პოლიტიკა • 1746277456

"ზოგი ფიქრობს, რომ არჩევნებზე გასვლა ამ მონაცემებით არ არის კარგი, ჯობია გარეთ იყვნენ და ლევან ხაბეიშვილის გაჰყვნენ ამ ბრძოლაში" - გია ვოლსკი თვითმმართველობის არჩევნებზე

თვითმმართველობის არჩევნებში მონაწილეობის საკითხი ოპოზიციაში ისევ დაპირისპირების მიზეზია. საკითხთან დაკავშირებით საუბრობენ მმართველ გუნდში.პარლამენტის თავმჯდომარის პირველი მოადგილის, გია ვოლსკის განცხადებით, ქართველი ხალხი ორი არჩევანის წინაშე დგას, ერთი არის სტაბილურობა, რომელიც "ქართული ოცნების" ხელისუფლებამ შექმნა და მეორე არის გაერთიანება, რომელიც არჩევნებში მონაწილეობით, თუ მის გარეშე, ფიქრობს რაც შეიძლება მეტი ზიანის მოუტანოს ქვეყანას."ერთ მხარეს არის ის ფაქტი, რაც უკვე შექმნა "ქართული ოცნების" ხელისუფლებამ, ეს არის სტაბილურობა და გადარჩენა ომის ქარ-ცეცხლისაგან.მეორე მხარეს არის ადამიანების გაერთიანება, რომლებიც ფიქრობენ, რომ არჩევნებში მონაწილეობით თუ მონაწილეობის გარეშე, როგორმე უფრო მეტი ზიანი მიადგეს ქვეყანას, რაც მთავარია მოემსახურონ სხვა ძალებს, რომელთაც არ აინტერესებთ საქართველოში ნგრევა იქნება, თუ შენება. ამ არჩევანის წინაშე დგას ხალხი.ზოგი ფიქრობს, რომ არჩევნებზე გასვლა ამ მონაცემებით არ არის კარგი, ჯობია გარეთ იყვნენ და ლევან ხაბეიშვილის გაჰყვნენ ამ ბრძოლაში, ფიზიკურ დაპირისპირებაში, ვიდრე კოალიციაზე ილაპარაკონ, რომელიც რეალურად არ არსებობს და თაღლითების გარდა, ამ გაერთიანებაში არავინ არ არის. თაღლითობაშიც და მავნებლობაშიც ეჯიბრებიან ერთმანეთს", - განაცხადა გია ვოლსკიმ.

პოლიტიკა • 1746254041

დავით ქართველიშვილი ლევან ხაბეიშვილის განცხადებაზე: გვიხაროდენ! ქვეყანაში ამ ეტაპზე, ყველაზე დიდი „საფრთხე“ - Lee Van Der Khabe-ს დაანონსებული „ბრძოლაა“, სადაც „სიტყვა ბრძოლა ნიშნავს ბრძოლას“

პარტია „ხალხის ძალის“ წევრი დავით ქართველიშვილი „ნაცმოძრაობის“ ერთ-ერთი ლიდერის, ლევან ხაბეიშვილის მიერ მედიაში გაკეთებულ განცხადებას „თავზე ხელი უნდა ავიღოთ - დედაქალაქშიც გენერალური ბრძოლისთვის ვართ მოსამზადებელი. სიტყვა ბრძოლა ნიშნავს ბრძოლას“ სოციალური ქსელით ეხმიანება.ექსპერტის თქმით, ქართველებს უნდა უხაროდეთ, რომ ახლა ქვეყანაში ყველაზე დიდი „საფრთხე“ ლევან ხაბეიშვილის დაანონსებული „ბრძოლაა“.„ახლა Lee Van Der Khabe-ს პიარში არ ჩამომართვათ - რატომ დავდე ეს "გენიალური" მოწოდება. კონტრასტის გამო. დღეს წავიკითხე - თბილისმა „საბოლოოდ“ დაკარგა სამხრეთ კავკასიის ცენტრის ფუნქცია, რომელიც ბაქომ აითვისა. და აი რატომო: მიუხედავად „ანტიდემოკრატიული“ აზერბაიჯანისა, მას მაინც სტუმრობს მაღალფარდოვანი სიტყვებით ევროკომისარი; სირიაზე (თურქეთის პროქსი-გავლენის ზონაზე) მორიგი ავიადარტყმების მიყენების შემდეგ - ბაქოში თურქეთის საჰაერო სივრცის (!) გამოყენებით 5-დღიანი (!!) ვიზიტით ჩადის ნეთანიაჰუ; ამის შემდეგ ბაქოში ჩადის ერდოღანი; და 9 მაისს პუტინთან ჩადის ალიევი - და სად არისო ამ ყველაფრის ფონზე თბილისი.ამ ყველაფრის ფონზე „თბილისი“ მაგონებს გაზის „პლიტასთან“ მყოფ პატარა ბავშვს, რომელსაც მზრუნველმა მშობლებმა ასანთი წაართვეს და იმის მაგივრად, რომ უხაროდეს - რატომღაც სიმწრის ცრემლები მოსდის. გვიხაროდენ! რომ ჩემს მიერ ჩამოთვლილ მოვლენებისგან ამ ეტაპზე (ყოველ შემთხვევაში) რაც შეიძლება შორს ვართ. გვიხაროდენ! რომ კარგ „ჯიგრულ“ ომს თუ დაძაბულობას - „ცუდი“ მშვიდობა გვირჩევნია. და მესამედაც - გვიხაროდენ! რომ ამ ეტაპზე, ყველაზე დიდი „საფრთხე“ - Lee Van Der Khabe-ს დაანონსებული „ბრძოლაა“, სადაც „სიტყვა ბრძოლა ნიშნავს ბრძოლას“. ჩვენ კიდევ: „ბრიუსელი - დამასკო - თელავივი - ბაქო - ანკარა - მოსკოვი“-ს ღერძის პარალელურად - თუ ამ „ბრძოლაში“ დავმარცხდით, მაშინ რა გითხრათ, რით გაგახაროთ...“ - წერს დავით ქართველიშვილი.

პოლიტიკა • 1746195000

ირაკლი ქადაგიშვილი: დაბეჯითებით მუშაობენ საქართველოში ფერადი რევოლუციის მოსაწყობად. არჩევნების გზით შედეგს ვერ მიაღწიეს და ცდილობენ, რომ რაიმე ფორმით არეულობა მოაწყონ. ხაბეიშვილის მუშტებზე ყურება, სწორედ გარე დაკვეთის რეფლექსია

ეს სცენარი გაშიფრული არის. უბრალოდ ამ სცენარს ასეთი იმპულსური გამოხტომები ახასიათებს ხოლმე. ეს არ არის საქართველოში მოფიქრებული სცენარი. ეს არის უცხოეთში მოფიქრებული სცენარი, რომელიც მეხუთე კოლონის ხელით აქ უნდა შესრულდეს ხოლმე, - ასე აფასებს „დღის ქრონიკასთან“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ირაკლი ქადაგიშვილი, „ნაციონალური მოძრაობის“ წევრის ლევან ხაბეიშვილის განცხადებას, რომელმაც ფიზიკური დაპირისპირების აუცილებლობასა და „ისეთი ადამიანების“ მობილიზაციაზე ისაუბრა, ვისაც მისი თქმით, „საჭიროების შემთხვევაში პოლიციელის დაჭერაც კი შეეძლება“.ირაკლი ქადაგიშვილის განცხადებით, ის, რომ რადიკალები მუდმივად განიხილავენ რევოლუციის სცენარს ახალი არ არის და არც ისაა სიახლე, რომ ოპოზიცია გარე ძალების მითითებებით მოქმედებს.მან მაგალითისთვის ამერიკელი კონგრესმენის ჯო უილსონის მრჩევლის და ჰელსინკის კომისიის შტაბის დირექტორის პოლ მასაროს განცხადება მოიყვანა. ცნობისთვის, რუსი პრანკერების მახეში გაბმულმა მასარომ ამერიკის საგარეო პოლიტიკის შესახებ ისაუბრა, ამ კონტექსტში საქართველო მოიხსენია და მწუხარება გამოთქვა იმის გამო, რომ USAID-ი და NED-ი საქართველოს და სხვა ქვეყნებს ტოვებენ. აღნიშნა, რომ ამ ორგანიზაციების წარმომადგენლები საქართველოში რადიკალურ მემარცხენე „ვოუქ იდეოლოგიას“ წარმატებით ავრცელებდნენ. პოლ მასარომ აღიარა, რომ თბილისში მიმდინარე საპროტესტო აქციების გზით ჯერ კიდევ ცდილობენ მაიდნის მოწყობას.ირაკლი ქადაგიშვილის თქმით, გარე ძალები განუწყვეტლივ მუშაობენ იმისთვის, რომ საქართველოში ფერადი რევოლუცია მოაწყონ და ამის გაკეთება „მეხუთე კოლონის ანუ „ნაცმოძრაობის“ ხელით სურთ.„ჩვენ ვნახეთ ჰელსინკის კომისიის უფროსი მრჩევლის განცხადება, რაც მან პრანკერებთან საუბარში დაადასტურა, რომ ისინი დაბეჯითებით მუშაობენ საქართველოში ფერადი რევოლუციის მოსაწყობად. საბოლოო ჯამში ეს არის მიზანი. არჩევნების გზით შედეგს ვერ მიაღწიეს და მას მერე ცდილობენ, რომ ამა თუ იმ ფორმით არეულობა და რევოლუცია მოაწყონ. ამიტომ ხაბეიშვილის მუშტებზე ყურება, სწორედ გარე დაკვეთის რეფლექსია.ზოგადად, რატომ არის ამ ხალხზე გაკეთებული აქცენტი ამ მიმართულებით? საგამოძიებო კომისიაში რაც ხდება, რასაც ჩვენ, ჩვენი მოქალაქეების ისტორიებს ვისმენთ ეს კიდევ ერთხელ გვარწმუნებს, რომ ეს კი არ იყო, რაღაც ერთეული შემთხვევა, ერთეული გადაცდომა ან თანამდებობის პირის დანაშაულებრივი ქმედება. ეს იყო მთელი სისტემა, რომელიც სჩადიოდა დანაშაულს. მერე ამ დანაშაულის კვალის დაფარვის და მისი პროპაგანდისტულად შეფუთვის მთელი მექანიზმით სახელმწიფო ინსტიტუტებს ამუშავებდნენ. ამ სისტემის შემადგენელი ნაწილის „ნაციონალური მოძრაობის“ გამოყენება ამ მიმართულებით გარე აქტორებისთვის აქტუალურია. გამომდინარე აქედან არის, რომ ოპოზიციაში დღეს არის შიდა შეუთანხმებლობა, მიუხედავად გარე დირექტივებისა“, - განაცხადა ირაკლი ქადაგიშვილმა.

პოლიტიკა • 1746188736

ლევან ხაბეიშვილი იმ პროპაგანდისტული შეძახილების ერთ-ერთი ნაწილია, რომელიც შინაარსობრივად, მათ იდეას, ხასიათს, პარტიულ გეგმებს ახასიათებს - გია ვოლსკი

ლევან ხაბეიშვილი ცდილობს, თავი გამოიჩინოს, სხვაზე უფრო ბრუტალური გახდეს. ფიზკულტურის გაკვეთილების დემონსტრირებაც და კრივში მეცადინეობაც იმიჯის შექმნას ემსახურება, რომ „ნაცმოძრაობის“ ერთ-ერთი ლიდერი სწორედ ისაა, ვინც რევოლუციის გზაზე ახალგაზრდობას გაუძღვება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, ლევან ხაბეიშვილი გარკვეულ თემებში პოპულარობით თავის თანამოაზრეებს ჩამორჩება.„ლევან ხაბეიშვილი ცდილობს, თავი გამოიჩინოს, სხვაზე უფრო ბრუტალური გახდეს. მისი მხრიდან ფიზკულტურის გაკვეთილების დემონსტრირებაც და კრივში მეცადინეობაც იმიჯის შექმნას ემსახურება, რომ „ნაცმოძრაობის“ ერთ-ერთი ლიდერი სწორედ ისაა, ვინც რევოლუციის გზაზე ახალგაზრდობას გაუძღვება. პირველი შემთხვევა არ არის, როცა ასეთ განცხადებებს აკეთებს. ლევან ხაბეიშვილი გარკვეულ თემებში პოპულარობით თავის თანამოაზრეებს ჩამორჩება, მაგრამ ასეთი განცხადებების კეთება მისთვის თავის გამოჩენაა. თუმცა ვითარებას ლევან ხაბეიშვილის განცხადებებით ვერ შევაფასებთ. მთლიანობაში, ასეთი მოწოდებები არა მხოლოდ მისგან კეთდება, არამედ კოლექტიური „ნაცმოძრაობისგან“. თბილისში, მიტინგებზე მათი მხარდაჭერებიც ვიხილეთ, სადაც პირდაპირ და ყოველგვარი ორაზროვნების გარეშე ახალგაზრდებს მოუწოდებდნენ, რომ თბილისში იგივე მოეწყოთ, რაც უკრაინაში მოხდა, ანუ „მაიდანიზაცია“. ლევან ხაბეიშვილი ერთ-ერთი ნაწილია იმ პროპაგანდისტული შეძახილების, რომელიც შინაარსობრივად მათ იდეას, ხასიათს, პარტიულ გეგმებს ახასიათებს“, – განაცხადა გია ვოლსკიმ.„ნაციონალური მოძრაობის“ წევრმა, ლევან ხაბეიშვილმა სოციალურ ქსელში დაწერა, რომ „ქართული ოცნების“ დღეები დათვლილია, „კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით, ამ შემთხვევაში უპირობოდ გავარღვევთ“.

პოლიტიკა • 1745922462

ამათი დღეები დათვლილია, კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით, ამ შემთხვევაში უპირობოდ გავარღვევთ - ხაბეიშვილი

ამათი დღეები დათვლილია. კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით, ამ შემთხვევაში უპირობოდ გავარღვევთ, – ამის შესახებ „ნაციონალური მოძრაობის“ წევრი, ლევან ხაბეიშვილი სოციალურ ქსელში წერს.ხაბეიშვილი აღნიშნავს, რომ ყველა ძალადობრივ ქმედებას საკადრისი პასუხი უნდა გაეცეს.„კადიროვის გროზნო და ივანიშვილის თბილისიბანდფორმირებები, ნიღბიანები, შავ ფორმაში გამოწყობილი კრიმინალები.საჩვენებელი, კარგად დაგეგმილი სადამსჯელო ღონისძიებები აქვთ დილიდან, ზუსტად იციან – როგორი საჯარო რეაქცია იქნება და მიზანმიმართულად აკეთებენ.შიგნით, საკუთარ ბანდას, ჯგუფს – აჩვენებენ, რომ ძლიერად არიან და ჯერ კიდევ აქვთ ძალისმიერი მეთოდების თავი.ამას აყურებინებენ თავიანთ დამონებულ-დაჩმორებულებს, რომ არ დაიწყოს დასაძირად განწირული გემიდან გაქცევა!რეალური შეტევითი, წინააღმდეგობრივი მოძრაობა უნდა დავუპირისპიროთ, საკადრისი პასუხი უნდა გავცეთ ყველა ძალადობრივ ქმედებას და ამათი დღეები დათვლილია! კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით! – ამ შემთხვევაში უპირობოდ გავარღვევთ!“, – წერს ლევან ხაბეიშვილი.ამათი დღეები დათვლილია. კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით, ამ შემთხვევაში უპირობოდ გავარღვევთ, – ამის შესახებ „ნაციონალური მოძრაობის“ წევრი, ლევან ხაბეიშვილი სოციალურ ქსელში წერს.ხაბეიშვილი აღნიშნავს, რომ ყველა ძალადობრივ ქმედებას საკადრისი პასუხი უნდა გაეცეს.„კადიროვის გროზნო და ივანიშვილის თბილისიბანდფორმირებები, ნიღბიანები, შავ ფორმაში გამოწყობილი კრიმინალები.საჩვენებელი, კარგად დაგეგმილი სადამსჯელო ღონისძიებები აქვთ დილიდან, ზუსტად იციან – როგორი საჯარო რეაქცია იქნება და მიზანმიმართულად აკეთებენ.შიგნით, საკუთარ ბანდას, ჯგუფს – აჩვენებენ, რომ ძლიერად არიან და ჯერ კიდევ აქვთ ძალისმიერი მეთოდების თავი.ამას აყურებინებენ თავიანთ დამონებულ-დაჩმორებულებს, რომ არ დაიწყოს დასაძირად განწირული გემიდან გაქცევა!რეალური შეტევითი, წინააღმდეგობრივი მოძრაობა უნდა დავუპირისპიროთ, საკადრისი პასუხი უნდა გავცეთ ყველა ძალადობრივ ქმედებას და ამათი დღეები დათვლილია! კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით! – ამ შემთხვევაში უპირობოდ გავარღვევთ!“, – წერს ლევან ხაბეიშვილი.

პოლიტიკა • 1744022484

რა დავალებასაც მიიღებენ თავიანთი პატრონებისგან, იმას აკეთებენ. თუ ხვალ მოვა დაკვეთა, რომ ხაბე უნდა გახდეს ლიდერი, ხაბეს ქვეშ გაერთიანდება მთელი ეს ოპოზიცია - ირაკლი ზარქუა

სალომეზე, თვით აღიარებული პრეზიდენტზე ჰქონდათ აქცენტი მათ პატრონებს გაკეთებული და არ გაამართლა ამ მოდელმა, - განაცხადა დიასპორისა და კავკასიის საკითხთა საპარლამენტო კომიტეტის თავმჯდომარე ირაკლი ზარქუამ. მისი თქმით, ოპოზიციის შემდეგი ნაბიჯი იქნება ის, რა დავალებასაც მიიღებს უცხოელი პატრონებისგან.„ვის რა და ვისთან უნდა, კაციშვილმა არ იცის და რატომ - იმიტომ რომ არ არიან დამოუკიდებლები. რა დავალებასაც მიიღებენ თავიანთი პატრონებისგან, [ასრულებენ]. თუ ხვალ მოვა დაკვეთა, რომ ხაბე [ლევან ხაბეიშვილი] უნდა გახდეს ლიდერი, ხაბეს ქვეშ გაერთიანდება მთელი ეს ოპოზიცია. ახლა სალომეზე, თვით აღიარებული პრეზიდენტზე, მადამ მავნებელზე ჰქონდათ აქცენტი მათ პატრონებს გაკეთებული. არ გაამართლა ამ მოდელმა და ახლა რაღაც სიგიჟეებს იგონებენ“, - განაცხადა ზარქუამ.

პოლიტიკა • 1743505887

გიორგი ვოლსკი: 2022 წლიდან, ევრობიუროკრატია ცდილობს სალომე ზურაბიშვილი სათავეში ჩაუყენოს იმ ჯგუფს, რომელსაც ისევე ვერ ერევა, როგორც ზეთი და წყალი ვერ ერევა ერთმანეთს

განსაკუთრებით 2022 წლიდან, ევრობიუროკრატია ცდილობს რომ სალომე ზურაბიშვილი სათავეში ჩაუყენოს იმ ჯგუფს, რომელსაც ვერ ერევა ისე, როგორც ზეთი და წყალი ვერ ერევა ერთმანეთს, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ.გიორგი ვოლსკიმ ჟურნალისტებთან გუშინდელ აქციაზე საქართველოს ყოფილი პრეზიდენტის, სალომე ზურაბიშვილის გამოსვლა შეაფასა.„დაძაბულობა შიგნიდან აღარ არის უკვე, ზედაპირზე რაღაც ფუთ-ფუთია ადამიანებისა, რომლებიც ერთმანეთს უპირისპირდებიან ერთი მთავარი პრინციპით - რომელი უფრო მეტი დამანგრეველი ძალის მქონეა - სააკაშვილი, გარეთ რომ იყოს და მისი მიმდევარი ლევან ხაბეიშვილი თუ სალომე ზურაბიშვილი, ამ თემასთან დაკავშირებით არის მუდმივი კამათი. სალომე ზურაბიშვილი არის წარმოდგენილი როგორც ლიდერი“, - აღნიშნა გიორგი ვოლსკიმ.ოპოზიციაში სალომე ზურაბიშვილის გუშინდელი გამოსვლით იმედგაცრუებულები არიან. მმართველი გუნდის აზრით კი, გუშინ კიდევ ერთხელ დადასტურდა, რომ ოპოზიციის ერთიანობა მოჩვენებითი და ტყუილია.

პოლიტიკა • 1743429577

ირაკლი კირცხალია ხაბეიშვილის განცხადებაზე: იქნება ძალადობა? - კანონის უმკაცრესი ფორმებით აგებენ პასუხს. უკვე თვალსაჩინოა და ხელის გულზე დევს მყარი საფუძვლები საკონსტიტუციო სასამართლოში სარჩელისთვის

იქნება ძალადობა? - კანონის უმკაცრესი ფორმებით აგებენ პასუხს, როგორც ეს არა ერთხელ უგიათ, - განაცხადა ლევან ხაბეიშვილის განცხადების კომენტირებისას საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ირაკლი კირცხალიამ.მისივე თქმით, დესტრუქცია, ძალადობა, ყველაფერი ეს „ნაციონალური მოძრაობის“ ხერხებია.„უკვე ნათელია და ხელისგულზეა, რაოდენ მოღალატეობრივ, რბილად რომ ვთქვათ, უპასუხისმგებლო პოლიტიკურ ძალასთან და რეჟიმთან გვქონდა საქმე. მხოლოდ აგვისტოს ომის ჭრილში რომ განვიხილოთ და თავი დავანებოთ სისტემურ წამებას და ზოგადად, ყველა იმ მოქმედებას, რაც რეჟიმს ახასიათებს - უკვე თვალსაჩინოა და ხელის გულზე დევს მყარი საფუძვლები სარჩელისთვის საკონსტიტუციო სასამართლოში.ჯერ ერთი, ხაბეიშვილის დაცული ქვეყანა რა ვთქვი! ნახევრად ხუმრობითაც ვამბობ და მეორეც, დესტრუქცია, ძალადობა, ყველაფერი ეს მათი ხერხებია. რა მზაკვრული გეგმაც არ უნდა ჰქონდეს ამ განულებულ, აგენტურულ ქსელს, მათ არანაირი გეგმა არ აქვთ, ეს ასჯერ მითქვამს და ათასჯერ განვმეორდები, სადაც საჭირო იქნება. რასაც უკარნახებენ და რა დირექტივაც მოდის თავიანთი პატრონებიდან, იმას ახორციელებენ. იქნება ძალადობა? - კანონის უმკაცრესი ფორმებით აგებენ პასუხს, როგორც არა ერთხელ უგიათ“, - განაცხადა კირცხალიამ.„ნაციონალური მოძრაობის“ ყოფილმა თავმჯდომარემ, ლევან ხაბეიშვილმა საკუთარ მომხრეებს მოუწოდა, საჭიროების შემთხვევაში, ძალის გამოყენებით შეუშალონ ხელი პროცესს, რომელიც საკონსტიტუციო სასამართლოში დაიწყება.

პოლიტიკა • 1743421963

მოვუწოდებ პატრიოტებს, თუნდაც დაგვჭირდეს ძალის გამოყენება, უნდა დავიცვათ ქვეყნის თავისუფლება და დემოკრატია, ვიდრე ფიზიკურად არ დავიცავთ თავს, ვიქნებით სულ თავდაცვის რეჟიმში - ლევან ხაბეიშვილი

„ნაციონალური მოძრაობის“ წევრის, ლევან ხაბეიშვილის განცხადებით, მნიშვნელოვანია, პარტიებმა და ყველამ, ვისაც სახელმწიფოებრივად აზროვნება შეუძლია, საკუთარი პოზიცია დააფიქსიროს „ნაციონალური მოძრაობის“ გაუქმებაზე, რომელთან დაკავშირებითაც „ქართული ოცნება“ იწყებს პროცედურას.ხაბეიშვილის თქმით, მნიშვნელოვანია, ძალას დაუპირისპირონ ძალა და თუ საჭირო იქნება, ფიზიკურად დაიცვან ქვეყნის თავისუფლება და დემოკრატია.„მამუკა მდინარაძემ დაანონსა, რომ უკვე ოფიციალურად იწყებს პროცედურას „ნაციონალური მოძრაობის“ გაუქმებაზე. თქვა, რომ საკონსტიტუციო სასამართლოს მიმართავს. მოვუწოდებ პოლიტიკურ პარტიებს, ლიდერებს, მათ შორის სალომე ზურაბიშვილს, ამასთან დაკავშირებით დააფიქსიროს პოზიცია. ეს არ ეხება მხოლოდ „ნაციონალურ მოძრაობას“, ეს არის ქვეყნის სახელმწიფოებრივი საკითხი. მდინარაძე აპირებს სავარაუდოდ, რომ საკონსტიტუციო სასამართლო ბათუმში ჩაატაროს. „ნაციონალური მოძრაობის“ მომხრეებს, ამ ქვეყნის პატრიოტებს, არაპარტიულებს, მათ შორის იმ ადამიანებს, რომლებსაც ეს ქვეყანა უყვართ, მოვუწოდებ, ფიზიკურად, იქნება ეს ბათუმში, თუ სხვა ადგილას, სადაც ამ პროცესს დაიწყებენ, თუნდაც დაგვჭირდეს ძალის გამოყენება, აუცილებლად უნდა დავიცვათ ჩვენი ქვეყნის თავისუფლება და დემოკრატია. მნიშვნელოვანია, „ნაციონალური მოძრაობის“ გაუქმებაზე დააფიქსირონ თავისი პოზიცია. მე მაგალითად, პირდაპირი ეთერის მეშვეობით მოვუწოდებ ყველას, ვისაც სახელმწიფოებრივად აზროვნება შეუძლია, ვინც მათ შორის მზად არის, რომ ძალას დავუპირისპიროთ ძალა, გამომეხმაუროთ, უნდა შევგროვდეთ ძალიან ბევრი და მინდა, ვთხოვო ყველას, რომ ნიჰილიზმი, უიმედობა, ხელების ჩამოშვება, მაინც არაფერი გამოვა, არის რუსული პროპაგანდის ზეიმი. უნდა ვიცოდეთ, რომ ძალას უნდა დავუპირისპიროთ ძალა. მნიშვნელოვანია, ჩამოყალიბდეს ისეთი ჯგუფები, რომლებიც არ მისცემს შესაძლებლობას ე.წ. ძალოვან უწყებებს, რომ ადამიანები მოიპარონ აქციიდან, შემდეგ გაიტაცონ და აწამონ. ვიდრე აქამდე არ მივალთ და არ გვეცოდინება, რომ ძალას დავუპირისპირებთ ძალას, მუდმივად ვიქნებით თავდაცვის პირობებში. უნდა გვესმოდეს, ძალას დავამარცხებთ ძალით. ვიდრე ფიზიკურად არ დავიცავთ თავს, ვიდრე ძალას, მარბიელებს და მწამებლებს პასუხს არ გავცემთ, ვიდრე ზუსტად იგივე მეთოდებით არ ვიმოქმედებთ, როგორც მოქმედებს რუსი ივანიშვილი, მანამდე ვიქნებით სულ თავდაცვის რეჟიმში. მნიშვნელოვანია, „ნაციონალური მოძრაობის“ გაუქმებაზე გამოვიდნენ და ხმა ამოიღონ, ვინც არ იღებს ხმას, იგივე გახარიას პარტია, ჩემი წარმოდგენით, არის ბიძინა ივანიშვილის ჯიბის ოპოზიცია“, – განაცხადა ლევან ხაბეიშვილმა.

ისტორიები • 1743401541

ამ ამბავმა მთელი საქართველო შეძრა… ისინი ცნობილი ოჯახებიდან იყვნენ – თბილისის ზღვაზე მომხდარი ტრაგედია

 ტრაგედია, 37 წლის წინათ, თბილისის ზღვაზე მოხდა. ხუთი მეგობარი: გიგი ხაბეიშვილი, გოგლიკო ჩოგოვაძე, ვახო დუჩიძე და ძმები – გოგიტა და კახა ჩხაიძეები იმ დღეს ბედისწერამ ზღვაზე მიიყვანა.ცოტა ხნით ადრე მეგობრებმა იალქნიანი იახტა შეიძინეს. მოკლედ, 1985 წლის 27 მაისს ბიჭები საკუთარი იახტით ზღვაში შევიდნენ. მალე იახტა წყალში რაღაცას წამოედო და გაჩერდა. ამბობენ, რომ იახტა წყალში გადებულმა თევზსაჭერმა ბოძმა შეაკავა, რომელშიც დიდი ძაბვა გადიოდა. იმის გასარკვევად, თუ რა აფერხებდა იახტას, ბიჭები წყალში ჩახტნენ.ჯერ ერთი ჩხაიძე ჩახტა, მას მეორე მიჰყვა, მერე გოგლიკო ჩოგოვაძეც შეუერთდა ძმებს… სამივეს დენმა დაარტყა. ბიჭები წყალში გარდაიცვალნენ. გიგი ხაბეიშვილიც წყალში მეგობრებთან ერთად გადამხტარა, დენს მისთვისაც დაურტყამს, მაგრამ იგი გადარჩა. ამბობენ, გიგის გულში კაფსულა ჰქონდა ჩადგმული, რომელმაც დენი გაატარა და ამან გადაარჩინაო.„ასე ლაპარაკობდნენ, თორემ ტყუილია. ბავშვობაში 7 წლის ასაკში, გულის ოპერაცია მაქვს გაკეთებული. დენმა მეც დამარტყა. გათიშული ერთი თვე ვიწექი. მაგრამ გადავრჩი“, – ასე იხსენებს ამ ტრაგედიას გიგი ხაბეიშვილი. ვახო დუჩიძე წყალში არ გადამხტარა. შესაბამისად, იგი ხუთი მეგობრიდან, გიგის შემდეგ, მეორეა, რომელიც ტრაგედიას გადაურჩა. სამეგობროს ტრაგედიახუთივე 55-ე სკოლელი იყო. დიდი სამეგობრო ჰქონდათ. მათ თაობაში შედიოდნენ ძმები გაჩეჩილაძეები. ბიჭები სპორტული ცხოვრებით ცხოვრობდნენ. გიგი მოთხილამურე იყო, ძმები ჩხაიძეები კალათბურთელები. იმ დღეს იახტით გასეირნებას არ აპირებდნენ. სხვადასხვა გეგმები ჰქონიათ, გოგლიკო ჩოგოვაძე საფრანგეთში სასწავლებლად უნდა გაფრენილიყო. მაგრამ გეგმა ჩაშლია და ზღვაზე აღმოჩენილან.გიგი, სოლიკო ხაბეიშვილის შვილი გახლავთ, გოგლიკო, ირაკლი ჩოგოვაძის (ყოფილი ეკონომიკის მინისტრი) ძმაა. გოგლიკოს მშობლები ტრაგედიის დროს საფრანგეთში იყვნენ. მამა, გოჩა ჩოგოვაძე, წლობით საფრანგეთის ელჩი იყო (ახლა იუნესკოში მუშაობს).„გოგლიკოს შეყვარებული ნინო სუხიშვილი იყო. იმ დროს, როგორც მე ვიცი, ნაჩხუბრები იყვნენ“ – ისტორიას აცოცხლებს ელენე ჩხაიძე, კახა ჩხაიძის შვილი.ბიჭები სტუდენტები იყვნენ, გოგიტა ჩხაიძე 20 წლის იყო, მისი ძმა, კახა 19-ის. ერთი ისტორიის ფაკულტეტზე, მეორე სამედიცინო ფაკულტეტზე სწავლობდა. ძმები ისტორიკოსების ოჯახიდან იყვნენ. მათი მშობლები გურამ ჩხაიძე და ია ჩიჩუა გახლავთ. გოგლიკო ჩოგოვაძე ჩხაიძეების ბაღელი, ჯგუფელი, კლასელი და მეზობელი იყო. „ფაქტობრივად, დედაჩემმა სამი შვილი დაკრძალა ერთ დღეს“ – ამბობს ელენე.ბედად გადარჩენილი ვახო დუჩიძე ერთი თვის განმავლობაში საერთოდ ვერ ლაპარაკობდა. გიგი ხაბეიშვილს ამნეზია დაემართა. მომხდარ ფაქტამდე ორი დღით ადრე და შემდეგი ათი დღე რა მოხდა, არ ახსოვდა.ძმების მამას ეტყობა გულმა უგრძნო და ზღვაზე ასულა. სამწუხაროდ, შვილები 5 წუთის გარდაცვლილები დახვდა. სამი ახალგაზრდის გარშემო უკვე ხალხი იყო შემოხვეული. დაღუპულების ოჯახებს არ უჩივლიათ, ან რა აზრი ჰქონდა? 20 წლის ბიჭებს ამით ვერავინ გააცოცხლებდა. სამოქალაქო პანაშვიდები იმართებოდა. როგორც ამბობენ, ჭავჭავაძის გამზირზე ჩხაიძეების და ჩოგოვაძეების სახლის წინ, ხალხის ნაკადი არ წყდებოდა. სამივე ვაკის სასაფლაოზე დაკრძალეს. ძმები ერთად, გოგლიკო კი მათ მახლობლად.ამ თემაზე საუბარი დღესაც არავის უნდა. ეს ამბავი გასაიდუმლოებულიც იყო, ყველა ერიდებოდა მის მოყოლას და გახსენებას. 80-იან წლებში ტრაგიკული შემთხვევები ხშირი არ იყო.ელენე ჩხაიძე: „დედაჩემიც ამბობს, ეკლესიაში შვილმკვდარი დედები სულ რამდენიმე ვიყავით და ახლა ძალიან მოვმრავლდითო. დედას დღემდე ძაძები აცვია. უკვე 70 წლისაა.“იახტა წლების განმავლობაში ეგდო ზღვაზე. იახტკლუბის პრეზიდენტი ილო ფერაძე იყო. „ჩხაიძეების დედა ჩემი კლასელი იყო. ამ ტრაგედიის დროს იქ ვიყავი, საავადმყოფოში მივიყვანეთ ბავშვები. მე ამ თემაზე ვერ ვისაუბრებ“ – მითხრა ბატონმა ილომ.ჩხაიძეების მამა 7 წლის წინ გარდაიცვალა. გურამ ჩხაიძეს მუდმივად გულის შეტევები ჰქონდა. ვაჟების გარდაცვალების შემდეგ თავის მოკვლაც უცდია… საიდუმლოდ დაბადებულიელენე ჩხაიძე 12 დეკემბერს მოევლინა ქვეყანას. მისი დაბადების ისტორია კიდევ უფრო გასაიდუმლოებული იყო, ვიდრე ეს ტრაგედია. გოგონას დაბადებასთან დაკავშირებით სხვადასხვა ვერსია იყო. ამბობდნენ, რომ უკრაინელი, პოლონელი თუ რუსი გოგონა კახა ჩხაიძისგან შვილს ელოდა. როდესაც ტრაგედია დატრიალდა, გოგონა ბავშვის მოშორებას აპირებდა. მაგრამ კახას მეგობრებმა მას ამის ნება არ მისცეს – იქნებ გაუბედურებული ოჯახი გადავარჩინოთო და როდესაც ელენე დაიბადა, იგი მაშინვე ჩხაიძეების ოჯახში მიიყვანეს.„ალბათ, ჩემ ოჯახს მშველელად მოვევლინე. ამიტომ მაღიარეს მშობლებმა, გურამმა და იამ კახას შვილად და არა მის დად. ჩემთვის სხვა სახელის დარქმევა უნდოდათ, მაგრამ დედას კახა დაესიზმრა, ბავშვს ელენე დაარქვიო. სხვათა შორის, გოგლიკო ჩოგოვაძეც 12 დეკემბერსაა დაბადებული“ – იხსენებს ელენე.ელენეს პასპორტში კახას ასული უწერია. თუ ელენე მართლა კახას შვილია, გამოდის, რომ იგი ბებიამ და ბაბუამ გაზარდა. თუმცა გოგონა მათ მშობლებად მოიხსენიებს, კახას და გოგიტას კი ძმებად.„მე ჩემ ძმებს არ ვიცნობდი, მაგრამ დედამ და მამამ მათი დიდი სიყვარული ჩამინერგეს. სულ მესმოდა, კახა მამაშენიაო. მეც ასე მივიღე და დღემდე ამ შეგნებით ვცხოვრობ. უცნაურია, არა? ლოგიკურად ჩნდება კითხვა, დედა სად არის?“ყოველ ახალ წელს ია ჩიჩუა შვილების სასაფლაოზე ხვდება. რაც ელენე წამოიზარდა, ისიც უერთდება დედას.ელენე ჩხაიძე: „ჩოგოვაძეებიც იქ არიან 31 დეკემბერს, გოგლიკოს საფლავზე. დედა სასაფლაოზე ყოველ კვირას დადის. ჩვენთვის ძალიან წმინდა ადგილია ეს საფლავი. მე არასდროს დამინახავს დედის თვალზე ცრემლი. ჩემი თანდასწრებით არ უტირია, მიუხედავად იმისა, რომ მე თვითონ სასაფლაოზე გავიზარდე. ეტყობა, ცუდად რომ არ ჩამრჩენოდა. დღემდე დადიან ძმების მეგობრები ჩხაიძეებთან სახლში. არაფერს ტოვებენ, არც გიორგობას, არც დაბადების დღეებს… ხშირად დადიან სასაფლაოზე.დღეს გიგი ხაბეიშვილს მეცხრე საავადმყოფოში გულის კლინიკა „გული“ აქვს გახსნილი. ვახო დუჩიძეს კი თავისი გამომცემლობა აქვს.„სადაც არ უნდა წავიდე, ეს ისტორია ყველგან მხვდება, ყველამ იცის და აინტერესებს. მთელი ცხოვრება მომყვება… ყველას მუდმივად აინტერესებდა ჩემი ისტორია – ვინ ვიყავი, ვინ იყვნენ ჩემი მშობლები? ახლა უკვე ცხოვრებას მარტივად ვუყურებ და არ ვიძაბები. საკმაოდ დამოუკიდებელი ადამიანი ვარ, ჩემი აზრი გამაჩნია და ცუდია თუ კარგი, ჩემს გადაწყვეტილებას ვენდობი და მივყვები ბოლომდე. ზოგჯერ ამართლებს, ზოგჯერ – არა. ახლა ბედნიერი ვარ, მყავს ჩემი ოჯახი.“

პოლიტიკა • 1743339833

ზურაბ ქადაგიძე ანალიზის, სტრატეგიისა და კომუნიკაციების გუნდის კვლევაზე - კვლევის არასერიოზულობა იმაში გამოიხატება, რომ 1 200000 ამომრჩევლიდან, 20 კაცი შეურჩევიათ და ისე გამოუკითხავთ, მილიონი ადამიანის ფსიქოლოგიური სურათი მიუღიათ

,,ხალხის ძალის" წევრი ზურაბ ქადაგიძე ქცევის ანალიზის, სტრატეგიისა და კომუნიკაციების გუნდის (BISC Partners) მიერ ჩატარებულ კვლევას ეხმიანება და აღნიშნავს, რომ კვლევის არასერიოზულობა იმაში გამოიხატება, რომ 1 200000 ამომრჩევლიდან, 20 კაცი შეურჩევიათ და ისე გამოუკითხავთ, რომ მილიონი ადამიანის ფსიქოლოგიური სურათი მიუღიათ.მისივე თქმით, "ენჯეოშნიკებში" იმდენად უსუსურ მდგომარეობაში არიან ჩავარდნილები, ცდილობენ გადაფარონ საკუთარი უიმედობა და უპერსპექტივობა."ვერაფერს უხერხებენ პოლიტიკურ "სტატუს-კვოს" და ახალი სიგიჟე გამოაცხვეს.რომელიღაც " ვოუქერ", "სმარტ აბრევიატურის" მქონე ორგანიზაციას, კვლევა გააკეთებინეს და ხელისუფლების ამომრჩეველთა ფსიქო-სოციალური მდგომარეობა შეაფასეს.კვლევის არასერიოზულობა იმაში გამოიხატება, რომ 1 200000 ამომრჩევლიდან, 20 კაცი შეურჩევიათ და ისე გამოუკითხავთ, მილიონი ადამიანის ფსიქოლოგიური სურათი მიუღიათ ))))საკუთარ თავს უფრო აჯერებენ, ეს საცოდავები ალბათ, ან დონორებზე ნადირობენ - აი ასეთი პროფესიონალი გუნდი გვყავს, 20 კაცით, 1 200000 კაცის შეფასება შეგვიძლიაო...თუმცა, უფრო სხვა პრობლემაა ამ "ენჯეოშნიკებში" - იმდენად უსუსურ მდგომარეობაში არიან ჩავარდნილები, რით გადაფარონ საკუთარი უიმედობა და უპერსპექტივობა, იმას ცდილობენ.იმის მაგივრად, რომ საკუთარი რეალობა და რადიკალური ოპოზიციის უუნარობა შეაფასონ, "ჟონგლიორობით" ცდილობენ, ხელისუფლების ამომრჩევლის მოგონილი ფსიქო-სოციალური მდგომარეობით ახსნან, მათთვის მიუღებელი "სტატუს-კვო".არა და - ოპოზიციის ამომრჩეველი, რომ გამოეკვლიათ ჯერ და გაერკვიათ - რა აიძულებს ადამიანს, გვარამია და ზურაბიშვილი, მელია და ხაბეიშვილი, გუბაზი და სააკაშვილი ერთად აერჩიათ უფრო არ გაარკვევდნენ, რა განაპირობებს კოლექტიური ოპოზიციის ჭაობში ყოფნასა და მათ უნიათობას?" - წერს ზურაბ ქადაგიძე.

პოლიტიკა • 1742418408

პრემიერი: სანიკიძემ თამარ მეფე დაუძახა და ორ დღეში ათქმევინეს, არავის აინტერესებს ზურაბიშვილის აზრიო, ხაბეიშვილს ათქმევინეს, პრეზიდენტი აღარ არის, აზრი აღარ გვაინტერესებსო, როგორც მოძველებული პროდუქტი, ასე იქნება ჩამოწერილი ზურაბიშვილი

როგორც ხდება ხოლმე მოძველებული საქონლის ჩამოწერა, ისე აქვს უკვე დაწყებული „დიფ სთეითს“ სალომე ზურაბიშვილის ჩამოწერის პროცესი და ამის შედეგებს მალე დაინახავთ, - განაცხადა საქართველოს პრემიერ-მინისტრმა ირაკლი კობახიძემ პირველ არხთან ინტერვიუში.როგორც მთავრობის მეთაურმა აღნიშნა, პრინციპულობით გამორჩეულმა პოლიტიკოსმა - გუბაზ სანიკიძემ ორი დღით ადრე ზურაბიშვილს თამარ მეფე უწოდა და ორ დღეში მას ათქმევინეს, რომ ზურაბიშვილის აზრი არავის აინტერესებდა.„ზურაბიშვილი სოროსის ფონდის ოფისში დასვეს, რაღაც საოცარი მოვლენაა, დაარქვეს „მაკკეინის ინსტიტუტის“ სტიპენდიატი და დღეს უკვე „ნაცმოძრაობას“ აგინებინებენ. გუბაზ სანიკიძე, პრინციპულობით გამორჩეული პოლიტიკოსი გამოვიდა, ორი დღით ადრე თამარ მეფე დაუძახა და ორ დღეში ათქმევინეს, რომ არავის აინტერესებს მისი აზრიო, მეორე დღეს გამოიყვანეს ხაბეიშვილი და ათქმევინეს, რომ ეგ პრეზიდენტი აღარ არის და მაგის აზრი აღარ გვაინტერესებსო. ჩამოწერა მიდის თანდათანობით, როგორც მოძველებული პროდუქტი, ასევე იქნება ჩამოწერილი, ეს არის აშკარად „დიფ სთეითის“ გადაწყვეტილება. ყველაფერი გარედან იმართება. თუ „დიფ სთეითი“ არ დაავალებს არაფერს, არც ხაბეიშვილი იტყვის, არც გუბაზ სანიკიძე და არც ვინმე სხვა“, - განაცხადა პრემიერმა.