1754037214

მძიმე ავარია აბაშაში - რა დეტალებია ცნობილი

მძიმე ავარია მოხდა ცოტა ხნის წინ აბაშის მუნიციპალიტეტ სოფელ მარანთან.ერთმანეთს სამი ავტომობილი შეეჯახა. დაშავდა ერთი პირი, რომელიც გადაყვანილია საავადმყოფოში.შსს-მ გამოძიება სსკ-ის 276-ე მუხლით დაიწყო.

1753993612

ავტოსაგზაო შემთხვევა რუსთავში

რუსთავში ავტოსაგზაო შემთხვევა მოხდა.სააგენტო „ინფო რუსთავის“ ინფორმაციით, მეგობრობის გამზირზე მანქანა კიბეებიდან ჩამოვარდა.შემთხვევის დროს არავინ დაშავებულა.ადგილზე მობილიზებული იყო საპატრულო პოლიციის ეკიპაჟი.

1753993565

კუნძულ ბალიზე მამალმა კაცი მოკლა

ინდონეზიაში, ბალის პროვინციის დედაქალაქ დენპასარში, მამლების ჩხუბის დროს, ერთ-ერთი ფრინველის ფეხზე მიმაგრებული ბასრი დანის პირით, მაყურებელი სასიკვდილოდ დაიჭრა.პოლიციის ცნობით, 50 წლის ნენგა სუდანა მამლების ჩხუბს უყურებდა, როდესაც ერთ-ერთი მამალი ბრძოლის დაწყებამდე მოულოდნელად გაიქცა და სხვა ფრინველს დაესხა თავს. ახლოს მდგომმა მამალმა მოახერხა თავდასხმის თავიდან აცილება, მაგრამ იქვე მდგომი სუდანი მამალმა მუცლის არეში სასიკვდილოდ დაჭრა.დაშავებული მამაკაცი თვითმხილველებმა საავადმყოფოში გადაიყვანეს, თუმცა ის გზაში გარდაიცვალა. პოლიციამ მამაკაცის დაჭრის ფაქტი უბედურ შემთხვევად შეაფასა.მამლების ჩხუბს ცხოველთა უფლებების დამცველები აკრიტიკებენ. ისინი მიიჩნევენ,  რომ ასეთი სპორტი ფრინველების მიმართ სისასტიკეა.

1753958147

25 მგზავრი ძლიერი ტურბულენტობის გამო დაშავდა - ინციდენტი Delta Air Lines-ის ბორტზე

Delta Air Lines-ის ბორტზე, 25 ადამიანი ძლიერი ტურბულენტობის გამო დაშავდა და კლინიკაში გადაიყვანეს. რეისი სოლტ-ლეიკ-სიტიდან ამსტერდამის მიმართულებით მიფრინავდა. მედიის ცნობით, შემთხვევის დროს თვითმფრინავში 275 მგზავრი და ეკიპაჟის 13 წევრი იმყოფებოდა. თვითმფრინავი მინეაპოლის-სენტ-პოლის მიმართულებით გადამისამართდა და ადგილობრივი დროით საღამოს 8 საათამდე უსაფრთხოდ დაეშვა.მინეაპოლისის აეროპორტში დაშვებისას, თვითმფრინავს ასაფრენ ზოლზე სახანძრო სამსახური და პარამედიკოსები დახვდნენ. ავიაკომპანიის ცნობით, 25 მგზავრი "გამოკვლევებისა და მკურნალობისთვის" საავადმყოფოში გადაიყვანეს.

1753955353

მედია: ესტონეთში ტახებში შავი ჭირი ვრცელდება, მონადირეები რაც შეიძლება მეტ გარეულ ღორს კლავენ, თუმცა ხორცის შენახვის პრობლემას აწყდებიან

გარეულ ღორზე აქტიური ნადირობის აუცილებლობის გათვალისწინებით, მონადირეები პრობლემის წინაშე დგანან: ხორცის შესანახი ადგილი აღარ დარჩა. სტატიას ამ შინაარსით ესტონური მედია ავრცელებს.მედიის ცნობით, პრობლემის მოსაგვარებლად, მთავრობა გეგმავს გარეული ღორის ხორცის დაკონსერვებას და უკრაინაში გაგზავნას.ესტონეთში ტახებში შავი ჭირი ვრცელდება, რაც მათი დიდი რაოდენობით არის გამოწვეული. მონადირეები ამბობენ, რომ ისინი რაც შეიძლება მეტ გარეულ ღორს კლავენ, თუმცა ხორცის შენახვის პრობლემას აწყდებიან. ამის გამო ესტონეთის მონადირეთა საზოგადოება თვლის, რომ საქმეში სახელმწიფო უნდა ჩაერიოს.„რადგან ესტონელი მონადირეები არ არიან მიჩვეულები უბრალოდ მოკლან ცხოველი, ჩვენ ნედლ ხორცთან, რომელმაც შემოწმება გაიარა და რომელშიც ვირუსი არ აღმოჩნდა, მოპყრობის წესს უნდა გადავხედოთ. ახლა ჩვენ ტახის ნედლი ხორცის გაყიდვა აკრძალული გვაქვს, მისი გაყიდვა ხორცის გადამმუშავებელ ქარხნებსაც აკრძალული აქვთ, მიუხედავად იმისა, შემოწმებულია ის, თუ არა და აღმოჩენილია, თუ არა მასში ვირუსი. ეს წესი ევროპიდან შემოვიდა, და ჩვენ მას უნდა გადავხედოთ და გამონაკლისი დავუშვათ“, - განაცხადა ესტონეთის მონადირეთა საზოგადოების აღმასრულებელმა დირექტორმა, ტინის კორტსმა.როგორც ესტონური მედია წერს, თერმულად დამუშავებული ხორცის გაყიდვა დაშვებულია, თუმცა მყიდველი ნაკლებია. ხორცის გადამმუშავებელ კომპანიებში რანაროოტსი და ლინამაეში აცხადებენ, რომ ტახის ხორცი მოთხოვნას აჭარბებს.ლინამაეს ხორცკომბინატში აცხადებენ, რომ მათ აქვთ სიმძლავრეები, რათა ხორცის კონსერვები აწარმოონ და შემდეგ ესტონეთის თავდაცვის ძალებს გადასცენ. ესტონეთის რეგიონულ საქმეთა და სოფლის მეურნეობის მინისტრის, ჰენდრიკ იოჰანეს ტერასის თქმით, სახელმწიფო ხორცის კონსერვების შესყიდვას მართლაც აპირებს, მაგრამ არა ესტონეთის რეზერვების შესავსებად, არამედ უკრაინისთვის გადასაცემად.

1753944966

აშშ-ში 100 მილიონ დოლარამდე ღირებულების F-35 ტიპის მოიერიშე გამანადგურებელი თვითმფრინავი ჩამოვარდა

კალიფორნიის ცენტრალურ ნაწილში, ლემურის საზღვაო-საჰაერო ბაზაზე, ოთხშაბათს, F-35 ტიპის მოიერიშე გამანადგურებელი თვითმფრინავი ჩამოვარდა. ფაქტი საზღვაო ძალებმა დაადასტურა. ინფორმაციას abcnews-ი ავრცელებს."პილოტმა კატაპულტირება შეძლო და უსაფრთხოდაა. პერსონალის სხვა წევრებს დაზიანებები არ მიუღიათ", - ნათქვამია ლემურის საზღვაო-საჰაერო ბაზის განცხადებაში.ჩამოვარდნილი F-35C, F-35 Lightning II-ის სამი ვარიანტიდან ერთ-ერთია, რომელიც შექმნილია აშშ-ის ავიამზიდებზე გამოსაყენებლად.აშშ-ის საჰაერო ძალები იყენებენ F-35A-ს, ხოლო საზღვაო ქვეითები - F-35B-ს, მოკლე აფრენისა და ვერტიკალური დაშვების ფუნქციის მქონე თვითმფრინავს.თვითმფრინავის ჩამოვარდნა, რომლის ღირებულებაც დაახლოებით 100 მილიონი დოლარია, წელს უკვე მეორე შემთხვევა. იანვარში, აშშ-ის საჰაერო ძალების F-35A ეილსონის საჰაერო ძალების ბაზაზე სასწავლო მისიის დროს, ალასკაში ჩამოვარდა. პილოტმა მაშინაც უსაფრთხო კატაპულტირება შეძლო.

1753944408

კამჩატკის სანაპიროსთან, ერთი საათში 11 ძლიერი მიწისძვრა დაფიქსირდა

სეისმოლოგებმა კამჩატკის სანაპიროსთან ერთი საათის განმავლობაში 11 მიწისქვეშა ბიძგი დააფიქსირეს. ყველაზე ძლიერი მიწისძვრის სიმძლავრემ 5.5 მაგნიტუდა შეადგინა. ეს რყევები გუშინ მომხდარი დიდი სიმძლავრის მიწისძვრას მოჰყვა.გაერთიანებული გეოფიზიკური სამსახურის კამჩატკის ფილიალის ცნობით, დაფიქსირებული ბიძგების სიმძლავრე 4.2-დან 5.5-მდე მერყეობდა.სეისმოლოგების თქმით, ზედაპირზე მიწისძვრების აღქმადობის შესახებ ინფორმაცია ჯერ არ არსებობს. მანამდე, კამჩატკაში 10 წუთზე ცოტა მეტი ხნის განმავლობაში 4.8-დან 6.0 მაგნიტუდამდე სიმძლავრის ხუთი მიწისძვრა მოხდა.კამჩატკის ნახევარკუნძულზე, გუშინ, 8.8 მაგნიტუდის სიმძლავრის მიწისძვრა მოხდა. ეს ამ რეგიონში დაკვირვებების მთელი ისტორიის განმავლობაში ყველაზე ძლიერი მიწისქვეშა ბიძი იყო.

1753904498

ავარია ქვიშხეთთან - ერთმანეთს რამდენიმე ავტომობილი შეეჯახა

ავტოსაგზაო შემთხვევა მოხდა ქვიშხეთთან. ერთმანეთს სამი ავტომობილი შეეჯახა.მომხდარის შედეგად, ერთი ადამიანი დაშავდა.ფაქტზე შსს-მ გამოძიება სსკ-ის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

1753881780

ინდოეთში ბავშვმა კობრას უკბინა და მოკლა

ინდოეთში, ბიჰარის შტატში ორი წლის ბიჭმა გოვინდა კუმარმა კობრას თავში უკბინა.South China Morning Post-ის ცნობით, ბავშვი საკუთარი სახლის ეზოში თამაშობდა, როცა მას ქვეწარმავალი მიუახლოვდა. ცნობისმოყვარე ბიჭმა მას ხელი სტაცა, რის შემდეგაც გველი ხელზე შემოეხვია და თავდასხმისთვის მოემზადა. მაშინ ბიჭმა გველს თავში უკბინა, რის შედეგად ქვეწარმავალი მოკვდა.ბიჭის ბებიამ ჟურნალისტებს უამბო, რომ როდესაც შვილიშვილი პირში გველის თავით დაინახა, განგაში ატეხა. გოვინდა საავადმყოფოში გადაიყვანეს, სადაც ორგანიზმში მოხვედრილი კობრის შხამისგან გაწმენდაში დაეხმარნენ. ბიჭი ორ დღეში გაწერეს. ახლა ის სახლშია და მის ჯანმრთელობას საქმე არ ემუქრება.

1753813178

ავარია ფოთში - არიან დაშავებულები

ავტოსაგზაო შემთხვევა მოხდა ცოტა ხნის წინ ფოთში. არსებული ინფორმაციით, დაშავდა ორი პირი.ისინი სასწრაფო დახმარების ბრიგადებმა ფოთის საავადმყოფოში გადაიყვანა.სხვა დეტალები ჯერჯერობით უცნობია.   

1753792200

ინდოეთში 2 წლის ბიჭმა შხამიანი გველი, რომელიც თავს დაესხა, კბილებით დაგლიჯა - ქვეწარმავალი მოკვდა

ინდოეთში, 2 წლის ბიჭმა, დაახლოებით 1 მეტრიანი შხამიანი გველი კბილებით დაგლიჯა. ინფორმაციას dailymail-ი ავრცელებს.მედიის ცნობით, კობრა ბიჭს ხელზე შემოეხვია, როდესაც ის საკუთარი სახლის ეზოში თამაშობდა. ამის შემდეგ, ბიჭმა გველს თავზე უკბინა და მოკლა.როგორც ბიჭის ბებიამ თქვა, ბავშვის ხელზე გველის ნახვისთანავე მისკენ გაიქცნენ, თუმცა ბიჭს გველი უკვე მოკლული ჰყავდა.მედიის ცნობით, გველისთვის კბენიდან მალევე, ბავშვმა გონება დაკარგა. ოჯახის წევრებმა ის ადგილობრივ საავადმყოფოში მიიყვანეს, შემდეგ კი სახელმწიფო სამედიცინო კოლეჯში გადაიყვანეს.ექიმებმა დაადასტურეს, რომ გველი თავის ტრავმის შედეგად მოკვდა, რომელიც სავარაუდოდ ბიჭის ნაკბენისგან მიიღო. შემთხვევის შედეგად ბიჭის სხეულში გველის შხამი მოხვდა, თუმცა არა სასიკვდილო დოზა.ამჟამად, 2 წლის ბიჭი საავადმყოფოში, ექიმების მეთვალყურეობით გადის მკურნალობას, მისი მდგომარეობა სტაბილურია.

1753788524

აშშ-ში, იალქნიანი ნავისა და ბარჟის შეჯახების შედეგად, 2 ბავშვი დაიღუპა

აშშ-ში, მაიამის სანაპიროსთან იალქნიანი ნავისა და ბარჟის შეჯახების შედეგად, 2 ბავშვი დაიღუპა. ინფორმაციას CNN-ი ავრცელებს.მედიის ცნობით, შეჯახება მონუმენტსა და ჰიბისკუსის კუნძულებს შორის მოხდა. ფლორიდის თევზისა და ველური ბუნების დაცვის კომისიის ცნობით, წყალში ექვსი ადამიანი იმყოფებოდა - ერთი ზრდასრული და ხუთი ბავშვი.მაიამის იახტკლუბის განცხადებაში ნათქვამია, რომ ინციდენტში საიალქნო სპორტით დაკავებული ბავშვები მონაწილეობდნენ. ექვსიდან ოთხი ბავშვი ჯექსონის მემორიალურ საავადმყოფოში გადაიყვანეს. აშშ-ის სანაპირო დაცვის ცნობით, მათგან ორი საავადმყოფოში მიყვანისთანავე გარდაიცვალა.ოფიცერმა ნიკოლას სტრასბურგმა CNN-ს განუცხადა, რომ შეჯახების შემდეგ იალქნიანი ნავი ბარჟის ქვეშ ჩაიძირა.