1762072332

კახეთში სამედიცინო საზოგადოება 33 წლის ექიმს გლოვობს

ნიკოლოზ ხაბელაშვილი წლების განმავლობაში, თელავის რეფერალურ ჰოსპიტალში მუშაობდა და გადაუდებელი მედიცინის სპეციალისტი იყო.„ექიმი, რომელსაც არაერთი სიგიჟე ჩაუდენია პაციენტის გადასარჩენად. ადამიანი, რომელიც ყოველთვის ამშვიდებდა სხვებს და იუმორს არასდროს კარგავდა… საქართველომ შენი სახით დაკარგა არაჩვეულებრივი შვილი და პროფესიონალი ექიმი. შეხვედრამდე, ნიკა ექიმო,“ - წერს გარდაცვლილის მეგობარი.კოლეგების ინფორმაციით, ხაბელაშვილს გულის პრობლემები ჰქონდა, სტენტიც ჩაუდგეს, თუმცა საავადმყოფოდან გაწერის შემდეგ თრომბი განუვითარდა და მისი სიცოცხლის გადარჩენა ვერ მოხერხდა.ახალგაზრდა ექიმი ბოლოს, ღუდუშაურის სახელობის კლინიკაში, საგანგებო სიტუაციების კოორდინაციისა და გადაუდებელი დახმარების ცენტრსა და პირველ სამედიცინო ცენტრში მუშაობდა.

1762072267

იტალიაში 34 წლის ემიგრანტი გარდაიცვალა

იტალიაში გარდაცვლილი ქართველი ემიგრანტი ქალი წარმოშობით ყვარლის მუნიციპალიტეტის სოფელ ახალსოფლიდანაა.38 წლის ნანიკო სირაძის მეგობრების ინფორმაციით, სირაძე წლების განმავლობაში ქალაქ მილანში ცხოვრობდა და მუშაობდა.ბოლო პერიოდში ემიგრანტი ქალი მძიმე სენს ებრძოდა და ჯანმრთელობის მდგომარეობის გაუარესების გამო, სამსახურის დატოვებაც კი მოუწია. ოჯახის წევრებმა ცხედრის საქართველოში გადმოსვენების პროცედურების დასაწყებად, საგარეო საქმეთა სამინისტროს მიმართეს.ემიგრანტთა თემის წარმომადგენლები სოციალურ ქსელებში სირაძის ახლობლებს თანაგრძნობას უცხადებენ.

1762002250

სიღნაღში მომხდარ მკვლელობაში ბრალდებულმა დანაშაული აღიარა

სასამართლო პროცესი  თელავის რაიონულ სასამართლოში ცოტა ხნის წინ დასრულდა.მოსამართლე გრიგოლ ვატიტაძე ბრალდებულისათვის აღკვეთის  ღონისძიების  შეუფარდების საკითხზე მსჯელობდა.43 წლის მამაკაცის ადვოკატი მისი დაცვის ქვეშ მყოფისათვის 20- ათასლარიანი გირაოს შეფარდებას ითხოვდა,თუმცა მოსამართლემ ბრალდების მხარის შუამდგომლობა პატიმრობის გამოყენების თაობაზე, სრულად დააკმაყოფილა.თავად ბრალდებულმა დანაშაული აღიარა და მკვლელობის მოტივად, ეჭვიანობა დაასახელა.სასამართლო სხდომაზე პროკურორი  განმარტავდა, რომ დაკავებულის მხრიდან არსებობდა ხელახალი დანაშაულის  ჩადენის, მიმალვის,მოწმეებზე ზემოქმედებისა და მტკიცებულებების განადგურების საფრთხე.შეგახსენებთ, მკვლელობა 29 ოქტომბერს,  სიღნაღის მუნიციპალიტეტის სოფელ ძველ ანაგაში მოხდა.მამაკაცმა ყოფილ ცოლს და  მის მეგობარ მამაკაცს სანადირო თოფიდან ესროლა.47 წლის კაცი ადგილზე გარდაიცვალა, 41 წლის ქალი კი საავადმყოფოშია მოთავსებული.გამოძიება დამამძიებელ გარემოებაში განზრახ მკვლელობის მცდელობის  მუხლით მიმდინარეობს.წინა სასამართლო სხდომა 23 დეკემბერს ჩაინიშნა.

1761940260

„ციხიდან უთვლიდა, დედაშენს შავებს ჩავაცმევო, ზურას კი ნათიასთან შერიგება უნდოდა...“ - სიღნაღში მომხდარი მკვლელობის დეტალები

სიღნაღში მომხდარ მკვლელობაში ბრალდებულის ახლობლები ამტკიცებენ, რომ მოკლული ბრალდებულს დიდხანს ემუქრებოდა.„ის, მოკლული, სამი წელი იჯდა ციხეში. ციხიდან უთვლიდა, დედაშენს შავებს ჩავაცმევო. ზურას კი ნათიასთან შერიგება უნდოდა. მკვლელობის შემდეგ ზურა არ გაქცეულა. მამას უთხრა, რაც მოხდა, და თვითონვე დარეკა პოლიციაში.ცოლი ისე უყვარდა, გულზე მისი სახელი ეწერა. თუმცა, შეურაცხყვეს და ატირეს კაცი, რომელიც 2008 წლის აგვისტოს ომში იბრძოდა“, - ჰყვებიან ბრალდებულის ახლობლები.ბრალდებული და გარდაცვლილი თანასოფლელები არიან. ურთიერთობა მხარეებს შორის მას შემდეგ დაიძაბა, რაც ბრალდებული მეუღლეს დაშორდა.საქმის მასალების თანახმად, ბრალდებულმა სანადირო თოფიდან ორი გასროლა განახორციელა. თანასოფლელი მამაკაცი ადგილზე მოკლა, ხოლო ყოფილი მეუღლე მძიმედ დაჭრა. პროკურატურამ დაკავებულს ბრალდება უკვე წარუდგინა. ბრალდებულისათვის აღკვეთის ღონისძიების შეფარდების საკითხზე კი, თელავის რაიონული სასამართლო ხვალ იმსჯელებს.გამოძიება დამამძიმებელ გარემოებებში განზრახ მკვლელობის მუხლით მიმდინარეობს. დანაშაული 20 წლამდე თავისუფლების აღკვეთას ითვალისწინებს.

1761816751

კახეთში კაცმა ყოფილი ცოლი დაჭრა და კიდევ ერთი ადამიანი მოკლა - დანაშაულის რა დეტალები ხდება ცნობილი

სიღნაღში მამაკაცმა სანადირო თოფიდან გასროლით ერთი ადამიანი მოკლა და ყოფილი ცოლი დაჭრა.სიღნაღის მუნიციპალიტეტის სოფელ ძველ ანაგაში, 45 წლამდე ასაკის მამაკაცმა სანადირო თოფიდან გასროლით ყოფილი მეუღლე დაჭრა. მოკლულია კიდევ ერთი პირი, რომელიც სასწრაფო-სამედიცინო დახმარების ბრიგადამ საავადმყოფოში გადაიყვანა.შემთხვევა გვიან ღამით მოხდა. მკვლელობის სავარაუდო მიზეზად, ეჭვიანობა სახელდება.ბრალდებული სამართალდამცველებმა ცხელ კვალზე დააკავეს. დანაშაულის ჩადენის იარაღი - სანადირო თოფი ნივთმტკიცებად ამოიღეს.გამოძიება სისხლის სამართლის კოდექსის 11 პრიმა 19-109-ე მუხლის „კ“ და „ლ“ ქვეპუნქტებით მიმდინარეობს.დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

1761685660

გომბორის უღელტეხილის მიმდებარე ტყეში ხანძარია

გომბორის უღელტეხილის მიმდებარე ტყეში ხანძარია.წინასწარი ინფორმაციით, ცეცხლი  ტყის ქვედა საფარს უკიდია.მეხანძრე-მაშველები ამ წუთებში, გომბორის უღელტეხილზე იმყოფებიან და  შემთხვევის ადგილზე მისვლას ცდილობენ.დასახლებულ პუნქტზე ცეცხლის გავრცელების საფრთხე,  ამ დროისთვის არ არსებობს.ხანძრის გაჩენის ზუსტი მიზეზი და მასშტაბი მოგვიანებით გახდება ცნობილი.

1761550948

ტრაგედია პოლონეთში - ავარიას ორი ქართველი ემსხვერპლა

პოლონეთში ავტოსაგზაო შემთხვევას ორი ქართველი ემიგრანტი ემსხვერპლა.ავტოსაგზაო შემთხვევა 2 დღის წინ მოხდა. პოლონური მედიის ცნობით, დაღუპულები 29 და 35 წლის ქართველი კაცები არიან.ახალგაზრდები ოპელის ტიპის მსუბუქი ავტომობილით გადაადგილდებოდნენ. შეჯახება კი ავტომაგისტრალზე მოხდა, რომელიც იმდენად ძლიერი აღმოჩნდა, რომ ორივე მათგანი ადგილზე დაიღუპა.ერთ-ერთი დაღუპულის ოჯახის წევრების თქმით, ისინი ამჟამად პოლონეთში საქართველოს საკონსულოსთან ერთად, გარდაცვლილების გადმოსვენების პროცედურების მოგვარებას ცდილობენ.

1761421410

35 წლამდე კაცი ტყეში გარდაცვლილი იპოვეს

ლაგოდეხის მუნიციპალიტეტში, 35 წლამდე ასაკის კაცი ტყეში გარდაცვლილი იპოვეს.ადგილობრივების ინფორმაციით, მამაკაცს ოჯახის წევრები და მეზობლები რამდენიმე საათის განმავლობაში ეძებდნენ.გარდაცვლილს მას შემდეგ მიაკვლიეს, რაც ტყის განაპირას მისი ავტომობილი შენიშნეს.ადგილზე გამოძახებულმა სამართალდამცველებმა ცხედარი ექსპერტიზის ბიუროში გადაასვენეს, სადაცმამაკაცის გარდაცვალების რეალური მიზეზი უნდა დადგინდეს.შინაგან საქმეთა სამინისტროს ინფორმაციით, გამოძიება მომხდარ ფაქტზე სისხლის სამართლის კოდექსის 115-ე, თვითმკვლელობამდე მიყვანის მუხლით მიმდინარეობს.

1761323115

68 წლის კაცი, რომელიც ახმეტაში დაჭრეს კლინიკაში გარდაიცვალა

ახმეტის მუნიციპალიტეტში ცეცხლსასროლი იარაღით დაჭრილი 68 წლის კაცი გარდაიცვალა.მაუგლი მაისურაძე მუცლის არეში მიღებული დაზიანებებით ორ კვირაზე მეტი საავადმყოფოში მკურნალობდა, თუმცა სიცოცხლისთვის შეუთავსებელი დაჭრის ფაქტი ახმეტის მუნიციპალიტეტის სოფელ ზემო ხოდაშენში 12 ოქტომბერს მოხდა.68 წლის კაცს საკუთარ  საცხოვრებელ  სახლში, ჯერჯერობით დაუდგენელმა პირმა  ესროლა.რა გახდა სროლის მიზეზი ამ დრომდე უცნობია.ადგილობრივები ვარაუდობენ, რომ მომხდარი შესაძლოა შურისძიებას უკავშირდებოდეს.გამოძიება სისხლის სამართლის კოდექსის 19.108 მუხლით მიმდინარეობს, თუმცა, დაჭრილის გარდაცვალების გამო, დანაშაულის კვალიფიკაცია, სავარაუდოდ, შეიცვლება.

1761207107

კახეთში, სოკოთი მოწამვლით ადამიანი გარდაიცვალა

კახეთში სოკოთი მოწამვლით ერთი ადამიანი გარდაიცვალა. პაციენტი მძიმე ინტოქსიკაციით თელავის რეფერალურ ჰოსპიტალში იყო მოთავსებული, თუმცა ექიმებმა მისი გადარჩენა ვერ შეძლეს.სტაბილურად მძიმეა გარდაცვლილის მეუღლის ჯანმრთელობის მდგომარეობაც. ის მკურნალობის კურსს ინტენსიური თერაპიის განყოფილებაში გადის.თელავის რეფერალური ჰოსპიტალის მონაცემებით, ბოლო ათი დღის განმავლობაში, სოკოს ინტოქსიკაციით საავადმყოფოში 20-მდე მოქალაქე მოხვდა.

1761153036

კაცს მანქანა დაეჯახა - მსხვერპლით დასრულდა ავტოსაგზაო შემთხვევა საგარეჯოში

საგარეჯო - თბილისის მაგისტრალზე მომხდარ ავარიას 80 წლამდე ასაკის კაცი ემსხვერპლა.ადგილობრივების ინფორმაციით, ქვეითად მოსიარულე მამაკაცი საგარეჯოს საავადმყოფოსთან გზის გადაკვეთას ცდილობდა, რა დროსაც სამარშრუტო ავტომანქანა დაეჯახა. შეჯახება იმდენად ძლიერი აღმოჩნდა, რომ მიღებული დაზიანებებით ხანდაზმული ადგილზე გარდაიცვალა. გარდაცვლილი საგარეჯოს მუნიციპალიტეტის სოფელ კაკაბეთის მკვიდრია. პერიმეტრზე სამართალდამცველები იყვნენ მობილიზებული.ფაქტზე გამოძიება სისხლის სამართლის კოდექსის 276- ე მუხლის მე-6- ე ნაწილით დაიწყო.  

1761076740

გურჯაანი-ბაკურციხის გზაზე გარდაცვლილი ახალგაზრდის ვინაობა ცნობილია

გურჯაანი-ბაკურციხის შემოვლით გზაზე გარდაცვლილი ახალგაზრდის ვინაობა ცნობილია.მამაკაცი გურჯაანის მუნიციპალიტეტის სოფელ კარდენახის მკვიდრი, 32 წლის ვალერი მათიაშვილია.ადგილობრივების ინფორმაციით, ახალგაზრდა კაცი წლებია სოფელში სამეურნეო საქმიანობით იყო დაკავებული.ვალერი მათიაშვილი სახლიდან გუშინ, სავარაუდოდ, სავარჯიშოდ გავიდა და აღარ დაბრუნდა.ოჯახმა მათიაშვილის ავტომობილს გურჯაანი-ბაკურციხის შემოვლით გზაზე მიაგნო, სადაც მოგვიანებით, ცხედარიც იპოვეს. ვარაუდობენ, რომ ახალგაზრდა კაცს ავტომობილი დაეჯახა და მძღოლი ადგილიდან მიიმალა.შინაგან საქმეთა სამინისტროს განმარტებით, გამოძიება მომხდარ ფაქტზე სისხლის სამართლის კოდექსის 276- ე მუხლით დაიწყო.