივიწყოთ, რომ შარშან დეკემბერში იყო მცდელობა პარლამენტის შტურმისა, იყო ძალადობის ბევრი ფაქტი, მათ შორის იყო პარლამენტის დაწვის მცდელობა, პოლიციელზე თავდასხმა. ვნახეთ, რომ ეს ყველაფერი მათ შორის წახალისებული გარედან იყო. ისიც ვნახეთ, რომ როდესაც შესაბამისმა სტრუქტურებმა იმ პარტიების თუ დაჯგუფებების ოფისებიდან ამოიღო სხვადასხვა ასაფეთქებელი ნივთიერებები, ზუსტად იმ მომენტიდან შეწყდა ძალადობა რუსთაველზე, პარლამენტის შენობის დაწვის მცდელობა, პოლიციელებზე ასაფეთქებელი ნივთიერებებით თავდასხმა. ასე რომ, მაშინაც ეფექტიანად იმუშავა ჩვენმა სამართალდამცავმა სტრუქტურამ. რაც შეეხება დღევანდელ საკითხს, ამაზე მე დეტალურად ვერაფერს გეტყვით, იცით, რომ მიმდინარეობს გამოძიება და სავარაუდოდ, ამ გამოძიების ფარგლებში არის ჩხრეკები“, - აღნიშნა პაპუაშვილმა.

1744030783

Bentley Exhibitions - ხელოვნება, როგორც საკომუნიკაციო ენა

Bentley Centre Tbilisi თანამედროვე ქართველი არტისტის, მაკო ლომაძის გამოფენას მასპინძლობს. მხატვარი პირველია, რომლის შემოქმედებაც პროექტის - Bentley Exhibitions-ის ფარგლებში აღმაშენებლის 129 ნომერში მდებარე Bentley-ს შოურუმში გამოიფინა. შოურუმი მთელი წლის განმავლობაში უმასპინძლებს თანამედროვე ქართველი არტისტების გამოფენების სერიას. დამთვალიერებელი გაეცნობა თანამედროვე ხელოვნების შთამბეჭდავ ნიმუშებს, რომლებსაც Bentley-სთან მთავარი მახასიათებელი - სრულყოფილებისკენ სწრაფვა აკავშირებს.მაკო ლომაძის პერსონალური გამოფენის კონცეფცია ბუნებისა და ხელოვნების შერწყმას ეფუძნება. გამოფენა ორ სერიას აერთიანებს, რომლებიც ბუნების ტრანსფორმაციულ ძალასა და პიროვნული ზრდის, თვითრეფლექსიის თემატიკას მოიცავს. მხატვარი იკვლევს ტრადიციულ ზეთის მხატვრობას, მისი ნამუშევრები მდიდარია სიმბოლიზმებით. მაკო ლომაძე, არტისტი: „ჩემთვის ნამუშევარი მხოლოდ ვიზუალური ობიექტი არ არის. ის არის უხილავი კავშირი შემოქმედსა და მნახველს შორის. ჩემი ნამუშევრები გამოფენაზე ეხება შინაგან თვითრეფლექსიასა და გარე სამყაროს დაკვირვებას შორის დიალოგს. ვმუშაობ პირად გამოცდილებებზე და უფრო ფართო ეგზისტენციალურ თემებზე, რომელთა ვიზუალურ ენად გარდაქმნა ჩემთვის თვითგამოხატვის ყველაზე ორგანული საშუალებაა. გამოფენაზე წარმოდგენილია ორი სერია: Point Nemo და Land of Invisible Bugs. Point Nemo, როგორც დედამიწის ყველაზე შორეული წერტილი, გამოხატავს იზოლაციის პარადოქსს – ერთდროულად სიმარტოვესა და თვითშემეცნების შესაძლებლობას. Land of Invisible Bugs კი იკვლევს იმ უხილავ ძალებს, რომლებიც ჩვენს რეალობას ქმნის. Bentley-სთან თანამშრომლობა უნიკალური გამოცდილება იყო ჩემთვის. მათი ელეგანტურობისა და სრულყოფილების კოდებთან ჩემი ნამუშევრების დიალოგმა საშუალება მომცა, ხელოვნება ახალ, დინამიკურ კონტექსტში წარმომედგინა“.Bentley-ს გლობალური მისია, ავტომობილების სრულყოფილებასთან ერთად, ბრენდის ღირებულებების წარმოჩენაა, რაც მდგრადობის, ოსტატობის, ტრადიციისა და ინოვაციის ჰარმონიულ სინთეზს გულისხმობს. ბრენდის შოურუმმა უკვე არაერთ კონცეპტუალურ ღონისძიებას უმასპინძლა. მათ შორის ერთ-ერთი გამორჩეული სწორედ სახელოვნებო გამოფენების სერიაა.სოფო დავითაშვილი, Bentley Centre Tbilisi-ს მარკეტინგის მენეჯერი: „ხელოვნების მხარდაჭერა Bentley-ს ერთ-ერთი სტრატეგიული მიმართულება და კორპორაციული მდგრადობის ნაწილია. ბრენდისთვის ეს ერთგვარი შესაძლებლობაა, უკეთ გაიცნოს საკუთარი მომხმარებლები მათთვის მაღალი მატერიების გაზიარების გზით.Bentley Exhibitions-ის ფარგლებში ბრენდის შოურუმმა დამატებითი საგამოფენო სივრცის ფუნქცია შეიძინა და ის საქართველოში ახალგაზრდა არტისტებისა თუ საზოგადოებისთვის უკვე კარგად ცნობილი მხატვრების ნამუშევრებს დაეთმობა. ჩვენ უკვე ვმასპინძლობთ პირველ გამოფენას, რომელიც ახალგაზრდა არტისტის  მაკო ლომაძის ნამუშევრებს ეთმობა. მაკო წარმატებული არტისტია და მის ნამუშევრებზე მოთხოვნა ძალიან მაღალია გლობალურ ბაზარზე. ეს ნამუშევრები თავისი ფორმებით, ტექნიკური შესრულებითა და ინდივიდუალურობით ზუსტად ეხმიანება Bentley-ს ხედვას.Bentley Exhibitions-ის ფარგლებში დაგეგმილი თითოეული გამოფენა ბრენდის მიზნებსა და ფილოსოფიას ეხმიანება. მათ შორისაა მდგრადობის საკითხიც, რაც Bentley-სთვის ერთ-ერთი მნიშვნელოვანი პრიორიტეტია. ჩვენი მიზანია, მომხმარებელს გავაცნოთ ბრენდის ხედვა, ამის ერთ-ერთ ინსტრუმენტად კი ხელოვნება ავირჩიეთ“. მაკო ლომაძის პერსონალური გამოფენა 14 მარტს გაიხსნა და ვიზიტორებს 15 მაისამდე უმასპინძლებს. Bentley Exhibitions-ის ფარგლებში გამოფენების სერია წლის ბოლომდე გაგრძელდება. წლის ბოლოს, პროექტის შეჯამების სახით, აუქციონი მოეწყობა, სადაც Bentley-ს შოურუმში წლის განმავლობაში გამოფენილი ნამუშევრები გაიყიდება. Bentley Exhibitions სერიის კურატორია სოფო კოლხიდაშვილი, ღონისძიების პარტნიორია TBC Wealth Management.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია Bentley Centre Tbilisi  ქართულ ბაზარზე 2024 წლიდან ოპერირებს. კომპანია ბრიტანული ბრენდის ერთადერთი ავტორიზებული იმპორტიორია საქართველოში. Bentley Centre Tbilisi მომხმარებელს სთავაზობს ლეგენდარული luxury ბრენდის უახლეს მოდელებს, ასევე სრულ სადიაგნოსტიკო და სარემონტო მომსახურებას, ორიგინალ ნაწილებსა და აქსესუარებს.

1744024716

საქპატენტმა 3 ქართულ პროდუქტს ადგილწარმოშობის დასახელების სტატუსი მიანიჭა

საქართველოს ინტელექტუალური საკუთრების ეროვნულმა ცენტრმა - „საქპატენტმა“ 3 უნიკალურ ქართულ პროდუქტს ადგილწარმოშობის დასახელების სტატუსი მიანიჭა. „ასხის მთის სულგუნი” საქართველოს გარემოს დაცვისა და სოფლის მეურნეობის სამინისტროს, ღვინო „ლეჩხუმი“ სსიპ ღვინის ეროვნული სააგენტოს, ხოლო ღვინო „რაჭა”, მევენახეთა ასოციაცია „ხვანჭკარას“ განაცხადის საფუძველზე,” ადგილწარმოშობის დასახელებებად დარეგისტრირდა.ასხის მთის სულგუნი - ჩედერიზებული ტიპის ყველია, მისი მიკროზონა ასხის მთის ლანდშაფტურ-გეობოტანიკურ არეალს მოიცავს. მის დასამზადებლად გამოყენებული რძე მიიღება, ძირითადად, მეგრული წითელი ჯიშის ძროხის (ან მისი ნაჯვარი) ან მეგრული ჯიშის თხისგან, ბარიდან მთაში ასვლის შემდეგ, მაისის მეორე ნახევრიდან ოქტომბრის შუა რიცხვებამდე, რა პერიოდშიც ცხოველები იკვებებიან მხოლოდ სუბალპური და ალპური საძოვრის ბალახით.ღვინო „ლეჩხუმი“ მშრალი ღვინოა, რომელიც შეიძლება იყოს თეთრი და ქარვის-ფერი. მიკროზონა მდებარეობს ლეჩხუმში და მოიცავს ცაგერის მუნიციპალიტეტის ადმინისტრაციულ საზღვრებში მოქცეული რიონის, ლაჯანურისა და ცხენისწყლის ხეობების მევენახეობისათვის ხელსაყრელ ნიადაგობრივ-კლიმატური პირობების არეალს. ღვინო „ლეჩხუმი“ შეიძლება დამზადდეს მხოლოდ შესაბამის მიკროზონაში მოწეული ცოლიკოურის ჯიშის ყურძნიდან. დაუშვებელია სხვა ჯიშების გამოყენება.ღვინო „რაჭა“ - წითელი მშრალი ღვინოა, რომელიც შეიძლება დამზადდეს მხოლოდ რაჭის მიკროზონაში მოწეული ალექსანდროულის და მუჯურეთულის ჯიშის ყურძნიდან. დასაშვებია 15%-მდე, ჯამურად, ამავე მიკროზონის კაბისტონის, ძელშავის და საფერავის ჯიშების გამოყენებაც.დარეგისტრირებული ადგილწარმოშობის დასახელებების სპეციფიკაცია ვრცლად შეგიძლიათ იხილეთ შემდეგ ბმულზე: https://www.sakpatenti.gov.ge/ka/state_registry/#საქართველოში გეოგრაფიული აღნიშვნებისა და ადგილწარმოშობის დასახელებების რეგისტრაცია საქპატენტის უფლებამოსილებას წარმოადგენს. ეს სტატუსები ენიჭება განსაკუთრებულ ქართულ პროდუქტებს. გეოგრაფიული აღნიშვნა და ადგილწარმოშობის დასახელება მომხმარებელს აწვდის ინფორმაციას კონკრეტული პროდუქტის წარმომავლობასა და იმ უნიკალურ მახასიათებლებზე, რომლებიც დაკავშირებულია მის წარმოშობის ადგილთან, იქ არსებულ გარემო პირობებთან და, ასევე, ადგილობრივ მოსახლეობაში გავრცელებულ წარმოების ტრადიციულ ცოდნასთან, რაც, საბოლოო ჯამში, განაპირობებს თითოეული ასეთი პროდუქტის გამორჩეულობასა და უნიკალურობას.დღეის მდგომარეობით, საქართველოში რეგისტრირებულია 42 ადგილწარმოშობის დასახელება და 31 გეოგრაფიული აღნიშვნა. გეოგრაფიული აღნიშვნისა და ადგილწარმოშობის დასახელების სტატუსის მინიჭება უზრუნველყოფს პროდუქტების დაცვასა და კონკურენტუნარიანობას ადგილობრივ და საერთაშორისო ბაზრებზე, რაც ქმნის მყარ საფუძველს სოფლის მეურნეობისა და, ზოგადად, ქვეყნის ეკონომიკური განვითარებისთვის.უახლოეს მომავალში ადგილწარმოშობის დასახელებების დაცვისა და მათი საერთაშორისო რეგისტრაციის შესახებ ლისაბონის შეთანხმების საფუძველზე, განახლდება შესაბამისი ბაზა ინტელექტუალური საკუთრების მსოფლიო ორგანიზაციის (WIPO) მიერ მართულ ლისაბონის ხელშეკრულების რეესტრში. ასევე, საქპატენტი ახალი გეოგრაფიული აღნიშვნების დაცვაზე შესაბამის ზომებს განახორციელებს და ახალ პროდუქტებზე საერთაშორისო დაცვის გასავრცელებლად მიმართავს ევროკავშირს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმების“ შესაბამისი დანართებით გათვალისწინებული გეოგრაფიული აღნიშვნების განახლების თაობაზე. ასევე, მიმართავს შვეიცარიის კონფედერაციას, დიდი ბრიტანეთისა და ჩრდილოეთ ირლანდიის გაერთიანებულ სამეფოს, მოლდოვის რესპუბლიკასა და უკრაინას გეოგრაფიული აღნიშვნების ურთიერთაღიარებისა და დაცვის შესახებ არსებული შეთანხმებებით გათვალისწინებული გეოგრაფიული აღნიშვნების განახლების თაობაზე.

1743412514

Nebula AI Hub-მა Mastercard-თან თანამშრომლობის მემორანდუმი და Fastoo-სთან სპონსორობის შეთანხმება გააფორმა

Nebula AI Hub-მა, ხელოვნური ინტელექტისა და ტექნოლოგიური უნარების განვითარების მიზნით, Mastercard-თან თანამშრომლობის მემორანდუმი და Fastoo-სთან სპონსორობის შეთანხმება გააფორმა.Nebula AI HUB-ი ქუთაისის მულტიფუნქციური ცენტრის ბაზაზე, Fastoo-ს მხარდაჭერით,  ხელოვნური ინტელექტის განვითარების მიზნით შექმნილი პლატფორმაა, რომელიც ქუთაისელ ახალგაზრდებს მრავალ საგანმანათლებლო და კარიერულ შესაძლებლობას ჰპირდება.შეთანხმებები ოფიციალურად 28 მარტს გაფორმდა: თანამშრომლობის მემორანდუმს ხელი მოაწერეს Nebula AI Hub-ის დირექტორმა ნატალია პატარიძემ და Mastercard-ის რეგიონულმა ვიცე-პრეზიდენტმა დავით ზღუდაძემ, ხოლო სპონსორობის შეთანხმებას - ნატალია პატარიძემ და Fastoo-ს გენერალურმა დირექტორმა ვახო ჭითავამ.სტრატეგიული პარტნიორობის ფარგლებში შეიქმნა საგანმანათლებლო კურსები ხელოვნური ინტელექტის (AI), ფინანსური განათლების, ელ. კომერციისა და კიბერუსაფრთხოების მიმართულებებით.„ჩვენი პარტნიორობა Mastercard-თან მნიშვნელოვან ნაბიჯს წარმოადგენს ქუთაისის ტექნოლოგიური ეკოსისტემისა და მომავალი პროფესიონალების გაძლიერების მიმართულებით. ჩვენს მიერ შექმნილი შესაძლებლობა ახალგაზრდებს მისცემს საშუალებას, გამოიყენონ თავიანთი ცოდნა რეალურ სამყაროში, შექმნან მომავლის კარიერული პერსპექტივები და ხელი შეუწყონ ქვეყნის ტექნოლოგიურ წინსვლას“, -  განაცხადა ნატალი პატარიძემ.ხელოვნური ინტელექტის (AI) განვითარების სრული კურსი 2025 წლის აპრილიდან დაიწყება. 8 კვირიანი კურსის დასრულების შემდეგ, სტუდენტები შეძლებენ დამოუკიდებლად შექმნან AI თულები, მათ შორის AI-ით მართული ჩატბოტები, სურათების ამოცნობის მოდელები, პროგნოზირებადი ანალიტიკის თულები, AI რეკომენდაციის ალგორითმები AI-ით გენერირებული კონტენტი და ვებ-აპლიკაციები. თეორიული ცოდნისა და საჭირო უნარების გამოყენება კი, სხვადასხვა მიმართულებით  -  ფინანსებში, მარკეტინგში, ელ. კომერციასა და მედია ინდუსტრიებში შეეძლებათ.„Mastercard-ში ჩვენ გვჯერა, რომ Tech განათლების ხელშეწყობა არის უზრუნველყოფილი მომავლის და ეკონომიკური ზრდის გასაღები. ჩვენი პარტნიორობა Nebula AI Hub-Tan განსაკუთრებული მნიშვნელობისაა, რადგან ის ცხადად გამოხატავს ჩვენს ვალდებულებას, საჭირო უნარებითა და ცოდნით უზრუნველვყოთ პროფესიონალთა შემდეგი თაობა და გავაძლიეროთ ქვეყნის ტექნოლოგიური ლანდშაფტი. ამ სტრატეგიული პარტნიორობის მეშვეობით, მონაწილეები მიიღებენ თეორიულ და პრაქტიკულ ცოდნას დღესდღეობით ყველაზე მნიშვნელოვან და მოთხოვნად მიმართულებებში. ჩვენი სურვილია დავეხმაროთ პირადად მათ კარიერულ გაძლიერებაში, ხოლო ქვეყანას, ეკონომიკურ წინსვლაში“, - განაცხადა დავით ზღუდაძემ, Mastercard-ის ვიცე-პრეზიდენტმა საქართველოსა და სომხეთში.“Fastoo, როგორც ქართული ფინანსური ინსტიტუტი და ონლაინ გადახდების პლატფორმა, Tech მიმართულების განვითარებას ჩვენს რეგიონში სტრატეგიულ მნიშვნელობას ანიჭებს და ერთ-ერთი დიდი გულშემატკივარია. არა მხოლოდ Fastoo-ს, ნებისმიერი Tech მიმართულების კომპანიისთვის, განვითარებისა და ზრდის ეტაპზე, უპირველესი წინაპირობაა ჰყავდეს პროფესიონალი კადრებით დაკომპლექტებული გუნდი. Nebula AI HUB სწორედ ამ მიზანს ემსახურება და შესაბამისად მათთან პარტნიორობით ჩვენი სრული მხარდაჭერა და ხელშეწყობა ექნებათ სტუდენტებს, რათა მიიღონ სრულყოფილი, ხარისხზე ორიენტირებული განათლება, დასაქმდნენ ღირსეულად და განავითარონ საკუთარი კარიერა”,  - განაცხადა ვახო ჭითავამ, fastoo-ს გენერალურმა დირექტორმა.Nebula AI HUB-ის მიზანი ახალგაზრდებისთვის ცოდნის მიცემასთან ერთად, მათ პროფესიულ განვითარებასა და დასაქმებაში ხელშეწყობას წარმოადგენს. Nebula AI HUB სივრცეა, სადაც ტექნოლოგიური ცოდნა და მეცნიერება ახალგაზრდებისთვის კოსმოსური პოტენციალის გასაღებად იქცევა.

1743173529

2025 წლის I კვარტალში ბიზნესკლიმატის მაჩვენებელი ყველა სექტორში დადებითია - BAG

2025 წლის I კვარტალში ბიზნესკლიმატის მაჩვენებელი ყველა სექტორში დადებითია და 2024 წლის IV კვარტალთან შედარებით, მაჩვენებელი გაუარესდა ყველა სექტორში გარდა ვაჭრობის სექტორისა, - ამის შესახებ საქართველოს ბიზნესასოციაციის მიერ მომზადებულ კვლევაშია აღნიშნული.BAG-ის ცნობით, 2025 წლის I კვარტალში, 2024 წლის IV კვარტალთან შედარებით, ბიზნესის მიმდინარე მდგომარეობის შეფასება გაუარესდა მრეწველობის სექტორში 19.5 ქულით, ვაჭრობის სექტორში - 15.7 ქულით, მომსახურების სექტორში - 14.1 ქულით, ხოლო მშენებლობის სექტორში - 1.7 ქულით. რაც შეეხება ბიზნესის მომდევნო ექვსი თვის მოლოდინს, მოლოდინების შეფასება გაუმჯობესდა ვაჭრობის სექტორში 21.1 ქულით, მომსახურების სექტორში - 10.8 ქულით და მშენებლობის სექტორში - 2.5 ქულით, ხოლო გაუარესდა მრეწველობის სექტორში 13.8 ქულით. 2025 წლის I კვარტალში ბიზნესის მიმდინარე მდგომარეობის ყველაზე მაღალი შეფასება მშენებლობის სექტორში დაფიქსირდა, ხოლო ყველაზე დაბალი - ვაჭრობის სექტორში. თუმცა, ვაჭრობის სექტორში დაფიქსირდა ყველაზე პოზიტიური ბიზნესის მოლოდინი, ხოლო ყველაზე ნაკლებად პოზიტიური მშენებლობის სექტორში.

1742887891

ქართული ღვინის მწარმოებელი ათი კომპანია ჩინეთში, გამოფენაში Fine Wine Hotel Exhibition-ში მონაწილეობდა

ღვინის ეროვნული სააგენტოს მხარდაჭერით, ქართული ღვინის მწარმოებელი ათი კომპანია ჩინეთის სახალხო რესპუბლიკის გამოფენაში, Fine Wine Hotel Exhibition-ში მონაწილეობდა.ჩინეთის სახალხო რესპუბლიკის ქალაქ ჩენგდუში გამართულ გამოფენა Fine Wine Hotel Exhibition-ის ფარგლებში ასევე გაიმართა ქართული ღვინის დეგუსტაცია – სემინარი, რომელსაც ღვინის მაგისტრი ფონგი ვოკერი უძღვებოდა.ღონისძიებას 100-მდე სტუმარი, მათ შორის, ღვინის პროფესიონალები, იმპორტიორები, ჰორეკა სექტორის წარმომადგენლები დაესწრნენ. ღვინის ეროვნული სააგენტოს საქმიანობის ერთ-ერთ ძირითად მიმართულებას ქართული ღვინის საექსპორტო ბაზრების დივერსიფიკაცია წარმოადგენს. ღვინის ეროვნული სააგენტოს მხარდაჭერით გამოფენაში ქართული კომპანიების მონაწილეობა, ქართული ღვინის ცნობადობის ამაღლებას, ახალი პარტნიორების მოძიებასა და საექსპორტო პოზიციების გაძლიერებას შეუწყობს ხელს.აღსანიშნავია, რომ ჩინეთი ქართული ღვინის ერთ-ერთი გამოკვეთილი სტრატეგიული ბაზარია, სადაც 2013 წლიდან აქტიურად მიმდინარეობს მარკეტინგული კამპანია.ინფორმაციას ღვინის ეროვნული სააგენტოს პრესსამსახური ავრცელებს.

1742886833

მარიამ ქვრივიშვილმა საქართველოს აეროპორტების გაერთიანების თანამშრომლებს ახალი ხელმძღვანელი ლევან მოსეშვილი წარუდგინა

ეკონომიკისა და მდგრადი განვითარების მინისტრის მოადგილე მარიამ ქვრივიშვილმა საქართველოს აეროპორტების გაერთიანების თანამშრომლებს კომპანიის ახალი გენერალური დირექტორი ლევან მოსეშვილი წარუდგინა.როგორც მინისტრის მოადგილემ განაცხადა, ლევან მოსეშვილს აქვს სამოქალაქო ავიაციის ინდუსტრიაში, მათ შორის, კერძო სექტორში საქმიანობის მრავალწლიანი გამოცდილება. მარიამ ქვრივიშვილის თქმით, მისი ცოდნა და გამოცდილება მნიშვნელოვნად გააძლიერებს როგორც საქართველოს აეროპორტების გაერთიანებას, ისე მთლიანად სამოქალაქო ავიაციის სექტორს, სადაც მასშტაბური ინფრასტრუქტურული პროექტები და სტრუქტურული რეფორმები ხორციელდება.„ლევან მოსეშვილი საავიაციო დარგის გამოცდილი პროფესიონალია, რაც მნიშვნელოვანი ფაქტორია იმ პროექტების წარმატებით განხორციელებაში, რასაც მთავრობა ქვეყნის ავიაციის განვითარებისა და რეგიონულ ავიაჰაბად ჩამოყალიბების მიმართულებით ახორციელებს,“ - აღნიშნა მარიამ ქვრივიშვილმა.აღსანიშნავია, რომ ლევან მოსეშვილს ავიაციის სფეროში მუშაობის 20 წელზე მეტი პრაქტიკული გამოცდილება აქვს. ის 12 წლის განმავლობაში სამოქალაქო ავიაციის სააგენტოს აეროდრომებისა და აეროპორტების დეპარტამენტს ხელმძღვანელობდა. სხვადასხვა დროს ლევან მოსეშვილს წამყვანი თანამდებობები ეკავა საქართველოს გაერთიანებულ სატრანსპორტო ადმინისტრაციაში, თბილისის საერთაშორისო აეროპორტსა და კომპანია „ტავ ჯორჯიაში".მინისტრის მოადგილემ მადლობა გადაუხადა კომპანიის ყოფილ გენერალურ დირექტორს გაწეული საქმიანობისთვის და აღნიშნა, რომ ირაკლი ქარქაშაძე საქმიანობას საავიაციო სექტორში სხვა პოზიციაზე განაგრძობს.შპს „საქართველოს აეროპორტების გაერთიანება“ სახელმწიფო 100%-იანი წილობრივი მონაწილეობით დაფუძნებული კომპანიაა, რომელიც ფლობს საერთაშორისო და ადგილობრივ აეროპორტებს საქართველოში. გაერთიანება ოპერირებას უწევს ქვეყნის სიდიდით მეორე - ქუთაისის საერთაშორისო აეროპორტსა და ასევე სამივე ადგილობრივ აეროპორტს საქართველოში.ინფორმაციას ეკონომიკისა და მდგრადი განვითარების სამინისტრო ავრცელებს.

1742884849

კორუფციის აღქმების მსოფლიო რეიტინგში საქართველო ევროპის საუკეთესო ოცეულშია

ოქსფორდის უნივერსიტეტის კეთილდღეობის კვლევის ცენტრმა გაეროს მდგრადი განვითარების გადაწყვეტილებების ქსელთან და საერთაშორისო შემფასებელ კვლევით ორგანიზაცია გელაპთან პარტნიორობით მსოფლიო ბედნიერების ანგარიშის ფარგლებში კორუფციის აღქმების მსოფლიო რეიტინგი გამოაქვეყნა.კვლევის ფარგლებში, განხორციელდა კორუფციის აღქმის შეფასება მსოფლიო გამოკითხვის საფუძველზე: „რამდენად არის გავრცელებული კორუფცია ხელისუფლებაში? და რამდენად არის გავრცელებული კორუფცია ბიზნესში?კორუფციისგან თავისუფლებით საქართველო 50 საუკეთესო ქვეყნასა და ტერიტორიას შორის დასახელდა, სახელმწიფოებს შორის გლობალურად 41-ე ადგილზე გავიდა და ევროპის საუკეთესო ოცეულში მოხვდა 16-ე პოზიციაზე.საქართველო რეიტინგში უსწრებს, ევროკავშირის კანდიდატ ყველა ქვეყანას, ევროკავშირის და ნატოს წევრ 19 სახელმწიფოს: იტალიას, პორტუგალიას, ჩეხეთს, ლიეტუვას, ლატვიას, ხორვატიას, პოლონეთს, საბერძნეთს, მონტენეგროს, მალტას, სლოვენიას, თურქეთს, სლოვაკეთს, ალბანეთს, უნგრეთს, რუმინეთს, კვიპროსს, ბულგარეთს, ჩრდილოეთ მაკედონიას.აღსანიშნავია, რომ მსოფლიო გამოკითხვის მიხედვით კორუფციის აღქმების რეიტინგში უკანასკნელ ათეულში მოხვდა უკრაინა და მოლდოვა. კერძოდ, კორუფციის სიმძიმით მსოფლიოში 2-ე ადგილზე გავიდა უკრაინა და 9-ეადგილზე მოლდოვა.

1741679504

დეკემბერთან შედარებით, იანვარში საქართველოში მშენებლობა გაიაფდა - საქსტატი

სტატისტიკის ეროვნული სამსახურის ინფორმაციით, 2025 წლის იანვარში მშენებლობის ღირებულების ინდექსი, წინა თვესთან შედარებით, 3.2 პროცენტით შემცირდა, ხოლო წინა წლის შესაბამის თვესთან შედარებით, ინდექსი გაიზარდა 5.9 პროცენტით.რაც შეეხება ცალკეულ კომპონენტებს, საცხოვრებელი სეგმენტის ინდექსი, წინა თვესთან შედარებით, 2.2 პროცენტით შემცირდა, ხოლო წინა წლის შესაბამის თვესთან შედარებით, 9.3 პროცენტით გაიზარდა;არასაცხოვრებელი სეგმენტის ინდექსი, წინა თვესთან შედარებით, შემცირდა 9.3 პროცენტით, ხოლო წინა წლის შესაბამის თვესთან შედარებით, 2.0 პროცენტით; სამოქალაქო სეგმენტის ინდექსი, წინა თვესთან შედარებით შემცირდა 2.2 პროცენტით, ხოლო გასული წლის შესაბამის თვესთან შედარებით გაიზარდა 5.4 პროცენტით.საქსტატის ცნობით, 2025 წლის იანვარში მშენებლობის ღირებულების ინდექსის 3.2 პროცენტით შემცირება ძირითადად განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 21.3-პროცენტიანი კლებით, რამაც ჯამური ინდექსის ცვლილებაში -4.19 პროცენტული პუნქტი შეიტანა.„წინა წლის შესაბამის თვესთან შედარებით, მშენებლობის ღირებულების ინდექსი გაიზარდა 5.9 პროცენტით. ინდექსის ზრდა, უმეტესწილად გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 22.2-პროცენტიანი ზრდით და სამშენებლო მასალების 3.6-პროცენტიანი გაძვირებით, რამაც ჯამური ინდექსის ცვლილებაში 3.47 და 2.28 პროცენტული პუნქტი შეიტანა. ამასთან, 2022 წლის თებერვალთან შედარებით, მშენებლობის ღირებულების ინდექსი გაიზარდა 18.8 პროცენტით“, – აღნიშნულია საქსტატის მიერ გამოქვეყნებულ ანგარიშში.

1741366160

"კომპანია მიწისქვეშა სამუშაოებს აღარ განაახლებს" - CMC

Chiatura Management Company განცხადებას აქვეყნებს რომელსაც უცვლელად გთავაზობთ:"საერთაშორისოდ აღიარებულმა გერმანულმა საკონსულტაციო კომპანია DMT GmbH & Co. KG-იმ ჭიათურის საბადოებში ტექნიკური გეოლოგიური და ფინანსური მონაცემები შეისწავლა.DMT-ის დასკვნით დასტურდება, რომ მიწისქვეშა მოპოვება ფინანსურად წამგებიანია, რაც გამოწვეულია შემდეგი ფაქტორებით:1. მადნის დაბალი ხარისხი და აქედან გამომდინარე, გადამუშავების შედეგების დაბალი ეფექტიანობა;2. მანგანუმის კონცენტრატის ფასების სტაგნაცია და ბაზრის არასტაბილურობა;3. შრომით ბაზარზე და ხარჯვით მასალებზე ფასების ზრდის პირობებში ძალიან მაღალი საოპერაციო ხარჯები (OPEX), განსაკუთრებით გადამუშავებისა და მიწისქვეშა ;მოპოვების კუთხით;4. ინვესტიციების განხორციელება არაეფექტიანია;ჭიათურა მენეჯმენტ კომპანიმ, ჯორჯიან მანგანეზთან შეთანხმებით მიიღო გადაწყვეტილება, რომ ჭიათურაში მიწისქვეშა სამუშაოებს აღარ განაახლებს."ამ გადაწყვეტილებამდე მიგვიყვანა ავტორიტეტული აუდიტორის DMT-ის მიერ მომზადებულმა დასკვნამ, რომელიც ჭიათურაში მიწისქვეშა მოპოვების ფინანსურად წამგებიანობას ოფიციალურად ადასტურებს.ბოლო წლის განმავლობაში საწარმოების ფინანსური მდგომარეობა უკიდურესად დამძიმდა მოსახლეობის მხრიდან მაღაროების პარალიზების გამო. გაჩერებული საწარმოების პირობებშიც კი გვიწევდა თანამშრომლებისთვის ხელფასის 100% გადაგვეხადა.ამ დროის განმავლობაში ხელფასებს ვიხდიდით მოძიებული სესხებით, ეს თანხა ჯამში 83 მილიონამდე ლარს შეადგენს.სწორედ ამ ყველაფერმა მიგვიყვანა კოლოსალურ ზარალამდე, რასაც დაემატა ის, რომ ბანკებმა ახალი სესხების გაცემაზე უკვე უარი გვითხრეს. ეს გახდა მთავარი ფაქტორი, რის გამოც ხელფასების გაცემა ვერ მოვახერხეთ.მინდა განვმარტო, რომ CMC პასუხისმგებელი იყო ჭიათურის საწარმოების მართვაზე და მოპოვების თვითღირებულების შემცირებაზე. ამ მიზნების მისაღწევად, ჩვენი მხრიდან ახალი ტექნოლოგიების დანერგვის მცდელობას თან დაერთო სოციალური წინააღმდეგობა და შუქრუთის მოსახლეობის მხრიდან მასშტაბური საპროტესტო გამოსვლები, რის გამოც გასული წლის ნოემბრიდან წარმოების სრული გაჩერება მოგვიწია”.განაცხადა ჭიათურა მენეჯმენტ კომპანის დირექტორმა მაქსიმ მაზურენკომ.აღნიშნული გადაწყვეტილების მიღების კიდევ ერთი საფუძველი გახდა პროფკავშირის მხრიდან კომპანიისთვის კოლექტიური ხელშეკრულებით დაკისრებული სოციალური ვალდებულებები, რამაც ფინანსური მდგომარეობის კიდევ უფრო დამძიმებას შეუწყო ხელი.მაგალითად, შუქრუთის მოსახლეობის მხრიდან მაღაროების 70%-ის პარალიზებისა და ფაქტობრივად სრულად გაჩერებული წარმოების პირობებში, კომპანია CMC-ი დასაქმებულებს ხელფასის 100%-ს უხდიდა და უნარჩუნებდა საოჯახო სადაზღვევო პაკეტს. ხოლო საწარმოს სრულად გაჩერების პირობებში, უხდიდა ხელფასის 60%-ს.ჯამში, გაჩერებული წარმოების პერიოდში, ბანკებიდან კრედიტების საშუალებით, კომპანიამ დასაქმებულებზე ხელფასის სახით 82,6 მილიონი ლარი გასცა. კრიზისის პირობებში, კომპანია დასაქმებულებს სრულად უნარჩუნებდა სოციალურ სარგებელსა და უხდიდა ხელფასს, რაც მძიმედ აისახა კომპანიის ფინანსურ მდგომარეობაზე.ასევე, კომპანიამ დამატებით უნდა მოიზიდოს ფულადი სახსრები, დასაქმებულთათვის კომპენსაციების გასაცემად. დეტალებთან დაკავშირებით თანამშრომლებს კომპანიისგან დამატებით ეცნობებათ.სოციალური პასუხისმგებლობის ფარგლებში, კომპანია აქტიურად არის ჩართული დაინტერესებულ მხარეებთან, რათა შეიმუშაოს სტრატეგია, რომელიც მიზნად ისახავს რეგიონული განვითარების ალტერნატიული გზების ძიებას," - ნათქვამია გერმანული საკონსულტაციო კომპანია DMT GmbH & Co. KG განცხადებაში.

1738151152

ბიზნესთან დაკავშირებით რუსეთში ჩასული “ნაციონალური მოძრაობის“ წევრი, ირაკლი ხუფენია დააკავეს - STV

ზუგდიდში ,,ნაციონალური მოძრაობის” წევრი და ამავე პარტიის დარჩელის საარჩევნო შტაბის ხელმძღვანელი ირაკლი ხუფენია, რუსეთში დააკავეს.STV.GE-ს მიერ მოპოვებული ინფორმაციით ხუფენია რუსეთში ბიზნეს საქმიანობის ჩავიდა, რას უკავშირდება მისი დაკავება ამ დრომდე უცნობია. დაკავება რუსეთში 23 იანვარს მოხდა, ხუფენიამ კი საქართველოს საზღვარი 16 იანვარს დატოვა.გიორგი ხუფენია ქვეყნის დატოვებამდე ბოლო დროს მიმდინარე აქციების აქტიური მონაწილე იყო. ის ასევე აქტიურად იყო ჩართული ნაციონალური მოძრაობის ყველა ბოლოდროინდელ არჩევნებსა და აქტივობებში.

1736169056

Ambassadori Goderdzi Hotel: სასტუმრო 100%-ითაა დატვირთული და უცხოელი სტუმრები ძირითადად გერმანიიდან, იტალიიდან და ესპანეთიდან არიან

დღეისათვის სასტუმრო Ambassadori Goderdzi 100%-ითაა დატვირთული და მთელი ზამთრის ტურისტული სეზონის განმავლობაში ანალოგიური მოლოდინი გვაქვს, - აცხადებს Ambassadori Goderdzi Hotel-ის მენეჯერი ირაკლი იაკობაშვილი. სასტუმროს მენეჯერი აცხადებს, რომ ქვეყანაში მიმდინარე პოლიტიკურ პროცესებს არსებულ წინასწარ ჯავშნებზე გავლენა არ მოუხდენია და ევროპელი დამსვენებლები კურორტს აქტიურად აკითხავენ.„ჩვენთან დამსვენებლების შემოსვლა აქტიურად დაიწყო დეკემბრის შუა რიცხვებიდან და აქტიურად მიმდინარეობს. სტუმრები გაქვს როგორც საქართველოს რეგიონებიდან ასევე სხვადასხვა ქვეყნებიდან იტალიიდან, გერმანიიდან, შვეიცარიიდან და ასე შემდეგ.ჩვენი სტუმრების დაახლოებით 30%-ი არიან უცხოელები, რომლებშიც გერმანიიდან, იტალიიდან და ესპანეთიდან ჩამოსული სტუმრები ლიდერობენ.როგორც იცით კურორტ „გოდერძიზე“ მოდის უხვად ფაფუკი თოვლი, რაც არის საუკეთესო თოვლის ხარისხი გაუკვალავში სრიალის მოყვარულებისთვის. შესაბამისად ეს უცხოელ დამსვენებლებს იზიდავს და 7-10 დღით ჩამოდიან“, - აცხადებს ირაკლი იაკობაშვილი.Ambassadori Goderdzi Hotel-ის მენეჯერის თქმით, კურორტზე მოხვედრა ბათუმიდან საკმაოდ მარტივია, რადგანაც გზა სისტემატურად იწმინდება, ხოლო თბილისიდან კურორტამდე დამსვენებლების ტრანსპორტირებაზე ე.წ. თოვლმავალი ზრუნავს. სასტუმროში, კურორტ „გოდერძიზე“ დასვენების მსურველებისგან კი ჯავშნები აქტიურად შედის.„სამწუხაროდ პროცენტულობას ვერ გეტყვით, მაგრამ ჯავშნები არის როგორც იანვრის ბოლომდე, ისე თებერვალზეც და შესაბამისად დიდი დატვირთულობის მოლოდინიც არის.თოვლის ხარისხი იდეალურია. ახლაც თოვს. ზოგადად, კურორტ „გოდერძიზე“ თოვლის პრობლემა არასოდეს არ ყოფილა და ცხადია წელსაც არ იქნება გამონაკლისი.ბათუმიდან კურორტამდე ამოსასვლელი გზა მოწესრიგებულია, ყოველდღიურ რეჟიმში იწმინდება და დამსვენებლებს შეუძლიათ მაღალი გამავლობის ავტომობილებით ამოვიდნენ, ხოლო რაც შეეხება თბილისის მხრიდან - დამსვენებლების გადმოყვანა ხდება ე.წ. თოვლმავალით“, - ამბობს Ambassadori Goderdzi Hotel-ის მენეჯერი.