აკაკი ჯინჭარაძე პარაძალოსნობის მსოფლიოს ჩემპიონატის ბრინჯაოს პრიზიორი და ევროპის რეკორდსმენია

ეგვიპტის დედაქალაქ კაიროში პარაძალოსნობის მსოფლიოს ჩემპიონატი მიმდინარეობს.

ქართველმა პარასპორტსმენმა აკაკი ჯინჭარაძემ (+107 კგ) ინდივიდუალურ ასპარეზობაში 250 კილოგრამი დაძლია, რითაც ჩემპიონატის ბრინჯაოს პრიზიორი და ევროპის რეკორდსმენი გახდა, სამი მისვლის ჯამში კი 737 კგ დააგროვა და ვერცხლის მედალი მოიპოვა.

ქართველი პარაძალოსნები ტურნირზე საქართველოს სპორტის სამინისტროს მხარდაჭერით იმყოფებიან.

ინფორმაციას სპორტის სამინისტრო ავრცელებს.