ლევან ნიკოლეიშვილი

ლევან ნიკოლეიშვილი: ირანთან, თურქეთთან, ნებისმიერ რეგიონულ მოთამაშესთან, საქართველომ უნდა დაამყაროს ის პრაგმატული პოლიტიკა და ის ურთიერთობები, რაც მას მიაჩნია მიზანშეწონილად

ირანთან, თურქეთთან, ნებისმიერ რეგიონულ მოთამაშესთან, საქართველომ უნდა დაამყაროს ის პრაგმატული პოლიტიკა და ის ურთიერთობები, რაც მას მიაჩნია მიზანშეწონილად, - განაცხადა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა, ლევან ნიკოლეიშვილმა.იგი ოპოზიციონერების იმ განცხადებებს გამოეხმაურა, რომლებმაც საქართველოს პრეზიდენტი ირანში დაკრძალვაზე ჩასვლის გამო გააკრიტიკეს. ასევე მან კომენტარი გააკეთა კონგრესმენ ჯო უილსონის განცხადებაზეც, რომელმაც აღნიშნულ ფაქტს „ანტიამერიკული პაქტის განმტკიცება უწოდა.მისივე თქმით, ჯო უილსონი ძალიან იაფფასიანი პოლიტიკური ფიგურაა.„თუკი მას საქართველოს კრიტიკა სურს, პირველ რიგში, კარგი იქნებოდა, თუ გააკრიტიკებდა თავისი ქვეყნის ადმინისტრაციას იმის თაობაზე, რომ ჩინეთთან ცდილობენ ურთიერთობების დამყარებას. თუკი მას საქართველოს კრიტიკა სურს, ასევე კარგი იქნებოდა, ტუკი იგი მოუწოდებდა აშშ-ის ადმინისტრაციას, რომ ირანთან შეწყვიტონ ნებისმიერი სახის მოლაპარაკებები და აქედან გამომდინარე, მაშინ შესაძლოა, კიდევ დავფიქრებულიყავით, რომ უილსონის მოსმენა შეიძლება. ეს არის იაფფასიანი პოლიტიკანი, რომელსაც ალბათ, წარმოდგენაც არ აქვს, გეოგრაფიულად სად მდებარეობს საქართველო.ირანი არის რეგიონული მოთამაშე. ირანთან, თურქეთთან, ნებისმიერ რეგიონულ მოთამაშესთან, საქართველომ უნდა დაამყაროს ის პრაგმატული პოლიტიკა და ის ურთიერთობები, რაც მას მიაჩნია მიზანშეწონილად. აქედან გამომდინარე ამაში მე ვერაფერს ცუდს ვერ ვხედავ, რომ საქართველოს პრეზიდენტი აპირებს გაემგზავროს, ირანის ლიდერის დაკრძალვის ცერემონიაზე. ეს არის დიპლომატიური ჟესტი და პატივისცემის გამოხატვა იმ სახელმწიფოს მიმართ, ვისთანაც ჩვენ უნდა გვქონდეს ურთიერთობა“, - განაცხადა ნიკოლეიშვილმა.მისივე თქმით, ირანთან, თურქეთთან თუ სხვა ქვეყნებთან ურთიერთობას საქართველოს ვერავინ უნდა უკრძალავდეს.თეირანში ვიზიტის ფარგლებში, დღეს საქართველოს პრეზიდენტი აიათოლა ალი ხამენეის დაკრძალვის ცერემონიას დაესწრება, რომელშიც რეგიონის ქვეყნების, მათ შორის, თურქეთის, აზერბაიჯანის, სომხეთისა და მსოფლიოს სხვადასხვა ქვეყნის ლიდერები მიიღებენ მონაწილეობას.სომხეთის პრემიერ-მინისტრი ნიკოლ ფაშინიანი თეირანში, მუსალას მეჩეთში ირანის უზენაესი ლიდერის აიათოლა ალი ხამენეის ოფიციალურ სამოქალაქო პანაშვიდს დაესწრო.

პოლიტიკა • 1783087860

ლევან ნიკოლეიშვილი: ევროკავშირში ვხედავთ, რომ მისი პოლიტიკა ხშირად არის დაფუძნებული იმაზე, თუ რა უნდა ევროკავშირის ბიუროკრატიას და რა სჭირდება ევროკავშირს. ისინი არ ითვალისწინებენ თუ რა სჭირდება ცალკეულ სახელმწიფოებს

ევროკავშირში ვხედავთ, რომ მისი პოლიტიკა ხშირად არის დაფუძნებული იმაზე, თუ რა უნდა ევროკავშირის ბიუროკრატიას და რა სჭირდება ევროკავშირს. ისინი არ ითვალისწინებენ თუ რა სჭირდება ცალკეულ სახელმწიფოებს, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ რეგიონულმა მდივანმა, ლევან ნიკოლეიშვილმანიკოლეიშვილის თქმით, საქართველო არის დამოუკიდებელი ქვეყანა და მოქმედებს დამოუკიდებელი პოლიტიკით იმისთვის, რომ ქვეყანა უფრო გაძლიერდეს.„ჩვენ ვართ დამოუკიდებელი ქვეყანა და ვმოქმედებთ დამოუკიდებელი პოლიტიკით იმისათვის, რომ ქვეყანა უფრო გაძლიერდეს. მაგრამ, ამის საშუალება წაგვერთმეოდა სხვა შემთხვევაში, თუკი ჩვენ უკვე ვიქნებოდით ევროკავშირის წევრი სახელმწიფო ერთი უბრალო მიზეზიდან გამომდინარე - ჩვენ უნდა დავემორჩილოთ იმ ვალდებულებებს, რაც გააჩნია ევროკავშირს, რაც იმას ნიშნავს, რომ ევროკავშირს უნდა განესაზღვრა საქართველომ ნებისმიერ ქვეყანასთან რა ურთიერთობა დაამყაროს და როგორი ეკონომიკური სარგებელი უნდა მივიღოთ. ყველაზე ცუდ შემთხვევაში, ამის უფლებას მოგვცემდნენ იმ შემთხვევაში, თუ დარჩებოდათ ე.წ. ხურდა.თუკი ქვეყანა არის დამოუკიდებელი, არის სუვერენული სახელმწიფო და დამოუკიდებელი საგარეო პოლიტიკა გააჩნია, მას აქვს ყველაზე დიდი შესაძლებლობა, რომ ეკონომიკური კავშირები დაამყაროს ისე, როგორც მას წარმოუდგენია ქვეყნის ინტერესებისათვის და ქვეყნის განვითარებისათვის. მაგრამ ჩვენ ევროკავშირში ვხედავთ, რომ მისი პოლიტიკა ხშირად არის დაფუძნებული იმაზე, თუ რა უნდა ევროკავშირის ბიუროკრატიას და რა სჭირდება ევროკავშირს. ისინი არ ითვალისწინებენ თუ რა სჭირდება ცალკეულ სახელმწიფოებს“, - აღნიშნა ლევან ნიკოლეიშვილმა.

პოლიტიკა • 1781187720

ლევან ნიკოლეიშვილი: რა შეეხება იმას დასავლეთი როგორ მოიქცევა, ეს მათზე არის დამოკიდებული. ჩვენ ვერაფერს ვერ შევცვლით, გზა არის ხსნილი, ხელი არის გაშვერილი ჩამოსართმევად. უბრალოდ ამ ყველაფერს სჭირდება დასხდომა და გაანალიზება, როგორ უნდა წარიმართოს ურთიერთთანამშრომლობა

რა შეეხება იმას დასავლეთი როგორ მოიქცევა, ეს მათზე არის დამოკიდებული. ჩვენ ვერაფერს ვერ შევცვლით, გზა არის ხსნილი, ხელი არის გაშვერილი ჩამოსართმევად. უბრალოდ ამ ყველაფერს სჭირდება დასხდომა და გაანალიზება, როგორ უნდა წარიმართოს ურთიერთთანამშრომლობა, - განაცხადა გადაცემა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა, ლევან ნიკოლეიშვილმა ევროკავშირსა და საქართველოს შორის ურთიერთობებთან დაკავშირებულ სამომავლო პერსპექტივებზე საუბრისას.მისი თქმით, ევროკავშირმა უნდა შეწყვიტოს საქართველოსთან ულტიმატუმებით და შანტაჟის ენით საუბარი.„ნომერ პირველი ურთიერთთანამშრომლობისთვის გახლავთ თანასწორუფლებიან პირობებში უნდა მიმდინარეობდეს მოლაპარაკებები. არ შეიძლება ქვეყანა იყოს სუვერენული და მას ვიღაც სხვა ქვეყანა უწესებდეს დღის წესრიგს, როგორ მოიქცეს, როგორი პოლიტიკა უნდა აწარმოოს, როგორი ჯარი უნდა ჰყავდეს, როგორი უსაფრთხოება, როგორი ეკონომიკა ეს არის შეუძლებელი. როდესაც შენ შეერთებული შტატები იქნება იქნება, ევროკავშირის ქვეყნები თუ მთლიანად ევროკავშირი გეუბნება, რომ მოიქეცი ისე, როგორც მე მინდა, ჩვენ უნდა გავთვალოთ, გავაანალიზოთ და ჩამოვყალიბდეთ, რომ ჩვენ ისე კი არ უნდა მოვიქცეთ, რომ ეს ვინმეს ინტერესებში იყოს, არამედ მოვიქცეთ ისე, რაც ჩვენს ეროვნულ ინტერესებს შეესაბამება. ამისთვის ქვეყანა უნდა იყოს სუვერენული, დამოუკიდებელი“, - განაცხადა ლევან ნიკოლეიშვილმა.

პოლიტიკა • 1781187312

ლევან ნიკოლეიშვილი: თუნდაც დადგეს შედეგები იმის თაობაზე, რომ ვიზალიბერალიზაცია გაუქმდება საქართველოს მოსახლეობისთვის, დამერწმუნეთ, ეს არ არის ისეთი სახის ტრაგედია, რომ თავში ხელები ვირტყათ

ამ ფარსს უნდა დავანებეთ მხარე და უნდა გავხდეთ ნეიტრალური საქართველო, - განაცხადა გადაცემა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა ევროკავშირთან ურთიერთობებზე საუბრისას. მან აღნიშნა, რომ ბოლო წლებში ვერ იხსენებს ვერცერთ დადებით შემხვედრ ნაბიჯს, რომელიც ევროკავშირმა საქართველოსთან მიმართებაში განახორციელა, ვიზალიბერალიზაციის შესაძლო შეჩერებას კი შანტაჟის მექანიზმად მიიჩნევს.„თუნდაც დადგეს შედეგები იმის თაობაზე, რომ ვიზალიბერალიზაცია გაუქმდება საქართველოს მოსახლეობისთვის, დამერწმუნეთ, ეს არ არის ისეთი სახის ტრაგედია, რომ თავში ხელები ვირტყათ. განსაკუთრებით იმის გათვალისწინებით, თუ რას წარმოადგენს დღევანდელი ევროკავშირი. კარგად უნდა დავფიქრდეთ, ავწონ-დავწონოთ და ვთქვათ ის სიმართლე, რასაც საზოგადოება ელის ჩვენგან - ევროკავშირი არ არის ის ორგანიზაცია, სადაც საქართველო უნდა მიისწრაფოდეს, მიუხედავად იმისა, რომ ეს კონსტიტუციაში ჩაწერილი. აბსოლუტურად უსამართლოა ვიზალიბერალიზაციის საკითხის დაყენება საქართველოსთან მიმართებაში, ვინაიდან ამას აქვს პოლიტიკური კონტექსტი. ტექნიკური საკითხები თუ განიხილება, უნდა წარადგინონ ის, რაც საქართველომ „დააშავა“. ეს არის მათი მხრიდან საქართველოს ხელისუფლების, საქართველოს შანტაჟის ჩვეულებრივი მექანიზმი“, - მიიჩნევს ნიკოლეიშვილი.მან პრემიერ-მინისტრის ყირგიზეთში ვიზიტის მნიშვნელობასაც გაუსვა ხაზი და აღნიშნა, რომ რომელიმე ალიანსში, განსაკუთრებით კი ევროკავშირში გაწევრიანების შემთხვევაში საქართველო შებოჭილი იქნება ქვეყნის ეროვნული ინტერესების სასარგებლო საგარეო პოლიტიკის წარმოებაში, ქვეყნის გადარჩენის გზა კი ნეიტრალიტეტშია, რომელიც მას „თავისუფლად სუნთქვის“ საშუალება ექნება და მას ვერავინ დააშანტაჟებს.

პოლიტიკა • 1779895477

ლევან ნიკოლეიშვილი აშშ-ის პრეზიდენტის მილოცვაზე: აქცენტები და მილოცვები ძალიან კარგია... მთავარია, ეს სულისკვეთება, რომელიც მილოცვებშია გამოხატული, რამდენად გადაიზრდება საქმეში

„ერთიანი ნეიტრალური საქართველოს“ წევრი ლევან ნიკოლეიშვილი „დღის ქრონიკაში" გამოეხმაურა აშშ-ის პრეზიდენტის მილოცვას, სადაც საუბარია მომავალსა და აშშ-საქართველოს ურთიერთობებზე.ნიკოლეიშვილის თქმით, საქართველოს სჭირდება ქმედებები და არა მხოლოდ ტექსტები და მილოცვები.„აქცენტები და მილოცვები ძალიან კარგია, მაგრამ ეს არის ერთგვარი დიპლომატიური ეტიკეტის ნაწილი. მთავარია, რომ ეს სულისკვეთება, რომელიც მილოცვებშია გამოხატული, რამდენად გადაიზრდება საქმეში. გასაგები მიზეზებიდან გამომდინარე ჩვენ სამწუხაროდ, ვხედავთ, რომ მილოცვები გვაქვს, აღიარება გვაქვს, მაგრამ საქმე-საქმეზე როცა მიდგება, მაშინ ვერ ვხედავთ ისეთ ხელშესახებ შედეგებს, რომელიც ჩვენი ეროვნული ინტერესებისთვის არის სასარგებლო. ჩვენ არ უნდა ვიყოთ იმ ეიფორიაში, რომ ამ მილოცვის შედეგად რაღაც სასწაული გადატრიალება მოხდა ქართულ-ამერიკულ ურთიერთობაში. საქართველოს უკვე ჰყავს დანიშნული აშშ-ში ელჩი, რომელიც უკვე შეუდგა მოვალეობის შესრულებას, თუმცა ჩვენ ვერ ვხედავთ ამერიკის ელჩს საქართველოში, რომელიც იქნება სწორედ იმ ხელისუფლების წარმომადგენელი და რომელთანაც შესაძლებელი იქნება კონკრეტიკასა და ქმედით ნაბიჯებზე საუბარი. მილოცვები, ტექსტები ყველაფერი ეს კარგია, მაგრამ თუ ქმედითი ნაბიჯები არ გადაიდგმება, ჩვენ არ უნდა ჩავვარდეთ ისეთ განწყობებში, რომ არიქა ავშენდით და ამერიკელებმა გაგვიღიმეს. ჩვენ ეს გაღიმება არ გვჭირდება. ჩვენ გვჭირდება, რომ მოგვექცნენ როგორც სტრატეგიულ პარტნიორს“,- აღნიშა ნიკოლეიშვილმა.

პოლიტიკა • 1779894120

ლევან ნიკოლეიშვილი: ვიცით, რომ დასავლეთს ვჭირდებით, მაგრამ ეს საჭიროებები ქმედებებში უნდა გადაიზარდოს

თუ საქართველო მიაჩნიათ სტრატეგიულ პარტნიორად, მათ უნდა მიიღონ ისეთი გადაწყვეტილებები, რომლებიც ხელს შეუწყობს ამ ქვეყნების ურთიერთობის გაძლიერებას, - განაცხადა გადაცემა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა საქართველო-ამერიკის ურთიერთობაზე საუბრისას.„ჩვენ ვიცით ჩვენი მდგომარეობა, ვიცით სად ვიმყოფებით სტრატეგიულად, ვიცით გეოგრაფიული მდებარეობა როგორი გაგვაჩნია, ვიცით, რომ დასავლეთს ვჭირდებით, მაგრამ ეს საჭიროებები ქმედებებში უნდა გადაიზარდოს, თორემ დელეგაციები, მილოცვები ძალიან კარგია, მაგრამ ქმედითი შედეგები სჭირდება საქართველოს მოსახლეობას, ხელისუფლებას და მთლიანად ქვეყანას იმისთვის, რომ თუკი აშშ უყურებს საქართველოს ისე, როგორც უნდა უყურებდეს ღირსეულად, მაშინ ეს ყველაფერი უნდა გაძლიერდეს“, - აღნიშნა ლევან ნიკოლეიშვილმა.ამერიკის შეერთებული შტატების პრეზიდენტი დონალდ ტრამპი, საქართველოს პრეზიდენტს დამოუკიდებლობის დღეს ულოცავს. როგორც აშშ-ის პრეზიდენტის მილოცვაშია ნათქვამი, ეს წელი ახალ შესაძლებლობებს იძლევა ამერიკელ და ქართველ ხალხს შორის მეგობრული კავშირების განსაახლებლად და ჩვენი ქვეყნების უსაფრთხოებისა და კეთილდღეობის ხელშეწყობისთვის.

პოლიტიკა • 1777558800

ლევან ნიკოლეიშვილი რადიკალებზე: მათ ქვეყანა არ აინტერესებთ, ქვეყანა რომ აინტერესებდეთ ან პროგრამას დადებდნენ, ან საზოგადოებას რეალურ შეთავაზებას გაუკეთებდნენ. მათთვის მთავარი ამოცანაა, რაც შეიძლება მეტი ფული მიიღონ უცხოეთიდან

მათ ქვეყანა არ აინტერესებთ, ქვეყანა რომ აინტერესებდეთ ან პროგრამას დადებდნენ, ან საზოგადოებას რეალურ შეთავაზებას გაუკეთებდნენ, - განაცხადა გადაცემა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა რადიკალებთან დაკავშირებით.ნიკოლეიშვილის თქმით, რადიკალებისთვის მთავარი ამოცანაა რაც შეიძლება მეტი ფული მიიღონ უცხოეთიდან და ამის საშუალებით არეულობა და დესტაბილიზაცია მოაწყონ ქვეყანაში.„რაც შეეხება პოლიტიკური ველის გასუფთავებას, პოლიტიკური ველი გასუფთავებული უნდა იყოს ზუსტად კრიმინალებისგან, ბანდიტებისგან, რომლებსაც პოლიტიკაში არაფერი ესაქმებათ. კარგად შევხედოთ კიდევ ერთხელ, ვინ არიან ოპოზიციის ლიდერები. თითქმის ვერ მანახებთ ადამიანს, რომელსაც ან კრიმინალური წარსული არ ჰქონდეს, კანონი არ ჰქონდეს დარღვეული საქართველოში, ან ვერ მანახებთ ადამიანს, რომელსაც რაიმე სახის რეიტინგი გააჩნია.რაც შეეხება ახალი ოპოზიციური პარტიების თუ ახალი პარტიების წარმოქმნას, კი ბატონო, თუკი ასეთი მოთხოვნაა საზოგადოებაში, ამას ვერავინ ვერავის დაუშლის, მაგრამ კიდევ ერთხელ, პოლიტიკა დაკომპლექტებული უნდა იყოს პატიოსანი, ქვეყანაზე შეყვარებული ადამიანებით, რომლებიც უყურებენ ქვეყანაში მშვიდობის განვითარებას, სტაბილურობის განვითარებას, ეკონომიკის განვითარებას, უსაფრთხოების განმტკიცებას.შემიძლია ხაზი გავუსვა, ჩვენ ვართ ის პარტია, რომელიც ვფიქრობთ და დამერწმუნეთ, ეს ასე იქნება, მომავალში კიდევ უფრო გაძლიერდება იმ პრინციპით, რომ ეს ქვეყანა უნდა იყოს ისეთი, რომელიც შეესაბამება ერთი მხრივ, ეროვნულ ინტერესებს, მეორე მხრივ საზოგადოების მოთხოვნას.მე როდესაც ვიძახი იმის თაობაზე, რომ ჩვენ უნდა გავხდეთ ნეიტრალური სახელმწიფო, ეს არის საზოგადოების შეკვეთა. ეს ჩვენმა ხალხმა გადაწყვიტა ასე, რომ ნეიტრალიტეტი უფრო სასარგებლოა მისთვის და რის გამოც, გარკვეული საკითხებიდან გამომდინარე პარტიად ჩამოვყალიბდით“, - აღნიშნა მან.

პოლიტიკა • 1777557840

ლევან ნიკოლეიშვილი: დამოუკიდებელი, სუვერენული ქვეყანა ვართ, რომელსაც თავისი ინტერესები აქვს და ყველა უნდა მოეპყროს ისე, როგორც დამოუკიდებელ სახელმწიფოს. არ უნდა იყოს კარნახი, მითითება ისე, როგორც წარმოუდგენიათ

დამოუკიდებელი, სუვერენული ქვეყანა ვართ, რომელსაც თავისი ინტერესები აქვს და ყველა უნდა მოეპყროს ისე, როგორც დამოუკიდებელ სახელმწიფოს. არ უნდა იყოს კარნახი, მითითება ისე, როგორც წარმოუდგენიათ, - განაცხადა „დღის ქრონიკაში“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა.წამყვანმა ჰკითხა, რა იქნება ის დათქმები, რომლითაც ოფიციალური თბილისი და ვაშინგტონი მოლაპარაკების მაგიდას დაუბრუნდებიან.„ვისურვებდით, რომ [აშშ-ის სახელმწიფო დეპარტამენტის წარმომადგენლების] ვიზიტი, რომელიც განხორციელდება აშშ-დან, ორივე ქვეყნისთვის ურთიერთსასარგებლო იყოს. არ შეიძლება რომელიმე ქვეყანას ისე ვუყუროთ, რომ რახან ჩამოდიან, მზის ახალი ამოსვლაა ჩვენთვის. დამოუკიდებელი, სუვერენული ქვეყანა ვართ, რომელსაც თავისი ინტერესები აქვს და ყველა უნდა მოეპყროს ისე, როგორც დამოუკიდებელ სახელმწიფოს. არ უნდა იყოს კარნახი, მითითება ისე, როგორც წარმოუდგენიათ. ვიმედოვნებ, რომ ეს პრინციპი არ დაირღვევა და ქართული და ამერიკული მხარეც იმ სიმტკიცეს გამოიჩენს, რაც დაეხმარება და წაადგება ამ ქვეყნების ურთიერთობას. დაველოდოთ რეალობას, როგორ წარიმართება პროცესები“, - აღნიშნა ნიკოლეიშვილმა.ცნობილი გახდა, რომ საქართველოს მაისში აშშ-ის სახელმწიფო დეპარტამენტის წარმომადგენლები ეწვევიან.

პოლიტიკა • 1777104573

ლევან ნიკოლეიშვილი: ბიძინა ივანიშვილის ქველმოქმედების ეჭვქვეშ დაყენება წარმოადგენს არა უბრალოდ უსინდისო კრიტიკას, არამედ პოლიტიკურად მოტივირებულ და მიკერძოებულ ქმედებას, რომლის უბადრუკი აღმსრულებელი ოპოზიციის და მათი ჟურნალისტების მანტიაში გამოხვეული „უსამშობლო აგენტურაა“

როდესაც ქართულ საზოგადოებრივ-პოლიტიკურ სივრცეში კვლავ დგება მცდელობა, ეჭვქვეშ დადგეს ბიძინა ივანიშვილის ქველმოქმედება, ეს სერიოზულ კითხვებს ბადებს თავად კრიტიკის არსსა და მის მოტივაციებთან დაკავშირებით - ასე ეხმიანება სოციალურ ქსელში, „ერთიანი ნეიტრალური საქართველოს“ წევრი, ლევან ნიკოლეიშვილი „ტვ პირველის“ მიერ გავრცელებულ ინფორმაციას, თითქოს ბიძინა ივანიშვილი, ქველმოქმედების ფონდებიდან პროცენტიან სესხებს გასცემს.მისი თქმით, ბიძინა ივანიშვილის ქველმოქმედების ეჭვქვეშ დაყენება წარმოადგენს არა უბრალოდ უსინდისო კრიტიკას, არამედ პოლიტიკურად მოტივირებულ და მიკერძოებულ ქმედებას, რომლის უბადრუკი აღმსრულებელი ოპოზიციის და მათი ჟურნალისტების მანტიაში გამოხვეული „უსამშობლო აგენტურაა“. „როდესაც ქართულ საზოგადოებრივ-პოლიტიკურ სივრცეში კვლავ დგება მცდელობა, ეჭვქვეშ დადგეს ბიძინა ივანიშვილის ქველმოქმედება, ეს სერიოზულ კითხვებს ბადებს თავად კრიტიკის არსსა და მის მოტივაციებთან დაკავშირებით. ბიძინა ივანიშვილის საქველმოქმედო საქმიანობა წარმოადგენს თვალსაჩინო მაგალითს, რომელიც მოიცავს მრავალმხრივ მხარდაჭერას კულტურული მემკვიდრეობის დაცვის, გარემოსდაცვითი პროექტებისა და სპორტის განვითარების მიმართულებით.აღნიშნული ინიციატივები არაერთ შემთხვევაში დაკავშირებულია კონკრეტულ, დადასტურებად და ხელშესახებ შედეგებთან, რაც მათ საზოგადოებრივ მნიშვნელობას კიდევ უფრო ამყარებს. ამ ფონზე, მისი ქველმოქმედების ეჭვქვეშ დაყენება წარმოადგენს არა უბრალოდ უსინდისო კრიტიკას, არამედ პოლიტიკურად მოტივირებულ და მიკერძოებულ ქმედებას. ამგვარი დისკრედიტაციის მცდელობები ხშირად თანხვედრაში მოდის გარე ინტერესებთან და ქმნის საფუძვლიან ეჭვს, რომ ისინი ემსახურება წინასწარ განსაზღვრულ პოლიტიკურ მიზნებს, რომლის უბადრუკი აღმსრულებელი ოპოზიციის და მათი ჟურნალისტების მანტიაში გამოხვეული „უსამშობლო აგენტურაა“, - წერს ნიკოლეიშვილი.

პოლიტიკა • 1776716062

ჩვენ უნდა შევხედოთ ყველაფერს რეალურად. როცა გვეუბნებიან, რომ ვერ გახდებით ნატოს წევრები, ეს უნდა მივიღოთ რეალობად და ვიფიქროთ იმაზე, მაშინ რა არის გამოსავალი - ლევან ნიკოლეიშვილი

"სწორედ საგარეო პოლიტიკა უნდა დავგეგმოთ ისე, რომ შესაბამისი იყოს თავდაცვის და უსაფრთხოების პოლიტიკა და ჩვენ, როგორც ნეიტრალურმა ქვეყანამ, შევძლოთ ის უსაფრთხოების და თავდაცვის სტრუქტურა ავამუშაოთ ისე, რომ ჩვენი თავის დაცვაც ჩვენვე შევძლოთ", - ამის შესახებ პარტიის "ერთიანი ნეიტრალური საქართველო" რეგიონული მდივანი, ლევან ნიკოლეიშვილი "რუსთავი 2-ის" გადაცემაში "დებატები" საუბრობს.როგორც ლევან ნიკოლეიშვილი ამბობს, როცა საქართველოს ეუბნებიან, რომ ვერ გახდება ნატოს წევრი, ეს უნდა მივიღოთ რეალობად და მოიძებნოს გამოსავალი."უკრაინის მაგალითი შეგვიძლია გავიხსენოთ, როდესაც უკრაინაში ომის დაწყების ერთ-ერთი მიზეზი და არა მთავარი, შესაძლოა გახდა სწორედ ის, რომ უკრაინა მიისწრაფოდა ნატოში ინტეგრაციისკენ. თითქმის ყველამ იცოდა, რომ უკრაინა ნატოს წევრი არ გახდებოდა, მაგრამ მიუხედავად ამისა, მას ეს კლიშე არ ჩამოაშორეს და რაც მოხდა და რაც მიმდინარეობს დღეს უკრაინაში, ხედავთ. მიუხედავად ამისა, დღეს უკრაინას ეუბნებიან, რომ შენ ვერ გახდები ნატოს წევრი და უფრო მეტიც, მას არ აძლევენ არავითარ უსაფრთხოების გარანტიასაც კი. ფაქტიურად, შეტოვებულია რუსეთთან პირისპირ, როდის და როგორ გადაწყდება საკითხი, ეს არავინ არ იცის. კიდევ ერთი საკითხი ნატოსთან მიმართებაში, ჩვენ უნდა შევხედოთ ყველაფერს რეალურად - როცა გვეუბნებიან, რომ თქვენ ვერ გახდებით ნატოს წევრები, ეს უნდა მივიღოთ რეალობად და უნდა ვიფიქროთ იმაზე, მაშინ რა არის გამოსავალი. თუ მეტყვით იმას, რომ ნატო ჩვენ გვინდა იმისათვის, რომ ჩვენ ვიყოთ დაცულები, როგორ ვხდებით დაცულები, როცა ნატოს წევრები ვერ ვხდებით და არ გავხდებით და ამას ღიად გვეუბნებიან და მეორე, ამ პირობებში, როცა თქვენ ნეიტრალიტეტის გაკრიტიკებას ცდილობთ, ვართ ვინმესგან დაცულები? ვინ გვიცავს დღეს, რომ არ ვართ ნატოს წევრები, არ ვართ ნეიტრალურები, მაგრამ ვართ დაცულები თუ არა? გნებავთ რუსეთი იყოს ან სხვა ნებისმიერი სახელმწიფო, თუკი ეს სამწუხაროა, მაშინ საბედნიერო იქნება ის მომენტი, თუ ჩვენ ვიფიქრებთ იმაზე, რა მექანიზმები გვჭირდება იმისათვის, რომ დაცული იყოს ქვეყანა. დაცული რომ იყოს ქვეყანა, ჩვენ უნდა შევიმუშაოთ ჩვენი ეროვნული ინტერესებიდან გამომდინარე. სწორედ საგარეო პოლიტიკა უნდა დავგეგმოთ ისე, რომ შესაბამისი იყოს თავდაცვის და უსაფრთხოების პოლიტიკა და ჩვენ როგორც ნეიტრალურმა ქვეყანამ, შევძლოთ ის უსაფრთხოების და თავდაცვის სტრუქტურა ავამუშაოთ ისე, რომ ჩვენი თავის დაცვაც ჩვენვე შევძლოთ", - აცხადებს ლევან ნიკოლეიშვილი.

პოლიტიკა • 1776175620

ლევან ნიკოლეიშვილი: შემიძლია დარწმუნებით გითხრათ, ძალიან მალე გამოჩნდება, რომ უნგრეთი არ შეიცლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია

შემიძლია დარწმუნებით გითხრათ, ძალიან მალე გამოჩნდება, რომ უნგრეთი არ შეიცლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ რეგიონულმა მდივანმა, ლევან ნიკოლეიშვილმა.ნიკოლეიშვილის თქმით, ევროკავშირს თავისი გაჭირვება ჰყოფნის და ტაშის კვრა იმის გამო, რომ ერთი ლიდერი მეორით შეიცვალა, ეს არაფერს ნიშნავს.„დიდი ხანია უნგრეთს ევროპა აქვს არჩეული. ევროკავშირის და ნატო-ს წევრი ქვეყანაა, საკმაოდ გავლენიანი ქვეყანაა, მათ შორის ევროკავშირში. ვიღაცას თუ ჰგონია ამ ხელისუფლების ცვლილებით მოხდება ისე, რომ ახალი ხელისუფალი ფეხქვეშ გაეგება ან ფონ დერ ლაიენს, ან კალასის ამბიციურ და სრულიად უსუსურ, გაუაზრებელ გეგმებს, ძალიან ცდებიან ამასთან დაკავშირებით.კიდევ ერთხელ, შემიძლია დარწმუნებით გითხრათ, რომ ძალიან მალე გამოჩნდება, უნგრეთი არ შეიცლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია. შესაძლოა ტაქტიკურად ცოტა სხვანაირად წარმოაჩინონ ეს ყველაფერი, განსხვავებით ორბანისგან, მაგრამ რეალობაში მე ასეთ ცვლილებებს არ ველოდები.ევროკავშირს თავისი გაჭირვება ჰყოფნის და ტაშის კვრა იმის გამო, რომ ერთი ლიდერი მეორით შეიცვალა, ეს არაფერს ნიშნავს. გაცილებით უკეთესი იქნება ევროკავშირის ხელმძღვანელობა თუ მიხედავს საკუთარ თავს“, - აღნიშნა მან.

პოლიტიკა • 1776175380

ლევან ნიკოლეიშვილი: ვერ ითვალისწინებენ ვერც შეერთებული შტატები და ვერც ევროპელები იმას, რომ ყველა ქვეყანას აქვს თავისი პირადი ინტერესები და ამ ინტერესების განხორციელება ხდება ამომრჩევლის აზრის გათვალისწინებით

ვერ ითვალისწინებენ ვერც შეერთებული შტატები და ვერც ევროპელები იმას, რომ ყველა ქვეყანას აქვს თავისი პირადი ინტერესები და ამ ინტერესების განხორციელება ხდება ამომრჩევლის აზრის გათვალისწინებით, - განაცხადა „ერთიანი ნეიტრალური საქართველოს“ წევრმა ლევან ნიკოლეიშვილმა „დღის ქრონიკაში“.ნიკოლეიშვილმა უნგრეთის არჩევნებზე ისაუბრა.„ყველაზე მთავარი ალბათ ისაა, რომ უნგრეთში ხელისუფლების ცვლილება არჩევნების გზით მოხდა. არავის იმის იმედი არ უნდა ჰქონდეს, რომ უნგრეთში ისეთი ცვლილება მოხდება, რაც კატასტროფულად შეცვლის რაიმეს თუნდაც ევროკავშირთან მიმართებით. უნგრეთი იმ გზაზე იდგება, რაც მას სწორად მიაჩნია. ამას წინათ ვნახეთ აშშ-ის საგარეო პოლიტიკის კიდევ ერთი შეცდომა, რომ წარმოდგენა ჰქონდათ, თავისი უმაღლეს დონეზე მხარდაჭერით რაღაც გავლენას მოახდენდნენ უნგრელი ამომრჩევლის განწყობაზე.შეერთებულმა შტატებმა სამწუხაროდ მერამდენედ განიცადა ეს ე.წ. კრახი სხვადასხვა ქვეყანასთან მიმართებაში. ვერ ითვალისწინებენ ვერც შეერთებული შტატები და ვერც ევროპელები იმას, რომ ყველა ქვეყანას აქვს თავისი პირადი ინტერესები და ამ ინტერესების განხორციელება ხდება ამომრჩევლის აზრის გათვალისწინებით. კარგი იქნება, თუ ამ მაგალითს ყველა მიყვება, მათ შორის საქართველოსთან მიმართებაში და არ მოხდება ჩარევების რაღაც მცდელობები, რაც ილუზიებს უქმნის ვიღაცებს უცხოეთში, რომ ამ ჩარევებით და გავლენებით შეუძლიათ სუვერენულ სახელმწიფოზე გავლენის მოხდენა“, - აღნიშნა ნიკოლეიშვილმა.