1778998468

რესპუბლიკურ საავადმყოფოში ექთნების საერთაშორისო კვირეული აღინიშნა - ჯანდაცვის მინისტრმა მედპერსონალს მადლობის სიგელები გადასცა

ექთნების საერთაშორისო კვირეულის ფარგლებში აკადემიკოს ნ. ყიფშიძის სახელობის ცენტრალურ საუნივერსიტეტო კლინიკაში ღონისძიება გაიმართა. ჯანდაცვის მინისტრმა მედპერსონალს პროფესიული დღე მიულოცა, გაწეული საქმიანობისთვის მადლობა გადაუხადა და აღნიშნა, რომ მათი შრომა და წვლილი ჯანდაცვის სისტემის გამართულად ფუნქციონირებაში ფასდაუდებელია.რესპუბლიკური საავადმყოფოს ექთნებს ასევე სიტყვით მიმართა საქართველოს სამედიცინო ჰოლდინგის დირექტორმა მალხაზ ჟორჟიკაშვილმა და აღნიშნა, რომ ექთნების პროფესია ჯანდაცვის სისტემის ეფექტიანი ფუნქციონირების ერთ-ერთი მთავარი საფუძველია.მიხეილ სარჯველაძემ და მალხაზ ჟორჟიკაშვილმა რესპუბლიკური საავადმყოფოს ექთნებს პროფესიული საქმიანობისთვის მადლობის სიგელები გადასცეს.ღონისძიებას ესწრებოდა ჯანდაცვის მინისტრის მოადგილე თეა გიორგაძე, ასევე - რესპუბლიკური საავადმყოფოს სამედიცინო პერსონალი.

1778962502

იწვევს თუ არა ტატუ ლიმფომასა და კანის კიბოს - მაია ბუწაშვილი უახლესი კვლევის შედეგებს აზიარებს

ინფექციონისტი მაია ბუწაშვილი ახალი კვლევის შესახებ მნიშვნელოვან ინფორმაციას აზიარებს.„სხვადასხვა კვლევა აჩვენებს ტატუს ასოციაციას ლიმფომასა და კანის კიბოსთან. პირდაპირი მიზეზ-შედეგობრივი კავშირი ჯერ განსაზღვრული არ არის, თუმცა კვლევების შედეგად გამოიკვეთა, რომ ლიმფომის დიაგნოზის მქონე ადამიანებს უფრო ხშირად ჰქონდათ ტატუ ლიმფომის არმქონეებთან შედარებით. ერთ-ერთი ასეთი კვლევა ჩატარდა ასეულობით წყვილ ტყუპებში, რათა სხვა გარეგანი ფაქტრორების შესაძლო გავლენა გათვალისწინებული ყოფილიყო და დადგინდა, რომ ტატუს მქონე ტრუპისცალებს 62%-ით მაღალი ქონდათ ამ ჯგუფის სიმსივნეების რისკი.რისკი მატულობს ტატუს ზომასთან ერთად და დიდი ტატუს შემთხვევაში მკვეთრად მაღალია მექანიზმი შემდგომ შესწავლას საჭიროებს, თუმცა მიზეზი შეიძლება იყოს ის, რომ ტატუს ადგილიდან პიგმენტის ტრანსპორტირება ხდება ლიმფურ სისტემაში, სადაც წლების მანძილზე რჩება და ბიოლოგიურად აქტიურია. ასევე რისკის შემცველია ტატუში მძიმე მეტალების და სხვადასხვა კარცინოგენების არსებობა. ამ საკითხის შესახებ მეცნიერების ინტერესი სულ უფრო მატულობს და შემდგომში ჩატარებული უფრო კომპლექსური კვლევები მეტ ინფორმაციას მოგვცემს ტატუს და სიმსივნის ასოციაციის შესახებ.“ - წერს მაია ბუწაშვილი.

1778923679

დევნილთა სააგენტო იძულებით გადაადგილებულ 500-ზე მეტ ოჯახს საცხოვრებელ სახლებს შეუსყიდის

დევნილთა სააგენტო იძულებით გადაადგილებულ 500-ზე მეტ ოჯახს - მთელი ქვეყნის მასშტაბით, საცხოვრებელ სახლებს შეუსყიდის.იმ ოჯახების სია, რომელთა განსახლების თაობაზე დევნილთა საკითხების შემსწავლელმა კომისიამ დადებითი გადაწყვეტილება მიიღო, სააგენტოს ვებგვერდზე უკვე გამოქვეყნდა, - ინფორმაციას ჯანდაცვის სამინისტრო ავრცელებს.უწყების ცნობით, იძულებით გადაადგილებულ ოჯახებს ექვსთვიანი ვადა ეძლევათ, რათა სახლები საქართველოს ნებისმიერ რეგიონში თავადვე შეარჩიონ და სააგენტოს წარუდგინონ."აღსანიშნავია, რომ დევნილი ოჯახების განსახლების მიზნით, საცხოვრებელი კომპლექსების მშენებლობის პარალელურად, სახლების შესყიდვის პროგრამამ ბოლო პერიოდში განსაკუთრებული მასშტაბები შეიძინა. მიმდინარე წელს სააგენტომ სახლი უკვე 1 050 დევნილ ოჯახს შეუსყიდა.იძულებით გადაადგილებული ოჯახების საცხოვრებლით უზრუნველყოფის პროცესი მომავალში კიდევ უფრო აქტიური რეჟიმით გაგრძელდება," - ნათქვამია გავრცელებულ ინფორმაციაში.

1778498400

ბათუმში წლის ყველაზე მასშტაბური დასაქმების ფორუმი გაიმართება

აჭარის ჯანმრთელობისა და სოციალური დაცვის სამინისტროს დასაქმების სააგენტოს, დასაქმების ხელშეწყობის სახელმწიფო სააგენტოსა და ბათუმის შოთა რუსთაველის სახელმწიფო უნივერსიტეტის ორგანიზებით, ქალაქ ბათუმში „დასაქმების ფორუმი 2026“ გაიმართება.ფორუმი სამუშაოს მაძიებლებს 300-ზე მეტ ვაკანსიას და 2000-მდე სამუშაო ადგილს შესთავაზებს. ღონისძიება მონაწილეებს მისცემს შესაძლებლობას, პირისპირ შეხვდნენ დამსაქმებლებს, გაეცნონ რეგიონის წამყვან კომპანიებს და იპოვონ საკუთარი ადგილი შრომის ბაზარზე.ფორუმი მიმდინარე წელს სამუშაოს მაძიებლებს სრულიად ახალი ფორმატითა და მასშტაბური შესაძლებლობებით უმასპინძლებს. ღონისძიება მიზნად ისახავს დამსაქმებლებისა და სამუშაოს მაძიებლების ერთმანეთთან დაკავშირებას, კარიერული განვითარების ხელშეწყობასა და შრომის ბაზარზე დასაქმების შესაძლებლობების გაფართოებას.„დასაქმების ფორუმი 2026“-ის ფარგლებში, 18-22 მაისს, გაიმართება კარიერული კვირეული, რომელიც 18 მაისს საზეიმოდ გაიხსნება და 22 მაისს დასაქმების ფორუმითდასრულდება.კვირეულის განმავლობაში მონაწილეებს შესაძლებლობა ექნებათ, დაესწრონ საჯარო ლექციებს, პრაქტიკულ ვორქშოფებსა და საინფორმაციო შეხვედრებს. დაგეგმილია პანელური დისკუსია შრომის ბაზრის აქტუალურ საკითხებზე. საჯარო ლექციებს წარუძღვებიან წამყვანი ტრენერები - ანდრო დგებუაძე, ზურაბ მხეიძე და ლატავრაჩუბინიძე.კვირეულის მთავარი ღონისძიება - „დასაქმების ფორუმი 2026“ 22 მაისს უნივერსიტეტის ეზოში გაიმართება. წარმოდგენილი იქნება 80-ზე მეტი კომპანია სხვადასხვა სექტორიდან, კერძოდ, ადმინისტრაციული, საზღვაო, ვაჭრობა/დისტრიბუციის, სასტუმრო/სარესტორნო, მრეწველობის, ტრანსპორტი/ლოჯისტიკის, მშენებლობის, ფინანსების, ჯანდაცვისა და განათლების სფეროებიდან.

1778362634

„ჩამოვაშოროთ ამ თემას ნებისმიერი პოლიტიკოსი, ის ადამიანი, ვინც ვერ ერკვევა ამაში, მათ შორის ექიმი - ქუჩიდან რომ უნდა წამოვიდეს ეს თემა, ამაზე ვინ დავობს?! “ - ანდრია ურუშაძე დიუშენის სამკურნალო პრეპარატზე

„მინდა გთხოვოთ, ჩამოვაშოროთ ამ თემას ნებისმიერი პოლიტიკოსი, ის ადამიანი, ვინც ვერ ერკვევა ამაში, მათ შორის ექიმი, რომლის პირდაპირი პროფესიული ვალდებულება არაა კონკრეტული დიაგნოზით დაავადებული ბავშვების მკურნალობა, - განაცხადა გადაცემაში „ღია ეთერი - დებატები“ ჯანდაცვის სპეციალისტმა, ანდრია ურუშაძემ დიუშენის სამკურნალო მედიკამენტებზე საუბრისას.მისივე თქმით, ქუჩიდან რომ უნდა წამოვიდეს ეს თემა, ამაზე არავინ დავობს.„უნდა გამოვიდეთ ამით [დიუშენის სამკურნალო პრეპარატით] პოლიტიზების და ქულების დაწერის რეჟიმიდან. რაც მინდა გთხოვოთ, ჩამოვაშოროთ ამ თემას ნებისმიერი პოლიტიკოსი, ის ადამიანი, ვინც ვერ ერკვევა ამაში, მათ შორის ექიმი, რომლის პირდაპირი პროფესიული ვალდებულება არაა კონკრეტული დიაგნოზით დაავადებული ბავშვების მკურნალობა. იმ სამუშაო გუნდში ვინც იქნება, მოვიწვიოთ ის ექიმები, ადამიანები, ვინც ამ ოჯახებს წარმოადგენენ, მათი მშობლები, ადამიანები, რომლებიც გადაწყვეტილებას მიიღებენ, შევქმნათ ეს მუშა ჯგუფი, თუ შექმნილი არ არის ჯერ. გადავულოცოთ ეს თემა იმ ადამიანებს - ექიმებს და პაციენტებს, რომლებიც სწორ პოზიციას ჩამოაყალიბებენ. ამას რომ დრო, ნდობა, ნდობის აღდგენა სჭირდება და ქუჩიდან რომ უნდა წამოვიდეს ეს თემა, ამაზე ვინ დავობს?!“ - აღნიშნა ურუშაძემ.მას ჯანდაცვის მინისტრმა შეახსენა, რომ მსგავსი სამუშაო ჯგუფი არსებობს და სამინისტროს შეხვედრები უკვე ჩატარებული აქვს.„დაახლოებით, ათი შეხვედრაა ჩატარებული მშობლებთან, ერთი ან ორი მაგდენია ჩატარებული ნევროლოგებთან, მათ შორის პედიატრიულთან, მოზრდილებთან. მერწმუნეთ, რომ ამხელა ცოდნა საქართველოში, რამდენიც სამინისტროშია მედიკამენტების და დაავადების შესახებ, აბსოლუტურად არსად არაა სხვაგან. გადაწყვეტილება საბოლოო ჯამში სახელმწიფომ უნდა მიიღოს და ვთანხმდებით იმაზეც, რომ ნებისმიერი გადაწყვეტილება უნდა იყოს მტკიცებულებებზე დაფუძნებული. მტკიცებულებების გარეშე მიღებული გადაწყვეტილებები ძალიან ძვირი უჯდება ამ ქვეყანას. მხოლოდ ემოციაზე, მონაყოლ ისტორიაზე დაყრდნობით ხომ არ შეიძლება გადაწყვეტილების მიღება?! “, - უპასუხა მიხეილ სარჯველაძემ.

1778360635

არავინ თანხის დასაზოგად არ არის განწყობილი. ამორალურია, როდესაც დიუშენის მედიკამენტებთან დაკავშირებით პოლიტიკური ქულების დაწერას ცდილობენ - მიხეილ სარჯველაძე

არავინ თანხის დასაზოგად არ არის განწყობილი. ამორალურია, როდესაც დიუშენის მედიკამენტებთან დაკავშირებით პოლიტიკური ქულების დაწერას ცდილობენ, - განაცხადა ჯანდაცვის მინისტრმა, მიხეილ სარჯველაძემ გადაცემაში „ღია ეთერი - დებატები“.„კარგად უნდა გვესმოდეს - დიუშენის ხუთივე მედიკამენტთან მიმართებით საჭიროა დეტალურად მსჯელობა: აქ აუცილებელია უსაფრთხოების დაზღვევა. მნიშვნელოვანია - კომერციული დაინტერესებისთვის კი არ დაიხარჯოს ფული, არამედ აუცილებელია გვესმოდეს, რომ ამ გადაწყვეტილების შედეგად უზრუნველყოფილი იქნება, რეალურად, ჯანმრთელობისთვის მნიშვნელოვანი მედიკამენტი. აქ უმნიშვნელოვანესი ფაქტორებია: სიცოცხლის გახანგრძლივება, ეტლში ჩაჯდომის გადავადება, სიცოცხლის ხარისხის გაუმჯობესება - კრიტიკულად მნიშვნელოვანი ფუნქცია“ - განაცხადა ჯანდაცვის მინისტრმა.მიხეილ სარჯველაძემ ხაზი გაუსვა საკითხის მნიშვნელობასა და სენსიტიურობას. როგორც მინისტრმა აღნიშნა, არასწორი მოლოდინების თავიდან ასაცილებლად დიდი სიფრთხილეა საჭირო. მისი განცხადებით, ფაქტების დამახინჯება პოლიტიკური ქულების დასაწერად მიუღებელია.„ვერც კი დავუშვებ, რომ დღეს შეიძლება ვინმეს არ ჰქონდეს სოლიდარობა დიუშენის დაავადების მქონე პაციენტების მიმართ. ამორალურია, როდესაც ამაზე პოლიტიკური ქულების დაწერას ცდილობენ.ბრიტანეთი დაადგა იმ გზას, რომ წარიმართოს განხილვები „ჯივინოსტატის“ სახელმწიფო პროგრამაში ჩასართავად, ასე ვთქვათ, დაიძრა პირველი ეტაპი. ამ გადაწყვეტილებას რა დათქმებიც მოჰყვება, ვიღაცამ ხომ უნდა თქვას? ხომ სათქმელია, რომ ეს მედიკამენტი არ ესადაგება ყველა პაციენტს; რომ მედიკამენტს აქვს როგორც ასაკობრივი შეზღუდვა, ისე - ძალიან მნიშვნელოვან გვერდით ეფექტებზე გავლენის პოტენციალი - ბენეფიციარს, წინასწარი შემოწმებით, კონკრეტული ჯანმრთელობის მდგომარეობა თუ არ ექნება, პრეპარატი მასზე ვერ გავრცელდება. ეს ხომ ვინმემ უნდა თქვას და არ დაანთოს ყალბი გამარჯვების ყიჟინა?!ამ დრომდე ბრიტანეთის მაგალითი რომ მომყავდა - არგუმენტად არ იღებდნენ და როგორც კი მან დაფინასების განხილვა დაიწყო, ახლა რაღას იტყვიო, მეკითხებიან. თქმა, შეჯიბრი და სპორტული აზარტი კი არ მალაპარაკებს, ჩემთვის მნიშვნელოვანი სხვა რამ არის - ცოტა ხნის წინ ვესაუბრე დანიელ და შვედ მეცნიერებს. ამ ხუთი მედიკამენტიდან არცერთი მიღებული არ აქვს, მაგალითად, შვედეთს. რატომ? იმიტომ, რომ ამას სჭირდება მტკიცებულებებზე დაფუძნებული კვლევა - რა სარგებელს მოიტანს ესა თუ ის პრეპარატი. რატომ არის იცით ეს მნიშვნელოვანი? იქნებ „ვამოროლონის“ ან „ჯივინოსტატის“ დანერგვა საჭიროებს სხვა ტიპის სამსახურს, რომელიც გამართულად იფუნქციონირებს და ყველაფერი ერთობლივად თუ არ გააკეთე, უბრალოდ, უსარგებლო იქნება.მედიცინა არ არის ის სივრცე, სადაც ადამიანებს თავისუფლება აქვთ - პოლიტიკური დივიდენდები დაიწერონ ისეთ საკითხებზე, როგორიც ადამიანის გაჭირვებაა. არ შეიძლება მედიცინის სფეროში ასეთი დამოკიდებულება. მნიშვნელოვანია გვესმოდეს, განსაკუთრებულად ღირებული და სენსიტიურია ფასი სიმართლისა“ - განაცხადა მიხეილ სარჯევლაძემ.

1778358369

ჯანდაცვის სამინისტრო რეფერენტულ ფასებს დამატებით 700-მდე მედიკამენტზე განსაზღვრავს

ჯანდაცვის სამინისტრო რეფერენტულ ფასებს დამატებით 700-მდე მედიკამენტზე განსაზღვრავს. საუბარია გულ-სისხლძარღვთა დაავადებების მართვის, ანთების საწინააღმდეგო და სხვა, ხშირად მოხმარებად პრეპარატებზე.ჯანდაცვის მინისტრი სექტორის წარმომადგენლებს უკვე შეხვდა და ცვლილებები გააცნო.ინიციატივა 2023 წელს დაწყებული რეფორმის მომდევნო ეტაპია. რეფერენტული ფასების რეფორმით, სახელმწიფო განსაზღვრავს მედიკამენტების ღირებულების მაქსიმალური ზღვარს, რომელზე მაღალ ფასადაც, მათი რეალიზაცია იკრძალება. ახალი რეგულაციის ამოქმედებამდე ფარმაცევტულ კომპანიებს შესაძლებლობა აქვთ საკუთარი მოსაზრებები ორი კვირის ვადაში სამინისტროს წარუდგინონ.სამი წლის წინ დაწყებული პროცესის ფარგლებში აქტიური რეგისტრაციის სტატუსის მქონე მედიკამენტების ნაწილზე მაქსიმალურ ღირებულება უკვე განსაზღვრა. შედეგად, სამინისტროს ინფორმაციით 7500-მდე ფარმაცევტული პროდუქტის ფასი, საშუალოდ 40%-ით უკვე შემცირდა. რეფორმის მთავარი მიზანი პროდუქციის გაიაფება და მოსახლეობისთვის ხელმისაწვდომობის გაზრდაა. ცვლილებას მიესალმებიან ჯანდაცვის კომიტეტშიც.ჯანდაცვის სამინისტროში აცხადებენ, რომ პროცესი მომავალშიც გაგრძელდება და ღირებულების მაქსიმალური ზედა ზღვარი სხვა მედიკამენტებზეც განისაზღვრება.

1778357940

„ჯივინოსტატზე მე მაქვს ნათქვამი, რომ ყველაზე იმედისმომცემია. რაც შეეხება ე.წ. ეგზონის ამოგდებას და ელევიდისს - დღეს პრაქტიკულად მთელი ევროპა შეთანხმებულია, რომ ეს პრეპარატები არ არის ფართო გამოყენებისთვის დამტკიცებული და არცერთი სახელმწიფო მათ არ იყენებს, როგორც სტანდარტულ თერაპიას“ - მიხეილ სარჯველაძე

„კვლევის რეჟიმში ეს მედიკამენტები ევროპულ ზოგიერთ სახელმწიფოში არის ხელმისაწვდომი, მაგრამ სახელმწიფო რომ აფინანსებდეს, ეს ახლა იწყება რეალურად, იმიტომ, რომ ჯერ კიდევ კვლევის პროცესშია“ - განაცხადა მიხეილ სარჯველაძემდიუშენის კუნთოვანი დისტროფიის სამკურნალო ახალ პრეპარატებთან დაკავშირებით. მინისტრმა განმარტა, რომ კლინიკური კვლევების პროცესს, როგორც წესი, თავად ფარმაცევტული კომპანიები წარმართავენ და არა სახელმწიფოები. მისივე თქმით, სხვადასხვა მედიკამენტის შესახებ საერთაშორისო პრაქტიკა და გამოცდილებამუდმივად ვითარდება, რაც ასევე ასახავს იმ პროცესს - რომელი სახელმწიფო რა ეტაპზეა დაფინანსების ან გამოყენების გადაწყვეტილებასთან დაკავშირებით.„სულ არის რამდენიმე მედიკამენტი. ვამოროლონი - ეს არის კორტიკოსტეროიდი, ახლად გამოგონილი კორტიკოსტეროიდია და ამასთან დაკავშირებითაც არის გარკვეული დაკვირვების საჭიროება; ჯივინოსტატი - ამაზე მე მაქვს ნათქვამი, რომ ყველაზე იმედისმომცემია, რადგან FDA-საც აქვს შეფასებული, EMA-საც და ევროპული ქვეყნები გადაწყვეტილებამდე ახლოს არიან. რაც შეეხება ე.წ. ეგზონის ამოგდებას და ელევიდისს- დღეს პრაქტიკულად მთელი ევროპა შეთანხმებულია, რომ ეს პრეპარატები არ არის ფართო გამოყენებისთვის დამტკიცებული და არცერთი სახელმწიფო მათ არ იყენებს, როგორც სტანდარტულ თერაპიას“ - აღნიშნა მინისტრმა.მისივე თქმით, აუცილებელია პაციენტებსა და საზოგადოებას ინფორმაცია სწორად და პასუხისმგებლობით მიეწოდოს.„არ შეიძლება ამ თემით სპეკულირება. ძალიან ფრთხილად უნდა ვიყოთ, როდესაც ვამბობთ, თითქოს რომელიმე ქვეყანაში უკვე ხელმისაწვდომია ან სახელმწიფო პროგრამაშია ჩართული - ეს უნდა იყოს ზუსტი ინფორმაცია, ამიტომ თხოვნა მაქვს და მოგიწოდებთ კიდეც, რომ ზედმიწევნით ფრთხილად ვიყოთ, ნუ ვცდილობთ ვინმესემოციებზე თამაშს - ამან შეიძლება მოკლევადიანად ვინმეს პოლიტიკური დივიდენდი მოუტანოს ან არ მოუტანოს, ამას მნიშვნელობა არ აქვს, მაგრამ ეს არ არის თემა, სადაც შეიძლება პოლიტიკური დივიდენდების ძიება. ეს ძალიან ცუდი პრაქტიკაა. როდესაც ვამბობთ, რომ რომელიმე ქვეყანაში პრეპარატი ხელმისაწვდომია, ბუნებრივია,სრული პასუხისმგებლობა უნდა ავიღოთ, რომ ეს ნამდვილად ასეა და სახელმწიფო პროგრამებშია ჩართული. ძალიან დიდი თხოვნა მაქვს ყველას მიმართ - მათ შორის, იმ გულშემატკივრობიდან გამომდინარე, რაც პაციენტების მიმართ მაქვს - არაფრის დიდებით არ შეიძლება ვინმეს შეცდომაში შეყვანა“ - განაცხადა მიხეილ სარჯველაძემ.

1778356020

მიხეილ სარჯველაძე დიუშენის მედიკამენტებზე - „შვედეთი, რომელსაც უზარმაზარი კვლევითი შესაძლებლობები აქვს, აცხადებს, რომ აკვირდება მედიკამენტებს, საფრანგეთმა კი ჯივინოსტატზე უარყოფითი გადაწყვეტილება მიიღო. ამიტომ, ამ საკითხს სჭირდება ზედმიწევნით ზუსტი და მხოლოდ პროფესიულ საფუძველზე მიღებული გადაწყვეტილებები“

„ყველა რეალურად ანგარიშგასაწევი ექსპერტი ამ სფეროში, ვისაც მართლა შეიძლება დავეყრდნოთ, საუბრობს იმაზე, რომ ამ შემთხვევაში მტკიცებულებების მოძიება მიმდინარეობს, მოწმდება სხვადასხვა წყარო დაკეთდება შესაბამისი დასკვნები. ისინი კი, ვინც დღეს ფაქტებს აყალბებს და ხელისუფლებას აკრიტიკებს იმის გამო, რომ ამ მედიკამენტს კონკრეტულად დღეს, ამ დრომდე, ბრიტანეთზე ადრე არ ყიდულობს, აბსოლუტურადმოკლებულნი არიან რეალურ მსჯელობას. ეს არის პოლიტიკურად ან კომერციულად მიკერძოებული, სრულიად არაჯანსაღი დამოკიდებულება საკითხის მიმართ“ - განაცხადა მიხეილ სარჯველაძემ დიუშენის კუნთოვანიდისტროფიის სამკურნალო მედიკამენტებზე საუბრისას.მინისტრის თქმით, საკითხზე საჯარო განცხადებების გაკეთებისას განსაკუთრებული მნიშვნელობა ენიჭება პროფესიულ ეთიკასა და პასუხისმგებლობას, რადგან არაზუსტმა ან არასწორად ინტერპრეტირებულმაინფორმაციამ შესაძლოა საზოგადოება და განსაკუთრებით პაციენტები შეცდომაში შეიყვანოს.„ეთიკური და მორალური თვალსაზრისით ძალიან მნიშვნელოვანია კარგად გვესმოდეს, რომ უპასუხისმგებლო განცხადებების გაკეთება პრობლემურია. ზოგიერთი პოლიტიკურად მიკერძოებული ექიმის შემთხვევაში, ეს პოლიტიკური მიკერძოება უკვე პროფესიულ ღირსებასაც ჩრდილავს. ორი კვირის წინ, როდესაც ბრიტანეთის მაგალითზე ვსაუბრობდი და ვამბობდი, რომ ამ დრომდე გადაწყვეტილება მიღებული არ იყო, გულწრფელად - ემპათიის, სოლიდარობის და სხვა მრავალი მიზეზის გამო - ველოდი გადაწყვეტილების მიღებას. ამ ფონზე კი გარკვეული ჯგუფები ბრალდებებს აყალიბებდნენ მაშინ, როდესაც ბრიტანეთს გადაწყვეტილება მიღებული არ ჰქონდა, ხოლო სხვა ქვეყნებს, მათ შორის, შვედეთსა და დანიას, დღემდე არ აქვთ მიღებულიგადაწყვეტილება ჯივინოსტატთან დაკავშირებით. განა ისინი არ არიან ევროპული სახელმწიფოები?“ - განაცხადა მინისტრმა.მიხეილ სარჯველაძემ აღნიშნა, რომ სამედიცინო უნივერსიტეტთან თანამშრომლობით, მსოფლიოს სხვადასხვა წამყვანი სპეციალისტებისგან მედიკამენტებთან დაკავშირებით ინფორმაციას აგროვებენ.„შვედეთი, რომელსაც უზარმაზარი კვლევითი შესაძლებლობები აქვს, აცხადებს, რომ აკვირდება - რამდენად უკეთეს შედეგს იძლევა ვამოროლონი იმ კორტიკოსტეროიდთან შედარებით, რომელსაც თავადაც იყენებს. იგივეპრეპარატი გამოიყენება საქართველოშიც. ისინი არ ჩქარობენ და ფიქრობენ, ღირს თუ არა დეფლაზაკორტის ვამოროლონით ჩანაცვლება. ანალოგიური მიდგომაა ჯივინოსტატთან დაკავშირებითაც.საფრანგეთმა კი ამ პრეპარატზე უარყოფითი გადაწყვეტილება მიიღო, რადგან საუბარია მძიმე გვერდით მოვლენებზე. ამიტომ, ამ ყველაფერს სჭირდება ზედმიწევნით ზუსტი, აკურატული და მხოლოდ პროფესიულ საფუძველზე მიღებული გადაწყვეტილებები“ - განაცხადა მიხეილ სარჯველაძემ.

1778352600

არ შეიძლება ფულის შოვნა იყოს მთავარი ამოცანა ჯანდაცვის სექტორში პაციენტის ინტერესის საპირწონედ - მიხეილ სარჯველაძე

„ჯანდაცვის სექტორში დაშვებულ შეცდომებს შორის ერთ-ერთი პრივატიზაციის გაუაზრებელი ტემპია, რომელიც ჯერ კიდევ 1990-იანი წლებიდან დაიწყო. შედეგად, დღეს, სახელმწიფო და ჯანდაცვის პოლიტიკა არანორმალურად დიდი წილით არის დამოკიდებული კერძო სექტორის გავლენაზე, კომერციულ ინტერესზე“ - განაცხადა ჯანდაცვის მინისტრმა.როგორც მიხეილ სარჯველაძემ აღნიშნა, ამ პროცესებმა კომერციული ინტერესი დომინანტად აქცია პაციენტისა და ჯანდაცვის სფეროს საჯარო ინტერესებთან შედარებით.„სახელმწიფო იმისთვის არსებობს, რომ ამის შესაძლებლობა არცერთ შემთხვევაში არ გააჩინოს.თუ ფასი არადამაკმაყოფილებელი გახდა, კლინიკა თავს უფლებას აძლევს - პაციენტს მომსახურებაზე უარი უთხრას. ე.ი. პაციენტი უფრო მნიშვნელოვანია თუ მოგება? მოგება აუცილებელი არის, მაგრამ - არამთავარი“ - აღნიშნა ჯანდაცვის მინისტრმა.მიხეილ სარჯველაძემ ჯანდაცვის სექტორის პრივატიზაციის მიმართულებით დასავლეთის გამოცდილებაზეც ისაუბრა. მისი განცხადებით, ევროპაში სახელმწიფოს წილი ჰოსპიტალურ სექტორში, როგორც წესი, 50%-ზე ნაკლები არ არის.„უბრალოდ, ვერსად შეხვდებით ასეთ ფაქტს. მაშინ, როდესაც წლების წინ დაწყებული პრივატიზაციის პროცესი წინა ხელისუფლების დროს გაგრძელდა და სახელმწიფოს წილი ჰოსპიტალურ სექტორში დაიყვანეს 14-15%-ზე.დღეს ჩვენ ორიენტირებული ვართ - მაქსიმალურად ევროპული სტანდარტების ქვეყნად ჩამოყალიბდეს საქართველო. ამაზეა ორიენტირებული ჯანდაცვის პოლიტიკის განხორციელებაც. ევროპა ლოზუნგი კი არა, რეალურად ნაკეთები საქმეებია. იმიტომ კი არ არის იქ სახელმწიფოს წილი ჰოსპიტალურ სექტორში 50%, რომ მას დომინანტობა და აქედან შემოსავლის მიღება სურს, უბრალოდ, ჯანდაცვა სპეციფიკური სივრცეა, სავსე - მორალური თუ სამართლებრივი პასუხისმგებლობებითა და ვალდებულებებით, რომელიც, ხშირ შემთხვევაში, არც შეიძლება თავსებადი იყოს კომერციულ ინტერესებთან. ამიტომ, როცა ბრუტალურად, ბლანკეტურად, ყველაფერი პირდაპირ გადაეცათ კერძო კლინიკებს, რომ, მათ შორის, ეკეთებინათ ისეთი რამ, რაც სულაც არ იყო კომერციულად საინტერესო, შეიქმნა უზარმაზარი პრობლემები ჯანდცავის სტრუქტურების გასამართად. შვედეთში, შესაძლოა, საერთოდ, 80%-ს სცდებოდეს სახელმწიფოს წილი ჰოსპიტალურ სექტორში. რატომ?! - რიტორიკული კითხვაა და პასუხი ყველასთვის ნათელია.არ შეიძლება კერძო სექტორისთვის იყოს ყველაფერი, არ შეიძლება ფულის შოვნა იყოს მთავარი ამოცანა ჯანდაცვის სექტორში პაციენტის ინტერესის საპირწონედ - სრულიად საპირისპირო უნდა იყოს. ჩვენი მთავარი ამოცანაა, პირველ რიგში, დავიცვათ პაციენტის ინტერესი და, სხვათა შორის, ეს კონსტიტუციაშიც ასეა ჩაწერილი. ამისთვის, რაღაც მომენტში, სიმკაცრეც იქნება აუცილებელი და თუკი მკაცრად ვაკონტროლებ პროცესს - დაცულია თუ არა პაციენტის უფლება ყველა კონკრეტულ შემთხვევაში, არ შეიძლება ეს ჩაითვალოს სახელმწიფოს მხრიდან ანტიევროპულ გადაწყვეტილებად“ - განაცხადა მიხეილ სარჯველაძემ.

1778351827

ჯანდაცვის სისტემის შეფასებისთვის მნიშვნელოვანია არა ის, რამდენს ვხარჯავთ, არამედ მნიშვნელოვანია, როგორ და რისთვის ვხარჯავთ - მიხეილ სარჯველაძე

ჯანდაცვის სისტემის შეფასებისთვის მნიშვნელოვანია არა ის, რამდენს ვხარჯავთ, არამედ მნიშვნელოვანია, როგორ და რისთვის ვხარჯავთ - განაცხადა "იმედის" ეთერში, გადაცემაში "ღია ეთერი - დებატები" ჯანდაცვის მინისტრმა მიხეილ სარჯველაძემ.მინისტრის განცხადებით კი პრობლემას ხედავს იმაში, რომ სისტემა დიდწილად დამოკიდებული იყო კომერციული ინტერესების გაცვლა-გამოცვლაზე:"თქვენ ხომ კარგად იცით, რომ მაგალითად პირველადი ჯანდაცვის რგოლის მიმართ ნდობის არარსებობა დიდწილად განპირობებული შეიძლება იყოს კომერციულად ჰოსპიტალურ სექტორში არსებული დიდი ინტერესებით. კომერციულად ჰოსპიტალური სექტორისთვის არის საინტერესო პრევენცია, რომ არავინ ავად არ ხდებოდეს? მეეჭვება, ამიტომ ეს არის მათი მთავარი ამოცანა, მხოლოდ სამედიცინო პროფესიონალთა პროფესიული ღირსება არის ამის ერთ-ერთი შემაკავებელი. ამიტომაც იყო ერთ-ერთი პირველი ფუნდამენტური რეფორმა, რასაც ბოლომდე მივყვებით, პირველადი ჯანდაცვის რგოლი, მაგრამ არის ძალიან რთული, იმიტომ რომ ათწლეულების განმავლობაში ეს ჩანაგდებოდა," - განაცხადა მიხეილ სარჯველაძემ.

1778349000

„ჯანდაცვის სისტემის მართვაში მთავარი ყოველთვის უნდა იყოს პაციენტის უსაფრთხოება. თუ გაუჩნდება ამ მთავარ პრიორიტეტს კონკურენტი მოგების მიღების ინტერესის სახით, ეს ბადებს ძალიან მწვავე რისკებს“ - მიხეილ სარჯველაძე

„ჯანდაცვის სისტემის მართვაში მთავარი, ყოველთვის და მუდმივად ნომერ პირველი ინტერესი უნდა იყოს პაციენტის უსაფრთხოება და მოქალაქის კეთილდღეობა. თუ გაუჩნდება ამ მთავარ პრიორიტეტს კონკურენტი მოგების მიღების ინტერესის სახით, ეს ბადებს ძალიან მწვავე რისკებს“ - ამის შესახებ მიხეილ სარჯველაძემ განაცხადა.ჯანდაცვის მინისტრის თქმით, სახელმწიფო განსაკუთრებული ყურადღებით აკონტროლებს შემთხვევებს, როდესაც პაციენტის ინტერესზე მაღლა კომერციული ინტერესი დგება.„მუდმივად უნდა ვაკვირდებოდეთ მონაცემებს, სადაც შეიძლება პაციენტის ინტერესზე მაღლა დადგეს კომერციული ინტერესი. იქ, რა თქმა უნდა, სახელმწიფოს მოეთხოვება იყოს ძალიან აქტიური და ეს არაფრის დიდებით არ დაუშვას“ - აღნიშნა მიხეილ სარჯველაძემ.ჯანდაცვის მინისტრის განცხადებით, მოგების მიღება კომერციული სტრუქტურებისთვის ბუნებრივი პროცესია, თუმცა ეს ჯანდაცვის სისტემის მთავარი პრიორიტეტი ვერ იქნება.„არამც და არამც სწორი არ არის ახლა ჩემთვის იმის დაბრალება, რომ თითქოს მოგებას ვეწინააღმდეგები. პირიქით, აბსოლუტურად ჯანსაღია, რა თქმა უნდა, რომ ნებისმიერი კომერციული სტრუქტურა ზრუნავდეს იმაზე, რომ მას ჰქონდეს მოგება. ეს ერთმნიშვნელოვნად სწორია, მაგრამ ისიც კარგად უნდა გვესმოდეს, რომ ეს არ შეიძლებაიყოს მთავარი“ - განაცხადა მინისტრმა.მისივე თქმით, აღნიშნული საკითხი მხოლოდ თეორიული პრინციპი არ არის და ყოველდღიურ პრაქტიკაში კონკრეტულ გამოწვევებს უკავშირდება.„მაგალითად, პაციენტის შეფასება იმის მიხედვით - ეს რთული შემთხვევაა თუ არა და, ამის მიხედვით, კლინიკას კომერციულად აწყობს თუ არ აწყობს პაციენტისთვის მომსახურების გაწევა - როდესაც ასეთი დილემა ჩნდება კლინიკის შემთხვევაში, ეს, რასაკვირველია, ურტყამს სწორედ იმას, რასაც ჰქვია ადამიანის კონსტიტუციურიუფლება ჯანმრთელობაზე. იმიტომ, რომ ჯანმრთელობაზე უფლებას ძალიან მნიშვნელოვან უფლებად მივიჩნევ, მიმაჩნია, რომ ჯანდაცვის სისტემაში ნომერ პირველი ამოცანა და მთავარი ღირებულება, რა თქმა უნდა, მისი აღმატებულება - პაციენტი უნდა იყოს, სხვაგვარად ეს შეუძლებელია“ - განაცხადა მიხეილ სარჯველაძემ.