ჰარი სტაილსი და ზოი კრავიცი ქორწინდებიან

მომღერალი ჰარი სტაილსი და მსახიობი ზოი კრავიცი რვათვიანი ურთიერთობის შემდეგ ქორწინდებიან.

გამოცემა PEOPLE-ის წყარო ადასტურებს, რომ 32 წლის სტაილსმა და 37 წლის კრავიცმა ნიშნობის შესახებ ინფორმაცია „ვიწრო წრეს“ უკვე გაუზიარეს. გავრცელებული ცნობით, მსახიობს თავისი ნიშნობის ბეჭედი ძალიან მოსწონს.

წყვილმა ურთიერთობა 2025 წელს დაიწყო. ხმები ნიშნობის შესახებ მას შემდეგ გავრცელდა, რაც ქსელში გამოჩნდა ფოტოები, სადაც ჰარისთან ერთად მოსეირნე ზოის თითზე ბეჭედი უბრწყინავს.