მსოფლიო • 1752586140

ორბანმა მოუწოდა ევროკავშირს, სანქციები დაუწესოს უკრაინის იმ ლიდერებს, რომლებიც იოჟეფ შებეშტიენის სიკვდილზე არიან პასუხისმგებელი

უნგრეთის პრემიერ-მინისტრმა, ვიქტორ ორბანმა ევროკავშირს მოუწოდა, სანქციები დაუწესდეთ უკრაინის იმ ოფიციალურ პირებს, რომლებიც ტრანსკარპატიელი უნგრელის, იოჟეფ შებეშტიენის სამხედრო სამსახურში იძულებითი გაწვევისას სიკვდილზე არიან პასუხისმგებელი. ამის შესახებ განცხადება უნგრეთის პრემიერ-მინისტრმა სოციალურ ქსელში გამოაქვეყნა.„იოჟეფ შებეშტიენი იძულებითი გაწვევის დროს სიკვდილამდე სცემეს. დღეს უნგრეთის მთავრობამ ბრიუსელს მოუწოდა, ევროკავშირის ადამიანის უფლებათა დამრღვევთა სიაში დაუყოვნებლივ შეიყვანოს უკრაინელი ლიდერები, რომლებიც პასუხისმგებელნი არიან უნგრეთის მოქალაქის, იოჟეფ შებეშტიენის სიკვდილზე“, – დაწერა ორბანმა „ფეისბუქის“ გვერდზე.მანამდე ორბანმა განაცხადა, რომ უნგრეთი ევროკავშირისგან მოითხოვს, მკაფიოდ გამოხატოს პროტესტი უკრაინაში სამხედრო სამსახურში იძულებითი გაწვევის წინააღმდეგ.უნგრეთის საგარეო საქმეთა მინისტრი პეტერ სიიარტო შებეშტიენის დაღუპვასთან დაკავშირებით საკითხის დაყენებას ბრიუსელში, ევროკავშირის ქვეყნების კოლეგებთან შეხვედრაზე გეგმავს.უნგრეთის ხელისუფლების ინფორმაციით, ივნისის შუა რიცხვებში შებეშტიენი ქუჩაში დააკავეს უკრაინელმა ძალოვნებმა, ძალით წაიყვანეს გაწვევის პუნქტში და სასტიკად სცემეს იმის გამო, რომ მას არ სურდა ფრონტზე წასვლა. ის 6 ივლისს მიღებული დაზიანებების შედეგად საავადმყოფოში გარდაიცვალა, ხოლო სამი დღის შემდეგ მშობლიურ ქალაქში დაკრძალეს.შებეშტიენის გარდაცვალების შესახებ ინფორმაცია სოციალურ ქსელებში მისმა ახლობლებმა გაავრცელეს.ბუდაპეშტში უკრაინის ელჩი ფიოდორ შანდორი 10 ივლისს უნგრეთის საგარეო საქმეთა სამინისტროში გამოიძახეს, სადაც მისგან შებეშტიენის სიკვდილის შესახებ განმარტება მოითხოვეს.უკრაინამ კატეგორიულად უარყო უნგრეთის ბრალდებები.კიევიდან გავრცელებული ინფორმაციით, უკრაინის შეიარაღებული ძალების სახმელეთო ჯარების სარდლობამ განაცხადა, რომ შებეშტიენი 6 ივლისს გარდაიცვალა ფილტვის არტერიის თრომბოემბოლიის შედეგად და მას ფიზიკური ძალადობის არანაირი კვალი არ აღენიშნებოდა.

პოლიტიკა • 1752390363

"ჩვენ ვერავის დავესხმებით თავს, მაგრამ ვერც იმას დავპირდებით ვინმეს, რომ ქვეყანას, მის სუვერენიტეტსა და იდენტობას და ქართველი ხალხის ინტერესებს არ დავიცავთ. ამ ბრძოლაში ვერავითარ კომპრომისს ვერ დავუშვებთ" - "ქართული ოცნების" პოლიტსაბჭო

"ქართული ოცნების" პოლიტიკური საბჭო განცხადებას ავრცელებს.როგორც განცხადებაშია აღნიშნული, 17 ევროპული სახელმწიფოს საგარეო საქმეთა მინისტრებისა და ევროკავშირის უმაღლესი წარმომადგენლის ხელმოწერით გავრცელდა წერილი, რომელიც, სამწუხაროდ, უნდა შეფასდეს როგორც მორიგი უხეში და უსამართლო თავდასხმა ქართველ ხალხზე და ქართულ დემოკრატიაზე."განცხადება გაჯერებულია საბჭოური სტილის დეზინფორმაციით და ცრუ ბრალდებებით. შესაბამისად, მოვუწოდებთ წერილის თითოეულ ხელმომწერს, საკუთარ განცხადებებს მომავალში მეტი პასუხისმგებლობით მოეკიდონ.ქართველი ხალხის წინააღმდეგ ორკესტრირებულ თავდასხმას, რომელმაც 26 ოქტომბრის შემდეგ ახალი შინაარსი შეიძინა, აქვს ერთადერთი მიზეზი - ქართველმა ხალხმა არ დაუშვა ხელისუფლებაში „დიპ სტეიტის“ აგენტურის, კოლექტიური „ნაცმოძრაობის“ დაბრუნება, რასაც ღიად გულშემატკივრობდნენ ევროკავშირის ელჩი საქართველოში და კონკრეტული ევროპელი და ყოფილი ამერიკელი ჩინოვნიკები.ყველა ხედავს, რომ საპარლამენტო არჩევნების ლეგიტიმურობას ვერავინ აყენებს ეჭქვეშ. გარდა ობიექტური სინამდვილისა, არჩევნების ლეგიტიმურობას ამყარებს როგორც ეუთო/ოდირის დასკვნა, ისე ეუთოს ხელმძღვანელი თანამდებობის პირების განცხადებები, მათ შორის ეუთოს გენერალური მდივნის რამდენიმე დღის წინანდელი განცხადება იმის შესახებ, რომ 2024 წლის არჩევნები ქართველი ხალხის ნებას სრულად ასახავდა. აშკარაა, რომ ევროპელი ჩინოვნიკები არა არჩევნების შინაარსით, არამედ მისი შედეგით არიან უკმაყოფილო.18 ევროპელი ჩინოვნიკის განცხადებაში მოცემული ერთ-ერთი დეზინფორმაცია უკავშირდება რადიკალი პოლიტიკოსების დაპატიმრებას, რომელსაც „პოლიტიკურად მოტივირებულს“ უწოდებენ და მის მიზნად ადგილობრივი არჩევნების წინ „პოლიტიკური ოპოზიციის ჩახშობას“ ასახელებენ. პირველ რიგში, ყველას უნდა შევახსენოთ, რომ დაპატიმრებული პოლიტიკოსებიდან, ადგილობრივი თვითმმართველობის არჩევნებში მონაწილეობას მხოლოდ მამუკა ხაზარაძე და ბადრი ჯაფარიძე გეგმავდნენ/გეგმავენ. ხელმომწერ ჩინოვნიკებს ისიც უნდა შევახსენოთ, რომ კანონი, რომლის საფუძველზეც პოლიტიკოსებს პატიმრობა შეეფარდათ, საქართველოში სამი ათეული წლის წინ არის მიღებული და ის ევროპულ პრაქტიკას და სტანდარტებს სრულად შეესატყვისება. შესაბამისი სისხლის სამართლის საქმეები სრულიად მარტივი და გამჭვირვალეა. კონკრეტული პოლიტიკოსები არ გამოცხადდნენ საპარლამენტო საგამოძიებო კომისიაში, რისთვისაც კანონმდებლობა 1 წლამდე თავისუფლების აღკვეთას ითვალისწინებს და ამ დანაშაულისთვის მათ 7-8 თვით თავისუფლების აღკვეთა შეეფარდათ. ვინც გამოცხადდა, მას არც არავითარი სასჯელი შეფარდებია. მეტიც, სწორედ თვითმმართველობის არჩევნების კონტექსტში, საქართველოს პრეზიდენტმა, მიხეილ ყაველაშვილმა განაცხადა, რომ შეიწყალებდა ყველა პოლიტიკოსს, რომელიც არჩევნებში მონაწილეობის სურვილს გამოთქვამდა და შესაბამისი განცხადებით პრეზიდენტს მიმართავდა. თუმცა, ამ შემთხვევაშიც რადიკალმა პოლიტიკოსებმა გამოხატეს სრული უპატივცემულობა სახელმწიფო ინსტიტუტის მიმართ, რასაც ევროპელი ჩინოვნიკები მდუმარე მხარდაჭერით შეხვდნენ.წერილი შეიცავს კიდევ ერთ დეზინფორმაციას იმის შესახებ, რომ, თითქოს, აქტივისტები „უსამართლოდ არიან დაკავებული“. ეს განცხადება სხვა არაფერია, თუ არა იმ ფაქტის მორიგი ლუსტრაცია, რომ გასული წლის ნოემბერ-დეკემბერში ხელისუფლების დამხობის მცდელობა და მომიტინგეების ბრუტალური ძალადობა სწორედ გარედან იყო მხარდაჭერილი. ყველას კარგად მოეხსენება, რომ ლეგიტიმური ხელისუფლების დამხობის ძალადობრივ მცდელობას გაუმჭვირვალედ აფინანსებდნენ USAID, NED, EED და სხვა მსგავსი ფონდები და ღიად უჭერდნენ მხარს კონკრეტული ევროპელი და ყოფილი ამერიკელი ჩინოვნიკები. მათვე შერაცხეს ბრუტალური ძალადობა „მშვიდობიან პროტესტად“, რასაც საბჭოური პროპაგანდაც კი არ იკადრებდა. როგორც ცნობილია, მოძალადე მომიტინგეების მიმართ წარმართული ყველა პროცესი არის სრულიად გამჭვირვალე. ამასთან, დეზინფორმაციით გაჯერებულ წერილზე ხელმომწერ ჩინოვნიკებს შევახსენებთ, რომ რამდენიმე ასეული მოძალადიდან მხოლოდ 30-მდე მოძალადეა დაკავებული, რაც გამოძიების მაღალ სტანდარტს ადასტურებს. ხელმომწერებს ასევე შევახსენებთ, რომ დიდ ბრიტანეთში, გერმანიაში, საფრანგეთში, შვედეთში, ესპანეთში და სხვა შესაბამის ევროპულ ქვეყნებში პოლიციელზე თავდასხმისთვის მრავალწლიანი (მათ შორის 5-8 წელი) პატიმრობაა გათვალისწინებული.როდესაც ვინმეს პოლიტიკურ დევნაზეა საუბარი, ყველას გვინდა შევახსენოთ, რომ თუკი სადმე შეიძინა პოლიტიკური ელფერი პოლიტიკოსების სამართლებრივმა დევნამ, ეს სწორედ გერმანია და საფრანგეთია. გერმანიასა და საფრანგეთში მთავარი ოპოზიციური პარტიებისა და მათი ლიდერების დევნის ფონზე, მათი მხრიდან პოლიტიკურ დევნაზე საუბარი, რბილად რომ ვთქვათ, ღიმილისმომგვრელია. ასევე, უნდა გავიხსენოთ რუმინეთში მომხდარი გაუგონარი ამბავი, როდესაც საპრეზიდენტო არჩევნების პირველ ტურში გამარჯვებულ კანდიდატს ჯერ არჩევნები საერთოდ გაუუქმეს, ხოლო მოგვიანებით სისხლის სამართლის საქმე აღუძრეს და არჩევნებში მონაწილეობა აუკრძალეს. ევროპული ბიუროკრატიისგან, რომელმაც დემოკრატიის ფეხქვეშ გათელვის ამ აქტს სრული მხარდაჭერა გამოუცხადა, ქართული დემოკრატიის დაწუნება სრულიად უადგილოა.შემაშფოთებელია დეზინფორმაციით გაჯერებულ წერილში მოცემული დირექტივაც იმის შესახებ, რომ უნდა „გაუქმდეს ბოლო დროს მიღებული რეპრესიული კანონები“. საუბარია კანონებზე, რომელთა მიზანი გარე დაფინანსებით საქართველოს სუვერენიტეტის დარღვევისა და სახელმწიფო ინსტიტუტების დასუსტების აღკვეთაა. ყველა ეს კანონი სრულ შესაბამისობაშია სამართლებრივ პრინციპებთან და სტანდარტებთან. აქედან გამომდინარე, ყოველგვარი არგუმენტის გარეშე საქართველოს პარლამენტისთვის იმის მითითება, თუ რა კანონი უნდა მიიღოს და რა არა, საპარლამენტო სუვერენიტეტის უხეში ხელყოფა და ქართველი ხალხის შეურაცხყოფაა.18 ევროპელი ჩინოვნიკის წერილი კიდევ ერთხელ შეგვახსენებს, თუ რამდენად ღრმად არის ევროკავშირის ქვეყნების უდიდეს უმრავლესობაში და დიდ ბრიტანეთში ფესვგადგმული „დიპ სტეიტის“ არაფორმალური მმართველობა, რომლის პირობებშიც ევროპულ ბიუროკრატიაში არავითარი მორალური ზღვარი აღარ არსებობს. არსებობს ერთადერთი პრინციპი - ქვეყანას მართავს „დიპ სტეიტის“ აგენტურა ან ის ხდება გამუდმებული თავდასხმის ობიექტი ევროპელი ჩინოვნიკების მხრიდან. ერთადერთი, რასაც ვერ პატიობენ, საქართველოს, უნგრეთს, სლოვაკეთს და სერბეთს, სწორედ დამოუკიდებლობა და სუვერენიტეტია.ბოლო დროს განვითარებული მოვლენები აღრმავებს საფუძვლიან ეჭვს იმასთან დაკავშირებით, რომ თავის დროზე „დიპ სტეიტმა“ დიდი ბრიტანეთი ევროკავშირს კონკრეტული მიზნით დააშორა. „ბრექსიტის“ საფუძველზე, ჩამოყალიბდა მესამე, განცალკევებული ცენტრი, რომელიც „დიპ სტეიტის“ გლობალური დღის წესრიგის რეალიზებას ემსახურება. უნდა გავიხსენოთ დიდი ბრიტანეთის ყოფილი პრემიერის, ლიზ ტრასის სიტყვები, რომელმაც ხაზგასმით აღნიშნა, რომ დღეს ბრიტანეთს სწორედ „დიპ სტეიტი“ მართავს. იმედი გვაქვს, დონალდ ტრამპი შეძლებს დაპირების შესრულებას და „დიპ სტეიტის“ დამარცხებას, რაც ევროპულ ქვეყნებსაც დაუბრუნებს სუვერენიტეტს. ვხედავთ, რომ „დიპ სტეიტის“ სიმძიმის ცენტრმა აშშ-დან ევროპაში გადმოინაცვლა. თუ „დიპ სტეიტი“ არ დამარცხდა და მან მხოლოდ რებრენდინგი განიცადა, სამწუხაროდ, გაგრძელდება როგორც ევროპის დასუსტება, ისე თავდასხმები ქართველ ხალხზე და ქართულ დემოკრატიაზე. დონალდ ტრამპს კიდევ ერთხელ ვუსურვებთ წარმატებას ამ მნიშვნელოვან საქმეში.დღეს ევროპა დემოკრატიულ უკუსვლას და უმძიმეს ღირებულებით კრიზისს განიცდის. ევროპული სახელმწიფოების უმრავლესობა „დიპ სტეიტის“ პრინციპული გავლენის ქვეშ მოქმედებს. უკონტროლო მიგრაცია, ფსევდოლიბერალური პროპაგანდა, სახელმწიფო და რელიგიური ინსტიტუტების დაკნინება სწრაფი ტემპით აკარგვინებს ევროპას იდენტობას. არასასურველი პარტიებისა და კანდიდატების საარჩევნო გამარჯვების არაღიარება და არჩევნების გაუქმება, ოპონენტების პოლიტიკური დევნა, მედიის თავისუფლების ტოტალური შეზღუდვა ევროპისთვის დღეს ნორმად არის ქცეული. ამ ფონზე, არც ევროპარლამენტის აბსურდული რეზოლუციები, არც 18 ევროპელი ჩინოვნიკის დეზინფორმაციით გაჯერებული წერილი, არც მათი სანქციები და ქართველ ხალხზე სხვა თავდასხმები არავის უკვირს.ჩვენ ვერავის დავესხმებით თავს, მაგრამ ვერც იმას დავპირდებით ვინმეს, რომ ქვეყანას, მის სუვერენიტეტსა და იდენტობას და ქართველი ხალხის ინტერესებს არ დავიცავთ. ამ ბრძოლაში ვერავითარ კომპრომისს ვერ დავუშვებთ. ამავდროულად, გამოვხატავთ სრულ მზაობას, ვითანამშრომლოთ ნებისმიერ სახელმწიფოსთან, რომელსაც საქართველოსთან სამართლიანი თანამშრომლობის სურვილი აქვს. მნიშვნელოვანია, ყველამ გააცნობიეროს, რომ როგორც საქართველოს სჭირდება ევროპა, ისე, არანაკლებ, ევროკავშირსაც სჭირდება საქართველო“, - აღნიშნულია განცხადებაში.

პოლიტიკა • 1752387366

„ქართული ოცნების“ პოლიტსაბჭო: 17 ევროპული სახელმწიფოს საგარეო საქმეთა მინისტრებისა და ევროკავშირის უმაღლესი წარმომადგენლის ხელმოწერით გავრცელდა წერილი, რომელიც, სამწუხაროდ, უნდა შეფასდეს როგორც უხეში და უსამართლო თავდასხმა

„ქართული ოცნების“ პოლიტიკური საბჭო განცხადებას ავრცელებს.როგორც განცხადებაშია აღნიშნული, 17 ევროპული სახელმწიფოს საგარეო საქმეთა მინისტრებისა და ევროკავშირის უმაღლესი წარმომადგენლის ხელმოწერით გავრცელდა წერილი, რომელიც, სამწუხაროდ, უნდა შეფასდეს როგორც მორიგი უხეში და უსამართლო თავდასხმა ქართველ ხალხზე და ქართულ დემოკრატიაზე.„განცხადება გაჯერებულია საბჭოური სტილის დეზინფორმაციით და ცრუ ბრალდებებით. შესაბამისად, მოვუწოდებთ წერილის თითოეულ ხელმომწერს, საკუთარ განცხადებებს მომავალში მეტი პასუხისმგებლობით მოეკიდონ.ქართველი ხალხის წინააღმდეგ ორკესტრირებულ თავდასხმას, რომელმაც 26 ოქტომბრის შემდეგ ახალი შინაარსი შეიძინა, აქვს ერთადერთი მიზეზი - ქართველმა ხალხმა არ დაუშვა ხელისუფლებაში „დიპ სტეიტის“ აგენტურის, კოლექტიური „ნაცმოძრაობის“ დაბრუნება, რასაც ღიად გულშემატკივრობდნენ ევროკავშირის ელჩი საქართველოში და კონკრეტული ევროპელი და ყოფილი ამერიკელი ჩინოვნიკები.ყველა ხედავს, რომ საპარლამენტო არჩევნების ლეგიტიმურობას ვერავინ აყენებს ეჭქვეშ. გარდა ობიექტური სინამდვილისა, არჩევნების ლეგიტიმურობას ამყარებს როგორც ეუთო/ოდირის დასკვნა, ისე ეუთოს ხელმძღვანელი თანამდებობის პირების განცხადებები, მათ შორის ეუთოს გენერალური მდივნის რამდენიმე დღის წინანდელი განცხადება იმის შესახებ, რომ 2024 წლის არჩევნები ქართველი ხალხის ნებას სრულად ასახავდა. აშკარაა, რომ ევროპელი ჩინოვნიკები არა არჩევნების შინაარსით, არამედ მისი შედეგით არიან უკმაყოფილო.18 ევროპელი ჩინოვნიკის განცხადებაში მოცემული ერთ-ერთი დეზინფორმაცია უკავშირდება რადიკალი პოლიტიკოსების დაპატიმრებას, რომელსაც „პოლიტიკურად მოტივირებულს“ უწოდებენ და მის მიზნად ადგილობრივი არჩევნების წინ „პოლიტიკური ოპოზიციის ჩახშობას“ ასახელებენ. პირველ რიგში, ყველას უნდა შევახსენოთ, რომ დაპატიმრებული პოლიტიკოსებიდან, ადგილობრივი თვითმმართველობის არჩევნებში მონაწილეობას მხოლოდ მამუკა ხაზარაძე და ბადრი ჯაფარიძე გეგმავდნენ/გეგმავენ. ხელმომწერ ჩინოვნიკებს ისიც უნდა შევახსენოთ, რომ კანონი, რომლის საფუძველზეც პოლიტიკოსებს პატიმრობა შეეფარდათ, საქართველოში სამი ათეული წლის წინ არის მიღებული და ის ევროპულ პრაქტიკას და სტანდარტებს სრულად შეესატყვისება. შესაბამისი სისხლის სამართლის საქმეები სრულიად მარტივი და გამჭვირვალეა. კონკრეტული პოლიტიკოსები არ გამოცხადდნენ საპარლამენტო საგამოძიებო კომისიაში, რისთვისაც კანონმდებლობა 1 წლამდე თავისუფლების აღკვეთას ითვალისწინებს და ამ დანაშაულისთვის მათ 7-8 თვით თავისუფლების აღკვეთა შეეფარდათ. ვინც გამოცხადდა, მას არც არავითარი სასჯელი შეფარდებია. მეტიც, სწორედ თვითმმართველობის არჩევნების კონტექსტში, საქართველოს პრეზიდენტმა, მიხეილ ყაველაშვილმა განაცხადა, რომ შეიწყალებდა ყველა პოლიტიკოსს, რომელიც არჩევნებში მონაწილეობის სურვილს გამოთქვამდა და შესაბამისი განცხადებით პრეზიდენტს მიმართავდა. თუმცა, ამ შემთხვევაშიც რადიკალმა პოლიტიკოსებმა გამოხატეს სრული უპატივცემულობა სახელმწიფო ინსტიტუტის მიმართ, რასაც ევროპელი ჩინოვნიკები მდუმარე მხარდაჭერით შეხვდნენ.წერილი შეიცავს კიდევ ერთ დეზინფორმაციას იმის შესახებ, რომ, თითქოს, აქტივისტები „უსამართლოდ არიან დაკავებული“. ეს განცხადება სხვა არაფერია, თუ არა იმ ფაქტის მორიგი ლუსტრაცია, რომ გასული წლის ნოემბერ-დეკემბერში ხელისუფლების დამხობის მცდელობა და მომიტინგეების ბრუტალური ძალადობა სწორედ გარედან იყო მხარდაჭერილი. ყველას კარგად მოეხსენება, რომ ლეგიტიმური ხელისუფლების დამხობის ძალადობრივ მცდელობას გაუმჭვირვალედ აფინანსებდნენ USAID, NED, EED და სხვა მსგავსი ფონდები და ღიად უჭერდნენ მხარს კონკრეტული ევროპელი და ყოფილი ამერიკელი ჩინოვნიკები. მათვე შერაცხეს ბრუტალური ძალადობა „მშვიდობიან პროტესტად“, რასაც საბჭოური პროპაგანდაც კი არ იკადრებდა. როგორც ცნობილია, მოძალადე მომიტინგეების მიმართ წარმართული ყველა პროცესი არის სრულიად გამჭვირვალე. ამასთან, დეზინფორმაციით გაჯერებულ წერილზე ხელმომწერ ჩინოვნიკებს შევახსენებთ, რომ რამდენიმე ასეული მოძალადიდან მხოლოდ 30-მდე მოძალადეა დაკავებული, რაც გამოძიების მაღალ სტანდარტს ადასტურებს. ხელმომწერებს ასევე შევახსენებთ, რომ დიდ ბრიტანეთში, გერმანიაში, საფრანგეთში, შვედეთში, ესპანეთში და სხვა შესაბამის ევროპულ ქვეყნებში პოლიციელზე თავდასხმისთვის მრავალწლიანი (მათ შორის 5-8 წელი) პატიმრობაა გათვალისწინებული.როდესაც ვინმეს პოლიტიკურ დევნაზეა საუბარი, ყველას გვინდა შევახსენოთ, რომ თუკი სადმე შეიძინა პოლიტიკური ელფერი პოლიტიკოსების სამართლებრივმა დევნამ, ეს სწორედ გერმანია და საფრანგეთია. გერმანიასა და საფრანგეთში მთავარი ოპოზიციური პარტიებისა და მათი ლიდერების დევნის ფონზე, მათი მხრიდან პოლიტიკურ დევნაზე საუბარი, რბილად რომ ვთქვათ, ღიმილისმომგვრელია. ასევე, უნდა გავიხსენოთ რუმინეთში მომხდარი გაუგონარი ამბავი, როდესაც საპრეზიდენტო არჩევნების პირველ ტურში გამარჯვებულ კანდიდატს ჯერ არჩევნები საერთოდ გაუუქმეს, ხოლო მოგვიანებით სისხლის სამართლის საქმე აღუძრეს და არჩევნებში მონაწილეობა აუკრძალეს. ევროპული ბიუროკრატიისგან, რომელმაც დემოკრატიის ფეხქვეშ გათელვის ამ აქტს სრული მხარდაჭერა გამოუცხადა, ქართული დემოკრატიის დაწუნება სრულიად უადგილოა.შემაშფოთებელია დეზინფორმაციით გაჯერებულ წერილში მოცემული დირექტივაც იმის შესახებ, რომ უნდა „გაუქმდეს ბოლო დროს მიღებული რეპრესიული კანონები“. საუბარია კანონებზე, რომელთა მიზანი გარე დაფინანსებით საქართველოს სუვერენიტეტის დარღვევისა და სახელმწიფო ინსტიტუტების დასუსტების აღკვეთაა. ყველა ეს კანონი სრულ შესაბამისობაშია სამართლებრივ პრინციპებთან და სტანდარტებთან. აქედან გამომდინარე, ყოველგვარი არგუმენტის გარეშე საქართველოს პარლამენტისთვის იმის მითითება, თუ რა კანონი უნდა მიიღოს და რა არა, საპარლამენტო სუვერენიტეტის უხეში ხელყოფა და ქართველი ხალხის შეურაცხყოფაა.18 ევროპელი ჩინოვნიკის წერილი კიდევ ერთხელ შეგვახსენებს, თუ რამდენად ღრმად არის ევროკავშირის ქვეყნების უდიდეს უმრავლესობაში და დიდ ბრიტანეთში ფესვგადგმული „დიპ სტეიტის“ არაფორმალური მმართველობა, რომლის პირობებშიც ევროპულ ბიუროკრატიაში არავითარი მორალური ზღვარი აღარ არსებობს. არსებობს ერთადერთი პრინციპი - ქვეყანას მართავს „დიპ სტეიტის“ აგენტურა ან ის ხდება გამუდმებული თავდასხმის ობიექტი ევროპელი ჩინოვნიკების მხრიდან. ერთადერთი, რასაც ვერ პატიობენ, საქართველოს, უნგრეთს, სლოვაკეთს და სერბეთს, სწორედ დამოუკიდებლობა და სუვერენიტეტია.ბოლო დროს განვითარებული მოვლენები აღრმავებს საფუძვლიან ეჭვს იმასთან დაკავშირებით, რომ თავის დროზე „დიპ სტეიტმა“ დიდი ბრიტანეთი ევროკავშირს კონკრეტული მიზნით დააშორა. „ბრექსიტის“ საფუძველზე, ჩამოყალიბდა მესამე, განცალკევებული ცენტრი, რომელიც „დიპ სტეიტის“ გლობალური დღის წესრიგის რეალიზებას ემსახურება. უნდა გავიხსენოთ დიდი ბრიტანეთის ყოფილი პრემიერის, ლიზ ტრასის სიტყვები, რომელმაც ხაზგასმით აღნიშნა, რომ დღეს ბრიტანეთს სწორედ „დიპ სტეიტი“ მართავს. იმედი გვაქვს, დონალდ ტრამპი შეძლებს დაპირების შესრულებას და „დიპ სტეიტის“ დამარცხებას, რაც ევროპულ ქვეყნებსაც დაუბრუნებს სუვერენიტეტს. ვხედავთ, რომ „დიპ სტეიტის“ სიმძიმის ცენტრმა აშშ-დან ევროპაში გადმოინაცვლა. თუ „დიპ სტეიტი“ არ დამარცხდა და მან მხოლოდ რებრენდინგი განიცადა, სამწუხაროდ, გაგრძელდება როგორც ევროპის დასუსტება, ისე თავდასხმები ქართველ ხალხზე და ქართულ დემოკრატიაზე. დონალდ ტრამპს კიდევ ერთხელ ვუსურვებთ წარმატებას ამ მნიშვნელოვან საქმეში.დღეს ევროპა დემოკრატიულ უკუსვლას და უმძიმეს ღირებულებით კრიზისს განიცდის. ევროპული სახელმწიფოების უმრავლესობა „დიპ სტეიტის“ პრინციპული გავლენის ქვეშ მოქმედებს. უკონტროლო მიგრაცია, ფსევდოლიბერალური პროპაგანდა, სახელმწიფო და რელიგიური ინსტიტუტების დაკნინება სწრაფი ტემპით აკარგვინებს ევროპას იდენტობას. არასასურველი პარტიებისა და კანდიდატების საარჩევნო გამარჯვების არაღიარება და არჩევნების გაუქმება, ოპონენტების პოლიტიკური დევნა, მედიის თავისუფლების ტოტალური შეზღუდვა ევროპისთვის დღეს ნორმად არის ქცეული. ამ ფონზე, არც ევროპარლამენტის აბსურდული რეზოლუციები, არც 18 ევროპელი ჩინოვნიკის დეზინფორმაციით გაჯერებული წერილი, არც მათი სანქციები და ქართველ ხალხზე სხვა თავდასხმები არავის უკვირს.ჩვენ ვერავის დავესხმებით თავს, მაგრამ ვერც იმას დავპირდებით ვინმეს, რომ ქვეყანას, მის სუვერენიტეტსა და იდენტობას და ქართველი ხალხის ინტერესებს არ დავიცავთ. ამ ბრძოლაში ვერავითარ კომპრომისს ვერ დავუშვებთ. ამავდროულად, გამოვხატავთ სრულ მზაობას, ვითანამშრომლოთ ნებისმიერ სახელმწიფოსთან, რომელსაც საქართველოსთან სამართლიანი თანამშრომლობის სურვილი აქვს. მნიშვნელოვანია, ყველამ გააცნობიეროს, რომ როგორც საქართველოს სჭირდება ევროპა, ისე, არანაკლებ, ევროკავშირსაც ჭირდება საქართველო“, - აღნიშნულია განცხადებაში.

პოლიტიკა • 1752220563

არასამთავრობო ორგანიზაციების, როგორც გლობალური სამოქალაქო საზოგადოების მთავარი არქიტექტორების, ეპოქა დასრულდა - პროფესორი მამუკა მახათაძე

„არასამთავრობო ორგანიზაციების, როგორც გლობალური სამოქალაქო საზოგადოების მთავარი არქიტექტორების, ეპოქა დასრულდა“, - წერს პროფესორი, მამუკა მახათაძე სოციალურ ქსელში, რომელიც სარა ბუშისა და ჯენიფერ ჰადენის ავტორობით დაწერილ ახალ სტატიას „არასამთავრობო ორგანიზაციების ეპოქის დასასრული?“ ეხმიანება.მახათაძის თქმით, აღნიშნულ სტატიაში ავტორები ამტკიცებენ, რომ არასამთავრობო ორგანიზაციები აღარ ადგენენ დღის წესრიგს და აღარ ხელმძღვანელობენ ძირითად სოციალურ/პოლიტიკურ ტრანსფორმაციებს. მათ ძალაუფლება სახელმწიფოს დაუბრუნეს და NGO-ები „ფუნდამენტურად შემცირებული შესაძლებლობებით მოქმედებენ“.მისივე თქმით, არასამთავრობო ორგანიზაციების სარბიელიდან წასვლის შემდეგ ჩნდება ახალი სივრცეები მოქალაქეების ძალაუფლების ახალი, უფრო ორგანული, ფორმებისთვის.„არასამთავრობო ორგანიზაციების ეპოქის დასასრული?1997 წელს Foreign Affairs-ში გამოქვეყნდა ჯესიკა მეთიუსის სტატია სახელწოდებით „ძალაუფლების ცვლილება“ (ორიგინალში, „Power Shift“), რომელიც ეხებოდა საერთაშორისო სამოქალაქო საზოგადოების, კერძოდ კი, არასამთავრობო ორგანიზაციების (როგორც საერთაშორისო ურთიერთობებისა და საგარეო პოლიტიკაში დომინანტი მოთამაშეების) როლის აღზევებას https://www.foreignaffairs.com/artic…/1997-01-01/power-shift გადაუჭარბებლად შეიძლება ითქვას, რომ ეს ნაშრომი იმ დროსათვის იმდენად გავლენიანი იყო, რომ ფუკუიამას „ისტორიის დასასრულთან“ ერთად, მან გარკვეულწილად განსაზღვრა ცივი ომის შემდგომი ეპოქა, რომელშიც ძალაუფლება ნაციონალური სახელმწიფოებიდან ისეთი არასახელმწიფო აქტორებისკენ გადადიოდა, როგორიცაა არასამთავრობო ორგანიზაციები, მულტინაციონალური კომპანიები და საერთაშორისო ინსტიტუტები.არასამთავრობო ორგანიზაციებმა აღიარება და ლეგიტიმაცია მოქალაქეთა ხმების წარმოდგენით, ადამიანის უფლებების ხელშეწყობითა და ადამიანებისთვის აუცილებელი სერვისების მიწოდებით მოიპოვეს. არასამთავრობო ორგანიზაციები იყვნენ მთავარი კონტრიბუტორები რამდენიმე მნიშვნელოვან მიღწევის რეალიზაციაში - სახმელეთო ნაღმების აკრძალვის შესახებ ხელშეკრულებიდან დაწყებული, სისხლის სამართლის საერთაშორისო სასამართლოს დაარსებამდე. ადამიანის უფლებების, სოციალური განვითარებისა და გარემოს დაცვის კრიტიკულ საკითხებზე არასამთავრობო ორგანიზაციები დომინანტი მოთამაშეები იყვნენ.და აი 30 წელიც კი არ გასულა და Foreign Affairs უკვე აქვეყნებს „ძალაუფლების ცვლილება“-ში ჩადებული ოპტიმიზმის მკვეთრ უარყოფას. https://www.foreignaffairs.com/world/end-age-ngosახალ სტატიაში „არასამთავრობო ორგანიზაციების ეპოქის დასასრული?“ ავტორები, სარა ბუში და ჯენიფერ ჰადენი, წარმოგვიდგენენ თავიანთ „გამომაფხიზლებელ“ ვერდიქტს: არასამთავრობო ორგანიზაციების ეპოქა დასრულდა. ძალაუფლება, რომელიც ოდესღაც სამოქალაქო საზოგადოებას გადაეცა, ისევ სახელმწიფოს დაუბრუნდა - და ამჯერად ის აღარ აპირებს ამ ძალაუფლების ხელიდან გაშვებას.ბუში და ჰადენი ამტკიცებენ, რომ დასავლეთის მიერ დაფინანსებული არასამთავრობო ორგანიზაციების, როგორც დემოკრატიული ცვლილებებისა და სოციალური პროგრესის მთავარი მამოძრავებელი ძალების ეპოქა დასრულდა, არა იმდენად ავტორიტარული რეპრესიების გამო (როგორც ამას ხშირად ხაზს უსვამენ), არამედ სამოქალაქო საზოგადოების შინაგანი ტრანსფორმაციების, გეოპოლიტიკური ცვლილებებისა და პროფესიონალიზაციის გაუთვალისწინებელი შედეგების გამო. არასამთავრობო ორგანიზაციების „ოქროს ხანა“ (1990- 2010) დასრულდა და არასამთავრობო ორგანიზაციები ახლა ფუნდამენტურად შემცირებული შესაძლებლობებით მოქმედებენ.რა არის „არასამთავრობო ორგანიზაციების ასეთი აღზევების და დაცემის მიზეზები. ავტორების აზრით, ეს მიზეზები რამდენიმეა:1. ზედმეტი ოპტიმიზმი:* 1990-იან წლებში დასავლეთის მიერ დაფინანსებული არასამთავრობო ორგანიზაციების სწრაფი ზრდა დაფიქსირდა, რაც განპირობებული იყო იმ რწმენით, რომ მათ დემოკრატიების აშენება, ადამიანის უფლებების ხელშეწყობა და დახმარების გაწევა ნაციონალურ სახელმწიფოებზე უკეთ შეეძლოთ - რაც უტოპია აღმოჩნდა.2. პროფესიონალიზაციის პარადოქსი:* არასამთავრობო ორგანიზაციები გახდნენ უაღრესად პროფესიონალიზებული, ბიუროკრატიული და დონორზე დამოკიდებული. ამან გააჩინა უშველებელი უფსკრული ელიტარულ არასამთავრობო ორგანიზაციებსა და სამოქალაქო მოძრაობებს შორის, შეამცირა რა მათი ადგილობრივი ლეგიტიმაცია და მოქნილობა;* არასამთავრობო ორგანიზაციებმა დონორების მეტრიკას (მაგ. ჩატარებული ტრენინგების რაოდენობა, წარდგენილი ანგარიშები) მიანიჭეს უპირატესობა ორგანული მოძრაობების მშენებლობის მაგივრად;* შექმნეს „სამოქალაქო არისტოკრატია“ კარგად ანაზღაურებადი, ურბანული პროფესიონალებისგან, რომლებიც მოწყვეტილნი არიან ადგილობრივ პრობლემებს.* შედეგად, შემცირდა ნდობა, აქტუალობა და მდგრადობა ადგილობრივ დონეზე.3. გეოპოლიტიკური გადაჯგუფება:* არალიბერალური ქვეყნები (ჩინეთი, რუსეთი, სპარსეთის ყურის ქვეყნები და ა.შ.) გვთავაზობენ ალტერნატიულ დაფინანსებისა და ლეგიტიმაციის მოდელებს, რომლებიც მტრულად არიან განწყობილნი დასავლური სტილის არასამთავრობო ორგანიზაციების მიმართ.* აშშ-სა და ევროკავშირის გავლენა შემცირდა და ეს ასუსტებს გეოპოლიტიკურ ქოლგას, რომლის ქვეშაც არასამთავრობო ორგანიზაციები მოქმედებდნენ. შედეგად მოხდა მათთვის „სივრცის შევიწროება“ კანონები: ბევრმა ქვეყანამ (მაგ., უნგრეთი, ინდოეთი, ეგვიპტე) მიიღეს შემზღუდველი კანონები „უცხოეთის აგენტების“ შესახებ.4. ციფრული ფრაგმენტაცია:* სოციალური მედია ხელს უწყობს ულიდერო, დეცენტრალიზებულ მოძრაობებს (მაგ., #BlackLivesMatter, გარემოს დამცველთა გაფიცვები), რომლებიც გვერდს უვლიან ტრადიციულ არასამთავრობო ორგანიზაციებს.* ციფრული აქტივიზმი ბევრად უფრო სწრაფი და რეზონანსულია, მიუხედავად იმისა, რომ აკლია მდგრადობა და კოორდინაცია.* შედეგი: არასამთავრობო ორგანიზაციები იბრძვიან ამ მოძრაობების ლიდერობისათვის ან გამოყენებისთვის, რაც კიდევ უფრო ამცირებს მათ ლეგიტიმაციას.რაც მთავარია, ლიბერალურ დემოკრატიებშიც კი, არასამთავრობო ორგანიზაციები აწყდებიან უკურეაქციას პოპულისტებისგან (რომლებიც მათ ელიტიზმში ადანაშაულებენ) და მემარცხენეებისგან (რომლებიც თავის მხრივ, მათ, როგორც ნეო-კოლონიურ სტრუქტურებს აკრიტიკებენ). თვით ამ ქვეყნების მთავრობები იღებენ არასამთავრობო ორგანიზაციების უფრო მკაცრ რეგულაციებს, რომლებიც ზღუდავენ სამოქალაქო სივრცეს.არასამთავრობო ორგანიზაციები აღარ ადგენენ დღის წესრიგს და არ ხელმძღვანელობენ ძირითად სოციალურ/პოლიტიკურ ტრანსფორმაციებს.დასავლელი დონორები ამცირებენ დახმარებას და კორპორატიული/ფილანტროპიული დაფინანსება გადადის ტექნოლოგიებზე ორიენტირებულ ან ადგილობრივ აქტორებზე.არასამთავრობო ორგანიზაციების ერთ-ერთი მთავარი პრობლემაა ლეგიტიმაციის დეფიციტი - ისინი აღიქმებიან, როგორც რეალობას მოწყვეტილი, ბიუროკრატიული და/ან უცხოური ინტერესების გამტარებელი.ალტერნატივების აღზევება: მასობრივი კოლექტივები, ციფრული მოძრაობები, რელიგიური ჯგუფები და სახელმწიფოსთან დაკავშირებული GONGO-ები ავსებენ სიცარიელეს.ამავე დროს, ბუში და ჰადენი რეკომენდაციას უწევენ არასამთავრობო ორგანიზაციების რადიკალურ ადაპტირებას. მათი აზრით NGO-ებმა უნდა:* მიიღონ „ქსელური ლოკალიზმი“ - მხარი დაუჭირონ დეცენტრალიზებულ მოძრაობებს მათ კონტროლის გარეშე.* მოახდინონ დაფინანსების დეკოლონიზაცია - რესურსები პირდაპირ ადგილობრივი ჯგუფებს მოახმარონ და შეამცირონ ბიუროკრატიული ზედნადები ხარჯები.* დაიბრუნონ ადვოკატირება - ფოკუსირება მოახდინონ სისტემურ ცვლილებებზე მომსახურების მიწოდებაზე მეტად.* ააშენონ ალიანსები - ითანამშრომლონ პროფკავშირებთან, რელიგიურ ჯგუფებთან და ადგილობრივ ლიდერებთან.* გონივრულად გამოიყენონ ტექნოლოგია - გამოიყენონ ციფრული ინსტრუმენტები ადგილზე ორგანიზაციების გასაძლიერებლად და არა ჩანაცვლებისთვის.და ბოლოს, ავტორები ამტკიცებენ, რომ საერთაშორისო დაფინანსებით, პროფესიონალიზებული არასამთავრობო ორგანიზაციების ცივი ომის შემდგომი მოდელი არამდგრადი აღმოჩნდა. მიუხედავად იმისა, რომ სამოქალაქო საზოგადოება დღესაც სასიცოცხლოდ მნიშვნელოვანი რჩება, მისი მომავალი დეცენტრალიზებულ, ადგილობრივად ფესვგადგმულ მოძრაობებშია. არასამთავრობო ორგანიზაციებმა კი, ან ხელახლა უნდა გამოიგონონ თავისი თავი, როგორც მასობრივი ძალაუფლების უბრალო ხელშემწყობის, ან აქტუალობა სრულად დაკარგონ. არასამთავრობო ორგანიზაციების, როგორც გლობალური სამოქალაქო საზოგადოების მთავარი არქიტექტორების, ეპოქა დასრულდა - თუმცა მათი სარბიელიდან წასვლის შემდეგ, ჩნდება ახალი სივრცეები მოქალაქეების ძალაუფლების ახალი, უფრო ორგანული, ფორმებისთვის“, - წერს მამუკა მახათაძე.

ისტორიები • 1752172740

„კასრებში 24 ადამიანის ცხედარი იპოვეს...“ - უნგრელი ვამპირის ისტორიის დეტალები

1900-იანი წლების დასაწყისში, ბელა კიშის სახელით ცნობილი ადამიანი უნგრულ სოფელ ჩინკოტაში წარმატებული სახელოსნოს მფლობელი იყო, მასზე, გარდა იმისა, რომ ქალები უყვარდა და წვეულებებს მართავდა, არავინ არაფერი იცოდა.უამრავი სერიული მკვლელი ასახიჩრებს მსხვერპლთა ცხედრებს, მაგრამ ცოტა მათგანი ბილწავდა გვამებს ისე, როგორც ამას ბელა კიში აკეთებდა, რომელიც წლების განმავლობაში, უნგრეთში სასტიკ მკვლელობებს ჩადიოდა.ის 1877 წელს, უნგრეთში დაიბადა. მისი ბავშვობის შესახებ ცოტა რამ არის ცნობილი. 23 წლის ასაკში ის ქალაქ ჩინკოტაში თუნუქის ბიზნესს აწარმოებდა და პატივსაცემ ადამიანად ითვლებოდა, ჰყავდა უამრავი თაყვანისმცემელი და დაინტერესებული იყო ასტროლოგიითა და ოკულტიზმით.1903 წლისთვის, კისმა საზარელი დანაშაულების ჩადენა დაიწყო. ის ლოკალურ გაზეთებში "ჰოფმანის" ფსევდონიმით რეკლამებს ათავსებდა, სადაც აცხადებდა, რომ მარტოხელა ქვრივი გახლდათ და მეუღლეს ეძებდა. მოგვიანებით კი ქალებს არწმუნებდა, რომ მისთვის ბინა და ქონება გადაეცათ.1912 წელს კიში 15 წლით უმცროს გოგონაზე, ვინმე მარიაზე დაქორწინდა, რომელმაც მალევე დაიწყო რომანი ახალგაზრდა მხატვარ ბიკართან. ისინი მალევე გახდნენ მკვლელის პირველი მსხვერპლები. ბელა ცდილობდა მათი გაუჩინარება იმით აეხსნა, რომ მარი ბიკართან ერთად ამერიკაში გაიქცა, თუმცა, სინამდვილეში კაცმა ორივე მათგანი დაახრჩო.პირველი მკვლელობის ჩადენის შემდეგ, მან მარტოხელა ქალებთან მიმოწერა გააგრძელა. ამჯერად, ის ფულის გამოძალვის შემდეგ, მათ სახლში იტყუებდა და თოკით ან შიშველი ხელებით ახრჩობდა.კაცი მსხვერპლების ცხედრებს უცნაური უცნაური გზებით ინახავდა. კერძოდ, ის სხეულებს მეთანოლით სავსე ფოლადის კასრში დებდა. ასევე ხშირად უჭრიდა ცხედარს კისერს, რის გამოც მას ჩინკოტას ვამპირიც კი უწოდეს.1914 წელს კიში ავსტრია-უნგრეთის ჯარში გაიწვიეს, რის შემდეგაც პირველ მსოფლიო ომში საბრძოლველად გაემგზავრა. მან სახლი ხანდაზმულ დიასახლისს დაუტოვა, რომელიც წლების წინ დაიქირავა. კიშის წასვლიდან ორი წლის შემდეგ, გავრცელდა ჭორი, რომ ის ბრძოლის დროს მოკლეს ან ტყვედ აიყვანეს. ჭორების გამო, მისმა დიასახლისმა სახლის გასუფთავება გადაწყვიტა. სწორედ ამ დროს აღმოჩნდა, რომ კაცი ფოლადის კასრებში 24 ადამიანის ცხედარი.საქმეში პოლიციაც ჩაერთო და კიშის ძებნა დაიწყო. მან პოლიციისგან თავის დაღწევა არაერთხელ მოახერხა. მომდევნო წლებში არაერთი ადამიანი ამტკიცებდა რომ კაცი რუმინეთსა და თურქეთში ნახეს. ბოლოს ის 1932 წელს, ნიუ-იორკში შეამჩნიეს.უნგრელი ვამპირის დაჭერა პოლიციამ ვერ შეძლო, მისი ცხოვრების შესახებ დაზუსტებული ცნობები დღემდე არ არსებობს.

მსოფლიო • 1752066042

ზოლტან კოვაჩი: უნგრეთი ბრიუსელის მარიონეტი სახელმწიფო არ გახდება

უნგრეთი ბრიუსელის მარიონეტი სახელმწიფო არ გახდება, - წერს სოციალურ ქსელში პრემიერ მინისტრ ვიქტორ ორბანის პრესსპიკერი. ზოლტან კოვაჩი გამოეხმაურა ევროკავშირის უახლეს ანგარიშს „კანონის უზენაესობის“ შესახებ.კოვაჩის თქმით, ბრიუსელი ანგარიშით ბუდაპეშტისგან მოითხოვს, კარი გაუღონ უცხოური ძალების მიერ დაფინანსებულ, პოლიტიკური გავლენის ოპერაციებს უნგრეთში.ორბანის პრესსპიკერი წერს, რომ ამ მიზნისთვის ე.წ. სამოქალაქო საზოგადოების, არასამთავრობო ორგანიზაციებისა და მედიის დაფინანსების ხელშეწყობაა გათვალისწინებული.

პოლიტიკა • 1752061040

ევროპარლამენტმა საქართველოს შესახებ რეზოლუცია დაამტკიცა

ევროპარლამენტმა შესწორებებით დაამტკიცა საქართველოს შესახებ რეზოლუცია, რომელიც 2023 და 2024 წლებში ევროკომისიის ანგარიშებს ეხება. დოკუმენტს 490-მა დეპუტატმა მისცა ხმა, 147 წინააღმდეგი იყო, 49 ევროპარლამენტარმა თავი შეიკავა.დოკუმენტის თანახმად, „ევროპარლამენტი კიდევ ერთხელ ადასტურებს თავის პოზიციას, რომ საქართველოში არსებული პოლიტიკური და კონსტიტუციური კრიზისის მოგვარება შესაძლებელია მხოლოდ ახალი საპარლამენტო არჩევნების გზით, რომელიც უნდა ჩატარდეს მომდევნო რამდენიმე თვეში გაუმჯობესებულ საარჩევნო გარემოში, დამოუკიდებელი და მიუკერძოებელი საარჩევნო ადმინისტრაციის ზედამხედველობით და კეთილსინდისიერი საერთაშორისო და დამოუკიდებელი ადგილობრივი დამკვირვებლების მონიტორინგით, რათა უზრუნველყოფილი იყოს ჭეშმარიტად სამართლიანი, თავისუფალი და გამჭვირვალე პროცესი, რომელიც ასახავს ხალხის ნამდვილ ნებას“.რეზოლუციაში ვკითხულობთ: „ევროპარლამენტი ხაზს უსვამს, რომ არ ცნობს თვითგამოცხადებულ ხელისუფლებას, რომელიც „ქართული ოცნების“ პარტიამ 2024 წლის 26 ოქტომბრის გაყალბებული საპარლამენტო არჩევნების შემდეგ ჩამოაყალიბა და საქართველოს „ქართული ოცნების“ არალეგიტიმური რეჟიმის მიერ მიტაცებულ სახელმწიფოდ მიიჩნევს“.დოკუმენტში ასევე აღნიშნულია, რომ „ერთპარტიული პარლამენტისა და მის მიერ დანიშნული პრეზიდენტის ლეგიტიმურობის არაღიარების პოლიტიკა უნდა გაგრძელდეს, ვიდრე საქართველოს პოლიტიკური კურსის ხელშესახები ცვლილება არ მოხდება და ახალი თავისუფალი და სამართლიანი საპარლამენტო არჩევნები არ ჩატარდება“.რეზოლუცია „მოუწოდებს ევროკავშირისა და მისი წევრი სახელმწიფოების წარმომადგენლებსა და პარლამენტის წევრებს, თავი შეიკავონ რეჟიმის წარმომადგენლებთან შეხვედრებისგან, ამჟამინდელი დე ფაქტო პრეზიდენტით დაწყებული; კვლავ აღიარებს სალომე ზურაბიშვილს საქართველოს ლეგიტიმურ პრეზიდენტად და ქართველი ხალხის წარმომადგენლად“.გარდა ამისა, დოკუმენტის მიხედვით, „რეზოლუცია ხაზს უსვამს საქართველოს მიმართ ევროკავშირის პოლიტიკის დაუყოვნებლივი და ყოვლისმომცველი აუდიტის საჭიროებას, მიმდინარე დემოკრატიული უკუსვლის და სულ უფრო რეპრესიული პოლიტიკური და საკანონმდებლო გარემოს გათვალისწინებით, რაც წარმოადგენს საქართველოს დემოკრატიული მიღწევებისა და  ევროკავშირის წარმატებული რეფორმების კუთხით რეგრესს, ფუნდამენტურად ასუსტებს დემოკრატიულ ინსტიტუტებს და კიდევ უფრო აძლიერებს ძალაუფლებას მმართველი პარტიის ხელში; ამასთან დაკავშირებით, მოუწოდებს ევროკომისიას, გადახედოს ევროკავშირსა და საქართველოს შორის ასოცირების შეთანხმების განხორციელებას მე-2 მუხლში გათვალისწინებული ზოგადი პრინციპების, კერძოდ, დემოკრატიული პრინციპების, ადამიანის უფლებებისა და ფუნდამენტური თავისუფლებების პატივისცემის შესახებ საქართველოს ვალდებულებების აშკარა დარღვევის გათვალისწინებით; კიდევ ერთხელ აღნიშნავს, რომ ამ ვალდებულებების შეუსრულებლობამ, შესაძლოა, გამოიწვიოს ეკონომიკური თანამშრომლობისა და ასოცირების შეთანხმებით მინიჭებული პრივილეგიების პირობებზე დაფუძნებული შეჩერება“.რეზოლუცია „მოუწოდებს ბიძინა ივანიშვილის, მისი ოჯახის წევრებისა და მისი კომპანიების წინააღმდეგ დაუყოვნებლივი და მიზანმიმართული პერსონალური სანქციების დაწესებისკენ და მოუწოდებს ევროკავშირს სხვა იურისდიქციებთან, კერძოდ, გაერთიანებულ სამეფოსთან თანამშრომლობით, გაყინოს მისი ფინანსური აქტივები; გმობს უნგრეთისა და სლოვაკეთის მთავრობების მიერ საქართველოში დემოკრატიულ უკუსვლაზე  პასუხისმგებელი პირების წინააღმდეგ სანქციების დაწესების შესახებ საბჭოს გადაწყვეტილებების შეფერხებას; გმობს უნგრეთის მთავრობის ცალმხრივ ქმედებებს, რომლებიც „ქართული ოცნების“ ლეგიტიმაციას ისახავს მიზნად“.დოკუმენტის მიხედვით, „რეზოლუცია მკაცრად გმობს მშვიდობიანი მომიტინგეების, სამოქალაქო საზოგადოების წარმომადგენლების, პოლიტიკური ოპონენტებისა და მედიის წარმომადგენლების მიმართ ძალადობრივ რეპრესიებს, თვითნებურ და პოლიტიკურად მოტივირებულ დაკავებას საკმარისი სამართლებრივი საფუძვლის გარეშე და სისტემურ წამებას; მოითხოვს, რომ საქართველოს ხელისუფლებამ თავი შეიკავოს ძალის გამოყენებისგან, პატივი სცეს შეკრებისა და გამოხატვის თავისუფლებას და გააუქმოს ბოლო დროს მიღებული დრაკონული კანონმდებლობა, რომელიც მიზნად ისახავს სახალხო პროტესტის ჩახშობას, განსაკუთრებით გამოძალვითი ჯარიმების გზით; გამოხატავს განსაკუთრებულ შეშფოთებას პოლიტიკური პატიმრების მზარდი რაოდენობის გამო და კიდევ ერთხელ მოუწოდებს ყველა მათგანის დაუყოვნებლივ და უპირობოდ გათავისუფლებისკენ; მოუწოდებს ძალადობის ყველა აქტის ეფექტურად და სანდოდ გამოძიებისკენ და პასუხისმგებელი პირების პასუხისგებაში მიცემისკენ; გამოხატავს შეშფოთებას სასამართლო სისტემაში დამოუკიდებლობის არარსებობის გამო, სადაც „ქართულ ოცნებასთან“ კავშირების მქონე მაღალი რანგის მოსამართლეები ზედამხედველობენ მშვიდობიანი მომიტინგეებისა და მთავრობის კრიტიკოსების წინააღმდეგ პოლიტიკურად მოტივირებულ სასამართლო პროცესებს“.სხვა საკითხებთან ერთად, რეზოლუცია ასევე მოიცავს მიხეილ სააკაშვილის გათავისუფლების მოთხოვნას.„ევროპარლამენტი კატეგორიულად იმეორებს მოთხოვნას ყოფილი პრეზიდენტის, მიხეილ სააკაშვილის ჰუმანიტარული მოსაზრებებიდან გამომდინარე დაუყოვნებლივ გათავისუფლების შესახებ, რათა მან საჭირო სამედიცინო მკურნალობა მიიღოს საზღვარგარეთ; ხაზგასმით აღნიშნავს, რომ საქართველოს ხელისუფლებას ეკისრება სრული პასუხისმგებლობა მის ჯანმრთელობასა და კეთილდღეობაზე და ანგარიშვალდებული უნდა იყოს ნებისმიერი ზიანისთვის, რომელიც მას მიადგება; გარდა ამისა, მოუწოდებს „ქართული ოცნების“ ხელისუფლებას, უზრუნველყოს, რომ ევროპარლამენტის წევრებს მიხეილ სააკაშვილთან შეუფერხებელი წვდომა მიეცეთ“, – აღნიშნულია რეზოლუციაში, რომლის პროექტიც გუშინ გამოქვეყნდა.8 ივლისს გამოქვეყნებულ რეზოლუციის პროექტში რამდენიმე შესწორება შევიდა. ერთ-ერთი შესწორება ეხება მზია ამაღლობელს. კერძოდ, ამაღლობელთან დაკავშირებით რეზოლუციის პროექტში შევიდა შემდეგი შესწორება: „საქმე პოლიტიკურად მოტივირებულია, მოეხსნას ყველა ბრალდება და მხედველობის გაუარესების გამო მიეცეს მკურნალობის საშუალება“.კიდევ ერთი შესწორება ეხება 4 ოქტომბრისთვის დაგეგმილ მუნიციპალურ არჩევნებს. მიღებული შესწორების თანახმად, „ევროპარლამენტი აღნიშნავს, რომ 2025 წლის შემოდგომაზე დაგეგმილი მუნიციპალური არჩევნები ჩატარდება გაუარესებულ სამართლებრივ გარემოში, რაც გამოწვეულია 2024 წლის დეკემბერში საქართველოს ორგანულ კანონსა და საარჩევნო კოდექსში ახალი ცვლილებების მიღებით, ქართული რეჟიმის მიერ პოლიტიკური რეპრესიებისა და პოლიტიკური ოპონენტების დევნის გაზრდით; მიიჩნევს, რომ ამჟამინდელ პოლიტიკურ და სამართლებრივ პირობებში, მუნიციპალური არჩევნები უზარმაზარ გამოწვევებს წარმოადგენს ნებისმიერი პოტენციური მონაწილისთვის, რომელიც თავისუფალ, სამართლიან კონკურენციას ელის და, გარდა ამისა, ასეთი მონაწილეობა თვითდანიშნული ხელისუფლების მიერ გამოყენებული იქნება ახალი სტატუს კვოს აღიარებად. ევროპარლამენტს მიაჩნია, რომ ეს მომავალი არჩევნები არ წარმოადგენს შესაძლებლობას, ასახოს ქართველი ხალხის დემოკრატიული არჩევანი, თუ არ გათავისუფლდებიან დაპატიმრებული, დაკავებული პოლიტიკური ოპოზიციის ლიდერები და არჩევნები არ ჩატარდება გაუმჯობესებულ საარჩევნო გარემოში, რომელსაც ზედამხედველობას გაუწევს დამოუკიდებელი, მიუკერძოებელი საარჩევნო ადმინისტრაცია და დააკვირდებიან კეთილსინდისიერი საერთაშორისო დამკვირვებლები, რათა უზრუნველყოფილი იყოს ნამდვილად სამართლიანი, თავისუფალი და გამჭვირვალე პროცესი“.ამასთან, ევროდეპუტატმა დანილო დელა ვალემ მოითხოვა, რეზოლუციის პროექტიდან ამოღებული ყოფილიყო პუნქტი სალომე ზურაბიშვილის ლეგიტიმაციის შესახებ, თუმცა ეს შესწორება ვერ გავიდა.გარდა ამისა, რეზოლუციაში შევიდა ოპოზიციური პარტიების იმ წარმომადგენელთა ჩამონათვალი, რომლებიც დაკავებული არიან.

შოუბიზნესი • 1752048652

ბუდაპეშტში მესამე „დიუნის“ გადაღებები დაიწყო

ბუდაპეშტში ფილმის „დიუნი: მესია“ გადაღებები დაიწყო. არსებული ინფორმაციით, უნგრეთის დედაქალაქში უკვე ჩავიდა ერთ-ერთი მთავარი როლის შემსრულებელი - ზენდაია.დიუნის მესამე ნაწილი სხვადასხვა ლოკაციაზე მასშტაბურ გადაღებებს ითვალისწინებს. ფილმში ბრუნდებიან მსახიობები: ტიმოთი შალამე, ფლორენს პიუ, ჯეისონ მომოა, ხავიერ ბარდემი და სხვები.ფილმის პრემიერა 2026 წლის 18 დეკემბრისთვის არის ჩანიშნული.„დიუნი“ ფრენკ ჰერბერტის ამავე სახელწოდების კოსმოსური საგის ეკრანიზაციაა. ფრანშიზის პირველი ორი ნაწილი დადებითად შეაფასეს როგორც კრიტიკოსებმა, ასევე მაყურებლებმა. საგის რეჟისორი დენი ვილნევია.

პოლიტიკა • 1751994164

ახალი საპარლამენტო არჩევნები, სააკაშვილის გათავისუფლება, სალომე ზურაბიშვილის ლეგიტიმურად აღიარება, თვითმმართველობის არჩევნებთან დაკავშირებით ოპოზიციისადმი მოწოდება - რას მოიცავს ევროპარლამენტის რეზოლუციის პროექტი

ევროპარლამენტში დღეს საქართველოს საკითხზე დებატები გაიმართება ევროკომისიის 2023 და 2024 წლების ანგარიშებთან დაკავშირებით, რის შემდეგაც კენჭს უყრიან შესაბამის რეზოლუციას. კენჭისყრა აღნიშნულ საკითხზე ხვალ არის დაგეგმილი.ევროპარლამენტის ვებგვერდზე გამოქვეყნებულ რეზოლუციის პროექტში აღნიშნულია, რომ „საქართველო ბოლო წლებში განიცდის დემოკრატიულ უკუსვლას, განსაკუთრებით 2024 წლის 26 ოქტომბრის საპარლამენტო არჩევნების შემდეგ, რომელიც არ შეესაბამებოდა საერთაშორისო დემოკრატიულ სტანდარტებს, ეუთო-ს ფარგლებში საქართველოს ვალდებულებებს და რომლის შედეგადაც შეიქმნა მხოლოდ ერთი პოლიტიკური პარტიისგან, „ქართული ოცნებისგან“ შემდგარი არალეგიტიმური პარლამენტი, ხოლო გაყალბებული არჩევნები მოიცავდა ამომრჩევლების დაშინებას, ამომრჩეველთა მოსყიდვას და დამკვირვებლების დევნას. პროექტში ნათქვამია, რომ რუსეთი სისტემატურად ერევა საქართველოში დემოკრატიულ პროცესებში.რეზოლუციის პროექტის თანახმად, „ირაკლი კობახიძემ განაცხადა, რომ საქართველო გადადებს ევროკავშირთან გაწევრიანების შესახებ მოლაპარაკებების დაწყებას და უარს იტყვის მის ფინანსურ დახმარებაზე 2028 წლის ბოლომდე, რაც უგულებელყოფს ქვეყნის კონსტიტუციურ ვალდებულებას ევროპული ინტეგრაციის მიმართ და ფაქტობრივად, ძირს უთხრის საქართველოს სუვერენულ ევროატლანტიკურ მისწრაფებებს, რომლებსაც ქართველი ხალხი მტკიცედ უჭერს მხარს“.ტექსტში ვკითხულობთ, რომ „ქვეყნის განვითარების მიმართულების შესახებ შეშფოთებამ და გაწევრიანების მოლაპარაკებების დაწყების შეჩერების გადაწყვეტილებამ მთელი ქვეყნის მასშტაბით ფართომასშტაბიანი საპროტესტო აქციები გამოიწვია, რა დროსაც მომიტინგეები მოითხოვდნენ ახალ, თავისუფალ და სამართლიან არჩევნებს, ქვეყნის ევროპულ გზაზე დაბრუნებას, პოლიტიკური ძალადობისა და რეპრესიების დასრულებას, სამართალდამცავი ორგანოების მიერ მომიტინგეების წინააღმდეგ ჩადენილი ადამიანის უფლებების სერიოზული დარღვევის გამოძიებას და ანგარიშვალდებულებას, ასევე პოლიტპატიმრების გათავისუფლებას“.„საპროტესტო აქციები ყოველდღიურად უწყვეტად იმართება 2024 წლის 28 ნოემბრიდან. 2025 წელს ევროკავშირის მხარდამჭერი საპროტესტო აქციები მნიშვნელოვნად გაიზარდა საქართველოს ფარგლებში, ათობით ათასი მოქალაქე გამოვიდა მთავრობის იმ გადაწყვეტილების წინააღმდეგ, რომელიც აღქმული იყო ევროკავშირთან ინტეგრაციიდან გადახვევად.თვითორგანიზებული და სპონტანური ეს საპროტესტო აქციები, რომლებშიც ქართული საზოგადოების ყველა ფენა ჩაერთო, ხაზს უსვამს ქართველი ხალხის მტკიცე ერთგულებას ევროპული ღირებულებებისა და დემოკრატიული მმართველობის მიმართ.მშვიდობიანი საპროტესტო გამოსვლების საპასუხოდ, საქართველოს ხელისუფლებამ დაიწყო დემონსტრაციების უპრეცედენტო ძალადობრივი ჩახშობა, რასაც თან ახლდა ძალის უკანონო გამოყენება, წამება და სხვა არასათანადო მოპყრობა დე ფაქტო ხელისუფლების მხრიდან. 2024 წლის ნოემბრიდან, სულ მცირე, 62 ადამიანს წაუყენეს სისხლის სამართლის ბრალდება პროევროპულ პროტესტებში მონაწილეობასთან დაკავშირებით და 54 კვლავ წინასწარ პატიმრობაში იმყოფება. 500-ზე მეტი ადამიანი დააკავეს ადმინისტრაციული პროცედურებით, რომელთაგან დაახლოებით 300-მა, გავრცელებული ცნობებით, განიცადა წამება ან არაადამიანური და დამამცირებელი მოპყრობის სხვა ფორმები, მათგან, სულ მცირე, 157-ს აღენიშნებოდა თვალსაჩინო სერიოზული ფიზიკური დაზიანებები“, -აღნიშნულია პროექტში.დოკუმენტის თანახმად, „„ქართული ოცნების“ დე ფაქტო ხელისუფლება სისტემატურად ახორციელებს ზეწოლას, სამართლებრივ შეზღუდვას და ფიზიკურ ძალადობას სამოქალაქო საზოგადოებასა და დამოუკიდებელ მედიაზე. 2024 წლის ნოემბრიდან პროევროპული საპროტესტო აქციების ან მასთან დაკავშირებული ღონისძიებების კონტექსტში მედიის თავისუფლების დარღვევის, სულ მცირე, 138 ინციდენტი დაფიქსირდა და სახელმწიფო რეპრესიების სამიზნე, სულ მცირე, მედიის 174 თანამშრომელი გახდა. სულ მცირე, 30 რეპორტიორი არაერთხელ დაზარალდა, მათ შორის ფიზიკური შეურაცხყოფის, პროფესიული აღჭურვილობის დაზიანების, ადმინისტრაციული ჯარიმების, სისხლის სამართლის ბრალდებებისა და სასამართლო დევნის გზით. ჟურნალისტი მზია ამაღლობელი ამჟამად წინასწარ პატიმრობაში იმყოფება შეთხზული ბრალდებებით“.პროექტში ასევე ვკითხულობთ, რომ „საქართველოს ხელისუფლება ახორციელებს საჯარო სამსახურში პროევროპულ რეფორმებზე პასუხისმგებელი სტრუქტურების რესტრუქტურიზაციას ან გაუქმებას და მასობრივად ათავისუფლებს პროფესიონალებსა და საჯარო მოხელეებს, განსაკუთრებით მათ, ვინც აკრიტიკებს მთავრობის პოლიტიკას, გამოხატავს პროევროპულ შეხედულებებს და გმობს მშვიდობიანი დემონსტრანტების წინააღმდეგ ძალადობას“.„არალეგიტიმურმა საქართველოს პარლამენტმა შექმნა 2003-2012 წლების რეჟიმისა და პოლიტიკური ფიგურების საქმიანობის შემსწავლელი დროებითი საპარლამენტო საგამოძიებო კომისია, რომელიც იმ პერიოდს სწავლობს, როდესაც სათავეში პრეზიდენტი მიხეილ სააკაშვილი იდგა და გზას უკვალავდა საქართველოს ევროატლანტიკურ ამბიციებს.ეს კომისია პოლიტიკური ოპონენტების, განსაკუთრებით, ოპოზიციური მოძრაობების ლიდერების დევნის ინსტრუმენტს წარმოადგენს. 2025 წლის 22 მაისს, პარტია „გირჩი – მეტი თავისუფლების“ ლიდერი და „კოალიცია ცვლილებებისთვის“ ერთ-ერთი ლიდერი, ზურაბ „გირჩი“ ჯაფარიძე დააკავეს უარისთვის, გამოცხადდეს „ქართული ოცნების“ მიერ შექმნილ და კონტროლირებად პოლიტიკურად მოტივირებულ კომისიაზე, რომლის გრძელვადიანი ამბიციაა საქართველოში პოლიტიკური ოპოზიციის აღმოფხვრა. 2025 წლის 29 მაისს „კოალიცია ცვლილებებისთვის“ კიდევ ერთი ლიდერი, ნიკა მელია დააკავეს სასამართლოში გამოცხადების ვადამდე ერთი დღით ადრე, დროებითი საგამოძიებო კომისიის წინაშე გამოცხადებაზე უარის თქმის გამო“, – ნათქვამია ტექსტში.როგორც რეზოლუციის პროექტშია აღნიშნული, „ხელისუფლებაში თავისი ძალაუფლების შესანარჩუნებლად და კიდევ უფრო გასაძლიერებლად, მმართველმა პარტიამ „ქართულმა ოცნებამ“ ცალმხრივად და კონსულტაციების გარეშე მიიღო ცვლილებები მუნიციპალურ საარჩევნო სისტემაში 2025 წლის ოქტომბრის საკრებულოების არჩევნებისთვის“.„ევროპის საბჭოს ვენეციის კომისიამ ამ ცვლილებების გაუქმების რეკომენდაცია გასცა და მთავარი ოპოზიციური პარტიების ლიდერებმა განაცხადეს, რომ მათი პარტიები არ მიიღებენ მონაწილეობას ამ არჩევნებში. ცენტრალური საარჩევნო კომისიის ფორმირების პროცესის რეფორმები კიდევ უფრო უთხრის ძირს არჩევნების სამართლიანობას, ზღუდავს მოქალაქეთა მონაწილეობას და ზღუდავს დამკვირვებლებისა და მედიის შესაძლებლობას, ეფექტურად დააკვირდნენ საარჩევნო პროცესს“, – აღნიშნულია რეზოლუციის პროექტში.დოკუმენტში ასევე ვკითხულობთ: „უფრო თანასწორი და ინკლუზიური საზოგადოებისკენ მიღწეული პროგრესის მიუხედავად, ღრმად ფესვგადგმული უთანასწორობა და სტერეოტიპები კვლავ არსებობს, რაც იწვევს გენდერული ნიშნით ძალადობის მაღალ დონეს, შეზღუდული შესაძლებლობის მქონე პირებისთვის მკაცრ შეზღუდვებს და LGBTI-თემის წინააღმდეგ ძალადობასა და შევიწროებას. სახლში დაუცველობის გამო, ბევრი LGBTI-პირი ირჩევს ქვეყნიდან გაქცევას. გაუპატიურების სამართლებრივი განმარტება არ შეესაბამება სტამბოლის კონვენციით დადგენილ სტანდარტებს. ზემო აღნიშნულის გათვალისწინებით, ევროპარლამენტი რეზოლუციის პროექტში კიდევ ერთხელ ადასტურებს თავის სოლიდარობას ქართველი ხალხის მიმართ და ურყევ მხარდაჭერას მათი ლეგიტიმური ევროპული და ევროატლანტიკური მისწრაფებებისა და აყვავებულ და დემოკრატიულ ქვეყანაში ცხოვრების სურვილის მიმართ, რაც გამოიხატება მასობრივ საპროტესტო აქციებში, რომლებიც გრძელდება ხელისუფლების მიერ სასტიკი რეპრესიების მიუხედავად“.რეზოლუციის პროექტის თანახმად, ევროპარლამენტი კვლავ მზადაა, დაეხმაროს ქართველ ხალხს ამ მიზნების მიღწევაში.„რეზოლუციის პროექტი მკაცრად გმობს მშვიდობიანი მომიტინგეების, სამოქალაქო საზოგადოების წარმომადგენლების, პოლიტიკური ოპონენტებისა და მედიის წარმომადგენლების მიმართ ძალადობრივ რეპრესიებს, თვითნებურ და პოლიტიკურად მოტივირებულ დაკავებას საკმარისი სამართლებრივი საფუძვლის გარეშე და სისტემურ წამებას; მოითხოვს, რომ საქართველოს ხელისუფლებამ თავი შეიკავოს ძალის გამოყენებისგან, პატივი სცეს შეკრებისა და გამოხატვის თავისუფლებას და გააუქმოს ბოლო დროს მიღებული დრაკონული კანონმდებლობა, რომელიც მიზნად ისახავს სახალხო პროტესტის ჩახშობას, განსაკუთრებით გამოძალვითი ჯარიმების გზით; გამოხატავს განსაკუთრებულ შეშფოთებას პოლიტიკური პატიმრების მზარდი რაოდენობის გამო და კიდევ ერთხელ მოუწოდებს ყველა მათგანის დაუყოვნებლივ და უპირობოდ გათავისუფლებისკენ; მოუწოდებს ძალადობის ყველა აქტის ეფექტურად და სანდოდ გამოძიებისკენ და პასუხისმგებელი პირების პასუხისგებაში მიცემისკენ; გამოხატავს შეშფოთებას სასამართლო სისტემაში დამოუკიდებლობის არარსებობის გამო, სადაც „ქართულ ოცნებასთან“ კავშირების მქონე მაღალი რანგის მოსამართლეები ზედამხედველობენ მშვიდობიანი მომიტინგეებისა და მთავრობის კრიტიკოსების წინააღმდეგ პოლიტიკურად მოტივირებულ სასამართლო პროცესებს“, – ნათქვამია რეზოლუციის პროექტში.პროექტის თანახმად, „ევროპარლამენტი ღრმა მწუხარებას გამოთქვამს იმ ფაქტის გამო, რომ მმართველმა პარტიამ, „ქართულმა ოცნებამ“ ვერ გამოიყენა ისტორიული შესაძლებლობა, რომელიც საქართველოს, როგორც კანდიდატ ქვეყანას მიეცა ევროინტეგრაციის გზაზე წინსვლისთვის და აღნიშნავს, რომ ევროინტეგრაციას კვლავ მხარს უჭერს მოსახლეობის აბსოლუტური უმრავლესობა. იხსენებს, რომ კანდიდატის სტატუსი საქართველოს მიენიჭა ეჭვის არსებობით, „ქართული ოცნების“ მთავრობის ქმედებების უკვე არსებული შემაშფოთებელი ტრაექტორიის მიუხედავად, რომელიც სულ უფრო მეტად ეწინააღმდეგებოდა ევროპულ ღირებულებებსა და დემოკრატიულ პრინციპებს. ხაზს უსვამს, რომ „ქართული ოცნების“ მმართველობის დროს საქართველომ წინ არ წაიწია და ფაქტობრივად, უკან დაიხია კომისიის მიერ წარდგენილი ცხრა ნაბიჯის ძირითად დებულებებთან დაკავშირებით, ხელისუფლების საპირისპიროს მტკიცების მიუხედავად; ხაზს უსვამს, რომ საქართველოს ევროკავშირში ინტეგრაციის პროცესი, ფაქტობრივად, შეჩერებულია ქვეყანაში დემოკრატიული უკუსვლის და 2024 წლის ოქტომბრის გაყალბებული საპარლამენტო არჩევნების შედეგად, რაც გახდა ავტორიტარული რეჟიმისკენ აშკარა გარდამტეხი მომენტი, რასაც მოჰყვა სახელმწიფო ინსტიტუტებისა და დემოკრატიული გარანტიების შემდგომი უკანონო მიტაცება და ანტიდემოკრატიული საკანონმდებლო აქტების სერიის მიღება, რომლებიც ეწინააღმდეგება ევროკავშირის მიერ დაფუძნებულ ღირებულებებსა და პრინციპებს. ევროპარლამენტი ეთანხმება ევროპული საბჭოს 2024 წლის 27 ივნისის დასკვნებს, რომ მოქმედების ამჟამინდელი კურსის შეუცვლელობა საფრთხეს უქმნის ევროკავშირისკენ საქართველოს გზას და მოუწოდებს „ქართულ ოცნებას“, დაუბრუნდეს დემოკრატიული რეფორმებისა და ევროატლანტიკური ინტეგრაციის კურსს“.დოკუმენტის თანახმად, „ევროპარლამენტი გმობს 2024 წლის დეკემბრიდან დაახლოებით 700 საჯარო მოხელის გათავისუფლებას პროევროპულ საპროტესტო აქციებში მონაწილეობის ან მათი მხარდაჭერის გამო; ხაზს უსვამს, რომ ასეთი ანგარიშსწორება ძირს უთხრის საზოგადოების ნდობას დემოკრატიული ინსტიტუტების მიმართ, არღვევს გამოხატვისა და გაერთიანების თავისუფლებას და ხელს უწყობს მოქმედი რეჟიმის ავტორიტარული ტენდენციების გაღრმავებას; მოუწოდებს საქართველოს ხელისუფლებას, დაიცვას შრომის კანონმდებლობის სტანდარტები და მისცეს საჯარო მოხელეებს პროფკავშირის რეგისტრაციის უფლება, რათა დაიცვან ისინი მათი შრომითი უფლებების გაუმართლებელი შეზღუდვისგან; გამოხატავს შეშფოთებას საჯარო სამსახურში დანიშვნების მზარდი პოლიტიზაციის გამო და მოუწოდებს, გააუქმოს 2024 წლის დეკემბერში მიღებული საჯარო სამსახურის შესახებ კანონში შეტანილი ცვლილებები, რომლებიც აუქმებს საჯარო მოხელეების დანიშვნას კონკურსის წესით და ამის ნაცვლად საჯარო ინსტიტუტების ხელმძღვანელებს პირდაპირი დანიშვნის უფლებამოსილებას ანიჭებს; კიდევ ერთხელ ადასტურებს, რომ ეს ცვლილებები წარმოადგენს შემაშფოთებელ უკუსვლას წარმატებული საჯარო სამსახურის რეფორმიდან, რომელიც საქართველომ ევროკავშირ-საქართველოს ასოცირების შეთანხმების ფარგლებში განახორციელა და მოუწოდებს მათი გაუქმებისკენ“.„რეზოლუციის პროექტი ხაზს უსვამს საქართველოს მიმართ ევროკავშირის პოლიტიკის დაუყოვნებლივი და ყოვლისმომცველი აუდიტის საჭიროებას, მიმდინარე დემოკრატიული უკუსვლის და სულ უფრო რეპრესიული პოლიტიკური და საკანონმდებლო გარემოს გათვალისწინებით, რაც წარმოადგენს საქართველოს დემოკრატიული მიღწევებისა და ევროკავშირის წარმატებული რეფორმების კუთხით რეგრესს, ფუნდამენტურად ასუსტებს დემოკრატიულ ინსტიტუტებს და კიდევ უფრო აძლიერებს ძალაუფლებას მმართველი პარტიის ხელში; ამასთან დაკავშირებით, მოუწოდებს ევროკომისიას, გადახედოს ევროკავშირსა და საქართველოს შორის ასოცირების შეთანხმების განხორციელებას მე-2 მუხლში გათვალისწინებული ზოგადი პრინციპების, კერძოდ, დემოკრატიული პრინციპების, ადამიანის უფლებებისა და ფუნდამენტური თავისუფლებების პატივისცემის შესახებ საქართველოს ვალდებულებების აშკარა დარღვევის გათვალისწინებით; კიდევ ერთხელ აღნიშნავს, რომ ამ ვალდებულებების შეუსრულებლობამ შესაძლოა, გამოიწვიოს ეკონომიკური თანამშრომლობისა და ასოცირების შეთანხმებით მინიჭებული პრივილეგიების პირობებზე დაფუძნებული შეჩერება“, – ნათქვამია დოკუმენტში.ამასთან, დოკუმენტში გამოთქმულია წუხილი იმ ფაქტის გამო, რომ „მმართველი პარტიის მაღალი რანგის წარმომადგენლები, პარლამენტის წევრები და მთავრობასთან დაკავშირებული მედია რეგულარულად ავრცელებენ მანიპულაციურ ნარატივებს, დეზინფორმაციას და შეთქმულების თეორიებს ევროკავშირის, მისი წევრი სახელმწიფოების, ლიდერებისა და პოლიტიკოსების, ასევე ევროპული ინტეგრაციის შესახებ“;პროექტის თანახმად, „მმართველი პარტიის რეჟიმი აგრძელებს მიზანმიმართულად მატყუარა და ორაზროვან დისკურსს, რაც ქართული საზოგადოების ნაწილში აღვივებს ცრუ რწმენას, რომ ის კვლავ ევროპული ინტეგრაციის მომხრეა“. რეზოლუციის პროექტში გამოთქმულია წუხილი „იმ ფაქტის გამო, რომ მედიასა და საინფორმაციო გარემოში დომინირებს „ქართული ოცნების“ მიერ მხარდაჭერილი ტელევიზიები და მედიასაშუალებები, რომლებიც ავრცელებენ ცრუ ნარატივებს ევროკავშირში ინტეგრაციის შესახებ, რითაც ბაძავენ და იყენებენ რუსულ პროპაგანდას, ხელს უწყობენ საზოგადოებაში პოლარიზაციას“.პროექტი ხაზს უსვამს „ბიძინა ივანიშვილის და სხვა ოფიციალური და პოლიტიკური ლიდერების, მათ შორის ირაკლი კობახიძის, შალვა პაპუაშვილის, ვახტანგ გომელაურის, თბილისის მერის და „ქართული ოცნების“ გენერალური მდივნის, კახა კალაძის და „ქართული ოცნების“ ყოფილი თავმჯდომარის, ირაკლი ღარიბაშვილის პასუხისმგებლობას საქართველოში პოლიტიკური პროცესის გაუარესებაზე დემოკრატიული უკუსვლის დაშვების გზით, რაც იწვევს ხელისუფლების ავტოკრატიულ კონსოლიდაციას, და ქვეყნის ევროატლანტიკური ინტეგრაციის კონსტიტუციური მიზნის საწინააღმდეგოდ მოქმედების გზით“.შესაბამისად, „მოუწოდებს ბიძინა ივანიშვილის, მისი ოჯახის წევრებისა და მისი კომპანიების წინააღმდეგ დაუყოვნებლივი და მიზანმიმართული პერსონალური სანქციების დაწესებისკენ და მოუწოდებს ევროკავშირს სხვა იურისდიქციებთან, კერძოდ, გაერთიანებულ სამეფოსთან თანამშრომლობით, გაყინოს მისი ფინანსური აქტივები; გმობს უნგრეთის და სლოვაკეთის მთავრობების მიერ საქართველოში დემოკრატიულ უკუსვლაზე პასუხისმგებელი პირების წინააღმდეგ სანქციების დაწესების შესახებ საბჭოს გადაწყვეტილებების შეფერხებას; გმობს უნგრეთის მთავრობის ცალმხრივ ქმედებებს, რომლებიც „ქართული ოცნების“ ლეგიტიმაციას ისახავს მიზნად“.„ევროპარლამენტი კიდევ ერთხელ ადასტურებს თავის პოზიციას, რომ საქართველოში არსებული პოლიტიკური და კონსტიტუციური კრიზისის მოგვარება შესაძლებელია მხოლოდ ახალი საპარლამენტო არჩევნების გზით, რომელიც უნდა ჩატარდეს მომდევნო რამდენიმე თვეში გაუმჯობესებულ საარჩევნო გარემოში, დამოუკიდებელი და მიუკერძოებელი საარჩევნო ადმინისტრაციის ზედამხედველობით და კეთილსინდისიერი საერთაშორისო და დამოუკიდებელი ადგილობრივი დამკვირვებლების მონიტორინგით, რათა უზრუნველყოფილი იყოს ჭეშმარიტად სამართლიანი, თავისუფალი და გამჭვირვალე პროცესი, რომელიც ასახავს ხალხის ნამდვილ ნებას.ევროპარლამენტი ხაზს უსვამს, რომ არ ცნობს თვითგამოცხადებულ ხელისუფლებას, რომელიც „ქართული ოცნების“ პარტიამ 2024 წლის 26 ოქტომბრის გაყალბებული საპარლამენტო არჩევნების შემდეგ ჩამოაყალიბა და საქართველოს „ქართული ოცნების“ არალეგიტიმური რეჟიმის მიერ მიტაცებულ სახელმწიფოდ მიიჩნევს; შესაბამისად, უარყოფს ქვეყნის მაკონტროლებელი ორგანოს მიერ მიღებულ ნებისმიერ გადაწყვეტილებას, როგორიცაა ადმინისტრაციულ სამართალდარღვევათა კოდექსში, სისხლის სამართლის კოდექსსა და შეკრებებისა და მანიფესტაციების შესახებ კანონში ცვლილებების ნაჩქარევი მიღება; სინანულს გამოთქვამს იმ ფაქტის გამო, რომ საქართველოს პარლამენტი არის ერთპარტიული პარლამენტი, რომელიც გაყალბებული არჩევნების საფუძველზე ჩამოყალიბდა, რაც შეუთავსებელია პლურალისტურ საპარლამენტო დემოკრატიასთან და ევროკავშირის კანდიდატი ქვეყნისგან მოსალოდნელ სტანდარტებთან; მიესალმება ევროპის საბჭოს საპარლამენტო ასამბლეაში „ქართული ოცნების“ უფლებამოსილების უარყოფას, რამაც გამოიწვია საქართველოს დელეგაციის გასვლა.ევროპარლამენტი მწუხარებას გამოთქვამს მმართველი პარტია „ქართული ოცნების“ მიერ პოლიტიკური ოპონენტების დევნის მუდმივ მცდელობებზე, მათ შორის მათი უკანონო დაპატიმრებისა და დაკავების, მუქარისა და ფიზიკური თავდასხმების გზით; კიდევ ერთხელ გამოდის პოლიტიკურად მოტივირებული მტრული მოქმედებების დასრულების, პოლიტიკური გარემოს გაუმჯობესებისა და პარტიებს შორის ნდობისა და დიალოგის აღდგენის მოწოდებით.ევროპარლამენტი გმობს პოლიტიკური ოპონენტების უკანონო დევნას „ქართული ოცნების“ ხელმძღვანელობით საქართველოს დე ფაქტო პარლამენტის საგამოძიებო კომიტეტის მიერ, რომელიც არაპროპორციულად დევნის იმ მთავრობის ქმედებებს, რომელმაც თორმეტ წელზე მეტი ხნის წინ დაასრულა თავისი მანდატი; ხაზს უსვამს „გამოძიების“ პოლიტიკურ ხასიათს და აღნიშნავს, რომ „ქართული ოცნება“ ხელისუფლებაშია 2012 წლიდან, მაგრამ საგამოძიებო კომიტეტი შექმნა ნამდვილი ოპოზიციური პარტიების აკრძალვის მცდელობების პარალელურად; შეშფოთებით აღნიშნავს საგამოძიებო კომიტეტის თავმჯდომარის, თეა წულუკიანის განცხადებებს, რომლებიც რუსულ ნარატივებს ავრცელებს; მკაცრად გმობს ზურაბ „გირჩი“ ჯაფარიძისა და ნიკა მელიას დაპატიმრებას, სხვა პოლიტიკოსების დაპატიმრების მუქარას და ამ პირებს პოლიტიკურ პატიმრებად მიიჩნევს“, – აღნიშნულია რეზოლუციის პროექტში.რეზოლუციის პროექტში ასევე გამოთქმულია ღრმა შეშფოთება „მმართველი პარტიის, „ქართული ოცნების“ ლიდერების ბოლოდროინდელი განცხადებების გამო, რომლებიც მიუთითებენ ოპოზიციური პარტიების – პირველ რიგში, „ერთიანი ნაციონალური მოძრაობის“ არაკონსტიტუციურად გამოცხადების განზრახვაზე“.ევროპარლამენტი აღნიშნავს, რომ „„ერთიანმა ნაციონალურმა მოძრაობამ“ გადამწყვეტი როლი ითამაშა საქართველოს ევროპული ინტეგრაციის პროცესის დაწყებასა და წინსვლაში; აღნიშნავს პარალელებს „ქართული ოცნების“ დე ფაქტო ხელისუფლების ქმედებებსა და კრემლის ამჟამინდელ რეჟიმს შორის, რომელმაც თავისი მმართველობა ოპოზიციური პარტიების უკანონოდ გამოცხადებით განამტკიცა; გმობს 2025 წლის 13 მაისს მიღებულ „მოქალაქეთა პოლიტიკური გაერთიანებების შესახებ“ ორგანულ კანონსა და „კონსტიტუციური სასამართლოს შესახებ“ კანონში ცვლილებების პროექტს, რომელიც საკონსტიტუციო სასამართლოს მისცემს უფლებამოსილებას, ფაქტობრივად და თვითნებურად აკრძალოს ყველა ოპოზიციური პარტია“.„ევროპარლამენტი კატეგორიულად იმეორებს მოთხოვნას ყოფილი პრეზიდენტის, მიხეილ სააკაშვილის ჰუმანიტარული მოსაზრებებიდან გამომდინარე დაუყოვნებლივ გათავისუფლების შესახებ, რათა მან საჭირო სამედიცინო მკურნალობა მიიღოს საზღვარგარეთ; ხაზგასმით აღნიშნავს, რომ საქართველოს ხელისუფლებას ეკისრება სრული პასუხისმგებლობა მის ჯანმრთელობასა და კეთილდღეობაზე და ანგარიშვალდებული უნდა იყოს ნებისმიერი ზიანისთვის, რომელიც მას მიადგება; გარდა ამისა, მოუწოდებს „ქართული ოცნების“ ხელისუფლებას, უზრუნველყოს, რომ ევროპარლამენტის წევრებს მიხეილ სააკაშვილთან შეუფერხებელი წვდომა მიეცეთ“, – აღნიშნულია რეზოლუციის პროექტში.პროექტი ხაზს უსვამს, რომ „ერთპარტიული პარლამენტისა და მის მიერ დანიშნული პრეზიდენტის ლეგიტიმურობის არაღიარების პოლიტიკა უნდა გაგრძელდეს, ვიდრე საქართველოს პოლიტიკური კურსის ხელშესახები ცვლილება არ მოხდება და ახალი თავისუფალი და სამართლიანი საპარლამენტო არჩევნები არ ჩატარდება“; პროექტი „მოუწოდებს ევროკავშირისა და მისი წევრი სახელმწიფოების წარმომადგენლებსა და პარლამენტის წევრებს, თავი შეიკავონ რეჟიმის წარმომადგენლებთან შეხვედრებისგან, ამჟამინდელი დე ფაქტო პრეზიდენტით დაწყებული; კვლავ აღიარებს სალომე ზურაბიშვილს საქართველოს ლეგიტიმურ პრეზიდენტად და ქართველი ხალხის წარმომადგენლად; აქებს განვითარების დემოკრატიულ და ევროპულ გზაზე ქვეყნის მშვიდობიანად დაბრუნების მის მცდელობებს“.ევროპარლამენტი რეზოლუციის პროექტში აღნიშნავს, რომ „2025 წლის შემოდგომაზე დაგეგმილი მუნიციპალური არჩევნები კიდევ ერთ გამოცდას წარმოადგენს საქართველოს დემოკრატიისა და პოლიტიკური პლურალიზმის მდგრადობისთვის; მოუწოდებს ოპოზიციას, გამოიყენოს ამ არჩევნებით შექმნილი შესაძლებლობა, რათა ასახოს ქართველი ხალხის ერთიანობა დემოკრატიისა და კანონის უზენაესობის სასარგებლოდ, როგორც უკვე ნაჩვენები იყო საპარლამენტო არჩევნების მანიპულაციებისა და რეპრესიების წინააღმდეგ მშვიდობიან საპროტესტო აქციებზე; მოუწოდებს, რომ მუნიციპალური არჩევნები ჩატარდეს გაუმჯობესებულ საარჩევნო გარემოში, დამოუკიდებელი და მიუკერძოებელი საარჩევნო ადმინისტრაციის ზედამხედველობით და კეთილსინდისიერი საერთაშორისო დამკვირვებლების მონიტორინგით, რათა უზრუნველყოფილი იყოს ნამდვილად სამართლიანი, თავისუფალი და გამჭვირვალე პროცესი“.რეზოლუციის პროექტის ტექსტის თანახმად, ამ კონტექსტში, ევროპარლამენტი „ღრმად შეშფოთებულია მუნიციპალური არჩევნების წინ საარჩევნო სისტემისა და საერთო დემოკრატიული გარემოს შემდგომი გაუარესებით. კერძოდ, 2024 წლის დეკემბერში საქართველოს ორგანულ კანონსა და საარჩევნო კოდექსში ახალი ცვლილებების დაჩქარებული წესით მიღებით, რომლებიც ძირს უთხრის თანასწორი საარჩევნო უფლების პრინციპს და მიზნად ისახავს მმართველი პარტიის დომინირების განმტკიცებას მმართველობის ყველა დონეზე; იხსენებს, რომ ეს შესწორებები გააკრიტიკა ვენეციის კომისიამ და მოუწოდებს მათ გაუქმებისკენ; მოუწოდებს საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელს და წევრ სახელმწიფოებს, განიხილონ დამატებითი ინდივიდუალური სანქციების დაწესება ქართველი თანამდებობის პირების წინააღმდეგ, თუ მომავალი მუნიციპალური არჩევნები ვერ დააკმაყოფილებს სამართლიანი და თავისუფალი არჩევნების კრიტერიუმებს“.პროექტში ასევე ვკითხულობთ: „ევროპარლამენტი მკაცრად გმობს საქართველოს აქტიური სამოქალაქო საზოგადოებისთვის გარემოს განზრახ და მუდმივ განადგურებას, რუსული სტილის რამდენიმე შემზღუდველი საკანონმდებლო აქტის მიღებით, მათ შორის უცხოური გავლენის გამჭვირვალობის კანონის, ხელისუფლების მხრიდან მუქარებითა და სტიგმატიზაციით; მკაცრად გმობს ახალ საკანონმდებლო ინიციატივას, რომელიც მოითხოვს სამოქალაქო საზოგადოების ორგანიზაციის ყველა გრანტის სახელმწიფო რეგისტრაციას და ავალდებულებს უცხოელ დონორებს, მიიღონ აღმასრულებელი ორგანოების ნებართვა ადგილობრივი ორგანიზაციებისთვის გრანტების გასაცემად; წუხს ხელისუფლების ბოლოდროინდელ გადაწყვეტილებასთან დაკავშირებით, პოლიტიკური პატიმრებისა და მათი ოჯახების მხარდასაჭერად საზოგადოებრივი დაფინანსების ინიციატივებისა და კამპანიების საბანკო ანგარიშების გაყინვის გამო; მოუწოდებს ხელისუფლებას, დაუყოვნებლივ შეწყვიტოს დაშინება, მუქარები, პოლიტიკურად მოტივირებული დევნა და ფიზიკური თავდასხმები სამოქალაქო საზოგადოების წარმომადგენლების, პოლიტიკური ლიდერების, სამოქალაქო აქტივისტების, ჟურნალისტებისა და მედიის წარმომადგენლების წინააღმდეგ საქართველოში; გმობს რამდენიმე ევროპელი ჟურნალისტისთვის საქართველოში შესვლაზე უკანონო და დაუსაბუთებელ უარის თქმას“.რეზოლუციის პროექტის თანახმად, „გმობენ შესაბამისი საზოგადოებრივი კონსულტაციების გარეშე, ბოლო დროს მიღებულ საკანონმდებლო აქტებს, რომელიც შემდგომი პოლიტიკური დევნის საშუალებას იძლევა, ზღუდავს შეკრების უფლებას და კიდევ უფრო ამცირებს სამოქალაქო საზოგადოებისთვის, დამოუკიდებელი მედიისა და ოპოზიციისთვის თავისუფლად მოქმედების სივრცეს, მათ შორისაა რუსული სტილის უცხოელი აგენტების შესახებ კანონი, ცვლილებები საჯარო სამსახურის შესახებ კანონში, ცვლილებები გრანტების შესახებ კანონში, უცხოელ აგენტთა რეგისტრაციის აქტი, ისევე როგორც ახალი შემზღუდველი ცვლილებები მაუწყებლობის შესახებ კანონში; მოუწოდებს ქართულ ხელისუფლებას, გააუქმოს ეს საკანონმდებლო ცვლილებები; ხაზგასმით აღნიშნავს „ქართული ოცნების“ პოლიტიკურ ქცევას, მათ შორის მის სტრატეგიულ თანხვედრას რუსეთის ფედერაციასთან და რომ ავტორიტარული რეჟიმებისთვის დამახასიათებელი ინსტრუმენტების დაჩქარებული მიღება, ასახავს მოვლენების ასეთივე განვითარებებს თავად რუსეთშიც“.დოკუმენტი „მაღალ შეფასებას აძლევს გასულ თვეებში საქართველოს სამოქალაქო საზოგადოების მუშაობას, უფასო იურიდიული დახმარების უზრუნველყოფას, ადამიანის უფლებების სერიოზული დარღვევების დოკუმენტირება და ადგილობრივი და საერთაშორისო სასამართლო განხილვების გაძღოლის საკუთარ თავზე აღება, სამართლიანობისა და ანგარიშვალდებულების მისაღწევად, მუდმივი თავდასხმების, სამოქალაქო სივრცის კრიმინალიზაციისა და სამოქალაქო საზოგადოების მუშაობის წინააღმდეგ დეზინფორმაციული კამპანიების ფონზე“.ტექსტი ხაზს უსვამს „საქართველოს სამოქალაქო საზოგადოებისა და დამოუკიდებელი მედიის მხარდაჭერის გადაუდებელ აუცილებლობას, მზარდი რეპრესიებისა და ამერიკის შეერთებული შტატების საერთაშორისო განვითარების სააგენტოს (USAID) საქმიანობის შეჩერების გათვალისწინებით, და შესაბამისად, სთხოვს კომისიას, გაზარდოს ფინანსური მხარდაჭერა და განახორციელოს იგი ყოველგვარი შეფერხების გარეშე; მოუწოდებს, ევროკავშირის დაფინანსების მექანიზმები მორგებულ იქნას მტრულ და ანტიდემოკრატიულ გარემოში წარმოშობილ საჭიროებებზე და თანხები გადანაწილდეს სამოქალაქო საზოგადოებრივი ორგანიზაციების, დამოუკიდებელი მედიისა და ადამიანის უფლებათა დამცველების პირდაპირი მხარდაჭერისთვის; ამასთან დაკავშირებით კიდევ ხაზს უსვამს, რომ წევრი ქვეყნები მზად უნდა იყვნენ, მიიღონ და დაეხმარონ ქართულ სამოქალაქო საზოგადოებრივ ორგანიზაციებს და დამოუკიდებელ მედია საშუალებებს, რათა მათ შეძლონ თავიანთი მუშაობის გაგრძელება დევნილობაში“.„ქართული ოცნება“ არა მხოლოდ უარყოფს საქართველოს ევროკავშირში ინტეგრაციის, არამედ იგი უარყოფს ზოგადად ადამიანის უფლებათა საერთაშორისო სამართალსა და დემოკრატიულ სტანდარტებს, სწრაფად მოძრაობს უარყოფითი ტრაექტორიით, რაც მანამდე იყო დაფიქსირებული რუსეთში; ევროპარლამენტი ღრმად არის შეშფოთებული კერძოდ იმით, რომ ამას ექნება შემდგომი უარყოფითი ეფექტი ქალების, უმცირესობების, მიგრანტების, შეზღუდული შესაძლებლობების მქონე პირების, ლგბტი ადამიანების, სიღარიბის ზღვარს ქვემოთ მცხოვრები ადამიანებისა და სხვა მოწყვლადი ან რისკის ქვეშ მყოფი ჯგუფების უფლებებსა და კეთილდღეობაზე; მკაცრად გმობს საქართველოს პარლამენტის მიერ 2024 წლის ოქტომბერში ანტი-ლგბტი საკანონმდებლო აქტის მიღებას, რომელიც ასახავს ავტორიტარულ, რუსული სტილის პოლიტიკას და არღვევს ევროკავშირის ფუნდამენტურ უფლებათა ქარტიას, და მოუწოდებს მისი გაუქმებისკენ; მოუწოდებს, აღადგინოს გენდერული კვოტები, რომლებიც გაუქმდა საქართველოს პარლამენტის მიერ 2024 წლის აპრილში; მოუწოდებს ევროკავშირის წევრ ქვეყნებს, თავშესაფრის მაძიებლების განაცხადების შეფასებისას, ადეკვატურად გაითვალისწინონ ფაქტი, რომ საქართველოს ახლა აქვს ერთ-ერთი ყველაზე რეპრესიული ლგბტი საწინააღმდეგო კანონები ევროპაში; შეშფოთებულია საქართველოში ეთნიკური და რელიგიური უმცირესობების დაცვის არ არსებობით.რეზოლუციის პროექტი ადასტურებს, რომ ევროკავშირის მიერ მიღებული ზომები დემოკრატიული უკუსვლისა და ადრინდელი ვალდებულებების შეუსრულებლობის საპასუხოდ, არ ასახავს საქართველოში მდგომარეობისა და მისი შედეგების სიმძიმეს რეგიონში; წუხს პროაქტიული ზომების არ არსებობისა და ზოგადად, ევროპული საბჭოსა და ევროკომისიის შეზღუდული და დაგვიანებული რეაქციის გამო; ხაზს უსვამს, რომ წევრ სახელმწიფოებს შორის ერთსულოვნების არარსებობამ არ უნდა შეუშალოს ხელი მათ, ვისაც სურს შესაბამისი და ეფექტური ზომების მიღება; მოუწოდებს ევროკავშირის ხელმძღვანელობას სასწრაფოდ გააერთიანოს მსგავსი შეხედულებების მქონე წევრი სახელმწიფოები კოორდინირებული ქმედებისთვის და ამით გადალახოს პოლიტიკური ბარიერები ევროკავშირის სანქციების დასაწესებლად“, – ნათქვამია რეზოლუციის პროექტში.დოკუმენტი „მოუწოდებს ევროკავშირსა და მის წევრ სახელმწიფოებს, ორმხრივ და კოორდინირებულ საფუძველზე შემოიღონ პირადი სანქციები „ქართული ოცნების“ მთავარი პოლიტიკური ლიდერების, თანამდებობის პირებისა და ადმინისტრაციაში, ბიზნესში, მედიაში, მართლმსაჯულების სისტემაში, სამართალდამცველ უწყებასა და საარჩევნო კომისიაში რეჟიმის ხელშემწყობთა წინააღმდეგ, რომლებიც პასუხისმგებლები არიან დემოკრატიულ უკუსვლაზე, არჩევნების გაყალბებაზე, ადამიანის უფლებების დარღვევაზე და პოლიტიკური ოპონენტებისა და აქტივისტების დევნაზე; დამატებით მოუწოდებს სანქციების გავრცელებას რეჟიმის ოპონენტების წინააღმდეგ, რეპრესიული ზომების განხორციელებაზე პასუხისმგებელი საშუალო და დაბალი დონის საჯარო მოხელეებზე და მათ შენარჩუნებას, ვიდრე საქართველოში დემოკრატია სათანადოდ არ აღდგება; მიესალმება ლიეტუვის, ესტონეთის, ლატვიის, ჩეხეთის, გერმანიისა და პოლონეთის, ასევე მსგავსი შეხედულებების მქონე პარტნიორების, როგორიცაა აშშ, გაერთიანებული სამეფო, კანადა და უკრაინა, მიერ ორმხრივი სანქციების დაწესებას და მოუწოდებს ევროკავშირის სხვა წევრ სახელმწიფოებს, მიჰყვნენ ამ მაგალითს; მოუწოდებს, განიხილონ შემდგომი შემზღუდავი ზომები, როგორიცაა SWIFT-ის შეწყვეტა ან სექტორული სანქციები, რომლებიც მიზნად ისახავს „ქართული ოცნების“ რეჟიმის ფინანსური ნაკადებისა და შემოსავლის წყაროების შეწყვეტას“.ტექსტის თანახმად, ევროპარლამენტი „მიესალმება ევროპული საბჭოს გადაწყვეტილებას, შეაჩეროს უვიზო მიმოსვლა ქართველი დიპლომატებისა და თანამდებობის პირებისთვის, როგორც პირველი ნაბიჯი საქართველოში მიმდინარე ნეგატიური მოვლენების საპასუხოდ; კიდევ ერთხელ მოუწოდებს ევროკომისიას და ევროპულ საბჭოს, გადახედონ საქართველოს უვიზო სტატუსს, მისი შეჩერების შესაძლებლობით, თუ მმართველი პარტიის ქმედებების გამო არ იქნება დაცული დემოკრატიული მმართველობისა და თავისუფლებების შესაბამისი სტანდარტები; ხაზს უსვამს, რომ „ქართული ოცნება“ სრულად არის პასუხისმგებელი საქართველოს მოქალაქეებისთვის უვიზო რეჟიმის შესაძლო შეჩერებით გამოწვეულ ნებისმიერ შედეგზე; ხაზს უსვამს უვიზო მიმოსვლის მნიშვნელობას საქართველოს სამოქალაქო საზოგადოების წარმომადგენლებისთვის, ადამიანის უფლებათა დამცველებისა და ჟურნალისტებისთვის, სხვათა შორის, როგორც ევროკავშირში ევროპელი აქტორების ინფორმირების მიზნით გამგზავრებისთვის, რათა აცნობონ საქართველოში მიმდინარე მოვლენების შესახებ, ასევე მათთვის ქვეყნის სწრაფად დატოვების შესაძლებლობის მისაცემად, რადგან ბევრი მათგანი ხელისუფლების მხრიდან პოლიტიკურ დევნის წინაშე დგას“.ამასთან, დოკუმენტში ვკითხულობთ: „ევროპარლამენტი წუხს იმ ფაქტის გამო, რომ „ქართული ოცნება“ დემოკრატიის, კანონის უზენაესობისა და ევროატლანტიკური ინტეგრაციის მიმართულებით ათწლეულების განმავლობაში მიღწეულ პროგრესს არღვევს და აშორებს თავის მოკავშირეებს, რომლებიც მას მთელი პროცესის განმავლობაში უჭერდნენ მხარს; წუხს, რომ საქართველომ ვერ მიაღწია პროგრესს ევროკავშირის რეკომენდაციების შესრულებაში საგარეო, უსაფრთხოებისა და თავდაცვის პოლიტიკასთან დაკავშირებით და რომ საქართველოს თანხვედრის დონე ევროკავშირის საერთო საგარეო და უსაფრთხოების პოლიტიკასთან (CFSP) კვლავ შესამჩნევად დაბალია, 49%-ის ოდენობით, რაც აჩვენებს მის ერთგულების ნაკლებობას ევროპული ინტეგრაციის მიმართ; ხაზს უსვამს, რომ ევროკავშირში გაწევრიანების პროცესში პროგრესი მოითხოვს ევროკავშირის CFSP-სთან სრულ თანხვედრას, ყველა კანდიდატი ქვეყნის მოლოდინების შესაბამისად; წუხს იმ ფაქტის გამო, რომ საქართველო არ მონაწილეობს ევროკავშირის კრიზისების მართვის მისიებსა და ოპერაციებში საერთო უსაფრთხოებისა და თავდაცვის პოლიტიკის ფარგლებში; წუხს იმ ფაქტის გამო, რომ საქართველოს საგარეო პოლიტიკის შეუსაბამობა თვითიზოლაციას იწვევს და რომ „ქართული ოცნების“ რეპრესიული რეჟიმი ამწვავებს არასტაბილურობას სამხრეთ კავკასიის რეგიონში და შავ ზღვაში“.რეზოლუციის პროექტში აღნიშნულია, რომ „საქართველო, ამჟამინდელი მთავრობის ხელმძღვანელობით, ისეთი მიმართულებით მოძრაობს, რომელიც მას რუსეთის ვასალურ სახელმწიფოდ გადაქცევის რისკის ქვეშ აყენებს, ისევე როგორც ბელარუსი; წუხს იმ ფაქტის გამო, რომ იმ დროს, როდესაც დემოკრატიული სამყარო მტკიცედ უჭერს მხარს უკრაინას რუსეთის ფედერაციის არაპროვოცირებული აგრესიული ომის წინააღმდეგ, ამჟამინდელი საქართველოს ხელისუფლება სულ უფრო მეტად ეთანხმება კრემლის პოლიტიკასა და რიტორიკას, რითაც ხელს უწყობს ისტორიულ რევიზიონიზმს; აღნიშნავს, რომ საქართველო არ ეთანხმება რუსეთის, ბელარუსის და ირანის წინააღმდეგ დაწესებული სანქციების დიდ უმრავლესობას, მაგრამ აცხადებს, რომ თანამშრომლობდა ევროკავშირთან სანქციების გვერდის ავლის თავიდან ასაცილებლად; თუმცა, გამოხატავს შეშფოთებას იმ ცნობების გამო, რომლებიც ამტკიცებენ საქართველოს როლს რუსეთის წინააღმდეგ ევროკავშირის სანქციების თავიდან არიდების ხელშეწყობაში; შესაბამისად, მოუწოდებს ევროკომისიას, ჩაატაროს საფუძვლიანი გამოძიება ასეთ ბრალდებებთან დაკავშირებით“.ამასთან, დოკუმენტის თანახმად, „ევროპარლამენტი შეშფოთებით აღნიშნავს „ქართული ოცნების“ მთავრობის ბოლოდროინდელ სტრატეგიულ შემობრუნებას ჩინეთისკენ და მის მზარდ თანამშრომლობას ირანთან; აღნიშნავს „ქართული ოცნების“ საჯარო მხარდაჭერას ჩინეთის გეოსტრატეგიული ინიციატივებისა და გაძლიერებული ორმხრივი ეკონომიკური ურთიერთობების მიმართ, მათ შორის ჩინეთის დაქვემდებარებაში არსებული კონსორციუმისთვის ანაკლიის ღრმაწყლოვანი პორტის მშენებლობის პროექტის მინიჭების შესახებ; ხაზს უსვამს, რომ ასეთი ნაბიჯი ეწინააღმდეგება საქართველოს ევროატლანტიკური ინტეგრაციისადმი გაცხადებულ ვალდებულებას.ის ხაზს უსვამს, რომ ანაკლიის პროექტი ამჟამად რისკის ქვეშაა, რომ რეგიონში ჩინეთის პოლიტიკური, ფინანსური და ეკონომიკური გავლენის გაზრდის საშუალებად იქცეს, რითაც კიდევ უფრო დააშორებს საქართველოს მისი სტრატეგიული პარტნიორებისგან დასავლეთში; ამასთან დაკავშირებით მოუწოდებს კომისიას და წევრ სახელმწიფოებს, გადახედონ და, საჭიროების შემთხვევაში, შეაჩერონ ან გადაამისამართონ რეგიონული დაკავშირებადობის პროექტების დაფინანსება; გამოხატავს სერიოზულ შეშფოთებას საქართველოსა და თეირანს შორის მრავალმხრივი თანამშრომლობის ზრდასთან დაკავშირებით, რამაც შეიძლება, გამოიწვიოს საქართველოს შემდგომი იზოლაცია“.რეზოლუციის პროექტის მიხედვით, ევროპარლამენტი „აფრთხილებს, რომ საქართველოს მიმდინარე სწრაფვა ავტორიტარიზმისკენ და რუსეთთან მზარდი დაახლოება ევროპის უსაფრთხოებისთვის მზარდ საფრთხეს წარმოადგენს, განსაკუთრებით საქართველოს სტრატეგიული მდებარეობისა და შავ ზღვაზე წვდომის თვალსაზრისით, რაც კრიტიკულად მნიშვნელოვანია რუსეთისთვის რეგიონში ძალაუფლების პროეცირებისთვის; ხაზს უსვამს, რომ მმართველი პარტიის „ქართული ოცნების“ სტრატეგია შესაძლოა, სხვაგანაც იქნას გამოყენებული, როგორც სახელმწიფოს ჰიბრიდული მიტაცების სახელმძღვანელო; შეშფოთებულია რეგიონული შედეგებით და აფრთხილებს, რომ სამხრეთ კავკასიაში ევროპის ქმედებების სანდოობა საფრთხის ქვეშაა, განსაკუთრებით ევროკავშირის შავი ზღვის მომავალი სტრატეგიის მოლოდინში“.რეზოლუციის პროექტის თანახმად, ევროპარლამენტი „ღრმად შეშფოთებულია „ქართული ოცნების“ რუსეთთან და სხვა ავტორიტარულ რეჟიმებთან თანამშრომლობით, დაახლოებითა და იდეოლოგიური მიახლოებით, რუსეთის მიერ საქართველოს ტერიტორიის მცოცავი ოკუპაციის მიუხედავად; გმობს „ქართული ოცნების“ მიერ რუსული დეზინფორმაციისა და მანიპულაციების ხელშეწყობას და მასში მონაწილეობას, მათ შორის უკრაინის წინააღმდეგ რუსეთის აგრესიის ომის პროპაგანდის ინსტრუმენტად გამოყენებას, რაც ეწინააღმდეგება ქვეყნის ევროატლანტიკური ინტეგრაციისადმი საზოგადოების უცვლელ და უკიდურესად მაღალ მხარდაჭერას; სინანულს გამოთქვამს ევროკავშირთან თანამშრომლობის ნაკლებობაზე უცხოური ინფორმაციით მანიპულაციისა და ჩარევის წინააღმდეგ ბრძოლაში“.„ევროპარლამენტი კვლავ უმკაცრესად გმობს რუსეთის მიერ საქართველოს რეგიონების, აფხაზეთისა და სამხრეთ ოსეთის მიმდინარე ოკუპაციას და „ბორდერიზაციის“ პროცესის გაგრძელებას, რაც საქართველოს სუვერენიტეტისა და ტერიტორიული მთლიანობის დარღვევას წარმოადგენს; მოუწოდებს საქართველოს მთავრობას, შეინარჩუნოს მკაფიო და თანმიმდევრული პოზიცია რუსეთის აგრესიის მიმართ და მოუწოდებს ევროკავშირს, შეინარჩუნოს აქტიური ჩართულობა კონფლიქტების მოგვარებაში, ადამიანის უფლებების მონიტორინგსა და დაზარალებული მოსახლეობის მხარდაჭერაში“, – აღნიშნულია პროექტში.რეზოლუციის პროექტი „რეკომენდაციას უწევს საქართველოში ევროკავშირის სადამკვირვებლო მისიის (EUMM) გაძლიერებას გაზრდილი რესურსებითა და უფრო ფართო მანდატით უცხოური ჩარევისა და საზღვარზე დესტაბილიზაციის მონიტორინგისთვის; მოუწოდებს წევრ სახელმწიფოებს, უზრუნველყონ ევროკავშირის სადამკვირვებლო მისიისთვის ადეკვატური დაფინანსება და პერსონალი მიმდინარე პოლიტიკურ და უსაფრთხოების კრიზისზე რეაგირებისთვის“.„ევროპარლამენტი აღნიშნავს, რომ 30 მილიონი ევროს ღირებულების ევროპული სამშვიდობო ფონდის მხარდაჭერა სამართლიანად შეჩერდა 2024 წელს საქართველოში დემოკრატიული უკუსვლის საპასუხოდ და რომ 2025 წლისთვის მხარდაჭერა არ არის დაგეგმილი; ხაზს უსვამს, რომ ამ შეჩერებას უარყოფითი შედეგები მოჰყვება საქართველოს ეროვნული სტაბილურობისა და უსაფრთხოებისთვის; კიდევ ერთხელ აღნიშნავს, რომ ნებისმიერი სამომავლო ფინანსური დახმარება შეიძლება, ავტორიზებული იყოს მხოლოდ იმ პირობით, რომ თვითგამოცხადებული რეჟიმი გადადგება და ჩატარდება სამართლიანი და მიუკერძოებელი არჩევნები“, – ნათქვამია რეზოლუციის პროექტში.

მსოფლიო • 1751990004

EUobserver: ამერიკა ევროპიდან არ გადის, არამედ მის დამორჩილებას ცდილობს - ევროპელებმა ტრამპის ჩარევა ევროპის დემოკრატიებში გაცილებით სერიოზულად უნდა აღიქვან და საპასუხო ზომები მიიღონ

ამერიკა ევროპიდან არ გადის, არამედ მის დამორჩილებას ცდილობს. ევროპელებმა ტრამპის ჩარევა ევროპის დემოკრატიებში გაცილებით სერიოზულად უნდა აღიქვან და საპასუხო ზომები მიიღონ, - წერს გამოცემა EUobserver.„27 მაისს ვაშინგტონში გამოქვეყნდა ოფიციალური დოკუმენტი, რომელიც ევროპის ქვეყნებში რეჟიმის შეცვლისკენ მოუწოდებს. ევროპელ პოლიტიკოსებს მოუწევთ ამ დოკუმენტის ყურადღებით წაკითხვა, სანამ ისინი მომავალი საარჩევნო კამპანიებისთვის სტრატეგიების შემუშავებას დაიწყებენ. ამჯერად, სასწორზე არ დგას მხოლოდ ის, თუ ვინ მართავს ევროპულ ქვეყნებს. ეს ბევრად უფრო შორს მიდის: ამერიკის ამჟამინდელი ადმინისტრაცია ევროპას სულ უფრო მეტად აღიქვამს პოლიტიკური ბრძოლის ველად“, - აღნიშნულია სტატიაში.აღნიშნული დოკუმენტი, სახელწოდებით „ცივილიზაციური მოკავშირეების საჭიროება ევროპაში“ (The Need for Civilizational Allies in Europe), დაწერა სამუელ სემსონმა, აშშ-ის სახელმწიფო დეპარტამენტის დემოკრატიის, ადამიანის უფლებებისა და შრომის ბიუროს უფროსმა მრჩეველმა.ეს დოკუმენტი ეფუძნება ვიცე-პრეზიდენტ ჯეი დი ვენსის თებერვალში, მიუნხენის უსაფრთხოების კონფერენციაზე წარმოთქმულ სიტყვას. ვენსმა მაშინ განაცხადა, რომ ევროპის „უკანდახევა ზოგიერთი მისი ფუნდამენტური ღირებულებიდან“ უდიდეს საფრთხეს წარმოადგენს დასავლური ღირებულებებისა და დემოკრატიისთვის.სახელმწიფო დეპარტამენტის დოკუმენტი, თუმცა, კიდევ ერთ ნაბიჯს დგამს წინ. მასში ნათქვამია, რომ „ევროპის დემოკრატიული უკუსვლა“ ზიანს აყენებს ამერიკის უსაფრთხოებას, ეკონომიკურ ინტერესებსა და სიტყვის თავისუფლებას. აქედან გამომდინარე, დოკუმენტი მიანიშნებს, რომ აშშ-ისთვის მოქმედების დრო დადგა: ევროპაში ულტრამემარჯვენე ძალებმა უნდა მოახდინონ თავიანთი პოლიტიკური სისტემების ტრანსფორმაცია, რათა ვაშინგტონმა შეძლოს ცივილიზაციური ალიანსის ჩამოყალიბება „ქრისტიანულ სახელმწიფოებთან, როგორიცაა უნგრეთი“.დოკუმენტში ნათქვამია, რომ ევროპა არის ანტიდემოკრატიული: ევროპა არის „ციფრული ცენზურის, მასობრივი მიგრაციის, რელიგიური თავისუფლების შეზღუდვისა და დემოკრატიულ თვითმმართველობაზე მრავალი სხვა თავდასხმის კერა“.სახელმწიფო დეპარტამენტის დოკუმენტი ევროპას აღწერს, როგორც ულტრა-მემარცხენე ფანატიკოსების ბუდეს — ევროპას, „რომელიც ცვლის თავის სულიერ და კულტურულ ფესვებს, ტრადიციულ ღირებულებებს სახიფათო რელიქვიებად მიიჩნევს და ძალაუფლებას მოუხელთებელ ინსტიტუტებში აცენტრალიზებს“.„სწორედ ამიტომ აიძულებს ვაშინგტონი თავის მოკავშირეებს, განსაკუთრებით ევროპაში, დამორჩილებას. წინააღმდეგობის გამწევები ისჯებიან. ტრამპის სატარიფო ომები, ევროკავშირის ციფრული წესების ჩაშლის მცდელობები და მისი მოთხოვნა, რომ ევროპამ ნატოს ფინანსური და ოპერაციული ტვირთი აიღოს, მხოლოდ დასაწყისია. ამერიკა ევროპიდან არ გადის, არამედ მის დამორჩილებას ცდილობს. ევროპელებმა ტრამპის ჩარევა ევროპის დემოკრატიებში გაცილებით სერიოზულად უნდა აღიქვან და საპასუხო ზომები მიიღონ. ევროპის ნამდვილი საფრთხე არ არის „ვოუკიზმი“, არამედ ამერიკის მცდელობა, რომ დაიმორჩილოს ევროპა“, - ნათქვამია სტატიაში.

მსოფლიო • 1751986200

EUobserver: „ტრამპი ევროპაში რეჟიმების შეცვლაზე მუშაობს - ეს ფაქტია და არა შეთქმულების თეორია“

აშშ-ის ადმინისტრაცია ევროპაში არჩევნებს განიხილავს, როგორც შესაძლებლობას, რომ ევროპულ ქვეყნებს ულტრამემარჯვენე ლიდერები, „ტრამპისეული“ დღის წესრიგით, სათავეში ჩაუდგნენ, - წერს გამოცემა EUobserver.„27 მაისს ვაშინგტონში გამოქვეყნდა ოფიციალური დოკუმენტი, რომელიც ევროპის ქვეყნებში რეჟიმის შეცვლისკენ მოუწოდებს. ევროპელ პოლიტიკოსებს მოუწევთ ამ დოკუმენტის ყურადღებით წაკითხვა, სანამ ისინი მომავალი საარჩევნო კამპანიებისთვის სტრატეგიების შემუშავებას დაიწყებენ. ამჯერად, სასწორზე არ დგას მხოლოდ ის, თუ ვინ მართავს ევროპულ ქვეყნებს. ეს ბევრად უფრო შორს მიდის: ამერიკის ამჟამინდელი ადმინისტრაცია ევროპას სულ უფრო მეტად აღიქვამს პოლიტიკური ბრძოლის ველად“, - აღნიშნულია სტატიაში.აღნიშნული დოკუმენტი, სახელწოდებით „ცივილიზაციური მოკავშირეების საჭიროება ევროპაში“ (The Need for Civilizational Allies in Europe), დაწერა სამუელ სემსონმა, აშშ-ის სახელმწიფო დეპარტამენტის დემოკრატიის, ადამიანის უფლებებისა და შრომის ბიუროს უფროსმა მრჩეველმა.ეს დოკუმენტი ეფუძნება ვიცე-პრეზიდენტ ჯეი დი ვენსის თებერვალში, მიუნხენის უსაფრთხოების კონფერენციაზე წარმოთქმულ სიტყვას. ვენსმა მაშინ განაცხადა, რომ ევროპის „უკანდახევა ზოგიერთი მისი ფუნდამენტური ღირებულებიდან“ უდიდეს საფრთხეს წარმოადგენს დასავლური ღირებულებებისა და დემოკრატიისთვის.სახელმწიფო დეპარტამენტის დოკუმენტი, თუმცა, კიდევ ერთ ნაბიჯს დგამს წინ. მასში ნათქვამია, რომ „ევროპის დემოკრატიული უკუსვლა“ ზიანს აყენებს ამერიკის უსაფრთხოებას, ეკონომიკურ ინტერესებსა და სიტყვის თავისუფლებას. აქედან გამომდინარე, დოკუმენტი მიანიშნებს, რომ აშშ-ისთვის მოქმედების დრო დადგა: ევროპაში ულტრამემარჯვენე ძალებმა უნდა მოახდინონ თავიანთი პოლიტიკური სისტემების ტრანსფორმაცია, რათა ვაშინგტონმა შეძლოს ცივილიზაციური ალიანსის ჩამოყალიბება „ქრისტიანულ სახელმწიფოებთან, როგორიცაა უნგრეთი“.დოკუმენტში ნათქვამია, რომ ევროპა არის ანტიდემოკრატიული: ევროპა არის „ციფრული ცენზურის, მასობრივი მიგრაციის, რელიგიური თავისუფლების შეზღუდვისა და დემოკრატიულ თვითმმართველობაზე მრავალი სხვა თავდასხმის კერა“.სახელმწიფო დეპარტამენტის დოკუმენტი ევროპას აღწერს, როგორც ულტრა-მემარცხენე ფანატიკოსების ბუდეს — ევროპას, „რომელიც ცვლის თავის სულიერ და კულტურულ ფესვებს, ტრადიციულ ღირებულებებს სახიფათო რელიქვიებად მიიჩნევს და ძალაუფლებას მოუხელთებელ ინსტიტუტებში აცენტრალიზებს“.„სწორედ ამიტომ აიძულებს ვაშინგტონი თავის მოკავშირეებს, განსაკუთრებით ევროპაში, დამორჩილებას. წინააღმდეგობის გამწევები ისჯებიან. ტრამპის სატარიფო ომები, ევროკავშირის ციფრული წესების ჩაშლის მცდელობები და მისი მოთხოვნა, რომ ევროპამ ნატოს ფინანსური და ოპერაციული ტვირთი აიღოს, მხოლოდ დასაწყისია. ამერიკა ევროპიდან არ გადის, არამედ მის დამორჩილებას ცდილობს. ევროპელებმა ტრამპის ჩარევა ევროპის დემოკრატიებში გაცილებით სერიოზულად უნდა აღიქვან და საპასუხო ზომები მიიღონ. ევროპის ნამდვილი საფრთხე არ არის „ვოუკიზმი“, არამედ ამერიკის მცდელობა, რომ დაიმორჩილოს ევროპა“, - ნათქვამია სტატიაში.

მსოფლიო • 1751982156

ბულგარეთი 2026 წლის იანვრიდან ევროზონის 21-ე წევრი გახდება

ბულგარეთი 2026 წლიდან ევროზონის 21-ე წევრი გახდება. ბულგარეთი ერთიან ვალუტას მომავალი წლის დასაწყისში შეუერთდება.ქვეყანას ვალუტაზე ტექნიკური გადასვლის მოსამზადებლად ექვს თვეზე ნაკლები დრო აქვს.ევროკავშირის ფინანსთა მინისტრებმა გასულ თვეში ოფიციალური მხარდაჭერა გამოუცხადეს ბულგარეთის ევროზონაში გაწევრიანებას, ვინაიდან ევროკომისიამ და ევროპის ცენტრალურმა ბანკმა ქვეყნის მზადყოფნა დადებითად შეაფასეს.ბულგარეთის ევროზონაში გაწევრიანების შემთხვევაში ევროკავშირის 27 ქვეყნიდან ერთიანი ვალუტის ზონის გარეთ მხოლოდ ექვსი დარჩება: შვედეთი, პოლონეთი, ჩეხეთი, უნგრეთი, რუმინეთი და დანია.