რეაბილიტაცია

დიმიტრი ხუნდაძე „ტვ პირველის“ მიერ გავრცელებულ ცრუ ბრალდებებზე: ეს არც პირველია და არც უკანასკნელი. ჩემი ძალა კი სიმართლეშია, რომელსაც ბინძური ხელებით ნასროლი ტალახი ვერასოდეს დააზიანებს

„ეს არც პირველია და არც უკანასკნელი. ჩემი ძალა კი სიმართლეშია, რომელსაც ბინძური ხელებით ნასროლი ტალახი ვერასოდეს დააზიანებს," - ასე პასუხობს სოციალურ ქსელში „ხალხი ძალის“ გენერალური მდივანი დიმიტრი ხუნდაძე ოპოზიციურ არხზე გასულ სიუჟეტს, რომელიც მისი სახელის დისკრედიტაციას ისახავდა მიზნად.დიმიტრი ხუნდაძე აღნიშნავს, რომ ხანგრძლივი მცდელობის მიუხედავად, ჟურნალისტმა შეძლო მხოლოდ ცილისმწამებლური ბრალდებების გაჟღერება, რომელსაც არანაირი საფუძველი არ გააჩნდა.„მატყუარა ტელევიზიამ სამი თვე იწვალა სიუჟეტის გასაკეთებლად და რასაც თავი მოაბა, ეგაა. ტყუილს ტყუილი დააშენა და კომენტარებიც ისე დაჩეხა, ბოლოს „აჯაფსანდალიც" არ გამოუვიდა. საკუთარ ეზოში ერთი ავტომობილის, ძველი ფარეხის კანონიერი რეაბილიტაცია, რომლის ყველა პროცედურა დაცულია და ერთი კი არა, ორი ნებართვა არსებობს, მათ უკანონო, ახალ, გრანდიოზულ მშენებლობად გაასაღეს, არარსებული ჯარიმა მოგვაწერეს და სკანდალისთვის, როცა თავადაც მიხვდნენ, რომ საკმარისი ვერ იქნებოდა, სადაც კი ვინმეს შესაძლო გადაცდომა იპოვეს, ჯიუტად ცდილობდნენ, ყველაფერი ჩემთვის „მოეწერათ". მათ სისაძაგლეს საზღვარი არ აქვს, ისევე, როგორც ჩემი რეპუტაციის შელახვის სხვა მსურველების ქმედებას, რომლებიც სხვისთვის გათხრილ ორმოში ხშირად თავად ვარდებიან. ეს არც პირველია და არც უკანასკნელი. ჩემი ძალა კი სიმართლეშია, რომელსაც ბინძური ხელებით ნასროლი ტალახი ვერასოდეს დააზიანებს. ისე, ცნობისთვის, ქართულ სასაუბრო ენაში „დოლენჯი" ტყუილს, სისულელეს და არასერიოზულ საქციელს ნიშნავს,“ - წერს სოციალურ ქსელში დიმიტრი ხუნდაძე.

რეგიონი • 1773383995

ოზურგეთში, იაკობ შემოქმედილის პირველ და მე-2 შესახვევებში გზის რეაბილიტაცია დასკვნით ეტაპზეა

ქალაქ ოზურგეთში, იაკობ შემოქმედილის პირველ და მე-2 შესახვევებში გზის რეაბილიტაცია დასკვნით ეტაპზეა.პროექტის ფარგლებში მოწესრიგდა წყლის სისტემა, მოეწყო რკინა-ბეტონის სანიაღვრე არხები და გზასთან ერთად კეთდება ეზოებში შესასვლელები.სამუშაო პროცესს ადგილზე ოზურგეთის მერი პაატა კუნჭულია და მერის მოადგილე გურამ გოლიაძე, ადგილობრივი ხელისუფლების წარმომადგენლებთან ერთად გაეცნენ.გზის რეაბილიტაცია, რომელიც უახლოეს დღეებში დასრულდება, რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით ხორციელდება.

რეგიონი • 1773323091

ბათუმის ბულვარში საბავშვო მოედნების რეაბილიტაცია დაიწყო

ბათუმის ბულვარში საბავშვო მოედნების რეაბილიტაციის პროცესი დაიწყო. პირველ ეტაპზე, სარეკონსტრუქციო სამუშაოები ძველ ბულვარში მდებარე ბავშვთა კუთხეში მიმდინარეობს. პროექტის ფარგლებში, დაგეგმილია მოედნის ახალი საფარის მოწყობა, დაზიანებული ატრაქციონების განახლება და სამღებრო სამუშაოების ჩატარება.პარალელურად, ახალ ბულვარში მდებარე საბავშვო მოედნის რეაბილიტაციის განხორციელებაც იგეგმება, რაც მოიცავს, არსებული სივრცის კეთილმოწყობას დასაბავშვო ინფრასტრუქტურის გაუმჯობესებას. სამუშაოების ფარგლებში მოხდება მოედნის საფარის შეცვლა, ატრაქციონების სრულად განახლება და საბავშვო ანიმაციური გმირების დამატება.განხორციელებული სამუშაოები მნიშვნელოვნად გააუმჯობესებს ბულვარის ბავშვთა გასართობ გარემოს, რაც არსებულ სივრცეებს პატარებისთვის უფრო უსაფრთხოს, კომფორტულსა და თანამედროვე სტანდარტებთან შესაბამისს გახდის.

პოლიტიკა • 1773153668

გიორგი ჯინჭარაძე: ჩვენთვის გაზრდილი ბიუჯეტი არ არის მხოლოდ ციფრები, ეს არის მეტი შესაძლებლობა ჩვენი დევნილი საზოგადოებისთვის. მიმდინარე წელს დაახლოებით 3 მილიონი ლარი მოხმარდება ჯანდაცვის და ინფრასტრუქტურის პროექტებს

ჩვენთვის გაზრდილი ბიუჯეტი არ არის მხოლოდ ციფრები, ეს არის მეტი შესაძლებლობა ჩვენი დევნილი საზოგადოებისთვის. მინდა დიდი მადლობა გადავუხადო საქართველოს პრემიერ-მინისტრს ბატონ ირაკლი კობახიძეს მისი უშუალო ჩართულობისთვის, მხარდაჭერისთვის და იმ უპრეცედენტო პროექტებისთვის, რომელსაც ვახორციელებთ და ეს არის მიმართული, როგორც ინფრასტრუქტურული, ასევე ჯანდაცვის კუთხით, - განაცხადა გადაცემაში „დღის ქრონიკა“ აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ.მისივე თქმით, მიმდინარე წელს დაახლოებით 3 მილიონი ლარი მოხმარდება ჯანდაცვის და ინფრასტრუქტურის პროექტებს.„ჩვენი ინფრასტრუქტურული პროექტები წელს დაახლოებით 3 მილიონ ლარს მოიცავს და გულისხმობს კომპაქტურ ჩასახლებებში ინფრასტრუქტურულ რეაბილიტაციებს, ასევე ჯანდაცვის მიმართულებით დევნილთა პოლიკლინიკების რეაბილიტაციას და ტექნიკური აღჭურვას“, - აღნიშნა ჯინჭარაძემ.აფხაზეთის ავტონომიური რესპუბლიკის მთავრობის თავმჯდომარემ ასევე ისაუბრა ქალთა კვირეულზე, რომლის ფარგლებშიც ომში დაღუპული მეომრების დედებისთვის სპეციალური ფულადი დახმარება გამოიყოფა.„ქალთა კვირეულის ფარგლებში ჩვენს საზოგადოებას შევთავაზეთ სხვადასხვა ღონისძიებები. ერთ-ერთი ყველაზე მნიშვნელოვანი ღონისძიება იყო საქართველოს ტერიტორიული მთლიანობისთვის დაღუპული ადამიანების დედებთან შეხვედრა, მივულოცეთ დედის და ქალთა დღე და გადავწყვიტეთ, რომ 500 ლარიანი ფინანსური მხარდაჭერა გავუწიოთ. დაახლოებით აპრილის ბოლოს ჩვენ გვექნება სრული სია და შევძლებთ აღნიშნული მხარდაჭერის განხორციელებას.აღნიშნული კვირეულის ფარგლებში ჩვენ გვქონდა არაერთი ღონისძიება, ქალბატონებს შევთავაზეთ უფასო გამოკვლევები, ასევე გვქონდა პენიტენციურ დაწესებულებაში შეხვედრა დევნილ მსჯავრდებულებთან, სადაც შევთავაზეთ რესოციალიზაციის პროექტები. მეწარმეობაც ჩვენი პრიორიტეტია, დევნილ ქალ მეწარმეებს შევთავაზეთ საგამოფენო სივრცე, რომელიც არ იქნება ერთჯერადი და დევნილ ქალ მეწარმეებს საშუალება ექნებათ საკუთარი პროდუქციის რეალიზაცია მოახდინონ აღნიშნულ სივრცეში“, - განმარტა გიორგი ჯინჭარაძემ.

პოლიტიკა • 1772910700

Eagle Hills-ის პროექტის საერთო ინვესტიცია არის 6,6 მლრდ დოლარი, მარტო მშენებლობის პროცესში შეიქმნება 24 000-ზე მეტი დროებითი სამუშაო ადგილი, შემდგომ უკვე 8 000-ზე მეტი მუდმივი სამუშაო ადგილი - ეკონომიკაში ამ პროექტის შედეგად შემოვა 11 მილიარდი ლარი, რაც ძალიან დიდი მაჩვენებელია, - ამის შესახებ საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერში“ განაცხადა.რაც შეეხება ბიუჯეტში შენატანებს, მთავრობის მეთაურის თქმით, წლიურად, გადასახადების სახით ბიუჯეტში შევა 500 მლნ ლარი.„რაც შეეხება Eagle Hills-ის პროექტს, საერთო ინვესტიცია არის 6,6 მლრდ დოლარი. საუბარია იმაზე, რომ მთლიანობაში ამ ორი სივრცის მშენებლობას გონიოში და კრწანისში მოხმარდება 6,6 მლრდ დოლარი. აქედან ნაწილი იქნება მყიდველებიდან, მათ შორის ქართველი მყიდველებიდან ამოღებული თანხები. რაც შეეხება 16 000-ს ეს არის მარტო ბინები და სახლები, რომლებიც გაიყიდება. როგორიც არის დუბაი, თავისი საცხოვრებელი კორპუსებით, სასტუმროებით, ტურისტული, რეკრეაციული და კომერციული სივრცეებით, ანალოგიური ტიპის სივრცეების განაშენიანებაზეა საუბარი. შესაბამისად, დანახარჯებში ამ სახლების და ბინების წილი არის მხოლოდ განსაზღვრული. საუბარია სასტუმროების მშენებლობაზე.ერთი ნომრის ინვესტიცია იწყება 500 000 დოლარიდან. მინიმუმ ნახევარი მილიონი დოლარი სჭირდება სათანადო სტანდარტების სასტუმროს, ერთ ნომერზე. შესაბამისად, აქ ძალიან დიდი ინვესტიციები იდება მარტო სასტუმროების ნაწილში. ამას ემატება საოფისე, სავაჭრო, გასართობი, სპორტული და სხვა კომერციული სივრცეები. რაც შეეხება გონიოს ე.წ. „მარინას“ მარტო ამის განვითარებას სჭირდება ასეულობით მილიონი ლარი. ჩვენ ამ სივრცის მოწესრიგებაზე, კრწანისის პარკის რეაბილიტაციაზე რომ გვეზრუნა, მხოლოდ ამას სჭირდებოდა 150 მილიონი ლარი. ამ 6,6 მილიარდ დოლარს ქმნის ამ კომპონენტების ერთობლიობა. განაშენიანებაში იგულისხმება სახლები, ბინები, სასტუმროები, საოფისე, სავაჭრო, გასართობი, სპორტული, კომერციული სივრცეები. რაც შეეხება ეფექტს, მარტო მშენებლობის პროცესში 24 000-ზე მეტი იქნება დროებითი სამუშაო ადგილი, 8 000-ზე მეტი იქნება უკვე მუდმივი სამუშაო ადგილი. ეკონომიკაში ამ პროექტის შედეგად შემოვა 11 მილიარდი ლარი, რაც ძალიან დიდი მაჩვენებელია.დღეს ჩვენი ეკონომიკა არის 104 მილიარდი ლარი და წარმოიდგინეთ, ერთი ინვესტიცია შეგვმატებს 11 მილიარდ ლარს. რაც შეეხება ბიუჯეტში შენატანებს, წლიურად, გადასახადების სახით შემოვა 500 მლნ ლარი და ამას დაემატება 200 მილიონი ლარი, რაც არის ჩვენი დივიდენდი. ჩვენ გვეკუთვნის მესამედი მოგებიდან, შესაბამისად, 200 მილიონი არის ყოველწლიური წილი, რაც ათ წელიწადზეა გადანაწილებული. თუ უფრო მალე მოხდება ამ ყველაფრის დასრულება, უფრო მალე შემოვა ეს ყველაფერი, მაგრამ ჯამში, საუბარია 10 წელზე გადანაწილებულ 700 მლნ ლარზე. შესაბამისად, ბიუჯეტში შემოვა 7 მილიარდი ლარი ამ პროექტის განხორციელების შედეგად წლების განმავლობაში.შედეგად, იქნება უმაღლესი სტანდარტების სივრცეები, რაც აკლია ჩვენს ქვეყანას. გამწვანების მასშტაბები გაიზრდება, პროექტი ხელს შეუწყობს ტურიზმის განვითარებას. დუბაი ამის ძალიან კარგი მაგალითია. როდესაც იქმნება უმაღლესი სტანდარტების სივრცეები, არა მხოლოდ ვიზიტორების რაოდენობა იზრდება ქვეყანაში, თვითონ ხარჯვის მოცულობაც იზრდება.ბევრ დეველოპერთან მისაუბრია და ყველა ბედნიერია ამ ინვესტიციის შემოსვლით, ეს იწვევს ძალიან დიდ დაინტერესებას ქვეყნის მიმართ და სხვა ინვესტორებსაც შეუქმნის სტიმულს, რომ შემოვიდნენ საქართველოში. მე არც ერთი დეველოპერი არ ვიცი, რომელიც უკმაყოფილოა იმით, რომ Eagle Hills-ი შემოდის საქართველოში, პირიქით, საკუთარ შანსს ხედავენ ამ ინვესტიციაში, რომ მათი გაყიდვებიც დამატებით წახალისდება“, - განაცხადა პრემიერმა.

რეგიონი • 1772692379

რუსთავში, ურბანულად ერთ-ერთი ყველაზე დატვირთული - ლეონიძის სახელობის ქუჩის რეაბილიტაცია დაიწყო

რუსთავში, კიდევ ერთი მასშტაბური ინფრასტრუქტურული პროექტის განხორციელება დაიწყო.ლეონიძის სახელობის ქუჩას, რომელიც ურბანული და სატრანსპორტო თვალსაზრისით ერთ-ერთი ყველაზე დატვირთულია ქალაქში, სრული რეაბილიტაცია ჩაუტარდება.სამუშაოებს, რუსთავის მერი ნინო ლაცაბიძე, საკრებულოს თავმჯდომარე მამუკა რეხვიაშვილთან ერთად გაეცნო.,,დღეს რუსთავში ერთ-ერთი მთავარი გამოწვევა საგზაო ინფრასტრუქტურის მოწესრიგებაა და მერიის გუნდი ვცდილობთ, ამ გამოწვევას ვუპასუხოთ.დღეს დავიწყეთ ლეონიძის ქუჩის რეაბილიტაცია. გარდა იმისა, რომ ამ ქუჩის რეაბილიტაცია, ქალაქის განვითარებისთვის არის აუცილებელი, ეს იყო მოსახლეობის დიდი ხნის თხოვნაც. რა თქმა უნდა, იქნება გარკვეული დისკომფორტიც, რადგან სატრანსპორტო კუთხით საკმაოდ დატვირთული ქუჩაა, მაგრამ ჩვენ ყველაფერს გავაკეთებთ, რომ დისკომფორტი მინიმუმამდე დავიყვანოთ და კიდევ ერთი განახლებული, მწვანე და დასასვენებელი სივრცეებით გალამაზებული ქუჩა შევმატოთ რუსთავს."- განაცხადა რუსთავის მერმა ნინო ლაცაბიძემ.პროექტის ფარგლებში, 13 200 კვადრატულ მეტრ ფართობზე, სამფენიანი გზის საფარი დაიგება, მოეწყობა ახალი სანიაღვრე ქსელი, ტროტუარები, ველობილიკი, მწვანე სივრცეები და პარკინგი.გათვალისწინებულია გარე განათების ქსელის, საგზაო ნიშნების, მუნიციპალური ტრანსპორტის მოსაცდელების და წყლის სასმელი შადრევნების მოწყობაც.როგორც რუსთავის საკრებულოს თავმჯდომარემ განაცხადა, პროექტი, ქალაქის განვითარების სტრატეგიული გრგმის ნაწილია და რუსთაველების საჭიროებებზეა ორიენტირებული.,,ჩვენი გუნდის მიზანია, რომ ყველა ინიციატივა ეფუძნებოდეს საზოგადოების ინტერესებს და ემსახურებოდეს ქალაქის გრძელვადიან განვითარებას. ეს პროექტი, სწორედ მოსახლეობის ინტერესების გათვალისწინებით დავიწყეთ და ქალაქის სწორი სტრატეგიული განვითარებისთვის არის აუცილებელი" - განაცხადა რუსთავის საკრებულოს თავმჯდომარე მამუკა რეხვიაშვილმა.პროექტის ღირებულება 3 934 439 ლარია და სრულად სახელმწიფო ბიუჯეტიდან ფინანსდება.

მსოფლიო • 1772527464

ეპშტეინის საქმეზე ბილ და ჰილარი კლინტონების დაკითხვის ვიდეო გასაჯაროვდა - ორივე უარყოფს ეპშტეინის დანაშაულების შესახებ რაიმე სახის ინფორმაციის ფლობას

აშშ-ის წარმომადგენელთა პალატის საზედამხედველო კომიტეტმა ბილ და ჰილარი კლინტონების დაკითხვის ვიდეო გაავრცელა. ბილ კლინტონის დაკითხვის ვიდეო 4 საათსა და 33 წუთს შეადგენს, ხოლო ჰილარი კლინტონის – 4 საათსა და 35 წუთს.ვიდეოჩანაწერებიდან ირკვევა, რომ როგორც ბილ, ასევე ჰილარი კლინტონმა უარყვეს ჯეფრი ეპშტეინის დანაშაულების შესახებ რაიმე სახის ინფორმაციის ფლობა.აშშ-ის ყოფილი პრეზიდენტის ბილ კლინტონის თქმით, მისი ხანმოკლე ნაცნობობა ჯეფრი ეპშტეინთან წლებით ადრე დასრულდა, სანამ მისი დანაშაულებრივი საქმიანობა სააშკარაოზე გამოვიდოდა."აქ ყოფნის, ძირითადად, ორი მიზეზი მაქვს. პირველი — მე მიყვარს ჩემი ქვეყანა და მისი კონსტიტუცია. მწამს, რომ ამერიკა დაფუძნებულია პრინციპზე, რომლის თანახმადაც კანონზე მაღლა არავინ დგას, განსაკუთრებით კი — პრეზიდენტები;იმედი მაქვს, დღევანდელი სხდომით ჩვენ შევძლებთ ოდნავ მაინც დავცილდეთ კრიზისულ ზღვარს და დავუბრუნდეთ იმ მდგომარეობას, როდესაც ქვეყანაში შესაძლებელი იქნება ცივილიზებული დებატების გამართვა.მეორე მიზეზი, რის გამოც აქ ვიმყოფები, გახლავთ ის, რომ გოგონები და ქალები, რომელთა ცხოვრებაც ჯეფრი ეპშტეინმა გაანადგურა, იმსახურებენ არა მხოლოდ სამართლიანობას, არამედ მორალურ რეაბილიტაციასაც.ჩემი ხანმოკლე ნაცნობობა ჯეფრი ეპშტეინთან წლებით ადრე დასრულდა, სანამ მისი დანაშაულებრივი საქმიანობა სააშკარაოზე გამოვიდოდა, თქვენ მაიძულეთ ჩვენება მომეცა, თუმცა კარგად იცით, რომ არ ვფლობ ინფორმაციას, რომელიც გამოძიებას გამოადგებოდა. ეს ყველაფერი პრეზიდენტ ტრამპის ქმედებების გადასაფარად და ყურადღების სხვა რამეზე გადასატანად კეთდება, რადგან არსებობს პასუხების მიღების ლეგიტიმური მოთხოვნა. ეს კომიტეტი მართლა რომ ცდილობდეს ეპშტეინის ტრეფიკინგის საქმეზე სიმართლის დადგენას, პრესკონფერენციების იმედად არ იქნებოდა. კომიტეტი მოქმედ პრეზიდენტს ფიცის ქვეშ პირდაპირ დაკითხავდა იმ ათიათასობით შემთხვევაზე, სადაც ეფშტეინის ფაილებში მისი სახელი ფიგურირებს", - განაცხადა ბილ კლინტონმა.

პოლიტიკა • 1772513281

თუ მკაცრი ნარკოპოლიტიკა არ გაგრძელდა, მხოლოდ მკურნალობის დაფინანსება შედეგს ვერ მოიტანს - გურამ მაჭარაშვილი

ნარკოპოლიტიკასა და შესაბამისი სამკურნალო პროგრამების დაფინანსებაზე ისაუბრა პარტია „ხალხის ძალის“ აღმასრულებელმა მდივანმა გურამ მაჭარაშვილმა.„გარკვეული თანხები უნდა იყოს გამოყოფილი რეაბილიტაციისა და მკურნალობისთვის, მაგრამ თუ პარალელურად მკაცრი ნარკოპოლიტიკა არ გაგრძელდა, ეს შედეგს ვერ მოიტანს,“ — განაცხადა დეპუტატმა და აღნიშნა, რომ სახელმწიფომ ბალანსი უნდა დაიცვას პრევენციასა და მკაცრ სამართლებრივ პოლიტიკას შორის.„ჯანდაცვის სამინისტროში გარკვეული თანხები უნდა იქნას გამოყოფილი იმისთვის, რომ რეაბილიტაცია იქნება თუ სხვა სახის მკურნალობა, უზრუნველვყოთ. მაგრამ, ამავდროულად მინდა დავაფიქსირო ჩვენი პოზიცია — თუ პარალელურად ჩვენ ასეთი მკაცრი ნარკოპოლიტიკა არ გავაგრძელეთ, რაც მოიცავს რეალიზატორებთან და ვითომ მომხმარებლებთან, მაგრამ ფაქტობრივად რეალიზატორებთან ბრძოლას, ეს თანხები და მკურნალობა შედეგს ვერ მოიტანს და ნარკომომხმარებელთა რაოდენობა გაორმაგდება და გასამმაგდება. ერთგვარი ბალანსი უნდა მოახდინოს სახელმწიფომ ამ კუთხით,“ — განაცხადა გურამ მაჭარაშვილმა.

პოლიტიკა • 1772482489

„სკოლებში, ანტინარკოტიკულ კამპანიაში ათასობით ბავშვია ჩართული - გავაგრძელებთ პრევენციული ხასიათის მექანიზმების დანერგვას“ - გეკა გელაძე

შინაგან საქმეთა მინისტრის, გეკა გელაძის განცხადებით, ნარკორეალიზატორების მიმართ გამოცხადებულია უკომპრომისო ბრძოლა, თუმცა, პარალელურად, განსაკუთრებული ყურადღება ეთმობა პრევენციასა და რეაბილიტაციას. მინისტრმა გადაცემა "დებატებში" განაცხადა, რომ განათლების სამინისტროსთან თანამშრომლობით საჯარო სკოლებში დანერგილია ანტინარკოტიკული კამპანია, რომელშიც ათასობით ბავშვია ჩართული; პროგრამა სპეციალურად შექმნილი მოდულებითა და სერტიფიცირებული ფსიქოლოგების მონაწილეობით ხორციელდება და პრევენციული მექანიზმების გაძლიერება მომავალშიც გაგრძელდება."ჩვენ უკომპრომისო ბრძოლა გამოვაცხადეთ ნარკორეალიზატორების და ნარკორეალიზაციაში ჩართული პირების მიმართ, ეს ცალსახაა და ამაზე ვთანხმდებით, ეს აუცილებელია და როგორც უკვე პასუხი გავეცით, ნამდვილად შეგვიძლია ვთქვათ სრული პასუხისმგებლობით, რომ ეს 2500 ადამიანი არის ნარკორეალიზაციაში ჩართული ადამიანი. ამის შემდეგ, მეორე კომპონენტი არის ჩვენი მხრიდან უკვე არსებული მომხმარებლების სარეაბილიტაციო სერვისების მიწოდება და ამაზე ბატონმა მინისტრმაც ისაუბრა. არსებობს მექანიზმები და ამას სჭირდება კიდევ უფრო გაძლიერება და დამატება. მესამე - პრევენციული ხასიათის მექანიზმები. რა თქმა უნდ,ა მსოფლიოში არსებობს პრევენციული ხასიათის მექანიზმები და ეს არის აუცილებელი კომპონენტი ნარკოდანაშაულთან საბრძოლველად.ჩვენ ვმუშაობთ საერთაშორისო საპოლიციო პარტნიორებთან და დანაყოფებთან ამ მექანიზმების დანერგვაზე, მაგრამ არ ვიცი, ბატონმა იაგომ [ხვიჩია] იცის თუ არა, სწორედ შინაგან საქმეთა სამინისტროს ინიციატივით, განათლების მეცნიერების და ახალგაზრდობის სამინისტროსთან ერთად, დაინერგა საჯარო სკოლებში ახალგაზრდებში ანტინარკოტიკული კამპანია, რომელიც საკმაოდ კარგი შედეგით სარგებლობს, ათასობით ბავშვი არის ჩართული ამ კამპანიაში, შეიქმნა სპეციალური მოდულები ბავშვთა სერტიფიცირებული ფსიქოლოგების დახმარებით და სწორედ ჩვენი მართლწესრიგის ოფიცრები მანდატურებთან ერთად მუშაობენ ამ მიმართულებით არასრულწლოვნებთან. რა თქმა უნდა, ეს გაგრძელდება და ძალიან საინტერესო კამპანია არის. ჩვენ გავაგრძელებთ პრევენციული ხასიათის მექანიზმების დანერგვას“, - აცხადებს გეკა გელაძე.

პოლიტიკა • 1772480197

„სავალდებულო მკურნალობა დეტოქსიკაციასა და რეაბილიტაციას მოიცავს“ - მიხეილ სარჯველაძე

"სავალდებულო მკურნალობა შედგება რამდენიმე კომპონენტისგან", - ამის შესახებ ჯანდაცვის მინისტრი მიხეილ სარჯველაძე გადაცემა "დებატებში" აცხადებს.მიხეილ სარჯველაძის თქმით, სავალდებულო მკურნალობა რამდენიმე მნიშვნელოვან კომპონენტს აერთიანებს, მათ შორის პირველ ეტაპზე დეტოქსიკაციას, რაც ფიზიკური დამოკიდებულებისა და ადიქციის შემცირებას ემსახურება. მისი თქმით, ეს მხოლოდ საწყისი ფაზაა, რომელსაც ქვეყანაში უკვე მნიშვნელოვანი გამოცდილება აქვს დაგროვილი. მინისტრი ხაზს უსვამს, რომ მკურნალობის უმნიშვნელოვანესი ნაწილი ფსიქოლოგიური და სოციალური რეაბილიტაციაა, რადგან ადიქციის მოხსნა და პირის სრულფასოვანი აღდგენა სწორედ ამ ეტაპზეა კრიტიკულად მნიშვნელოვანი."სავალდებულო მკურნალობა - მნიშვნელოვანია აღინიშნოს, რომ სავალდებულო მკურნალობა ნიშნავს სწორედ იმას, რომ ეს შედგება რამდენიმე კომპონენტისგან. ეს, რა თქმა უნდა, ნიშნავს დეტოქსიკაციას, რომელიც მნიშვნელოვანი ნაწილია, აი მართლა მოლეკულებთან ბრძოლა, ეს არის რეალურად მოლეკულა იმიტომ, რომ ადამიანს არ ჰქონდეს ფიზიკური მოთხოვნილება, მიბმა და ადიქცია და ა.შ. ან სულ მცირე, ეს იყოს მაკლები დროის განმავლობაში. სხვათა შორის, უნდა ითქვას, რომ ეს პირველი ფაზაა, რომელიც მნიშვნელოვანია და ვფიქრობ, რომ საკმაოდ დიდი გამოცდილება ამ მიმართულებით დაგროვილი არის ქვეყანაში.მეორე არის ფსიქოლოგიური და სოციალური - ის, რასაც რეაბილიტაციას ვეძახით. ეს არის დიდი მკურნალობის შემადგენელი, უმნიშვნელოვანესი ნაწილი, ადიქციის მოხსნა, ეს არის კრიტიკულად მნიშვნელოვანი", - აცხადებს მიხეილ სარჯველაძე.

პოლიტიკა • 1772480139

„დამოკიდებულება და ნარკომანია ადამიანს ართმევს არჩევანის საშუალებას... სავალდებულო რეაბილიტაცია შეიძლება ჩაითვალოს, როგორც ადამიანის დახმარება და მასზე ზრუნვა“ - თამაზ ტუღუში

"დამოკიდებულება და ნარკომანია ადამიანს ართმევს არჩევანის საშუალებას. ადამიანი ისე არის დამოკიდებული რაღაც ნივთიერებაზე, რომ მას არჩევანის საშუალება არ აქვს, მოიხმაროს თუ არ მოიხმაროს, ანუ ეს ძალიან ახლოს არის კომპულსიურ-ობსესიურ აშლილობასთან, არ არის, მაგრამ ძალიან ჰგავს ამ ყველაფერს," - ამის შესახებ სარეაბილიტაციო ცენტრის დამფუძნებელმა და დირექტორმა, თამაზ ტუღუშმა გადაცემაში "დებატები" განაცხადა."არ ვიცი, რას ნიშნავს იძულებითი მკურნალობა, მაგრამ სავალდებულო რეაბილიტაცია შეიძლება ადამიანის მოხდეს, რადგან ამ ადამიანს არ აქვს არჩევანის საშუალება, ამ მომენტში სავალდებულო რეაბილიტაცია შეიძლება ჩაითვალოს, როგორც ადამიანის დახმარება და მასზე ზრუნვა," - აღნიშნა თამაზ ტუღუშმა.

პოლიტიკა • 1772479768

,,ნარკოპოლიტიკა 4 ბურჯს უნდა ეფუძნებოდეს და მთავარი ამოცანა დამოკიდებულების შემცირებაა“ - მიხეილ სარჯველაძე

"4 დიდი ბურჯი [არსებობს], რომელსაც ეფუძნება ნებისმიერი ნორმალური ნარკოპოლიტიკა" - ჯანდაცვის მინისტრი მიხეილ სარჯველაძე გადაცემა "დებატებში" აცხადებს, რომ ნებისმიერი ეფექტიანი ნარკოპოლიტიკა 4 ძირითად მიმართულებას უნდა დაეფუძნოს: პრევენციას; მკურნალობასა და რეაბილიტაციას, მათ შორის ფსიქოლოგიურ და სოციალურ მხარდაჭერას; ზიანის შემცირებას და ნარკოტიკების მიწოდების შეზღუდვას.მისი თქმით, ბოლო პერიოდში განხორციელებული ცვლილებები პრაქტიკული თვალსაზრისით სწორედ ამ ოთხივე მიმართულებით კონკრეტული ნაბიჯების გადადგმას ემსახურება. მისივე თქმით, ნარკოტიკული საშუალებების ლეგალური მიწოდება არ შეიძლება იყოს თვითმიზანი და გადაწყვეტილებები უნდა ეფუძნებოდეს იმას, თუ რა გარემოში გვინდა იცხოვრონ და გაიზარდონ მომავალმა თაობებმა."ოთხი დიდი ბურჯი, რომელსაც ეფუძნება ნებისმიერი ნორმალური ნარკოპოლიტიკა, რომელიც გულისხმობს ერთის მხრივ პრევენციას, მაქსიმალურად ამ კუთხით უნდა დავიხარჯოთ, მეორე - მკურნალობა, მათ შორის რეაბილიტაცია... არა მხოლოდ ნარკოლოგიური, არამედ ფსიქოლოგიური, სოციალური - ეს არის კრიტიკულად მნიშვნელოვანი. ასევე არის ზიანის შემცირება და ამაზეც კიდევ მოგვიწევს საუბარი იმიტომ, რომ არცთუ იშვიათად არის, როდესაც შეცდომით ხდება ამ ყველაფრის განმარტება. და ბოლოს, ეს არის მიწოდების შეზღუდვა.ვფიქრობ, რომ ბოლო დროინდელი ცვლილებები პრაქტიკული თვალსაზრისით ყველა ამ ოთხი მიმართულებით, არის კონკრეტული ნაბიჯების გადადგმა, თითოეული მიმართულებით რომ ჰქონდეს ქვეყანას განვითარება.მთავარი არის, რომ მკაცრია თუ რბილია, ვიდრე ამ კითხვას დავსვამდეთ, ალბათ მთავარი ფაქტორი, რაზეც უნდა ვიმსჯელოთ პრაგმატული თვალსაზრისით, რა არის ჩვენი ამოცანა? და აქ აუცილებლად გასათვალისწინებელია, თვითმიზანი ხომ არ შეიძლება იყოს ან მკაცრი პოლიტიკის ქონა, ან მკაცრი პოლიტიკის უქონლობა?! მთავარი არის, რომ რაც შეიძლება მეტად შემცირდეს ნარკოდამოკიდებული ადამიანების რიცხვი; რაც შეიძლება მეტად ეფექტური იყოს პრევენციაც, მკურნალობაც, ნარკოტიკებზე ხელმისაწვდომობის შეზღუდვაც და რასაკვირველია აქ უნდა იყოს ზიანის შემცირება. ყველა ამ სამი დანარჩენიდან გამომდინარეობს, თუმცა აქვს თავისი ავტონომიური ფუნქციებიც.ამიტომ, ჩემთვის პირადად, პირველი და მთავარი ამოცანა არის, განვსაზღვროთ - რა საზოგადოებაში მინდა იზრდებოდეს, ცხოვრობდეს ჩემი შვილი და რამდენად მას უნდა ჰქონდეს მაგალითად, იოლი ხელმისაწვდომობა, თავისუფალი, აბსოლუტურად მარტივი ხელმისაწვდომობა ნარკოტიკულ საშუალებასთან. ამიტომ კარგად უნდა გავიაზროთ, რომ ლეგალური ნარკოტიკის მიწოდება, ლეგალურად მიწოდება, ეს უბრალოდ მიწოდება მარტო იმიტომ, რომ ასეთი ფასონი გვინდა გვქონდეს, ასეთი მოდაა და ასე თვლის ვინმე, რომელიმე ქვეყანა და ა.შ. ეს სწორი არ არის“, - განაცხადა ჯანდაცვის მინისტრმა მიხეილ სარჯველაძემ.