საზოგადოება • 1746446306

სოფელ ბაბილთან ავტოტრანსპორტის მოძრაობა აღდგა

სოფელ ბაბილთან ავტოტრანსპორტის მოძრაობა აღდგა, – ამის შესახებ ინფორმაციას საქართველოს ინფრასტრუქტურის სამინისტროს საავტომობილო გზების დეპარტამენტი ავრცელებს.„შიდასახელმწიფოებრივი მნიშვნელობის ქუთაისი (წყალტუბოს გადასახვევი)- წყალტუბო-ცაგერი-ლენტეხი-ლასდილის საავტომობილო გზის 91-ე კმ-ზე (სოფ.ბაბილი) ავტოტრანსპორტის მოძრაობა აღდგენილია. პარალელურად, გრძელდება სამუშაოები გზის გაფართოების მიზნით“,- აღნიშნულია ინფორმაციაში.ლენტეხის მუნიციპალიტეტის სოფელ ბაბილთან დღეს მეწყერი ჩამოწვა. მეწყრის შედეგად არავინ დაშავებულა. დაახლოებით 07:00 საათისთვის გზის გარკვეულ მონაკვეთზე ორი მგზავრი ავტომობილით გადაადგილდებოდა და მათ მოახერხეს, შემთხვევის ადგილს გარიდებოდნენ.

შემთხვევა • 1746436543

მეწყერი სვანეთში - სოციალურ ქსელში, სტიქიის ზონიდან კადრები ვრცელდება

ლენტეხი-ლასდილის გზის 91-ე კილომეტრზე, სოფელ ბაბილთან, დილის საათებში მეწყერი ჩამოწვა, რის გამოც ყველა სახის სატრანსპორტო მოძრაობა დროებით აკრძალულია.როგორც ლენტეხის მუნიციპალიტეტის მერიაში აცხადებენ, შემთხვევის შედეგად, არავინ დაშავებულა.ამ წუთებში, ადგილზე მობილიზებულია მძიმე ტექნიკა და გზის გაწმენდის სამუშაოები მიმდინარეობს.სტიქიის ზონაში იმყოფება ლენტეხის მუნიციპალიტეტის მერი გია ონიანი, ცენტრალური საავტომობილო დეპარტამენტისა და ადგილობრივი თვითმმართველობის წარმომადგენლებთან ერთად.როგორც უწყებაში აცხადებენ, გზა სატრანსპორტო მოძრაობისთვის უმოკლეს ვადაში გაიხსნება.სოციალურ ქსელში გავრცელდა კადრები, სადაც მეწყრის ჩამოწოლის პროცესია ასახული.ნახეთ ვიდეო ↓

რეგიონი • 1746432038

მეწყერის გამო ყველა სახის სატრანსპორტო მოძრაობა აკრძალულია - ლენტეხის მერია განცხადებას ავრცელებს

ლენტეხის მუნიციპალიტეტის მერის, გია ონიანის ინფორმაციით, სოფელ ბაბილთან, სადაც მეწყერი ჩამოწვა, მობილიზებულია მძიმე ტექნიკა და გზის გაწმენდითი სამუშაოები მიმდინარეობს.„მოსახლეობის საყურადღებოდ!ლენტეხი-ლასდილის გზის 91-ე კილომეტრზე, სოფელ ბაბილთან, დილის საათებში მეწყერი ჩამოწვა, რის გამოც ყველა სახის სატრანსპორტო მოძრაობა დროებით აკრძალულია. შემთხვევის შედეგად არავინ დაშავებულა.ადგილზე მობილიზებულია მძიმე ტექნიკა, მიმდინარეობს გზის გაწმენდის სამუშაოები. სტიქის ზონაში იმყოფება ლენტეხის მუნიციპალიტეტის მერი გია ონიანი, ცენტრალური საავტომობილო დეპარტამენტისა და ადგილობრივი თვითმმართველობის წარმომადგენლებთან ერთად.გზის გახსნა სატრანსპორტო მოძრაობისთვის უმოკლეს ვადაში მოხდება“, - აღნიშნულია განცხადებაში.

რეგიონი • 1746429229

„ვცდილობთ, ფრთხილად მივუდგეთ საქმეს, რომ მთაში შეგუბება არ იყოს და არ მოწყდეს...“ - რა ხდება ამ წუთებში დამეწყრილ ზონაში

ქვემო სვანეთში მიწის მასა ლენტეხი-ლასდილის გზის 91-ე კილომეტრზე, სოფელ ბაბილთან გამთენიისას ჩამოწვა. მეწყერში მოყვა ერთი ავტომობილი ორი მგზავრით - მოქალაქეებმა მანქანიდან გამოსვლა უვნებლად შეძლეს.ამჟამად, ტერიტორიაზე ყველა სახის სატრანსპორტო მოძრაობა აკრძალულია. ადგილზე მობილიზებულია მძიმე ტექნიკა, დაწყებულია გზის გაწმენდითი სამუშაოები. სავარაუდოდ, გზის გახსნა დღის განმავლობაში მოხდება. სტიქიის ზონაში იმყოფებიან ადგილობრივი ხელისუფლების წარმომადგენლები.ლენტეხის მუნიციპალიტეტის მერის, გია ონიანის განცხადებით, მდინარის მატებისა და კლების ტენდენცია ფიქსირდება, ამიტომ საკითხს ფრთხილად უდგებიან, რათა მთაში რაიმე სახის წყლის შეგუბება არ მოხდეს."მეწყერი ჩამოწვა ლენტეხი-ლასდილის გზის 91-ე კილომეტრზე მონაკვეთზე. მანქანა და ორი მოქალაქე მოყვა მეწყერში, მაგრამ, საბედნიეროდ, გადარჩნენ. მიმდინარეობს წმენდის სამუშაოები. ტექნიკა მობილიზებულია. ჯერჯერობით, წყლის ნაკადი ხან მატულობს და ხან იკლებს, ამიტომ ვცდილობთ ფრთხილად მივუდგეთ საქმეს, რომ შეგუბება არ იყოს მთაში და არ მოწყდეს", - განაცხადა გია ონიანმა.

საზოგადოება • 1746423489

სოფელ ბაბილთან მეწყერი ჩამოწვა - მასში ერთი ავტომობილი მოჰყვა - რა დეტალებია ცნობილი

მეწყერი ჩამოწვა დილის საათებში ლენტეხი-ლასდილის გზის 91-ე კილომეტრზე, სოფელ ბაბილთან, რის გამოც ყველა სახის სატრანსპორტო მოძრაობა დროებით აკრძალულია.არსებული ინფორმაციით, მეწყერში მოყვა ერთი ავტომობილი ორი მგზავრით, რომლებიც უვნებლად გადარჩნენ. მათ ავტომობილიდან გამოსვლა მოახერხეს.ადგილზე მობილიზებულია მძიმე ტექნიკა, მიმდინარეობს გზის გაწმენდისა და აღდგენის სამუშაოები.სტიქის ზონაში იმყოფება ლენტეხის მუნიციპალიტეტის მერი გია ონიანი, ცენტრალური საავტომობილო დეპარტამენტისა და ადგილობრივი თვითმმართველობის წარმომადგენლებთან ერთად.გზის გახსნა სატრანსპორტო მოძრაობისთვის სავარაუდოდ დღის განმავლობაში მოხდება.

საზოგადოება • 1746423211

სად აიკრძალა ყველა სახის ავტოტრანსპორტის მოძრაობა მეწყერის ჩამოწოლის გამო

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის 91-ე კმ-ზე (სოფ.ბაბილი) მეწყერი ჩამოწვა. მათივე ცნობით, დროებით იზღუდება ყველა სახის ავტოტრანსპორტის მოძრაობა.

მსოფლიო • 1746013181

მეწყერმა პერუში ორი ადამიანის სიცოცხლე იმსხვერპლა

პერუში, ანკაშის რეგიონში მეწყერმა ორი ადამიანის სიცოცხლე იმსხვერპლა. ინფორმაციას BBC-ი ავრცელებს.უსაფრთხოების სამსახურის თანამშრომლები ადგილობრივ მოსახლეობასთან ერთად ტერიტორიას ნაგვისგან და ტალახისგან ასუფთავებენ.სპეციალისტების თქმით, მეწყერი ყინულოვანი ტბის ადიდებამ გამოიწვია, რომელიც მდინარე კასკაში მოხვდა. მათი თქმით, ანკაშის რეგიონში 160 წყალსაცავისა და ტბის ადიდების საშიშროება არსებობს.

საზოგადოება • 1744953030

მეწყერი და წყალდიდობა იტალიაში - ძლიერმა ნალექმა პიემონტის რეგიონში პრობლემები შექმნა

მეწყერი და წყალდიდობა იტალიაში - ძლიერმა ნალექმა პრობლემები შექმნა პიემონტის რეგიონში. ტურინისა და ბიელას პროვინციებში დაიტბორა სახლები, წაიქცა ხეები და გაითიშა ელექტროენერგია.სტიქიის ზონაში საგანგებო რეჟიმში მუშაობენ მაშველები

საზოგადოება • 1742402010

“ბოლო 150 წელთან შედარებით, ტემპერატურის მატების სიჩქარე 10-ჯერ გაიზრდება" - გეოლოგი, სტიქიური მოვლენების მატების მიზეზებს განმარტავს

მსოფლიოში სტიქიური მოვლენების რაოდენობამ მკვეთრად იმატა და ეს უცხო არავისთვის აღარ არის. საქართველოსაც არაერთხელ გადაუტანია ისეთი კატასტროფები, რომელმაც ადამიანების სიცოცხლე იმსხვერპლა და ქვეყანას განუზომელი რაოდენობის ზიანი მოუტანა.დარგის ექსპერტები ბუნებრივი მოვლენების მატებას ვარაუდობენ. ერთ-ერთ ძირითად მიზეზად კი, კლიმატის ცვლილება სახელდება.გეოლოგი, გარემოსდაცვითი ინფორმაციისა და განათლების ცენტრის პროექტის ექსპერტი, არჩილ მაღალაშვილი "რუსთავი 2-თან" საუბრის დროს განმარტავს, რომ "კლიმატის ცვლილებას, ანუ დათბობასა და სტიქიური მოვლენების მატებას შორის, პირდაპირი კავშირი არსებობს".თუმცა, როგორც ექსპერტი განმარტავს, გარდა კლიმატის ცვლილებისა, ბუნებრივი კატასტროფების მატებაზე გავლენას ადამიანების საქმიანობაც ახდენს - ახალი მშენებლობებით, ინფრასტრუქტურული პროექტებითა და ა.შ.რით არის განპირობებული კლიმატის ცვლილება - ტემპერატურა სტაბილურია მაშინ, როდესაც დედამიწიდან იმდენივე სითბო გადის, რამდენიც დღის განმავლობაში, მზის ენერგიისგან შემოდის. თუმცა ამ დროისთვის, ეს პროცესი დარღვეულია.როგორც გეოლოგი არჩილ მაღალაშვილი განმარტავს, ბოლო პერიოდში, დედამიწიდან ნაკლები ენერგია გადის, რაც გარკვეულწილად, ადამიანის საქმიანობით არის განპირობებული.“ჩვენ ვქმნით და ხელს ვუწყობთ ატმოსფეროში ე.წ. სათბურის გაზების მომატებას – სათბური გაზები ის გაზებია, რომელიც ხელს უშლიან დედამიწიდან სითბოს გასვლას და მას უკან აბრუნებენ, აი ეს არის ერთ-ერთი ძირითადი მიზეზი იმისა, რომ მიმდინარეობს დათბობა.უკანასკნელი პერიოდის განმავლობაში, დედამიწაზე დათბობა აჩქარებულად მიმდინარეობს. არსებობს მთელი რიგი პროგნოზები, რომ სულ რაღაც 10-15 წელიწადში, ბოლო 150 წელთან შედარებით, თითქმის 10-ჯერ გაიზრდება ტემპერატურის მატების სიჩქარე," - ამბობს ექსპერტი არჩილ მაღალაშვილი.გახშირებული ბუნებრივი მოვლენების ფონზე, მნიშვნელოვანია, რომ საზოგადოება კატასტროფებისთვის მოემზადოს, რაც მათ სტიქიისგან გამოწვეული ზიანის შემცირებაში დაეხმარება."სტრატეგია ერთნაირია, როგორც გლობალურ, ის ლოკალურ შემთხვევაში და ის მოითხოვს თანმიმდევრულ და კომპლექსურ მიდგომას - პირველი, ეს არის საფრთხეების იდენტიფიკაცია, ანუ სად და რა ტიპის საფრთხეები შეიძლება გველოდოს.შემდეგ, შეტყობინებების სისტემების და მექანიზმების დანერგვა, რეაგირების გეგმების შემუშავება - ეს არის ის მინიმუმი, რომელიც აუცილებელია სტიქიის მართვის პროცესში.გარდა ამისა, მოსახლეობაც უნდა იყოს მზად და ამის გადასარევი მაგალითი არის იაპონია, სადაც ბავშვებს პატარაობიდანვე ასწავლიან როგორ უნდა მოიქცნენ მიწისძვრის ან განგაშის შემთხვევაში," - განაცხადა გეოლოგმა.რთული რელიეფიდან გამომდინარე, საქართველოს სხვადასხვა მხარეს სხვადასხვა სახის სტიქიური მოვლენები ახასიათებს, როგორც არჩილ მაღალაშვილი განმარტავს, მთიანი რეგიონები უფრო მოწყვლადია გარკვეული ტიპის მოვლენებისთვის, ეს არის მეწყერი, ღვარცოფი, ქვათაცვენა და მსგავსი მოვლენები. დაბლობში უფრო წყალდიდობებს და მეტეოროლოგიური ტიპის მოვლენებს უნდა მოველოდეთ, მათ შორის, გახშირდა ქარბორბალას შემთხვევები, ასე რომ სხვადასხვა რეგიონში, სხვადასხვა რელიეფის პირობებში, სხვადასხვა ტიპის მოვლენები არის მოსალოდნელი, ეს გარკვეულწილად შესწავლილია და რა თქმა უნდა, ეს ცოდნაც უნდა იყოს გამოყენებული.“ნუ ვიფიქრებთ, რომ კატასტროფები მარტო თავსხმა წვიმებს უკავშირდება, კატასტროფა არის გვალვა და მსგავსი ტიპის მოვლენები, რომლისთვისაც უნდა ვიყოთ მზად, ჩვენ დამატებით უნდა შევქმნათ და სწორად ვმართოთ წყლის რესურსები, უნდა გვქონდეს შესაბამისი ტექნიკა, კარგად უნდა გავერკვიოთ სად, რა ტიპის კატასტროფებს მოველით და ა.შ. ეს ყველაფერი მოითხოვს შესაბამის რესურსებს, კადრების გაზრდას – შესაბამისი ტექნოლოგიების შეძენას და ა.შ. დღეს ეს პრობლემა არაა მარტო საქართველოსთვის, ეს მთელი მსოფლიოსთვის აქტუალურია.კარგია, რომ მედია დაინტერესდა ამ საკითხებით იმიტომ, რომ როგორც წესი, ეს თემები შუქდებოდა- ხოლმე კატასტროფების დროს, როცა ურემი გადაბრუნდება მერე ვიცით ხოლმე ამ თემებზე საუბრები, რომელიც ხანდახან, სამწუხაროდ, ასევე საუბრებად რჩება. კი სახელმწიფო უწყებები მუშაობს, მათ თავისი გეგმები აქვთ და ამ გეგმებს ახორციელებენ, მაგრამ კიდევ ერთხელ მინდა დავძინო, რომ ვინაიდან კლიმატი აჩქარებულად იცვლება, ჩვენი მხრიდანაც ეს პროცესები ასაჩქარებელია - ყველა დონეზე, მოსახლეობასთან მუშაობით დაწყებული, დამთავრებული ტექნოლოგიებით, კადრების მომზადებით და ა.შ.ჩვენი ქვეყნის განვითარებისთვის ყველა რესურსი მაქსიმალურად უნდა გამოვიყენოთ, მაგრამ ეს იმას არ ნიშნავს, რომ გამოვიყენოთ იქ, სადაც არ შეიძლება. მე იმ ინჟინრებს და მეცნიერებს ვეკუთვნი, რომლებიც მომხრეა საქართველოში ჰესების მშენებლობის, ოღონდ მხოლოდ იქ, სადაც ეს მიზანშეწონილია და მხოლოდ ისეთის, რომელიც იქნება საჭირო, უსაფრთხო და შესაბამისი კვლევებით გამყარებული”, - განაცხადა ექსპერტმა, არჩილ მაღალაშვილმა "რუსთავი 2-თან" საუბარში.

მსოფლიო • 1742063471

განგაშის წითელი ნიშნული გამოცხადებულია - გადაუღებელმა წვიმამ ტოსკანის რეგიონში წყალდიდობა და მეწყერი გამოიწვია

დატბორილი სახლები და წყლით დაფარული ქუჩები იტალიაში - კოკისპირულმა წვიმამ მდინარე არნოს ადიდება გამოიწვია. ფლორენციასა და პიზაში განგაშის წითელი დონეა გამოცხადებული. ადგილზე მუშაობენ სამაშველო სამსახურები და მიმდინარეობს მოსახლეობის ევაკუაცია.მეწყერი და ღვარცოფი დაფიქსირდა ბოლონიაში. წყლის ძლიერმა ნაკადმა ჩახერგა სოფლებამდე მისასვლელი გზები. ტოსკანაში საგანგებო მდგომარეობაა გამოცხადებული. მთავრობაში აცხადებენ, რომ მსგავსი მოვლენა წლის ამ დროს არ ახსოვთ.ტოსკანას 60-ზე მეტ მუნიციპალიტეტში, კრიზისული ვითარების გამო, დახურულია საგანმანათლებლო დაწესებულებები, სასწავლო პროცესი შეწყდა ფლორენციის უნივერსიტეტის რამდენიმე კამპუსში. წყალდიდობისა და წაქცეული ხეების გამო, შეფერხებული იყო მოძრაობა საავტომობილო გზებზე.იტალიაში, უხვი ნალექის გამო, დატბორილი რეგიონებიდან ათასობით ადამიანია ევაკუირებული. ამ დრომდე, მსხვერპლის შესახებ ინფორმაცია არ გავრცელებულა.

მსოფლიო • 1741989085

იტალიაში წყალდიდობას ებრძვიან – ფლორენციასა და პიზაში განგაშის წითელი დონე გამოცხადდა

ბიბისის“ ცნობით, კოკისპირული წვიმის გამო, იტალიის ორ რეგიონში, ტოსკანასა და ემილია-რომანიაში მოსახლეობას მოსალოდნელი წყალდიდობისა და მეწყერის შესახებ აფრთხილებენ.ტოსკანას ადგილობრივმა ხელისუფლებამ განაცხადა, რომ სამაშველო და ჯანდაცვის სამსახურები სრულ მზადყოფნაში არიან. ამასთან, ტოსკანას 60-ზე მეტ მუნიციპალიტეტში დაიხურა სკოლები.სტიქიის გამო, განგაშის უმაღლესი წითელი დონე მოქმედებს ისეთ ქალაქებში, როგორიცაა ფლორენცია და პიზა. პიზაში მდინარე არნოს ნაპირზე, წყალდიდობისგან დამცავი საშუალებები დაამონტაჟეს.„ბიბისის“ ცნობით, პარასკევს დილით ფლორენციაში უხვი ნალექი მოვიდა, ხოლო ბოლონიაში დაფიქსირდა მეწყერი. მოსალოდნელი ძლიერი წვიმის გამო მაშველებმა მოქალაქეების ნაწილის ევაკუაცია განახორციელეს. სასწავლო პროცესი შეწყდა ფლორენციის უნივერსიტეტის რამდენიმე კამპუსში.მსხვერპლის შესახებ ინფორმაცია ჯერჯერობით არ გავრცელებულა.წყალდიდობისა და წაქცეულმა ხეების გამო შეფერხებული იყო მოძრაობა საავტომობილო გზებზე.

საზოგადოება • 1740673321

მეწყერი, წყალდიდობა, ზვავი, გვალვა... როცა სტიქია გვიტევს - ყველაფერი, რაც უნდა ვიცოდეთ

კლიმატის ცვლილებით გამოწვეული კატასტროფები სამწუხარო რეალობაა.  მოსახლეობის ნაწილი მუდმივად განიცდის წყალდიდობის, ზვავის, მეწყრისა თუ სხვა კატასტროფის საფრთხეს.კლიმატის ცვლილების ინტენსიურობასთან ერთად, იზრდება კატასტროფათა სიხშირეც.  აუცილებელია საზოგადოებამ იცოდეს, როგორ მოიქცეს, კლიმატის ცვლილებებით გამოწვეული კატასტროფების დროს. ეს მოვლენებია: (მეწყერი, ღვარცოფი, წყალდიდობა, თოვლის ზვავი, სეტყვა, ძლიერი ქარი, გვალვა) მეწყერს იწვევს, მდინარეთა ხეობების ფერდობის გარეცხვა, გამოფიტვის ან უხვი ატმოსფერული ნალექების შედეგად ქანების სიმტკიცის შესუსტებაგრუნტის წყლების რეჟიმის დარღვევა. მიწისძვრა. მეწყრული პროცესების ჩასახვა-გააქტიურების ნიშნებიაშენობების კარებისა და ფანჯრების დეფორმაცია. მიწის ზედაპირზე და შენობებზე ბზარებისა და ნაპრალების გაჩენამეწყერსაშიშ ფერდობზე ადრე არარსებული გრუნტის წყლების გამოსავლებისგაჩენა.როგორ მოვიქცეთ მეწყერის დროს?გათიშეთ ბუნებრივი აირის, ელექტრომოწყობილობების და წყალმომარაგების სისტემები.სახლიდან გაიტანეთ ადვილად აალებადი და მომწამვლელი ნივთიერებები.მოემზადეთ საცხოვრებელი სახლიდან გასასვლელად, ჩაალაგეთ პირველადი მოხმარებისადა სხვა აუცილებელი ნივთები.მეწყრული პროცესის აქტივიზაციის ხარისხიდან გამომდინარე და შესაბამისი სახელმწიფო უწყებების წარმომადგენლების ორგანიზებით, დაუყოვნებლივ უნდა მოხდეს საცხოვრებლის, ასევე სტიქიის ზონის დატოვება.როგორ მოვიქცეთ ღვარცოფის დროს: ღვარცოფი გეოლოგიური მოვლენაა და ეწოდება მთის მდინარეებში და დროებით წყალსადინარებში/ხევებში უხეშნატეხოვანი და ქვიშა-დისპერსიული მასით გაჯერებულ (10- 70%), უმთავრესად ხანმოკლე დროისა და დიდისიჩქარის წყალქვიან და ქვატალახოვან ნაკადს.ღვარცოფის ჩასახვა-გააქტიურების ნიშნებია:• ღვარცოფულ წყალსადინარებში წყლის საგრძნობი ამღვრევა და წყლის დონის მატება, ასევე_ხმაური ხეობაში• მუდმივმოქმედ მდინარეებში/წყალსადინარებში წყლის ნაკადის შეწყვეტა (მეწყრული ან კლდეზვავური პროცესებით ხეობის გადაკეტვის შემთხვევაში)როგორ მოვიქცეთ ღვარცოფის დროს?დაუყოვნებლივ უნდა ახვიდეთ წყალსადინარიდან რაც შეიძლება შორს, მაღალ ჰიფსომეტრიულ ნიშნულზე.ღვარცოფული პროცესის აქტივიზაციის ხარისხიდან გამომდინარე და შესაბამისი სახელმწიფო უწყებების წარმომადგენლების ორგანიზებით, დაუყოვნებლივ უნდა მოხდეს საცხოვრებლის, ასევე სტიქიის ზონის დატოვება.როგორ მოვიქცეთ წყალდიდობის დროს?წყალდიდობა ჭარბი ნალექების მოსვლისა და თოვლის სწრაფი დნობის შედეგად მდინარისდონის მკვეთრი გაზრდა და კალაპოტიდან გადმოსვლაა, რაც მიმდებარე ტერიტორიის მთლიან ან მისი ცალკეული ადგილების მნიშვნელოვან დატბორვას იწვევს.წყალდიდობის საშიშროების და ევაკუაციის შესახებ შეტყობინების სიგნალის მიღებისთანავე შეეცადეთ დატოვოთ ის ადგილი, რომლის დატბორვის ალბათობა მეტია: დაბლობები, სახლის სარდაფი და პირველი სართული.სახლის დატოვებამდე დახურეთ კარ-ფანჯრები და დარაბები, დროის არსებობის შემთხვევაში, პირველი სართულის ფანჯრები და კარები აჭედეთ გარედან ფიცრებით.კატასტროფული დატბორვის მოულოდნელი განვითარების დროს, სწრაფად დაიკავეთამაღლებული ადგილი, ადით ხეზე, მყარ ნაგებობაზე.წყალში აღმოჩენის შემთხვევაში, ეცადეთ მოიცილოთ ირგვლივ მოცურავე საგნები.როგორ მოვიქცეთ ზვავის ჩამოწოლის დროს?ზვავსაშიშ ზონაში ყოფნისას, წინასწარ გაეცანით ამინდის პროგნოზს.დახურულ სივრცეში ყოფნის შემთხვევაში, გადაინაცვლეთ ოთახის კუთხეში და აიფარეთ მყარისაგანი.შეზღუდეთ მოძრაობა, დაზოგეთ ჟანგბადი და დაელოდეთ მაშველების მოსვლას.თუ ზვავის ჩამოწოლის დროს იმყოფებით ღია სივრცეში, სასწრაფოდ უნდა დატოვოთ სახიფათო ადგილი და გადახვიდეთ უსაფრთხო ადგილას, ან მოეფაროთ კლდის შვერილს.თუ ვერ ახერხებთ გაქცევას, დადექით ზურგით ზვავის მოძრაობის მიმართულებით და მიიღეთგუნდის ფორმა (მჭიდროდ შეკრული ხელებით მიიკარით მუხლები მუცელზე).როგორ მოვიქცეთ ზვავში მოყოლის დროს?სახეზე აიფარეთ შარფი ან საყელო, ცურვითი მოძრაობებით ეცადეთ დარჩეთ ზვავისზედაპირზე. არ იყვიროთ, გაუფრთხილდით ძალ-ღონეს, ჟანგბადს და სითბოს.იმისათვის, რომ აირიდოთ სხეულის გადაცივება ამოძრავეთ კიდურები, რომ სისხლმაინტენსიურად იმოძრაოს პერიფერიულ სისხლძარღვებში.როგორ უნდა მოიქცეთ სეტყვის დროს, თუ იმყოფებით, თუ იმყოფებით ღია სივრცეში:შეეცადეთ, მოძებნოთ უსაფრთხო თავშესაფარი.თუ ვერ შეაფარებთ თავს უსაფრთხო ადგილს, მყარი საგნებით დაიცავით თავი.მოერიდეთ ხეებს, ქუჩის განათებებს, ელექტროსადენებს.როგორ მოვიქცეთ ძლიერი ქარის დროს?არ გაჩერდეთ შენობების, ხიდების, ესტაკადების, ელექტროგადამცემი ხაზების,სამრეწველო ობიექტების მახლობლად.გადაკეტეთ წყლის და გაზის ვენტილი, გათიშეთ ელექტროენერგია.ქარის მიერ ატაცებული ნატეხებისა და ნამსხვრევებისგან თავის დასაცავად,გამოიყენეთ მუყაოს და პლასტმასის ყუთები და ფიცრები. არ შეხვიდეთ დაზიანებულ შენობაში.როგორ მოვიქცეთ გვალვის (ძლიერი სიცხის) დროს?წინასწარ მოვაწყოთ სარწყავი სისტემა, რომ გვალვისგან დავიცვათ სასოფლო-სამეურნეოკულტურები.მოერიდეთ მაღალი ტემპერატურის ზემოქმედებას, იმოძრავეთ აუჩქარებლად, მეტიდრო გაატარეთ ჩრდილში.ატარეთ თეთრი ან ღია ფერის სამოსი, ჰაერგამტარი ფეხსაცმელი და ქუდი.მიიღეთ ბევრი სითხე, მაგრამ მოერიდეთ ალკოჰოლურ სასმელებს.გაიგრილეთ სხეული, რომ თავიდან აირიდოთ სითბური დარტყმა.თუ სახეზეა სითბური დარტყმის სიმპტომები (სხეულის მაღალი ტემპერატურა,მშრალი და ცხელი კანი, დამძიმებული სუნთქვა, დაბალი წნევა, გონების დაკარგვა)დაზარალებული მოათავსეთ გრილ ოთახში, გაუგრილეთ სხეული, გონზე მოსვლისშემდეგ, დაალევინეთ დიდი რაოდენობით სითხე).