1750064460

ალერგია კანზე და მისი მკურნალობის გზები

ალერგია კანზე და მისი მკურნალობის გზებიალერგია კანზე ერთ-ერთი ყველაზე გავრცელებული პრობლემა გახდა დღევანდელ სწრაფი ტემპით ცვალებად გარემოში. გამონაყარი, ქავილი, სიწითლე ან შეშუპება – ეს სიმპტომები შესაძლოა გაჩნდეს მოულოდნელად და მნიშვნელოვნად იმოქმედოს როგორც ბავშვის, ისე მოზრდილის ფიზიკურ და ემოციურ კეთილდღეობაზე.ალერგიული გამონაყარი ბავშვებსა და მოზრდილებში — როგორ ამოვიცნოალერგიული გამონაყარი ხშირად ჩნდება კანზე წითელი ლაქების, ბუშტუკების, ქავილის ან ქერცლის სახით. პატარებში ამ პროცესს ზოგჯერ თან ახლავს მაღალი სიცხე, შფოთვა ან ძილთან დაკავშირებული პრობლემები. მოზრდილებში კი შეიძლება გამოვლინდეს ლოკალური ან განფენილი გამონაყარი — საკვების, მედიკამენტის, მტვრის, მცენარის ან ქსოვილთან დაკავშირებული ალერგიის მიზეზით.ამასთან, ბავშვებში ალერგიული გამონაყარის ერთ-ერთი ძირითადი ფორმაა ატოპიური დერმატიტი, რომელიც ხშირად იწყება ჩვილობიდან და სხვადასხვა ფაქტორის საპასუხოდ მწვავდება.ტანზე გამონაყარი და ქავილი ხშირად მიუთითებს იმაზე, რომ ორგანიზმი ალერგენისგან დაცვას ცდილობს. ეს ალერგენები შეიძლება იყოს:● საკვები (თევზი, რძე, კვერცხი, თხილეული)● მედიკამენტები● მტვერი, ცხოველის ბეწვი ან ყვავილის მტვერი● კოსმეტიკური საშუალებები და საწმენდი ქიმიკატები● სინთეტიკური ტანსაცმელიგანსაკუთრებით სიფრთხილეა საჭირო იმ შემთხვევაში, თუ გამონაყარს თან ახლავს ქავილი, კანის სიწითლე ან შეშუპება… ასეთ დროს აუცილებელია დროული რეაგირება.თანაც, ალერგია მხოლოდ კანზე არ ვლინდება. ყელის ალერგია — ანუ ალერგიული ფარინგიტი ან რინოფარინგიტი — ხშირად იწვევს ყელში ქავილის შეგრძნებას, სიმშრალეს, მტკივნეულ ყლაპვას და ალერგიულ მშრალ ხველას.ამ დროს ერთ-ერთი მთავარი სიმპტომია მოულოდნელი ხველა და ყელის გაღიზიანება, რის გამოც პრობლემას ხშირად ვირუსულ ინფექციად მიიჩნევენ.როგორია მკურნალობის ძირითადი გზები?ალერგიის მკურნალობის მეთოდები მოიცავს როგორც სიმპტომების კონტროლს, ისე ალერგენის თავიდან არიდებას. თავის მხრივ, მკურნალობის კონკრეტული მეთოდი დამოკიდებულია ალერგიის ტიპსა თუ სიმძიმეზე. მაგალითად, პირველ და ყველაზე ეფექტურ მეთოდს წარმოადგენს ალერგენთან კონტაქტის თავის არიდება — პირობითად, თუკი მტვრის ნაწილაკებზე ხართ ალერგიული, რეკომენდებულია ოთახის რეგულარული დასუფთავება, ჰაერის ტენიანობის კონტროლი და ჰიპოალერგიული ბალიშებისა და საბნების გამოყენება. ხოლო კვებითი ალერგიის შემთხვევაში აუცილებელია ალერგენული საკვების მთლიანად გამორიცხვა რაციონიდან.რაც შეეხება ანტიჰისტამინებს, სტატიაში გაგიზიარებთ რამდენიმე მედიკამენტს, რომელთა საქართველოს ბაზარზე შემოტანასა და გავრცელებასაც ფარმაცევტული კომპანია SmartPharm უზრუნველყოფს.კანის ალერგიების დროს კსივოზანი ერთ-ერთ ძირითად საშუალებად მიიჩნევა, რომელსაც მიმართავენ მაშინ, როცა ალერგიული რეაქცია ვლინდება გამონაყარით, ქავილით ან სიწითლით. ის მოქმედებს ორგანიზმში ჰისტამინის დონეზე, რაც ნიშნავს, რომ ამცირებს ალერგიის გამომწვევ პროცესებს და ამშვიდებს კანს. კსივოზანი განსაკუთრებით ეფექტიანია, როდესაც ალერგია გავრცელებულია ტანზე და ინტენსიური ქავილით მიმდინარეობს — წამალი ეხმარება როგორც მოზრდილებს, ისე ბავშვებს.თუმცა ხშირია შემთხვევები, როცა კანის ალერგიას თან ახლავს ცხვირის გაღიზიანება, სუნთქვის გაძნელება ან ცრემლიანობა — ამ დროს მნიშვნელოვან როლს თამაშობს ნასოალდო. მიუხედავად იმისა, რომ ეს პრეპარატი, პირველ რიგში, ალერგიული რინიტის სამკურნალოდ ინიშნება, მის გამოყენებას ხშირად ურჩევენ მაშინაც, როცა კანის ალერგიის ფონზე ზედა სასუნთქი გზების გაღიზიანებაც ვლინდება. ნასოალდო ხელს უწყობს ლორწოვანი გარსის დამშვიდებას და ამცირებს ალერგიული სიმპტომების ინტენსივობას.დოსოდოსი კი სასარგებლოა იმ შემთხვევებში, როცა კანის ალერგიას თან ახლავს მშრალი, სპაზმური ხველა. ამგვარი რეაქცია ზოგჯერ შეიძლება იმუნური სისტემის საერთო პასუხის ნაწილი იყოს. დოსოდოსი, თავისი დამამშვიდებელი მოქმედებით, ამსუბუქებს ხველას, ამცირებს ყელის ქავილს და უწყობს ხელს სუნთქვის დარეგულირებას. სწორედ ამიტომ, მიუხედავად იმისა, რომ ეს პრეპარატი, პირველ რიგში, ხველისთვის გამოიყენება, ის ზოგჯერ ნაწილად ეხმარება იმ პაციენტებსაც, ვისაც კანის ალერგიის ფონზე სუნთქვითი სიმპტომებიც აღენიშნებათ.ამასთან, საგულისხმოა, რომ ეს წამალი ორი ფორმით იწარმოება: დოსოდოსი წვეთებისა და დოსოსოდი სიროფის სახით.

1749721906

მენჯ-ბარძაყისა და მუხლის სახსრის ენდოპროთეზირება: თანამედროვე და მინი ინვაზიური მეთოდები

მენჯ-ბარძაყისა და მუხლის სახსრის ენდოპროთეზირება მსოფლიოში ერთ-ერთი ყველაზე ფართოდ გავრცელებული ორთოპედიული ოპერაციაა. მისი მიზანია დაზიანებული, დეგენერაციულად შეცვლილი ან დეფორმირებული სახსრის ჩანაცვლება სპეციალური პროთეზით, რაც პაციენტს ტკივილისგან გათავისუფლებასა და მობილობის აღდგენაში ეხმარება.გლობალური სტატისტიკა და გავრცელებაენდოპროთეზირების ოპერაციები ფართოდ გავრცელებულია როგორც ამერიკაში, ისე ევროპაში. სტატისტიკური მონაცემებით, ამერიკაში მენჯის და მუხლის ენდოპროთეზირების შეფარდება 60/40-ზეა, ხოლო ევროპაში - 70/30-ზე, რაც მიუთითებს, რომ პირველ რიგში დაზიანება მენჯ-ბარძაყის სახსარს ეხება. ეს განპირობებულია მენჯის არეში მოქმედი დატვირთვის მაღალი დონით და მისი სტრუქტურული მოწყობით.როდის ხდება საჭირო ბუნებრივი სახსრის ჩანაცვლება?ორთოპედიულ პრაქტიკაში ერთ-ერთი ყველაზე გავრცელებული ჩარევა ბუნებრივი სახსრის ჩანაცვლებაა ენდოპროთეზით, რაც ნიშნავს მუხლის ან თეძოს სახსრის ხელოვნური იმიტაციით შეცვლას. ეს გადაწყვეტილება მიღებულია მაშინ, როდესაც სახსრის მდგომარეობა ისე მწვავდება, რომ ტკივილი და შეზღუდული მობილობა პაციენტს სრულფასოვანი ცხოვრების საშუალებას აღარ აძლევს.ენდოპროთეზირება რეკომენდებულია შემდეგ შემთხვევებში: სახსარი დაზიანებულია იმდენად, რომ აღარ რეაგირებს კონსერვატიულ მკურნალობაზე - როგორიცაა ფიზიოთერაპია, მედიკამენტები ან ინექციები. დაზიანება მნიშვნელოვნად ზღუდავს პაციენტის ყოველდღიურ მოძრაობას - ჩნდება სირთულე სიარულში, კიბეზე ასვლასა და თუნდაც ძილში ტკივილის გამო. არსებობს ძლიერი, ქრონიკული ტკივილი, რომელიც არ ცხრება და მნიშვნელოვნად აქვეითებს ცხოვრების ხარისხს. სახსრის ანატომიური სტრუქტურა დეფორმირებულია - როგორც წესი, ეს ვითარდება ოსტეოართროზის მძიმე სტადიაზე, ტრავმული დაზიანებების შემდეგ ან რევმატოიდული ართრიტის ფონზე. პაციენტი მოტივირებულია რეაბილიტაციის პროცესზე და არსებობს სურვილი დაუბრუნდეს აქტიურ ცხოვრებას                                                                                                                                                                               სწორად შერჩეული და ტექნიკურად ზუსტად განხორციელებული ენდოპროთეზირება მნიშვნელოვნად აუმჯობესებს ცხოვრების ხარისხს. მენჯ-ბარძაყის ენდოპროთეზირების მინი ინვაზიური მეთოდითანამედროვე ორთოპედიულ ქირურგიაში მცირე ინვაზიური მიდგომები სულ უფრო ხშირად ანაცვლებს ტრადიციულ ოპერაციებს. მინიმალურად ინვაზიური ენდოპროთეზირებისას, ოპერაცია ტარდება ისე, რომ კუნთოვანი სტრუქტურები მაქსიმალურად შენარჩუნებულია.მისი მთავარი უპირატესობაა: კუნთოვანი ქსოვილის მინიმალური დაზიანება ნაკლები სისხლის დაკარგვა შემცირებული ტკივილი პაციენტის სწრაფი გამოჯანმრთელება და მოძრაობის ადრეული აღდგენა ოპერაციიდან უკვე 24 საათში პაციენტს შეუძლია წამოჯდომა ან ფეხზე დადგომა, ხოლო აქტიური ფიზიკური დატვირთვა დამოკიდებულია რეაბილიტაციის ინდივიდუალურ ტემპზე.რატომ არის მინიმალურად ინვაზიური მეთოდი ეფექტური?სტანდარტულ ოპერაციებთან შედარებით, მინი ინვაზიური ტექნიკით ჩარევისას არ ხდება ძირითადი კუნთების გაჭრა და კერვა - შესაბამისად, რბილი ქსოვილები სწრაფად ახდენენ აღდგენას. ეს პირდაპირ აისახება რეაბილიტაციის სისწრაფეზე და პაციენტისთვის ოპერაცია ნაკლებად ტრავმულია.თანამედროვე ტექნოლოგიები სამედიცინო ცენტრ „ინოვაში“სამედიცინო ცენტრი ინოვა საქართველოში ერთ-ერთი პირველი იყო, რომელმაც დანერგა მცირე ინვაზიური ენდოპროთეზირების პრაქტიკა. უკვე 14 წელია, კლინიკა მუშაობს მაღალი ტექნოლოგიებით და მინიმალური ჩარევის პრინციპზე დაფუძნებული მიდგომით, რაც პაციენტებისთვის ნიშნავს: მაქსიმალურ კომფორტს ინდივიდუალურად შერჩეულ პროთეზებს სტანდარტებს, რომლებიც საერთაშორისო გაიდლაინებთანაა სრულ შესაბამისობაში ადრე, ტექნოლოგიური არჩევანის სიმწირის გამო, პაციენტს პროთეზთან უწევდა შეგუება. დღეს კი - პროთეზი იქმნება პაციენტისთვის.მენჯ-ბარძაყისა და მუხლის ენდოპროთეზირება წარმოადგენს ეფექტურ გამოსავალს იმ ადამიანებისთვის, ვისაც ქრონიკული ტკივილი და ფუნქციური შეზღუდვა ხელს უშლის სრულფასოვან ცხოვრებაში.თანამედროვე, ნაკლებად ინვაზიური მეთოდები მნიშვნელოვნად ამცირებს ოპერაციის შემდგომ გართულებებს და აჩქარებს რეაბილიტაციას. სამედიცინო ცენტრ ინოვაში მენჯ-ბარძაყისა და მუხლის ენდოპროთეზირების ოპერაციები ტარდება მაღალკვალიფიციური ქირურგების მიერ, უახლესი ტექნოლოგიებით აღჭურვილ გარემოში. თანამედროვე მიდგომები და პაციენტზე მორგებული გადაწყვეტილებები უზრუნველყოფს რეაბილიტაციის სწრაფ და ეფექტურ პროცესს - მინიმალური გართულებებით და მაქსიმალური შედეგით.რამაზ აღლემაშვილი - ორთოპედ-ტრავმატოლოგიური განყოფილების ხელმძღვანელი,მედიცინის დოქტორი; ევროპის ორთოპედ-ტრავმატოლოგთა ასოციაციის წევრი

1749284820

განათლების სამინისტრო: გავრცელებული ინფორმაცია იმის შესახებ, რომ ინკლუზიური განათლების სამმართველო გაუქმდა, არ შეესაბამება სიმართლეს - სამინისტროს ერთ-ერთი მთავარი პრიორიტეტი ინკლუზიური განათლების სისტემის განვითარებაა

საქართველოს განათლების, მეცნიერებისა და ახალგაზრდობის სამინისტრო განცხადებას ავრცელებს, რომელსაც უცვლელად გთავაზობთ.„გაცნობებთ – გავრცელებული ინფორმაცია იმის შესახებ, რომ ინკლუზიური განათლების სამმართველო გაუქმდა არ შეესაბამება სიმართლეს.სამინისტროს სტრუქტურის ოპტიმიზაციისა და ეფექტიანობის გაზრდის მიზნით, გაერთიანდა სტრატეგიული დაგეგმვისა და ინკლუზიური განვითარების სამმართველო. შედეგად, აქამდე არსებული ინკლუზიური განვითარების სამმართველოს მეტი სტრატეგიული მნიშვნელობა მიენიჭა.აქვე მოგახსენებთ, რომ 2024 წლიდან სსიპ საგანმანათლებლო დაწესებულების მანდატურის სამსახურის ფუნქციები გაფართოვდა და მას ინკლუზიური განათლების კომპონენტი დაემატა. მანდატურის სამსახურში ფუნქციონირებს ინკლუზიური და სპეციალური განათლების მხარდამჭერი ცენტრი, რომელიც ინტენსიურად მუშაობს ინკლუზიური განათლების მხარდამჭერ მიმდინარე და ახალ სერვისებზე, რათა კიდევ უფრო გავზარდოთ სპეციალური საგანმანათლებლო საჭიროების მქონე პირთათვის განათლების მიღების ხელმისაწვდომობა და გავაუმჯობესოთ განათლების ხარისხი.საქართველოს განათლების, მეცნიერებისა და ახალგაზრდობის სამინისტროს ერთ-ერთი მთავარი პრიორიტეტი ინკლუზიური განათლების სისტემის განვითარებაა. ამას მოწმობს 2022-2030 წლების განათლებისა და მეცნიერების ერთიანი ეროვნული სტრატეგია.სამინისტრო აქტიურად აგრძელებს და კიდევ უფრო აძლიერებს ინკლუზიური განათლების განვითარების მიზნით მუშაობას და ამ მიმართულებით მნიშვნელოვანი პროექტების განხორციელებას.“ - წერია გავრცელებულ ინფორმაციაში.

1749207814

როგორ ვებრძოლოთ დეჰიდრატაციას ზაფხულში?

ზაფხულის დადგომას ბევრი ჩვენგანი მოუთმენლად ელოდება, რადგან მზესთან, მოგზაურობასა და დასვენებასთან ასოცირდება. თუმცა ამ სეზონს გარკვეული საფრთხეებიც ახლავს თან… მაგალითად, მზიანი ამინდი და სიცხე ორგანიზმზე პირდაპირ მოქმედებს და ერთ-ერთი ყველაზე გავრცელებული და სახიფათო პრობლემა, რომელიც ამ დროს იჩენს თავს, არის დეჰიდრატაცია — მდგომარეობა, როცა ორგანიზმის მიერ გახარჯული სითხე მიღებულზე მეტია.დეჰიდრატაცია შეიძლება იყოს მსუბუქი, მაგრამ ხშირ შემთხვევაში, განსაკუთრებით ბავშვებში, მოხუცებსა და სპორტულად აქტიურ ადამიანებში, ის სერიოზულ გართულებებს იწვევს: მათ შორისაა გულისცემის აჩქარება, თავბრუსხვევა, გულისრევა, დაბალი წნევა, შარდის გამოყოფის შემცირება, ძლიერი სისუსტე და ა. შ.მიზეზები საკმაოდ მარტივია: მაღალი ტემპერატურა, მზის პირდაპირი ზემოქმედება, სხეულის მომატებული ოფლიანობა და სითხის არასაკმარისი რაოდენობით მიღება. როგორ ამოვიცნოთ დეჰიდრატაცია?მაგალითად, პირველადი ნიშნები შეიძლება იყოს პირის სიმშრალე, მომატებული წყურვილი, დაღლილობა და კანის ელასტიკურობის კლება. ასევე, შარდი მუქი ფერის ხდება. ამავდროულად, ბავშვებში შეიძლება შეინიშნებოდეს ცრემლების არარსებობა ტირილის დროს, პირსახის სიფერმკრთალე ან შფოთვა. ხანგრძლივი დეჰიდრატაცია უკვე აზიანებს კუჭ-ნაწლავის სისტემას, თირკმელებსა და გულსისხლძარღვთა სისტემას. სწორედ ამიტომ მნიშვნელოვანია სიმპტომების დროული ამოცნობა და შესაბამისი რეაგირება.როგორ დავიცვათ თავი დეჰიდრატაციისგან?უპირველესი და მარტივი რეკომენდაციაა — დალიეთ მეტი წყალი. თუმცა მხოლოდ წყალი არ არის საკმარისი, როცა უკვე გამოხატული სიმპტომები გაწუხებთ ან სხეული ინტენსიურად კარგავს ელექტროლიტებს ოფლის მეშვეობით. სწორედ ამ დროს გჭირდებათ სმარტ ელექტროლიტი — ინოვაციური ხსნარი, რომელიც სწრაფად აღადგენს ორგანიზმში დაკარგულ მინერალებსა და სითხეს.სმარტ ელექტროლიტი, რომელიც წარმოდგენილია საერთაშორისო ფარმაცევტული კომპანია SmarPharm-ის მიერ, არ არის მხოლოდ წყლის ჩანაცვლების საშუალება. ის არის დაბალანსებული ფორმულა, რომელიც შეიცავს აუცილებელ ელემენტებს: ნატრიუმს, კალიუმს, ქლორსა და მაგნიუმს — ნივთიერებებს, რომლებიც დეჰიდრატაციის დროს ყველაზე მეტად იკარგება. ეს კომპლექსი განსაკუთრებით ეფექტიანია ზაფხულში, სპორტული დატვირთვის შემდეგ ან დიარეის დროსაც კი.ზაფხულში სასურველია ღია ფერის, მსუბუქი და ფერმკრთალი ტანსაცმლის ტარება, რომელიც მზის სხივებს არ იზიდავს და ოფლიც ნაკლებად გამოიყოფა. ასევე, დღის ყველაზე ცხელ პერიოდში — დაახლოებით 12-დან 4 საათამდე — სჯობს პირდაპირ მზეს მოერიდოთ, დარჩეთ ჩრდილში ან კონდიცირებულ სივრცეში და არ განახორციელოთ ფიზიკურად ინტენსიური საქმიანობა.არანაკლებ მნიშვნელოვანია ალკოჰოლისა და კოფეინის შემცველი სასმელების ნაკლებად მიღება, რადგან ისინი ორგანიზმიდან წყლის გამოდევნას უწყობს ხელს. სანაცვლოდ, რაციონი ხილითა და ბოსტნეულით უნდა გაამდიდროთ, რადგან ისინი ბუნებრივად შეიცავს წყალს. 

1748781622

ჯანდაცვის მინისტრმა სახელმწიფო ზრუნვის ქვეშ მყოფ პატარებს ბავშვთა დაცვის საერთაშორისო დღე მიულოცა

ჯანდაცვის მინისტრმა მიხეილ სარჯველაძემ, მოადგილე ირინა წაქაძესთან ერთად, სახელმწიფო ზრუნვის ქვეშ მყოფ პატარებს ბავშვთა დაცვის საერთაშორისო დღე მიულოცა. ბავშვებს გლდანის პარკმა უმასპინძლა და მათთვის ადგილზე სხვადასხვა გასართობი აქტივობები მოეწყო.ირინა წაქაძის განცხადებით, სახელმწიფოსთვის პრიორიტეტად რჩება ბავშვების ცხოვრების ხარისხის გაუმჯობესება და სამინისტრო განაგრძობს მათთვის ყველა საჭირო პირობის უზრუნველყოფაზე ზრუნვას.გლდანის პარკში პატარებს სხვადასხვა გასართობი აქტივობები დახვდებათ.

1748779589

ალექსანდრე წულაძემ პატარებს ბავშვთა დაცვის საერთაშორისო დღე მიულოცა

საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ სკოლის მოსწავლეებსა და ყველა პატარას ბავშვთა დაცვის საერთაშორისო დღე მიულოცა. მინისტრმა 169-ე საჯარო სკოლაში გამართულ სახალისო, შემეცნებით აქტივობებში მიიღო მონაწილეობა და მოსწავლეებს სიმბოლური საჩუქრები გადასცა.„გილოცავთ ბავშვთა დაცვის საერთაშორისო დღეს! მინდა ლაღი, ბედნიერი წლები და ოცნებების ახდენა გისურვოთ. განსაკუთრებით გილოცავთ მშობლებს, მასწავლებლებს და ყველას, ვინც საკუთარი ცხოვრება დაუკავშირეთ მომავალი თაობების აღზრდას. ბავშვების მხარდაჭერა, პატივისცემა და მათ ბედნიერ, ჯანსაღ გარემოში აღზრდა ჩვენი უმთავრესი საზრუნავია.ცოდნა არის ყველაზე დიდი და მნიშვნელოვანი ინვესტიცია, შესაბამისად, ჩვენ ყველაფერს გავაკეთებთ, რათა მომავალ თაობას საკუთარი შესაძლებლობების გამოვლენისთვისა და თვითრეალიზებისთვის შესაბამისი საგანმანათლებლო გარემო შევუქმნათ.ბავშვებო, თქვენ ხართ ჩვენი ქვეყნის იმედი - ის თაობა, რომელიც ქმნის საქართველოს ხვალინდელ დღეს. გვჯერა თქვენი შესაძლებლობების, თქვენი ნიჭიერებისა და უკეთესი მომავლის!“, - განაცხადა მინისტრმა.ალექსანდრე წულაძემ საუბრისას განსაკუთრებით გამოყო ის ფაქტი, რომ 169-ე საჯარო სკოლის კურსდამთავრებული გახლავთ ხვიჩა კვარაცხელია და დამსწრე საზოგადოებას მისი გამარჯვება მიულოცა.„სიმბოლურია, რომ ხვიჩა კვარაცხელიას გუშინდელი გამარჯვების შემდეგ, დღეს სწორედ მის სკოლაში ვიმყოფებით. ვულოცავ მთელ საქართველოს ამ ისტორიულ მოვლენას - ხვიჩა კვარაცხელიას გამარჯვება, მთელი საქართველოს გამარჯვებაა!“, - განაცხადა ალექსანდრე წულაძემ.169-ე საჯარო სკოლაში ბავშვთა დაცვის დღესთან დაკავშირებით გამართულ ღონისძიებას ასევე ესწრებოდნენ საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი, პარლამენტის წევრი ირმა ზავრადაშვილო და დიდუბის რაიონის გამგებელი ზურა უგულავა.

1748758271

გეგმური ამბულატორია 6 წლამდე ბავშვებისთვის

გეგმური ამბულატორიული მომსახურების სახელმწიფო დაფინანსება 6 წლამდე ბავშვებისთვის🔵 100%-ით ფინანსდება: 🔷 ეროვნული კალენდრით გათვალისწინებული პროფილაქტიკური აცრები 🔷 ექიმ - სპეციალისტების მომსახურება: ⬛ ენდოკრინოლოგი⬛ გინეკოლოგი⬛ უროლოგი⬛ ოფთალმოლოგი⬛ ნევროლოგი⬛ კარდიოლოგი⬛ ოტორინოლარინგოლოგი⬛ ქირურგი 🔷 კლინიკურ - ლაბორატორიული გამოკვლევები: ⬛ სისხლის საერთო ანალიზი⬛ შარდის საერთო ანალიზი⬛ გლუკოზა პერიფერიულ სისხლში⬛ კრეატინინი⬛ ქოლესტერინი სისხლში⬛ შრატში ლიპიდების განსაზღვრა⬛ განავლის ანალიზი ფარულ სისხლდენაზე⬛ პროთრომბინის დრო⬛ ჰემოგლობინი⬛ ღვიძლის ფუნქციური სინჯები (ALT, AST)⬛ ფარისებრი ჯირკვლის ფუნქციური სინჯი (TSH) 🔷 ინსტრუმენტული გამოკვლევები: ⬛ ელექტროკარდიოგრაფია⬛ საჭმლის მომნელებელი სისტემის ექოსკოპია⬛ შარდ-სასქესო სისტემისა და მცირე მენჯის ღრუსორგანოების ექოსკოპია⬛ გულმკერდის რენტგენოსკოპია/რენტგენოგრაფია⬛ ძვლების რენტგენოგრაფია 🔷 80% - ით ფინანსდება კომპიუტერული ტომოგრაფია 🔷 სრულად ფინანსდება, ექიმის მიერ დანიშნული, სახელმწიფო პროგრამით გათვალისწინებული, ეპილეფსიისა და პარკინსონის ქრონიკული მედიკამენტები🔵 გეგმური ამბულატორიული მომსახურების მისაღებად: საყოველთაო ჯანმრთელობის დაცვის პროგრამაში ჩართული პირი რეგისტრირებული უნდა იყოს მის მიერ შერჩეულ ნებისმიერ პირველადი ჯანდაცვის ცენტრში/პოლიკლინიკაში მიმართეთ ოჯახის/სოფლის ექიმს. აღნიშნული სამედიცინო სერვისის მისაღებად, მისი დანიშნულება აუცილებელი 🔵 ვმართოთ ჯანმრთელობა ერთად! 

1748696806

ჯანდაცვის მინისტრის მოადგილე გიორგი ცაგარეიშვილი, თბილისის საერთაშორისო აეროპორტში  ამერიკიდან დეპორტირებულ საქართველოს მოქალაქეებს დახვდა

მინისტრის მოადგილემ , კიდევ ერთხელ დაადასტურა სახელმწიფოს მზადყოფნა, დახმარება გაუწიოს სამშობლოში დაბრუნებულ  მოქალაქეებს. გიორგი ცაგარეიშვილმა დეპორტირებულ საქართველოს მოქალაქეებს დეტალური ინფორმაცია მიაწოდა სახელმწიფო პროგრამებისა და მხარდაჭერის სერვისების შესახებ, რომლებიც რეინტეგრაციის პროცესში მათ საზოგადოებაში ადაპტაციას შეუწყობს ხელს.მისი განცხადებით,  მნიშვნელოვანია, რომ დეპორტირებულ საქართველოს მოქალაქეებს ჰქონდეთ მხარდაჭერა, რათა ღირსეულად გააგრძელონ ცხოვრება სამშობლოში.

1748690652

მიხეილ სარჯველაძემ აღნიშნა, რომ თამბაქოსთან ბრძოლა სამინისტროს ერთ-ერთი პრიორიტეტია - მსოფლიო თამბაქოსთან ბრძოლის საერთაშორისო დღეს აღნიშნავს

31 მაისს მსოფლიო თამბაქოსთან ბრძოლის საერთაშორისო დღეს აღნიშნავს, რაც თამბაქოს მოხმარების მავნე ზეგავლენასა და ჯანსაღი ცხოვრების ხელშეწყობის მნიშვნელობაზე საზოგადოების ინფორმირებას ისახავს მიზნად.აღნიშნულ დღესთან დაკავშირებით, ჯანდაცვის სამინისტროში შეხვედრა გაიმართა. მიხეილ სარჯველაძემ, დაავადებათა კონტროლისა და საზოგადოებრივი ჯანმრთელობის ეროვნული ცენტრისა და თამბაქოს კონტროლის ალიანსის წარმომადგენლებთან ერთად, თამბაქოს კონტროლის მიზნით ქვეყანაში განხორციელებული რეფორმები და ახალი ინიციატივები განიხილა.საუბარი შეეხო, ქვეყანაში ახლად ამოქმედებულ, თამბაქოს სადა შეფუთვის რეგულაციას. აღინიშნა, რომ ცვლილება თამბაქოს ნაწარმის მიმზიდველობის შემცირებას ისახავს მიზნად, განსაკუთრებით კი მოზარდებსა და ახალგაზრდებში. ხაზი გაესვა, სხვა ქვეყნების წარმატებულ გამოცდილებას, მსგავსი ტიპის ცვლილებების ამოქმედების შემდეგ.მიხეილ სარჯველაძემ აღნიშნა, რომ თამბაქოსთან ბრძოლა სამინისტროს ერთ-ერთი პრიორიტეტია, ამ მიზნით საქართველოს მთავრობამ მნიშვნელოვანი ღონისძიებები გაატარა და თამბაქოს მოხმარების შემცირებაზე ზრუნვა კვლავაც გრძელდება.შეხვედრის მონაწილეები შეთანხმდნენ, რომ საჭიროა თამბაქოს კონტროლის მიმართულებით მუშაობის გაძლიერება, მათ შორის განათლებაზე, ცნობიერების ამაღლებაზე, საკანონმდებლო ინიციატივებზე და საზოგადოებრივ ჩართულობაზე აქცენტის გაკეთება, რათა მომავალ თაობებს ჰქონდეთ ჯანმრთელი და თამბაქოსგან თავისუფალი გარემო.

1748675433

სასწრაფო დახმარების ცენტრსა და რუსთავის მერიას შორის ურთიერთთანამშრომლობის მემორანდუმი გაფორმდა

საგანგებო სიტუაციების კოორდინაციისა და გადაუდებელი დახმარების ცენტრსა და ქალაქ რუსთავის მუნიციპალიტეტის მერიას შორის ურთიერთთანამშრომლობის მემორანდუმი გაფორმდა.დოკუმენტს ხელი ცენტრის დირექტორმა ნიკოლოზ ჩიქოვანმა და რუსთავის მერმა, ნინო ლაცაბიძემ მოაწერეს.რუსთავის მუნიციპალიტეტის მერიის ინფორმაციით, თანამშრომლობის მიზანია „რუსთავის საბავშვო ბაგა-ბაღების გაერთიანებისა“ და „სარეაბილიტაციო-განმავითარებელი ცენტრი კესანეს“ თანამშრომელთა გადამზადება. სასწრაფო დახმარების ცენტრი უზრუნველყოფს კვალიფიკაციის ამაღლებასა და კონსულტაციებს გადაუდებელი დახმარების ძირეულ თემებზე - მათ შორის პირველადი დახმარების უნარების განვითარება, შემთხვევების მართვა და გართულებების პრევენცია.მემორანდუმის გაფორმებამდე, ჯანდაცვის სამინისტროში შეხვედრა გაიმართა, რომელსაც მიხეილ სარჯველაძე ესწრებოდა. მინისტრმა აღნიშნა, რომ მნიშვნელოვანი და დასაფასებელია რუსთავის მერიის ინიციატივა, რადგან ის ბავშვებზე ზრუნვასა და მათ ჯანმრთელობაზე პასუხისმგებლობიან მიდგომას ასახავს.ღონისძიებას ჯანდაცვის მინისტრის მოადგილე თეა გიორგაძე, რუსთავის და გარდაბნის ისტორიული სოფლების დელეგატი პარლამენტში ირაკლი შატაკიშვილი და ადგილობრივი ხელისუფლების წარმომადგენლები ესწრებოდნენ.ინფორმაციას ჯანდაცვის სამინისტრო ავრცელებს.

1748267760

„ეს სიმპტომები თუ გაქვთ, სისხლის ანალიზი აიღეთ“ - პროფესორის გაფრთხილება

პროფესორი, გიორგი ფხაკაძე, სოციალურ ქსელში საზოგადოებას პერიოდულად უზიარებს სასარგებლო რჩევებს.„კოვიდი კი არა – სიმსივნე აღმოჩნდა! როცა ახალგაზრდაა, ჯანმრთელი ხარ და უბრალოდ თავს სუსტად გრძნობ – შეიძლება არც კი იფიქრო, რომ საქმე სასიცოცხლოდ საშიშ დაავადებას ეხება… ასე მოხდა 33 წლის ოლივია ნოულზის შემთხვევაშიც. ქალაქ ბლექპულიდან (დიდი ბრიტანეთი), ოლივიას ჰქონდა დაღლილობა და თავის ტკივილები, რაც ექიმებმა „გრძელვადიან კოვიდს“ დაუკავშირეს. მაგრამ ერთ დღეს მას მტკივნეულად ასტკივდა კბილები და სასწრაფოდ საავადმყოფოში წავიდა. იქ აღმოაჩინეს: მწვავე მიელოიდური ლეიკემია (AML) – იშვიათი და ძალიან აგრესიული სისხლის სიმსივნე. მან გაიარა ქიმიოთერაპია, ცოტა ხნით მიაღწია გაუმჯობესებას… მაგრამ სიმსივნე დაბრუნდა. ოლივიამ მიიღო ექსპერიმენტული CAR-T იმუნოთერაპია, რამაც მას დროებით სიმსივნე დაუყუჩა და კიდევ ერთი ტრანსპლანტაციის საშუალება მისცა. მაგრამ 2025 წლის დასაწყისში სიმსივნე ისევ დაბრუნდა.და მაინც – ოლივიამ შეძლო £25,000-ის შეგროვება ლეიკემიის კვლევისთვის, მარათონში მონაწილეობით!სწორედ ასეთი ადამიანები ცვლიან მომავალს.პროფესორი გიორგი ფხაკაძე: „ეს შემთხვევა ნათლად გვაჩვენებს, რამდენად საშიშია არასწორი დიაგნოზი.სულ რაღაც დაღლილობასა და თავის ტკივილს მიაწერეს კოვიდს — და გოგონამ სიმსივნის მკურნალობა დაგვიანებით დაიწყო. ჩვენ, ექიმებმა, უნდა ვიყოთ მეტად ფხიზლად. არ შეიძლება ნებისმიერი ქრონიკული სიმპტომი კოვიდს მივაწეროთ.სწრაფი და ზუსტი დიაგნოზი — ამაშია გადარჩენის შანსი.“ რას უნდა მიაქციოთ ყურადღება: თუ ხანგრძლივად გაწუხებთ დაღლილობა, თავის ტკივილი, ძილიანობა — ეს არ არის უბრალოდ სტრესი ან კოვიდი გაიარეთ სისხლის ანალიზი — სრული პროფილი, ფერიტინი, ჰემოგლობინი მოითხოვეთ დამატებითი გამოკვლევები, თუკი გრძნობთ, რომ რაღაც არ არის რიგზე“, – წერს გიორგი ფხაკაძე.

1748193022

კვლევების ჩამონათვალი, რომლებიც სრულიად უფასოდ შეგიძლიათ ჩაიტაროთ - დეტალები

თბილისის მერია თბილისში რეგისტრირებულ მოქალაქეებს სხვადასხვა დაავადებაზე უფასო სკრინინგის შესაძლებლობას სთავაზობს. ამის შესახებ 2025 წლის ჯანდაცვის პროგრამებშია აღნიშნული.დაავადებათა სკრინინგის უფასო პროგრამაში შედის:ა) ძუძუს კიბოს სკრინინგი 40-70 წლის ჩათვლით ასაკის ქალებში, რომელიც მოიცავს:ძუძუს ფიზიკალურ გასინჯვას და მამოგრაფიულ გამოკვლევას 2 პროექციაში (2 რადიოლოგის მიერ ერთმანეთისაგან დამოუკიდებლად წაკითხვით, ხოლო რადიოლოგთა მიერ განსხვავებული შეფასებებისა და/ან სკრინინგული დიაგნოსტიკის საჭიროების შემთხვევაში, კონსესუს კონფერენციას, რომელსაც უძღვება შემთხვევის ლიდერი მე-3 რადიოლოგი.);პათოლოგიის გამოვლენის შემთხვევაში ძუძუს ულტრაბგერით გამოკვლევას;საჭიროების შემთხვევაში, ბიოფსიური მასალის აღებას და ციტოლოგიურ კვლევას. ბ.ა) საშვილოსნოს ყელის დათვალიერებას და პაპ-ტესტის (PAP–ტესტი) ჩატარებას ბეტესტას მეთოდზე დაყრდნობით 25 წლიდან 30 წლამდე ასაკის ქალებში;საშვილოსნოს ყელის დათვალიერებას, მასალის აღებას და HPV დნმ-ის განსაზღვრის ტესტის ჩატარებას 30 წლიდან 60 წლის ასაკის ჩათვლით ქალებში;HPV ტესტით დადებითი შემთხვევების ტრიაჟს სითხეზე დაფუძნებული ციტოლოგიის საფუძველზე;„ბ.ა“ და „ბ.ბ“ ქვეპუნქტებით გაწეული მომსახურებისას პათოლოგიის გამოვლენის შემთხვევაში კოლპოსკოპიას;საჭიროების შემთხვევაში, კოლპოსკოპიისას ბიოფსიური მასალის აღებას და ჰისტოლოგიურ კვლევას;გ) პროსტატის კიბოს მართვა 50-70 წლის ასაკის ჩათვლით მამაკაცებში, რომელიც მოიცავს სისხლში პროსტატის კიბოს ანტიგენის (PSA) გამოკვლევას;დ) კოლორექტული კიბოს სკრინინგი 50-70 წლის ასაკის ჩათვლით ორივე სქესისთვის, რომელიც მოიცავს:ფარულ სისხლდენაზე სპეციალური ტესტის (FOBT) ჩატარებას;პათოლოგიის გამოვლენის შემთხვევაში კოლონოსკოპიურ კვლევას;საჭიროების შემთხვევაში, კოლონოსკოპიისას ბიოფსიური მასალის აღებას და ჰისტოლოგიურ კვლევასე) ფარისებრი ჯირკვლის კიბოს მართვის პილოტი 25-70 წლის ასაკის ჩათვლით რისკის მქონე ქალებში, რომელიც მოიცავს:ფარისებრი ჯირკვლის ულტრაბგერით გამოკვლევას;პათოლოგიის გამოვლენის შემთხვევაში სისხლის თირეოტროპული ჰორმონის გამოკვლევას;საჭიროების შემთხვევაში, ბიოფსიური მასალის აღებას და ციტოლოგიურ კვლევას;ფარისებრი ჯირკვლის კიბოს მართვის პროცესის მეთვალყურეობას ენდოკრინოლოგის მიერ.ქვეპროგრამით გათვალისწინებული მომსახურების მოსარგებლეები არიან საქართველოს მოქალაქეები, რომელთაც სსიპ - სახელმწიფო სერვისების განვითარების სააგენტოს ბაზაში რეგისტრაციის ადგილად უფიქსირდებათ ქალაქი თბილისი.აღსანიშნავია, რომ დაავადებათა სკრინინგის ქვეპროგრამის ფარგლებში მომსახურება ფინანსდება სრულად, პაციენტის მხრიდან თანაგადახდის გარეშე.კლინიკების ჩამონათვალი, სადაც უფასო კვლევების ჩატარებას შეძლებთ და ასევე, პროგრამასთან დაკავშირებული დამატებითი საკითხები შეგიძლიათ, გადაამოწმოთ თბილისის მერიის ვებგვერდზე.