ხაბეიშვილი

გია ვოლსკი: საკანი ის ადგილია, რომელსაც ზოგიერთმა ოპოზიციონერმა თავი შეაფარა იმ პასუხისმგებლობის არიდებისთვის, რაც 4 ოქტომბერს დააანონსეს

ელენე ხოშტარიას რუსეთის ბიუჯეტიდან ისეთი რაოდენობის რუბლი ჩამოუვიდა, ამას რაღაც გამართლება უნდა მისცეს და ევროპისთვის „თავგანწირული ბრძოლა“ აჩვენოს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, საკანი ის ადგილია, რომელსაც ზოგიერთმა ოპოზიციონერმა თავი შეაფარა იმ პასუხისმგებლობის არიდებისთვის, რაც 4 ოქტომბერს დააანონსეს.„ელენე ხოშტარიას რუსეთის ბიუჯეტიდან ისეთი რაოდენობის რუბლები ჩამოუვიდა, ამას რაღაც გამართლება უნდა მისცეს და ევროპისთვის „თავგანწირული ბრძოლა“ უნდა აჩვენოს. საკანი ის ადგილია, რომელსაც ზოგიერთმა ოპოზიციონერმა თავი შეაფარა იმ პასუხისმგებლობის არიდებისთვის, რაც 4 ოქტომბერს დააანონსეს, რომ რევოლუცია უნდა მოხდეს, პაატა ბურჭულაძე და ლევან ხაბეიშვილი კი ქვეყნის მეთაურები უნდა გახდნენ. რასაკვირველია, ამას გარკვეული ნაბიჯის გადადგმა სჭირდებოდა, რომელიც ერთი მიმართულებით გადაიდგა. ეს თვითდაზიანება და თვითდაპატიმრებაა, რაც ადრეც მოხდა, როცა იმ ადამიანებმა პოლიტიკურ ქოლგას შეაფარეს თავი, ვინც თაღლითობა ჩაიდინა. კანონს ეწინააღმდეგებიან და სისხლის სამართლის დანაშაულს სჩადიან. დიდი მიზანია, რომ როგორმე, უცხოეთიდან კრიტიკა იყოს, რომ ქუჩაში ადამიანები გამოიყვანონ და სისხლისღვრა გამართონ, რაც უკრაინაში მოხდა. ამას არც მალავენ. მათი მიზანია, მარიონეტული ხელისუფლება ჰყავდეთ, რომელიც ყველა დავალებას შეასრულებს“, – განაცხადა გია ვოლსკიმ.

პოლიტიკა • 1758122220

პრემიერი: ლევან ხაბეიშვილის დაპირება იყო კონკრეტული ქრთამის დაპირება სახელმწიფოს წინააღმდეგ დაპირისპირების სანაცვლოდ, ეს არის ძალიან ცხადი დანაშუალის ნიშნების შემცველი, დანარჩენს დაადგენს სასამართლო

ლევან ხაბეიშვილის დაპირება იყო კონკრეტული ქრთამის დაპირება სახელმწიფოს წინააღმდეგ დაპირისპირების სანაცვლოდ, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.როგორც მთავრობის მეთაურმა აღნიშნა, ხაბეიშვილის ქმედება ძალიან ცხადი დანაშუალის ნიშნების შემცველი იყო.„ძალიან კონკრეტული შემადგენლობა აქვს მის დაპირებას, ქრთამის დაპირება იმის სანაცვლოდ, რომ კონკრეტულმა პირმა, ძალოვანი უწყების წარმომადგენელმა გადადგას ნაბიჯი სისტემის წინააღმდეგ, სახელმწიფოს წინააღმდეგ. ეს არის ძალიან ცხადი დანაშუალის ნიშნების შემცველი, დანარჩენს დაადგენს სასამართლო“, - განაცხადა ირაკლი კობახიძემ.

პოლიტიკა • 1758103941

ირაკლი ქადაგიშვილი: კანონი ხაბეიშვილის გამო არავის გადაუკეთებია, როგორც სხვა პატიმარს აქვს უფლებები, ისეთივე აქვს ხაბეიშვილსაც, მაგრამ ახლა სპეკულაციებია, რომ თუ კლოუნი იყო, მასზე კანონი რატომ მოქმედებსო

კანონით არის განსაზღვრული, ვის რამდენი პაემანი ეკუთვნის, რამდენი სატელეფონო ზარი და ა.შ. კანონი ხაბეიშვილს რომ შეეხო, თურმე, არ უნდა შეხებოდა, არგუმენტია ის, რომ თურმე, თქვენ ხაბეიშვილს არასერიოზულ პირად მოიხსენიებდით და კანონი რატომ შეახეთო, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.მისი თქმით, კანონი არასერიოზულსაც და სერიოზულსაც თანაბრად ეხება.„პარტია რასაც ამბობს, ტყუილია. კანონი ხაბეიშვილის გამო არავის გადაუკეთებია. როგორც სხვა პატიმარს აქვს უფლებები, ისეთივე აქვს ხაბეიშვილსაც, მაგრამ ახლა სპეკულაციებია, რომ თუ კლოუნი იყო, მასზე კანონი რატომ მოქმედებსო? – იმოქმედებს, გინდათ, კლოუნი იყოს და გინდათ, ფილოსოფოსი“, – განაცხადა ქადაგიშვილმა.

პოლიტიკა • 1758094751

გიორგი ბოტკოველი: მოსალოდნელი იყო, რომ ხაბეიშვილს აუკრძალავდნენ კომუნიკაციას გარე სამყაროსთან, ხედავდნენ, როგორი თავდადებული იყო, ციხის კედლებიდანაც ასე გააგრძელებს

ლევან ხაბეიშვილის იზოლაცია იყო მოსალოდნელი, რადგან ხელისუფლებას ეშინია 4 ოქტომბრის და ქართველი ხალხის ძალის, – ამის შესახებ „ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.როგორც გიორგი ბოტკოველმა აღნიშნა, „ქართველი ხალხი აუცილებლად გამოუტანს განაჩენს რუსულ რეჟიმს“.„ჩვენ მთელი პერიოდის განმავლობაში, ვიდრე ლევანს დააკავებდნენ, ვხედავდით ე.წ. ხელისუფლების წარმომადგენლების მხრიდან ღლიცინს, თითქოს ლევანს არაფერი შეუძლია, არაფერი შეუძლია ოპერაციას, მაგრამ აღმოჩნდა, რომ მათ ძალიან დიდი შიში აქვთ ამ ყველაფრის და ძალიან ეშინიათ 4 ოქტომბრის. მოსალოდნელიც იყო, ნამდვილად არ იყო მოულოდნელი, რომ ლევან ხაბეიშვილს აუკრძალავდნენ კომუნიკაციას გარე სამყაროსთან, რადგან მთელი ამ პერიოდის განმავლობაში საკმაოდ დიდი მხარდაჭერა მოიპოვა და ხედავდნენ ადამიანები, როგორი აქტიური, როგორი თავდადებული იყო. დარწმუნებული ვარ, ვიდრე ის გათავისუფლდება, ციხის კედლებიდანაც ასე გააგრძელებს.რაც შეეხება მოწმეებზე ზემოქმედებას, ანუ წერილებს მისწერს გდდ-ს თანამშრომლებს, თუ რანაირად შეიძლება მოწმეებზე ზემოქმედება? მოწმე არის გდდ-ს სამი თანამშრომელი, რომლებმაც მოიგონეს რაღაც აბსურდული, თითქოს მათ შეურაცხმყოფლად მიიღეს ის ყველაფერი, რაზეც ლევანი საუბრობდა. მათი მხრიდან ეს არის აბსურდული, მაგრამ ერთი მხრივ გამიზნული, რადგან ეშინიათ 4 ოქტომბრის, ეშინიათ ლევან ხაბეიშვილის და რაც მთავარია, ეშინიათ ქართველი ხალხის, რომელიც, დარწმუნებული ვარ, აუცილებლად გამოუტანს განაჩენს რუსულ რეჟიმს“, – განაცხადა გიორგი ბოტკოველმა.

პოლიტიკა • 1758013206

ლევან მახაშვილი: ფაქტია, რომ ლევან ხაბეიშვილი საზოგადოებას ხელისუფლების დამხობისკენ მოუწოდებდა, როგორი მცდელობაც არ უნდა იყოს, პასუხისმგებლობას ვერ გაექცევა

რაც არ უნდა ლამაზ სიტყვებს ამოეფარონ და საკუთარი განცხადებების გამართლება სცადონ, ფაქტია, ლევან ხაბეიშვილი საზოგადოებას ხელისუფლების დამხობისკენ მოუწოდებდა, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა განაცხადა.მისი თქმით, თავის მართლების მცდელობას ყველამ თავი დაანებოს, როგორი მცდელობაც არ უნდა იყოს, რომ ეს ადამიანი პასუხისმგებლობას გაექცეს, ვერ გაექცევა.„რაც არ უნდა ლამაზ სიტყვებს ამოეფარონ და საკუთარი განცხადებების გამართლება სცადონ, ფაქტია, ლევან ხაბეიშვილი საზოგადოებას ხელისუფლების დამხობისკენ მოუწოდებდა. რა არის ხელისუფლების დამხობა, რა შედეგები მოიტანა ხელისუფლების დამხობამ, ეს საქართველომ 90-იან წლებში საკუთარ ტყავზე კარგად იხილა. თავის მართლების მცდელობას ყველამ თავი დაანებოს. როგორი მცდელობაც არ უნდა იყოს, რომ ეს ადამიანი პასუხისმგებლობას გაექცეს, ვერ გაექცევა. რა მტკიცებულებები აქვს ბრალდების მხარეს, ამას საზოგადოება სასამართლოში ნახავს, მაგრამ იმაზე საუბარი, რომ ხაბეიშვილი პოლიტიკურ განცხადებებს აკეთებდა, ტყუილია. პოლიტიკოსობა პასუსისმგებლობის თავიდან არიდებას და ინდულგენციას არ ნიშნავს, რომ დანაშაულის ჩადენა არ ეხება. პირიქით, როგორც პოლიტიკოსს მეტი პასუხისმგებლობა აქვს, ფრთხილი განცხადებები გააკეთოს, რადგან ამ ქვეყანას არეულობა, დაპირისპირება ახსოვს. ამ თემას არავინ უნდა ეთამაშოს, როცა კანონი ასე ღიად ირღვევა“, – განაცხადა ლევან მახაშვილმა.

პოლიტიკა • 1758008828

გიორგი ბარამიძე: მხოლოდ სიტყვას - „დამხობას“ თუ ვიხმართ, ამაში ძალადობრივი მოქმედება იგულისხმება, თუ დავაყოლებთ წინ „არაძალადობრივი, მშვიდობიანი დამხობა“, ეს აღარ მოიცავს სისხლის სამართლის კოდექსში განსაზღვრულ დანაშაულებრივ ქმედებას

„ნაციონალური მოძრაობის“ პოლიტიკური მდივანი გიორგი ბარამიძე აცხადებს, რომ „არაძალადობრივი, მშვიდობიანი დამხობა“ აღარ მოიცავს სისხლის სამართლის კოდექსში განსაზღვრულ დანაშაულებრივ ქმედებას, რის გამოც მათი თანაპარტიელი ლევან ხაბეიშვილია დაკავებული.„მშვიდობიან რევოლუციას მოვაწყობთ. მხოლოდ ერთ სიტყვას - „დამხობას“ თუ ვიხმართ, ამაში ძალადობრივი მოქმედება იგულისხმება, თუ ამას დავაყოლებთ წინ, რომ „არაძალადობრივი, მშვიდობიანი დამხობა“, ეს უკვე ბუნებრივია აღარ მოიცავს სისხლის სამართლის კოდექსში განსაზღვრულ იმ [დანაშულებრივ ქმედებას] პუნქტს, რასაც მიუთითებთ“, - აღნიშნა ბარამიძემ.

პოლიტიკა • 1757999769

არჩევნებში მონაწილე ოპოზიციონერებისა და რადიკალების შანსები ნულის ტოლფასია - ზურაბ რურუა

რა გეგმა აქვს ოპოზიციას 4 ოქტომბრის არჩევნებისთვის - მიუხედავად ლიდერების სიმცირისა, "ნაციონალური მოძრაობა" არჩევნების დღეს რევოლუციას გეგმავს. ოპოზიციური პარტია არა მარტო მმართველ პარტიას, არამედ არჩევნებში მონაწილე სხვა პარტიებსაც უპირისპირდება. მთავარი მოწოდების გავრცელებას ლევან ხაბეიშვილი ციხიდან გეგმავს, მის თანაგუნდელებს კი გამარჯვების მოპოვების გზად რუსთაველზე დგომა მიაჩნიათ.მმართველ პარტიაში აცხადებენ, რომ ნებისმიერი რევოლუციური სცენარი, რომელიც ოპოზიციამ შესაძლოა დაგეგმოს, ფუჭია, რადგან არ მისცემენ დესტაბილიზაციის საქმე."რევოლუცია და ასეთი დამოკიდებულება - არჩევნებში ხელის შეშლა... ეს ძალიან ფუჭი ქმედებაა მათი მხრიდან იმიტომ, რომ ამით ვერანაირად ვერ დააზიანებენ ვერც "ქართული ოცნების" წინასაარჩევნო კამპანიას და ვერც ქართველი ხალხის მოლოდინს, თუ რა უნდა იყოს არჩევნების შედეგი. ამიტომ, მე შევაფასებდი მათ შანსებს როგორც არჩევნებში მონაწილე ოპოზიციონერების, ასევე რადიკალების, ნულის ტოლფასად", - აცხადებს პარლამენტის სპორტის კომიტეტის თავმჯდომარის მოადგილე ზურაბ რურუა.

პოლიტიკა • 1757961422

„მეც და ჩემი კოლეგებიც ვიმეორებთ იმავეს, ყველა მიიღებს 200 000 დოლარს... რატომ დაიჭირეს ლევან ხაბეიშვილი და რატომ არ დაგვიჭირეს ჩვენ“ - ირაკლი ნადირაძე

„ერთიანობა - ნაციონალური მოძრაობის“ პოლიტიკური საბჭოს წევრის, ირაკლი ნადირაძის განცხადებით, ლევან ხაბეიშვილი დაკავებულია შეთითხნილი ბრალდებით, პოლიტიკური ნიშნით.როგორც ნადირაძემ „ღამის კურიერის" ეთერში განმარტა, ისინი სწორედ იმ განცხადებას იმეორებენ, რის გამოც ლევან ხაბეიშვილი დააკავეს, თუმცა დაკავებული მხოლოდ ხაბეიშვილია.„ხაბეიშვილი, ჩვენი აზრით და არა მარტიო ჩვენი აზრით, დაკავებულია თავიდან ბოლომდე შეთითხნილი ბრალდებით, პოლიტიკური ნიშნით. რატომ ვფიქრობთ ამას? როდესაც ლევან ხაბეიშვილმა გააკეთა განცხადება, რომ ყველა სპეცრაზმელს სთავაზობს 200 000 დოლარს, ვინც არ იძალადებს, უკანონო დავალებას არ შეასრულებს, არ დაასახიჩრებს, თვალებს არ დათხრის და ა.შ. როდესაც მე, ჩვენი კოლეგები და ჩვენი პარტიის ლიდერები ვიმეორებთ იმავეს, თქვენს გადაცემაშიც იმავეს ვიმეორებთ, დიახ მეც და ჩემი კოლეგებიც, რაც ლევანმა გაიმეორა, თავიდან ბოლომდე ვიმეორებთ იმავეს, ვუერთდებით. ყველა კეთილსინდისიერი სპეცრაზმელი, პოლიციელი, ვინც არ შეასრულებს უკანონო დავალებას, ვინც არ იძალადებს, ადამიანებს არ დაასახიჩრებს, წიხლებს არ ურტყამს, უკანონოდ არ დააკავებს, ყველა მიიღებს 200 000 დოლარს. ამ განცხადებას ჩვენ ხაბეიშვილის დაკავების პირველივე დღიდან ვაკეთებთ. რატომ დაიჭირეს ლევან ხაბეიშვილი და რატომ არ დაგვიჭირეს ჩვენ? იმიტომ, რომ მათი ტკივილი იყო ლევან ხაბეიშვილი“, - განაცხადა ირაკლი ნადირაძემ.

პოლიტიკა • 1757952000

ძალიან შეაჩვიეს ენა საზოგადოებას, სულ საუბარია რადიკალიზმზე, დამხობაზე, გადაწვაზე, კანონი უნდა მუშაობდეს მთელი სიმკაცრით, მხოლოდ ამ შემთხვევაში შეიძლება იყოს დაცული ჩვენი ეროვნული ინტერესები - ირაკლი კობახიძე ოპოზიციაზე

დამხობა არ არსებობს მშვიდობიანი და არამშვიდობიანი, არის ორი მიმართულებით საქმე აღძრული, როგორც დამხობის მიმართულებით, ასევე ქრთამის დაპირების მიმართულებით, დანარჩენი, ბუნებრივია, სასამართლოს საქმეა, - ამის შესახებ პრემიერ-მინისტრმა ირაკლი კობახიძემ ჟურნალისტის კითხვის პასუხად განაცხადა, რომელიც ლევან ხაბეიშვილისთვის წარდგენილ ბრალს შეეხებოდა.მთავრობის მეთაურის თქმით, მისთვის ცნობილია, თუ ვინ დაარქვა ხაბეიშვილს ანიტა და ვინ უხდიდა ჯერ 3 000 და შემდეგ 5 000 ლარს.„ძალიან შეაჩვიეს ენა საზოგადოებას, სულ საუბარია რადიკალიზმზე, დამხობაზე, გადაწვაზე და ა.შ. ათასი განცხადება გაკეთდა ამ დღეების განმავლობაშიც. აქაც პრაქტიკა უნდა იყოს იმისგან განსხვავებული, რაც იყო 3-4 წლის წინ. კანონი უნდა მუშაობდეს საქართველოში მთელი სიმკაცრით, მხოლოდ ამ შემთხვევაში შეიძლება იყოს დაცული ბოლომდე ჩვენი ეროვნული ინტერესები. მე ყველას ვპირდები, რომ როგორც სხვა მიმართულებებით გავამკაცრეთ კანონის მოქმედება, ეს ეხება კორუფციას, ორგანიზებულ დანაშაულს, თუ ნარკოტიკულ დანაშაულს, ძალიან მკაცრი მიდგომები გვექნება პოლიტიკურად მოტივირებულ დანაშაულთან დაკავშირებითაც. ყველა მიმართულებით გვექნება უფრო მკაცრი მიდგომები კანონის აღსრულების ნაწილში, ვიდრე ეს იყო წარსულში. რა თქმა უნდა, ეს არ აწყობს ნარკომანებს, ნაცებს, ორგანიზებულ დამნაშავეებს, მაგრამ ეს აწყობს საზოგადოებას,“- განაცხადა პრემიერმა.

პოლიტიკა • 1757947500

„მიმდინარეობს შეჯიბრი ვინ უფრო მეტი ექსტრემისტია - გედი ფოფხაძე, ელენე ხოშტარია თუ ლევან ხაბეიშვილი, ამ შეჯიბრში გედი და ლევანი გაიჭრნენ წინ და ახლა ელენე ხოშტარიას უნდა, წამოეწიოს“ - გია ვოლსკი

"მიმდინარეობს შეჯიბრება, ვინ უფრო მეტი ექსტრემისტია - გედი ფოფხაძე, ელენე ხოშტარია თუ ლევან ხაბეიშვილი. ამ შეჯიბრებაში გედი და ლევანი გაიჭრნენ წინ და ახლა ელენეს უნდა, წამოეწიოს," - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა.ვოლსკის შეფასებით, ელენე ხოშტარიას მიმართ გარკვეული ეჭვები არსებობს."ხოშტარიას გირაოს გადახდა არ გაუჭირდება, რადგან თუ ვინმე ვინმეს აფინანსებს და მხარს უჭერს, ეს რუსეთი და ხოშტარიას ოჯახია. ყოველთვიურად უშველებელი თანხები შემოდის. აქედან გამომდინარე, მის მიმართ გარკვეული ეჭვები ჩნდება და ვფიქრობ, ეს ეჭვები საზღვარგარეთაც არსებობს. განსაკუთრებით, იმ საზოგადოებაში, რომელიც ჩვენ გვიპირისპირდება, მათთვის დასამტკიცებლად, რომ იგი თანხებს იღებს, მაგრამ იღებს იმისთვის, რომ ტანკი არ გამოუშვან რუსებმა, როგორც მამამისმა განმარტა," - აღნიშნა გიორგი ვოლსკიმ.ელენე ხოშტარია პოლიციის განყოფილებიდან წინასწარი დაკავების იზოლატორში გადაიყვანეს. "კოალიცია ცვლილებისთვის" ერთ-ერთ ლიდერი სამართალდამცველებმა ვერაზე, საკუთარ სახლთან დააკავეს. მას კახა კალაძის საარჩევნო ბანერის დაზიანებას ედავებიან.

პოლიტიკა • 1757938290

ხაბეიშვილი პატარა ჭანჭიკია, რომელსაც გარე ძალებისგან ჰქონდა დავალებული, საზოგადოებაზე გარკვეული ზეწოლა მოეხდინა და შეეგუებინა, თითქოს 4 ოქტომბერს რადიკალები რაღაცას აპირებენ - დავით მათიკაშვილი

"ლევან ხაბეიშვილი ამ ყველაფერში არის ერთი პატარა ჭანჭიკი, რომელსაც ჰქონდა დავალებული გარე ძალებიდან, მოეხდინა საზოგადოებაზე გარკვეული ზეწოლა, შეეგუებინა საზოგადოება იმისთვის, რომ თითქოს 4 ოქტომბერს რადიკალები რაღაცას აპირებენ," - ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.როგორც მან აღნიშნა, ხაბეიშვილმა დანაშაული ჩაიდინა და მისთვის პოლიტიკოსის მანტია ინდულგენცია ვერ იქნება. ამასთან, დავით მათიკაშვილმა 4 ოქტომბრისთვის დაგეგმილ ოპოზიციის რადიკალურ გეგმებზეც ისაუბრა."ხაბეიშვილი არის ერთი ჭანჭიკი იმ მთლიან სქემაში, რომელსაც ჰქვია ჩვენს ქვეყანაში რევოლუციური გზით, ხელისუფლების შეცვლა, ლეგიტიმური ხელისუფლების დამხობა, აგენტურის მოყვანა ხელისუფლებაში, რევანში იმ ძალებისა, რომელმაც უფსკრულის პირას დააყენეს საქართველო 2012 წლამდე. ლევან ხაბეიშვილი ამ ყველაფერში არის ერთი პატარა ჭანჭიკი, რომელსაც ჰქონდა დავალებული გარე ძალებიდან, მოეხდინა საზოგადოებაზე გარკვეული ზეწოლა, შეეგუებინა საზოგადოება იმისთვის, რომ თითქოს 4 ოქტომბერს რადიკალები რაღაცას აპირებენ და ამით გამოეწვია პოზიტიური შედეგი. პრაქტიკულად ეს ყველაფერი არის შეუძლებელი, არის უსუსტესი რადიკალური ოპოზიცია, არის უსუსტესი ის ღერძი და ხაზი, სადაც ლევან ხაბეიშვილია და ის, რაც მან პირდაპირ ეთერში საზოგადოების გასაგონად გააკეთა არაერთგზის არის დანაშაული და დანაშაულის ჩადენის გამო, ბუნებრივია, ყველა ისჯება. არც ხაბეიშვილი არის წარმოადგენს გამონაკლისს. მისთვის პოლიტიკოსის მანტია ვერაფრით ვერ იქნება რაიმე ფორმით ინდულგენცია," - აღნიშნა მათიკაშვილმა.

პოლიტიკა • 1757910909

დავით მათიკაშვილი: არანაირი მშვიდობიანი დამხობა არ არსებობს. ეს ძალიან კარგად იცის თვითონ ლევან ხაბეიშვილმა. არსებობს მხოლოდ ერთი რევოლუცია - ძალმომრეობითი

პარლამენტის საპროცედურო საკითხთა და წესების კომიტეტის თავმჯდომარე დავით მათიკაშვილი ხელისუფლების დამხობის ლევან ხაბეიშვილის ჩავარდნილ გეგმას გამოეხმაურა. მისი თქმით, მშვიდობიანი დამხობა არ არსებობს.„ხაბეიშვილის ქცევა პირდაპირ ჯდება იმ დისპოზიციასთან, რომელსაც სისხლის სამართლის კოდექსი გვეუბნება მისი საჯარო შეთავაზების თვალსაზრისით. არანაირი მშვიდობიანი დამხობა არ არსებობს. ეს ძალიან კარგად იცის თვითონ ლევან ხაბეიშვილმა. არსებობს მხოლოდ ერთი რევოლუცია - ძალმომრეობითი, ძალადობრივი რევოლუცია, ძალადობრივი დამხობა, რომლის უფლებაც საქართველოში არავის გააჩნია“, - აცხადებს მათიკაშვილი.ლევან ხაბეიშვილს, რომელიც სახელმწიფო უსაფრთხოების სამსახურმა ქრთამის სახით მოხელეებისთვის ფულადი თანხების საჯარო დაპირების ბრალდებით დააკავა, აღკვეთის ღონისძიების სახით პატიმრობა შეეფარდა.