პოლიტიკა • 1769693400

ლაშა ფარულავა: ლევან ხაბეიშვილი გულისხმობს იმას, რომ გამარჯვებას სჭირდება მოქმედება, მოქმედებას სჭირდება ლიდერები, ხოლო ლიდერებმა ეს პასუხისმგებლობა უნდა აიღონ, მეტია გასაკეთებელი

დებატების სრულყოფილ დაბრუნებას ოპონენტების თავისუფლება სჭირდება, არა განცხადებები, არამედ კონკრეტული ნაბიჯები. სწორედ ამას გულისხმობს ლევან ხაბეიშვილი, – ამის შესახებ „ნაციონალური მოძრაობის“ წევრმა, ლაშა ფარულავამ განაცხადა.მისი თქმით, „ნაციონალურ მოძრაობას“ დებატებზე უარი არასდროს უთქვამს.„ლევან ხაბეიშვილი როდესაც ბრძოლაზე საუბრობდა, მათ შორის, მისი მხრიდან იყო გარკვეული კრიტიკა. ბრძოლა არ უნდა გაჩერდეს, უნდა იყოს მეტად ეფექტური, შედეგზე ორიენტირებული, მოქმედებაა საჭირო და, ცხადია, ამ მოქმედებისთვის საჭიროა კონკრეტული ლიდერები, რომლებიც უნდა მუშაობდნენ. სწორედ ამას ეხმიანებოდა ლევან ხაბეიშვილი. დარწმუნებული ვარ, სწორედ ეს პოზიცია ექნება გააზრებული და, მათ შორის, კონკრეტულ ქმედებებშიც აისახება. ლევანის მეგობარი ვარ და ძალიან კარგად ვიცი, მესმის და ვუერთდები და მხარს ვუჭერ მის პოზიციას. ცხადია, რომ გამარჯვებას სჭირდება მოქმედება, მოქმედებას სჭირდება ლიდერები და ლიდერებმა უნდა აიღონ ეს პასუხისმგებლობა“, – განაცხადა ლაშა ფარულავამ.მისი თქმით, ლევან ხაბეიშვილი „ქართული ოცნების“ ყველაზე კონკრეტული ოპონენტია, რომელიც წლების განმავლობაში მათ კორუფციას ამხელდა და ბიძინა ივანიშვილმა პოლიტიკური განცხადების გამო ციხეში გამოკეტა.„პოლიტიკურ ოპონენტებს როდესაც ტყვედ აიყვან, ამასობაში ამბობ, რომ დებატები გავხსნათო, პირველი, რაც უნდა გააკეთო, ოპონენტები უნდა გაათავისუფლო, შემდეგ კი დებატებიც იქნება და კონკრეტული მხილება მათი კორუფციული დანაშაულის. რაც შეეხება ქუჩაში ბრძოლას, ჩვენ კარგად გვესმის, მეტია გასაკეთებელი, კარგად ვიცით, რომ ამისთვის ერთიანობაც საჭიროა და მოქმედებაც, ეს პასუხისმგებლობა აქვთ კონკრეტულ ლიდერებსაც. მე დარწმუნებული ვარ, მათი მხრიდან კონკრეტული ნაბიჯები იქნება გადადგმული“, – განაცხადა ლაშა ფარულავამ.კითხვაზე, ამ განცხადების მთავარი ადრესატი არის თუ არა „ნაციონალური მოძრაობა“, ფარულავა პასუხობს, რომ „კონკრეტული ადრესატი არავინ ყოფილა, აქ არის საუბარი იმაზე, რომ საქართველომ უნდა გაიმარჯვოს“.ცნობისთვის, „ნაციონალური მოძრაობის“ პოლიტსაბჭოს წევრმა, ლევან ხაბეიშვილმა სასამართლო პროცესზე განაცხადა: „სამწუხაროდ, ამ დროისთვის ხელები გადაგვიგრიხეს, ბრძოლა წაგებულია, ვიღაცას უნდა ეყოს გამბედაობა, ასე არაფერი გამოვა, ათასი კაცი გაზაფხულს ვერ მოიყვანს“. ლევან ხაბეიშვილმა ასევე დებატებთან დაკავშირებულ ინიციატივაზეც ისაუბრა: „მივმართავ, ვინც არის გარეთ, ოღონდ ამასაც პატიმრების მშობლებს ნუ „შეტენით“ და ეტყვით, თქვენ გააგრძელეთო. ეს ხალხი იბრძვის, რა ქნან. აიღეთ პასუხისმგებლობა. დებატებს რომ სთავაზობენ თუ რაღაცას, დებატებზე დაუჯექით, პირობითად, თუ პატიმრებს გამოუშვებენ. დაელაპარაკეთ, თუ ამ ეტაპზე ბრძოლა არ შეგვიძლია. სხვა გამოსავალი არ არის“.

პოლიტიკა • 1769686085

არჩილ გორდულაძე: ხაბეიშვილი რევოლუციის მოწყობისას გაჭრილი კარტია, ერთ რამეშია მართალი, რომ რადიკალურ ოპოზიციას ქვეყნის არევის შანსი არ აქვს

ბატონი ანიტა რევოლუციის მოწყობისას გაჭრილი კარტია, მისი პოლიტიკური განცხადებები უკვე არავის აინტერესებს, – ამის შესახებ საქართველოს პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ „ნაციონალური მოძრაობის“ პოლიტსაბჭოს წევრის, ლევან ხაბეიშვილის მიერ სასამართლო პროცესზე გაკეთებულ განცხადებასთან დაკავშირებით განაცხადა.გორდულაძის თქმით, ლევან ხაბეიშვილი ცდილობს, საკუთარი თავის აქტუალიზაცია მოახდინოს.„საბრალდებო სკამზე მჯდომი ბატონ ანიტას განცხადებაზე სერიოზული კომენტარის გაკეთება არ მინდა. ბატონი ანიტა რევოლუციის მოწყობისას გაჭრილი კარტია, მისი პოლიტიკური განცხადებები უკვე არავის აინტერესებს. ის ცდილობს, საკუთარი თავის აქტუალიზაცია მოახდინოს. ბატონი ანიტა ერთ რამეშია მართალი, რომ საქართველოში რადიკალურ ოპოზიციას ქვეყნის არევის შანსი არ აქვს“, – აღნიშნა გორდულაძემ.ცნობისთვის, „ნაციონალური მოძრაობის“ პოლიტსაბჭოს წევრმა, ლევან ხაბეიშვილმა სასამართლო პროცესზე განაცხადა: „სამწუხაროდ, ამ დროისთვის ხელები გადაგვიგრიხეს, ბრძოლა წაგებულია, ვიღაცას უნდა ეყოს გამბედაობა, ასე არაფერი გამოვა, ათასი კაცი გაზაფხულს ვერ მოიყვანს“.

პოლიტიკა • 1769682410

ლევან ხაბეიშვილი: სამწუხაროდ, ამ დროისთვის ხელები გადაგვიგრიხეს, ბრძოლა წაგებულია, ვიღაცას უნდა ეყოს გამბედაობა, ასე არაფერი გამოვა, ათასი კაცი გაზაფხულს ვერ მოიყვანს

ათასამდე ადამიანია, რომელიც ყოველდღიურად აპროტესტებს, ამის იქით არანაირი ბრძოლა, წინააღმდეგობა საქართველოში არ არსებობს. ვწუხვარ, მაგრამ ათასი კაცი გაზაფხულს ვერ მოიყვანს, – ამის შესახებ „ნაციონალური მოძრაობის“ პოლიტსაბჭოს წევრმა, ლევან ხაბეიშვილმა სასამართლო პროცესზე განაცხადა.მისივე თქმით, გამოსავალი ამ ეტაპზე არის ორი – შეტევა ან დიალოგი.„ყოველთვის ვამბობ სიმართლეს და შეიძლება, ბევრს არ მოეწონოს, რასაც დღეს ამ დარბაზიდან ვიტყვი. გამბედაობა რომ არ ჰყოფნის ვიღაცას გარეთ, ტყვეობაში მყოფმა მინდა, გითხრათ ჩემი სათქმელი. 500-დან ათასამდე ადამიანია, რომელიც, ჯანმრთელობის ფასად, ყოველდღიურად აპროტესტებს. ეს გმირი ხალხია, ქედს ვიხრი მათ წინაშე, მაგრამ ამის იქით არანაირი პროტესტი, ბრძოლა და წინააღმდეგობა საქართველოში არ არსებობს. ეს არის აბსოლუტური სიმართლე. ვწუხვარ ამის გამო მე, როგორც პროტესტის გულშემატკივარი. გახსენით დისკუსია. ნუ მოატყუებთ ერთმანეთს, რომ ყველაფერი არის კარგად, თურმე ვინმემ ვერ დამამარცხა. იმ კანონებმაც, რომლებზეც ვამბობთ, რომ არ იმუშავა, იმუშავა, რადგან შეშინებულია ხალხი, მხოლოდ ათასი ადამიანი წირავს თავის ჯანმრთელობას, იბრძვის. ამ თას ადამიანზეა ჩამოკიდებული დანარჩენი საზოგადოება. ამიტომ ვიღაცას უნდა ეყოს გამბედაობა, ამ დროისთვის რუსმა ოლიგარქმა მოუგო ქართველ ხალხს. ჩვენდა სამწუხაროდ, ამ დროისთვის უგებს. ბრძოლა წაგებულია, ომი არ წაგვიგია. ორი მოთხოვნაა, პოლიტპატიმრები, მძევლები და არჩევნები. ამაზე არავის აქვს წინააღმდეგობა, მაგრამ თუ ვიტყვით, რომ ამოწურულია ეს თემა, მაშინ რას ვაკეთებთ? პრობლემა რომ გვაქვს, ეს უნდა ვთქვათ, ვაღიაროთ. სამწუხაროდ, ამ დროისთვის ხელები გადაგვიგრიხეს, ამ ეტაპზე ეს ბრძოლაც მოგვიგეს. ეს არის სიმართლე. არის ორი გზა –  როცა კრიმინალები, ტერორისტები აიყვანენ მძევლებს, იქ არ არის მესამე გამოსავალი. დღეს ჩვენ მოვიგონეთ ეს მესამე გამოსავალი. მძევალი როცა არის აყვანილი, ორი გამოსავალია, ერთი – გადადიხარ შეტევაზე და გამოიხსნი მძევალს; მეორე არის მოლაპარაკება, საუბარი, დიალოგი. ზოგს ამის თქმისაც ეშინია გარეთ, ბრძოლა ხომ არ გამოსდით. მრცხვენია იმის, რომ საქართველოში მარტო ათასი, ათასამდე ადამიანია. მორჩა, ასე არაფერი გამოვა,  ნუ ვიტყუებთ თავს, სიცრუეში ნუ ვცხოვრობთ.მეორე გამოსავალი არის დიალოგი, ლაპარაკი, რაც არ უნდა მძიმე იყოს. აიღეთ თქვენს თავზე. მე რომ ვიყო თავისუფალი, რას ჰქვია, ტალახს მესვრის ვიღაც?! მძევლები, რომლებიც ტყვეობაში არიან, ოჯახებში, დედასთან, მამასთან, ცოლთან რომ დაბრუნდნენ, ყველა ტალახს მივიღებდი საკუთარ თავზე. არავის ვსაყვედურობ, მესმის, ძმებო და დებო, ძალიან მძიმე მდგომარეობაა, რადგან ტროტუარზე დგომის გამოც გვიჭერენ. როგორ არ გვეშინია, გვეშინია. ათას კაცზე მეტი არ იძებნება, რომ რუსულ რეჟიმს ებრძოლოს. ამიტომ, მივმართავ, ვინც არის გარეთ, ოღონდ ამასაც პატიმრების მშობლებს ნუ „შეტენით“ და ეტყვით, თქვენ გააგრძელეთო. ეს ხალხი იბრძვის, რა ქნან. აიღეთ პასუხისმგებლობა. დებატებს რომ სთავაზობენ თუ რაღაცას, დებატებზე დაუჯექით, პირობითად, თუ პატიმრებს გამოუშვებენ. დაელაპარაკეთ, თუ ამ ეტაპზე ბრძოლა არ შეგვიძლია. სხვა გამოსავალი არ არის.მესამე გამოსავალი მოიფიქრა ხალხმა – მოდით, დაველოდოთ, თავისით რაღაც მოხდება. თავისით არაფერი მოხდება. დღევანდელი მონაცემებით, არანაირი ნიშანწყალი არ არის, რომ სადმე რამე წინააღმდეგობა, ბრძოლაა. ეს ტყუილია. ნუ ატყუებთ ერთმანეთს. ვინმეს გეყოთ გაბედაობა და პოლიტპატიმრების გათავისუფლებაზე მაინც დავიწყოთ ლაპარაკი. მე მინდა ამათთან ლაპარაკი?! ლაპარაკის გამო, რასაც ვლაპარაკობდი, იმის გამო ვარ ახლა ციხეში. გეყოთ გამბედაობა. არ მიიღოთ ეს შენიშვნად, ვინმეზე ხელის გაშვერად, უბრალოდ, უნდა გვესმოდეს, რომ სიმართლე არის ეს. ან აკეთებ ერთს, რაც არის შეტევა, ბრძოლა. ვწუხვარ, ათასი კაცი გაზაფხულს ვერ მოიყვანს. თუ ბრძოლას არ აპირებთ, თუ ბრძოლა არ გამოდის, მაშინ ელაპარაკეთ მაინც, იქნებ გამოვძვრეთ და სხვა ვითარება დავაყენოთ. იქნებ მოხდეს სწორი კომუნიკაცია. მე ჩემს აზრს დავაფიქსირებ. ამ ეტაპზე სხვა გამოსავალი არ არსებობს. ეს ხალხი ზვარაკად არ უნდა იყოს შეწირული. არანაირი დღის წესრიგი არ გვაქვს, შემოიტანეს ფასების თემა, ყაჩაღები, ყველანი ერთად არიან შეკრული, თავიანთ ჭკუაზე გვატრიალებენ, თავიანთი დღის წესრიგით. საბანკო ოლიგარქიაზე რატომ არავინ ლაპარაკობს?“ – განაცხადა ლევან ხაბეიშვილმა.

პოლიტიკა • 1767103964

„ლევან ხაბეიშვილს თავიდანვე ჰქონდა გაცხადებული, რომ ის გეგმავდა მშვიდობიან, უსაყვარლეს გადატრიალებას, როგორც თავად უწოდებენ“ - ნინო წილოსანი

„ლევან ხაბეიშვილს თავიდანვე ჰქონდა გაცხადებული, რომ ის გეგმავდა მშვიდობიან, უსაყვარლეს გადატრიალებას, როგორც თავად უწოდებენ“, - ამის შესახებ პარლამენტის თავმჯდომარის მოადგილემ ნინო წილოსანმა განაცხადა.როგორც წილოსანი აღნიშნავს, ხაბეიშვილი რომ დანაშაულის გამო არის ბრალდებული და არა პოლიტიკური ნიშნით, ამაზე თავად ხაბეიშვილის განცხადებები მიუთითებს."თუ ადამიანი კონკრეტული დანაშაულისთვის არის ბრალდებული, მიუხედავად მისი პოლიტიკური საქმიანობისა, რა თქმა უნდა, ის არის დამნაშავე და არა პოლიტიკური პატიმარი.ლევან ხაბეიშვილს თავიდანვე ჰქონდა გაცხადებული, რომ ის გეგმავდა მშვიდობიან, უსაყვარლეს გადატრიალებას, როგორც თავად უწოდებენ. ამისთვის ქრთამს აძლევდა კონკრეტული ძალოვანი სტრუქტურების წარმომადგენლებს. ამაზე მეტი დადასტურება არ არსებობს იმისა, თუ რა გეგმა ჰქონდათ და რისთვის აქვს მას ბრალი წარდგენილი", - განაცხადა ნინო წილოსანმა.თბილისის საქალაქო სასამართლომ ლევან ხაბეიშვილისა და მურთაზ ზოდელავას საქმეზე იმსჯელა. პროცესს ხაბეიშვილი დაესწრო, ზოდელავამ კი სასამართლოში გამოცხადებაზე უარი თქვა.

სამართალი • 1766942205

რა კავშირია გრიგოლ ლილუაშვილსა და ლევან ხაბეიშვილს შორის - სუს-ის ყოფილი ხელმძღვანელის წინააღმდეგ აღძრული სისხლის სამართლის საქმე 4 ეპიზოდისგან შედგება

23 დეკემბერი. 10 საათი და 45 წუთი. სახელმწიფო უსაფრთხოების სამსახურის ყოფილი ხელმძღვანელი პროკურატურაში გამოკითხვაზე მიდის. საგამოძიებო უწყება გრიგოლ ლილუაშვილს ჩვენების მისაცემად იბარებს, ეს მას შემდეგ, რაც მისი გარემოცვის წევრებს აკავებენ, ლილუაშვილის სახლში კი ჩხრეკა ტარდება.გამოკითხვაზე მისული, პროკურატურიდან პატიმრის სტატუსით, ზაჰესის წინასწარი მოთავსების იზოლატორში მიჰყავთ - სუსის ყოფილ ხელმძღვანელს ხელბორკილს კორუფციისა და დანაშაულებრივი საქმიანობის მფარველობის ბრალდებით ადებენ. 4 ეპიზოდი და კვალი, რომელიც ყოფილ მაღალჩინოსნამდე მივიდა, გენერალური პროკურორი საზოგადოებას გამოძიების დეტალებს აცნობს.თაღლითური ქოლცენტრების მფარველობა და სიჩუმის სანაცვლოდ ოპოზიციის მედია საშუალებების დაფინანსება - გრიგოლ ლილუაშვილის საქმე ამ ეპიზოდსაც მოიცავს.იყო თუ არა "ნაციონალური მოძრაობის" ყოფილი თავმჯდომარე ლევან ხაბეიშვილი, გრიგოლ ლილუაშვილის მოკავშირე კანონსაწინააღმდეგო ქმედებებში? - გამოძიება ვერსიაზე მუშაობს, "ნეიტრალური საქართველო" კი სქემაზე საუბრობს. ლევან ნიკოლეიშვილის თქმით, ქოლცენტრებიდან დაფინანსებული მედიებით, სუსის ყოფილ უფროსზე ხელოვნური თავდასხმები მთავარი პრობლემიდან ყურადღების გადასატანად ხდებოდა, ორივე მხარის ინტერესების გათვალისწინებით კი, რეალური თაღლითური ქოლცენტრები ხელშეუხებელი რჩებოდა. "ნეიტრალური საქართველოს" წევრი წარსულს იხსნებებს, მაშინ, როცა ლილუაშვილმა ტელევიზიებს სასამართლოში უჩივლა და პროცესი მოიგო. ნიკოლეიშვილის თქმით, გამარჯვების მიზეზი ის ფაქტი გახდა, რომ მედიები ქოლცენტრების არასწორ მისამართებს მიზანმიმართულად ავრცელებდნენ.ქოლცენტრების თემა ლევან ხაბეიშვილს უყვარდა. სწორედ "ნაციონალური მოძრაობის" თავმჯდომარე აქტიურობდა ამ საკითხით მედიაში. არქივი არაერთ ვიდეოს ინახავს, მათ შორის, ხაბეიშვილის მიერ გაჟღერებულ უმისამართო მისამართებსაც.ხაბეიშვილი-ლილუაშვილის გარიგების "ნაციონალურ მოძრაობას" არ სჯერა. არგუმენტად მათი ყოფილი თავმჯდომარის წარსული აქტიურობა და აქტივობები მოჰყავთ. წარდგენილ ბრალს არ ეთანხმება არც სუსის ყოფილი ხელმძღვანელი, რომელსაც სასამართლომ წინასწარი პატიმრობა შეუფარდა. სხდომას თავად არ დაესწრო და სათქმელი წერილით ადვოკატს გამოატანა.იყო თუ არა რეიდები დადგმული ქოლცენტრების ცრუ მისამართებზე და რა კავშირი აქვთ ლილუაშვილ-ხაბეიშვილს? მმართველი გუნდი გამოძიების შედეგების მოლოდინშია. "ქართულ ოცნებაში" აცხადებენ, რომ ყველა დანაშაულს პაუსხს კანონი გასცემს. კანონის წინაშე კი ყველა თანასწორია.კორუფციასთან უკომპრომისო ბრძოლა ხელისუფლების გაცხადებული პოლიტიკაა. მთავრობის მეთაური, "ქართული ოცნების" დამფუძნებლის და საპატიო თავმჯდომარის 2023 წლის განცხადებას იხსენებს. ირაკლი კობახიძის თქმით, მას შემდეგ, რაც კორუფციასთან მიმართებით ეჭვები გაჩნდა, ხელისუფლებამ დანაშაულის აღმოფხვრის ზომები მიიღო.საბავშვო ბაღების ტენდერები, ქრთამის აღება, ბიზნესის ლობირება და ქოლცენტრების მფარველობა - საგამოძიებო უწყების ინფორმაციით, გრიგოლ ლილუაშვილის წინააღმდეგ აღძრული სისხლის სამართლის საქმე 4 ეპიზოდისგან შედგება. ბრალის დამტკიცების შემთხვევაში, სუსის ყოფილ უფროსს 11-დან 15 წლამდე პატიმრობა მოუწევს. 

პოლიტიკა • 1766602370

არჩილ გორდულაძე: ირაკლი კობახიძემ როგორც კი სრული კონტროლი ხელში აიღო, ყველა თემას მიადგა, რაც ხალხის საჭიროებიდან გამომდინარეობს, მათ შორის, ფასებს - ღარიბაშვილი, ლილუაშვილი და სხვები, ამ საშინელი მემკვიდრეობის აღმოფხვრის ნაცვლად, თურმე საკუთარ ჯიბეზე უფრო ზრუნავდნენ

ირაკლი კობახიძემ როგორც კი სრული კონტროლი ხელში აიღო, ყველა თემას მიადგა, რაც ხალხის საჭიროებიდან გამომდინარეობს, მათ შორის ფასებს. ვნახეთ, როგორი ისტერია დაიმართეს ნაცებმა, როგორ თუ ფასებზე შეხება გაბედეთ, ამით ბიზნესს უტევთო. ნაცები რომ ბიზნესზე შეტევას სხვას აბრალებენ, ეს ცალკე სერიაა, - წერს პარლამენტის იურიდიულ საკითხთა კომიტეტის თავმჯდომარე, არჩილ გორდულაძე, სოციალურ ქსელში.მისი განცხადებით, ოპოზიციის რეაქციაზე მეტად, საინტერესოა ის, რომ დისტრიბუტორთა ასოციაციის მოქმედი ხელმძღვანელები "ნაცკლასტერის" აქტივისტები არიან და "დღეს დიდი ენთუზიაზმით აორგანიზებდნენ პრემიერის საწინააღმდეგო განცხადებებს". ასევე, გორდულძე აღნიშნავს, რომ "ნაციონალურმა მოძრაობამ", სისხლის სამართლის კოდექსში არსებული 195-ე მუხლი გააუქმა, რაც მონოპოლიურ საქმიანობასა და კონკურენციის შეზღუდვაზე სასჯელს ითვალისწინებდა. ირაკლი კობახიძემ როგორც კი სრული კონტროლი ხელში აიღო, ყველა თემას მიადგა, რაც ხალხის საჭიროებიდან გამომდინარეობს, მათ შორის ფასებს. ვნახეთ, როგორი ისტერია დაიმართეს ნაცებმა, როგორ თუ ფასებზე შეხება გაბედეთ, ამით ბიზნესს უტევთო. ნაცები რომ ბიზნესზე შეტევას სხვას აბრალებენ, ეს ცალკე სერიაა, მაგრამ უფრო მთავარი სხვა რამ არის: კარტელურ გარიგებებთან დაკავშირებით ორი ძალიან საინტერესო ამბავი:1. დისტრიბუტორთა ასოციაციის მოქმედი ხელმძღვანელები ნაცკლასტერის ჩვეულებრივი აქტივისტები არიან და დღეს დიდი ენთუზიაზმით აორგანიზებდნენ პრემიერის საწინააღმდეგო განცხადებებს.2. რაც არ უნდა პარადოქსულად ჩანდეს, ნაცმოძრაობის მმართველობის დროს სისხლის სამართლის კოდექსში საერთოდ გაუქმდა 195-ე მუხლი - რომელიც ასე გამოიყურებოდა: მუხლი 195. მონოპოლიური საქმიანობა და კონკურენციის შეზღუდვა 1. მონოპოლიური საქმიანობა მონოპოლიურად მაღალი ან დაბალი ფასების დაწესებით, აგრეთვე კონკურენციის შეზღუდვა ბაზრის დაყოფის, ბაზარზე გავლენის შენარჩუნების, ეკონომიკური საქმიანობის სხვა სუბიექტის ბაზრიდან გამოდევნის ან ერთიანი საბაზრო ფასის დადგენის ან შენარჩუნების გზით, — ისჯება ჯარიმით ან თავისუფლების აღკვეთით ვადით ორ წლამდე. 2. იგივე ქმედება, ჩადენილი: ა) ჯგუფურად; ბ) არაერთგზის, — ისჯება ჯარიმით ან თავისუფლების აღკვეთით ვადით ოთხ წლამდე.3. ამ მუხლის პირველი ან მე-2 ნაწილით გათვალისწინებული ქმედება, ჩადენილი ძალადობით ან ძალადობის მუქარით, აგრეთვე სხვისი ნივთის დაზიანებით ან განადგურებით ან ასეთი დაზიანების ან განადგურების მუქარით, თუ არ არსებობს გამოძალვის ნიშნები, — ისჯება თავისუფლების აღკვეთით ვადით სამიდან შვიდ წლამდე და ჯარიმით. ღარიბაშვილი, ლილუაშვილი და სხვები იმის ნაცვლად, რომ ამდენი წლის განმავლობაში ამ საშინელი მემკვიდრეობის აღმოფხვრაზე ეზრუნათ, თურმე საკუთარ ჯიბეზე უფრო ზრუნავდნენ და აგენტებს ნაცების საწინააღმდეგოდ კი არა, მათი და ნაცების საერთო ბიზნესების და შესაბამისი პიარდაზღვევების დალაგებაზე ზრუნავდნენ! ზუსტად ამიტომ არის, რომ ხაბეიშვილი ერთადერთი აგენტია, რომელიც ირაკლი კობახიძემ ბოლომდე გაშიფრა და მამუკა მდინარაძემ დაიჭირა! რა თქმა უნდა, შესაბამისი სამართლებრივი საფუძვლით, რომელზედაც ზუსტად აგენტობის გამო ფიქრობდა, რომ შერჩებოდა!.. დასკვნები საზოგადოებისთვის მიმინდია!.." - წერს არჩილ გორდულაძე.

პოლიტიკა • 1766517086

ლევან ნიკოლეიშვილი: ლილუაშვილის გოიმურად და ვითომ ჩეკისტურად დალაგებული სქემა ხაბეიშვილის ფაქტორით იშიფრება!

როცა ნაცმედიები ლილუაშვილს ქოლცენტრებთან კავშირში “ამხელდნენ”, მათი ე. წ. “ნიუსპოვოდი” და ლილუაშვილის მთავარი მამხილებელი იცით ვინ იყო? ვინ “ებრძოდა” მას თავგამოდებით და ვის ციტირებდნენ ნაცმედიები? ვინ იყო ის ერთადერთი ყველაზე შეუპოვარი პოლიტიკოსი, ვინც ბოლომდე ჩაჰყვა ლილუაშვილს?! - თავად ლილუაშვილის დახელფასებული აგენტი, ლევან ანიტა ხაბეიშვილი - წერს „ერთიანი ნეიტრალური საქართველოს“ წევრი ლევან ნიკოლეიშვილი სოციალურ ქსელში.როგორც ნიკოლეიშვილი აღნიშნავს, გასკდა ამბავი, რომ ნაცების მედიები ქოლცენტრებიდან ფინანსდებოდა და ლილუაშვილსაც ჰქონდა თავისი “პაიოკი”.„ლილუაშვილის გოიმურად და ვითომ ჩეკისტურად დალაგებული სქემა ხაბეიშვილის ფაქტორით იშიფრება! გასკდა ამბავი, რომ ნაცების მედიები ქოლცენტრებიდან ფინანსდებოდა და ლილუაშვილსაც ჰქონდა თავისი “პაიოკი”. დაზღვევის მიზნით ლილუაშვილმა დაალაგა და ნაცების ტელევიზიები მას “ამხელდნენ” იქ, სადაც არაფერი ხდებოდა - თავს ესხმოდნენ არასწორ მისამართებზე, რეალური ქოლცენტრები კი გუგუნებდა, არც მაშინდელი სუსი იყო მომკითხავი და არც “კრიტიკული მედია”.მეტი დამაჯერებლობისთვის ლილუაშვილმა ნაცმედიას უჩივლა და პროცესიც მოიგო. მაგრამ ჰოლივუდური კვანძი ერთი სასაცილო ამბით იხსნება: როცა ნაცმედიები ლილუაშვილს ქოლცენტრებთან კავშირში “ამხელდნენ”, მათი ე. წ. “ნიუსპოვოდი” და ლილუაშვილის მთავარი მამხილებელი იცით ვინ იყო? ვინ “ებრძოდა” მას თავგამოდებით და ვის ციტირებდნენ ნაცმედიები? ვინ იყო ის ერთადერთი ყველაზე შეუპოვარი პოლიტიკოსი, ვინც ბოლომდე ჩაჰყვა ლილუაშვილს?! - თავად ლილუაშვილის დახელფასებული აგენტი ლევან ანიტა ხაბეიშვილი… მთავარ როლებში: გრიგოლ და სანდრო ლილუაშვილები ანიტა ხაბეიშვილი ნოდარ მელაძე დავიდ კეზერაშვილი გიორგი თარგამაძე დები ქაჯაიები და სხვები კოსწიუმების მხატვარი ნიკა გვარამია მუსიკა ნიკა მემანიშვილი“ - წერს ნიკოლეიშვილი.

საზოგადოება • 1766482235

სახალხო დამცველი ლევან ხაბეიშვილის ოჯახის წევრებს შეხვდა

2025 წლის 23 დეკემბერს საქართველოს სახალხო დამცველი ლევან იოსელიანი მსჯავრდებულ ლევან ხაბეიშვილის ოჯახის წევრებს და ადვოკატს  შეხვდა.შეხვედრაზე საუბარი ოჯახის წევრებთან მსჯავრდებულის პაემნის საკითხს შეეხო. ასევე ადვოკატმა ისაუბრა საქმის დეტალებზე და აღნიშნა, რომ  მასალებს მხარე უახლოეს დღეებში გადასცემს სახალხო დამცველის აპარატს.

პოლიტიკა • 1766065956

ხაბეიშვილი: რომ მდომოდა, გაყალბებული არჩევნების პირობებშიც კი ვიქნებოდი პარლამენტში, მოვიწყობდი ცხოვრებას, მაგრამ შეგნებული ცხოვრებიდან გამომდინარე, ეს სწორად არ მიმაჩნია

მინდა, ჩემმა შვილებმა და ხალხმა იცოდეს, რომ მამამისი კრიმინალი არ არის, პატრიოტია, აბსოლუტურად უდანაშაულოდ ვცნობ თავს, – ამის შესახებ „ნაციონალური მოძრაობის“ წევრმა, ლევან ხაბეიშვილმა სასამართლო პროცესზე განაცხადა.მისი თქმით, გაყალბებული არჩევნების პირობებშიც კი შეეძლო და იქნებოდა პარლამენტში, მაგრამ უარი თქვა.„წლების განმავლობაში ვარ პოლიტიკაში და უამრავი საჯარო განცხადება მაქვს გაკეთებული. რომ მდომოდა, გაყალბებული არჩევნების პირობებშიც კი შემეძლო და ვიქნებოდი პარლამენტში, მაგრამ ჩემი ნებით ვთქვი უარი. მოვიწყობდი ცხოვრებას და ვიქნებოდი კარგად, მაგრამ ჩემი შეგნებული ცხოვრებიდან არ მიმაჩნია ეს სწორად. ჩემზე ხორციელდება ფსიქოლოგიური ზეწოლა. აბა, იფიქრეთ როგორია, შვიდი წელი გაატარო სამარტოო საკანში, პატიმრობაში მყოფ ადამიანს ეფიქრება ათას სისაძაგლეზე, ეს არის ფსიქოლოგიური ზეწოლა, ეს არის ის ტვირთი, რაც მე თავად ავიკიდე, რადგან როცა ფიქრობ, მართალი ადამიანი ხარ, გინდა, გახვიდე ბოლოში. ეს ჩემი ტვირთია. როგორ შეიძლება, ქრთამად ჩაითვალოს პოლიტიკოსის საჯარო დაპირება. ქრთამი იცით რა არის ბატონო მოსამართლე? მაშინ სხვა დანაშაულებიც მაქვს ჩადენილი და მიამატეთ. მე ბევრჯერ მითქვამს, რომ პედაგოგებს მოემატება ხელფასი, რადგან იმსახურებენ, პენსიონერებზეც მითქვამს, მათ შორის რა განსხვავებაა? რა განსხვავებაა, როცა გდდ-ს თანამშრომლებს ვეუბნებოდი საჯაროდ, არ ჩაიდინოთ უკანონობა და მიიღებთ ჯილდოს. არ არსებობს ჩემი მოწოდება, სადაც არ განვმარტავ რას ვგულისხმობ. სახლი მე არ მაქვს, ავტომობილი არ მაქვს, ერთი ბოტასი და ორი მაისური მაქვს, რომ მეთქვა, ჯიბიდან მოგცემთ ქრთამს-თქო, სიცილით მოკვდებოდნენ. ჩემი სიმდიდრე არის ჩემი სიმართლე და ჩემი ოჯახი. გდდ-ს ვეუბნებოდი, არ მოიქცეთ უკანონოდ, თუ სადმე მე ვამბობ რომ თქვენ არ დაემორჩილოთ, არ შეასრულოთ თქვენი უფლებამოსილება და გადაგიხდით, მე ვაღიარებ დანაშაულს. საქმეში სამი გდდ-ს თანამშრომლის ჩვენება დევს, რომლებიც ჩემი წინადადებით შეურაცხყოფილად იგრძნეს თავი, სამი გდდ-ს გამო უნდა ვიყო შვიდი წელი ციხეში? მე მინდა, ჩემმა შვილებმა და ხალხმა იცოდეს, რომ მამამისი კრიმინალი არ არის და პატრიოტია. მოქმედება არ არის, მხოლოდ სიტყვებია, რომ ხაბეიშვილმა თქვა. აბსოლუტურად უდანაშაულოდ ვცნობ თავს. მხოლოდ ლაპარაკის გამო ვარ დაჭერილი. მართალი ვარ და ამას საქართველოს სასამართლოში თუ არა, ევროპულ სასამართლოში მაინც დავამტკიცებ“, – განაცხადა ლევან ხაბეიშვილმა.

პოლიტიკა • 1766052149

ვიკა ფილფანი: ლევან ხაბეიშვილის ადგილზე, საერთოდ არ გავაკეთებდი პოლიტიკურ განცხადებას, მისი დაგეგმილი პროვოკაციის დამსახურებით 44 ადამიანი ზის ციხეში

4 ოქტომბერი იყო დაგეგმილი პროვოკაცია, ძალიან დიდი ვარაუდი მაქვს, რომ ეს იყო „ქართული ოცნების“ ოფისში დაგეგმილი პროვოკაცია, რაშიც დაეხმარა „ნაციონალური მოძრაობა“, – ამის შესახებ პარტიის, „გახარია საქართველოსთვის“ წევრმა, ვიკა ფილფანმა განაცხადა.მისი თქმით, ამ პროვოკაციის შედეგად გაიწირა ხალხი, ძალიან ბევრი ადამიანი წამოეგო ამ პროვოკაციაზე.„4 ოქტომბერი იყო დაგეგმილი პროვოკაცია. ძალიან დიდი ვარაუდი მაქვს, რომ ეს იყო საერთოდაც „ქართული ოცნების“ ოფისში დაგეგმილი პროვოკაცია, რაშიც დაეხმარა „ნაციონალური მოძრაობა“ და, სამწუხაროდ, გაიწირა ხალხი, ძალიან ბევრი ადამიანი წამოეგო ამ პროვოკაციაზე. ლევან ხაბეიშვილის ადგილზე, საერთოდ არ გავაკეთებდი რაიმე პოლიტიკურ განცხადებას იმიტომ, რომ მისი დაგეგმილი პროვოკაციის დამსახურებით 44 ადამიანი ზის ციხეში, იმ პროვოკაციის მსხვერპლი არიან, რომელიც მათ „ქართულ ოცნებასთან“ ერთად დაგეგმეს. ახლა ციხეში მყოფ ადამიანებზე სხვა ვერაფერს ვერ ვიტყვი. ციციდან თუ გამოვლენ და როცა გამოვლენ, მერე შევეპასუხები, რომ პასუხის გაცემის თავი ჰქონდეს. თავის გუნდის წევრებს მოუწოდოს, თუ რამეს მოუწოდებს და თუ რამის მოწოდების სურვილი აქვს იმიტომ, რომ უბრალოდ არ შეიძლება, 4 ოქტომბერი მოაწყო, შტურმი მოაწყო, ადამიანები გაწირო საციხოდ და მერე კიდევ იქეთ გქონდეს ვიღაცის მიმართ პრეტენზია“, – განაცხადა ვიკა ფილფანმა.

პოლიტიკა • 1765361307

ნიკოლოზ სამხარაძე: ხაბეიშვილი მიტოვებულად გრძნობს თავს, რადგან თანამებრძოლებმა მიატოვეს, ოპოზიციაში ერთმანეთის მიმართ პატივისცემით არ გამოირჩევიან

ლევან ხაბეიშვილი მიტოვებულად გრძნობს თავს, რადგან თანამებრძოლებმა მიატოვეს. ის ნაწყენი ადამიანის პოზიციიდან გამოდის, რაშიც გაგება შეიძლება, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ საქართველოს პირველ არხს განუცხადა.სამხარაძის თქმით, ოპოზიციაში ერთმანეთის მიმართ პატივისცემით არ გამოირჩევიან.„ხაბეიშვილის განცხადება იმ რეალობას აჩვენებს, რაც, სამწუხაროდ, ოპოზიციაშია. ისინი ერთმანეთის მიმართ პატივისცემით არ გამოირჩევიან“, – განაცხადა ნიკოლოზ სამხარაძემ.ცნობისთვის, „ნაციონალური მოძრაობის“ წევრმა, ლევან ხაბეიშვილმა სასამართლო პროცესზე განაცხადა: „რა გაჩერებთ სახლებში, ღამით კაპუჩინო უნდა დალიოთ და აქციაზე ვერ დარჩებით? და მე თურმე ბრალი უნდა ვაღიარო, აზრზე მოდით, ვერ გავიმარჯვებთ, ვიდრე საკუთარ თავში შიშს არ დაამარცხებთ“.

პოლიტიკა • 1765351805

გურამ მაჭარაშვილი: ხაბეიშვილის გაბრაზება გასაგებია, ჯერ ქუჩაში მიატოვეს, შემდეგ - საპყრობილეში, ზოგი კაპუჩინოს სვამს, ზოგი რომში ისვენებს, ზოგი მასაჟებს იკეთებს, ეს არის ოპოზიციის საქმე

ლევან ხაბეიშვილის გაბრაზება გასაგებია, რადგან ჯერ ქუჩაში მიატოვეს, შემდეგ – საპყრობილეში. რა ეგონა? იმ ხალხის იმედი რატომ ჰქონდა, რომელთაც საკუთარი ხალხი, ქვეყანა გადააგდეს? ხაბეიშვილს რატომ გამოეკიდებოდნენ?, – ამის შესახებ პარტია „ხალხის ძალის“ წევრმა, გურამ მაჭარაშვილმა საქართველოს პირველ არხს განუცხადა.მაჭარაშვილის თქმით, „ყოველთვის ასეთ შედეგს მიიღებ, როცა თავი მოგაქვს პოლიტიკოსად და ვერ ხვდები, ვინ არის გადამგდები და ქვეყნის საწინააღმდეგოდ მოქმედი“.„გარეთაც რომ იყო, რაზეც მუშაობდა, პარტიაში სულ წინააღმდეგობა ჰქონდა და რატომ ჰქონდა იმედი, რომ საპყრობილეში ჩაყვებოდნენ ვითომ მოკავშირეები? რაც ხდება, ლოგიკური შედეგია იმისა, რაც „ნაცმოძრაობას“ ახასიათებს. ოპოზიციაში ზოგი კაპუჩინოს სვამს, ზოგი რომში ისვენებს, ზოგი მასაჟებს იკეთებს. ეს მათი საქმე და მათი საქმიანობის შედეგია. ხალხს მოუწოდებენ, ქუჩაში წვიმაში იდგნენ, ციხეში წავიდნენ და თავად ყავას მიირთმევენ, ზოგი რომში და ზოგი სხვა დედაქალაქებში. ვინც აქ არის, ისინი არც წვიმაში გამოსვლით იწუხენენ თავს და არც ქუჩაში დგომით. ახალგაზრდებს ვაფრთხილებდით, რომ შეცდომაში შეჰყავდათ და დაინტერესებული იყვნენ მხოლოდ იმით, რომ ხელისუფლებაში მოსასვლელად აქ დამხობა, რევოლუცია მოეწყოთ“, – განაცხადა მაჭარაშვილმა.ცნობისთვის, „ნაციონალური მოძრაობის“ წევრმა, ლევან ხაბეიშვილმა სასამართლო პროცესზე განაცხადა: „რა გაჩერებთ სახლებში, ღამით კაპუჩინო უნდა დალიოთ და აქციაზე ვერ დარჩებით? და მე თურმე ბრალი უნდა ვაღიარო, აზრზე მოდით, ვერ გავიმარჯვებთ, ვიდრე საკუთარ თავში შიშს არ დაამარცხებთ“.